| ᠮᠣᠩᠭᠤᠯᠴᠣᠳ ᠤᠨ ᠤᠯᠠᠮᠵᠢᠯᠠᠯᠳᠤ ᠬᠦᠭᠵᠢᠮ ᠪᠠᠭᠠᠵᠢ ᠪᠣᠯᠬᠤ ᠮᠣᠷᠢᠨ ᠬᠤᠭᠤᠷ᠂ ᠲᠦᠷᠪᠠᠨ ᠤᠳᠠᠰᠤᠳᠤ | ᠬᠤᠭᠤᠷ ᠨᠢ ᠨᠡᠶᠢᠭᠡᠮ ᠤᠨ ᠬᠦᠭᠵᠢᠯᠳᠡ ᠬᠤᠪᠢᠷᠠᠯᠳᠠ ᠶᠢ ᠲᠠᠭᠠᠯᠳᠤᠨ ᠣᠯᠠᠮᠵᠢᠯᠠᠯᠳᠣ ᠭᠠᠷ ᠣᠷᠠᠯᠠᠯ ᠢᠶᠠᠷ ᠣᠷᠠᠯᠠᠨ | ᠬᠢᠭᠦ ᠣᠷᠠᠨ ᠳᠠᠷᠬᠠᠳ ᠣᠯᠠᠮ ᠴᠦᠬᠡᠷᠡᠵᠣ ᠪᠠᠶᠢᠭᠠ ᠶᠣᠮ᠃ ᠮᠠᠯᠴᠢᠨ ᠵᠢᠷᠠᠨᠪᠠᠶᠠᠷ ᠪᠣᠯ ᠤᠯᠠᠮᠵᠢᠯᠠᠯᠳᠤ ᠭᠠᠷ | ᠤᠷᠠᠯᠠᠯ ᠤᠨ ᠮᠡᠷᠭᠡᠵᠢᠯ ᠢᠶᠠᠷ ᠮᠤᠷᠢᠨ ᠬᠤᠭᠤᠷ᠂ ᠲᠦᠷᠪᠡᠨ ᠤᠳᠠᠰᠤᠳᠤ ᠬᠤᠭᠤᠷ ᠬᠢᠵᠦ᠂ ᠲᠡᠭᠡᠳᠤᠰ ᠠᠴᠠ ᠪᠠᠨ | ᠤᠯᠠᠮᠵᠢᠯᠠᠵᠤ ᠢᠷᠡᠭᠰᠡᠨ ᠤᠯᠠᠮᠵᠢᠯᠠᠯᠳᠤ ᠭᠠᠷ ᠤᠷᠠᠯᠠᠯ ᠢᠶᠠᠨ ᠦᠪᠯᠡᠨ ᠵᠠᠯᠭᠠᠮᠵᠢᠯᠠᠵᠤ ᠶᠠᠪᠣᠭᠠ ᠣᠷᠠᠨ ᠳᠠᠷᠬᠠᠳ ᠤᠨ | ᠨᠢᠬᠡ ᠨᠢ ᠪᠢᠯᠡ᠃ | ᠰᠦᠯᠳᠡ ᠰᠤᠮᠤᠨ ᠤ ᠲᠣᠯᠢ ᠭᠠᠴᠠᠭᠠᠨ ᠤ ᠮᠠᠯᠴᠢᠨ ᠵᠢᠷᠠᠨᠪᠠᠶᠠᠷ ᠬᠠᠷᠠᠬᠠᠨ ᠪᠠᠭᠠ ᠠᠴᠠ ᠪᠠᠨ ᠠᠪᠤ ᠶᠢᠨ ᠢᠶᠠᠨ | ᠬᠤᠭᠤᠷ ᠬᠢᠭᠦ ᠣᠷᠠ ᠮᠠᠷᠬᠡᠵᠢᠯ ᠢ ᠪᠠᠭ᠋ᠠᠷᠬᠠᠨ ᠲᠡᠭᠡᠳᠤᠰ ᠠᠴᠠ ᠪᠠᠨ ᠦᠪᠯᠡᠵᠦ ᠢᠷᠡᠭᠰᠡᠨ ᠬᠤᠭᠤᠷ ᠬᠢᠭᠦ | ᠮᠡᠷᠭᠡᠵᠢᠯ ᠤᠨ ᠡᠷᠳᠡᠮ ᠢ ᠰᠤᠷᠴᠥ ᠮᠤᠳᠣᠨ ᠳᠠᠷᠬᠠᠨ ᠤ ᠡᠷᠳᠡᠮ ᠢ ᠦᠪᠯᠡᠨ ᠵᠠᠯᠭᠠᠮᠵᠢᠯᠠᠭᠰᠠᠨ ᠶᠣᠮ᠃ ᠳᠠᠷᠠ | ᠬᠤᠷᠢᠭᠠᠳ ᠵᠢᠯ ᠱᠧᠨ᠋ᠵᠧᠨ᠂ ᠪᠡᠭᠡᠵᠢᠩ᠂ ᠡᠷᠢᠶᠠᠨ ᠬᠤᠳᠠ ᠵᠡᠷᠬᠡ ᠤᠯᠠᠨ ᠭᠠᠵᠠᠷ ᠤᠳ ᠢᠶᠠᠷ ᠤᠯᠠᠮᠵᠢᠯᠠᠯᠳᠤ ᠭᠠᠷ | ᠤᠷᠠᠯᠠᠯ ᠤᠨ ᠤᠶᠢᠯᠡᠰ ᠡᠷᠬᠢᠯᠡᠨ ᠬᠢᠵᠣ ᠪᠠᠶᠢᠭᠰᠠᠨ ᠢᠶᠠᠨ ᠠᠪᠤ ᠡᠵᠢ ᠶᠢᠨ ᠬᠢᠨᠢ ᠨᠠᠰᠤ ᠵᠢᠯ ᠦᠨᠳᠤᠷ ᠪᠣᠯᠵᠣ | ᠠᠰᠠᠷᠠᠵᠣ ᠬᠠᠷᠠᠭᠠᠯᠵᠠᠬᠤ ᠴᠢᠬᠤᠯᠠᠳᠠᠢ ᠪᠣᠯᠣᠭᠰᠠᠨ ᠪᠠ ᠤᠯᠠᠮᠵᠢᠯᠠᠯᠳᠤ ᠭᠠᠷ ᠤᠷᠠᠯᠠᠯ ᠢᠶᠠᠨ ᠨᠤᠳᠤᠭ ᠣᠰᠣᠨ ᠳᠤ | ᠪᠠᠨ ᠤᠯᠠᠮᠵᠢᠯᠠᠵᠤ ᠬᠦᠭᠵᠢᠭᠦᠯᠥᠶᠡ ᠬᠡᠳ ᠤᠷᠴᠢᠮ ᠤᠨ ᠬᠤᠶᠠᠷ ᠵᠢᠯ ᠨᠤᠳᠤᠭ ᠲᠤ ᠪᠠᠨ ᠪᠤᠴᠠᠨ ᠢᠷᠠᠵᠠᠢ᠃ | 2000 ᠤᠨ ᠳᠤ ᠵᠢᠷᠠᠨᠪᠠᠶᠠᠷ ᠠᠪᠤ ᠠᠴᠠ ᠪᠠᠨ ᠬᠤᠭᠤᠷ ᠬᠢᠭᠦ ᠮᠡᠷᠭᠡᠵᠢᠯ ᠢ ᠲᠦᠭᠦᠮᠭᠡᠨ ᠰᠣᠷᠴᠣ ᠡᠵᠡᠮᠰᠢᠭᠰᠡᠨ | ᠤ ᠲᠠᠷᠠᠭᠠ ᠭᠠᠳᠠᠨᠠᠮᠤᠵᠢ ᠤᠷᠤᠨ ᠢᠶᠠᠷ ᠰᠤᠷᠤᠯᠴᠠᠨ ᠦᠪᠡᠷ ᠤᠨ ᠲᠤᠰᠬᠠᠢ ᠮᠡᠷᠭᠡᠵᠢᠯ ᠢᠶᠠᠨ ᠲᠡᠭᠡᠭᠰᠢᠯᠡᠭᠦᠯᠵᠦ | ᠦᠨᠳᠣᠰᠣᠳᠡᠨ ᠤ ᠣᠯᠠᠮᠵᠢᠯᠠᠯᠳᠣ ᠣᠨᠴᠠᠯᠢᠭ ᠢ ᠳᠣᠰᠬᠠᠭᠰᠠᠨ ᠨᠡᠷᠢᠯᠢᠭ᠋ ᠬᠢᠴᠡ ᠲᠠᠢ᠂ ᠬᠦᠭ ᠠᠶᠡᠰ ᠨᠢ ᠢᠷᠡᠭᠤ | ᠳᠣᠳᠣ ᠬᠤᠭᠤᠷ ᠬᠦᠭᠵᠢᠮ ᠢ ᠣᠷᠠᠯᠠᠨ ᠬᠢᠭᠦ ᠪᠤᠯᠤᠭᠰᠠᠨ ᠢᠶᠠᠷ ᠳᠡᠬᠦᠨ ᠤ ᠣᠷᠠᠯᠠᠨ ᠬᠢᠭᠰᠡᠨ ᠬᠤᠭᠤᠷ ᠨᠢ ᠵᠠᠬᠠ | ᠲᠡᠯᠭᠡᠭᠦᠷ ᠳᠡᠭᠡᠷᠡ ᠨᠡᠯᠢᠶᠡᠳ ᠪᠤᠷᠤᠯᠠᠭᠤᠯᠭᠠ ᠰᠠᠶᠢᠳᠡᠢ ᠪᠣᠯᠣᠭᠰᠠᠨ ᠪᠠᠶᠢᠨᠠ᠃ ᠵᠢᠷᠠᠨᠪᠠᠶᠠᠷ ᠨᠣᠳᠤᠭ ᠲᠠᠭᠠᠨ | ᠪᠣᠴᠠᠵᠣ ᠢᠷᠡᠭᠰᠡᠨ ᠤ ᠳᠠᠷᠠᠭᠠ ᠦᠪᠡᠷ ᠤᠨ ᠢᠶᠠᠨ ᠣᠷᠠ ᠮᠡᠷᠬᠡᠵᠢᠯ ᠢᠶᠠᠨ ᠨᠡᠩ ᠳᠡᠬᠡᠭᠰᠢᠯᠡᠬᠦᠯᠥᠨ ᠤᠯᠠᠮᠵᠢᠯᠠᠯᠳᠤ | ᠠᠷᠭᠠ ᠪᠠᠷ ᠬᠢᠭᠰᠡᠨ ᠮᠤᠷᠢᠨ ᠬᠤᠭᠤᠷ ᠢ ᠭᠡᠷᠬᠢᠨ ᠬᠦᠮᠦᠰ ᠤᠨ ᠭᠡᠷᠡᠭᠴᠡᠭᠡ ᠱᠠᠭᠠᠷᠳᠠᠯᠭᠠ ᠳᠤ ᠨᠠᠶᠢᠴᠡᠭᠦᠯᠣᠨ ᠵᠠᠬᠠ | ᠲᠡᠯᠭᠡᠭᠦᠷ ᠶᠢᠨ ᠬᠦᠭᠵᠢᠯᠳᠡ ᠳᠤ ᠵᠣᠬᠢᠴᠠᠭᠤᠯᠬᠤ ᠵᠡᠷᠭᠡ ᠲᠠᠯᠠ ᠪᠠᠷ ᠠᠷᠭᠠ ᠵᠠᠮ ᠰᠦᠪᠡᠭᠴᠢᠯᠡᠨ ᠵᠣᠷᠢᠭᠳᠡᠢ | ᠰᠡᠳᠬᠢᠨ ᠪᠣᠳᠠᠳᠠᠢ ᠠᠵᠢᠯᠯᠠᠵᠣ ᠶᠠᠪᠣᠭᠠ ᠶᠣᠮ᠃ | |