ᠤᠶᠤᠳᠠᠨ ᠵᠠᠯᠠᠭᠤ ᠶᠢᠨ ᠬᠢᠯᠠᠷᠠᠭᠰᠠᠨ ᠦᠢᠯᠡᠰ | | — — ᠪᠦᠬᠦ ᠤᠯᠤᠰ ᠤᠨ ᠮᠠᠯᠵᠢᠬᠤ ᠲᠠᠷᠢᠶᠠᠯᠠᠬᠤ ᠤᠷᠤᠨ ᠤ ᠪᠠᠶᠠᠵᠢᠯ ᠤᠨ ᠲᠠᠭᠠᠭᠤᠯᠤᠭᠴᠢ | ᠶᠢᠢᠨ ᠢᠷᠠᠭᠤ ᠠᠯᠳᠠᠷ ᠢ ᠬᠦᠷᠳᠡᠭᠰᠡᠨ ᠤᠶᠤᠲᠠᠨ ᠮᠠᠯᠴᠢᠨ ᠤᠳᠬᠠᠨᠳᠠᠯᠠᠢ ᠶᠢᠨ ᠲᠤᠬᠠᠢ ᠲᠠᠲᠠᠯᠠᠭᠠ | | ᠬᠤᠷᠠᠭᠠ ᠢᠰᠢᠭᠡ ᠮᠠᠶᠢᠯᠠᠯᠲᠤᠵᠤ ᠬᠠᠶᠢᠯ ᠤᠨ ᠤᠰᠤ ᠬᠤᠷᠴᠢᠬᠢᠨᠠᠭᠰᠠᠨ ᠬᠠᠪᠤᠷ ᠤᠨ ᠤᠷᠢᠨ ᠬᠦᠷᠴᠦ | ᠢᠷᠡᠬᠦ ᠪᠠᠷ ᠬᠠᠮᠤᠭ ᠪᠤᠳᠠᠰ ᠠᠮᠢᠯᠠᠨ ᠰᠡᠷᠬᠦᠵᠤ ᠬᠠᠮᠢᠭᠠ ᠤᠴᠢᠭᠰᠠᠨ ᠴᠤ ᠮᠠᠯᠴᠢᠨ ᠲᠦᠮᠡᠨ ᠮᠢᠨᠢ ᠲᠦᠯ | ᠮᠠᠯ ᠳᠤ ᠪᠠᠨ ᠶᠠᠭᠠᠷᠠᠵᠠᠭᠠᠨᠠ᠃ | ᠪᠦᠬᠦ ᠤᠯᠤᠰ ᠤᠨ ᠮᠠᠯᠵᠢᠬᠤ ᠲᠠᠷᠢᠶᠠᠯᠠᠬᠤ ᠤᠷᠤᠨ ᠤ ᠪᠠᠶᠠᠵᠢᠯ ᠤᠨ ᠲᠠᠭᠠᠭᠤᠯᠤᠭᠴᠢ ᠶᠢᠨ ᠢᠷᠠᠭᠤ ᠠᠯᠳᠠᠷ ᠢ | ᠬᠦᠷᠳᠡᠭᠰᠡᠨ ᠴᠢᠮᠡᠭᠡ ᠪᠠᠷ 3 ᠳ᠋ᠤᠭᠠᠷ ᠰᠠᠷᠠ ᠶᠢᠨ ᠡᠬᠢ ᠪᠠᠷ ᠪᠢᠷᠴᠢᠨ ᠲᠤᠭ ᠪᠠᠯᠭᠠᠰᠤᠨ ᠤ ᠲᠤᠭᠤᠯᠲᠠᠢ ᠭᠠᠴᠠᠭᠠᠨ ᠤ | ᠲᠠᠯᠠ ᠶᠢᠨ ᠴᠡᠴᠡᠭ ᠮᠠᠯᠵᠢᠯ ᠤᠨ ᠬᠤᠷᠰᠢᠶᠠ ᠶᠢᠨ ᠤᠳᠬᠠᠨᠳᠠᠯᠠᠢ ᠶᠢ ᠰᠤᠷᠪᠤᠯᠵᠢᠯᠠᠬᠤ ᠪᠠᠷ ᠬᠡᠷ ᠲᠤ ᠨᠢ ᠤᠴᠢᠯᠠ᠃ | ᠭᠡᠷ ᠤᠨ ᠭᠠᠳᠠᠨᠠ ᠬᠦᠷᠪᠡᠯ ᠬᠦᠷᠢᠶᠡ ᠬᠠᠰᠢᠶᠠ ᠪᠠᠨ ᠬᠢᠯᠡ ᠴᠠᠯᠠ ᠴᠡᠪᠡᠷᠯᠡᠨ ᠲᠡᠭᠰᠢᠯᠡᠵᠤ᠂ ᠮᠠᠯ ᠤᠨ ᠫᠧᠩ ᠰᠠᠷᠠᠪᠴᠢ | ᠂ ᠡᠪᠡᠰᠦ ᠬᠤᠷᠢᠶᠠᠬᠤ ᠫᠧᠩ᠂ ᠬᠦᠢᠳᠡᠨ ᠬᠦᠮᠦᠷᠭᠡ ᠁ ᠶᠢ ᠵᠢᠭᠳᠡᠷᠡᠬᠦᠯᠦᠨ ᠪᠠᠷᠢᠭᠰᠠᠨ ᠨᠢ ᠠᠵᠢᠯᠴᠢ | ᠴᠢᠨᠡᠭᠡᠯᠢᠭ ᠠᠶᠢᠯ ᠪᠠᠶᠢᠭᠠ ᠨᠢ ᠢᠯᠡᠭᠡᠨ ᠪᠠᠶᠢᠢᠯᠠ᠃ ᠲᠡᠭᠡᠳᠡᠯᠡ ᠶᠠᠪᠤᠵᠤ ᠰᠠᠭᠤᠬᠤ ᠳᠤ ᠪᠠᠨ ᠬᠦᠡᠭᠭᠡᠨ ᠰᠢᠭᠤᠮᠠᠭᠠᠢ | ᠵᠠᠯᠠᠭᠤ ᠤᠭᠲᠤᠨ ᠢᠷᠡᠵᠤ ᠠᠮᠤᠷ ᠮᠡᠨᠲᠤ ᠠᠰᠠᠭᠤᠨ ᠬᠡᠷ ᠲᠤ ᠤᠷᠢᠯᠠ᠃ ᠭᠡᠷ ᠢᠶᠠᠨ ᠰᠢᠨᠠ ᠴᠠᠭ ᠦᠶᠡ ᠶᠢᠨ | ᠪᠠᠶᠢᠳᠠᠯ ᠢᠶᠠᠷ ᠵᠠᠰᠠᠨ ᠴᠢᠮᠡᠵᠤ᠂ ᠨᠤᠮ ᠤᠨ ᠲᠠᠯᠪᠢᠭᠤᠷ ᠲᠡᠭᠡᠷᠡ ᠨᠢ ᠦᠪᠦᠷ ᠮᠤᠩᠭᠤᠯ ᠤᠨ ᠦᠪᠡᠷᠳᠡᠭᠡᠨ ᠵᠠᠰᠠᠬᠤ | ᠤᠷᠤᠨ ᠤ ᠮᠠᠯᠴᠢᠨ ᠲᠠᠷᠢᠶᠠᠴᠢᠨ ᠤ ᠲᠤᠰᠬᠠᠢ ᠬᠤᠷᠰᠢᠶᠠᠵᠢᠯ ᠤᠨ ᠵᠢᠱᠢᠶᠠ ᠦᠵᠡᠬᠦᠯᠬᠦ ᠬᠤᠷᠰᠢᠶᠠᠵᠢᠯ᠂ ᠨᠤᠮᠢᠨ | ᠲᠠᠩᠰᠤᠭ ᠦᠤᠰᠢᠨ ᠤ ᠵᠢᠱᠢᠶᠡᠴᠢ ᠡᠷᠦᠬᠡ᠂ ᠦᠨᠳᠦᠰᠦᠲᠡᠨ ᠤ ᠰᠤᠶᠤᠯ ᠮᠡᠳᠡᠯᠭᠡ ᠲᠦᠭᠡᠮᠡᠯᠵᠢᠬᠦᠯᠬᠦ ᠲᠠᠭᠠᠭᠤᠯᠤᠭᠴᠢ | ᠡᠷᠦᠬᠡ᠂ ᠵᠠᠯᠠᠭᠤ ᠦᠢᠯᠡᠰ ᠪᠦᠲᠦᠭᠡᠭᠴᠢᠳ ᠤᠨ ᠬᠤᠰᠢᠭᠤᠴᠢ᠂ ᠭᠠᠴᠠᠭᠠᠨ ᠤ ᠰᠢᠯᠢᠳᠡᠭ ᠵᠠᠯᠠᠭᠤ ᠁ ᠵᠡᠷᠭᠡ | ᠢᠷᠠᠭᠤ ᠠᠯᠳᠠᠷ ᠤᠨ ᠦᠨᠡᠮᠯᠡᠯ ᠢ ᠵᠢᠭᠳᠡᠷᠡᠬᠦᠯᠦᠨ ᠲᠠᠯᠪᠢᠵᠤ᠂ ᠺᠤᠮᠫᠢᠦ᠋ᠲ᠋ᠧᠷ ᠪᠠ ᠪᠠᠭᠠ ᠪᠤᠰᠤ ᠨᠤᠮ ᠲᠠᠯᠪᠢᠭᠠᠰᠤᠲᠠᠢ | ᠶᠢ ᠬᠠᠷᠠᠪᠠᠯ ᠰᠤᠶᠤᠯ ᠲᠠᠢ ᠮᠠᠯᠴᠢᠨ ᠪᠠᠶᠢᠬᠤ ᠨᠢ ᠲᠤᠳᠤᠷᠠᠭᠳᠠᠨᠠ᠃ | ᠠᠮᠤᠷ ᠮᠡᠨᠳᠥ ᠪᠠᠨ ᠠᠰᠠᠭᠤᠯᠴᠠᠵᠤ ᠠᠶᠠᠭᠠ ᠴᠠᠢ ᠤᠭᠤᠴᠢᠯᠠᠬᠤ ᠵᠠᠭᠤᠷᠠ ᠠᠵᠢᠯ ᠦᠢᠯᠡᠰ ᠠᠵᠦ ᠠᠮᠢᠳᠤᠷᠠᠯ᠂ | ᠠᠶᠢᠯ ᠭᠡᠷ ᠤᠨ ᠬᠢᠨᠢ ᠲᠤᠬᠠᠢ ᠰᠤᠨᠢᠭᠤᠴᠢᠯᠠᠯᠠ᠃ | — ᠲᠠᠨ ᠤ ᠬᠢᠨ ᠬᠤᠨᠢ ᠮᠠᠯ ᠶᠠᠮᠠᠷ ᠰᠢᠦ ᠪᠠᠶᠢᠨᠠ︖ ᠲᠦᠯ ᠢᠶᠠᠨ ᠲᠤᠰᠤᠭᠠᠳ ᠬᠢᠷᠢ ᠵᠡᠷᠭᠡ ᠪᠤᠯᠵᠤ | ᠪᠠᠶᠢᠨᠠ︖ | — ᠤᠳᠤ 200 ᠭᠠᠷᠤᠢ ᠬᠤᠨᠢ ᠬᠤᠷᠢᠭᠠᠳ ᠦᠭᠡᠷ ᠲᠠᠢ ᠪᠠᠶᠢᠨᠠ᠂ ᠤᠤᠯ ᠨᠢ 500 ᠭᠠᠷᠤᠢ | ᠬᠤᠨᠢ ᠲᠠᠢ ᠪᠠᠶᠢᠭᠰᠠᠨ ᠶᠤᠮ᠂ ᠲᠡᠷᠡ ᠦᠶᠡ ᠳᠤ ᠢᠮᠠᠭᠠ ᠪᠠᠰᠠ ᠲᠡᠵᠢᠬᠡᠵᠤ ᠪᠠᠶᠢᠭᠰᠠᠨ᠃ ᠡᠨᠡ ᠬᠤᠶᠠᠷ ᠵᠢᠯ | ᠮᠠᠯ ᠤᠨ ᠦᠨᠡ ᠬᠠᠨᠭ᠍ᠰᠢ ᠪᠠᠭᠤᠷᠠᠭᠠᠳ ᠮᠠᠯᠴᠢᠳ ᠬᠤᠨᠢ ᠮᠠᠯ ᠢᠶᠠᠨ ᠪᠤᠷᠤᠯᠠᠭᠤᠯᠬᠤ ᠳᠤ ᠶᠡᠭᠡ ᠬᠦᠴᠢᠷᠳᠡᠵᠤ ᠪᠠᠶᠢᠢᠨᠠ | ᠃ ᠢᠡᠭᠬᠢᠭᠡᠳ ᠪᠢ ᠴᠤ ᠮᠠᠯ ᠤᠨ ᠠᠰᠢᠭ ᠰᠢᠮᠠ ᠶᠢᠨ ᠪᠤᠷᠤᠯᠠᠭᠤᠯᠭᠠ ᠶᠢᠨ ᠲᠠᠯᠠ ᠪᠠᠷ ᠬᠦᠴᠦ ᠤᠷᠤᠶᠠ ᠬᠡᠳ ᠮᠠᠯ | ᠢᠶᠠᠨ ᠴᠦᠬᠡᠳᠭᠡᠭᠰᠡᠨ᠂ ᠡᠨᠡ ᠵᠢᠯ ᠲᠠᠯᠠᠭᠠᠳ ᠬᠤᠷᠠᠭᠠᠯᠠᠬᠤ ᠬᠤᠨᠢ ᠦᠯᠡᠳᠡᠭᠡᠵᠤ ᠬᠤᠷᠢᠭᠠᠳ ᠨᠢ ᠨᠢᠭᠡᠨᠲᠡ | ᠲᠦᠯᠵᠢᠴᠢᠬᠡᠯᠡ᠃ | — ᠬᠠᠰᠢᠶᠠ ᠰᠠᠷᠠᠪᠴᠢ ᠵᠡᠷᠭᠡ ᠰᠠᠭᠤᠷᠢ ᠪᠦᠲᠦᠭᠡᠨ ᠪᠠᠶᠢᠢᠭᠤᠯᠤᠯᠲᠠ ᠪᠠᠨ ᠶᠡᠭᠡ ᠰᠠᠶᠢᠨ ᠬᠢᠵᠠᠢ᠂ ᠶᠠᠮᠠᠷ | ᠰᠢᠤ ᠬᠡᠪᠴᠢᠶᠡᠵᠢᠯ ᠲᠠᠢ ᠪᠠᠶᠢᠭᠠ ᠪᠤᠢ︖ | — ᠪᠢ 2009 ᠤᠨ ᠠᠴᠠ ᠡᠬᠢᠯᠡᠨ ᠭᠡᠷ ᠪᠦᠯᠢ ᠶᠢᠨ ᠮᠠᠯᠵᠢᠯ ᠤᠨ ᠲᠠᠯᠠᠪᠠᠢ ᠶᠢᠨ ᠪᠠᠶᠢᠳᠠᠯ ᠲᠠᠢ | ᠪᠦᠲᠦᠭᠡᠨ ᠪᠠᠶᠢᠭᠤᠯᠵᠤ ᠫᠧᠩ ᠰᠠᠷᠠᠪᠴᠢ ᠪᠠᠷᠢᠵᠤ ᠡᠬᠢᠯᠡᠭᠰᠡᠨ᠂ ᠲᠡᠭᠡᠭᠡᠳ 2014 ᠤᠨ ᠳᠤ ᠰᠢᠨᠠ ᠪᠠᠷ 1400 | ᠲᠡᠭᠰᠢ ᠲᠦᠷᠪᠡᠯᠵᠢᠨ ᠮᠧᠲᠷ ᠤᠨ ᠫᠧᠩ ᠰᠠᠷᠠᠪᠴᠢ ᠪᠠᠷᠢᠵᠤ᠂ ᠠᠵᠢᠯᠴᠢᠨ ᠰᠠᠭᠤᠬᠤ᠂ ᠡᠪᠡᠰᠦ ᠪᠤᠷᠳᠤᠭᠠ | ᠬᠠᠳᠠᠭᠠᠯᠠᠬᠤ᠂ ᠬᠦᠢᠳᠡᠨ ᠬᠦᠮᠦᠷᠬᠡ ᠵᠡᠷᠭᠡ ᠶᠢ ᠴᠦᠮ ᠪᠦᠷᠢᠨᠰᠢᠬᠦᠯᠵᠤ᠂ ᠬᠡᠷ ᠪᠦᠯᠢ ᠶᠢᠨ ᠮᠠᠯᠵᠢᠯ ᠤᠨ | ᠲᠠᠯᠠᠪᠠᠢ ᠠᠴᠠ ᠪᠠᠨ ᠶᠡᠬᠡᠰᠬᠡᠬᠡᠳ ︽ᠤᠲᠤᠷ ᠠᠮᠢ ᠠᠬᠤᠢ ᠶᠢᠨ ᠲᠡᠵᠢᠭᠡᠪᠦᠷᠢ ᠶᠢᠨ ᠬᠢᠵᠠᠭᠠᠷᠲᠤ ᠺᠤᠮᠫᠠᠨᠢ︾ ᠶᠢ | ᠪᠠᠶᠢᠭᠤᠯᠤᠭᠰᠠᠨ᠃ | — ᠭᠡᠷ ᠪᠦᠯᠢ ᠬᠦᠳᠡᠯᠮᠦᠷᠢ ᠬᠦᠴᠦᠨ ᠤ ᠲᠠᠯᠠ ᠪᠠᠷ ᠶᠠᠮᠠᠷ ᠰᠢᠦ ᠪᠠᠶᠢᠨᠠ︖ | — ᠭᠡᠷ ᠲᠤ ᠪᠠᠨ ᠬᠡᠷᠭᠡᠢ ᠬᠡᠤᠭᠡᠨ ᠭᠤᠷᠪᠠᠭᠤᠯᠠ ᠪᠠᠨ᠂ ᠦᠬᠢᠨ ᠮᠢᠨᠢ ᠤᠳᠤ ᠨᠢᠭᠡ ᠪᠦᠬᠦᠯᠢ ᠬᠠᠭᠠᠰ | ᠬᠦᠷᠦᠭᠰᠡᠨ᠂ ᠤᠳᠤ ᠪᠤᠯ ᠪᠠᠷᠤᠭ ᠲᠤ ᠪᠠᠨ ᠬᠡᠳᠦᠬᠦᠯᠭᠡᠨ ᠢᠶᠠᠨ ᠬᠡᠷ ᠤᠨ ᠲᠤᠳᠤᠨᠠ ᠭᠠᠳᠠᠨᠠ ᠪᠠᠨ | ᠲᠦᠪᠬᠢᠨᠡᠬᠦᠯᠦᠭᠡᠳ ᠵᠠᠪᠳᠤᠵᠤ ᠪᠠᠶᠢᠨᠠ᠃ ᠲᠡᠭᠡᠷᠡ ᠬᠡᠲᠦᠨ ᠵᠢᠯ ᠬᠤᠨᠢ ᠮᠠᠯ ᠵᠤᠵᠠᠭᠠᠨ ᠪᠠᠶᠢᠬᠤ ᠳᠤ ᠪᠠᠰᠠ | ᠬᠦᠯᠦᠰᠦᠨ ᠬᠦᠮᠦᠨ ᠠᠪᠴᠤ ᠪᠠᠶᠢᠭᠰᠠᠨ᠂ ᠲᠦᠰᠦᠪ ᠲᠦᠯᠦᠪᠯᠡᠭᠡ ᠪᠠᠨ ᠶᠠᠪᠤᠭᠳᠠᠭᠤᠯᠤᠭᠰᠠᠭᠠᠷ ᠪᠠᠰᠠ ᠬᠦᠯᠦᠰᠦᠨ | ᠬᠦᠮᠦᠨ ᠵᠠᠷᠤᠬᠤ ᠴᠢᠬᠤᠯᠠ ᠲᠠᠢ ᠪᠤᠯᠤᠨᠠ᠂ ᠲᠡᠭᠡᠭᠦᠯᠡᠷ ᠪᠦᠲᠦᠭᠡᠨ ᠪᠠᠶᠢᠭᠤᠯᠬᠤ ᠲᠤᠮᠳᠠ ᠪᠠᠨ ᠲᠤᠰᠬᠠᠢ | ᠠᠵᠢᠯᠴᠢᠨ ᠤ ᠬᠡᠷ ᠢ ᠪᠠᠵᠠᠭᠠᠭᠰᠠᠨ᠃ | — ᠶᠠᠮᠠᠷ ᠰᠢᠤᠬᠠᠨ ᠲᠦᠰᠦᠪ ᠲᠦᠯᠦᠪᠯᠡᠭᠡ ᠲᠠᠢ ᠪᠤᠯ︖ | — ᠤᠯᠠᠮᠵᠢᠯᠠᠯᠲᠤ ᠠᠷᠭᠠ ᠪᠠᠷ ᠬᠡᠲᠤᠨ ᠮᠠᠯ ᠢᠶᠠᠨ ᠮᠠᠯᠵᠢᠵᠤ ᠰᠠᠭᠤᠪᠠᠯ ᠲᠡᠮᠡᠢ ᠤᠷᠤᠯᠭᠠ ᠤᠯᠵᠤ ᠲᠡᠶᠢᠯᠬᠦ | ᠦᠭᠡᠢ᠂ ᠮᠠᠨ ᠤ ᠮᠠᠯ ᠴᠢᠨᠢ ᠪᠡᠯᠴᠢᠭᠡᠷ ᠲᠠᠯᠠ ᠳᠤ ᠢᠳᠡᠰᠢᠯᠡᠵᠤ ᠴᠤᠯ ᠪᠠᠶᠢᠭᠠᠯᠢᠯᠢᠭ ᠢᠶᠠᠷ ᠢᠶᠠᠨ ᠪᠠᠶᠢᠢᠭᠠ ᠮᠠᠯ ᠤᠳ᠂ | ᠬᠠᠰᠢᠶᠠᠯᠠᠭᠠᠤᠨ ᠪᠤᠷᠳᠤᠭᠠ ᠲᠡᠵᠢᠬᠡᠭᠰᠡᠨ ᠮᠠᠯ ᠲᠠᠢ ᠬᠡᠷᠭᠢᠨ ᠠᠳᠠᠯᠢᠳᠬᠠᠵᠤ ᠪᠤᠯᠬᠤ ᠪᠤᠢ ᠳ᠋ᠠ᠂ ᠤᠳᠤ ᠶᠢᠢᠨ ᠵᠠᠬᠠ | ᠲᠡᠯᠭᠡᠭᠦᠷ ᠲᠡᠭᠡᠷᠡ ᠬᠤᠳᠠᠯᠳᠤᠭᠠᠨ ᠪᠤᠷᠳᠤᠭᠠ ᠢᠳᠡᠭᠰᠡᠨ ᠮᠠᠯ ᠴᠤ ᠬᠡᠰᠡᠨ᠂ ᠪᠡᠯᠴᠢᠭᠡᠷ ᠳᠤ ᠶᠠᠪᠤᠭᠰᠠᠨ ᠮᠠᠯ ᠴᠤ | ᠬᠡᠰᠡᠨ ᠮᠢᠬᠠᠨ ᠤ ᠦᠨᠡ ᠬᠠᠨᠭ᠍ᠰᠢ ᠨᠢ ᠲᠡᠮᠡᠢ ᠵᠦᠷᠢᠶᠡᠨ ᠦᠬᠡᠢ᠂ ᠲᠡᠭᠡᠬᠦᠯᠡᠷ ᠭᠤᠤᠯᠳᠠᠭᠤ ᠪᠤᠬᠢᠷᠳᠤᠯ ᠦᠭᠡᠢ | ᠮᠠᠯ ᠤᠨ ᠠᠰᠢᠭ ᠰᠢᠮᠠ ᠶᠢ ᠪᠤᠯᠪᠠᠰᠤᠷᠠᠭᠤᠯᠬᠤ᠂ ᠲᠠᠸᠠᠷᠴᠢᠯᠠᠬᠤ᠂ ᠮᠠᠯᠴᠢᠳ ᠢ ᠬᠠᠪᠰᠤᠷᠤᠨ ᠪᠤᠷᠤᠯᠠᠭᠤᠯᠵᠤ ᠦᠭᠬᠦ | ᠲᠠᠯᠠ ᠪᠠᠷ ᠬᠦᠭᠵᠢᠬᠦᠯᠦᠶᠡ ᠭᠡᠵᠤ ᠪᠤᠳᠤᠵᠤ ᠪᠠᠶᠢᠨᠠ᠃ | — ᠪᠤᠷᠤᠯᠠᠭᠤᠯᠭᠠ ᠶᠢᠨ ᠲᠠᠯᠠ ᠪᠠᠷ ᠶᠠᠮᠠᠷ ᠰᠢᠦ ᠪᠠᠶᠢᠨᠠ︖ | — ᠮᠠᠯᠴᠢᠳ ᠮᠢᠨᠢ ᠠᠵᠢᠯᠴᠢ ᠬᠤᠶᠠᠷ ᠭᠠᠷ᠂ ᠠᠷᠢᠭᠤᠨ ᠴᠠᠭᠠᠨ ᠬᠥᠳᠡᠯᠮᠥᠷᠢ ᠪᠠᠷ ᠢᠶᠠᠨ ᠵᠢᠷᠭᠠᠯᠳᠥ | ᠠᠮᠢᠳᠤᠷᠠᠯ ᠢᠶᠠᠨ ᠴᠤᠭᠴᠠᠯᠠᠨ ᠥᠶᠡ ᠶᠢᠨ ᠥᠶᠡ ᠳᠤ ᠤᠯᠠᠮᠵᠢᠯᠠᠯ ᠢᠶᠠᠨ ᠵᠠᠯᠭᠠᠮᠵᠢᠯᠠᠨ ᠥᠨᠥᠳᠥᠷ ᠲᠤ ᠬᠥᠷᠴᠥ | ᠢᠷᠡᠭᠰᠡᠨ ᠪᠢᠯᠡ᠂ ᠡᠶᠢᠮᠦ ᠠᠴᠠ ᠮᠠᠯ ᠠᠵᠤ ᠠᠬᠤᠢ ᠶᠢ ᠬᠦᠭᠵᠢᠬᠦᠯᠬᠦ ᠳᠤ ᠤᠯᠠᠮᠵᠢᠯᠠᠯᠲᠤ ᠲᠤᠷᠰᠢᠯᠭᠠ ᠳᠤ | ᠲᠦᠰᠢᠭᠯᠡᠬᠦ ᠬᠡᠷᠡᠭᠲᠠᠢ᠂ ᠮᠦᠨ ᠴᠤ ᠰᠢᠨᠠ ᠴᠠᠭ ᠦᠶᠡ ᠲᠠᠢ ᠨᠡᠶᠢᠴᠡᠬᠦ ᠴᠢᠬᠤᠯᠠ ᠲᠠᠢ ᠪᠠᠶᠢᠨᠠ᠂ ᠡᠶᠢᠮᠦ ᠠᠴᠠ | ᠪᠤᠷᠤᠯᠠᠭᠤᠯᠭᠠ ᠶᠢᠨ ᠲᠠᠯᠠ ᠪᠠᠷ ᠵᠠᠪᠠᠯ ᠰᠢᠨᠡᠴᠢᠯᠡᠬᠦ ᠴᠢᠬᠤᠯᠠ ᠲᠠᠢ᠂ ᠪᠢ ᠺᠤᠮᠫᠠᠨᠢ ᠪᠠᠶᠢᠭᠤᠯᠬᠤ ᠦᠶᠠ ᠳᠤ ᠪᠠᠨ ︽ | ᠤᠲᠤᠷ︾ ᠬᠡᠰᠡᠨ ᠲᠠᠸᠠᠷ ᠤᠨ ᠲᠡᠮᠳᠡᠭ ᠢ ᠲᠠᠩᠰᠠᠯᠠᠭᠤᠯᠤᠭᠰᠠᠨ ᠶᠤᠮ᠂ ᠤᠳᠤ ᠲᠤᠤ ᠪᠤᠤ ᠵᠡᠷᠭᠡ ᠰᠦᠯᠵᠢᠶᠡᠨ | ᠲᠡᠭᠡᠷᠡ ᠲᠡᠯᠭᠡᠭᠦᠷ ᠭᠠᠷᠭᠠᠵᠤ ᠬᠠᠭᠤᠷᠤᠭᠰᠠᠨ ᠠᠮᠤ᠂ ᠰᠢᠷᠠ ᠲᠤᠰᠤ᠂ ᠴᠤᠷᠮᠠ ᠵᠡᠷᠭᠡ ᠪᠦᠲᠦᠭᠡᠭᠳᠡᠬᠦᠨ ᠢᠶᠠᠨ | ᠪᠤᠷᠤᠯᠠᠭᠤᠯᠵᠤ ᠪᠠᠶᠢᠨᠠ᠂ ᠲᠡᠭᠡᠷᠡ ᠬᠡᠳᠦᠨ ᠡᠳᠦᠷ ᠪᠡᠬᠡᠵᠢᠩ ᠤᠨ ᠨᠢᠭᠡ ᠺᠤᠮᠫᠠᠨᠢ ᠲᠠᠢ 5000 ᠵᠢᠩ ᠤᠨ ᠬᠤᠨᠢᠨ | ᠮᠢᠬᠠ ᠶᠢ ᠪᠤᠭᠤᠳᠠᠯᠯᠠᠵᠤ ᠬᠠᠨᠭ᠍ᠭᠠᠬᠤ ᠬᠡᠷᠡ ᠲᠤᠭᠳᠠᠭᠰᠠᠨ ᠶᠤᠮ᠂ ᠪᠢ ᠭᠤᠤᠯᠳᠠᠭᠤ ᠬᠤᠷᠰᠢᠶᠠᠵᠢᠯ ᠤᠨ ᠢᠶᠠᠨ | ᠬᠦᠮᠦᠰ ᠤᠨ ᠬᠤᠨᠢ ᠮᠠᠯ ᠪᠤᠶᠤ ᠮᠠᠯᠴᠢᠳ ᠢᠶᠠᠷ ᠪᠦᠷᠢᠯᠳᠦᠭᠰᠡᠨ ᠵᠢᠷᠬᠢᠶᠡ ᠶᠢᠨ ᠴᠤᠭᠯᠠᠷᠠᠯ ᠢᠶᠠᠷ ᠲᠠᠮᠵᠢᠵᠤ | ᠮᠠᠯᠴᠢᠳ ᠤᠨ ᠬᠤᠨᠢ ᠮᠠᠯ ᠢ ᠨᠢ ᠪᠤᠷᠤᠯᠠᠭᠤᠯᠵᠤ ᠦᠭᠳᠡᠭ᠃ | ᠶᠠᠷᠢᠶᠠ ᠬᠦᠬᠡᠷᠦᠭᠡ ᠪᠠᠨ ᠲᠡᠯᠭᠡᠵᠤ ᠠᠳᠠᠯᠠ ᠤᠳᠠᠯ ᠦᠭᠡᠢ ᠬᠤᠨᠢ ᠲᠡᠵᠢᠬᠡᠬᠦ ᠴᠠᠭ ᠪᠤᠯᠤᠭᠰᠠᠨ ᠲᠤᠯᠠ ᠪᠢᠳᠡ | ᠭᠡᠷ ᠤᠨ ᠡᠵᠡᠨ ᠢ ᠳᠠᠭᠠᠭᠠᠳ ᠭᠠᠷᠤᠯᠠ᠃ ᠡᠵᠡᠨ ᠢᠶᠠᠨ ᠦᠵᠡᠭᠰᠡᠨ ᠬᠤᠨᠢᠳ ᠡᠪᠡᠰᠦ ᠪᠤᠷᠳᠤᠭᠠ ᠦᠭᠬᠦ ᠶᠢ | ᠠᠨᠢᠷᠯᠠᠵᠤ ᠮᠡᠳᠡᠭᠡᠳ ᠤᠡᠭᠭᠤᠴᠠ ᠤᠷᠤᠭᠤ ᠰᠢᠬᠠᠯᠳᠤᠵᠤ᠂ ᠰᠦᠨ ᠳᠡᠭᠡᠨ ᠴᠠᠳᠤᠭᠰᠠᠨ ᠬᠦᠬᠡᠷᠦᠬᠦᠨ ᠨᠢᠯᠬᠠ | ᠬᠤᠷᠠᠭᠠᠳ ᠬᠠᠷᠢᠨ ᠡᠪᠡᠰᠦ ᠶᠠᠭᠤ ᠬᠡᠳᠡᠭ ᠢ ᠮᠡᠳᠡᠬᠦ ᠦᠭᠡᠢ ᠰᠢᠭ ᠨᠠᠷᠠᠨ ᠤ ᠡᠭᠡᠪᠦᠷ ᠲᠤ ᠲᠤᠭᠯᠠᠯᠲᠤᠨ ᠬᠦᠶᠦᠵᠤ | ᠬᠦᠮᠦᠨ ᠤ ᠬᠠᠶᠢᠷᠠ ᠶᠢ ᠠᠷᠭᠠ ᠦᠭᠡᠢ ᠪᠤᠯᠢᠶᠠᠨᠠ᠃ ᠤᠳᠬᠠᠨᠳᠠᠯᠢ ᠬᠤᠨᠢᠨ ᠬᠦᠷᠢᠶᠡᠨ ᠳᠤ ᠪᠠᠨ ᠬᠦᠷᠴᠦ | ᠬᠤᠨᠢ ᠪᠠᠨ ᠡᠷᠳᠡᠨᠢ ᠰᠢᠰᠢ ᠪᠠᠷ ᠪᠤᠷᠳᠤᠭᠠᠳ ᠭᠤᠷᠪᠠᠨ ᠬᠦᠷᠲᠦᠲᠤ ᠮᠤᠲ᠋ᠤᠷ ᠲᠡᠷᠭᠡᠨ ᠳᠤ ᠪᠠᠨ ᠬᠠᠭᠤᠷᠠᠢ | ᠡᠪᠡᠰᠦ ᠪᠠᠨ ᠰᠠᠪᠠᠯᠠᠭᠠᠳ ᠲᠠᠬᠢᠨ ᠬᠤᠨᠢᠳ ᠢᠶᠠᠨ ᠡᠪᠡᠰᠦᠯᠡᠵᠤ᠂ ᠨᠤᠭᠤᠭᠠᠨ ᠪᠤᠷᠳᠤᠭᠠ ᠪᠠᠷ ᠦᠭᠡᠷ ᠪᠠᠨ ᠲᠡᠵᠢᠬᠡᠵᠤ | ᠂ ᠤᠩᠭᠤᠴᠠᠨ ᠳᠤ ᠪᠠᠨ ᠤᠰᠤ ᠬᠢᠨ᠂ ᠲᠠᠬᠢᠨ ᠮᠠᠯ ᠢᠶᠠᠨ ᠪᠡᠯᠴᠢᠭᠡᠷ ᠲᠤ ᠭᠠᠷᠭᠠᠬᠤ ᠁ ᠵᠡᠷᠭᠡ ᠡᠳᠦᠷ ᠤᠨ | ᠠᠵᠢᠯ ᠢᠶᠠᠨ ᠵᠤᠷᠰᠢᠯ ᠶᠤᠰᠤᠭᠠᠷ ᠬᠢᠵᠤ ᠭᠠᠷᠤᠯᠠ᠃ | ᠤᠳᠬᠠᠨᠳᠠᠯᠠᠢ 2007 ᠤᠨ ᠳᠤ ᠦᠪᠦᠷ ᠮᠤᠩᠭᠤᠯ ᠤᠨ ᠪᠠᠭᠰᠢ ᠶᠢᠨ ᠶᠡᠭᠡ ᠰᠤᠷᠭᠠᠭᠤᠯᠢ ᠶᠢᠨ ᠬᠠᠤᠯᠢ | ᠴᠠᠭᠠᠵᠠ ᠶᠢᠨ ᠰᠠᠯᠪᠤᠷᠢ ᠠᠴᠠ ᠲᠡᠬᠦᠰᠦᠭᠡᠳ ᠬᠦᠳᠡᠭᠡ ᠨᠤᠲᠤᠭ ᠲᠤ ᠪᠠᠨ ᠢᠷᠡᠵᠤ᠂ ᠮᠠᠯᠵᠢᠬᠤ ᠦᠢᠯᠡᠳᠪᠦᠷᠢᠯᠡᠯ | ᠢᠶᠠᠨ ᠵᠠᠯᠭᠠᠮᠵᠢᠯᠠᠨ ᠬᠦᠭᠵᠢᠬᠦᠯᠵᠤ ᠡᠬᠢᠯᠡᠵᠠᠢ᠃ ᠠᠩᠬᠠ ᠬᠡᠷ ᠤᠨ ᠠᠮᠢᠳᠤᠷᠠᠯ ᠲᠡᠶᠢᠮᠦ ᠰᠠᠶᠢᠨ ᠪᠠᠶᠢᠭᠠ ᠦᠭᠡᠢ᠂ | ᠬᠠᠮᠤᠭ ᠠᠩᠬᠠ ᠭᠡᠷ ᠢᠶᠠᠨ ᠡᠯᠵᠢᠭᠡᠨ ᠬᠠᠰᠠᠭ ᠢᠶᠠᠷ ᠲᠤᠭᠤᠰᠬᠠ ᠵᠦᠭᠡᠭᠡᠵᠤ ᠪᠠᠷᠢᠭᠰᠠᠨ ᠭᠡᠵᠤ ᠬᠡᠯᠡᠵᠤ ᠪᠠᠶᠢᠯᠠ᠃ | ᠤᠳᠤ ᠦᠵᠡᠬᠦ ᠳᠤ ᠬᠡᠷ ᠬᠤᠷᠤᠭᠠ ᠨᠢ ᠨᠡᠶᠢᠢᠲᠡ ᠪᠠᠷᠤᠭ ᠬᠡᠳᠦᠨ ᠮᠢᠩᠭᠠᠨ ᠲᠡᠭᠰᠢ ᠲᠦᠷᠪᠡᠯᠵᠢᠨ ᠮᠧᠲᠷ ᠬᠦᠷᠴᠠᠢ᠃ | ᠬᠡᠷᠬᠡᠢ ᠰᠡᠴᠡᠨᠭᠤᠸᠠ ᠨᠢ ᠯᠢᠶᠤᠤᠨᠢᠩ ᠤᠨ ᠠᠵᠤ ᠦᠢᠯᠡᠳᠪᠤᠷᠢ ᠶᠢᠨ ᠶᠡᠭᠡ ᠰᠤᠷᠭᠠᠭᠤᠯᠢ ᠠᠴᠠ ᠲᠡᠬᠦᠰᠴᠤ᠂ | ᠤᠤᠯ ᠨᠢ ᠪᠡᠬᠡᠵᠢᠩ ᠬᠤᠲᠠ ᠳᠤ ᠵᠢᠷᠤᠭ ᠲᠦᠰᠦᠪᠯᠡᠭᠡ ᠶᠢᠨ ᠠᠵᠢᠯ ᠲᠠᠢ ᠶᠠᠪᠤᠭᠠ ᠪᠠᠶᠢᠵᠠᠢ᠃ ᠤᠳᠤ ᠰᠦᠯᠵᠢᠶᠡᠨ | ᠲᠡᠯᠭᠡᠬᠦᠷ ᠲᠡᠭᠡᠷᠡ ᠪᠠᠨ ᠪᠦᠲᠦᠭᠡᠭᠳᠡᠬᠦᠨ ᠤ ᠪᠠᠨ ᠬᠡᠷᠡᠯ ᠵᠢᠷᠤᠭ ᠢ ᠦᠪᠡᠷᠳᠡᠭᠡᠨ ᠰᠠᠶᠢᠬᠠᠨ ᠴᠢᠮᠡᠵᠤ ᠲᠦᠰᠦᠪᠯᠡᠵᠤ | ᠬᠤᠳᠠᠯᠳᠤᠵᠤ ᠪᠠᠶᠢᠢᠭᠠ᠃ | ᠬᠦᠮᠦᠨ ᠪᠦᠬᠦᠨ ᠬᠦᠰᠡᠯ ᠵᠤᠷᠢᠯᠲᠠ ᠲᠠᠢ ᠪᠠᠶᠢᠳᠠᠭ ᠪᠦᠭᠡᠳ ᠬᠦᠰᠡᠯ ᠵᠤᠷᠢᠯᠲᠠ ᠶᠢᠨ ᠢᠶᠠᠨ ᠲᠦᠯᠦᠭᠡ | ᠴᠢᠷᠮᠠᠶᠢᠨ ᠲᠡᠮᠡᠴᠡᠳᠡᠭ ᠤᠴᠢᠷᠲᠠᠢ᠃ ᠬᠦᠳᠡᠭᠡ ᠨᠤᠲᠤᠭ ᠢᠶᠠᠨ ᠪᠦᠲᠦᠭᠡᠨ ᠪᠠᠶᠢᠭᠤᠯᠤᠶᠠ᠂ ᠬᠦᠭᠵᠢᠬᠦᠯᠦᠶᠠ᠂ | ᠤᠯᠠᠮᠵᠢᠯᠠᠶᠠ ᠬᠡᠰᠡᠨ ᠵᠤᠷᠢᠯᠲᠠ ᠲᠠᠢ ᠤᠳᠬᠠᠨᠳᠠᠯᠠᠢ ᠪᠤᠯ ᠬᠠᠷᠠᠬᠠᠨ ᠪᠠᠭᠠ ᠠᠴᠠ ᠪᠠᠨ ᠨᠤᠲᠤᠭ ᠤᠰᠤ ᠳᠤ ᠪᠠᠨ | ᠬᠢᠵᠠᠭᠠᠷ ᠦᠭᠡᠢ ᠬᠠᠶᠢᠷᠠᠲᠠᠢ ᠬᠦᠮᠦᠨ ᠪᠠᠶᠢᠯᠠ᠃ ᠲᠡᠭᠡᠬᠦ ᠪᠠᠷ ᠢᠶᠠᠨ ᠰᠤᠷᠭᠠᠭᠤᠯᠢ ᠳᠤ ᠪᠠᠶᠢᠬᠤ ᠳᠤ ᠪᠠᠨ ︽ᠪᠢ | ᠲᠠᠯᠠ ᠨᠤᠲᠤᠭ ᠲᠤ ᠪᠠᠨ ᠬᠠᠶᠢᠷᠠᠲᠠᠢ︾ ᠬᠡᠬᠦ ᠨᠤᠮ ᠢᠶᠠᠨ ᠬᠡᠪᠯᠡᠬᠦᠯᠦᠭᠰᠡᠨ ᠪᠠᠶᠢᠵᠠᠢ᠃ ᠶᠡᠭᠡ ᠰᠤᠷᠭᠠᠭᠤᠯᠢ ᠪᠠᠨ | ᠲᠡᠭᠦᠰᠬᠡᠭᠡᠳ ᠬᠦᠳᠡᠭᠡ ᠨᠤᠲᠤᠭ ᠢᠶᠠᠨ ᠰᠠᠬᠢᠵᠤ᠂ ᠬᠦᠳᠡᠭᠡ ᠨᠤᠲᠤᠭ ᠲᠤ ᠪᠠᠨ ᠬᠢᠯᠠᠷᠠᠭᠤᠯᠵᠤ᠂ ᠮᠠᠯᠴᠢᠳ ᠲᠦᠮᠡᠨ | ᠢᠶᠠᠨ ᠲᠠᠭᠠᠭᠤᠯᠤᠨ ᠪᠠᠶᠠᠵᠢᠭᠤᠯᠬᠤ ᠵᠤᠷᠢᠯᠳᠠ ᠲᠠᠢ ᠶᠠᠪᠤᠭᠠ ᠤᠳᠬᠠᠨᠳᠠᠯᠠᠢ ᠰᠡᠴᠡᠨᠭᠤᠸᠠ ᠠᠴᠠ ᠮᠠᠨ ᠤ ᠵᠠᠯᠠᠭᠤᠴᠤᠳ | ᠪᠦᠬᠦᠨ ᠲᠠᠭᠠᠨ ᠰᠤᠷᠤᠯᠴᠠᠭᠤᠰᠢᠲᠠᠢ ᠪᠠᠶᠢᠨᠠ᠃ |