| ᠵᠢᠷᠬᠢᠶᠡ ᠬᠤᠯᠪᠣᠭᠠᠨ ᠤ ᠦᠷᠭᠡᠵᠢᠨ ᠬᠦᠭᠵᠢᠬᠦ ᠶᠢ ᠲᠠᠭᠠᠯᠳᠤᠨ ᠪᠤᠶᠠᠨᠰᠠᠭ ᠰᠡᠳᠬᠢᠯ ᠲᠠᠢ ᠬᠦᠮᠥᠰ ᠵᠢᠷᠬᠢᠶᠡ | ᠬᠤᠯᠪᠤᠭᠠ ᠪᠠᠶᠢᠭᠤᠯᠤᠨ ᠨᠡᠶᠢᠭᠡᠮ ᠨᠠᠶᠢᠳᠠ ᠳᠤ ᠠᠰᠢᠭᠳᠠᠢ᠂ ᠵᠥᠪ ᠡᠨᠧᠷᠭᠢ ᠶᠢ ᠲᠠᠮᠵᠢᠭᠤᠯᠬᠤ ᠠᠵᠢᠯᠯᠠᠭᠠ ᠶᠢ | ᠦᠷᠨᠢᠭᠦᠯᠭᠦ ᠨᠢ ᠣᠯᠠᠰᠢᠷᠠᠯᠠ᠃ 10 ᠰᠠᠷᠠ ᠶᠢᠨ 14 ᠤ ᠡᠳᠤᠷ᠂ ︽ᠨᠢᠩᠵᠢᠨ ᠬᠠᠶᠢᠷᠠ︾ ᠬᠤᠯᠪᠤᠭᠠᠨ ᠤ | ᠭᠡᠰᠢᠭᠦᠳ ᠴᠢᠰᠤᠨ ᠢᠯᠳᠠᠰᠤ ᠰᠢᠩᠭᠡᠷᠡᠭᠦ ᠡᠪᠡᠳᠴᠢᠨ ᠤᠷᠤᠭᠰᠠᠨ ᠪᠢᠴᠢᠬᠠᠨ ᠠᠮᠢᠨᠠ ᠶᠢ ᠲᠠᠮᠵᠢᠨ ᠲᠤᠰᠠᠯᠠᠵᠤ | ᠨᠡᠶᠢᠭᠡᠮ ᠨᠠᠶᠢᠳᠠ ᠶᠢᠨ ᠬᠠᠯᠠᠭᠤᠨ ᠬᠠᠶᠢᠷᠠ ᠶᠢ ᠬᠦᠷᠳᠡᠯᠡ᠃ | ᠡᠵᠡᠨ ᠬᠤᠷᠤᠭᠠ ᠬᠤᠰᠢᠭᠤᠨ ᠤ ᠵᠠᠰᠠᠭ ᠪᠠᠯᠭᠠᠰᠤᠨ ᠤ ᠮᠦᠩᠭᠡᠴᠢ ᠭᠠᠴᠠᠭᠠᠨ ᠤ ᠪᠠᠶᠠᠨᠳᠠᠯᠠᠢ 2007 ᠤᠨ | ᠳᠤ ᠲᠡᠷᠭᠡᠨ ᠠᠳᠡᠯ ᠠᠴᠠ ᠪᠤᠯᠵᠤ ᠨᠢᠭᠡ ᠬᠥᠯ ᠨᠢ ᠵᠡᠮᠳᠡᠭ ᠪᠤᠯᠵᠤ ᠭᠡᠷ ᠤᠨ ᠬᠦᠨᠳᠤ ᠠᠵᠢᠯ ᠬᠢᠭᠦ ᠴᠢᠳᠠᠪᠤᠷᠢ ᠦᠭᠡᠢ | ᠪᠤᠯᠤᠭᠰᠠᠨ ᠪᠠᠶᠢᠨᠠ᠃ ᠭᠠᠢ ᠭᠠᠵᠠᠷ ᠲᠤᠤᠷᠠ ᠠᠴᠠ ᠭᠡᠳᠡᠭᠴᠢᠯᠡᠨ 2015 ᠤᠨ ᠳᠤ ᠠᠮᠢᠨ ᠬᠠᠶᠢᠷᠠᠳᠠᠢ ᠭᠡᠤᠭᠡᠨ | ᠨᠢ ᠴᠢᠰᠤᠨ ᠢᠯᠳᠠᠰᠤ ᠰᠢᠩᠭᠡᠷᠡᠭᠦ ᠡᠪᠡᠳᠴᠢᠨ ᠤᠷᠤᠵᠤ ᠤᠳᠤ ᠪᠤᠯᠲᠠᠯᠠ ᠪᠠᠷᠤᠭ ᠶᠡᠷᠢᠭᠡᠳ ᠲᠦᠮᠡᠨ ᠲᠦᠭᠦᠷᠢᠭ | ᠵᠠᠷᠤᠴᠠᠭᠤᠯᠵᠤ ᠬᠦᠳᠡᠯᠮᠤᠷᠢ ᠬᠥᠴᠦ ᠬᠦᠷᠦᠯᠴᠡᠭᠦ ᠦᠭᠡᠢ ᠪᠠᠶᠢᠭᠰᠠᠨ ᠡᠨᠡ ᠠᠶᠢᠯ ᠤᠨ ᠠᠮᠢᠳᠤᠷᠠᠯ ᠤᠨ ᠲᠠᠷᠤᠭᠠᠰᠤ ᠶᠢ | ᠤᠯᠠᠮ ᠬᠦᠨᠳᠤᠷᠠᠭᠦᠯᠵᠢ᠃ ᠡᠨᠡ ᠪᠠᠶᠢᠳᠠᠯ ᠢ ᠤᠶᠢᠯᠠᠭᠠᠨ ᠮᠡᠳᠡᠭᠰᠡᠨ ︽ᠨᠢᠩᠵᠢᠨ ᠬᠠᠶᠢᠷᠠ︾ ᠬᠤᠯᠪᠤᠭᠠ ᠶᠢᠨ ᠬᠢᠨ | ᠬᠤᠷᠠᠮᠳᠤᠭᠤᠯᠵᠤ ᠴᠤᠭᠯᠠᠭᠤᠯᠤᠭᠰᠠᠨ 2000 ᠲᠦᠭᠦᠷᠢᠭ ᠢᠶᠠᠷ ᠡᠳᠡᠨ ᠤ ᠬᠢ ᠶᠢ ᠲᠠᠮᠵᠢᠨ ᠲᠤᠰᠠᠯᠠᠵᠤ᠂ ᠪᠢᠴᠢᠬᠠᠨ | ᠠᠮᠢᠨᠠ ᠭᠡᠤᠭᠡᠨ ᠤ ᠡᠷᠲᠡ ᠨᠢᠭᠡᠨ ᠡᠳᠤᠷ ᠡᠷᠡᠭᠦᠯᠵᠢᠭᠦ ᠶᠢ ᠬᠦᠰᠡᠭᠰᠡᠨ ᠪᠠᠶᠢᠨᠠ᠃ | ︽ᠨᠢᠩᠵᠢᠨ ᠬᠠᠶᠢᠷᠠ︾ ᠬᠤᠯᠪᠤᠭᠠ 2017 ᠤᠨ ᠳᠤ ᠪᠠᠶᠢᠭᠤᠯᠤᠭᠳᠠᠬᠤ ᠳᠤ ᠪᠠᠨ 9 ᠬᠦᠮᠦᠨ ᠲᠠᠢ | ᠪᠠᠶᠢᠵᠤ᠂ ᠰᠡᠭᠦᠯᠡᠷ ᠤᠯᠠᠨ ᠤᠳᠠᠭᠠᠨ ᠤ ᠪᠤᠶᠠᠨ ᠤ ᠠᠵᠢᠯᠯᠠᠭᠠ ᠪᠠᠷ ᠲᠠᠮᠵᠢᠭᠠᠳ ᠤᠳᠤ ᠪᠤᠯᠬᠤ ᠳᠤ ᠬᠤᠷᠢᠨ | ᠭᠡᠳᠤᠨ ᠬᠦᠮᠦᠨ ᠪᠤᠯᠤᠨ ᠪᠤᠵᠠᠭᠠᠶᠢᠷᠠᠭᠰᠠᠨ ᠪᠠᠶᠢᠨᠠ᠃ ︽ᠨᠢᠩᠵᠢᠨ ᠬᠠᠶᠢᠷᠠ︾ ᠬᠤᠯᠪᠤᠭᠠ ᠪᠤᠯ ᠤᠷᠳᠤᠰ ᠤᠨ | ᠡᠯᠡ ᠬᠤᠰᠢᠭᠤᠨ ᠤ ᠰᠠᠶᠢᠨ ᠲᠤᠷᠠᠴᠤᠳ ᠢᠶᠠᠷ ᠪᠦᠷᠢᠯᠳᠥᠭᠰᠡᠨ ᠪᠤᠶᠠᠨ ᠤ ᠠᠵᠢᠯᠯᠠᠭᠠ ᠬᠢᠳᠡᠭ ᠬᠤᠯᠪᠣᠭᠠ ᠪᠤᠯᠤᠨᠠ᠃ | ᠬᠤᠯᠪᠤᠭᠠ ᠪᠠᠶᠢᠭᠤᠯᠣᠭᠳᠠᠭᠠᠳ ᠵᠢᠯ ᠭᠠᠷᠤᠢ ᠶᠢᠨ ᠬᠤᠭᠤᠴᠠᠭᠠᠨ ᠳᠤ ᠬᠠᠩᠬᠢᠨ᠂ ᠤᠳᠤᠭ᠂ ᠦᠤᠰᠢᠨ ᠵᠡᠷᠭᠡ | ᠭᠠᠵᠠᠷ ᠤᠨ ᠶᠠᠳᠠᠭᠤ ᠬᠦᠴᠢᠷᠳᠡᠯᠳᠡᠢ ᠵᠢᠷᠭᠤᠭᠠᠨ ᠡᠷᠤᠭᠡ ᠶᠢ ᠲᠡᠮᠵᠢᠨ ᠲᠤᠰᠠᠯᠠᠭᠰᠠᠨ ᠪᠠᠶᠢᠨᠠ᠃ | ︽ᠨᠢᠩᠵᠢᠨ ᠬᠠᠶᠢᠷᠠ︾ ᠬᠤᠯᠪᠤᠭᠠᠨ ᠤ ᠠᠬᠠᠯᠠᠭᠴᠢ ᠰᠤᠳᠣᠪᠢᠯᠢᠭ᠌᠄ ︽ᠮᠠᠨ ᠤ ᠬᠤᠯᠪᠤᠭᠠ ᠶᠢᠨ ᠭᠡᠰᠢᠭᠦᠳ | ᠰᠠᠶᠢᠨ ᠲᠤᠷᠠ ᠠᠴᠠ ᠰᠠᠷᠠ ᠪᠦᠷᠢ 30 ᠲᠦᠭᠦᠷᠢᠭ ᠲᠤᠰᠢᠶᠠᠳᠠᠭ᠂ ᠮᠠᠨ ᠤ ᠬᠢᠨ ᠲᠤᠰᠬᠠᠢ ᠵᠤᠭᠤᠰ ᠬᠤᠷᠢᠶᠠᠳᠠᠭ | ᠬᠦᠮᠦᠨ ᠲᠠᠢ᠂ ᠡᠨᠡ ᠵᠤᠭᠤᠰ ᠢᠶᠠᠨ ᠬᠤᠷᠢᠶᠠᠵᠤ ᠪᠠᠶᠢᠭᠠᠳ ᠬᠦᠴᠢᠷᠳᠡᠯᠳᠠᠢ ᠠᠶᠢᠯ ᠡᠷᠤᠭᠡ ᠲᠠᠭᠠᠷᠠᠪᠠᠯ ᠡᠨᠡ ᠵᠤᠭᠤᠰ | ᠢᠶᠠᠷ ᠢᠶᠠᠨ ᠲᠤᠰᠠᠯᠠᠳᠠᠭ᠃ ᠲᠠᠷᠠᠭᠠᠴᠢ ᠢᠶᠠᠷ ᠪᠢᠳᠠ ᠠᠶᠢᠯ ᠳᠤ ᠠᠵᠢᠯ ᠬᠢᠵᠦ ᠦᠭᠭᠦ᠂ ᠮᠡᠷᠭᠡᠵᠢᠯ ᠤᠨ ᠲᠠᠯᠠ ᠪᠠᠷ | ᠵᠢᠯᠤᠭᠤᠳᠤᠯᠭᠠ ᠬᠠᠪᠰᠤᠷᠤᠯᠭᠠ ᠦᠵᠡᠭᠦᠯᠬᠦ᠂ ᠮᠤᠳᠣ ᠲᠠᠷᠢᠬᠤ ᠮᠡᠲᠤ ᠶᠢᠨ ᠠᠵᠢᠯᠯᠠᠭᠠ ᠨᠤᠭᠤᠳ ᠢ ᠦᠷᠨᠢᠭᠦᠯᠤᠶᠡ | ᠭᠡᠵᠤ ᠪᠤᠳᠤᠵᠤ ᠪᠠᠶᠢᠨᠠ︾ ᠭᠡᠯᠡ᠃ | |