| 27 ᠵᠢᠯ᠂ 10000 ᠬᠤᠨᠤᠭ ᠬᠡᠭᠴᠢ ᠰᠠᠴᠠᠨ ᠳᠤ ᠠᠪᠴᠤ ᠬᠡᠯᠡᠪᠡᠯ ᠦᠨᠡᠨ ᠠᠮᠠᠷ ᠦᠬᠡᠢ ᠪᠠᠶᠢᠵᠡᠢ᠃ | ᠰᠠᠴᠠᠨ ᠢ ᠠᠷᠪᠠᠨ ᠭᠤᠷᠪᠠᠳᠡᠢ ᠵᠢᠯ ᠠᠪᠤ ᠨᠢ ᠡᠪᠡᠳᠴᠢᠨ ᠢᠶᠠᠷ ᠶᠢᠷᠳᠢᠨᠴᠤ ᠶᠢᠨ ᠮᠥᠡᠭᠬᠡ ᠪᠤᠰᠤ ᠶᠢ ᠦᠵᠡᠵᠤ᠂ | ᠬᠤᠷᠢᠨ ᠨᠠᠰᠤᠳᠡᠢ ᠲᠡᠷᠡ ᠵᠢᠯ ᠡᠵᠢ ᠨᠢ ᠶᠠᠳᠠᠷᠠᠭᠠ ᠬᠡᠳᠦᠷᠡᠭᠰᠡᠨ ᠠᠴᠠ ᠵᠢᠷᠤᠬᠡᠨ ᠤ ᠪᠤᠯᠴᠢᠩ ᠤᠨ ᠡᠪᠡᠳᠴᠢᠨ ᠳᠤ | ᠨᠡᠷᠪᠡᠭᠳᠡᠵᠦ ᠮᠥᠨ ᠪᠤᠷᠬᠠᠨ ᠤ ᠤᠷᠤᠨ ᠳᠠᠭᠠᠨ ᠶᠠᠪᠤᠵᠡᠢ᠃ ᠰᠡᠴᠡᠨ ᠠᠷᠪᠠᠨ ᠨᠠᠢᠮᠠᠳᠡᠢ ᠤᠬᠠᠭᠠᠨ ᠵᠡᠮᠳᠡᠭ ᠦᠬᠢᠨ | ᠲᠡᠬᠦᠦ ᠪᠠ ᠠᠷᠪᠠᠨ ᠵᠢᠷᠭᠤᠭᠠᠳᠡᠢ ᠦᠬᠢᠨ ᠲᠡᠬᠦᠦ ᠲᠠᠢ ᠪᠠᠨ ᠭᠤᠷᠪᠠᠭᠤᠯᠠ ᠡᠨᠡᠬᠡᠨ ᠬᠤᠷᠸᠠ ᠳᠤ ᠦᠨᠦᠴᠢᠷᠡᠯ ᠤᠨ | ᠭᠠᠰᠠᠯᠠᠩ ᠳᠤ ᠤᠨᠠᠵᠦ ᠶᠢᠷᠳᠢᠨᠴᠤ ᠶᠢᠨ ᠲᠤᠭᠤᠰᠤ ᠶᠢ ᠡᠯᠡᠬᠡᠵᠦ ᠪᠤᠯᠵᠡᠢ ᠁ | | ᠵᠤᠪᠠᠯᠠᠩ ᠢ ᠲᠤᠭᠤᠯᠵᠦ ᠭᠠᠷᠬᠤ ᠠᠴᠠ ᠪᠢᠰᠢ᠂ ᠲᠤᠭᠤᠷᠢᠵᠦ ᠭᠠᠷᠳᠠᠭ ᠦᠬᠡᠢ ᠶᠢᠨ ᠬᠤᠶᠢᠨᠠ | | ᠰᠠᠴᠠᠨ᠂ 1971 ᠤᠨ ᠳᠤ ᠦᠤᠰᠢᠨ ᠬᠤᠰᠢᠭᠤᠨ ᠤ ᠨᠢᠬᠡᠨ ᠮᠠᠯᠴᠢᠨ ᠠᠶᠢᠯ ᠤᠨ ᠦᠷᠠ ᠨᠢ ᠪᠤᠯᠤᠨ | ᠵᠠᠶᠠᠭᠠᠵᠦ᠂ ᠵᠤᠯᠠᠢ ᠬᠢᠰᠬᠢᠵᠦ ᠲᠦᠷᠦᠭᠰᠡᠨ ᠬᠤᠶᠠᠷ ᠦᠬᠢᠨ ᠲᠡᠬᠦᠦ ᠲᠠᠢ ᠶᠤᠮᠰᠠᠨᠵᠡᠢ᠃ ᠰᠠᠴᠠᠨ ᠠᠴᠠ ᠲᠦᠷᠪᠡᠨ | ᠨᠠᠰᠤ ᠪᠠᠭᠠ ᠲᠡᠬᠦᠦ ᠤᠯᠠᠭᠠᠨᠬᠡᠷᠡᠯ ᠨᠢ ᠬᠡᠳᠦᠨ ᠰᠠᠷᠠ ᠲᠠᠢ ᠪᠠᠶᠢᠬᠤ ᠳᠤ ᠤᠯᠠᠭᠠᠨ ᠨᠤᠳ ᠲᠤᠭᠤᠯᠵᠦ ᠬᠡᠴᠡᠬᠦᠦ | ᠬᠠᠯᠠᠭᠤᠷᠠᠭᠠᠳ ᠴᠠᠭᠠᠰᠢᠳᠠ ᠪᠠᠨ ᠤᠬᠠᠭᠠᠨ ᠵᠡᠮᠳᠡᠭ ᠪᠤᠯᠵᠦ᠂ ᠨᠢᠬᠡᠳᠦᠬᠡᠷ ᠲᠡᠰ ᠤᠨ ᠵᠡᠮᠳᠡᠭ ᠢᠶᠠᠷ ᠲᠤᠳᠤᠯᠠᠬᠳᠠᠨ | ᠠᠮᠢᠳᠤᠷᠠᠯ ᠢᠶᠠᠨ ᠡᠰᠡ ᠠᠷᠭᠠᠴᠠᠵᠦ ᠴᠢᠳᠠᠪᠠ᠃ ᠲᠡᠬᠦᠦ ᠤᠳᠬᠤᠨᠰᠤᠳᠤ ᠨᠢ 1977 ᠤᠨ ᠳᠤ ᠮᠠᠨᠳᠤᠯᠡᠵᠡᠢ᠃ | 1991 ᠤᠨ ᠳᠤ ᠠᠮᠢᠳᠤᠷᠠᠯ ᠠᠬᠤᠢ ᠠᠷᠠᠢ ᠬᠡᠵᠦ ᠲᠡᠩᠬᠡᠷᠡᠵᠦ ᠢᠷᠡᠬᠦ ᠳᠤ ᠡᠵᠢ ᠨᠢ ᠪᠤᠷᠬᠠᠨ ᠪᠤᠯᠵᠦ᠂ ᠬᠤᠷᠢ | ᠬᠦᠷᠦᠭᠰᠡᠨ ᠰᠠᠴᠠᠨ ᠤ ᠪᠡᠶᠠ ᠡᠨᠡ ᠬᠡᠷ ᠢ ᠲᠤᠯᠭᠠᠭᠤᠷᠢᠯᠠᠵᠦ ᠰᠠᠭᠤᠪᠠ᠃ ᠬᠦᠳᠡᠯᠮᠤᠷᠢ ᠠᠮᠢᠳᠤᠷᠠᠯ ᠤᠨ ᠡᠷᠬᠡᠨ ᠳᠤ | ᠰᠠᠴᠠᠨ ᠠᠷᠭᠠ ᠪᠤᠰᠤ ᠠᠩᠬᠠ ᠲᠤᠮᠳᠠᠳᠤ ᠶᠢᠨ ᠨᠢᠬᠡᠳᠦᠬᠡᠷ ᠤᠨ ᠳᠤ ᠰᠤᠷᠤᠯᠴᠠᠵᠦ ᠪᠠᠶᠢᠬᠰᠠᠨ ᠦᠬᠢᠨ ᠲᠡᠬᠦᠦ | ᠤᠳᠬᠤᠨᠰᠤᠳᠤ ᠪᠠᠨ ᠬᠢᠴᠢᠶᠠᠯ ᠰᠤᠷᠤᠯᠭᠠ ᠠᠴᠠ ᠨᠢ ᠲᠤᠷᠭᠤᠨ ᠵᠤᠬᠰᠤᠭᠠᠯᠭᠠᠵᠦ᠂ ᠡᠬᠡᠴᠢ ᠲᠡᠬᠦᠦ | ᠭᠤᠷᠪᠠᠭᠤᠯᠠ ᠪᠠᠨ ᠬᠠᠮ ᠲᠡᠮ ᠪᠤᠯᠵᠦ ᠠᠮᠢ ᠵᠠᠯᠭᠠᠵᠦ ᠬᠤᠷᠸᠠ ᠶᠢᠨ ᠵᠠᠮ ᠢ ᠡᠯᠡᠬᠡᠯᠠ᠃ | | 40 ᠭᠠᠵᠠᠷ ᠤᠨ ᠬᠤᠯᠠᠬᠢ ᠡᠮᠴᠢᠯᠡᠬᠡᠨ ᠤ ᠵᠠᠮ ᠲᠡᠭᠡᠷᠠ | | 1992 ᠤᠨ ᠳᠤ᠂ ᠰᠠᠴᠠᠨ ᠪᠠᠶᠠᠨᠮᠦ᠋ᠡᠭᠬᠡ ᠲᠠᠢ ᠲᠤᠭᠤᠨᠤ ᠲᠠᠢ ᠬᠡᠷ ᠲᠤ ᠬᠤᠰᠢᠭᠤ ᠬᠤᠯᠪᠤᠨ ᠬᠤᠷᠢᠮᠯᠠᠵᠦ᠂ | ᠤᠯᠠᠭᠠᠬᠡᠷᠡᠯ ᠲᠡᠬᠦᠦ ᠪᠠᠨ ᠬᠠᠷᠠᠭᠠᠯᠵᠠᠵᠦ ᠠᠮᠢᠳᠤᠷᠠᠵᠡᠢ᠃ ᠤᠯᠠᠭᠠᠨᠬᠡᠷᠡᠯ ᠬᠦᠮᠥᠨ ᠤ ᠭᠠᠷ ᠠᠴᠠ ᠰᠠᠯᠵᠦ ᠴᠢᠳᠠᠬᠤ | ᠦᠬᠡᠢ ᠮᠦᠷᠳᠡᠬᠡᠨ ᠲᠠᠩᠳᠠ ᠡᠪᠡᠳᠴᠢᠨ ᠨᠢ ᠬᠦᠳᠡᠯᠵᠦ᠂ ᠨᠠᠰᠤ ᠨᠡᠮᠡᠭᠳᠡᠬᠦ ᠲᠤᠰᠤᠮ ᠡᠪᠡᠳᠴᠢᠨ ᠤ ᠢᠯᠡᠷᠡᠯ ᠨᠢ | ᠬᠦᠨᠳᠦᠷᠡᠵᠦ ᠡᠮᠨᠡᠯᠬᠡ ᠳᠤ ᠰᠠᠭᠤᠬᠤ ᠪᠤᠶᠤ ᠬᠦᠨᠳᠤ ᠦᠶᠡᠰ ᠪᠠᠴᠢᠮ ᠠᠪᠤᠷᠠᠯᠳᠠ ᠴᠤ ᠬᠢᠳᠡᠭ ᠪᠠᠶᠢᠯᠠ᠃ ᠬᠦᠯ | ᠵᠠᠯᠭᠠᠬᠤ ᠮᠤᠲ᠋ᠤᠷ ᠲᠡᠷᠬᠡ ᠪᠠᠶᠢᠬᠤ ᠦᠬᠡᠢ ᠪᠤᠯᠬᠤᠷ ᠤᠳᠠᠭᠠ ᠪᠦᠷᠢ ᠦᠬᠢᠨ ᠲᠡᠬᠦᠦ ᠪᠠᠨ ᠡᠬᠦᠷᠦᠨ ᠬᠦᠶᠦᠳᠡᠭ᠃ | 40 ᠭᠠᠵᠠᠷ ᠤᠨ ᠬᠤᠯᠠᠬᠢ ᠡᠮᠨᠡᠯᠬᠡ ᠶᠢᠨ ᠬᠤᠷᠢᠶᠠ ᠶᠢ ᠨᠢᠯᠪᠤᠰᠤ ᠲᠠᠢ᠂ ᠬᠦᠯᠦᠰᠤ ᠲᠠᠢ ᠴᠢᠭᠯᠡᠬᠦ ᠵᠠᠭᠤᠷᠠ ᠦᠬᠢᠨ | ᠲᠡᠬᠦᠦ ᠪᠠᠨ ᠪᠤᠷᠬᠠᠨ ᠤ ᠤᠷᠤᠨ ᠠᠴᠠ ᠬᠡᠳᠦᠨᠳᠡ ᠪᠤᠯᠢᠶᠠᠵᠦ ᠠᠪᠴᠢᠷᠠᠵᠦ ᠴᠢᠳᠠᠵᠡᠢ᠃ ᠤᠯᠠᠭᠠᠨᠬᠡᠷᠡᠯ ᠪᠠᠷᠤᠭ ᠵᠢᠯ | ᠪᠦᠷᠢ ᠡᠮᠨᠡᠯᠬᠡ ᠳᠤ ᠨᠢᠬᠡ ᠬᠤᠶᠠᠷ ᠤᠳᠠᠭᠠ ᠰᠠᠭᠤᠬᠤ ᠪᠤᠯᠵᠦ᠂ ᠭᠤᠷᠪᠠᠨ ᠵᠢᠯ ᠳᠤ ᠨᠢᠬᠡ ᠤᠳᠠᠭᠠᠨ ᠤ ᠪᠠᠴᠢᠮ | ᠴᠢᠨᠠᠷᠳᠡᠢ ᠠᠪᠤᠷᠠᠯᠳᠠ ᠬᠢᠬᠡᠳ ᠵᠢᠯ ᠤᠨ ᠡᠮᠨᠡᠯᠬᠡ ᠶᠢᠨ ᠵᠠᠷᠤᠳᠠᠯ ᠨᠢ ᠬᠤᠶᠠᠷ ᠲᠦᠮᠡ ᠭᠠᠷᠤᠢ ᠶᠢ ᠲᠡᠪᠡᠵᠦ ᠪᠠᠶᠢᠵᠡᠢ᠃ | ᠤᠯᠠᠭᠠᠨᠬᠡᠷᠡᠯ ᠤᠨ ᠪᠡᠶᠠ ᠬᠠᠳᠠ ᠬᠦᠳᠡᠯᠬᠡᠬᠡᠨ ᠲᠤᠳᠠᠬᠳᠠᠬᠰᠠᠨ ᠠᠴᠠ ᠪᠤᠯᠵᠦ ᠪᠦᠬᠦ ᠪᠡᠶᠠ ᠶᠢᠨ ᠡᠷᠬᠡᠳᠡᠨ | ᠮᠠᠭᠤᠳᠠᠬᠰᠠᠭᠠᠷ ᠪᠠᠶᠢᠯᠠ᠃ ᠰᠠᠴᠠᠨ ᠤᠯᠠᠭᠠᠨᠬᠡᠷᠡᠯ ᠮᠤᠩᠭᠤᠯ ᠡᠮᠴᠢ ᠠᠴᠠ ᠢᠯᠢᠵᠦ ᠨᠤᠬᠤᠯᠠᠬᠤ ᠮᠡᠷᠬᠡᠵᠢᠯ | ᠰᠤᠷᠤᠭᠠᠳ ᠡᠳᠦᠷ ᠪᠦᠷᠢ ᠬᠤᠶᠠᠷ ᠤᠳᠠᠭᠠ ᠢᠯᠢᠯᠬᠡ ᠬᠢᠵᠦ᠂ ᠪᠤᠯᠴᠢᠩ ᠤᠨ ᠮᠢᠬᠠᠨ ᠤ ᠠᠪᠴᠢᠯᠳᠠ ᠶᠢ ᠨᠢ | ᠰᠡᠷᠬᠡᠶᠢᠯᠡᠵᠦ ᠪᠠᠶᠢᠪᠠ᠃ ᠨᠠᠩ ᠰᠠᠶᠢᠨ ᠡᠮᠴᠢᠯᠡᠬᠡᠨ ᠤ ᠠᠷᠭᠠ ᠶᠢ ᠡᠷᠢᠯᠬᠢᠯᠡᠬᠦ ᠪᠠᠷ ᠰᠠᠴᠡᠨ ᠲᠡᠬᠦᠦ ᠪᠠᠨ ᠬᠦᠬᠡᠨᠠᠭᠤᠷ᠂ | ᠭᠠᠨᠰᠤ ᠵᠡᠷᠬᠡ ᠭᠠᠵᠠᠷ ᠢᠶᠠᠷ ᠴᠤ ᠠᠪᠴᠤ ᠬᠦᠷᠤᠨ ᠡᠮᠴᠢ ᠵᠠᠯᠠᠵᠦ ᠦᠵᠡᠬᠦᠯᠦᠭᠰᠡᠨ ᠪᠢᠯᠡ᠃ 2005 ᠤᠨ ᠤ | ᠬᠠᠪᠤᠷ ᠬᠠᠷᠠ ᠲᠠᠷᠤᠬᠰᠠᠨ ᠨᠢᠬᠡᠨ ᠡᠳᠦᠷ᠂ ᠤᠯᠠᠭᠠᠨᠬᠡᠷᠡᠯ ᠤᠨ ᠡᠪᠡᠳᠴᠢᠨ ᠬᠦᠨᠳᠤ ᠪᠠᠷ ᠤᠷᠪᠠᠵᠦ᠂ ᠡᠮᠴᠢ ᠠᠴᠠ | ᠪᠦᠷ ᠦᠬᠦᠯ ᠵᠡᠷᠯᠠᠬᠰᠠᠠ ᠪᠠᠶᠢᠬᠤ ᠳᠤ ᠴᠤ ᠰᠠᠴᠠᠨ ᠬᠠᠷᠢᠨ ᠡᠷᠡᠮᠡᠯᠵᠡᠯ ᠡᠪᠦᠷᠯᠡᠵᠦ ᠡᠮ ᠪᠤᠭᠤᠭᠠᠳ ᠬᠡᠷ ᠲᠡᠭᠡᠨ | ᠠᠪᠠᠴᠢᠵᠦ ᠠᠰᠠᠷᠠᠵᠡᠢ᠃ ᠬᠤᠶᠠᠷ ᠰᠠᠷᠠ ᠶᠢᠨ ᠲᠤᠷᠰᠢ᠂ ᠤᠯᠭᠠᠨᠬᠡᠷᠡᠯ ᠬᠤᠭᠤᠯᠡᠡ ᠠᠴᠠ ᠭᠠᠷᠬᠤ ᠳᠤ ᠡᠳᠦᠷ ᠪᠦᠷᠢ | ᠰᠢᠩᠬᠡᠨ ᠡᠮ ᠶᠡᠬᠦᠯᠡᠬᠦ ᠭᠤᠤᠷᠰᠤ ᠪᠠᠷ ᠦᠨᠢᠶᠡᠨ ᠰᠦ ᠤᠤᠭᠤᠯᠭᠠᠵᠦ ᠲᠡᠩᠬᠡᠷᠡᠬᠦᠯᠵᠡᠢ᠃ ᠦᠬᠢᠨ ᠲᠡᠬᠦᠦ ᠪᠠᠨ | ᠨᠢᠯᠬᠠ ᠬᠡᠤᠬᠡᠳ ᠠᠳᠠᠯᠢ ᠠᠰᠠᠷᠠᠵᠦ᠂ ᠪᠡᠶᠠ ᠶᠢ ᠨᠢ ᠠᠷᠴᠢᠵᠦ ᠵᠦᠯᠬᠦᠬᠦ ᠠᠴᠠ ᠭᠠᠳᠠᠨᠠ ᠰᠦᠨᠢ ᠪᠤᠰᠴᠤ ᠰᠦ | ᠤᠤᠭᠤᠯᠭᠠᠵᠦ ᠭᠠᠳᠠᠭᠠᠯᠠᠭᠤᠯᠳᠠᠭ᠃ ᠡᠬᠡᠴᠢ ᠶᠢᠨ ᠢᠶᠠᠨ ᠨᠢᠮᠪᠡᠢ ᠲᠤᠳᠤᠮᠳᠤᠯᠭᠠ ᠪᠠᠷ᠂ ᠬᠡᠪᠳᠡᠷᠢ ᠳᠤ ᠤᠷᠤᠬᠰᠠᠨ | ᠤᠯᠠᠭᠠᠨᠬᠡᠷᠡᠯ ᠲᠠᠬᠢᠨᠳᠠ ᠠᠶᠤᠯ ᠠᠴᠠ ᠮᠤᠯᠳᠤᠷᠠᠵᠦ ᠴᠢᠳᠠᠯᠠ᠃ | | ᠡᠬᠡᠴᠢ ᠶᠢᠨ ᠬᠠᠶᠢᠷᠠ ᠠᠨᠠᠪᠠᠳ ᠲᠠᠯᠡᠢ ᠠᠴᠠ ᠬᠦᠨ | | ᠡᠪᠡᠳᠴᠢᠨ ᠲᠠᠢ ᠲᠡᠬᠦᠦ ᠪᠠᠨ ᠨᠠᠩ ᠰᠠᠶᠢᠬᠠᠨ ᠠᠰᠠᠷᠠᠬᠤ ᠪᠠᠷ᠂ ᠰᠠᠴᠠᠨ ᠮᠠᠯ ᠬᠤᠢ ᠪᠠᠨ ᠬᠤᠳᠠᠯᠳᠤᠵᠦ᠂ | 2006 ᠤᠨ ᠳᠤ ᠦᠤᠰᠢᠨ ᠬᠤᠰᠢᠭᠤᠨ ᠤ ᠭᠠᠯᠠᠭᠤᠳᠤ ᠪᠠᠯᠭᠠᠰᠤᠨ ᠳᠤ ᠬᠡᠷ ᠲᠦᠷᠢᠶᠠᠰᠦᠯᠡᠨ ᠰᠠᠭᠤᠪᠠ᠃ | ᠤᠯᠠᠭᠠᠬᠡᠷᠡᠯ ᠰᠤᠯᠠ ᠠᠵᠢᠯ ᠬᠢᠬᠦ ᠶᠢᠨ ᠲᠠᠭᠠᠤ ᠦᠬᠢᠨ ᠲᠡᠬᠦᠦ ᠶᠢᠨ ᠬᠢᠨᠢ ᠨᠦᠬᠦᠪᠦᠷᠢ ᠮᠥᠡᠭᠬᠦ ᠪᠠᠷ ᠠᠮᠢ ᠵᠢᠭᠤᠵᠦ | ᠪᠠᠶᠢᠯᠠ᠃ ᠨᠦᠬᠦᠷ ᠪᠠᠶᠠᠨᠮᠦ᠋ᠡᠭᠬᠡ ᠨᠢ ᠭᠠᠳᠠᠬᠰᠢ ᠭᠠᠷᠴᠤ ᠠᠵᠢᠯ ᠬᠢᠪᠡᠯ ᠤᠯᠠᠭᠠᠨᠬᠡᠷᠡᠯ ᠦᠬᠢᠨ ᠲᠡᠬᠦᠦ ᠪᠠᠨ | ᠬᠠᠷᠠᠭᠠᠯᠵᠠᠵᠦ᠂ ᠨᠦᠬᠦᠷ ᠨᠢ ᠠᠵᠢᠯ ᠠᠴᠠ ᠪᠠᠨ ᠠᠮᠠᠷᠠᠪᠠᠯ ᠲᠡᠷᠡ ᠬᠤᠭᠤᠯᠠᠨ ᠬᠡᠷ ᠲᠤ ᠤᠴᠢᠵᠦ ᠠᠵᠢᠯᠯᠠᠳᠠᠭ ᠪᠠᠶᠢᠪᠠ | ᠃ 27 ᠵᠢᠯ ᠤᠨ ᠲᠤᠷᠰᠢ ᠤᠯᠠᠭᠠᠨᠬᠡᠷᠡᠯ ᠦᠬᠢᠨ ᠲᠡᠬᠦᠦ ᠪᠠᠨ ᠨᠢᠯᠬᠠ ᠬᠡᠤᠬᠡᠳ ᠰᠢᠭ ᠢᠶᠠᠨ ᠭᠠᠷ ᠠᠴᠠ ᠪᠠᠨ ᠰᠠᠯᠭᠠᠯ | ᠦᠬᠡᠢ᠂ ᠪᠤᠵᠠᠷ ᠪᠤᠷᠳᠠᠭ ᠠᠴᠠ ᠵᠢᠭᠰᠢᠯ ᠦᠬᠡᠢ᠂ ᠦᠴᠦᠬᠡᠨ ᠴᠤ ᠭᠤᠮᠤᠳᠠᠯ ᠲᠤᠭᠠᠴᠢᠯ ᠦᠬᠡᠢ ᠪᠠᠷ ᠲᠡᠭᠡᠭᠰᠢ | ᠲᠠᠳᠠᠬᠰᠠᠭᠠᠷ ᠢᠷᠡᠪᠡ᠃ | ᠰᠠᠴᠠᠨ᠄ ︽ᠡᠵᠢ ᠠᠪᠤ ᠮᠢᠨᠢ ᠪᠤᠷᠬᠠᠨ ᠪᠤᠯᠬᠤ ᠳᠠᠭᠠᠨ ᠨᠠᠳᠠ ᠳᠤ ᠡᠶᠢᠮᠤ ᠲᠤᠮᠤ ᠲᠠᠭᠠᠭᠠᠯᠭᠠᠪᠤᠷᠢ | ᠦᠯᠡᠳᠡᠬᠡᠭᠰᠡᠨ᠂ ᠪᠢ ᠠᠵᠠ ᠮᠠᠭᠤᠳᠡᠢ ᠬᠤᠪᠢ ᠵᠠᠶᠠᠭᠠᠨ ᠳᠠᠭᠠᠨ ᠦᠴᠦᠬᠡᠨ ᠴᠤ ᠭᠤᠮᠤᠳᠠᠯ ᠦᠬᠡᠢ ᠡᠨᠡ ᠡᠷᠦᠬᠡ | ᠬᠡᠷ ᠢ ᠪᠦᠳᠦᠨ ᠠᠪᠴᠤ ᠶᠠᠪᠤᠬᠤ ᠪᠠᠷ ᠵᠢᠳᠬᠦᠭᠰᠡᠨ︾ ᠬᠡᠵᠦ ᠶᠠᠷᠢᠨᠠ᠃ ︽ᠪᠢᠳᠠ ᠬᠤᠶᠠᠷ ᠤᠯᠠᠭᠠᠨᠬᠡᠷᠡᠯ | ᠲᠡᠬᠦᠦ ᠪᠠᠨ ᠠᠯᠢ ᠴᠢᠳᠠᠬᠤ ᠪᠠᠷ ᠰᠠᠶᠢᠨ ᠬᠠᠷᠠᠭᠠᠯᠵᠠᠬᠤ ᠪᠠᠷ ᠴᠢᠷᠮᠠᠶᠢᠳᠠᠭ᠃ ᠵᠤᠪᠠᠯᠠᠩ ᠢ ᠲᠤᠭᠤᠯᠵᠦ ᠭᠠᠷᠬᠤ ᠠᠴᠠ | ᠪᠢᠰᠢ᠂ ᠲᠤᠭᠤᠷᠢᠵᠦ ᠭᠠᠷᠳᠠᠭ ᠦᠬᠡᠢ ᠶᠢᠨ ᠬᠤᠶᠢᠨᠠ ᠪᠢ ᠴᠤ ᠡᠨᠡ ᠠᠶᠢᠯ ᠤᠨ ᠲᠦᠯᠦᠬᠡ ᠵᠢᠳᠬᠦᠭᠰᠡᠬᠡᠷ ᠯᠠ | ᠪᠠᠶᠢᠨᠠ︾ ᠬᠡᠵᠦ ᠪᠠᠶᠠᠨᠮᠦ᠋ᠡᠭᠬᠡ ᠬᠡᠯᠡᠨᠠ᠃ | 27 ᠵᠢᠯ ᠤᠨ ᠢᠳᠡᠬᠡᠯ ᠨᠠᠶᠢᠳᠠᠯᠭᠠ᠂ ᠠᠰᠠᠷᠠᠯ ᠲᠤᠳᠤᠮᠳᠠᠯᠭᠠ᠃ ᠠᠪᠤ ᠡᠵᠢ ᠠᠴᠠ ᠠᠳᠠᠯᠢ ᠲᠡᠭᠰᠢ | ᠵᠠᠶᠠᠭᠠᠬᠰᠠᠨ ᠬᠤᠶᠢᠨᠠ᠂ ᠰᠠᠴᠠᠨ ᠠᠭᠤᠤ ᠶᠡᠭᠡ ᠬᠠᠶᠢᠷᠠ ᠪᠠᠷ ᠤᠬᠠᠭᠠᠨ ᠵᠡᠮᠳᠡᠭ ᠦᠬᠢᠨ ᠲᠡᠬᠦᠦ ᠪᠠᠨ ᠲᠡᠳᠬᠦᠵᠦ | ᠶᠠᠪᠤᠬᠤ ᠠᠴᠠ ᠯᠠ᠃ ᠤᠤᠯ ᠨᠢ ᠡᠬᠡᠴᠢ ᠶᠢᠨ ᠬᠠᠶᠢᠷᠠ ᠴᠤ ᠡᠵᠢ ᠶᠢᠨ ᠬᠠᠶᠢᠷᠠ ᠲᠠᠢ ᠠᠳᠠᠯᠢᠬᠠᠨ ᠠᠨᠠᠪᠠᠳ | ᠲᠠᠯᠠᠢ ᠠᠴᠠ ᠬᠦᠨ ᠰᠠᠨᠵᠡᠢ᠃ |