| | | ᠵᠤᠨ ᠤ ᠵᠢᠷᠭᠤᠭᠠᠨ ᠰᠠᠷᠠ ᠶᠢᠨ ᠬᠦᠳᠡᠭᠡ ᠨᠤᠲᠤᠭ ᠭᠡᠭᠴᠢ ᠶᠠᠭ ᠯᠠ ᠵᠢᠷᠤᠭ ᠮᠡᠲᠤ᠃ ᠪᠢᠳᠠ ᠦᠤᠰᠢᠨᠵᠤᠤ | ᠪᠠᠯᠭᠠᠰᠤᠨ ᠤ ᠪᠦᠷᠢᠲᠤ ᠭᠠᠴᠠᠭᠠᠨ ᠳᠤ ᠬᠦᠷᠬᠦ ᠳᠤ ᠮᠠᠩᠬᠠᠨ ᠳᠤᠮᠳᠠᠭᠤᠷ ᠰᠢᠪᠠᠭ ᠬᠠᠷᠭᠠᠨᠠ ᠭᠠᠵᠠᠷ ᠰᠠᠢ ᠦᠭᠡᠢ | ᠤᠷᠭᠤᠵᠤ᠂ ᠤᠳᠠ ᠪᠤᠷᠭᠠᠰᠤ ᠰᠠᠯᠬᠢᠨ ᠤ ᠠᠶᠠ ᠪᠠᠷ ᠭᠠᠩᠬᠤᠨ᠂ ᠬᠠᠶᠠ ᠬᠠᠷᠠᠭᠳᠠᠬᠤ ᠬᠦᠯᠢᠭᠡᠷ ᠴᠠᠭᠠᠨ ᠮᠠᠩᠬᠠᠨ ᠤ | ᠡᠩᠭᠡᠷ ᠲᠤ ᠤᠰᠤ ᠲᠤᠭᠲᠠᠨ᠂ ᠬᠠᠷᠠᠬᠰᠠᠨ ᠪᠦᠬᠦᠨ ᠤ ᠪᠠᠭ᠋ᠠᠷᠬᠠᠯ ᠢ ᠠᠷᠭᠠ ᠦᠭᠡᠢ ᠲᠠᠳᠠᠨᠠ᠃ ᠪᠢᠳᠠᠨ ᠤ | ᠤᠴᠢᠭᠰᠠᠨ ᠠᠶᠢᠯ ᠤᠨ ᠡᠵᠡᠨ ᠢ ᠵᠢᠷᠭᠠᠯᠲᠤ ᠭᠡᠳᠡᠭ᠂ ᠪᠦᠷᠢᠲᠤ ᠭᠠᠴᠠᠭᠠᠨ ᠤ ᠴᠠᠭᠠᠨᠲᠤᠯᠤᠭᠠᠢ ᠮᠠᠯᠵᠢᠯ ᠤᠨ | ᠬᠤᠷᠰᠢᠶᠠᠨ ᠤ ᠪᠠᠶᠢᠰᠢᠩ ᠤᠨ ᠬᠤᠭᠤᠯᠠᠢ ᠬᠡᠮᠡᠬᠦ ᠭᠠᠵᠠᠷ ᠤᠨ ᠮᠠᠯᠴᠢᠨ᠂ ᠲᠡᠳᠡᠨᠠᠶᠢᠬᠢᠨ ᠤᠳᠤᠭ ᠬᠤᠰᠢᠭᠤᠨ ᠤ | ᠰᠠᠪ ᠲᠠᠢ ᠤᠶᠢᠷᠠᠬᠠᠨ ᠪᠦᠭᠡᠳ ᠪᠠᠷᠠᠭᠤᠨᠰᠢ ᠪᠠᠨ ᠭᠠᠯᠠᠭᠤᠲᠤ ᠪᠠᠯᠭᠠᠰᠤᠨ ᠤ ᠪᠠᠭᠠᠴᠠᠶᠢᠳᠠᠮ ᠮᠠᠯᠵᠢᠯ ᠤᠨ | ᠬᠤᠷᠰᠢᠶᠠ ᠲᠠᠢ ᠰᠠᠪ ᠨᠡᠶᠢᠯᠡᠵᠤ ᠪᠠᠶᠢᠳᠠᠭ᠃ ᠵᠢᠷᠭᠠᠯᠲᠤ ᠶᠢᠨ ᠬᠢᠨ ᠭᠡᠵᠤ ᠪᠡᠯᠴᠢᠭᠡᠷ ᠤᠨ ᠢᠶᠠᠨ ᠪᠠᠷᠠᠭᠤᠨ ᠬᠤᠶᠢᠲᠤ | ᠵᠠᠬᠠ ᠳᠤ ᠰᠠᠭᠤᠷᠢᠰᠢᠭᠰᠠᠨ ᠠᠶᠢᠯ ᠪᠠᠶᠢᠯᠠ᠃ ᠮᠠᠯ ᠤᠨ ᠪᠡᠯᠴᠢᠭᠡᠷ ᠨᠢ ᠭᠡᠷ ᠠᠴᠠ ᠪᠠᠨ ᠵᠡᠬᠦᠨ ᠡᠮᠦᠨᠡᠰᠢ ᠪᠠᠨ | ᠦᠵᠦᠬᠦᠷ ᠨᠢ ᠦᠵᠡᠭᠳᠡᠬᠦ ᠦᠭᠡᠢ ᠨᠤᠭᠤᠭᠠᠷᠠᠨ ᠦᠷᠬᠦᠯᠵᠢᠯᠡᠵᠤ᠂ ᠪᠠᠷᠤᠭ ᠭᠤᠴᠢ ᠭᠠᠷᠤᠢ ᠭᠠᠵᠠᠷ ᠤᠨ ᠬᠤᠯᠠ | ᠬᠦᠷᠳᠡᠭ᠃ ᠲᠡᠷᠡ ᠭᠤᠴᠢ ᠭᠠᠷᠤᠢ ᠵᠢᠯ ᠤᠨ ᠲᠤᠷᠰᠢ ᠪᠦᠰᠡᠬᠦᠢ ᠲᠠᠢ ᠪᠠᠨ ᠬᠤᠶᠠᠭᠤᠯᠠ ᠠᠵᠢᠯᠴᠢ ᠬᠤᠶᠠᠷ ᠭᠠᠷ ᠢᠶᠠᠷ | ᠢᠶᠠᠨ ᠲᠦᠮᠡ ᠭᠠᠷᠤᠢ ᠮᠦ ᠶᠢᠨ ᠡᠯᠡᠰᠦ ᠮᠠᠩᠬᠠ ᠶᠢ ᠨᠤᠭᠤᠭᠠᠷᠠᠭᠤᠯᠵᠤ᠂ ᠠᠮᠢ ᠠᠬᠤᠢ ᠪᠠᠨ ᠰᠡᠷᠬᠦᠭᠡᠨ᠂ ᠬᠦᠷᠦᠰᠦ | ᠰᠢᠷᠤᠢ ᠪᠠᠨ ᠰᠠᠶᠢᠵᠢᠷᠠᠭᠤᠯᠵᠤ᠂ ᠨᠤᠲᠤᠭ ᠤᠰᠤᠨ ᠳᠤ ᠪᠠᠨ ᠡᠵᠡᠨ ᠨᠢ ᠪᠤᠯᠵᠤ᠂ ᠨᠤᠮᠢᠨ ᠲᠠᠩᠰᠤᠭ ᠦᠤᠰᠢᠨ ᠤ | ᠪᠦᠲᠦᠭᠡᠨ ᠪᠠᠶᠢᠭᠤᠯᠤᠯᠲᠠ ᠳᠤ ᠬᠤᠪᠢ ᠨᠡᠮᠡᠷᠢ ᠪᠠᠨ ᠦᠵᠡᠬᠦᠯᠦᠭᠰᠡᠷ ᠢᠷᠡᠪᠡ᠃ | | | | | | ᠠᠮᠢᠳᠤᠷᠠᠯ ᠠᠴᠠ ᠬᠦᠪᠴᠢᠯᠡᠭᠳᠡᠭᠰᠡᠨ ᠬᠠᠳᠠᠨ ᠵᠤᠷᠢᠭ | ᠵᠢᠷᠭᠠᠯᠲᠤ ᠪᠤᠯ ᠠᠶᠢᠯ ᠤᠨ ᠭᠠᠭᠴᠠ ᠬᠦᠦ᠂ ᠬᠠᠷᠠᠬᠠᠨ ᠪᠠᠭᠠ ᠠᠴᠠ ᠪᠠᠨ ᠠᠪᠤ ᠡᠵᠢ ᠨᠢ ᠠᠯᠠᠭᠠᠨ ᠳᠤ ᠪᠠᠨ | ᠲᠠᠯᠪᠢᠪᠠᠯ ᠪᠦᠮᠪᠦᠷᠢᠬᠦᠯᠦᠮᠡᠷ ᠠᠮᠠᠨ ᠳᠤ ᠪᠠᠨ ᠬᠢᠪᠠᠯ ᠬᠠᠶᠢᠢᠯᠤᠴᠢᠬᠠᠮᠠᠷ ᠬᠠᠶᠢᠷᠠᠯᠠᠵᠤ᠂ ᠠᠶᠢᠯ ᠤᠨ ᠬᠡᠤᠭᠡᠳ ᠰᠢᠬᠢᠷ | ᠦᠵᠡᠭᠡᠳᠦᠢ ᠪᠠᠶᠢᠬᠤ ᠳᠤ ᠲᠡᠷᠡ ᠬᠠᠷᠢᠨ ᠠᠳᠬᠤ ᠠᠳᠬᠤ ᠪᠠᠷ ᠢᠳᠡᠴᠢᠭᠡᠭᠰᠡᠨ ᠡᠷᠬᠡ ᠲᠠᠩᠭᠢ ᠦᠰᠦᠭᠰᠡᠨ ᠬᠡᠤᠭᠡᠳ | ᠪᠠᠶᠢᠢᠵᠠᠢ᠃ ᠪᠠᠭᠠ ᠰᠤᠷᠭᠠᠭᠤᠯᠢ ᠶᠢᠨ ᠨᠢᠭᠡᠳᠦᠭᠡᠷ ᠤᠨ ᠳᠤ ᠪᠠᠶᠢᠬᠤ ᠳᠤ ᠪᠠᠨ ᠰᠤᠷᠤᠯᠭᠠ ᠨᠢ ᠤᠨᠴᠠ | ᠰᠠᠶᠢᠨ ᠠᠴᠠ ᠪᠤᠯᠵᠤ ᠨᠢᠭᠡᠳᠦᠭᠡᠷ ᠤᠨ ᠠᠴᠠ ᠪᠠᠨ ᠭᠤᠷᠪᠠᠳᠤᠭᠠᠷ ᠤᠨ ᠳᠤ ᠰᠢᠭᠤᠳ ᠦᠰᠦᠷᠦᠨ ᠤᠷᠤᠭᠠᠳ᠂ | ᠡᠬᠢᠨ ᠳᠤ ᠪᠠᠨ ᠵᠢᠭᠠᠬᠠᠨ ᠬᠦᠴᠢᠷᠳᠡᠬᠦ ᠳᠤ ᠠᠪᠤ ᠡᠵᠢ ᠨᠢ ᠬᠠᠯᠠ ᠠᠮᠰᠠᠬᠤ ᠠᠴᠠ ᠪᠠᠨ ᠵᠤᠪᠠᠭᠠᠳ | ᠰᠤᠷᠭᠠᠭᠤᠯᠢ ᠠᠴᠠ ᠪᠠᠨ ᠭᠠᠷᠭᠠᠵᠤ ᠠᠪᠤᠭᠰᠠᠨ ᠪᠠᠶᠢᠵᠠᠢ᠃ ᠲᠡᠭᠡᠭᠡᠳ 1982 ᠤᠨ ᠳᠤ ᠮᠠᠯ ᠪᠡᠯᠴᠢᠭᠡᠷ ᠢ | ᠡᠷᠦᠬᠡ ᠳᠤ ᠲᠠᠭᠠᠭᠠᠴᠢᠯᠠᠭᠤᠯᠬᠤ ᠵᠢᠯ ᠵᠠᠶᠠᠭᠠᠨ ᠤ ᠠᠮᠠᠷᠠᠭ ᠲᠠᠢ ᠪᠠᠨ ᠵᠤᠯᠭᠠᠨᠠ ᠬᠡᠭᠴᠢ ᠵᠠᠯᠠᠭᠤ ᠬᠦᠮᠦᠨ ᠤ ᠲᠠᠪᠢᠯᠠᠩ | ᠭᠡᠳᠡᠭ ᠢᠶᠠᠷ ᠨᠤᠲᠤᠭ ᠤᠨ ᠬᠡᠤᠭᠡᠨ ᠤᠳᠬᠠᠨᠭᠡᠷᠡᠯ ᠲᠠᠢ ᠬᠡᠷ ᠪᠤᠯᠵᠤ᠂ ᠡᠨᠡ ᠨᠤᠲᠤᠭ ᠲᠡᠭᠡᠷᠡ ᠰᠠᠭᠤᠭᠠᠳ ᠤᠳᠤ | ᠨᠢᠭᠡᠨᠲᠠᠢ ᠭᠤᠴᠢᠨ ᠲᠠᠪᠤᠨ ᠵᠢᠯ ᠤᠨ ᠨᠢᠭᠤᠷ ᠢ ᠦᠵᠡᠭᠰᠡᠨ ᠪᠠᠶᠢᠨᠠ᠃ ᠠᠩᠬᠠ ᠢᠷᠡᠵᠤ ᠰᠠᠭᠤᠬᠤ ᠳᠤ ᠡᠨᠡ | ᠭᠠᠵᠠᠷ ᠤᠨ ᠵᠡᠬᠦᠨ ᠪᠠᠷᠠᠭᠤᠨ ᠬᠤᠶᠢᠲᠤ ᠭᠤᠷᠪᠠᠨ ᠲᠠᠯᠠ ᠨᠢ ᠨᠢᠴᠦᠬᠦᠨ ᠰᠢᠷᠠ ᠨᠤᠷᠡ ᠡᠯᠡᠰᠦᠨ ᠳᠤ ᠬᠦᠷᠢᠶᠡᠯᠡᠭᠳᠡᠵᠤ | ᠂ ᠡᠮᠦᠨᠡ ᠲᠠᠯᠠ ᠳᠤ ᠪᠠᠨ ᠨᠠᠷᠢᠬᠠᠨ ᠵᠢᠭᠠᠬᠠᠨ ᠴᠠᠶᠢᠢᠳᠠᠮ ᠲᠠᠢ ᠪᠠᠶᠢᠢᠵᠠᠢ᠃ ᠲᠡᠳᠡᠨᠡᠶᠢᠬᠢᠨ ᠤ ᠲᠠᠭᠠᠭᠠᠴᠢᠯᠠᠨ | ᠠᠪᠤᠭᠰᠠᠨ 12000 ᠭᠠᠷᠤᠢ ᠮᠦ ᠪᠡᠯᠴᠢᠭᠡᠷ ᠨᠤᠲᠤᠭ ᠠᠴᠠ ᠭᠤᠷᠪᠠᠳᠤᠭᠠᠷ ᠲᠡᠰ ᠤᠨ ᠡᠪᠡᠰᠦ ᠤᠷᠭᠤᠮᠠᠯ ᠲᠠᠢ | ᠭᠠᠵᠠᠷ ᠨᠢ ᠰᠠᠶ᠋ᠢ ᠲᠤᠯᠤᠭᠠᠨ ᠵᠠᠭᠤᠬᠠᠨ ᠮᠦ ᠪᠠᠶᠢᠵᠤ᠂ ᠪᠤᠰᠤᠳ ᠨᠢ ᠴᠦᠮ ᠡᠯᠡᠰᠦ ᠮᠠᠩᠬᠠ ᠪᠠᠶᠢᠪᠠ᠃ | | | | | | ᠠᠪᠤ ᠡᠵᠢ ᠶᠢᠨ ᠬᠠᠶᠢᠷᠠ ᠳᠤ ᠬᠠᠯᠠ ᠠᠮᠰᠠᠵᠤ ᠦᠵᠡᠭᠡ ᠦᠬᠡᠢ ᠦᠰᠦᠭᠰᠡᠨ ᠵᠢᠷᠭᠠᠯᠲᠤ ᠦᠪᠡᠷ ᠤᠨ | ᠠᠮᠢᠳᠤᠷᠠᠯ ᠦᠢᠯᠡᠰ ᠢᠶᠠᠨ ᠴᠤᠭᠴᠠᠯᠠᠬᠤ ᠶᠢᠨ ᠭᠠᠷᠤᠭᠠ ᠳᠤ ᠡᠶᠢᠮᠦ ᠶᠡᠭᠡ ᠡᠯᠡᠰᠦ ᠲᠠᠢ ᠲᠡᠮᠡᠴᠡᠨᠡ ᠬᠡᠵᠤ | ᠵᠡᠬᠦᠳᠦᠯᠡᠵᠤ ᠴᠤ ᠦᠡᠭᠭᠡᠷᠡᠭᠡ ᠦᠭᠡᠢ ᠪᠠᠶᠢᠵᠠᠢ᠃ ᠠᠩᠬᠠ ᠡᠬᠢᠨ ᠳᠤ ᠪᠠᠨ ᠬᠤᠷᠢᠭᠠᠳ ᠬᠤᠨᠢ ᠲᠠᠢ ᠪᠠᠶᠢᠭᠰᠠᠨ ᠴᠤ | ᠬᠠᠮᠠᠷ ᠬᠠᠳᠬᠤᠬᠤ ᠡᠪᠡᠰᠦ ᠦᠭᠡᠢ ᠡᠨᠡ ᠶᠡᠭᠡ ᠡᠯᠡᠰᠦᠨ ᠴᠦᠯ ᠳᠤ ᠮᠠᠯ ᠮᠠᠯᠵᠢᠬᠤ ᠬᠡᠳᠡᠭ ᠨᠢ ᠶᠤᠰᠤᠲᠠᠢ ᠨᠢᠭᠡ | ᠲᠠᠮᠤ ᠪᠠᠶᠢᠪᠠ᠂ ᠰᠠᠯᠬᠢ ᠲᠡᠭᠳᠡᠮᠡᠭᠴᠡ ᠡᠯᠡᠰᠦᠨ ᠰᠢᠭᠤᠷᠭᠠ ᠲᠡᠭᠷᠢ ᠭᠠᠵᠠᠷ ᠢ ᠪᠦᠷᠬᠦᠮᠠ ᠨᠦᠷᠢᠨ ᠢᠷᠡᠵᠤ᠂ ᠬᠡᠲᠤᠨ | ᠮᠠᠯ ᠨᠢ ᠮᠠᠩᠬᠠᠨ ᠳᠤ ᠪᠤᠯᠠᠭᠳᠠᠭᠠᠳ ᠪᠤᠰᠴᠤ ᠴᠢᠳᠠᠬᠤ ᠦᠭᠡᠢ ᠪᠤᠯᠳᠠᠭ ᠬᠡᠨᠡ᠂ ᠲᠡᠭᠡᠭᠡᠳ ᠡᠳᠦᠷ ᠪᠦᠷᠢ ᠮᠠᠯ ᠤᠨ | ᠢᠶᠠᠨ ᠰᠢᠷᠤᠢ ᠶᠢ ᠬᠦᠪᠢᠨᠠ᠂ ᠨᠢᠭᠡ ᠰᠠᠯᠬᠢᠯᠠᠪᠠᠯ ᠮᠠᠯ ᠤᠨ ᠬᠦᠷᠢᠶᠠ ᠬᠠᠰᠢᠶᠠ ᠪᠤᠯᠤᠨ ᠰᠠᠭᠤᠳᠠᠭ ᠭᠡᠷ ᠨᠢ | ᠪᠤᠯᠠᠭᠳᠠᠭᠠᠳ ᠵᠠᠷᠢᠮ ᠳᠤ ᠪᠠᠨ ᠡᠬᠦᠳᠡ ᠪᠠᠷ ᠢᠶᠠᠨ ᠴᠤ ᠭᠠᠷᠴᠤ ᠲᠡᠶᠢᠯᠬᠦ ᠦᠭᠡᠢ ᠪᠤᠯᠵᠤ᠂ ᠦᠨᠵᠢᠭᠡᠳ ᠬᠤᠨᠤᠭᠠᠳ | ᠰᠢᠷᠤᠢ ᠮᠠᠯᠳᠠᠬᠤ ᠪᠤᠯᠪᠠ ᠁ ᠢᠡᠭᠭᠢᠵᠤ ᠬᠡᠲᠤᠨ ᠮᠠᠯ ᠢᠶᠠᠨ ᠦᠰᠬᠡᠨ ᠠᠮᠢᠳᠤᠷᠠᠯ ᠢᠶᠠᠨ ᠠᠷᠭᠠᠴᠠᠭᠠᠳ ᠡᠳᠦᠷ | ᠦᠡᠭᠭᠡᠷᠡᠭᠡᠬᠦ ᠨᠢ ᠲᠠᠩᠴᠢ ᠦᠢᠯᠡ ᠲᠠᠮᠤ ᠲᠠᠢ ᠪᠦᠭᠡᠳ ᠵᠤᠭᠤᠰ ᠮᠦᠡᠭᠭᠦ ᠪᠠᠷ ᠲᠤᠳᠠᠭᠠᠳ ᠬᠡᠴᠡᠭᠦᠦ ᠪᠤᠯᠬᠤ ᠳᠤ | ᠵᠢᠷᠭᠠᠯᠲᠤ ᠡᠷᠭᠡ ᠲᠠᠩᠭᠢ ᠦᠰᠦᠭᠰᠡᠨ ᠢᠶᠠᠨ ᠮᠠᠷᠳᠠᠵᠤ ᠶᠠᠳᠠᠷᠠᠵᠤ ᠦᠬᠦᠭᠰᠡᠨ ᠴᠤ ᠡᠯᠡᠰᠦᠨ ᠳᠤ ᠲᠠᠷᠤᠯᠠᠭᠳᠠᠵᠤ | ᠦᠬᠦᠬᠦ ᠦᠭᠡᠢ ᠭᠡᠵᠤ ᠵᠤᠷᠢᠭ ᠰᠢᠭᠤᠳᠤᠨ᠂ ᠡᠯᠡᠰᠦ ᠲᠠᠢ ᠲᠡᠮᠡᠴᠡᠵᠤ ᠡᠬᠢᠯᠡᠭᠰᠡᠨ ᠪᠠᠶᠢᠨᠠ᠃ | | | | | | ᠡᠯᠡᠰᠦ ᠮᠠᠩᠭᠠ ᠲᠠᠢ ᠲᠡᠮᠡᠴᠡᠭᠰᠡᠨ ᠤᠨ ᠵᠢᠯ | ︽ᠨᠠᠰᠤᠨ ᠳᠤ ᠪᠠᠨ ᠮᠠᠷᠳᠠᠬᠤ ᠦᠭᠡᠢ ᠴᠠᠭ ᠦᠶᠡ ᠨᠠᠶᠠᠭᠠᠳ ᠤᠨ ᠪᠠᠶᠢᠭᠰᠠᠨ | ᠨᠠᠷᠢᠨ ᠪᠤᠷᠤᠭᠠᠨ ᠤᠷᠤᠭᠰᠠᠨ ᠮᠡᠲᠤ ᠰᠢᠷᠤᠢ ᠰᠢᠭᠤᠷᠭᠠ ᠪᠤᠰᠴᠤ | ᠨᠠᠰᠢ ᠴᠠᠰᠢ ᠶᠠᠪᠤᠬᠤ ᠵᠠᠮ ᠲᠠᠯᠳᠠᠷᠢᠨ ᠪᠤᠯᠠᠭᠳᠠᠵᠤ | ᠨᠡᠶᠢᠲᠡᠮ ᠡᠩᠨᠡᠷᠡᠬᠦ ᠡᠯᠡᠰᠦ ᠶᠢᠢ ᠬᠠᠷᠠᠨ ᠰᠢᠬᠦᠷᠡᠰᠦ ᠠᠯᠳᠠᠨ ᠵᠤᠭᠰᠤᠮᠤᠢ︾ | ᠡᠨᠡ ᠪᠤᠯ ᠵᠢᠷᠭᠠᠯᠲᠤ ᠶᠢᠨ ᠦᠪᠦᠷ ᠲᠡᠮᠳᠡᠭᠯᠡᠯ ᠳᠤ ᠪᠢᠴᠢᠭᠰᠡᠨ ᠰᠢᠯᠦᠭ ᠤᠨ ᠨᠢᠭᠡ ᠪᠠᠳᠠᠭ᠃ ᠲᠤᠬᠠᠢ ᠶᠢᠢᠨ | ᠦᠶᠠ ᠳᠤ ᠡᠪᠡᠰᠦ ᠤᠷᠭᠤᠮᠠᠯ ᠤᠨ ᠦᠷᠠ ᠬᠦᠷᠦᠩᠭᠡ ᠦᠭᠡᠢ᠂ ᠴᠠᠪᠴᠢᠵᠤ ᠠᠪᠴᠢᠷᠠᠭᠠᠳ ᠵᠠᠶᠢᠯᠠᠬᠤ ᠰᠢᠪᠠᠭ | ᠪᠤᠷᠭᠠᠰᠤ ᠴᠤ ᠦᠭᠡᠢ᠂ ᠭᠠᠳᠠᠨᠠ ᠠᠴᠠ ᠬᠤᠳᠠᠯᠳᠤᠨ ᠠᠪᠤᠶᠠ ᠬᠡᠬᠦᠯᠡᠷ ᠵᠤᠭᠤᠰ ᠮᠦᠡᠭᠭᠦ ᠴᠤ ᠦᠭᠡᠢ᠂ ᠮᠦᠨ ᠴᠤ | ᠵᠠᠯᠠᠭᠤ ᠬᠤᠶᠠᠷ ᠲᠤ ᠲᠡᠶᠢᠮᠦ ᠶᠡᠭᠡ ᠠᠷᠭᠠ ᠲᠤᠷᠰᠢᠯᠭᠠ ᠪᠠᠶᠢᠭᠰᠠᠨ ᠦᠭᠡᠢ ᠪᠠᠶᠢᠳᠠᠯ ᠲᠤᠤᠷᠠ ᠡᠶᠢᠮᠦ ᠶᠡᠭᠡ ᠡᠯᠡᠰᠦ | ᠶᠢ ᠤᠶᠢᠵᠢᠭᠤᠯᠤᠨᠠ ᠬᠡᠳᠡᠭ ᠲᠡᠶᠢᠮᠦ ᠬᠢᠯᠪᠠᠷ ᠠᠵᠤ ᠪᠢᠰᠢ ᠪᠠᠶᠢᠵᠠᠢ᠃ ᠲᠡᠭᠡᠭᠡᠳ ᠬᠠᠮᠤᠭ ᠠᠩᠬᠠ ᠭᠡᠷ ᠠᠴᠠ ᠪᠠᠨ | ᠭᠤᠴᠢ ᠲᠦᠴᠢᠨ ᠭᠠᠵᠠᠷ ᠤᠨ ᠬᠤᠯᠠ ᠠᠶᠢᠯ ᠤᠨ ᠬᠦᠷᠢᠶᠠ ᠠᠴᠠ ᠪᠤᠷᠭᠠᠰᠤ ᠰᠢᠪᠠᠭ ᠭᠤᠶᠤᠵᠤ ᠠᠪᠤᠭᠠᠳ | ᠲᠡᠭᠡᠰᠦ ᠪᠠᠷ ᠪᠠᠭᠯᠠᠨ ᠡᠬᠦᠷᠴᠤ ᠭᠡᠷ ᠢᠶᠠᠨ ᠲᠤᠭᠤᠷᠢᠭᠤᠯᠤᠨ ᠲᠠᠷᠢᠵᠤ ᠡᠬᠢᠯᠡᠭᠰᠡᠨ ᠪᠠᠶᠢᠨᠠ᠃ ᠬᠡᠳᠡᠯᠡ ᠲᠠᠷᠢᠭᠰᠠᠨ | ᠪᠤᠷᠭᠠᠰᠤ ᠰᠢᠪᠠᠭ ᠨᠢ ᠨᠢᠭᠡ ᠵᠢᠯ ᠤᠨ ᠰᠠᠯᠬᠢᠨ ᠰᠢᠭᠤᠷᠭᠠᠨ ᠢᠶᠠᠷ ᠲᠠᠮᠵᠢᠭᠠᠳ ᠲᠠᠷᠠᠭᠠ ᠵᠢᠯ ᠨᠢ ᠪᠤᠯᠬᠤ ᠳᠤ | ᠦᠨᠳᠦᠰᠦ ᠨᠢ ᠭᠠᠷᠴᠤ ᠬᠠᠳᠠᠬᠤ ᠪᠤᠶᠤ ᠬᠡᠶᠢᠰᠴᠤ ᠢᠷᠡᠭᠰᠡᠨ ᠰᠢᠷᠤᠢ ᠮᠠᠩᠬᠠᠨ ᠳᠤ ᠪᠤᠯᠠᠭᠳᠠᠨ ᠬᠦᠳᠡᠯᠮᠦᠷᠢ | ᠬᠦᠴᠦ ᠪᠠᠨ ᠲᠠᠯᠠᠭᠠᠷ ᠪᠤᠯᠭᠠᠳᠠᠭ ᠪᠠᠶᠢᠯᠠ᠃ ᠡᠨᠡᠬᠦ ᠬᠡᠴᠡᠬᠦᠤ ᠴᠤᠬᠠᠭ ᠴᠠᠭ ᠲᠤ ᠭᠠᠯ ᠰᠢᠲᠠᠭᠠᠬᠤ ᠰᠢᠪᠠᠭ ᠪᠤᠷᠭᠠᠰᠤ | ᠬᠦᠷᠳᠡᠯᠡ ᠬᠡᠴᠢᠨᠡᠨ ᠭᠠᠵᠠᠷ ᠤᠨ ᠦᠵᠦᠭᠦᠷ ᠠᠴᠠ ᠠᠪᠴᠢᠷᠠᠵᠤ᠂ ᠠᠪᠴᠢᠷᠠᠭᠰᠠᠨ ᠰᠢᠪᠠᠭ ᠠᠴᠠ ᠪᠠᠨ ᠨᠤᠭᠤᠭᠠᠨ | ᠭᠤᠤᠯ ᠢ ᠨᠢ ᠲᠡᠬᠦᠵᠤ ᠭᠠᠵᠠᠷ ᠤᠨ ᠬᠦᠷᠦᠰᠦᠨ ᠳᠤ ᠪᠤᠯᠠᠵᠤ ᠲᠠᠷᠢᠳᠠᠭ ᠪᠠᠶᠢᠭᠰᠠᠨ᠂ ᠲᠡᠷᠡ ᠦᠶᠡ ᠳᠤ ᠬᠠᠵᠠᠭᠤ | ᠬᠠᠪᠢ ᠶᠢᠨ ᠬᠦᠮᠦᠰ ᠨᠢ ᠵᠢᠷᠭᠠᠯᠲᠤ ᠶᠢ ︽ᠲᠡᠨᠡᠭ ᠬᠦᠮᠦᠨ︾ ᠭᠡᠵᠤ ᠱᠤᠭᠯᠠᠳᠠᠭ ᠴᠤ ᠪᠠᠶᠢᠢᠭᠰᠠᠨ ᠬᠡᠨᠡ᠃ | ᠲᠡᠭᠡᠭᠡᠳ ᠬᠡᠲᠤᠨ ᠵᠢᠯ ᠤᠨ ᠲᠤᠷᠰᠢ ᠬᠢᠬᠦ ᠢᠯᠠᠭᠳᠠᠬᠤ ᠶᠢᠨ ᠲᠤᠮᠳᠠ ᠠᠵᠢᠨ ᠰᠢᠨᠵᠢᠵᠤ ᠲᠤᠷᠰᠢᠯᠭᠠ ᠰᠤᠷᠭᠠᠮᠵᠢ ᠪᠠᠨ | ᠳ᠋ᠦᠡᠭᠨᠡᠵᠤ᠂ ᠤᠶᠤᠨ ᠤᠬᠠᠭᠠᠨ ᠢᠶᠠᠨ ᠬᠦᠳᠡᠯᠭᠡᠨ᠂ ᠠᠷᠭᠠ ᠮᠠᠶ᠋ᠢᠭ ᠢᠶᠠᠨ ᠦᠭᠡᠷᠡᠴᠢᠯᠡᠭᠰᠡᠭᠡᠷ ᠪᠠᠶᠢᠢᠵᠤ | ᠡᠴᠦᠰ ᠲᠤ ᠪᠠᠨ ᠪᠤᠰᠤᠭᠠ ᠴᠠᠭᠠᠨ ᠮᠠᠩᠬᠠᠨ ᠳᠤ ᠪᠤᠷᠭᠠᠰᠤ ᠰᠢᠪᠠᠭ ᠢᠶᠠᠨ ᠲᠠᠷᠢᠬᠤ ᠳᠤ ᠪᠠᠨ ᠤᠷᠤᠢ ᠪᠤᠶᠤ | ᠠᠷᠤ ᠠᠴᠠ ᠪᠠᠨ ᠡᠬᠢᠯᠡᠵᠤ ᠲᠠᠷᠢᠬᠤ ᠪᠠᠨ ᠪᠤᠯᠢᠵᠤ᠂ ᠵᠡᠬᠦᠨ ᠪᠠᠷᠠᠭᠤᠨ ᠬᠤᠶᠠᠷ ᠲᠠᠯᠠ ᠠᠴᠠ ᠪᠠᠨ ᠲᠠᠷᠢᠭᠠᠳ | ᠨᠡᠯᠢᠶᠡᠳ ᠪᠦᠲᠦᠮᠵᠢᠲᠠᠢ ᠪᠤᠯᠪᠠ᠃ ᠵᠢᠷᠭᠠᠯᠳᠤ ᠮᠦᠨ ᠶᠡᠭᠡ ᠠᠪᠠᠯᠠᠬᠤ ᠪᠠᠬᠠ ᠲᠠᠢ ᠬᠦᠮᠦᠨ ᠪᠠᠶᠢᠵᠠᠢ᠂ ᠲᠡᠷᠡ ᠵᠤᠷᠢᠭ | ᠰᠢᠨᠳᠠᠷᠠᠭᠰᠠᠨ ᠦᠶᠡ ᠳᠤ ︽ᠨᠢᠭᠡ ᠪᠤᠲᠠ ᠶᠢ ᠲᠠᠷᠢᠭᠠᠳ ᠤᠷᠭᠤᠭᠤᠯᠴᠢᠬᠠᠪᠠᠯ ᠨᠢᠭᠡ ᠲᠠᠤᠯᠠᠢ ᠶᠢᠨ ᠬᠡᠪᠳᠡᠰᠢ | ᠭᠠᠷᠴᠢᠬᠠᠨᠠ᠂ ᠨᠢᠭᠡ ᠤᠷᠤᠢ ᠶᠢ ᠲᠠᠷᠢᠭᠠᠳ ᠤᠷᠭᠤᠭᠤᠯᠴᠢᠬᠠᠪᠠᠯ ᠠᠷᠪᠠᠨ ᠬᠤᠨᠢᠨ ᠤ ᠪᠡᠯᠴᠢᠭᠡᠷ ᠭᠠᠷᠴᠢᠬᠠᠨᠠ︾ | ᠭᠡᠵᠤ ᠪᠡᠶᠡ ᠪᠠᠨ ᠵᠤᠷᠢᠭᠵᠢᠭᠤᠯᠳᠠᠭ ᠪᠠᠶᠢᠵᠠᠢ᠃ ᠲᠡᠳᠡ ᠦᠯᠦᠭᠡᠢ ᠲᠠᠢ ᠨᠢᠯᠬᠠ ᠪᠠᠨ ᠲᠠᠭᠠᠭᠤᠯᠵᠤ᠂ ᠬᠦᠨ | ᠡᠯᠡᠰᠦᠨ ᠳᠤ ᠡᠳᠦᠷ ᠰᠦᠨᠢ ᠦᠭᠡᠢ ᠠᠵᠢᠯᠯᠠᠨ᠂ ᠶᠠᠳᠠᠷᠠᠪᠠᠯ ᠡᠯᠡᠰᠦᠨ ᠲᠡᠭᠡᠷᠡ ᠬᠡᠪᠳᠡᠨ ᠠᠮᠠᠷᠠᠵᠤ᠂ ᠦᠯᠦᠰᠪᠡᠯ | ᠠᠮᠤ ᠴᠠᠢ ᠪᠠᠨ ᠤᠤᠭᠤᠭᠠᠳ᠂ ᠨᠤᠶᠢᠷ ᠬᠤᠭᠤᠯᠠ ᠪᠠᠨ ᠲᠠᠶᠠᠭᠳᠠᠵᠤ ᠪᠤᠷᠭᠠᠰᠤ ᠲᠤᠷᠯᠤᠭ ᠲᠠᠷᠢᠨ ᠡᠯᠡᠰᠦ ᠲᠠᠢ | ᠲᠡᠮᠡᠴᠡᠵᠤ ᠪᠠᠶᠢᠵᠠᠢ᠃ ᠢᠡᠭᠭᠢᠵᠤ ᠬᠡᠲᠤᠨ ᠵᠢᠯ ᠤᠨ ᠦᠬᠦᠵᠤ ᠰᠡᠬᠡᠬᠦ ᠶᠢᠨ ᠲᠡᠮᠡᠴᠡᠯ ᠢᠶᠠᠷ ᠭᠡᠷ ᠤᠨ ᠬᠠᠵᠠᠭᠤ | ᠬᠠᠪᠢ ᠪᠠᠷ ᠬᠢ ᠡᠯᠡᠰᠦ ᠶᠢ ᠲᠤᠭᠳᠠᠪᠤᠷᠢᠵᠢᠭᠤᠯᠵᠤ᠂ ᠮᠦᠷ ᠮᠦᠷ ᠰᠢᠪᠠᠭ ᠪᠤᠷᠭᠠᠰᠤ ᠵᠢᠭᠳᠡᠷᠡᠵᠤ᠂ ᠴᠢᠬᠢ ᠮᠤᠳᠤᠳ | ᠨᠤᠭᠤᠭᠠᠷᠠᠨ ᠨᠠᠪᠴᠢᠯᠠᠵᠤ ᠡᠬᠢᠯᠡᠭᠰᠡᠨ ᠨᠢ ᠡᠳᠡ ᠬᠤᠶᠠᠭᠤᠯᠠ ᠳᠤ ᠬᠢᠵᠠᠭᠠᠯᠠᠰᠢ ᠦᠭᠡᠢ ᠶᠡᠭᠡ ᠵᠤᠷᠢᠭᠵᠢᠭᠤᠯᠤᠯ | ᠪᠤᠯᠤᠭᠰᠠᠨ ᠪᠠᠶᠢᠨᠠ᠃ ᠲᠡᠭᠡᠭᠡᠳ ᠠᠯᠭᠤᠷ ᠠᠭᠠᠵᠢᠮ ᠢᠶᠠᠷ ᠰᠤᠶᠤᠭᠠ ᠬᠦᠷᠦᠩᠬᠡ ᠪᠠᠨ ᠦᠪᠡᠷᠳᠡᠭᠡᠨ ᠬᠠᠨᠭ᠍ᠭᠠᠵᠤ | ᠲᠡᠶᠢᠯᠬᠦ ᠪᠤᠯᠤᠭᠰᠠᠨ ᠨᠢ ᠨᠡᠩ ᠴᠤ ᠶᠡᠭᠡ ᠲᠦᠬᠦᠮ ᠠᠪᠴᠢᠷᠠᠭᠰᠠᠨ ᠪᠠᠶᠢᠨᠠ᠃ | | | | | | ᠤᠶᠢᠵᠢᠭᠤᠯᠤᠯᠲᠠ ᠬᠢᠵᠤ ᠦᠡᠭᠭᠡᠷᠡᠭᠰᠡᠨ ᠦᠭᠡᠢ ᠬᠦᠮᠦᠨ ᠨᠢᠭᠡ ᠮᠦ ᠡᠯᠡᠰᠤ ᠮᠠᠩᠬᠠ ᠶᠢ ᠤᠶᠢᠵᠢᠭᠤᠯᠬᠤ ᠳᠤ | ᠬᠡᠴᠢᠨᠡᠨ ᠬᠦᠴᠦ ᠬᠦᠳᠡᠯᠮᠦᠷᠢ ᠵᠠᠷᠤᠴᠠᠭᠤᠯᠤᠨᠠ ᠬᠡᠳᠡᠭ ᠢ ᠤᠶᠢᠯᠠᠭᠠᠬᠤᠶᠠ ᠪᠡᠷᠭᠡ᠃ ᠡᠶᠢᠮᠦ ᠲᠦᠮᠡ ᠭᠠᠷᠤᠢ ᠮᠦ ᠶᠢ | ᠬᠤᠶᠠᠷᠬᠠᠨ ᠬᠦᠮᠦᠨ ᠬᠦᠮᠦᠨ ᠤ ᠬᠦᠴᠦ ᠪᠠᠷ ᠤᠶᠢᠵᠢᠭᠤᠯᠤᠨᠠ ᠬᠡᠳᠡᠭ ᠦᠨᠡᠨ ᠴᠤ ᠠᠮᠠᠷ ᠦᠭᠡᠢ ᠶᠠᠪᠤᠳᠠᠯ ᠪᠤᠯᠤᠨᠠ | ᠃ ᠢᠡᠭᠭᠢᠵᠤ ᠰᠤᠶᠤᠭᠠ ᠪᠤᠶᠢᠵᠢᠭᠤᠯᠬᠤ᠂ ᠤᠳᠠᠰᠤ ᠲᠠᠳᠠᠬᠤ ᠵᠡᠷᠭᠡ ᠵᠢᠯ ᠤᠨ ᠲᠦᠷᠪᠡᠨ ᠤᠯᠠᠷᠢᠯ ᠢᠶᠠᠷ ᠡᠯᠡᠰᠦ | ᠮᠠᠩᠬᠠ ᠲᠠᠢ ᠲᠡᠮᠡᠴᠡᠵᠤ᠂ ᠬᠦᠴᠦ ᠬᠦᠯᠦᠰᠦ ᠪᠠᠨ ᠴᠤᠪᠤᠭᠤᠯᠵᠤ᠂ ᠭᠠᠷ ᠤᠨ ᠦᠵᠦᠭᠦᠷ ᠭᠠᠴᠢᠭᠳᠠᠬᠤ ᠳᠤ ᠨᠠᠭᠠᠲᠤ | ᠵᠠᠬᠠ ᠳᠤ ᠪᠠᠨ ᠵᠠᠷᠤᠬᠤ ᠬᠡᠲᠤᠨ ᠮᠦᠡᠭᠭᠦ ᠪᠠᠨ ᠴᠤ ᠤᠯᠵᠤ ᠲᠡᠶᠢᠯᠬᠦ ᠦᠭᠡᠢ ᠪᠦᠭᠡᠳ ᠠᠷᠤ ᠳᠤ ᠨᠢ ᠰᠦᠨᠳᠡᠷᠯᠡᠬᠦ | ᠠᠰᠬᠠ ᠠᠰᠬᠠ ᠴᠠᠭᠠᠨ ᠮᠠᠩᠬᠠ ᠶᠢ ᠬᠠᠷᠠᠨ ᠬᠠᠷᠠᠨ ᠵᠤᠷᠢᠭ ᠰᠤᠯᠠᠷᠠᠭᠠᠳ 2003 ᠤᠨ ᠤ ᠨᠢᠭᠡᠨ ᠡᠳᠦᠷ | ᠵᠢᠷᠭᠠᠯᠳᠤ ᠪᠦᠰᠡᠬᠦᠢ ᠲᠠᠢ ᠪᠠᠨ ᠬᠤᠶᠠᠭᠤᠯᠠ ᠬᠤᠰᠢᠭᠤᠨ ᠲᠦᠪ ᠲᠤ ᠬᠡᠷ ᠲᠦᠷᠢᠶᠡᠰᠦᠯᠡᠨ ᠰᠠᠭᠤᠵᠤ ᠨᠢᠭᠡ ᠰᠠᠭᠠᠯᠢ | ᠶᠢᠨ ᠦᠨᠢᠶᠠ ᠬᠤᠳᠠᠯᠳᠤᠨ ᠠᠪᠴᠤ ᠰᠦ ᠰᠠᠭᠠᠯᠢ ᠬᠤᠳᠠᠯᠳᠤᠬᠤ ᠪᠠᠷ ᠪᠤᠯᠪᠠ᠃ ᠬᠦᠳᠡᠭᠡ ᠶᠢᠨ ᠠᠭᠤᠵᠢᠮ ᠳᠤ | ᠠᠮᠢᠳᠤᠷᠠᠵᠤ ᠲᠠᠰᠤᠭᠰᠠᠨ ᠮᠠᠯᠴᠢᠨ ᠬᠦᠮᠦᠨ ᠪᠤᠯᠬᠤᠷ ᠬᠤᠲᠠ ᠭᠠᠵᠠᠷ ᠤᠨ ᠦᠢᠮᠡᠭᠡᠨ ᠲᠡᠪᠵᠢᠶᠠᠨ ᠳᠤ ᠲᠠᠰᠬᠤ | ᠬᠡᠳᠡᠭ ᠴᠢᠨᠢ ᠮᠠᠩᠬᠠᠨ ᠨᠤᠲᠤᠭ ᠲᠤ ᠪᠠᠨ ᠪᠠᠶᠢᠭᠰᠠᠨ ᠠᠴᠠ ᠢᠯᠡᠬᠦᠦ ᠵᠤᠪᠠᠯᠠᠩ ᠪᠠᠶᠢᠯᠠ᠂ ᠲᠡᠭᠡᠭᠡᠳ ᠬᠤᠰᠢᠭᠤᠨ | ᠲᠦᠪ ᠲᠤ 36 ᠬᠤᠨᠤᠭᠠᠳ᠂ ᠲᠠᠬᠢᠨ ᠨᠤᠲᠤᠭ ᠲᠤ ᠪᠠᠨ ᠪᠤᠴᠠᠨ ᠢᠷᠡᠪᠡ᠃ ᠨᠤᠲᠤᠭ ᠲᠤ ᠪᠠᠨ ᠪᠤᠴᠠᠨ ᠢᠷᠡᠭᠰᠡᠨ | ᠲᠡᠷᠡ ᠬᠤᠶᠠᠷ ᠡᠯᠡᠰᠦ ᠮᠠᠩᠬᠠ ᠪᠠᠨ ᠤᠶᠢᠵᠢᠭᠤᠯᠤᠨ ᠨᠤᠮᠤᠬᠠᠳᠬᠠᠵᠤ᠂ ᠨᠤᠲᠤᠭ ᠤᠰᠤ ᠪᠠᠨ ᠤᠶᠢᠵᠢᠭᠤᠯᠦᠨ᠂ | ᠢᠯᠡᠬᠦᠦ ᠬᠡᠲᠤᠨ ᠮᠠᠯ ᠮᠠᠯᠵᠢᠨ ᠠᠮᠢᠳᠤᠷᠠᠬᠤ ᠪᠤᠯ ᠲᠡᠳᠡᠨ ᠤ ᠴᠤᠷ ᠤᠨ ᠭᠠᠭᠴᠠ ᠭᠠᠷᠬᠤ ᠵᠠᠮ ᠮᠦᠨ ᠭᠡᠵᠤ | ᠮᠡᠳᠡᠭᠡᠳ ᠨᠡᠩ ᠶᠡᠭᠡ ᠵᠤᠷᠢᠭ ᠰᠡᠳᠬᠢᠯ ᠬᠦᠪᠴᠢᠯᠡᠭᠳᠡᠨ ᠢᠳᠡᠵᠤ ᠤᠤᠭᠤᠬᠤ ᠪᠠᠨ ᠠᠷᠪᠢᠯᠠᠨ ᠪᠤᠰᠤᠳ ᠠᠴᠠ ᠵᠤᠭᠤᠰ | ᠮᠦᠡᠭᠭᠦ ᠵᠢᠭᠡᠯᠡᠨ ᠪᠠᠶᠢᠵᠤ᠂ ᠤᠷᠢᠳᠠᠪᠡᠷ ᠲᠤᠭᠳᠠᠪᠤᠷᠢᠵᠢᠭᠤᠯᠵᠤ ᠲᠠᠷᠠᠭᠠ ᠨᠢ ᠪᠠᠳᠤᠳᠬᠠᠬᠤ ᠠᠷᠭᠠ ᠪᠠᠷ ᠨᠤᠲᠤᠭ | ᠪᠡᠯᠴᠢᠭᠡᠷ ᠤᠨ ᠢᠶᠠᠨ ᠨᠢᠴᠦᠬᠦᠨ ᠰᠢᠷᠭᠠᠯ ᠮᠠᠩᠬᠠᠨ ᠳᠤ ᠰᠢᠪᠠᠭ᠂ ᠪᠤᠷᠭᠠᠰᠤ᠂ ᠲᠤᠷᠯᠤᠭ᠂ ᠬᠠᠷᠭᠠᠨᠠ ᠮᠡᠲᠤ ᠶᠢᠨ | ᠪᠤᠳᠠ ᠤᠷᠭᠤᠮᠠᠯ ᠪᠠ ᠴᠦᠯᠡᠭᠡᠷ ᠬᠤᠰᠢᠶᠠᠩᠭᠤᠷ ᠬᠤᠨᠴᠢᠷ ᠮᠡᠲᠤ ᠶᠢᠨ ᠡᠪᠡᠰᠦ ᠲᠠᠷᠢᠵᠤ᠂ ᠤᠳᠠ ᠮᠤᠳᠤᠨ ᠰᠤᠶᠤᠭᠠ | ᠵᠠᠶᠢᠯᠠᠵᠤ᠂ ᠤᠶᠢᠵᠢᠭᠤᠯᠤᠯᠲᠠ ᠬᠢᠭᠰᠡᠭᠡᠷ ᠪᠠᠶᠢᠵᠤ᠂ ᠤᠳᠤ ᠵᠦᠪᠬᠡᠨ ᠭᠡᠷ ᠠᠴᠠ ᠪᠠᠨ ᠪᠠᠷᠠᠭᠤᠨ ᠬᠤᠶᠢᠰᠢ ᠵᠢᠷᠤᠭ | ᠬᠡᠮᠡᠷ ᠪᠦᠷᠢᠳᠦ ᠲᠠᠢ ᠲᠠᠪᠤᠨ ᠵᠠᠭᠤᠬᠠᠨ ᠮᠦ ᠤᠶᠢᠵᠢᠭᠤᠯᠤᠭᠠᠳᠤᠢ ᠮᠠᠩᠬᠠ ᠶᠢ ᠭᠠᠷᠭᠠᠪᠠᠯ ᠪᠤᠰᠤᠳ ᠨᠢ ᠴᠦᠮ ᠨᠤᠮᠢᠨ | ᠨᠤᠭᠤᠭᠠᠨ ᠢᠶᠠᠷ ᠬᠤᠴᠢᠭᠳᠠᠵᠤ᠂ ᠶᠡᠭᠡ ᠰᠠᠯᠬᠢᠨ ᠰᠠᠯᠬᠢᠯᠠᠭᠰᠠᠨ ᠴᠤ ᠮᠤᠳᠤᠨ ᠨᠠᠪᠴᠢᠰ ᠤᠨ ᠱᠤᠤᠬᠢᠬᠤ ᠴᠢᠮᠡᠭᠡ | ᠰᠤᠨᠤᠰᠳᠠᠬᠤ ᠠᠴᠠ ᠪᠢᠰᠢ ᠲᠤᠭᠤᠰᠤ ᠰᠢᠷᠤᠢ ᠲᠡᠭᠳᠡᠬᠦ ᠦᠭᠡᠢ ᠪᠤᠯᠤᠭᠰᠠᠨ ᠪᠠᠶᠢᠯᠠ᠃ | ᠰᠡᠳᠬᠢᠯ ᠬᠠᠨᠤᠮᠵᠢᠲᠠᠢ ᠠᠮᠢᠳᠤᠷᠠᠯ ᠦᠢᠯᠡᠰ | ︽ᠮᠦᠡᠭᠭᠡ ᠲᠡᠭᠷᠢ ᠶᠢᠨ ᠲᠠᠩᠨᠠᠢ ᠳᠤ ᠰᠡᠮᠡᠵᠡᠨ ᠡᠬᠦᠯᠡ ᠨᠠᠲᠠᠪᠠᠯᠵᠠᠨ | ᠮᠦᠭᠡᠷᠡᠬᠦ ᠮᠠᠶᠢᠯᠠᠬᠤ ᠮᠠᠯ ᠤᠳ ᠲᠠᠯᠠ ᠶᠢᠨ ᠬᠦᠷᠦᠰᠦᠨ ᠳᠤ ᠪᠦᠮᠪᠦᠯᠵᠡᠨ | ᠮᠦᠯᠦᠭᠡᠷ ᠴᠠᠭᠠᠨ ᠮᠠᠩᠬᠠᠨ ᠳᠤ ᠨᠤᠭᠤᠭᠠᠨ ᠬᠦᠷᠮᠡ ᠡᠮᠦᠰᠬᠡᠵᠤ | ᠮᠦᠷᠦᠯᠡᠵᠤ ᠵᠢᠭᠳᠡᠷᠡᠭᠰᠡᠨ ᠡᠯᠡᠰᠦ ᠨᠢ ᠪᠡᠯᠴᠢᠭᠡᠷ ᠪᠤᠯᠵᠤ ᠬᠤᠪᠢᠷᠠᠪᠠᠢ︾ | ᠁ | | | | | | | | | | | | | | |