| | | ᠦᠦᠰᠢᠨ ᠬᠤᠰᠢᠭᠤᠨ ᠤ ᠰᠦᠯᠳᠡ ᠰᠤᠮᠤᠨ ᠳᠤ ᠲᠡᠭᠷᠢ ᠬᠦᠢᠳᠡᠷᠡᠨ ᠰᠠᠯᠬᠢ ᠬᠦᠳᠡᠯᠵᠦ ᠡᠬᠢᠯᠡᠭᠰᠡᠨ ᠨᠢ ᠡᠪᠦᠯ | ᠪᠤᠯᠤᠬᠰᠠᠨ ᠤ ᠰᠢᠨᠵᠢ᠃ 11 ᠰᠠᠷᠠ ᠶᠢᠨ 15 ᠤ ᠦᠳᠡ ᠶᠢᠨ ᠬᠤᠶᠢᠨᠠ᠂ ᠰᠦᠯᠳᠡ ᠰᠤᠮᠤᠨ ᠳᠤ ᠴᠤᠬᠯᠠᠭᠠ | ᠮᠠᠶᠢᠮᠠᠢ ᠪᠤᠯᠵᠤ᠂ ᠲᠡᠷᠬᠡ ᠤᠨᠤᠭᠠ ᠢᠪᠴᠤᠤ ᠴᠢᠬᠤᠯ ᠵᠡᠬᠡᠯᠢ ᠪᠠᠷ ᠪᠠᠭᠳᠠᠵᠤ ᠶᠠᠳᠠᠨ ᠵᠦᠷᠢᠯᠳᠦᠨᠠ᠃ ᠬᠠᠷᠢᠨ | ᠵᠠᠮ ᠤᠨ ᠬᠠᠵᠠᠭᠤ ᠳᠠᠬᠢ ︽ᠤᠯᠠᠭᠠᠠᠮᠦ᠋ᠴᠢᠷ︾ ᠬᠡᠰᠡᠨ ᠭᠤᠶᠤᠬᠠᠨ ᠦᠰᠦᠭ ᠲᠠᠢ ᠲᠤᠮᠤ ᠮᠠᠰᠢᠨ ᠤ ᠲᠡᠷᠬᠡᠳᠡ | ᠤᠯᠠᠭᠠᠠᠮᠦ᠋ᠴᠢᠷ ᠤᠨ ᠭᠡᠰᠢᠬᠦᠳ ᠮᠠᠰᠢᠨ ᠲᠦᠬᠦᠬᠡᠷᠦᠮᠵᠢ ᠪᠠᠨ ᠤᠬᠰᠠᠷᠠᠭᠠᠳ ᠶᠠᠭᠠᠷᠠᠯᠳᠤᠨᠠ᠃ ᠵᠡᠬᠡᠯᠢ ᠨᠢᠭᠤᠷᠯᠠᠬᠰᠠᠨ | ᠲᠡᠯᠬᠡᠬᠦᠷ ᠤᠨ ᠡᠬᠦᠳᠡᠨ ᠳᠤ᠂ ︽ᠤᠷᠳᠤᠰ ᠮᠢᠨᠤ ᠨᠤᠳᠤᠬ᠂ ᠰᠠᠬᠢᠨ ᠪᠠᠷᠠᠯᠠᠵᠤ ᠬᠠᠷᠢᠯᠴᠠᠨ ᠬᠠᠪᠰᠤᠷᠤᠯᠴᠠᠬᠰᠠᠨ | ᠰᠠᠶᠢᠬᠠᠨ ᠬᠡᠷ ᠤᠷᠤᠨ — ᠶᠡᠷᠦᠩᠬᠡᠢ ᠱᠦᠵᠢ ᠰᠢ ᠶᠢᠨ ᠫᠢᠩ ᠤᠨ ᠤᠯᠠᠭᠠᠠᠮᠦ᠋ᠴᠢᠷ ᠲᠤ ᠬᠠᠷᠢᠭᠤ ᠵᠠᠬᠢᠳᠠᠯ ᠤᠨ | ᠨᠢᠬᠡ ᠵᠢᠯ ᠤᠨ ᠤᠢ ᠶᠢᠨ ᠠᠵᠢᠯᠯᠠᠭᠠ︾᠂ ︽ᠦᠦᠰᠢᠨ ᠬᠤᠰᠢᠭᠤᠨ ᠤ ︿ᠤᠯᠠᠭᠠᠠᠮᠦ᠋ᠴᠢᠷ ᠤᠨ ᠵᠤᠷᠢᠬ ᠰᠠᠨᠠᠭᠠ ᠶᠢ | ᠪᠠᠳᠠᠷᠠᠭᠤᠯᠵᠤ ᠠᠷᠠᠳ ᠲᠦᠮᠡᠨ ᠤ ᠲᠤᠮᠳᠠ ᠤᠴᠢᠬᠤ﹀ ᠦᠨᠳᠦᠰᠦᠨ ᠱᠠᠳᠤᠨ ᠤ ᠶᠡᠷᠦᠩᠬᠡᠶᠢᠯᠡᠭᠰᠡᠨ | ᠦᠢᠯᠡᠴᠢᠯᠡᠬᠡᠨ ᠤ ᠠᠵᠢᠯᠯᠠᠭᠠ︾ ᠵᠡᠷᠬᠡ ᠬᠡᠳᠦᠨ ᠬᠤᠷᠴᠠ ᠤᠯᠠᠭᠠᠨ ᠦᠩᠬᠡ ᠲᠠᠢ ᠬᠦᠨᠳᠡᠯᠡᠨ ᠪᠢᠴᠢᠬᠡᠰᠦ ᠡᠯᠬᠦᠵᠡᠢ᠃ | ᠦᠳᠡ ᠶᠢᠨ ᠬᠤᠶᠢᠨᠠᠬᠢ 3᠄ 00 ᠴᠠᠬ ᠲᠤ᠂ ︽ᠨᠠᠶᠢᠷ︾ ᠬᠡᠬᠦ ᠲᠠᠭᠤᠤ ᠪᠦᠵᠢᠭ ᠢᠶᠠᠷ ᠲᠤᠬᠯᠠᠯᠳᠠ | ᠬᠦᠰᠢᠬᠡ ᠪᠠᠨ ᠢᠷᠠᠯᠠ᠃ ᠪᠦᠵᠢᠭᠴᠢᠳ ᠠᠶᠠᠭᠠᠨ ᠪᠦᠵᠢᠭ ᠪᠦᠵᠢᠭᠯᠡᠵᠦ ᠡᠬᠢᠯᠡᠬᠦ ᠳᠤ᠂ ᠵᠠᠮ ᠤᠨ ᠨᠦᠬᠦᠬᠡ | ᠲᠠᠯᠠ ᠳᠤ᠂ ᠦᠦᠰᠢᠨ ᠬᠤᠰᠢᠭᠤᠨ ᠤ ᠲᠠᠷᠢᠶᠠᠯᠠᠩ ᠮᠠᠯ ᠠᠵᠤ ᠠᠬᠤᠢ ᠶᠢᠨ ᠲᠤᠪᠴᠢᠶᠠ᠂ ᠦᠦᠰᠢᠨ ᠮᠦᠽᠸᠢ᠂ | ᠦᠦᠰᠢᠨ ᠬᠤᠰᠢᠭᠤᠨ ᠤ ᠪᠤᠳᠠᠰ ᠤᠨ ᠪᠤᠰᠤ ᠰᠤᠶᠤᠯ ᠤᠨ ᠦᠪ ᠤᠨ ᠬᠠᠮᠠᠭᠠᠯᠠᠯᠳᠠ ᠶᠢᠨ ᠲᠦᠪ᠂ ᠦᠦᠰᠢᠨ | ᠬᠤᠰᠢᠭᠤᠨ ᠤ ᠤᠢ ᠰᠢᠭᠤᠢ ᠶᠢᠨ ᠲᠤᠪᠴᠢᠶᠠ ᠶᠢᠨ ᠬᠢᠨ ᠰᠢᠷᠡᠭᠡ ᠲᠡᠯᠬᠡᠨ ᠲᠠᠯᠪᠢᠵᠤ᠂ ᠪᠤᠳᠠᠰ ᠤᠨ ᠪᠤᠰᠤ | ᠰᠤᠶᠤᠯ ᠤᠨ ᠦᠪ ᠤᠨ ᠮᠡᠳᠡᠯᠬᠡ ᠶᠢᠨ ᠭᠠᠷ ᠲᠡᠪᠳᠡᠷ᠂ ᠬᠠᠷᠠ ᠪᠦᠯᠦᠭᠳᠡᠨ ᠬᠠᠷᠬᠢᠰ ᠬᠦᠴᠦᠨ ᠢ ᠠᠷᠢᠯᠭᠠᠬᠤ ᠲᠤᠬᠠᠢ | ᠤᠬᠠᠭᠤᠯᠭᠠ ᠶᠢᠨ ᠬᠠᠭᠤᠳᠠᠰᠤ ᠵᠡᠷᠬᠡ ᠶᠢ ᠬᠦᠮᠦᠰ ᠲᠤ ᠲᠠᠷᠬᠠᠭᠠᠨ ᠶᠠᠭᠠᠷᠠᠯᠳᠤᠨᠠ᠃ ᠬᠦᠭᠵᠢᠮᠴᠢᠨ ᠠᠯᠳᠠᠠᠪᠤᠯᠠᠬ | ᠰᠤᠷᠪᠤᠯᠵᠢᠯᠠᠭᠠ ᠬᠦᠯᠢᠶᠡᠬᠦ ᠳᠡᠭᠡᠨ᠄ ︽ᠡᠪᠦᠯ ᠤᠨ ᠬᠦᠢᠳᠡᠨ ᠳᠤ ᠭᠠᠳᠠᠨᠠ ᠶᠠᠩᠴᠢᠨ ᠬᠦᠭᠵᠢᠮᠳᠡᠬᠡᠳ ᠭᠠᠷ ᠵᠢᠭᠠᠬᠠᠨ | ᠪᠡᠬᠡᠷᠡᠵᠦ ᠪᠠᠶᠢᠬᠰᠠᠨ ᠴᠤ ᠤᠷᠮᠠᠳᠠᠢ ᠰᠤᠨᠢᠷᠬᠠᠵᠤ ᠵᠤᠬᠰᠤᠭᠠ ᠦᠵᠡᠭᠴᠢᠳ ᠢᠶᠠᠨ ᠬᠠᠷᠠᠭᠠᠳ ᠲᠠᠭᠠᠷᠠᠵᠤ | ᠪᠡᠬᠡᠷᠡᠬᠦ ᠪᠠᠨ ᠮᠠᠷᠳᠠᠴᠢᠬᠠᠯᠠ᠃ ᠪᠢ ᠨᠢᠬᠡ ᠵᠢᠯ ᠤᠨ ᠲᠤᠷᠰᠢ 100 ᠭᠠᠷᠤᠢ ᠤᠳᠠᠭᠠ ᠬᠦᠳᠡᠭᠡ ᠨᠤᠳᠤᠬ ᠢᠶᠠᠷ | ᠲᠤᠬᠯᠠᠯᠳᠠ ᠭᠠᠷᠭᠠᠵᠤ᠂ ᠭᠤᠤᠯᠳᠠᠭᠤ ᠶᠠᠩᠴᠢᠨ ᠬᠦᠭᠵᠢᠮᠳᠡᠵᠦ᠂ ᠵᠠᠷᠢᠮ ᠳᠠᠭᠠᠨ ᠵᠦᠴᠦᠬᠡ ᠶᠢᠨ ᠲᠦᠷᠢ ᠶᠢ | ᠲᠤᠬᠯᠠᠵᠤ ᠶᠠᠪᠤᠯᠠ᠃ ᠨᠤᠳᠤᠬ ᠤᠨ ᠠᠬᠠᠰ ᠵᠠᠬᠠᠰ ᠲᠠᠭᠠᠨ ᠦᠦᠰᠢᠨ ᠨᠤᠳᠤᠬ ᠤᠨ ᠢᠶᠠᠨ ᠲᠠᠭᠤᠤ ᠬᠦᠭᠵᠢᠮ ᠢᠶᠠᠨ | ᠰᠤᠨᠢᠷᠬᠠᠭᠤᠯᠵᠤ᠂ ᠠᠷᠠᠳ ᠤᠨ ᠤᠷᠠᠯᠢᠬ ᠢᠶᠠᠨ ᠤᠯᠠᠮᠵᠢᠯᠠᠨ ᠪᠠᠳᠠᠷᠠᠭᠤᠯᠵᠤ ᠶᠠᠪᠤᠬᠤ ᠳᠤ ᠰᠡᠳᠬᠢᠯ ᠤᠷᠮᠠᠳᠠᠢ ᠪᠠᠶᠢᠨᠠ | ︾ ᠬᠡᠵᠦ ᠶᠠᠷᠢᠨᠠ᠃ | ︽ᠲᠠᠯᠠ ᠨᠤᠳᠤᠬ ᠤᠨ ᠬᠠᠪᠤᠷ︾᠂ ︽ᠮᠤᠨᠢ ᠠᠭᠤᠯᠠ︾ ᠵᠡᠷᠬᠡ ᠲᠤᠬᠯᠠᠯᠳᠠ ᠬᠤᠷᠠᠬᠰᠠᠨ ᠤᠯᠠᠨ ᠤ | ᠰᠡᠳᠬᠢᠯ ᠢ ᠪᠠᠶᠠᠰᠬᠠᠨᠠ᠃ ᠲᠠᠭᠤᠨ ᠲᠤᠮᠤᠷᠠᠭᠤᠯᠤᠬᠴᠢ ᠵᠡᠷᠬᠡ ᠮᠠᠰᠢᠨ ᠲᠦᠬᠦᠬᠡᠷᠦᠮᠵᠢ ᠶᠢ ᠲᠤᠬᠢᠷᠠᠭᠤᠯᠤᠭᠠᠳ | ᠶᠠᠭᠠᠷᠠᠵᠤ ᠰᠠᠭᠤᠭᠠ ᠬᠠᠶᠢᠷᠬᠠᠨ᠄ ︽ᠮᠢᠺᠷᠤᠹᠤᠨ ᠤ ᠤᠳᠠᠰᠤ ᠨᠢ ᠬᠦᠯᠳᠡᠴᠢᠬᠡᠯᠡ᠂ ᠭᠠᠳᠠᠨᠠ ᠲᠡᠩᠳᠡᠬᠦᠦ ᠬᠦᠢᠳᠡᠨ | ᠪᠠᠶᠢᠨᠠ︾ ᠬᠡᠰᠡᠨ ᠢᠶᠠᠨ᠂ ᠬᠠᠮᠳᠤ ᠠᠵᠢᠯᠯᠠᠬᠴᠢ ᠲᠠᠢ ᠪᠠᠨ ᠨᠢᠬᠡᠨ ᠵᠡᠷᠬᠡ ᠤᠷᠤᠯᠳᠤᠵᠤ ᠪᠠᠶᠢᠭᠠᠳ ᠲᠦᠩᠬᠡᠵᠢ | ᠵᠠᠰᠠᠯᠠ᠃ ᠡᠪᠦᠯ ᠤᠨ ᠡᠬᠢᠨ ᠤ ᠵᠢᠬᠡᠬᠦᠨ ᠰᠠᠯᠬᠢ ᠱᠤᠤᠬᠢᠵᠤ ᠪᠠᠶᠢᠬᠰᠠᠨ ᠴᠤ᠂ ᠤᠯᠠᠭᠠᠠᠮᠦ᠋ᠴᠢᠷ ᠤᠨ | ᠲᠤᠬᠯᠠᠬᠴᠢᠳ ᠤᠨ ᠤᠷᠮᠠ ᠵᠤᠷᠢᠬ ᠢ ᠬᠤᠭᠤᠯᠵᠤ ᠴᠢᠳᠠᠬᠰᠠᠨ ᠦᠬᠡᠢ᠃ ᠲᠤᠬᠯᠠᠬᠴᠢᠳ ᠤᠷᠠᠨ ᠪᠦᠵᠢᠭ ᠤᠶᠠᠩᠭᠠ | ᠲᠠᠭᠤᠤ ᠪᠠᠷ ᠢᠶᠠᠨ ᠦᠵᠡᠭᠴᠢᠳ ᠤᠨ ᠰᠡᠳᠬᠢᠯ ᠢ ᠪᠦᠯᠢᠶᠡᠴᠡᠬᠦᠯᠦᠨᠡ᠃ ᠤᠬᠠᠭᠤᠯᠭᠠ ᠶᠢᠨ ᠬᠠᠭᠤᠳᠠᠰᠤ | ᠰᠤᠭᠤᠪᠴᠢᠯᠠᠵᠤ᠂ ᠲᠤᠬᠯᠠᠯᠳᠠ ᠶᠢ ᠠᠮᠳᠠᠷᠬᠠᠨ ᠰᠤᠨᠢᠷᠬᠠᠵᠤ ᠵᠤᠬᠰᠤᠭᠠ ᠰᠦᠯᠳᠡ ᠰᠤᠮᠤᠨ ᠤ ᠪᠤᠷᠤ ᠬᠦᠳᠡᠭᠡ | ᠭᠠᠴᠠᠭᠠ ᠶᠢᠨ ᠮᠠᠯᠴᠢᠨ ᠨᠤᠮᠤᠨᠳᠠᠯᠠᠢ᠄ ︽ᠭᠠᠴᠠᠭᠠ ᠠᠴᠠ ᠰᠤᠮᠤᠨ ᠲᠡᠭᠡᠷᠡ ᠤᠯᠠᠭᠠᠠᠮᠦ᠋ᠴᠢᠷ ᠤᠨ ᠲᠤᠬᠯᠠᠯᠳᠠ ᠲᠠᠢ | ᠬᠡᠵᠦ ᠵᠠᠷ ᠲᠠᠷᠬᠠᠭᠠᠬᠰᠠᠨ ᠳᠤ᠂ ᠪᠢ ᠲᠤᠬᠯᠠᠯᠳᠠ ᠦᠵᠡᠬᠦ ᠲᠤᠷᠠᠳᠠᠢ ᠪᠤᠯᠬᠤᠷ ᠬᠦᠷᠦᠬᠡᠳ ᠢᠷᠡᠭᠰᠡᠨ᠃ ᠲᠡᠭᠷᠢ | ᠬᠦᠢᠳᠡᠨ ᠪᠠᠶᠢᠬᠰᠠᠨ ᠴᠤ ᠤᠯᠠᠭᠠᠠᠮᠦ᠋ᠴᠢᠷ ᠤᠨ ᠲᠤᠬᠯᠠᠬᠴᠢᠳ ᠶᠤᠰᠤᠳᠠᠢ ᠦᠨᠡᠨ ᠰᠡᠳᠬᠢᠯᠬᠡ ᠠᠴᠠ ᠪᠠᠨ ᠰᠠᠶᠢᠬᠠᠨ | ᠲᠤᠬᠯᠠᠵᠤ ᠪᠠᠶᠢᠨᠠ᠂ ᠰᠠᠶ᠋ᠢ ᠶᠢᠨ ᠲᠦᠷᠪᠡᠨ ᠵᠠᠯᠠᠭᠤ ︿ᠤᠯᠠᠭᠠᠠᠮᠦ᠋ᠴᠢᠷ ᠤᠨ ᠲᠠᠭᠤᠯᠠᠯ﹀ ᠬᠡᠰᠡᠨ ᠲᠠᠭᠤᠤ ᠶᠢ | ᠶᠤᠰᠤᠳᠠᠢ ᠭᠤᠶᠤ ᠲᠠᠭᠤᠯᠠᠯᠠ᠂ ᠤᠯᠠᠭᠠᠠᠮᠦ᠋ᠴᠢᠷ ᠤᠨ ᠬᠢᠨ ᠮᠠᠯᠵᠢᠬᠤ ᠤᠷᠤᠨ ᠳᠤ ᠢᠷᠡᠵᠦ ᠲᠤᠬᠯᠠᠯᠳᠠ ᠭᠠᠷᠭᠠᠵᠤ᠂ | ᠨᠠᠮ ᠤᠨ ᠲᠦᠷᠦ ᠶᠢᠨ ᠪᠤᠳᠤᠯᠭᠠ ᠶᠢ ᠤᠬᠠᠭᠤᠯᠤᠬᠰᠠᠨ ᠳᠤ ᠪᠠᠶᠠᠷᠯᠠᠵᠦ ᠪᠠᠶᠢᠨᠠ︾ ᠬᠡᠵᠦ ᠶᠠᠷᠢᠨᠠ᠃ ︽ | ᠤᠷᠳᠤᠰ ᠤᠨ ᠦᠨᠳᠦᠷᠯᠢᠭ︾᠂ ︽ᠮᠢᠨᠤ ᠦᠦᠰᠢᠨ︾ ᠵᠡᠷᠬᠡ ᠲᠠᠭᠤᠤ ᠪᠦᠵᠢᠭ ᠦᠷᠬᠦᠯᠵᠢᠯᠡᠵᠦ᠂ ᠤᠳᠠᠵᠤ | ᠲᠦᠳᠡᠯ ᠦᠬᠡᠢ ᠲᠤᠬᠯᠠᠯᠳᠠ ᠦᠨᠳᠦᠷᠯᠡᠪᠡ᠃ | ᠥᠣᠰᠢᠨ ᠬᠤᠰᠢᠭᠤᠨ ᠤ ᠣᠯᠠᠭᠠᠨᠮᠦ᠋ᠴᠢᠷ 1960 ᠣᠨ ᠳᠤ ᠪᠠᠶᠢᠭᠤᠯᠤᠬᠳᠠᠵᠦ᠂ ᠤᠳᠤ ᠨᠢᠬᠡᠨᠳᠡ 1032 | ᠲᠡᠭᠰᠢ ᠳᠥᠷᠪᠡᠯᠵᠢᠨ ᠮᠧᠲᠷ ᠤᠨ ᠲᠠᠯᠠᠪᠡᠢ ᠪᠥᠬᠦᠢ ᠠᠵᠢᠯᠯᠠᠭᠠᠨ ᠤ ᠲᠠᠯᠠᠪᠣᠷ ᠲᠠᠢ᠂ ᠬᠤᠪᠴᠠᠰᠣ ᠵᠠᠰᠠᠯ᠂ ᠣᠳᠣ | ᠥᠶᠠ ᠶᠢᠨ ᠳ᠋ᠧᠩ ᠬᠡᠷᠡᠯᠳᠥᠬᠦᠯᠬᠡ᠂ ᠲᠠᠭᠤᠨ ᠲᠣᠮᠣᠷᠠᠭᠤᠯᠣᠬᠴᠢ᠂ ᠭᠥᠭᠵᠢᠮ ᠤᠨ ᠪᠠᠭᠠᠵᠢ ᠵᠡᠷᠬᠡ ᠶᠢ | ᠪᠥᠷᠢᠳᠥᠬᠦᠯᠥᠭᠰᠡᠨ᠂ ᠲᠤᠬᠯᠠᠬᠴᠢᠳ ᠤᠨ ᠲᠤᠮᠳᠠᠴᠢ ᠨᠠᠰᠤ ᠨᠢ 26 ᠪᠤᠯᠤᠬᠰᠠᠨ ᠨᠠᠷᠬᠢᠮᠠ ᠵᠠᠯᠠᠭᠤ ᠤᠷᠠᠯᠢᠬ ᠤᠨ | ᠡᠩᠨᠡᠭᠡ ᠪᠤᠯᠤᠬᠰᠠᠨ ᠪᠠᠶᠢᠨᠠ᠃ | ᠤᠯᠠᠭᠠᠠᠮᠦ᠋ᠴᠢᠷ ᠤᠨ ᠲᠠᠷᠤᠭᠠ ᠰᠡᠷᠡᠩ᠄ ︽ᠶᠡᠷᠦᠩᠬᠡᠢ ᠱᠦᠵᠢ ᠰᠢ ᠶᠢᠨ ᠫᠢᠩ ᠬᠠᠷᠢᠭᠤ ᠵᠠᠬᠢᠳᠠᠯ | ᠢᠷᠡᠬᠦᠯᠦᠭᠰᠡᠨ ᠠᠴᠠ ᠨᠠᠭᠠᠰᠢᠬᠢ ᠨᠢᠬᠡ ᠵᠢᠯ ᠤᠨ ᠲᠤᠷᠰᠢ᠂ ᠮᠠᠨ ᠤ ᠤᠯᠠᠭᠠᠠᠮᠦ᠋ᠴᠢᠷ ᠮᠠᠰᠢ ᠶᠡᠭᠡ ᠬᠤᠪᠢᠷᠠᠯᠳᠠ ᠲᠠᠢ | ᠪᠤᠯᠵᠠᠢ᠃ ᠡᠩᠨᠡᠬᠡᠨ ᠤ ᠪᠠᠶᠢᠭᠤᠯᠤᠯᠳᠠ ᠶᠢᠨ ᠲᠠᠯᠠ ᠪᠠᠷ᠂ ᠪᠢᠳᠡ ᠨᠢᠭᠡᠨᠳᠡ 50 ᠰᠢᠬᠠᠮ ᠲᠤᠬᠯᠠᠬᠴᠢ ᠪᠠ | ᠠᠵᠢᠯᠳᠠᠨ ᠲᠠᠢ ᠪᠤᠯᠤᠬᠰᠠᠨ ᠪᠦᠭᠡᠳ ᠲᠡᠭᠡᠳᠤ ᠱᠠᠳᠤᠨ ᠠᠴᠠ ᠬᠤᠶᠠᠷ ᠮᠠᠰᠢᠨ ᠲᠡᠷᠭᠡ ᠦᠭᠴᠤ ᠲᠤᠬᠯᠠᠯᠳᠠ | ᠭᠠᠷᠭᠠᠬᠤ ᠳᠤ ᠲᠦᠬᠦᠮ ᠦᠵᠡᠭᠦᠯᠪᠡ᠃ ᠵᠤᠬᠢᠶᠠᠨ ᠪᠦᠳᠦᠬᠡᠯᠬᠡ ᠶᠢᠨ ᠲᠠᠯᠠ ᠪᠠᠷ᠂ ︽ᠤᠯᠠᠭᠠᠠᠮᠦ᠋ᠴᠢᠷ ᠤᠨ ᠲᠠᠭᠤᠯᠠᠯ | ︾ ᠵᠡᠷᠬᠡ ᠠᠷᠪᠠᠨ ᠬᠡᠳᠦᠨ ᠰᠢᠨᠠ ᠪᠦᠳᠦᠬᠡᠯ ᠵᠤᠬᠢᠶᠠᠨ ᠪᠦᠳᠦᠬᠡᠵᠡᠢ᠃ ᠪᠢᠳᠡ ᠠᠷᠠᠳ ᠲᠦᠮᠡᠨ ᠤ ᠤᠶᠢᠢᠯᠠᠭᠠᠳᠠᠬ | ᠪᠦᠳᠦᠬᠡᠯ ᠢ ᠵᠤᠬᠢᠶᠠᠨ ᠪᠦᠳᠦᠬᠡᠬᠦ ᠪᠠᠷ ᠴᠢᠷᠮᠠᠶᠢᠵᠤ᠂ ᠠᠷᠠᠳ ᠤᠨ ᠲᠤᠮᠳᠠᠬᠢ ᠠᠮᠢᠳᠤ ᠦᠯᠢᠬᠡᠷ ᠢᠶᠠᠷ ᠰᠡᠳᠤᠪᠯᠠᠵᠤ᠂ | ᠠᠮᠢᠳᠤᠯᠢᠬ ᠪᠦᠳᠦᠬᠡᠯ ᠵᠤᠬᠢᠶᠠᠨ ᠪᠦᠳᠦᠬᠡᠬᠦ ᠪᠠᠷ ᠴᠢᠷᠮᠠᠶᠢᠨ᠂ ᠠᠷᠠᠳ ᠤᠯᠠᠨ ᠤ ᠬᠦᠷᠢᠶᠡᠯᠡᠯ ᠢ ᠤᠯᠪᠠ᠃ 2017 | ᠤᠨ ᠳᠤ᠂ ᠨᠠᠮ ᠤᠨ ᠠᠷᠪᠠ ᠶᠢᠰᠦᠳᠦᠬᠡᠷ ᠶᠡᠭᠡ ᠬᠤᠷᠠᠯ ᠤᠨ ᠲᠠᠷᠠᠭᠠᠬᠢ ᠬᠦᠳᠡᠭᠡ ᠲᠤᠰᠬᠤᠨ ᠤ ᠯᠤᠳᠤ ᠶᠡᠭᠡ | ᠬᠤᠪᠢᠷᠠᠯᠳᠠ ᠪᠠᠷ ᠰᠡᠳᠦᠪᠯᠡᠭᠰᠡᠨ ︽ᠮᠠᠩᠬᠠᠨ ᠪᠠᠯᠠᠷ ᠤᠨ ᠲᠠᠭᠤᠯᠠᠯ︾ ᠬᠡᠬᠦ ᠮᠤᠩᠭᠤᠯ ᠵᠦᠴᠦᠬᠡ ᠵᠤᠬᠢᠶᠠᠵᠤ᠂ | ᠡᠷᠳᠡᠮᠳᠡᠳ ᠢᠶᠠᠷ ᠬᠢᠨᠠᠯᠳᠠ ᠬᠢᠯᠬᠡᠬᠡᠳ᠂ ᠵᠠᠰᠠᠪᠤᠷᠢ ᠤᠷᠤᠭᠤᠯᠵᠤ 2019 ᠤᠨ ᠤ 5 ᠰᠠᠷᠠ ᠳᠤ ᠲᠠᠶᠢᠰᠠᠨ ᠳᠤ | ᠭᠠᠷᠭᠠᠬᠤ ᠪᠠᠷ ᠴᠢᠷᠮᠠᠶᠢᠵᠤ ᠪᠠᠶᠢᠨᠠ᠃ ᠦᠪᠦᠷ ᠮᠤᠩᠭᠤᠯ ᠤᠨ ᠤᠷᠠᠯᠢᠬ ᠤᠨ ᠲᠡᠭᠡᠳᠦ ᠰᠤᠷᠭᠠᠭᠤᠯᠢ ᠶᠢᠨ ᠰᠢᠯᠢᠳᠡᠭ | ᠪᠦᠵᠢᠭᠵᠢᠨ ᠰᠢᠯᠢᠨᠬᠦᠦ ᠶᠢ ᠤᠷᠢᠵᠤ᠂ ᠪᠦᠵᠢᠭᠴᠢᠳ ᠲᠤ ᠰᠢᠰᠲ᠋ᠧᠮ ᠲᠠᠢ᠂ ᠲᠤᠰᠬᠠᠢ ᠮᠡᠷᠬᠡᠵᠢᠯ ᠤᠨ ᠪᠤᠯᠪᠠᠰᠤᠷᠠᠯ | ᠬᠦᠷᠳᠡᠬᠡᠵᠦ᠂ 8 ᠨᠦᠬᠦᠳ ᠤᠷᠢᠳ ᠬᠤᠵᠢᠳ ᠬᠦᠬᠡᠬᠤᠳᠠ᠂ ᠪᠡᠬᠡᠵᠢᠩ ᠵᠡᠷᠬᠡ ᠭᠠᠵᠠᠷ ᠲᠤ ᠬᠦᠷᠴᠦ᠂ ᠪᠦᠬᠦ | ᠤᠷᠤᠨ ᠤ ᠤᠷᠠᠯᠢᠬ ᠤᠨ ᠵᠤᠬᠢᠶᠠᠨ ᠪᠦᠳᠦᠬᠡᠯᠬᠡ ᠶᠢᠨ ᠠᠵᠢᠯ ᠤᠨ ᠬᠤᠷᠠᠯ ᠪᠤᠯᠤᠨ ᠲᠤᠭᠤᠶᠢᠯᠠᠩ ᠤᠨ ᠲᠠᠷᠤᠭᠠ ᠶᠢᠨ | ᠪᠤᠯᠪᠠᠰᠤᠷᠠᠯ ᠤᠨ ᠠᠩᠬᠢ᠂ ᠪᠦᠬᠦ ᠤᠷᠤᠨ ᠤ ᠲᠠᠶᠢᠰᠠᠨ ᠤ ᠤᠷᠠᠯᠢᠬ ᠤᠨ ᠨᠠᠶᠢᠷᠠᠭᠤᠯᠤᠨ ᠵᠤᠬᠢᠶᠠᠬᠴᠢᠳ ᠤᠨ | ᠪᠤᠯᠪᠠᠰᠤᠷᠠᠯ ᠤᠨ ᠠᠩᠬᠢ ᠵᠡᠷᠬᠡ 7 ᠬᠤᠭᠤᠴᠠᠭᠠᠨ ᠤ ᠪᠤᠯᠪᠠᠰᠤᠷᠠᠯ ᠤᠨ ᠠᠩᠬᠢ ᠳᠤ ᠤᠷᠤᠯᠴᠠᠵᠠᠢ᠃ ᠨᠢᠬᠡ ᠵᠢᠯ ᠤᠨ | ᠲᠤᠷᠰᠢ᠂ ᠪᠢᠳᠡ ᠨᠡᠶᠢᠳᠡ 120 ᠭᠠᠷᠤᠢ ᠤᠳᠠᠭᠠ ᠬᠦᠳᠡᠭᠡ ᠪᠠᠭᠤᠵᠤ ᠲᠤᠬᠯᠠᠯᠳᠠ ᠭᠠᠷᠭᠠᠬᠰᠠᠨ ᠢᠶᠠᠷ ᠪᠠᠷᠠᠬᠤ | ᠦᠬᠡᠢ᠂ ᠪᠠᠶᠠᠠᠨᠠᠭᠤᠷ ᠪᠤᠯᠤᠨ ᠠᠯᠠᠱᠠ ᠠᠶᠢᠮᠠᠬ ᠲᠤ ᠬᠦᠷᠴᠦ ᠲᠤᠭᠤᠷᠢᠨ ᠲᠤᠬᠯᠠᠯᠳᠠ ᠬᠢᠯᠡ︾ ᠬᠡᠵᠦ ᠨᠢᠬᠡ | ᠵᠢᠯ ᠤᠨ ᠲᠤᠷᠰᠢ ᠬᠢᠵᠦ ᠪᠦᠳᠦᠭᠡᠭᠰᠡᠨ ᠠᠵᠢᠯ᠂ ᠴᠢᠷᠮᠠᠶᠢᠯᠭᠠ ᠵᠢᠳᠬᠦᠯ ᠤᠨ ᠢᠶᠠᠨ ᠲᠤᠬᠠᠢ ᠵᠤᠷᠪᠤᠰᠯᠠᠨ | ᠲᠠᠨᠢᠯᠴᠠᠭᠤᠯᠤᠯᠠ᠃ | ᠰᠢᠷᠭᠠᠭᠤ ᠴᠢᠷᠮᠠᠶᠢᠯᠭᠠ ᠶᠢᠨ ᠬᠠᠷᠢᠭᠤ ᠳᠤ ᠠᠮᠵᠢᠯᠳᠠ ᠪᠦᠳᠦᠬᠡᠯ ᠤᠨ ᠵᠢᠮᠢᠰ ᠪᠦᠩᠵᠢᠬᠡᠨᠡᠨᠡ᠃ ᠨᠢᠳᠤᠨᠤᠨ ᠤ | 12 ᠰᠠᠷᠠ ᠶᠢᠨ 4 ᠤ ᠡᠳᠣᠷ᠂ ᠥᠣᠰᠢᠨ ᠬᠤᠰᠢᠭᠤᠨ ᠤ ᠣᠯᠠᠭᠠᠨᠮᠦ᠋ᠴᠢᠷ ᠪᠥᠬᠦ ᠣᠷᠣᠨ ᠤ ᠠᠷᠪᠠᠨ ᠰᠣᠳᠣᠨ | ᠣᠯᠠᠭᠠᠨᠮᠦ᠋ᠴᠢᠷ ᠢᠶᠠᠷ ᠴᠤᠯᠠᠯᠠᠬᠳᠠᠪᠠ᠃ ᠡᠨᠡ ᠵᠢᠯ ᠤᠨ ᠲᠠᠯᠠ ᠨᠤᠳᠤᠬ ᠤᠨ ᠰᠤᠶᠤᠯ ᠤᠨ ᠨᠠᠶᠢᠷ ᠲᠡᠭᠡᠷᠡ᠂ | ᠰᠢᠨᠠ ᠪᠠᠷ ᠵᠤᠬᠢᠶᠠᠨ ᠪᠦᠳᠦᠭᠡᠭᠰᠡᠨ ᠬᠢᠯᠪᠢᠬᠡᠨ ᠵᠦᠴᠦᠬᠡ ︽ᠬᠤᠪᠤᠷ ᠨᠠᠨᠳᠢᠨ ᠴᠠᠬ ᠦᠶᠡ︾ ᠶᠢ ᠲᠤᠬᠯᠠᠵᠤ᠂ | ᠵᠤᠬᠢᠶᠠᠨ ᠪᠦᠳᠦᠬᠡᠯᠬᠡ ᠶᠢᠨ ᠨᠢᠬᠡᠳᠦᠬᠡᠷ ᠲᠡᠰ ᠤᠨ ᠱᠠᠩᠨᠠᠯ᠂ ᠲᠤᠬᠯᠠᠯᠳᠠ ᠶᠢᠨ ᠮᠦᠩᠬᠦᠨ ᠮᠧᠳᠠᠯ ᠢ ᠬᠦᠷᠳᠡᠭᠰᠡᠨ | ᠪᠠᠶᠢᠨᠠ᠃ ᠮᠦᠨ ᠡᠨᠡ ᠵᠢᠯ ᠤᠨ 1 ᠰᠠᠷᠠ ᠳᠤ᠂ ᠠᠯᠤᠰ ᠬᠤᠯᠠ ᠭᠧᠷᠮᠠᠨ ᠳᠤ ᠬᠦᠷᠴᠦ᠂ 13 ᠲᠠᠯᠠᠪᠠᠢ ᠲᠤᠬᠯᠠᠯᠳᠠ | ᠭᠠᠷᠭᠠᠵᠤ᠂ ᠦᠵᠡᠭᠴᠢᠳ ᠤᠨ ᠲᠤᠭᠠ 50 ᠲᠦᠮᠡ ᠳᠤ ᠬᠦᠷᠴᠦ᠂ ᠬᠠᠷᠢ ᠬᠤᠯᠠ ᠶᠢᠨ ᠭᠧᠷᠮᠠᠨᠴᠤᠳ ᠲᠤ ᠮᠤᠩᠭᠤᠯ | ᠲᠠᠭᠤᠤ ᠤᠷᠠᠯᠢᠬ ᠤᠨ ᠭᠠᠶᠢᠬᠠᠮᠰᠢᠬ ᠢ ᠮᠡᠳᠡᠷᠡᠬᠦᠯᠵᠡᠢ᠃ ᠲᠦᠷᠦᠬᠦᠬᠡᠨ ᠪᠠᠰᠠ ᠪᠦᠬᠦ ᠤᠷᠤᠨ ᠤ 75 | ᠤᠯᠠᠭᠠᠠᠮᠦ᠋ᠴᠢᠷ ᠤᠨ ᠲᠤᠳᠤᠷᠠᠬᠢ 4 ᠲᠦᠯᠦᠭᠡᠯᠡᠭᠴᠢ ᠶᠢᠨ ᠬᠤᠪᠢ ᠪᠠᠷ᠂ ᠪᠦᠬᠦ ᠤᠯᠤᠰ ᠤᠨ ᠰᠢᠯᠢᠳᠡᠭ ᠪᠤᠳᠠᠳᠤ | ᠠᠬᠤᠢ ᠶᠢᠨ ᠰᠡᠳᠦᠪᠳᠦ ᠲᠠᠶᠢᠰᠠᠨ ᠤ ᠤᠷᠠᠯᠢᠬ ᠤᠨ ᠪᠦᠳᠦᠬᠡᠯ ᠤᠨ ᠲᠡᠯᠬᠡᠨ ᠦᠵᠡᠬᠦᠯᠬᠡ ᠳᠤ ᠤᠷᠤᠯᠴᠠᠵᠤ᠂ 1 | ᠲᠠᠯᠠᠪᠠᠢ ᠲᠠᠭᠤᠤ ᠪᠦᠵᠢᠭ ᠲᠤᠬᠯᠠᠵᠤ᠂ ᠤᠷᠤᠨ ᠤ ᠲᠦᠪ ᠬᠤᠳᠠ ᠶᠢᠨ ᠦᠵᠡᠭᠴᠢᠳ ᠤᠨ ᠮᠠᠬᠳᠠᠭᠠᠯ ᠰᠠᠶᠢᠰᠢᠶᠠᠯ ᠢ | ᠤᠯᠤᠬᠰᠠᠨ ᠪᠠᠶᠢᠨᠠ᠃ | |