| ᠳᠡᠮᠴᠢ ᠶᠢᠨ ᠴᠠᠶᠢᠳᠠᠮ ᠳᠤ ᠪᠠᠲᠣᠨᠠᠰᠣᠨ 10 ᠵᠢᠯ ᠳᠠᠷᠠᠭᠠᠯᠠᠨ ᠲᠠᠷᠢᠶᠠ ᠲᠠᠷᠢᠭᠠᠳ ᠥᠨᠦ ᠵᠢᠯ ᠥᠯᠡᠮᠵᠢ | ᠠᠰᠢᠭ ᠣᠯᠬᠤ ᠭᠡᠷᠡᠯ ᠭᠡᠭᠡ ᠣᠯᠵᠤ ᠬᠠᠷᠠᠯᠠ᠃ ᠬᠠᠮᠲᠣᠷᠠᠵᠤ ᠬᠤᠷᠰᠢᠬᠤ ᠵᠠᠮ ᠢ ᠡᠷᠢᠯᠬᠢᠯᠡᠵᠦ᠂ ᠲᠡᠭᠷᠢ ᠶᠢᠨ ᠴᠠᠭ᠂ | ᠭᠠᠵᠠᠷ ᠤᠨ ᠬᠡᠰᠢᠭ᠂ ᠬᠦᠮᠦᠨ ᠤ ᠨᠠᠶᠢᠷᠠᠮᠳᠠᠭᠤ ᠶᠢ ᠡᠪᠯᠡᠬᠦᠯᠵᠦ ᠵᠣᠬᠢᠴᠠᠭᠤᠯᠵᠤ᠂ ᠰᠢᠷᠠ ᠡᠳᠦᠷ ᠪᠣᠷᠣ ᠬᠤᠨᠤᠭ ᠢ | ᠥᠩᠭᠡᠷᠡᠭᠡᠬᠦ ᠳᠡᠭᠡᠨ᠂ ᠣᠳᠣ ᠲᠣᠯᠭᠠᠷᠠᠭᠰᠠᠨ ᠤᠴᠢᠷ ᠪᠦᠬᠦᠨ ᠲᠡᠶᠢᠮᠦ ᠴᠦ ᠰᠡᠳᠬᠢᠯ ᠰᠢᠨᠠᠯᠭᠠᠮᠠᠷ ᠪᠢᠰᠢ ᠪᠠᠶᠢᠵᠤ᠂ | ᠬᠡᠷᠡᠮ ᠤᠨ ᠰᠢᠷᠦᠢ ᠠᠪᠬᠤ ᠮᠡᠲᠦ ᠬᠢᠯᠪᠠᠷᠬᠠᠨ ᠰᠠᠨᠠᠭᠳᠠᠬᠤ ᠪᠣᠯᠵᠠᠢ᠃ | ᠬᠠᠨ ᠠᠭᠤᠯᠠ ᠶᠢ ᠴᠠᠰᠤ ᠳᠠᠷᠤᠨᠠ᠂ ᠬᠠᠶᠢᠷᠠᠨ ᠪᠡᠶᠡ ᠶᠢ ᠨᠠᠰᠤ ᠳᠠᠷᠣᠨᠠ ᠭᠡᠳᠡᠭ ᠢᠶᠠᠷ᠂ ᠪᠠᠲᠣᠨᠠᠰᠣᠨ ᠵᠢᠷᠠᠨ | ᠲᠠᠪᠤ ᠬᠦᠷᠴᠦ᠂ ᠨᠠᠰᠣᠲᠠᠶᠢᠴᠣᠳ ᠤᠨ ᠡᠩᠨᠡᠭᠡᠨ ᠳᠤ ᠣᠷᠣᠭᠰᠠᠨ ᠭᠡᠯᠡ ᠴᠦ ᠵᠠᠯᠠᠭᠤ ᠦᠶᠡ ᠶᠢᠨ ᠴᠤᠭᠯᠢᠭ | ᠵᠢᠪᠬᠤᠭᠠ ᠨᠢ ᠲᠡᠷᠡ ᠬᠡᠪ ᠢᠶᠠᠷ ᠢᠶᠠᠨ ᠤᠨᠲᠠᠷᠠᠰᠢ ᠦᠭᠡᠢ ᠪᠠᠶᠢᠵᠤ᠂ ᠬᠡᠯᠡᠬᠦ ᠦᠭᠡ ᠪᠣᠯᠭᠠᠨ ᠨᠢ ᠶᠣᠰᠣᠯᠢᠭ᠂ ᠬᠢᠬᠦ | ᠠᠵᠢᠯ ᠪᠣᠯᠭᠠᠨ ᠨᠢ ᠶᠠᠰᠤᠯᠢᠭ ᠰᠠᠨᠠᠭᠳᠠᠬᠤ ᠠᠵᠠᠢ᠃ ᠬᠡᠯᠡᠬᠦ ᠠᠴᠠ ᠰᠢᠨᠡ ᠬᠠᠭᠤᠴᠢᠨ ᠤ ᠣᠯᠠᠷᠢᠯ᠂ ᠨᠢᠭᠤᠷ ᠵᠢᠰᠦᠨ | ᠤ ᠰᠣᠯᠢᠭᠳᠠᠯ᠂ ᠴᠠᠭ ᠲᠦᠷᠥ ᠶᠢᠨ ᠬᠤᠪᠢᠷᠠᠯ ᠢᠶᠠᠷ ᠳᠡᠮᠴᠢ ᠶᠢᠨ ᠲᠠᠯᠠ ᠣᠬᠤᠷᠬᠠᠨ ᠭᠤᠴᠢᠨ ᠵᠢᠯ ᠤᠨ | ᠬᠤᠭᠤᠴᠠᠭᠠᠨ ᠳᠤ ᠭᠤᠷᠪᠠ ᠣᠳᠠᠭᠠᠨ ᠤ ᠬᠤᠪᠢᠰᠤᠯᠲᠠ ᠶᠢ ᠥᠩᠭᠡᠷᠡᠭᠡᠵᠡᠢ᠃ ᠥᠩᠭᠡᠷᠡᠭᠰᠡᠨ ᠵᠠᠭᠤᠨ ᠤ ᠳᠠᠯᠠᠭᠠᠳ | ᠣᠨ ᠳᠤ ᠮᠥᠷᠦ ᠪᠦᠲᠦᠨ ᠭᠡᠳᠡᠰᠦ ᠴᠠᠳᠬᠤᠯᠠᠩ ᠪᠣᠯᠬᠤ ᠨᠢ ᠬᠦᠮᠦᠨ ᠪᠦᠬᠦᠨ ᠤ ᠬᠦᠰᠡᠯ ᠬᠦᠭᠡᠭᠡᠴᠡᠯᠳᠦᠯ ᠪᠠᠶᠢᠵᠤ᠂ | ᠳᠡᠮᠴᠢ ᠶᠢᠨ ᠴᠠᠶᠢᠳᠠᠮ ᠳᠤ ᠬᠠᠮᠲᠦ ᠶᠢᠨ ᠮᠠᠯ ᠰᠦᠷᠦᠭ ᠪᠡᠯᠴᠢᠵᠦ᠂ ᠬᠦᠪᠡᠭᠡ ᠵᠠᠬᠠ ᠪᠠᠷ ᠨᠢ ᠮᠣᠩᠭᠤᠯ ᠠᠮᠤ | ᠲᠠᠷᠢᠵᠤ᠂ ᠵᠢᠯ ᠤᠨ ᠰᠡᠬᠦᠯᠴᠢ ᠪᠣᠯᠬᠤ ᠳᠤ ᠰᠠᠭᠤᠯᠠᠭᠠ ᠰᠠᠭᠤᠯᠠᠭᠠ ᠪᠠᠷ ᠠᠮᠤ ᠬᠤᠪᠢᠶᠠᠳᠠᠭ ᠪᠠᠶᠢᠭᠰᠠᠨ ᠨᠢ ᠡᠨᠡ | ᠨᠣᠲᠤᠭ ᠲᠤ ᠲᠠᠷᠢᠶᠠ ᠰᠠᠶᠢᠨ ᠲᠥᠷᠦᠳᠡᠭ ᠤᠨ ᠢᠮ ᠲᠡᠮᠲᠡᠭ᠃ ᠳᠡᠭᠡᠷᠡ ᠵᠠᠭᠤᠨ ᠤ ᠨᠠᠶᠠᠭᠠᠳ ᠣᠨ ᠠᠴᠠ ᠡᠬᠢᠯᠡᠨ᠂ | ᠮᠠᠯᠵᠢᠬᠤ ᠤᠷᠤᠨ ᠳᠤ ᠬᠤᠣᠰ ᠳᠠᠭᠠᠭᠠᠴᠢᠯᠠᠯᠲᠠ ᠶᠢᠨ ᠳᠥᠷᠢᠮ ᠢ ᠬᠡᠷᠡᠭᠵᠢᠬᠦᠯᠵᠦ᠂ ᠳᠡᠮᠴᠢ ᠶᠢᠨ ᠴᠠᠶᠢᠳᠠᠮ ᠨᠢᠭᠡᠨ | ᠦᠶᠡ ᠬᠠᠷᠠ ᠲᠡᠷᠢᠬᠦᠲᠡᠨ ᠳᠤ ᠬᠡᠰᠡᠭᠯᠡᠨ ᠬᠤᠪᠢᠶᠠᠭᠳᠠᠵᠤ᠂ ᠳᠠᠭᠠᠭᠠᠴᠢᠯᠠᠭᠰᠠᠨ ᠭᠠᠵᠠᠷ ᠢᠶᠠᠨ ᠮᠠᠯᠴᠢᠳ ᠲᠣᠣᠷᠯᠠᠨ | ᠬᠦᠷᠢᠶᠡᠯᠡᠵᠦ ᠮᠠᠯ ᠤᠨᠤᠭᠠ ᠪᠠᠨ ᠪᠡᠯᠴᠢᠭᠡᠷᠯᠡᠬᠦᠯᠵᠦ ᠪᠠᠶᠢᠭᠰᠠᠨ ᠪᠣᠶᠣ ᠬᠦᠷᠦᠰᠦ ᠰᠢᠷᠦᠢ ᠶᠢᠨ ᠨᠦᠬᠦᠴᠡᠯ ᠢᠶᠠᠨ | ᠠᠰᠢᠭᠯᠠᠨ᠂ ᠲᠡᠭᠷᠢ ᠶᠢᠨ ᠴᠢᠷᠠᠢ ᠬᠠᠷᠠᠵᠤ᠂ ᠠᠳᠡ ᠲᠡᠨᠳᠡ ᠲᠠᠷᠠᠬᠠᠢ ᠪᠣᠲᠠᠷᠬᠠᠢ ᠪᠠᠷ ᠡᠷᠳᠡᠨᠢ ᠰᠢᠰᠢ ᠵᠡᠷᠭᠡ ᠮᠠᠯ ᠤᠨ | ᠡᠪᠡᠰᠦ ᠪᠣᠷᠳᠤᠭᠠ ᠪᠠᠨ ᠲᠠᠷᠢᠭᠰᠠᠭᠠᠷ ᠰᠢᠨᠡ ᠵᠠᠭᠤᠨ ᠳᠤ ᠣᠷᠤᠵᠠᠢ᠃ 2007 ᠣᠨ ᠤ ᠬᠠᠪᠤᠷ ᠤᠨ ᠨᠢᠭᠡᠨ ᠡᠳᠦᠷ | ᠂ ᠳᠡᠮᠴᠢ ᠶᠢᠨ ᠴᠠᠶᠢᠳᠠᠮ ᠳᠤ ᠲᠷᠠᠺᠲ᠋ᠣᠷ ᠤᠨ ᠳᠠᠭᠤᠨ ᠬᠦᠷᠴᠢᠬᠢᠨᠡᠵᠦ᠂ ᠬᠡᠯᠬᠢᠶᠡᠷᠡᠯᠳᠦᠨ ᠳᠠᠲᠠᠭᠰᠠᠨ ᠲᠣᠣᠷ ᠪᠤᠯᠠᠭᠠ | ᠨᠢ ᠠᠷᠢᠯᠵᠤ᠂ ᠳᠠᠭᠠᠭᠠᠴᠢᠯᠠᠭᠰᠠᠨ ᠨᠣᠲᠤᠭ ᠤᠨ ᠡᠵᠡᠳ ᠬᠠᠮᠲᠤᠷᠠᠯ ᠬᠤᠷᠰᠢᠶᠠᠵᠢᠯ ᠤᠨ ᠶᠡᠭᠡ ᠠᠶᠠᠨ ᠳᠤ ᠣᠷᠣᠵᠣ᠂ | ᠬᠡᠪᠴᠢᠶᠡᠭᠦᠯᠦᠨ ᠡᠵᠡᠩᠨᠡᠬᠦ ᠵᠠᠮ ᠢᠶᠠᠷ ᠵᠠᠮᠨᠠᠵᠤ᠂ ᠬᠤᠷᠰᠢᠶᠠ ᠳᠤ ᠣᠷᠣᠭᠰᠠᠨ ᠮᠠᠯᠴᠢᠨ ᠲᠠᠷᠢᠶᠠᠴᠢᠳ ᠬᠤᠶᠢᠮᠦᠷ | ᠲᠠᠭᠠᠨ ᠰᠠᠭᠤᠭᠠᠳ ᠮᠥᠩᠬᠦ ᠬᠤᠷᠢᠶᠠᠬᠤ ᠪᠣᠯᠵᠠᠢ᠃ ᠡᠳᠡᠭᠡᠷ ᠪᠦᠬᠦᠨ ᠨᠢ ᠪᠠᠲᠣᠨᠠᠰᠣᠨ ᠤ ᠶᠠᠪᠤᠵᠤ ᠢᠷᠡᠭᠰᠡᠨ ᠵᠠᠮ | ᠮᠦᠷ ᠲᠠᠢ ᠰᠢᠭᠤᠳ ᠬᠤᠯᠪᠤᠭᠠ ᠲᠠᠢ ᠠᠵᠠᠢ᠃ | ᠪᠠᠲᠣᠨᠠᠰᠣᠨ ᠪᠣᠯ ᠦᠦᠰᠢᠨ ᠬᠤᠰᠢᠭᠤᠨ ᠤ ᠱᠠᠷᠯᠢᠭ ᠰᠣᠮᠣᠨ ᠤ ᠴᠣᠣᠳᠠᠢ ᠭᠠᠴᠠᠭᠠ ᠶᠢᠨ ᠮᠠᠯᠴᠢᠨ᠂ | ᠴᠤᠤᠳᠠᠢ ᠮᠠᠯ ᠲᠠᠷᠢᠶᠠᠯᠠᠩ ᠤᠨ ᠲᠣᠰᠬᠠᠢ ᠬᠤᠷᠰᠢᠶᠠ ᠶᠢᠨ ᠡᠷᠬᠢᠯᠡᠭᠴᠢ ᠪᠣᠯᠣᠨᠠ᠃ | | | | | | | 10 ᠭᠠᠷᠣᠢ ᠵᠢᠯ ᠤᠨ ᠡᠮᠦᠨᠡ ᠪᠠᠲᠣᠨᠠᠰᠣᠨ ᠭᠠᠴᠠᠭᠠᠨ ᠤ ᠪᠠᠨ ᠨᠠᠮ ᠤᠨ ᠡᠭᠦᠷ ᠤᠨ ᠱᠦᠵᠢ ᠶᠢᠨ | ᠳᠣᠰᠢᠶᠠᠯ ᠢ ᠬᠠᠷᠢᠭᠤᠴᠠᠵᠤ ᠶᠠᠪᠤᠬᠤ ᠳᠠᠭᠠᠨ᠂ ᠰᠦᠵᠧᠦ ᠬᠠᠩᠵᠧᠦ ᠵᠡᠷᠭᠡ ᠠᠵᠤ ᠠᠬᠤᠢ ᠬᠦᠭᠵᠢᠭᠰᠡᠨ | ᠭᠠᠵᠠᠷ ᠤᠳ ᠢᠶᠠᠷ ᠬᠦᠷᠴᠦ᠂ ᠭᠢᠷᠢᠨ ᠯᠢᠶᠣᠣᠨᠢᠩ ᠵᠡᠷᠭᠡ ᠲᠠᠷᠢᠶᠠᠯᠠᠩ ᠬᠦᠭᠵᠢᠭᠰᠡᠨ ᠨᠣᠲᠤᠭ ᠢᠶᠠᠷ ᠠᠶᠢᠯᠴᠢᠯᠠᠨ | ᠨᠢᠳᠦ ᠨᠡᠭᠡᠭᠡᠵᠦ ᠶᠠᠪᠤᠬᠤ ᠳᠠᠭᠠᠨ᠂ ᠭᠢᠷᠢᠨ ᠮᠤᠵᠢ ᠶᠢᠨ ᠰᠧ ᠫᠢᠩ ᠬᠤᠲᠠ ᠶᠢᠨ ᠨᠢᠭᠡᠨ ᠲᠠᠷᠢᠶᠠᠴᠢᠨ ᠪᠦᠰᠡᠬᠦᠢ ᠶᠢᠨ | ᠭᠠᠭ᠋ᠠᠢ ᠲᠡᠵᠢᠭᠡᠭᠰᠡᠨ ᠥᠯᠢᠭᠡᠷ ᠥᠪᠡᠷ ᠤᠨ ᠡᠷᠬᠡ ᠦᠭᠡᠢ ᠰᠡᠳᠬᠢᠯ ᠢ ᠨᠢ ᠳᠠᠲᠠᠭᠰᠠᠨ ᠪᠠᠶᠢᠨᠠ᠃ ᠭᠠᠭ᠋ᠠᠢ ᠲᠡᠵᠢᠭᠡᠬᠦ | ᠬᠤᠷᠰᠢᠶᠠ ᠪᠠᠶᠢᠭᠤᠯᠣᠭᠰᠠᠨ ᠲᠡᠷᠡᠬᠦ ᠪᠦᠰᠡᠬᠦᠢ ᠣᠬᠤᠷᠬᠠᠨ ᠬᠡᠳᠦᠨ ᠵᠢᠯ ᠤᠨ ᠬᠤᠭᠤᠴᠠᠭᠠᠨ ᠳᠤ ᠪᠦᠬᠦ ᠰᠢᠶᠡᠨ | ᠤ ᠪᠠᠨ ᠭᠠᠭ᠋ᠠᠢ ᠲᠡᠵᠢᠭᠡᠬᠦ ᠦᠢᠯᠡᠰ ᠢ ᠪᠦᠬᠦᠨ ᠢ ᠡᠵᠡᠮᠳᠡᠵᠦ᠂ ᠲᠠᠷᠠᠬᠠᠢ ᠪᠣᠲᠠᠷᠬᠠᠢ ᠪᠠᠷ ᠡᠵᠡᠩᠨᠡᠵᠦ ᠦᠨᠡ ᠬᠠᠩᠰᠢ | ᠳᠣᠣᠷᠠ ᠪᠠᠶᠢᠭᠰᠠᠨ ᠪᠠᠶᠢᠳᠠᠯ ᠢ ᠪᠦᠷᠢᠮᠦᠰᠦᠨ ᠥᠭᠡᠷᠡᠴᠢᠯᠡᠵᠦ᠂ ᠬᠤᠷᠰᠢᠶᠠ ᠶᠢᠨ ᠬᠡᠰᠢᠬᠦᠨ ᠪᠣᠯᠭᠠᠨ ᠳᠤ ᠪᠣᠳᠠᠲᠠᠢ | ᠠᠰᠢᠭ ᠣᠷᠣᠯᠭᠠ ᠠᠪᠴᠢᠷᠠᠵᠤ ᠥᠭᠬᠦᠭᠰᠡᠨ ᠢᠶᠠᠷ ᠭᠠᠭ᠋ᠠᠢ ᠲᠡᠵᠢᠬᠡᠬᠦ ᠡᠷᠦᠬᠡ ᠶᠢᠨ ᠢᠳᠡᠪᠬᠢᠵᠢᠯ ᠢ ᠳᠠᠶᠢᠴᠢᠯᠠᠭᠰᠠᠨ | ᠪᠠᠶᠢᠨᠠ᠃ ︽ᠭᠠᠭᠴᠠ ᠮᠣᠳᠣ ᠭᠠᠯ ᠪᠣᠯᠬᠤ ᠦᠭᠡᠢ ᠭᠠᠭᠴᠠ ᠬᠦᠮᠦᠨ ᠠᠶᠢᠯ ᠪᠣᠯᠬᠤ ᠦᠭᠡᠢ︾ ᠭᠡᠳᠡᠭ ᠵᠦᠢᠷ | ᠦᠭᠡ ᠶᠢᠨ ᠵᠢᠩᠬᠢᠨᠢ ᠤᠳᠬᠠ ᠶᠢ ᠪᠠᠲᠣᠨᠠᠰᠣᠨ ᠲᠡᠬᠦᠨ ᠠᠴᠠ ᠡᠬᠢᠯᠡᠨ ᠭᠦᠨ ᠣᠬᠠᠭᠠᠷᠠᠵᠤ᠂ ᠪᠦᠬᠦ ᠭᠠᠴᠠᠭᠠᠨ ᠤ | 30 ᠲᠦᠮᠡᠨ ᠮᠦ ᠨᠣᠲᠤᠭ ᠪᠡᠯᠴᠢᠭᠡᠷ ᠤᠨ 3 ᠲᠦᠮᠡᠨ ᠮᠦ ᠶᠢ ᠨᠢ ᠲᠠᠷᠢᠶᠠᠯᠭᠩ ᠳᠡᠭᠡᠷᠡ᠂ ᠲᠦᠮᠡᠨ ᠮᠦ ᠶᠢ ᠨᠢ | ᠰᠠᠭᠤᠷᠢᠰᠢᠯ ᠪᠣᠶᠣ ᠲᠡᠵᠢᠭᠡᠪᠦᠷᠢ ᠶᠢᠨ ᠲᠠᠯᠠᠪᠡᠢ ᠶᠢᠨ ᠪᠠᠷᠢᠯᠭᠠ ᠳᠡᠭᠡᠷᠡ᠂ 10 ᠲᠦᠮᠡᠨ ᠮᠤ᠋ ᠨᠣᠲᠤᠭ ᠪᠡᠯᠴᠢᠭᠡᠷ ᠤᠨ | ᠠᠮᠢ ᠠᠬᠤᠢ ᠶᠢ ᠰᠡᠷᠬᠦᠭᠡᠵᠦ᠂ 16 ᠲᠦᠮᠡᠨ ᠮᠦ ᠨᠤᠲᠤᠭ ᠪᠡᠯᠴᠢᠭᠡᠷ ᠢᠶᠠᠨ ᠪᠡᠯᠴᠢᠭᠡᠷᠯᠡᠬᠦᠯᠬᠦ ᠶᠢ ᠵᠣᠭᠰᠣᠭᠠᠨ | ᠰᠡᠯᠬᠦᠨ ᠮᠠᠯᠵᠢᠬᠤ ᠳᠡᠭᠡᠷᠡ ᠬᠡᠷᠡᠭᠯᠡᠪᠡᠯ ᠪᠦᠬᠦ ᠭᠠᠴᠠᠭᠠᠨ ᠤ 280 ᠡᠷᠦᠬᠡ ᠪᠦᠬᠦᠨ ᠢᠶᠠᠷ ᠢᠶᠠᠨ ᠠᠰᠢᠭ ᠬᠦᠷᠲᠡᠨᠡ | ᠭᠡᠬᠦ ᠠᠤᠭᠠ ᠲᠦᠰᠦᠪ ᠤᠭᠤᠷᠠᠭ ᠲᠠᠷᠢᠬᠢᠨ ᠳᠤᠨᠢ ᠤᠨᠳᠤᠷᠴᠦ ᠡᠬᠢᠯᠡᠵᠡᠢ᠃ ᠲᠡᠷᠡᠪᠡᠷ ᠰᠣᠷᠣᠯᠴᠠᠵᠤ ᠢᠷᠡᠭᠰᠡᠨ | ᠦᠨᠡᠲᠦ ᠲᠣᠷᠰᠢᠯᠭᠠ ᠪᠠᠨ ᠨᠣᠲᠤᠭ ᠤᠰᠤᠨ ᠳᠠᠭᠠᠨ ᠳᠡᠯᠭᠡᠷᠡᠬᠦᠯᠬᠦ ᠬᠡᠮᠡᠨ 2007 ᠣᠨ ᠠᠴᠠ ᠡᠬᠢᠯᠡᠨ᠂ ᠭᠠᠴᠠᠭᠠᠨ | ᠤ ᠮᠠᠯᠴᠢᠳ ᠠᠴᠠ ᠪᠠᠨ ᠭᠠᠵᠠᠷ ᠨᠤᠲᠤᠭ ᠲᠦᠷᠢᠶᠡᠰᠦᠯᠡᠨ ᠠᠪᠴᠦ᠂ 2008 ᠣᠨ ᠳᠤ ᠴᠤᠤᠲᠠᠢ ᠮᠠᠯ | ᠲᠠᠷᠢᠶᠠᠯᠠᠩ ᠤᠨ ᠬᠤᠷᠰᠢᠶᠠ ᠶᠢ ᠪᠠᠶᠢᠭᠤᠯᠣᠭᠰᠠᠨ ᠪᠠᠶᠢᠯᠠ᠃ ᠭᠡᠰᠡᠨ ᠴᠦ ᠬᠢᠵᠦ ᠰᠡᠳᠬᠢᠭᠰᠡᠨ ᠪᠣᠯᠭᠠᠨ ᠬᠡᠯᠡᠵᠦ | ᠪᠣᠳᠣᠭᠰᠠᠨ ᠢᠶᠠᠷ ᠪᠡᠶᠡᠯᠡᠭᠳᠡᠴᠢᠬᠡᠬᠦ ᠪᠢᠰᠢ᠂ ᠲᠣᠬᠠᠢ ᠶᠢᠨ ᠦᠶᠡᠰ ᠪᠦᠬᠦ ᠬᠤᠰᠢᠭᠤ ᠪᠠᠷ ᠢᠶᠠᠨ ᠮᠠᠯᠵᠢᠬᠤ ᠶᠢᠨ | ᠲᠥᠯᠥᠭᠡ ᠲᠠᠷᠢᠵᠤ ᠪᠠᠶᠢᠬᠤ ᠲᠥᠷᠦ ᠶᠢᠨ ᠪᠣᠳᠣᠯᠭᠠ ᠶᠢ ᠬᠡᠷᠡᠭᠵᠢᠬᠦᠯᠵᠦ᠂ ᠥᠭᠡᠷᠡ ᠪᠠᠷ ᠬᠡᠯᠡᠪᠡᠯ ᠵᠦᠪᠬᠡᠨ ᠮᠠᠯ ᠤᠨ | ᠪᠤᠷᠳᠤᠭᠠ ᠪᠣᠯᠬᠤᠶᠢᠴᠠ ᠡᠷᠳᠡᠨᠢ ᠰᠢᠰᠢ᠂ ᠬᠤᠰᠢᠶᠠᠩᠭᠤᠷ ᠵᠡᠷᠭᠡ ᠶᠢ ᠲᠠᠷᠢᠬᠤ ᠶᠢ ᠵᠣᠷᠢᠭᠵᠢᠭᠤᠯᠵᠤ᠂ ᠠᠵᠤ | ᠠᠬᠤᠢ ᠶᠢᠨ ᠲᠠᠷᠢᠮᠠᠯ ᠲᠠᠷᠢᠬᠤ ᠶᠢ ᠤᠭᠲᠤ ᠵᠥᠪᠰᠢᠶᠡᠷᠡᠬᠦ ᠦᠭᠡᠢ ᠪᠠᠶᠢᠭᠰᠠᠨ ᠠᠴᠠ ᠪᠠᠲᠣᠨᠠᠰᠣᠨ 4 ᠵᠢᠯ ᠳᠠᠷᠠᠭᠠᠯᠠᠨ | ᠬᠤᠰᠢᠶᠠᠩᠭᠤᠷ ᠲᠠᠷᠢᠵᠤ ᠶᠡᠬᠡᠪᠡᠷ ᠮᠥᠩᠬᠦ ᠠᠯᠳᠠᠭᠰᠠᠨ ᠠᠴᠠ ᠥᠨᠳᠦᠷ ᠬᠦᠦ ᠲᠠᠢ ᠵᠢᠭᠡᠯᠡᠯᠭᠡ ᠶᠢᠨ ᠭᠦᠨ ᠨᠦᠭᠡᠨ ᠳᠤ | ᠣᠨᠠᠵᠤ᠂ ᠬᠤᠷᠰᠢᠶᠠ ᠶᠢᠨ ᠬᠡᠰᠢᠭᠦᠳ ᠤᠨ ᠢᠶᠠᠨ ᠲᠦᠷᠢᠶᠡᠰᠦᠨ ᠮᠥᠩᠬᠦ ᠶᠢ ᠥᠭᠬᠦ ᠳᠤ ᠴᠦ ᠲᠥᠪᠡᠭᠳᠡᠬᠦ ᠪᠣᠯᠵᠤ᠂ | ᠣᠯᠠᠨᠳᠠ ᠬᠠᠮᠢᠶᠠ ᠪᠦᠬᠦᠢ ᠪᠠᠶᠢᠭᠤᠯᠤᠭᠠ ᠨᠢᠭᠡᠴᠡ ᠶᠢᠨ ᠬᠢᠨ ᠢ ᠡᠷᠢᠵᠦ ᠣᠨᠳᠤᠤ ᠲᠠᠷᠢᠮᠠᠯ ᠲᠠᠷᠢᠬᠤ ᠪᠠᠷ | ᠭᠤᠶᠣᠴᠢᠯᠠᠭᠰᠠᠨ ᠴᠦ ᠲᠣᠰᠠ ᠪᠣᠯᠤᠭᠰᠠᠨ ᠦᠭᠡᠢ ᠪᠣᠯᠬᠤᠷ᠂ ᠳᠡᠭᠡᠳᠦ ᠱᠠᠳᠣᠨ ᠤ ᠳᠠᠷᠤᠭᠠ ᠨᠣᠶᠠᠳ ᠲᠠᠢ ᠰᠢᠷᠡᠭᠡ | ᠠᠯᠠᠭᠠᠳᠠᠬᠤ ᠬᠡᠮᠵᠢᠶᠡᠨ ᠳᠤ ᠬᠦᠷᠴᠦ᠂ ᠭᠡᠷ ᠤᠨ ᠬᠦᠮᠦᠰ ᠲᠠᠢ ᠪᠠᠨ ︽ᠵᠠᠭᠠᠭ ᠱᠤᠭᠤᠮ︾ ᠢᠯᠭᠠᠬᠤ ᠬᠦᠨᠳᠦ | ᠪᠠᠶᠢᠳᠠᠯ ᠳᠤ ᠣᠷᠣᠵᠠᠢ᠃ | ᠲᠡᠭᠷᠢ ᠲᠦᠮᠡᠨ ᠨᠢᠳᠦᠲᠡᠢ ᠬᠤᠶᠢᠨᠠ᠂ ᠲᠦᠭᠡᠷᠢᠵᠦ ᠪᠦᠳᠦᠷᠢᠭᠰᠡᠨ ᠨᠢᠭᠡᠨ ᠢ ᠪᠠᠨ ᠠᠪᠤᠷᠠᠳᠠᠭ ᠯᠠ ᠪᠠᠶᠢᠯᠬᠦᠢ︕ | 2012 ᠣᠨ ᠳᠤ 60 ᠭᠠᠷᠦᠢ ᠡᠷᠦᠬᠡ ᠲᠠᠢ ᠬᠤᠯᠪᠤᠭᠳᠠᠭᠰᠠᠨ ᠲᠡᠬᠦᠨ ᠤ ᠬᠤᠷᠰᠢᠶᠠ ᠶᠢᠨ ᠠᠰᠠᠭᠤᠳᠠᠯ ᠢ | ᠬᠤᠰᠢᠭᠤᠨ ᠠᠴᠠ ᠨᠢ ᠴᠢᠬᠤᠯᠠᠴᠢᠯᠠᠨ ᠦᠵᠡᠵᠦ᠂ ᠳᠣᠷᠤᠨᠠᠲᠦ ᠶᠢᠨ ᠵᠠᠮ ᠬᠦᠭᠦᠷᠭᠡ ᠪᠦᠯᠦᠭᠯᠡᠯ ᠢ ᠤᠷᠢᠨ | ᠠᠪᠴᠢᠷᠠᠵᠠᠢ᠃ ᠡᠨᠡ ᠨᠢ ᠲᠡᠳᠡᠨᠦᠰ ᠲᠤ ᠡᠳ᠋ ᠤᠨ ᠰᠠᠬᠢᠭᠤᠯᠰᠣᠨ ᠵᠠᠯᠠᠵᠤ ᠠᠪᠴᠢᠷᠠᠭᠰᠠᠨ ᠤᠴᠢᠷ ᠮᠡᠲᠦ ᠪᠣᠯᠵᠤ᠂ | ᠳᠠᠮᠴᠢ ᠶᠢᠨ ᠴᠠᠶᠢᠳᠠᠮ ᠳᠤ ᠲᠡᠷᠡ ᠬᠠᠪᠤᠷ ᠠᠴᠠ ᠡᠬᠢᠯᠡᠨ ᠲᠦᠮᠦᠰᠦ ᠲᠠᠷᠢᠵᠤ᠂ ᠢᠷᠡᠬᠦ ᠨᠠᠮᠦᠷ ᠨᠢ ᠡᠯᠪᠡᠭ | ᠬᠤᠷᠢᠶᠠᠯᠲᠠ ᠣᠯᠵᠤ᠂ ᠲᠦᠮᠦᠰᠦᠨ ᠤ ᠦᠨᠡ ᠥᠰᠦᠭᠰᠡᠨ ᠠᠴᠠ ᠪᠠᠲᠣᠨᠠᠰᠣᠨ ᠵᠢᠴᠢ ᠲᠡᠬᠦᠨ ᠤ ᠬᠤᠷᠰᠢᠶᠠ ᠶᠢᠨ | ᠬᠡᠰᠢᠭᠦᠳ ᠮᠥᠩᠬᠦ ᠵᠣᠭᠤᠰᠣᠨ ᠤ ᠲᠠᠯᠠ ᠪᠠᠷ ᠭᠠᠴᠢᠭᠳᠠᠬᠤ ᠦᠭᠡᠢ ᠪᠣᠯᠵᠠᠢ᠃ ᠬᠦᠮᠦᠨ ᠤ ᠰᠠᠨᠠᠭᠠ ᠦᠵᠦᠬᠦᠷ | ᠦᠭᠡᠢ ᠭᠡᠳᠡᠭ ᠦᠭᠡ ᠣᠷᠣ ᠲᠠᠢ ᠪᠠᠶᠢᠵᠤ ᠲᠠᠭᠠᠷᠠᠨᠠ᠃ 2003 ᠣᠨ ᠳᠤ ᠳᠡᠮᠴᠢ ᠶᠢᠨ ᠲᠠᠯᠠ ᠶᠢᠨ ᠲᠦᠮᠦᠰᠦᠨ | ᠲᠠᠷᠢᠶᠠ ᠮᠦᠨ ᠡᠯᠪᠡᠭ ᠬᠤᠷᠢᠶᠠᠯᠲᠠ ᠤᠯᠤᠭᠰᠠᠨ ᠴᠦ ᠡᠵᠡᠩᠨᠡᠵᠦ ᠪᠠᠶᠢᠭᠠ ᠺᠣᠮᠫᠠᠨᠢ ᠶᠢᠨ ᠬᠡᠳᠦᠨ ᠬᠦᠮᠦᠨ ᠨᠢ ᠨᠡᠩ | ᠥᠨᠳᠦᠷ ᠦᠨᠡ ᠳᠤ ᠬᠦᠷᠭᠡᠬᠦ ᠶᠢ ᠪᠣᠳᠣᠵᠣ ᠬᠦᠮᠦᠷᠭᠡ ᠳᠤ ᠳᠠᠷᠣᠵᠣ ᠲᠠᠯᠪᠢᠭᠰᠠᠨ ᠠᠴᠠ ᠲᠣᠷᠰᠢᠯᠭᠠ ᠰᠣᠷᠭᠠᠮᠵᠢ | ᠪᠠᠷᠤᠭᠲᠠᠢ ᠪᠠᠶᠢᠭᠰᠠᠨ ᠪᠣᠯᠬᠤᠷ ᠡᠪᠤᠯ ᠥᠩᠭᠡᠷᠡᠬᠦ ᠳᠤ ᠬᠠᠳᠠᠭᠠᠯᠠᠭᠰᠠᠨ ᠲᠦᠮᠦᠰᠦ ᠨᠢ ᠪᠦᠬᠦᠨ ᠢᠶᠠᠷ ᠢᠶᠠᠨ | ᠢᠯᠵᠢᠷᠡᠭᠰᠡᠨ ᠠᠴᠠ ᠣᠯᠬᠤ ᠶᠣᠰᠣᠲᠠᠢ ᠮᠣᠨᠳᠠᠭ ᠬᠤᠨᠵᠢᠶᠠ ᠮᠥᠩᠬᠦ ᠨᠢ ᠣᠷᠤᠨᠴᠤᠭ ᠲᠡᠳᠦᠢ ᠲᠦᠮᠦᠰᠦᠨ ᠤ | ᠬᠠᠶᠠᠭᠳᠠᠮᠠᠯ ᠪᠣᠯᠵᠤ᠂ ᠠᠰᠢᠭ ᠣᠷᠣᠯᠭᠠ᠂ ᠭᠠᠵᠠᠷ ᠰᠢᠷᠦᠢ ᠵᠡᠷᠭᠡ ᠣᠯᠠᠨ ᠰᠢᠯᠲᠠᠭᠠᠨ ᠠᠴᠠ ᠪᠣᠯᠵᠤ ᠮᠦᠨ ᠵᠢᠯ ᠨᠢ | ᠳᠣᠷᠣᠨᠠᠲᠦ ᠶᠢᠨ ᠵᠠᠮ ᠬᠦᠭᠦᠷᠭᠡ ᠪᠦᠯᠦᠭᠯᠡᠯ ᠠᠳᠡ ᠠᠴᠠ ᠤᠬᠤᠷᠢᠨ ᠭᠠᠷᠴᠠᠢ᠃ ᠭᠡᠲᠡᠯᠡ ᠰᠠᠭᠠᠷ ᠲᠠᠢ ᠶᠠᠪᠤᠳᠠᠯ ᠨᠢ | ᠰᠠᠶᠢᠨ ᠣᠴᠢᠷ ᠪᠣᠯᠣᠨᠠ ᠬᠡᠵᠦ ᠬᠡᠨ ᠮᠡᠳᠡᠵᠡᠮ᠂ ᠬᠡᠳᠦᠶᠢᠪᠡᠷ ᠲᠣᠮᠦ ᠺᠤᠮᠫᠠᠨᠢ ᠶᠢᠨ ᠳᠡᠮᠵᠢᠯᠭᠡ ᠦᠭᠡᠢ ᠪᠣᠯᠤᠭᠰᠠᠨ | ᠪᠣᠯᠪᠠᠴᠦ ᠪᠠᠲᠣᠨᠠᠰᠣᠨ ᠵᠢᠴᠢ ᠲᠡᠬᠦᠨ ᠤ ᠬᠤᠷᠰᠢᠶᠠ ᠨᠢ ᠡᠬᠦᠨ ᠠᠴᠠ ᠡᠬᠢᠯᠡᠨ ᠳᠡᠮᠴᠢ ᠶᠢᠨ ᠴᠠᠶᠢᠳᠠᠮ ᠳᠤ ᠠᠵᠤ | ᠠᠬᠤᠢ ᠶᠢᠨ ᠲᠠᠷᠢᠮᠠᠯ ᠲᠠᠷᠢᠵᠤ ᠪᠣᠯᠬᠤ ᠪᠦᠷᠢᠨ ᠵᠦᠪᠰᠢᠶᠡᠷᠡᠯ ᠢ ᠣᠯᠵᠤ᠂ ᠬᠡᠪᠴᠢᠶᠡᠵᠢᠬᠦᠯᠦᠨ ᠡᠵᠡᠩᠨᠡᠵᠦ ᠣᠷᠣᠯᠭᠠ | ᠣᠯᠬᠤ ᠵᠠᠮ ᠳᠤ ᠣᠷᠤᠵᠠᠢ᠃ ᠨᠢᠳᠤᠨᠤᠨ ᠠᠴᠠ ᠡᠬᠢᠯᠡᠨ ᠱᠠᠩᠬᠠᠢ ᠶᠢᠨ ᠪᠠᠢ ᠱᠢ ᠪᠦᠯᠦᠭᠯᠡᠯ ᠳᠡᠮᠴᠢ ᠶᠢᠨ | ᠴᠠᠶᠢᠳᠠᠮ ᠳᠤ ︽ᠨᠣᠳᠣᠭᠯᠠᠵᠤ︾᠂ ᠴᠣᠣᠳᠠᠢ ᠮᠠᠯ ᠲᠠᠷᠢᠶᠠᠯᠠᠩ ᠤᠨ ᠬᠤᠷᠰᠢᠶᠠ ᠶᠢᠨ 10000 ᠭᠠᠷᠣᠢ ᠮᠦ | ᠲᠠᠷᠢᠶᠠᠨ ᠭᠠᠵᠠᠷ ᠤᠨ ᠮᠦ ᠪᠦᠷᠢ ᠶᠢ 500 ᠲᠥᠭᠦᠷᠢᠭ ᠢᠶᠠᠷ ᠲᠦᠷᠢᠶᠡᠰᠦᠯᠡᠨ ᠠᠪᠴᠦ᠂ ᠶᠡᠬᠡᠪᠡᠷ ᠲᠥᠮᠦᠰᠦ | ᠲᠠᠷᠢᠵᠤ ᠡᠬᠢᠯᠡᠨ᠂ 10 ᠭᠠᠷᠣᠢ ᠲᠠᠷᠢᠶᠠᠯᠠᠩ ᠤᠨ ᠮᠡᠷᠭᠡᠵᠢᠯᠲᠡᠨ ᠢᠶᠠᠨ ᠲᠣᠬᠠᠢ ᠶᠢᠨ ᠲᠠᠯᠠᠪᠤᠷ ᠲᠤ ᠠᠵᠢᠯᠯᠠᠭᠤᠯᠤᠨ᠂ | ᠲᠠᠷᠢᠵᠤ ᠪᠣᠷᠣᠯᠠᠭᠤᠯᠬᠤ ᠣᠴᠢᠷ ᠢ ᠪᠦᠬᠦᠨ ᠢ ᠥᠪᠡᠷ ᠲᠡᠭᠡᠨ ᠬᠠᠷᠢᠭᠤᠴᠠᠬᠤ ᠪᠣᠯᠵᠠᠢ᠃ ᠢᠩᠬᠢᠭᠰᠡᠨ ᠢᠶᠠᠷ | ᠪᠠᠲᠣᠨᠠᠰᠣᠨ ᠵᠦᠪᠬᠡᠨ ᠬᠤᠷᠰᠢᠶᠠ ᠶᠢᠨ ᠭᠡᠰᠢᠬᠦᠳ ᠤᠨ ᠭᠠᠵᠠᠷ ᠲᠠᠷᠢᠶᠠ ᠶᠢ ᠨᠢ ᠲᠥᠪᠯᠡᠷᠡᠬᠦᠯᠦᠨ ᠥᠭᠴᠦ᠂ | ᠬᠤᠷᠰᠢᠶᠠ ᠶᠢᠨ ᠬᠡᠰᠢᠭᠦᠳ ᠲᠠᠢ ᠵᠣᠬᠢᠴᠠᠭᠤᠯᠬᠤ᠂ ᠤᠰᠤ ᠴᠠᠬᠢᠯᠭᠠᠨ ᠢ ᠨᠢ ᠣᠶᠢᠷᠠᠲᠤᠭᠤᠯᠤᠨ ᠥᠭᠬᠦ ᠠᠵᠢᠯ ᠢ ᠯᠠ | ᠬᠠᠷᠢᠭᠤᠴᠠᠬᠤ ᠪᠣᠯᠣᠭᠰᠠᠨ ᠢᠶᠠᠷ᠂ ᠬᠤᠷᠰᠢᠶᠠ ᠶᠢᠨ 60 ᠭᠠᠷᠣᠢ ᠡᠷᠦᠬᠡ ᠭᠡᠷ ᠲᠡᠭᠡᠨ ᠰᠠᠭᠤᠭᠠᠳ ᠵᠢᠯ ᠪᠦᠷᠢ | ᠳᠡᠭᠰᠢᠳᠬᠡᠭᠡᠳ 10 ᠭᠠᠷᠣᠢ ᠲᠦᠮᠡᠨ ᠲᠥᠭᠦᠷᠢᠭ ᠤᠨ ᠲᠦᠷᠢᠶᠡᠰᠦᠨ ᠮᠥᠩᠬᠦ ᠣᠯᠬᠤ ᠪᠣᠯᠵᠤ᠂ ᠬᠦᠮᠦᠨ | ᠪᠦᠷᠢ ᠳᠤ ᠠᠳᠠᠭ ᠲᠠᠭᠠᠨ 3 ᠲᠦᠮᠡᠨ ᠲᠥᠭᠦᠷᠢᠭ ᠨᠤᠭᠳᠠᠬᠤ ᠪᠣᠯᠵᠠᠢ᠃ | | | | | | | ᠶᠠᠪᠤᠵᠤ ᠢᠷᠡᠭᠰᠡᠨ ᠤᠯᠠ ᠮᠦᠷ ᠢᠶᠠᠨ ᠡᠷᠬᠢᠴᠡᠬᠦᠯᠦᠭᠰᠡᠭᠡᠷ ᠪᠠᠲᠣᠨᠠᠰᠣᠨ ᠥᠴᠦᠭᠡᠳᠦᠷᠭᠡᠨ ᠲᠠᠷᠢᠵᠤ | ᠳᠠᠭᠤᠰᠬᠠᠭᠰᠠᠨ ᠲᠥᠮᠦᠰᠦᠨ ᠲᠠᠷᠢᠶᠠ ᠪᠠᠨ ᠠᠵᠢᠶᠠᠷᠠᠯᠠ᠃ ᠰᠢᠨᠡᠭᠡᠨ ᠲᠠᠷᠢᠭᠰᠠᠨ ᠲᠠᠷᠢᠶᠠᠨ ᠵᠣᠷᠬᠠ ᠲᠡᠷᠳᠡᠭᠡ ᠠᠯᠣᠰ | ᠲᠤ ᠲᠤᠯᠲᠠᠯᠠ ᠬᠠᠷᠠᠭᠠ ᠠᠯᠳᠠᠮᠠ ᠵᠤᠷᠠᠶᠢᠭᠠᠳ᠂ ᠰᠦᠷᠴᠢᠨ ᠤᠰᠤᠯᠠᠭᠤᠷ ᠤᠨ ᠬᠥᠩᠭᠡᠨ ᠡᠷᠬᠢᠯᠲᠡ ᠦᠶᠡ ᠦᠶᠡ | ᠴᠢᠬᠢᠨ ᠳᠤ ᠠᠶᠠᠷᠬᠠᠨ ᠰᠣᠨᠣᠰᠳᠠᠵᠤ ᠴᠢᠬᠢᠭ ᠤᠨ ᠥᠨᠦᠷ ᠰᠡᠩᠬᠢᠨᠡᠬᠦᠯᠦᠨᠡ᠃ ᠦᠳᠡ ᠶᠢᠨ ᠡᠮᠦᠨᠡ ᠰᠢᠷᠬᠤᠰᠣᠨ | ᠭᠤᠣᠯ ᠪᠠᠯᠭᠠᠰᠣᠨ ᠳᠤ ᠬᠦᠷᠴᠦ᠂ ᠴᠠᠬᠢᠯᠭᠠᠨ ᠬᠤᠪᠢᠰᠬᠠᠭᠤᠷ ᠰᠣᠯᠢᠵᠤ ᠠᠪᠴᠢᠷᠠᠬᠤ ᠭᠡᠰᠡᠨ ᠢᠶᠠᠨ ᠠᠷᠠᠢ ᠯᠠ | ᠣᠰᠣᠯᠳᠤᠭᠤᠯᠬᠤ ᠰᠢᠬᠠᠯᠠ᠂ ᠦᠳᠡ ᠶᠢᠨ ᠬᠤᠶᠢᠨᠠ ᠬᠤᠰᠢᠭᠤᠨ ᠳᠡᠭᠡᠷᠡ ᠮᠦᠨ ᠶᠠᠳᠠᠭᠤ ᠶᠢ ᠳᠡᠳᠬᠦᠬᠦ ᠠᠵᠢᠯ ᠤᠨ | ᠲᠣᠬᠠᠢ ᠬᠤᠷᠠᠯ ᠳᠤ ᠣᠷᠣᠯᠴᠠᠨᠠ ᠁ ᠳᠡᠭᠷᠢ ᠶᠢᠨ ᠴᠢᠷᠡᠢ ᠬᠠᠷᠠᠵᠤ ᠲᠠᠷᠢᠵᠤ ᠪᠠᠶᠢᠭᠰᠠᠨ ᠤᠯᠠᠮᠵᠢᠯᠠᠯᠲᠦ | ᠲᠠᠷᠢᠶᠠᠯᠠᠩ ᠪᠠ ᠣᠰᠣᠯᠠᠵᠤ ᠪᠣᠷᠳᠣᠭᠤᠷ ᠣᠷᠣᠭᠤᠯᠬᠤ ᠠᠴᠠ ᠡᠬᠢᠯᠡᠭᠡᠳ ᠮᠠᠰᠢᠨᠴᠢᠯᠠᠯᠲᠠ ᠶᠢ ᠪᠡᠶᠡᠯᠡᠬᠦᠯᠵᠦ ᠶᠠᠪᠤᠴᠠ | ᠪᠣᠯᠭᠠᠨ ᠳᠤᠨᠢ ᠲᠣᠰᠬᠠᠢ ᠮᠡᠷᠭᠡᠵᠢᠯᠲᠡᠨ ᠤ ᠬᠠᠷᠢᠭᠤᠴᠠᠯᠭᠠ ᠲᠠᠢ ᠪᠣᠯᠣᠭᠰᠠᠨ ᠣᠳᠣ ᠦᠶᠡ ᠶᠢᠨ ᠲᠠᠷᠢᠶᠠᠯᠠᠩ ᠢ | ᠬᠠᠷᠢᠴᠠᠭᠤᠯᠣᠨ ᠪᠣᠳᠣᠬᠤ ᠠᠴᠠ ᠲᠡᠬᠦᠨ ᠤ ᠰᠡᠳᠬᠢᠯ ᠳᠤ ᠢᠷᠡᠬᠦ ᠨᠠᠮᠦᠷ ᠤᠨ ᠡᠯᠪᠡᠭ ᠬᠤᠷᠢᠶᠠᠯᠲᠠ ᠶᠢᠨ ᠳᠠᠭᠤᠨ | ᠬᠠᠩᠬᠢᠨᠠᠬᠤ ᠰᠢᠭ᠋ ᠁ | ᠳᠡᠮᠴᠢ ᠶᠢᠨ ᠴᠠᠶᠢᠳᠠᠮ ᠤᠨ ᠲᠡᠷᠡ ᠪᠦᠬᠦᠨ ᠲᠡᠩᠴᠡᠬᠦᠭᠡᠨ ᠵᠠᠰᠠᠯ ᠲᠠᠢ ᠪᠠᠶᠢᠳᠠᠭ 5 ᠰᠠᠷᠠ ᠶᠢᠨ ᠳᠣᠮᠳᠠᠴᠢ᠃ | ᠪᠠᠲᠣᠨᠠᠰᠣᠨ ᠤ ᠪᠠᠰᠠ ᠨᠢᠭᠡᠨ ᠲᠠᠷᠢᠶᠠᠯᠠᠩ ᠤᠨ ᠬᠠᠪᠤᠷ ᠢᠩᠬᠢᠵᠦ ᠡᠬᠢᠯᠡᠯᠡ ᠁ | | | | | | | | | | | | | | | | |