︵ᠨᠢᠭᠡ︶ ᠤᠭᠤᠷᠠᠭ ᠤᠨ ᠮᠠᠯ ᠤᠨ ᠪᠡᠶᠡ ᠳᠠᠬᠢ ᠰᠢᠮᠡ ᠲᠡᠵᠢᠭᠡᠯ ᠤᠨ ᠦᠢᠯᠡᠳᠦᠯ | 1᠂ ᠤᠭᠤᠷᠠᠭ ᠪᠤᠯ ᠮᠠᠯ ᠤᠨ ᠪᠡᠶᠡ ᠶᠢᠨ ᠡᠷᠬᠡᠳᠡᠨ᠂ ᠨᠡᠭᠡᠳᠡᠰᠦ ᠬᠢᠭᠡᠳ ᠪᠡᠶᠡ ᠶᠢᠨ ᠡᠰ ᠢ ᠪᠥᠷᠢᠯᠳᠥᠭᠦᠯᠬᠦ | ᠭᠤᠤᠯ ᠪᠥᠷᠢᠯᠳᠥᠭᠦᠨ ᠮᠥᠨ᠃ ᠵᠢᠱᠢᠶᠡᠯᠡᠪᠡᠯ᠄ ᠪᠥᠮᠪᠦᠯᠢᠭ ᠤᠭᠤᠷᠠᠭ ᠪᠤᠯ ᠮᠠᠯ ᠤᠨ ᠨᠡᠭᠡᠳᠡᠰᠤ ᠶᠢ ᠪᠥᠷᠢᠯᠳᠥᠭᠦᠯᠬᠦ | ᠲᠥᠭᠦᠬᠡᠢ ᠡᠳ᠋ ᠮᠥᠨ᠂ ᠴᠭᠠᠨ ᠤᠭᠤᠷᠠᠭ ᠪᠤᠯ ᠪᠡᠶᠡ ᠶᠢᠨ ᠰᠢᠩᠭᠡᠨ ᠢ ᠪᠥᠷᠢᠯᠳᠥᠭᠦᠯᠬᠦ ᠲᠥᠭᠦᠬᠡᠢ ᠡᠳ᠋ ᠮᠥᠨ᠃ | ᠴᠢᠰᠤᠨ ᠳᠠᠬᠢ ᠴᠢᠰᠤᠨ ᠤ ᠤᠯᠠᠭᠠᠨ ᠤᠭᠤᠷᠠᠭ ᠪᠤᠯ ᠤᠭᠤᠷᠠᠭ ᠪᠠ ᠲᠡᠮᠥᠷ ᠲᠠᠢ ᠨᠡᠶᠢᠯᠡᠵᠤ ᠪᠥᠳᠥᠭᠰᠡᠨ ᠶᠤᠮ᠃ | ᠡᠯᠢᠭᠡ ᠳᠡᠯᠢᠭᠦᠦ ᠳᠠᠬᠢ ᠡᠯᠢᠭᠡᠨ ᠤ ᠬᠥᠷᠡᠩ ᠡᠳ᠋ ᠪᠤᠯ ᠤᠭᠤᠷᠠᠭ ᠪᠠ ᠲᠡᠮᠥᠷ ᠢᠶᠠᠷ ᠪᠥᠳᠥᠭᠰᠡᠨ ᠶᠤᠮ᠃ ᠴᠢᠰᠤᠨ ᠤ | ᠴᠠᠶᠢᠪᠠᠩ ᠤᠨ ᠤᠭᠤᠷᠠᠭ ᠪᠤᠯ ᠤᠭᠤᠷᠠᠭ ᠪᠠ ᠵᠡᠰ ᠢᠶᠠᠷ ᠪᠥᠷᠢᠯᠳᠥᠭᠰᠡᠨ ᠶᠤᠮ᠃ ᠤᠭᠤᠷᠠᠭ ᠨᠢ ᠥᠭᠡᠬᠦ ᠲᠤᠰᠤ ᠲᠠᠢ | ᠨᠢᠭᠡᠳᠬᠡᠪᠡᠯ ᠲᠤᠰᠤᠳᠤ ᠤᠭᠤᠷᠠᠭ ᠪᠤᠢ ᠪᠤᠯᠤᠭᠠᠳ᠂ ᠡᠰ ᠤᠨ ᠪᠥᠭᠡᠮ᠂ ᠴᠢᠰᠤ᠂ ᠰᠥᠨ ᠲᠤᠳᠤᠷᠠ ᠤᠷᠤᠰᠢᠵᠤ | ᠪᠠᠶᠢᠳᠠᠭ᠂ ᠥᠨᠳᠡᠭᠡᠨ ᠹᠤᠰᠹᠤᠷᠳᠤ ᠲᠤᠰᠤᠨ ᠤᠭᠤᠷᠠᠭ ᠨᠢ ᠳᠡᠳᠡᠭᠡᠷ ᠤᠨ ᠲᠤᠳᠤᠷᠠᠬᠢ ᠨᠢᠭᠡ ᠵᠦᠢᠯ ᠪᠤᠯᠤᠨᠠ᠃ ᠮᠠᠯ | ᠤᠨ ᠪᠡᠶᠡ ᠶᠢᠨ ᠭᠠᠳᠠᠭᠠᠳᠤ ᠳᠠᠬᠢ ᠡᠯᠡ ᠵᠦᠢᠯ ᠤᠨ ᠬᠠᠮᠠᠭᠠᠯᠠᠯᠳᠠ ᠶᠢᠨ ᠨᠡᠭᠡᠳᠡᠰᠤ᠂ ᠵᠢᠱᠢᠶᠡᠯᠡᠪᠡᠯ᠂ ᠥᠰᠥ᠂ | ᠨᠤᠤᠰᠤ᠂ ᠥᠳᠥ᠂ ᠲᠤᠭᠤᠷᠠᠢ᠂ ᠡᠪᠡᠷ ᠵᠡᠷᠭᠡ ᠨᠢ ᠴᠥᠮ ᠡᠪᠡᠷᠯᠢᠭ ᠤᠭᠤᠷᠠᠭ ᠪᠠ ᠴᠠᠪᠠᠤᠯᠢᠭ ᠤᠭᠤᠷᠠᠭ ᠠᠴᠠ | ᠪᠥᠳᠥᠭᠰᠡᠨ ᠪᠠᠶᠢᠨᠠ᠃ ᠡᠶᠢᠮᠤ ᠠᠴᠠ ᠮᠠᠯ ᠤᠨ ᠪᠤᠯᠴᠢᠩ ᠮᠢᠬᠠ᠂ ᠮᠡᠳᠡᠷᠡᠯ᠂ ᠬᠡᠯᠬᠢᠶᠡ ᠨᠡᠭᠡᠳᠡᠰᠥ᠂ ᠠᠷᠠᠰᠤ᠂ | ᠴᠢᠰᠤᠨ ᠰᠢᠩᠭᠡᠨ ᠵᠡᠷᠭᠡ ᠪᠤᠯ ᠪᠥᠷ ᠤᠭᠤᠷᠠᠭ ᠢᠶᠠᠷ ᠥᠨᠳᠥᠰᠥᠨ ᠪᠥᠷᠢᠯᠳᠥᠭᠦᠨ ᠢᠶᠠᠨ ᠪᠤᠯᠭᠠᠳᠠᠭ᠃ | 2᠂ ᠤᠭᠤᠷᠠᠭ ᠪᠤᠯ ᠪᠡᠶᠡ ᠶᠢᠨ ᠨᠡᠭᠡᠳᠡᠰᠥ ᠶᠢ ᠰᠡᠯᠪᠢᠨ ᠨᠥᠬᠦᠪᠥᠷᠢᠯᠡᠬᠦ ᠳᠤ ᠲᠤᠳᠠᠭᠳᠠᠵᠤ ᠪᠤᠯᠤᠰᠢ ᠦᠭᠡᠢ | ᠪᠤᠳᠠᠰ ᠮᠥᠨ᠃ ᠮᠠᠯ ᠤᠨ ᠪᠡᠶᠡ ᠶᠢᠨ ᠨᠡᠭᠡᠳᠡᠰᠦ ᠡᠷᠬᠡᠳᠡᠨ ᠤ ᠤᠭᠤᠷᠠᠭ ᠨᠢ ᠰᠢᠨᠡ ᠬᠠᠭᠤᠴᠢᠨ ᠤ ᠰᠤᠯᠢᠯᠴᠠᠭᠠ | ᠪᠠᠷ ᠳᠠᠮᠵᠢᠵᠤ ᠳᠠᠰᠤᠷᠠᠯ ᠦᠭᠡᠢ ᠰᠢᠨᠡᠴᠢᠯᠡᠭᠳᠡᠵᠤ ᠪᠠᠶᠢᠳᠠᠭ᠃ ᠤᠭᠤᠷᠠᠭ ᠢ ᠲᠠᠰᠤᠷᠠᠯᠳᠠ ᠦᠭᠡᠢ ᠠᠰᠢᠭᠯᠠᠨ᠂ ᠠᠮᠢ | ᠨᠠᠰᠤᠨ ᠤ ᠬᠥᠳᠡᠯᠭᠡᠭᠡᠨ ᠪᠠ ᠡᠷᠡᠭᠦᠯ ᠴᠢᠬᠢᠷᠠᠭ ᠢᠶᠠᠨ ᠪᠠᠳᠤᠯᠠᠳᠠᠭ ᠪᠠᠶᠢᠨᠠ᠃ ᠰᠤᠳᠤᠯᠤᠯ ᠢ ᠥᠨᠳᠥᠰᠥᠯᠡᠪᠡᠯ᠂ | ᠪᠠᠷᠤᠭ 6~7 ᠰᠠᠷᠠ ᠥᠩᠭᠡᠷᠡᠪᠡᠯ ᠮᠠᠯ ᠤᠨ ᠪᠡᠶᠡ ᠶᠢᠨ ᠪᠥᠬᠦᠶᠢᠯᠡ ᠤᠭᠤᠷᠠᠭ ᠤᠨ ᠬᠠᠭᠠᠰ ᠨᠢ ᠳᠠᠷᠤᠢ ᠰᠢᠨᠡ | ᠤᠭᠤᠷᠠᠭ ᠢᠶᠠᠷ ᠤᠷᠤᠯᠠᠭᠳᠠᠳᠠᠭ ᠪᠠᠶᠢᠨᠠ᠃ | 3᠂ ᠤᠭᠤᠷᠠᠭ ᠪᠤᠯ ᠮᠠᠯ ᠤᠨ ᠪᠡᠶᠡ ᠶᠢᠨ ᠢᠯᠴᠢ ᠶᠢᠨ ᠡᠨᠧᠷᠬᠢ ᠶᠢ ᠬᠠᠩᠭᠠᠳᠠᠭ ᠦᠢᠯᠡᠳᠥᠯ ᠲᠠᠢ᠃ ᠮᠠᠯ | ᠤᠨ ᠪᠡᠶᠡ ᠶᠢᠨ ᠨᠡᠭᠦᠷᠡᠰᠦ ᠤᠰᠤᠨ ᠤ ᠨᠢᠭᠡᠳᠥᠯ ᠪᠠ ᠥᠭᠡᠬᠦ ᠲᠤᠳᠠᠭᠳᠠᠭᠰᠠᠨ ᠥᠶᠡᠰ ᠲᠤ᠂ ᠤᠭᠤᠷᠠᠭ ᠨᠢ ᠮᠠᠯ ᠤᠨ | ᠪᠡᠶᠡ ᠶᠢᠨ ᠲᠤᠳᠤᠷᠠ ᠵᠠᠳᠠᠷᠠᠨ ᠢᠰᠥᠯᠳᠥᠵᠤ᠂ ᠢᠯᠴᠢ ᠶᠢᠨ ᠡᠨᠧᠷᠬᠢ ᠢᠯᠭᠠᠷᠠᠭᠤᠯᠬᠤ ᠪᠠᠷ ᠳᠠᠮᠵᠢᠨ ᠨᠡᠭᠦᠷᠡᠰᠦ | ᠤᠰᠤᠨ ᠤ ᠨᠢᠭᠡᠳᠥᠯ ᠪᠠ ᠥᠭᠡᠬᠦ ᠲᠤᠳᠠᠭᠳᠠᠭᠰᠠᠨ ᠢ ᠨᠥᠬᠦᠪᠥᠷᠢᠯᠡᠵᠤ ᠪᠤᠯᠤᠨᠠ᠃ ᠢᠯᠡᠭᠦᠴᠡ ᠤᠭᠤᠷᠠᠭ ᠨᠢ ᠡᠯᠢᠭᠡ | ᠂ ᠴᠢᠰᠤ ᠪᠠ ᠪᠤᠯᠴᠢᠩ ᠤᠨ ᠲᠤᠳᠤᠷᠠ ᠵᠤᠬᠢᠬᠤ ᠬᠡᠮᠵᠢᠶᠡ ᠪᠠᠷ ᠬᠠᠳᠠᠭᠠᠯᠠᠭᠳᠠᠬᠤ ᠪᠤᠶᠤ ᠡᠰᠡᠬᠦᠯᠡ ᠠᠮᠢᠨᠤ᠋ | ᠦᠭᠡᠶᠢᠳᠡᠭᠦᠯᠬᠦ ᠦᠢᠯᠡᠳᠥᠯ ᠢᠶᠠᠷ ᠳᠠᠮᠵᠢᠵᠤ᠂ ᠠᠽᠤᠲ ᠥᠯᠥ ᠠᠭᠤᠯᠬᠤ ᠭᠡᠰᠡᠭ ᠢᠶᠠᠨ ᠥᠭᠡᠬᠦ ᠪᠤᠯᠭᠠᠨ | ᠨᠥᠭᠡᠴᠡᠯᠡᠵᠦ᠂ ᠰᠢᠮᠡ ᠲᠡᠵᠢᠭᠡᠯ ᠲᠤᠳᠠᠭᠳᠠᠭᠰᠠᠨ ᠥᠶᠡ ᠳᠤ ᠲᠠᠬᠢᠨ ᠵᠠᠳᠠᠷᠠᠭᠤᠯᠵᠤ ᠮᠠᠯ ᠤᠨ ᠪᠡᠶᠡ ᠶᠢᠨ ᠡᠨᠧᠷᠬᠢ | ᠶᠢᠨ ᠱᠠᠭᠠᠷᠳᠠᠯᠭᠠ ᠶᠢ ᠬᠠᠩᠭᠠᠬᠤ ᠳᠤ ᠪᠡᠯᠡᠳᠬᠡᠳᠡᠭ ᠶᠤᠮ᠃ | 4᠂ ᠤᠭᠤᠷᠠᠭ ᠪᠤᠯ ᠡᠯᠡ ᠲᠥᠷᠥᠯ ᠤᠨ ᠮᠠᠯ ᠤᠨ ᠠᠰᠢᠭ ᠰᠢᠮᠡ ᠪᠤᠯᠬᠤ ᠰᠥ᠂ ᠮᠢᠬᠠ᠂ ᠥᠨᠳᠡᠭᠡ᠂ | ᠨᠤᠤᠰᠤ ᠵᠢᠴᠢ ᠮᠠᠯ ᠤᠨ ᠪᠡᠶᠡ ᠶᠢᠨ ᠲᠤᠳᠤᠭᠠᠳᠤ ᠶᠢᠨ ᠢᠰᠬᠡᠭᠦᠷ᠂ ᠬᠤᠷᠮᠤᠨ᠂ ᠡᠰᠡᠷᠭᠦ ᠴᠤᠭᠴᠠ᠂ ᠪᠤᠳᠤᠭᠳᠤ ᠡᠳ᠋ | ᠵᠡᠷᠭᠡ ᠶᠢ ᠪᠥᠷᠢᠯᠳᠥᠭᠦᠯᠥᠨᠡ᠃ ᠮᠠᠯ ᠤᠨ ᠲᠡᠵᠢᠭᠡᠯ ᠪᠤᠷᠳᠤᠭᠠᠨ ᠳᠤ ᠤᠭᠤᠷᠠᠭ ᠲᠤᠳᠠᠭᠳᠠᠪᠠᠯ ᠲᠡᠭᠦᠨ ᠤ ᠠᠮᠢ ᠨᠠᠰᠤ | ᠂ ᠡᠷᠡᠭᠦᠯ ᠴᠢᠭᠢᠷᠠᠭ᠂ ᠥᠰᠥᠯᠳᠡ ᠪᠤᠶᠢᠵᠢᠯᠳᠠ ᠪᠠ ᠥᠷᠡᠵᠢᠯ ᠢ ᠨᠥᠯᠥᠭᠡᠯᠡᠬᠦ ᠪᠠᠷ ᠪᠠᠷᠠᠬᠤ ᠦᠭᠡᠢ᠂ ᠮᠠᠯ ᠤᠨ | ᠦᠢᠯᠡᠳᠪᠥᠷᠢᠯᠡᠯ ᠤᠨ ᠴᠢᠳᠠᠪᠤᠷᠢ ᠪᠤᠯᠤᠨ ᠠᠰᠢᠭ ᠰᠢᠮᠡ ᠶᠢᠨ ᠭᠠᠷᠤᠯᠳᠠ᠂ ᠶᠠᠰᠤ ᠴᠢᠨᠠᠷ ᠢ ᠴᠤ ᠪᠠᠭᠤᠷᠠᠭᠤᠯᠬᠤ | ᠪᠤᠯᠤᠨᠠ᠃ | ︵ᠬᠤᠶᠠᠷ︶ ᠲᠡᠵᠢᠭᠡᠯ ᠪᠤᠷᠳᠤᠭᠠᠨ ᠳᠤ ᠤᠭᠤᠷᠠᠭ ᠲᠤᠳᠠᠭᠳᠠᠬᠤ ᠨᠥᠯᠥᠭᠡ | ᠬᠡᠷᠪᠡ ᠲᠡᠵᠢᠭᠡᠯ ᠪᠤᠷᠳᠤᠭᠠᠨ ᠳᠠᠬᠢ ᠤᠭᠤᠷᠠᠭ ᠲᠤᠳᠠᠭᠳᠠᠪᠠᠯ ᠮᠠ ᠤᠨ ᠪᠡᠶᠡ ᠳᠠᠬᠢ ᠤᠭᠤᠷᠠᠭ ᠤᠨ | ᠰᠤᠯᠢᠯᠴᠠᠭᠠ ᠨᠢ ᠰᠥᠭᠡᠷᠬᠦ ᠲᠡᠩᠴᠡᠭᠦᠷᠢ ᠪᠤᠯᠵᠤ᠂ ᠴᠢᠰᠤᠨ ᠤ ᠤᠯᠠᠭᠠᠨ ᠤᠭᠤᠷᠠᠭ ᠪᠠ ᠴᠢᠰᠤᠨ ᠡᠰ ᠤᠨ | ᠤᠭᠤᠷᠠᠭ ᠲᠤᠳᠠᠭᠳᠠᠵᠤ ᠴᠢᠰᠤ ᠲᠤᠳᠠᠭᠳᠠᠬᠤ ᠡᠪᠡᠳᠴᠢᠨ ᠤᠯᠤᠨᠠ᠃ ᠮᠠᠯ ᠤᠨ ᠪᠡᠶᠡ ᠶᠢᠨ ᠬᠥᠨᠳᠥ᠂ ᠰᠥᠨ ᠤ | ᠭᠠᠷᠤᠯᠳᠠ᠂ ᠥᠰᠥᠯᠳᠡ ᠶᠢᠨ ᠨᠤᠷᠮᠠ ᠵᠡᠷᠭᠡ ᠨᠢ ᠪᠠᠭᠤᠷᠠᠳᠠᠭ ᠪᠠᠶᠢᠨᠠ᠃ | ᠮᠠᠯ ᠲᠡᠵᠢᠭᠡᠪᠥᠷᠢ ᠶᠢᠨ ᠥᠷᠡᠵᠢᠯ ᠤᠨ ᠴᠢᠳᠠᠪᠤᠷᠢ ᠶᠢ ᠨᠥᠯᠥᠭᠡᠯᠡᠵᠤ᠂ ᠬᠡᠭᠡᠯᠳᠥᠭᠦᠯᠥᠭᠴᠢ ᠶᠢᠨ ᠥᠷᠡ ᠶᠢᠨ | ᠲᠤᠭᠠ ᠬᠡᠮᠵᠢᠶᠡ ᠨᠢ ᠬᠠᠰᠤᠭᠳᠠᠬᠤ ᠪᠥᠭᠡᠳ ᠴᠢᠨᠠᠷ ᠨᠢ ᠮᠠᠭᠤᠳᠠᠨᠠ᠃ ᠬᠡᠭᠡᠯᠳᠥᠭᠴᠢ ᠮᠠᠯ ᠤᠷᠤᠭᠠ ᠤᠷᠤᠬᠤ | ᠦᠭᠡᠢ᠂ ᠬᠡᠭᠡᠯ ᠲᠤᠭᠳᠠᠬᠤ ᠪᠤᠶᠤ ᠬᠥᠪᠥᠷᠡᠯ ᠤᠨ ᠪᠤᠶᠢᠵᠢᠯᠳᠠ ᠮᠠᠭᠤ ᠪᠤᠯᠬᠤ ᠪᠠᠷ ᠪᠠᠷᠠᠬᠤ ᠦᠭᠡᠢ᠂ ᠪᠠᠰᠠ ᠵᠡᠷᠡᠮᠳᠡᠭ | ᠲᠥᠯ᠂ ᠥᠬᠦᠭᠰᠡᠨ ᠲᠥᠯ ᠪᠤᠶᠤ ᠪᠠᠭᠤᠷᠠᠢ ᠲᠥᠯ ᠲᠥᠯᠯᠡᠳᠡᠭ᠃ | ᠲᠡᠵᠢᠭᠡᠯ ᠪᠤᠷᠳᠤᠭᠠᠨ ᠤ ᠤᠭᠤᠷᠠᠭ ᠤᠨ ᠬᠡᠮᠵᠢᠶᠡ ᠨᠢ ᠮᠠᠯ ᠤᠨ ᠱᠠᠭᠠᠷᠳᠠᠯᠭᠠ ᠠᠴᠠ ᠬᠡᠳᠥᠷᠡᠪᠡᠯ ᠤᠭᠤᠷᠠᠭ ᠢ | ᠪᠥᠷᠢᠯᠭᠡᠨ ᠰᠦᠢᠳᠬᠡᠬᠦ ᠪᠠᠷ ᠪᠠᠷᠠᠬᠤ ᠦᠭᠡᠢ᠂ ᠮᠠᠯ ᠤᠨ ᠪᠡᠶᠡ ᠶᠢᠨ ᠰᠥᠯᠢᠯᠴᠠᠭᠠ ᠰᠠᠮᠠᠭᠤᠷᠠᠬᠤ ᠪᠤᠶᠤ ᠤᠭᠤᠷᠠᠭ | ᠤᠨ ᠬᠤᠤᠷᠳᠠᠯ ᠪᠤᠯᠤᠨᠠ᠃ ᠡᠶᠢᠮᠤ ᠠᠴᠠ ᠮᠠᠯ ᠤᠨ ᠠᠳᠠᠯᠢ ᠪᠤᠰᠤ ᠹᠢᠽᠢᠤᠯᠤᠬᠢ ᠶᠢᠨ ᠪᠠᠶᠢᠳᠠᠯ ᠪᠤᠯᠤᠨ | ᠦᠢᠯᠡᠳᠪᠥᠷᠢᠯᠡᠯ ᠤᠨ ᠴᠢᠳᠠᠪᠤᠷᠢ ᠶᠢ ᠨᠢ ᠥᠨᠳᠥᠰᠥᠯᠡᠨ᠂ ᠲᠡᠵᠢᠭᠡᠯ ᠪᠤᠷᠳᠤᠭᠠᠨ ᠤ ᠤᠭᠤᠷᠠᠭ ᠤᠨ ᠬᠡᠮᠵᠢᠶᠡ ᠶᠢ | ᠵᠤᠬᠢᠰᠳᠠᠢ ᠪᠠᠷ ᠲᠤᠬᠢᠷᠠᠭᠤᠯᠬᠤ ᠪᠤᠯ ᠮᠠᠯ ᠲᠡᠵᠢᠭᠡᠪᠥᠷᠢ ᠶᠢᠨ ᠡᠷᠡᠭᠦᠯ ᠴᠢᠬᠢᠷᠠᠭ ᠢ ᠪᠠᠳᠤᠯᠠᠵᠤ᠂ ᠮᠠᠯ ᠤᠨ | ᠦᠢᠯᠡᠳᠪᠥᠷᠢᠯᠡᠯ ᠤᠨ ᠴᠢᠳᠠᠪᠤᠷᠢ ᠶᠢ ᠳᠡᠭᠡᠭᠰᠢᠯᠡᠭᠦᠯᠬᠦ ᠴᠢᠬᠤᠯᠠ ᠨᠢᠭᠡᠨ ᠵᠠᠩᠭᠢᠯᠠᠭᠠ ᠪᠤᠯᠤᠨᠠ᠃ | 《 ᠲᠡᠵᠢᠭᠡᠯ ᠪᠤᠷᠳᠤᠭᠠ ᠪᠤᠯᠤᠨ ᠠᠷᠠᠴᠢᠯᠠᠭᠠ ᠶᠢᠨ ᠰᠤᠳᠤᠯᠤᠯ》ᠭᠡᠬᠦ ᠨᠤᠮ ᠠᠴᠠ ᠪᠠᠭᠤᠯᠭᠠᠪᠠ |