| ᠪᠠᠷᠠᠭᠤᠨᠳᠠᠭᠤᠷ ᠢᠶᠠᠨ ᠬᠠᠶᠢᠯᠠᠰᠤ ᠬᠠᠷᠭᠠᠨᠠ ᠪᠠᠭᠰᠢᠷᠠᠬᠰᠠᠨ ᠪᠠᠯᠠᠷ ᠮᠠᠩᠬᠠ ᠲᠠᠢ᠂ ᠵᠡᠭᠦᠨᠳᠡᠭᠦᠷ ᠢᠶᠠᠨ ᠨᠢᠯᠬᠠ | ᠨᠤᠭᠤᠭᠠ ᠬᠡᠪᠢᠰ ᠮᠡᠳᠦ ᠲᠡᠪᠢᠰᠦᠭᠳᠡᠭᠰᠡᠨ ᠨᠠᠷᠢᠨ ᠰᠠᠶᠢᠬᠠᠨ ᠴᠠᠶᠢᠳᠠᠮ ᠨᠤᠲᠤᠭ ᠲᠤ ᠪᠠᠶᠢᠷᠢᠰᠢᠬᠰᠠᠨ ᠬᠡᠷ ᠪᠠᠶᠢᠰᠢᠩ᠂ | ᠬᠤᠷᠤᠭᠠ ᠰᠠᠷᠠᠪᠴᠢ ᠭᠡᠵᠦ ᠬᠤᠪᠢ ᠡᠷᠦᠬᠡ ᠳᠤ ᠴᠦᠬᠡᠨ ᠪᠠᠶᠢᠳᠠᠭ ᠳᠤᠬᠢᠯᠢᠬ ᠰᠠᠶᠢᠬᠠᠨ ᠰᠠᠭᠤᠷᠢᠰᠢᠯ ᠳᠤ ᠬᠦᠷᠴᠦ | ᠢᠷᠡᠯᠡ᠃ ᠡᠨᠡ ᠠᠶᠢᠯ ᠪᠤᠯ ᠤᠷᠳᠤᠰ ᠬᠤᠳᠠ ᠶᠢᠨ ᠦᠦᠰᠢᠨ ᠬᠤᠰᠢᠭᠤᠨ ᠤ ᠰᠦᠯᠳᠡ ᠰᠤᠮᠤᠨ ᠤ ᠲᠦᠩᠼᠢ | ᠭᠠᠴᠠᠭᠠᠨ ᠤ ᠮᠠᠯᠴᠢᠨ ᠴᠡᠩᠬᠡᠯ ᠤᠨ ᠬᠢ ᠠᠵᠢ᠃ ᠴᠡᠩᠭᠡᠯ ᠭᠡᠵᠦ ᠨᠠᠷᠠ ᠰᠠᠯᠬᠢᠨ ᠳᠤ ᠪᠤᠷᠤᠰᠢᠬᠰᠠᠨ ᠳᠤᠮᠳᠠ ᠶᠢᠨ | ᠪᠡᠶᠡ ᠲᠠᠢ᠂ ᠦᠬᠡ ᠶᠠᠷᠢᠶᠠ ᠲᠠᠢ᠂ ᠯᠠᠪᠳᠠᠭᠤᠨ ᠪᠠᠶᠢᠷᠢ ᠲᠠᠢ ᠬᠦᠮᠦᠨ ᠪᠢᠯᠡ᠃ | ᠴᠡᠩᠭᠡᠯ ᠮᠠᠯ ᠬᠤᠢ ᠶᠢᠨ ᠡᠪ ᠳ᠋ᠦᠢ ᠶᠢ ᠤᠯᠵᠤ᠂ ᠬᠠᠷᠠᠬᠠᠨ ᠪᠠᠭᠠ ᠠᠴᠠ ᠪᠠᠨ ᠮᠠᠯ ᠲᠠᠢ ᠪᠠᠨ | ᠨᠤᠴᠤᠯᠳᠤᠬᠰᠠᠭᠠᠷ ᠢᠷᠡᠭᠰᠡᠨ ᠨᠠᠷᠠᠨ ᠤ ᠪᠤᠷᠤ ᠮᠠᠯᠴᠢᠨ ᠶᠤᠮ᠃ ᠭᠡᠪᠡᠴᠦ ᠲᠡᠭᠦᠨ ᠳᠤ ᠪᠤᠰᠤᠳ ᠮᠠᠯᠴᠢᠳ ᠲᠤ | ᠳᠤᠳᠠᠬᠳᠠᠳᠠᠬ ᠡᠭᠦᠳᠦᠯᠳᠡ ᠶᠢᠨ ᠲᠠᠷᠢᠬᠢ᠂ ᠤᠳᠤᠬᠢᠴᠢᠯᠡᠯ ᠤᠨ ᠰᠡᠳᠬᠢᠴᠡ ᠲᠠᠢ ᠪᠠᠶᠢᠳᠠᠭ᠃ ᠶᠠᠮᠠᠷ ᠨᠢᠬᠡ ᠵᠦᠢᠯ ᠢ | ᠬᠢᠭᠰᠡᠨ ᠴᠦ ᠲᠡᠭᠦᠨ ᠳᠡᠭᠡᠨ ᠪᠦᠬᠦ ᠰᠡᠳᠬᠢᠯ ᠪᠦᠬᠦ ᠵᠤᠷᠢᠬ ᠢᠶᠠᠨ ᠵᠤᠷᠢᠭᠤᠯᠪᠠᠯ ᠠᠴᠢ ᠬᠠᠷᠢᠭᠤᠯᠠᠯᠳᠠ ᠯᠠᠪᠳᠠᠢ | ᠤᠯᠤᠨᠡ ᠭᠡᠳᠡᠭ ᠢ ᠴᠡᠩᠭᠡᠯ ᠤᠨ ᠦᠢᠯᠡ ᠠᠵᠢᠯᠯᠠᠭᠠ ᠤᠯᠠᠮ ᠴᠦ ᠰᠠᠶᠢᠨ ᠬᠡᠷᠡᠴᠢᠯᠡᠯᠡ᠃ ᠴᠡᠩᠬᠡᠯ ᠤᠨ ᠡᠪᠦᠭᠡ᠂ | ᠠᠪᠤ ᠨᠢ ᠴᠦᠮ ᠨᠣᠳᠤᠭ ᠤᠰᠤᠨ ᠳᠠᠭᠠᠨ ᠨᠡᠷᠡᠳᠡᠢ ᠰᠠᠶᠢᠨ ᠮᠠᠯᠴᠢᠨ ᠤᠯᠤᠰ ᠪᠠᠶᠢᠵᠤ᠂ ᠳᠡᠳᠡᠨ ᠤ ᠨᠦᠯᠦᠬᠡ ᠶᠢ | ᠪᠠᠭᠠ ᠠᠴᠠ ᠪᠠᠨ ᠬᠦᠷᠳᠡᠭᠰᠡᠨ ᠴᠡᠩᠭᠡᠯ ᠪᠠᠰᠠ ᠴᠤ ᠮᠠᠯ ᠳᠠᠭᠠᠨ ᠰᠠᠶᠢᠨ ᠡᠷᠡ ᠪᠠᠶᠢᠯᠠ᠃ ︽ᠨᠠᠮᠠ ᠶᠢ ᠪᠠᠭᠠ | ᠪᠠᠶᠢᠬᠤ ᠳᠤ ᠮᠠᠨᠠᠶᠢᠬᠢᠨ ᠮᠦᠨ ᠴᠦ ᠤᠷᠳᠤᠰ ᠨᠠᠷᠢᠨ ᠨᠤᠤᠰᠤᠳᠤ ᠬᠤᠨᠢ ᠪᠠᠨ ᠮᠠᠯᠵᠢᠵᠤ ᠪᠠᠶᠢᠬᠰᠠᠨ᠂ ᠡᠶᠢᠮᠦ ᠪᠤᠯᠬᠤᠷ | ᠡᠨᠡ ᠬᠦ ᠬᠤᠨᠢᠨ ᠳᠠᠭᠠᠨ ᠪᠢ ᠤᠴᠢᠷ ᠦᠭᠡᠢ ᠶᠡᠭᠡ ᠬᠠᠶᠢᠷᠠᠳᠠᠢ︾ ᠭᠡᠵᠦ ᠴᠡᠩᠭᠡᠯ ᠶᠠᠷᠢᠨᠠ᠃ ᠵᠠᠬᠠ ᠳᠡᠯᠬᠡᠬᠦᠷ ᠤᠨ | ᠰᠢᠬᠠᠯᠳᠠ᠂ ᠡᠯᠳᠡᠪ ᠶᠠᠩᠵᠤ ᠶᠢᠨ ᠡᠭᠦᠯᠳᠡᠷ ᠤᠬᠰᠠᠭᠠ ᠶᠢᠨ ᠲᠦᠷᠢᠯᠳᠡ ᠠᠴᠠ ᠪᠤᠯᠵᠤ᠂ ᠨᠢᠬᠡ ᠦᠶᠡ ᠤᠷᠳᠤᠰ | ᠨᠠᠷᠢᠨ ᠨᠤᠤᠰᠤᠳᠤ ᠬᠤᠨᠢ ᠮᠠᠯᠵᠢᠬᠤ ᠡᠷᠦᠬᠡ ᠴᠦᠬᠡᠷᠡᠵᠦ᠂ ᠪᠦᠷ ᠯᠡ ᠮᠢᠬᠠ ᠰᠠᠶᠢᠳᠠᠢ ᠳ᠋ᠦ᠋ ᠪᠦᠸᠧ ᠬᠤᠨᠢ ᠪᠤᠶᠤ | ᠵᠢᠯ ᠳᠤ ᠬᠡᠳᠦᠨ ᠬᠤᠷᠠᠭᠠ ᠳᠤᠰᠳᠠᠭ ᠤᠬᠤᠷ ᠰᠡᠭᠦᠯᠳᠦ ᠦᠯᠴᠢᠷ ᠬᠤᠨᠢ ᠮᠠᠯᠵᠢᠬᠤ ᠪᠤᠯᠤᠬᠰᠠᠨ ᠪᠠᠶᠢᠪᠠ᠃ ᠳᠡᠳᠡᠭᠡᠷ | ᠡᠭᠦᠯᠳᠡᠷ ᠤᠨ ᠬᠤᠨᠢ ᠮᠠᠯᠵᠢᠬᠤ ᠨᠢ ᠳᠤᠬᠠᠢ ᠶᠢᠨ ᠦᠶᠡ ᠳᠤ ᠠᠰᠢᠬ ᠦᠨᠳᠦᠷ ᠪᠠᠶᠢᠬᠰᠠᠨ ᠨᠢ ᠦᠨᠡᠨᠳᠡᠢ᠂ ᠭᠡᠪᠡᠴᠦ | ᠤᠷᠤᠨ ᠨᠤᠳᠤᠭ ᠤᠨ ᠡᠭᠦᠯᠳᠡᠷ ᠭᠡᠵᠦ ᠳᠤᠬᠠᠢ ᠶᠢᠨ ᠪᠠᠶᠢᠭᠠᠯᠢ ᠤᠷᠴᠢᠨ ᠲᠠᠢ ᠪᠠᠨ ᠶᠠᠪ ᠴᠠᠪ ᠵᠤᠬᠢᠴᠠᠬᠰᠠᠨ ᠭᠡᠳᠡᠭ ᠢ | ᠵᠠᠷᠢᠮ ᠬᠦᠮᠦᠰ ᠤᠮᠳᠤᠭᠠᠢᠢᠯᠠᠬᠰᠠᠨ ᠪᠠᠶᠢᠯᠠ᠃ | ᠦᠦᠰᠢᠨ ᠬᠤᠰᠢᠭᠤᠨ ᠳᠤ ᠲᠡᠭᠡᠷᠡ ᠵᠠᠭᠤᠨ ᠤ ᠵᠢᠷᠠᠭᠠᠳ ᠤᠨ ᠠᠴᠠ ᠡᠬᠢᠯᠡᠨ ᠭᠠᠷ ᠬᠡᠬᠡᠯᠳᠦᠭᠦᠯᠬᠡ ᠬᠢᠵᠦ | ᠪᠠᠶᠢᠬᠰᠠᠨ ᠲᠡᠤᠬᠡ ᠲᠠᠢ᠃ ᠳᠤᠬᠠᠢ ᠶᠢᠨ ᠦᠶᠡ ᠳᠤ ᠭᠠᠷ ᠭᠡᠭᠡᠯᠳᠦᠭᠦᠯᠬᠡ ᠬᠢᠬᠦ ᠮᠡᠷᠭᠡᠵᠢᠯᠳᠡᠨ ᠴᠦ ᠤᠯᠠᠨ ᠪᠠᠶᠢᠵᠠᠢ᠃ | ᠪᠠᠭᠠ ᠠᠴᠠ ᠪᠠᠨ ᠰᠤᠨᠢᠭᠤᠴᠢ ᠰᠡᠳᠬᠢᠯ ᠲᠠᠢ ᠪᠠᠶᠢᠬᠰᠠᠨ ᠴᠡᠩᠭᠡᠯ᠂ ᠪᠤᠷᠨᠠᠢ᠂ ᠲᠤᠪᠴᠢᠨᠳᠤᠷᠵᠢ ᠵᠡᠷᠭᠡ | ᠬᠦᠮᠦᠰ ᠠᠴᠠ ᠭᠠᠷ ᠬᠡᠬᠡᠯᠳᠦᠭᠦᠯᠬᠡ ᠶᠢᠨ ᠮᠡᠷᠭᠡᠵᠢᠯ ᠰᠤᠷᠴᠤ᠂ ᠶᠡᠷᠡᠭᠡᠳ ᠤᠨ ᠠᠴᠠ ᠡᠬᠢᠯᠡᠨ ᠥᠪᠡᠷ ᠲᠡᠭᠡᠨ ᠬᠢᠵᠦ | ᠴᠢᠳᠠᠳᠠᠬ ᠪᠤᠯᠤᠬᠰᠠᠨ ᠪᠠᠶᠢᠪᠠ᠃ ᠤᠷᠳᠤᠰ ᠨᠠᠷᠢᠨ ᠨᠤᠤᠰᠤᠳᠤ ᠬᠤᠨᠢᠨ ᠤ ᠬᠤᠪᠢ ᠵᠠᠶᠠᠭᠠ ᠤᠷᠢᠳ ᠡᠮᠦᠨᠡ | ᠪᠠᠶᠢᠭᠠ ᠦᠭᠡᠢ ᠲᠦᠭᠰᠢᠭᠦᠷᠢ ᠳᠤ ᠤᠴᠠᠷᠠᠬᠰᠠᠨ ᠦᠶᠡᠰ ᠴᠡᠩᠭᠡᠯ 1996 ᠤᠨ ᠠᠴᠠ ᠡᠬᠢᠯᠡᠨ ᠬᠤᠪᠢ ᠪᠠᠷ ᠢᠶᠠᠨ | ᠰᠡᠮᠡᠭᠡᠷ ᠰᠤᠳᠤᠯᠤᠨ ᠰᠢᠨᠵᠢᠯᠡᠵᠦ᠂ ᠬᠠᠮᠢᠶᠠ ᠪᠦᠬᠦᠢ ᠮᠠᠲ᠋ᠧᠷᠢᠶᠠᠯ ᠴᠤᠬᠯᠠᠭᠤᠯᠵᠤ ᠡᠬᠢᠯᠡᠵᠡᠢ᠃ ᠲᠡᠷᠡ ᠪᠠᠷ ᠶᠠᠮᠠᠷ | ᠬᠤᠨᠢ ᠢᠬᠡᠷᠡᠯᠡᠳᠡᠭ᠂ ᠶᠠᠮᠠᠷ ᠪᠠᠶᠢᠳᠠᠯ ᠳᠤᠤᠷᠠ ᠢᠬᠡᠷᠡᠯᠡᠬᠦ ᠨᠤᠷᠮᠠ ᠦᠨᠳᠦᠷ ᠪᠠᠶᠢᠳᠠᠬ ᠢ ᠠᠯᠵᠢᠶᠠᠯ ᠦᠭᠡᠢ | ᠰᠤᠳᠤᠯᠤᠨ ᠬᠠᠶᠢᠬᠰᠠᠭᠠᠷ ᠪᠠᠶᠢᠪᠠ᠃ | 2011 ᠤᠨ ᠤ ᠨᠠᠮᠤᠷ᠂ 2 ᠤᠷᠳᠤᠰ ᠨᠠᠷᠢᠨ ᠨᠤᠤᠰᠤᠳᠤ ᠬᠤᠨᠢᠨ ᠳᠤ ᠤᠷᠤᠭᠠ ᠤᠷᠤᠬᠰᠠᠨ 24 | ᠴᠠᠭ ᠤᠨ ᠳᠤᠳᠤᠷᠠ ᠳᠤᠰᠪᠤᠷᠢ 2 ᠤᠷᠳᠤᠰ ᠨᠠᠷᠢᠨ ᠨᠤᠤᠰᠤᠳᠤ ᠬᠤᠴᠠ ᠪᠠᠷ ᠬᠡᠬᠡᠯᠳᠦᠭᠦᠯᠪᠡ᠃ ᠲᠡᠷᠡ ᠪᠠᠷ | ᠡᠷᠡᠮᠳᠡᠭ ᠬᠤᠷᠠᠭᠠ ᠭᠠᠷᠬᠤ ᠠᠴᠠ ᠪᠤᠯᠭᠤᠮᠵᠢᠯᠠᠵᠤ ᠡᠨᠡ ᠬᠦ ᠤᠴᠢᠷ ᠢᠶᠠᠨ ᠬᠡᠷᠬᠡᠢ ᠨᠠᠩᠰᠠᠯᠮᠠ ᠳᠠᠭᠠᠨ ᠴᠦ ᠬᠡᠯᠡᠭᠰᠡᠨ | ᠦᠭᠡᠢ᠃ ᠬᠠᠷᠢᠨ ᠲᠦᠯᠯᠡᠬᠦ ᠦᠶᠡ ᠪᠠᠷ ᠡᠷᠡᠭᠦᠯ ᠢᠬᠡᠷᠡ ᠬᠤᠷᠠᠭᠠ ᠳᠤᠰᠤᠭᠠᠳ ᠨᠢᠭᠤᠴᠠ ᠪᠠᠨ ᠰᠠᠶ᠋ᠢ | ᠬᠡᠷᠬᠡᠢ ᠳᠡᠭᠡᠨ ᠴᠤᠬᠤᠢᠢᠯᠭᠠᠵᠠᠢ᠃ 2012 ᠤᠨ ᠳᠤ 3 ᠬᠤᠨᠢᠨ ᠳᠤ ᠳᠤᠷᠰᠢᠯᠳᠠ ᠬᠢᠭᠡᠳ ᠠᠮᠵᠢᠯᠳᠠ ᠤᠯᠵᠤ᠂ | ᠲᠡᠭᠦᠨ ᠤ ᠵᠤᠷᠢᠬᠳᠠᠢ ᠬᠢᠭᠰᠡᠨ ᠳᠤᠷᠰᠢᠴᠡ ᠤᠯᠠᠮ ᠴᠦ ᠵᠦᠪ ᠭᠡᠳᠡᠭ ᠢᠶᠠᠨ ᠪᠠᠳᠤᠯᠠᠪᠠ᠃ ᠡᠭᠦᠨ ᠳᠤ ᠵᠤᠷᠢᠬᠳᠠᠢ | ᠪᠤᠯᠤᠬᠰᠠᠨ ᠲᠡᠷᠡ ᠪᠠᠷ 2013 ᠤᠨ ᠳᠤ ᠳᠤᠰᠬᠠᠢᠢᠯᠠᠨ ᠤᠳᠤᠬ ᠬᠤᠰᠢᠭᠤᠨ ᠤ ᠤᠯᠠᠭᠠᠨᠪᠠᠯᠭᠠᠰᠤ ᠶᠢᠨ ᠪᠠᠶ᠋ᠬᠠᠤᠰᠤ | ᠭᠠᠴᠠᠭᠠᠨ ᠠᠴᠠ ᠮᠢᠬᠠ ᠰᠠᠶᠢᠳᠠᠢ ᠳ᠋ᠦ᠋ ᠪᠦᠸᠧ ᠬᠤᠨᠢ ᠪᠤᠯᠤᠨ ᠤᠬᠤᠷ ᠰᠡᠭᠦᠯᠳᠦ ᠦᠯᠴᠢᠷ ᠬᠤᠨᠢᠨ ᠤ ᠬᠤᠴᠠ | ᠬᠤᠳᠠᠯᠳᠤᠨ ᠠᠪᠴᠢᠷᠠᠵᠤ᠂ 40 ᠡᠬᠡ ᠮᠠᠯ ᠢ ᠰᠤᠩᠭᠤᠨ ᠤᠷᠳᠤᠰ ᠤᠨ ᠨᠠᠷᠢᠨ ᠨᠤᠤᠰᠤᠳᠤ ᠬᠤᠴᠠ ᠪᠤᠯᠤᠨ ᠳ᠋ᠦ᠋ | ᠪᠦᠸᠧ ᠬᠤᠴᠠ᠂ ᠤᠷᠳᠤᠰ ᠨᠠᠷᠢᠨ ᠨᠤᠤᠰᠤᠳᠤ ᠬᠤᠴᠠ ᠪᠤᠯᠤᠨ ᠤᠬᠤᠷ ᠰᠡᠭᠦᠯᠳᠦ ᠦᠯᠴᠢᠷ ᠬᠤᠨᠢᠨ ᠤ ᠬᠤᠴᠠ᠂ | ᠬᠤᠶᠠᠷ ᠤᠷᠳᠤᠰ ᠨᠠᠷᠢᠨ ᠨᠤᠤᠰᠤᠳᠤ ᠬᠤᠴᠠ ᠪᠠᠷ ᠭᠡᠭᠡᠯᠳᠦᠭᠦᠯᠬᠡ ᠬᠢᠭᠡᠳ 33 ᠬᠤᠨᠢ ᠨᠢ ᠢᠬᠡᠷᠡᠯᠡᠵᠦ᠂ ᠤᠷᠳᠤᠰ | ᠨᠠᠷᠢᠨ ᠨᠤᠤᠰᠤᠳᠤ ᠬᠤᠨᠢᠨ ᠤ ᠡᠭᠦᠯᠳᠡᠷ ᠢᠶᠠᠨ ᠬᠠᠮᠠᠭᠠᠯᠠᠬᠰᠠᠨ ᠢᠶᠠᠷ ᠪᠠᠷᠠᠬᠤ ᠦᠭᠡᠢ ᠮᠢᠬᠠ ᠰᠠᠶᠢᠳᠠᠢ ᠬᠤᠨᠢ ᠶᠢ ᠴᠦ | ᠪᠤᠶᠢᠵᠢᠭᠤᠯᠤᠬᠰᠠᠨ ᠪᠠᠶᠢᠨᠠ᠃ | ᠨᠡᠩ ᠴᠦ ᠡᠨᠡ ᠵᠢᠯ 160 ᠭᠠᠷᠤᠢ ᠤᠷᠳᠤᠰ ᠨᠠᠷᠢᠨ ᠨᠤᠤᠰᠤᠳᠤ ᠬᠤᠨᠢᠨ ᠳᠤ ᠳᠤᠷᠰᠢᠯᠳᠠ ᠬᠢᠭᠡᠳ 140 | ᠬᠤᠨᠢ ᠨᠢ ᠢᠬᠡᠷᠡᠯᠡᠵᠡᠢ᠃ ︽ᠮᠠᠨ ᠤ ᠤᠷᠳᠤᠰ ᠨᠠᠷᠢᠨ ᠨᠤᠤᠰᠤᠳᠤ ᠬᠤᠨᠢ ᠭᠡᠵᠦ ᠡᠨᠡ ᠨᠤᠳᠤᠭ ᠲᠠᠭᠠᠨ ᠳᠤᠬᠢᠷᠠᠳᠠᠬ | ᠪᠡᠯᠴᠢᠬᠡᠷ ᠲᠤ ᠭᠠᠮᠳᠠᠢ᠂ ᠮᠢᠬᠠ ᠨᠤᠤᠰᠤᠨ ᠤ ᠬᠤᠤᠰ ᠬᠡᠷᠡᠭᠴᠡᠭᠡᠳᠦ ᠬᠤᠨᠢ ᠪᠠᠶᠢᠵᠤ᠂ ᠶᠤᠰᠤᠳᠠᠢ ᠬᠤᠨᠢ ᠰᠢᠬ | ᠨᠤᠮᠤᠬᠠᠨ ᠬᠤᠨᠢ ᠭᠡᠵᠦ ᠡᠭᠦᠨ ᠢ ᠯᠠ ᠬᠡᠯᠡᠳᠡᠭ᠃ ᠤᠳᠤ ᠪᠤᠯᠬᠤ ᠳᠤ ᠳᠤᠷᠰᠢᠯᠳᠠ ᠪᠠᠷ ᠳᠠᠮᠵᠢᠨ ᠤᠤᠯ ᠤᠨ | ᠢᠬᠡᠷᠡᠯᠡᠬᠦ ᠨᠤᠷᠮᠠ 20% ᠳᠤ ᠬᠦᠷᠬᠦ ᠦᠭᠡᠢ ᠪᠠᠶᠢᠬᠰᠠᠨ ᠢ ᠤᠳᠤ ᠪᠤᠯᠬᠤ ᠳᠤ 80% ᠤᠷᠴᠢᠮ ᠬᠦᠷᠭᠡᠭᠰᠡᠨ᠂ | ᠡᠨᠡ ᠬᠦ ᠢᠬᠡᠷᠡᠯᠡᠭᠦᠯᠬᠦ ᠮᠡᠷᠭᠡᠵᠢᠯ ᠢ ᠮᠠᠰᠢ ᠤᠯᠠᠨ ᠬᠦᠮᠦᠨ ᠤᠤᠯ ᠳᠠᠭᠠᠨ ᠢᠳᠡᠬᠡᠬᠦ ᠦᠭᠡᠢ ᠪᠠᠶᠢᠬᠰᠠᠨ︾ ᠭᠡᠵᠦ | ᠴᠡᠩᠭᠡᠯ ᠮᠠᠰᠢ ᠪᠠᠶᠠᠷ ᠲᠠᠢ ᠶᠠᠷᠢᠵᠤ ᠪᠠᠶᠢᠯᠠ᠃ | ᠴᠡᠩᠭᠡᠯ ᠮᠠᠯ ᠤᠨ ᠡᠭᠦᠯᠳᠡᠷ ᠤᠬᠰᠠᠭᠠ ᠪᠠᠨ ᠰᠠᠶᠢᠵᠢᠷᠠᠭᠤᠯᠬᠤ ᠶᠢᠨ ᠲᠠᠭᠠᠤ ᠤᠳᠤᠬᠢᠴᠢᠯᠠᠯ ᠤᠨ ᠳᠠᠯᠠ ᠪᠠᠷ | ᠴᠦ ᠪᠤᠰᠤᠳ ᠡᠷᠦᠬᠡ ᠠᠴᠠ ᠤᠷᠦ᠋ᠢᠯᠠᠵᠤ ᠶᠠᠪᠤᠨᠠ᠃ ᠲᠡᠷᠡ ᠤᠷᠢᠳ ᠬᠤᠵᠢᠳ 100 ᠭᠠᠷᠤᠢ ᠲᠦᠮᠡᠨ ᠲᠦᠬᠦᠷᠢᠭ | ᠵᠠᠷᠤᠴᠠᠭᠤᠯᠵᠤ᠂ ᠳᠤᠮᠤ ᠬᠡᠯᠪᠡᠷᠢ ᠶᠢᠨ ᠲᠠᠷᠢᠵᠤ ᠬᠠᠳᠤᠬᠤ ᠮᠠᠰᠢᠨ᠂ ᠪᠤᠷᠳᠤᠭᠠ ᠰᠠᠴᠤᠬᠤ ᠮᠠᠰᠢᠨ᠂ ᠮᠠᠯ ᠤᠨ ᠬᠤᠬ | ᠪᠠᠭᠠᠰᠤ ᠴᠡᠪᠡᠷᠯᠡᠬᠦ ᠮᠠᠰᠢᠨ᠂ ᠲᠡᠵᠢᠭᠡᠯ ᠪᠤᠷᠳᠤᠭᠠ ᠬᠡᠮᠬᠡᠯᠤᠨ ᠨᠠᠷᠢᠯᠢᠬᠵᠢᠭᠤᠯᠵᠤ ᠲᠡᠵᠢᠬᠡᠬᠦ ᠮᠠᠰᠢᠨ ᠵᠡᠷᠭᠡ ᠤᠯᠠᠨ | ᠠᠷᠪᠢᠨ ᠮᠠᠰᠢᠨ ᠮᠧᠬᠠᠨᠢᠬ ᠬᠤᠳᠠᠯᠳᠤᠨ ᠠᠪᠴᠠᠢ᠃ ᠡᠭᠦᠨ ᠢᠶᠠᠷ ᠪᠠᠷᠠᠬᠤ ᠦᠭᠡᠢ 150 ᠭᠠᠷᠤᠢ ᠮᠦ ᠡᠷᠳᠡᠨᠢ ᠰᠢᠰᠢ | ᠲᠠᠷᠢᠵᠤ᠂ ᠮᠠᠯ ᠤᠨ ᠳᠡᠵᠢᠭᠡᠯ ᠪᠤᠷᠳᠤᠭᠠ ᠪᠠᠨ ᠥᠪᠡᠷ ᠲᠡᠭᠡᠨ ᠬᠠᠩᠭᠠᠳᠠᠬ ᠪᠤᠯᠤᠬᠰᠠᠨ ᠠᠴᠠ ᠪᠠᠭᠠ ᠪᠤᠰᠤ ᠵᠠᠷᠤᠯᠭᠠ | ᠠᠷᠪᠢᠯᠠᠵᠠᠢ᠃ ᠡᠭᠦᠨ ᠳᠤ ᠵᠠᠷᠤᠯᠭᠠ ᠠᠷᠪᠢᠯᠠᠬᠰᠠᠨ ᠨᠢ ᠨᠢᠬᠡ ᠳᠠᠯᠠ ᠪᠤᠯᠪᠠᠴᠤ ᠬᠠᠮᠤᠬ ᠴᠢᠬᠤᠯᠠ ᠨᠢ ᠬᠦᠳᠡᠯᠮᠦᠷᠢ | ᠬᠦᠴᠦ ᠶᠡᠭᠡ ᠪᠠᠷ ᠠᠷᠪᠢᠯᠠᠪᠠ᠃ ᠬᠦᠳᠡᠭᠡ ᠨᠤᠲᠤᠭ ᠢᠶᠠᠷ ᠨᠡᠶᠢᠳᠡᠮ ᠤᠷᠤᠰᠢᠵᠤ ᠪᠠᠶᠢᠭᠠ ᠬᠦᠳᠡᠯᠮᠦᠷᠢ ᠬᠦᠴᠦ | ᠳᠤᠳᠠᠬᠳᠠᠵᠤ ᠪᠠᠶᠢᠭᠠ ᠠᠰᠠᠭᠤᠳᠠᠯ ᠴᠡᠩᠭᠡᠯ ᠤᠨ ᠬᠢᠨ ᠳᠤ ᠴᠦ ᠠᠳᠠᠯᠢᠬᠠᠨ ᠳᠤᠯᠭᠠᠷᠠᠵᠤ ᠥᠩᠬᠡᠷᠡᠪᠡ᠃ ᠬᠦᠦ ᠨᠢ | ᠶᠡᠭᠡ ᠰᠤᠷᠭᠠᠭᠤᠯᠢ ᠳᠤ ᠰᠤᠷᠤᠯᠴᠠᠳᠠᠬ ᠠᠴᠠ ᠲᠡᠷᠡ ᠬᠡᠷᠬᠡᠢ ᠲᠠᠢ ᠪᠠᠨ ᠬᠤᠶᠠᠭᠤᠯᠠ 800 ᠭᠠᠷᠤᠢ ᠬᠤᠨᠢ᠂ 50 | ᠭᠠᠷᠤᠢ ᠦᠬᠡᠷ ᠢᠶᠠᠨ ᠲᠡᠵᠢᠭᠡᠵᠦ ᠳᠤᠳᠤᠮᠳᠠᠳᠠᠬ᠃ ᠡᠶᠢᠮᠦ ᠪᠤᠯᠬᠤᠷ ᠶᠠᠮᠠᠷᠴᠤ ᠠᠵᠢᠯ ᠳᠤ ᠬᠦᠮᠦᠨ ᠤ ᠬᠦᠴᠦ | ᠶᠡᠭᠡ ᠪᠠᠷ ᠬᠡᠷᠡᠭᠰᠡᠳᠡᠭ᠃ ᠬᠠᠷᠢᠨ ᠮᠠᠰᠢᠨᠴᠢᠯᠠᠬᠰᠠᠨ ᠤ ᠰᠠᠶᠢᠨ ᠢᠶᠠᠷ ᠳᠡᠳᠡ ᠬᠤᠶᠠᠭᠤᠯᠠ ᠪᠠᠨ ᠳᠡᠭᠡᠳᠡᠯᠡ ᠪᠠᠨ | ᠵᠦᠳᠡᠷᠡᠬᠦ ᠪᠠᠨ ᠪᠠᠶᠢᠵᠤ᠂ ᠮᠠᠯ ᠢᠶᠠᠨ ᠮᠠᠰᠢᠨ ᠢᠶᠠᠷ ᠲᠡᠵᠢᠭᠡᠵᠦ ᠪᠤᠷᠳᠤᠨ᠂ ᠲᠠᠷᠢᠶᠠ ᠪᠠᠨ ᠮᠠᠰᠢᠨ ᠢᠶᠠᠷ ᠳᠠᠷᠢᠵᠤ | ᠬᠤᠷᠢᠶᠠᠳᠠᠬ ᠪᠤᠯᠤᠬᠰᠠᠨ ᠠᠴᠠ ᠬᠤᠶᠠᠭᠤᠯᠠᠬᠠᠨ ᠢᠶᠠᠨ ᠠᠮᠵᠢᠭᠤᠯᠵᠤ ᠴᠢᠳᠠᠬᠤ ᠪᠤᠯᠵᠠᠢ᠃ ᠫᠧᠩ ᠬᠤᠷᠤᠭᠠᠨ ᠳᠠᠭᠠᠨ | ᠳᠤᠷᠠᠨᠳᠠᠭᠤᠷ ᠤᠬᠰᠠᠷᠠᠬᠰᠠᠨ ᠠᠴᠠ ᠰᠦᠨᠢ ᠲᠦᠯᠢ ᠪᠠᠷ ᠭᠠᠷᠴᠤ ᠲᠦᠯᠯᠡᠬᠦ ᠮᠠᠯ ᠢᠶᠠᠨ ᠮᠠᠨᠠᠬᠤ ᠤᠴᠢᠷ ᠦᠭᠡᠢ ᠪᠤᠯᠵᠤ | ᠂ ᠬᠠᠯᠠᠭᠤᠨ ᠬᠠᠨᠵᠤᠨ ᠳᠠᠭᠠᠨ ᠰᠠᠭᠤᠵᠤ ᠬᠤᠨᠢ ᠮᠠᠯ ᠢᠶᠠᠨ ᠠᠵᠢᠵᠤ ᠲᠡᠶᠢᠯᠬᠦ ᠪᠤᠯᠤᠬᠰᠠᠨ ᠪᠠᠶᠢᠪᠠ᠃ ᠡᠭᠦᠨ ᠢᠶᠠᠷ | ᠪᠠᠷᠠᠬᠤ ᠦᠭᠡᠢ ᠨᠢᠳᠤᠨᠤᠨ 12000 ᠲᠦᠬᠦᠷᠢᠭ ᠵᠠᠷᠤᠴᠠᠭᠤᠯᠵᠤ᠂ ᠵᠢᠯᠤᠭᠤᠴᠢ ᠦᠭᠡᠢ ᠨᠢᠰᠬᠡᠬᠦᠷ ᠬᠤᠳᠠᠯᠳᠤᠨ | ᠠᠪᠴᠤ᠂ ᠦᠨᠳᠦᠷ ᠰᠢᠭ ᠮᠠᠩᠬᠠᠨ ᠤᠷᠤᠢ ᠲᠡᠭᠡᠷᠡ ᠭᠠᠷᠴᠤ ᠨᠢᠰᠬᠡᠬᠦᠷ ᠢᠶᠠᠨ ᠨᠢᠰᠬᠡᠨ ᠮᠠᠯ ᠬᠤᠢ ᠪᠠᠨ ᠬᠠᠮᠢᠭᠠᠭᠤᠷ | ᠪᠡᠯᠴᠢᠵᠦ ᠪᠠᠶᠢᠬᠤ ᠶᠢ ᠴᠦ ᠮᠡᠳᠡᠵᠦ ᠴᠢᠳᠠᠬᠤ ᠪᠤᠯᠤᠬᠰᠠᠨ ᠪᠠᠶᠢᠯᠠ᠃ ᠶᠤᠰᠤᠳᠠᠢ ᠴᠦ ᠤᠳᠤᠬᠢᠴᠢᠯᠠᠬᠰᠠᠨ ᠮᠡᠷᠭᠡᠵᠢᠯ | ᠴᠡᠩᠭᠡᠯ ᠤᠨ ᠬᠢᠨ ᠳᠤ ᠪᠠᠭᠠ ᠪᠤᠰᠤ ᠦᠢᠯᠡᠳᠦᠯ ᠦᠵᠡᠭᠦᠯᠦᠭᠰᠡᠨ ᠪᠠᠶᠢᠨᠠ᠃ ᠬᠡᠬᠦ ᠳᠡᠭᠡᠨ ᠬᠤᠨᠢᠨ ᠤ ᠨᠤᠤᠰᠤ ᠪᠠᠨ | ᠠᠷᠠᠢ ᠴᠦ ᠪᠦᠬᠦᠨ ᠢ ᠮᠠᠰᠢᠨ ᠢᠶᠠᠷ ᠬᠠᠶᠢᠴᠢᠯᠠᠵᠤ ᠲᠡᠶᠢᠯᠬᠦ ᠪᠤᠯᠤᠭᠠ ᠦᠭᠡᠢ ᠪᠠᠶᠢᠯᠠ᠃ ᠵᠢᠯ ᠪᠦᠷᠢ ᠶᠢᠨ ᠠᠬᠠᠷ ᠤᠨ | ᠴᠠᠬ ᠬᠦᠷᠴᠦ ᠢᠷᠡᠭᠦᠯᠡᠷ ᠳᠡᠳᠡᠨᠡᠶᠢᠬᠢᠨ ᠪᠦᠬᠡᠮ ᠳᠡᠪᠵᠢᠶᠡᠨ ᠪᠤᠯᠵᠤ᠂ ᠳᠠᠪᠤ ᠵᠢᠷᠭᠤᠭᠠᠨ ᠬᠤᠨᠢ ᠬᠠᠶᠢᠴᠢᠯᠠᠳᠠᠬ | ᠬᠦᠮᠦᠨ 9 ᠡᠳᠦᠷ ᠬᠠᠶᠢᠴᠢᠯᠠᠨ ᠪᠠᠶᠢᠵᠤ ᠲᠦᠩᠭᠡᠵᠢ ᠬᠠᠶᠢᠴᠢᠯᠠᠨ ᠲᠠᠭᠤᠰᠬᠠᠳᠠᠬ᠃ ᠡᠨᠡ ᠵᠢᠯ ᠨᠢᠬᠡ ᠬᠤᠨᠢ | ᠬᠠᠶᠢᠴᠢᠯᠠᠬᠤ ᠳᠤ ᠬᠦᠯᠦᠰᠦ ᠮᠦᠡᠭᠭᠦ 16 ᠲᠦᠭᠦᠷᠢᠭ ᠠᠪᠳᠠᠭ ᠪᠤᠯᠵᠠᠢ᠃ ᠭᠡᠪᠡᠴᠦ ᠬᠤᠨᠢᠨ ᠤ ᠨᠤᠤᠰᠤ ᠡᠨᠡ ᠵᠢᠯ | ᠵᠢᠩ ᠪᠦᠷᠢ ᠳᠡᠭᠡᠨ 26 ᠲᠦᠬᠦᠷᠢᠭ ᠬᠦᠷᠴᠦ᠂ ᠬᠤᠨᠢ ᠪᠦᠷᠢ ᠲᠡᠭᠰᠢᠳᠬᠡᠭᠡᠳ ᠪᠠᠷᠤᠭ 12 ᠵᠢᠩ ᠤᠷᠴᠢᠮ ᠨᠤᠤᠰᠤ | ᠪᠠᠭᠤᠳᠠᠭ ᠪᠤᠯᠬᠤᠷ ᠡᠳᠡᠨᠡᠶᠢᠬᠢᠨ ᠤ ᠠᠬᠠᠷ ᠤᠨ ᠤᠷᠤᠯᠭᠠ ᠴᠦ 15 ᠲᠦᠮᠡᠨ ᠲᠦᠭᠦᠷᠢᠭ ᠤᠷᠴᠢᠮ ᠳᠤᠯᠳᠠᠭ᠃ | ᠡᠨᠡ ᠨᠢ ᠲᠡᠭᠡᠷᠡ ᠵᠠᠭᠤᠨ ᠤ ᠶᠡᠷᠡᠭᠡᠳ ᠤᠨ ᠤ ᠨᠢᠬᠡ ᠵᠢᠩ ᠠᠬᠠᠷ 4 ᠲᠦᠭᠦᠷᠢᠭ ᠪᠠᠶᠢᠵᠤ᠂ ᠵᠢᠯ ᠳᠡᠭᠡᠨ ᠠᠬᠠᠷ | ᠬᠤᠳᠠᠯᠳᠤᠭᠠᠳ ᠬᠡᠳᠦᠨ ᠮᠢᠩᠭᠠᠨ ᠲᠦᠬᠦᠷᠢᠭ ᠤᠯᠳᠠᠭ ᠪᠠᠶᠢᠬᠰᠠᠨ ᠲᠠᠢ ᠪᠠᠨ ᠬᠠᠷᠢᠴᠠᠭᠤᠯᠪᠠᠯ ᠶᠤᠰᠤᠳᠠᠢ ᠴᠦ ᠲᠡᠭᠷᠢ | ᠭᠠᠵᠠᠷ ᠤᠨ ᠵᠦᠷᠢᠶᠡ ᠲᠠᠢ ᠪᠤᠯᠤᠭᠰᠠᠨ ᠪᠠᠶᠢᠨᠠ᠃ ᠴᠡᠩᠬᠡᠯ ᠤᠨ ᠬᠢᠨ ᠪᠠᠰᠠ ᠬᠤᠪᠢ ᠪᠠᠷ ᠢᠶᠠᠨ 3000 ᠭᠠᠷᠤᠢ ᠮᠦ | ᠪᠡᠯᠴᠢᠬᠡᠷ ᠲᠠᠢ ᠪᠠᠶᠢᠵᠤ᠂ ᠳᠠᠬᠢᠨ ᠪᠤᠰᠤᠳ ᠤᠨ 4000 ᠭᠠᠷᠤᠢ ᠮᠦ ᠪᠡᠯᠴᠢᠬᠡᠷ ᠢ ᠵᠢᠯ ᠳᠤ ᠮᠦ ᠪᠦᠷᠢ ᠶᠢ 10 | ᠲᠦᠬᠦᠷᠢᠭ ᠢᠶᠠᠷ ᠲᠦᠷᠢᠶᠡᠰᠦᠯᠡᠵᠦ ᠪᠤᠢ᠃ ᠠᠬᠠᠷ ᠤᠨ ᠤᠷᠤᠯᠭᠠ ᠠᠴᠠ ᠠᠰᠳᠠᠭᠠᠨ ᠡᠳᠡᠨᠡᠶᠢᠬᠢᠨ ᠤ ᠬᠤᠷᠠᠭᠠᠨ | ᠬᠤᠴᠠ ᠪᠡᠶᠡ ᠪᠢᠯᠳᠡᠷ ᠰᠠᠶᠢᠨ᠂ ᠡᠭᠦᠯᠳᠡᠷ ᠤᠬᠰᠠᠭᠠ ᠰᠢᠯᠢᠳᠡᠭ ᠪᠤᠯᠬᠤᠷ ᠬᠤᠴᠠ ᠪᠦᠷᠢ 2000 ᠲᠦᠭᠦᠷᠢᠭ | ᠬᠦᠷᠴᠤ᠂ ᠦᠬᠢᠨ ᠬᠤᠷᠠᠭᠠ ᠨᠢ ᠴᠦ 800 — 900 ᠲᠦᠬᠦᠷᠢᠭ ᠬᠥᠷᠴᠥ᠂ ᠵᠢᠯ ᠤᠨ ᠪᠦᠬᠦ ᠤᠷᠤᠯᠭᠠ 50 | ᠭᠠᠷᠤᠢ ᠲᠦᠮᠡᠨ ᠲᠦᠬᠦᠷᠢᠭ ᠲᠤ ᠬᠥᠷᠳᠡᠭ ᠪᠠᠶᠢᠨᠠ᠃ | ᠤᠳᠤ ᠪᠤᠯᠬᠤ ᠳᠤ ᠴᠡᠩᠭᠡᠯ ︽ᠨᠠᠷᠢᠨᠴᠠᠶᠢᠳᠠᠮ ᠮᠠᠯᠵᠢᠯ ᠤᠨ ᠬᠤᠷᠰᠢᠶᠠ︾ ᠪᠠᠨ ᠡᠵᠡᠩᠨᠡᠵᠦ᠂ | ᠥᠪᠡᠷ ᠲᠡᠭᠡᠨ ᠮᠠᠯ ᠤᠨ ᠮᠢᠬᠠ ᠪᠠᠨ ᠡᠵᠡᠩᠨᠡᠵᠦ ᠪᠤᠢ᠃ ᠲᠡᠭᠦᠨ ᠤ ᠰᠢᠷᠭᠠᠭᠤ ᠴᠢᠷᠮᠠᠶᠢᠯᠭᠠ ᠪᠠᠷ ᠡᠳᠡᠨᠡᠶᠢᠬᠢᠨ ︽ | ᠤᠷᠳᠤᠰ ᠨᠠᠷᠢᠨ ᠨᠤᠤᠰᠤᠳᠤ ᠬᠤᠨᠢᠨ ᠤ ᠦᠨᠢᠷ ᠦᠷᠡᠵᠢᠯᠳᠦ ᠡᠷᠦᠬᠡ︾᠂ ︽ᠤᠷᠳᠤᠰ ᠨᠠᠷᠢᠨ ᠨᠤᠤᠰᠤᠳᠤ | ᠬᠤᠨᠢᠨ ᠤ ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠮᠡᠷᠬᠡᠵᠢᠯ ᠤᠨ ᠰᠢᠨᠡ ᠡᠭᠦᠳᠦᠯᠳᠡ ᠲᠠᠢ ᠡᠷᠦᠬᠡ︾᠂ ︽ᠤᠷᠳᠤᠰ ᠨᠠᠷᠢᠨ | ᠨᠤᠤᠰᠤᠳᠤ ᠡᠭᠦᠯᠳᠡᠷ ᠤᠨ ᠬᠤᠨᠢ ᠪᠤᠶᠢᠵᠢᠭᠤᠯᠤᠬᠰᠠᠨ ᠭᠤᠤᠯᠳᠠᠯᠭᠠᠳᠦ ᠡᠷᠦᠬᠡ︾᠂ ︽ᠤᠷᠳᠤᠰ ᠨᠠᠷᠢᠨ ᠨᠤᠤᠰᠤᠳᠤ | ᠬᠤᠨᠢ ᠮᠠᠯᠵᠢᠬᠰᠠᠨ ᠳᠤᠮᠤ ᠡᠷᠦᠬᠡ︾ ᠵᠡᠷᠭᠡ ᠮᠠᠰᠢ ᠤᠯᠠᠨ ᠢᠷᠠᠭᠤ ᠠᠯᠳᠠᠷ ᠬᠦᠷᠳᠡᠵᠡᠢ᠃ ᠭᠡᠪᠡᠴᠦ ᠲᠡᠷᠡ | ᠤᠮᠤᠬᠰᠢᠵᠤ ᠰᠠᠭᠤᠬᠰᠠᠨ ᠦᠭᠡᠢ ᠬᠠᠷᠢᠨ ᠱᠠᠨᠳᠦ᠋ᠩ ᠾᠧᠪᠧᠢ ᠪᠠᠷ ᠮᠠᠯᠵᠢᠯ ᠤᠨ ᠠᠷᠭᠠ ᠳᠤᠷᠰᠢᠯᠭᠠ ᠰᠤᠷᠤᠯᠴᠠᠵᠤ᠂ | ᠭᠠᠨᠰᠤ ᠬᠦᠬᠡᠨᠠᠭᠤᠷ ᠢᠶᠠᠷ ᠶᠠᠪᠤᠵᠤ ᠪᠠᠶᠢᠳᠠᠯ ᠤᠢᠢᠯᠠᠭᠠᠵᠤ ᠬᠠᠷᠠᠭᠠ ᠪᠠᠨ ᠳᠡᠯᠡᠵᠡᠢ᠃ | ᠲᠡᠷᠡ ᠭᠠᠭᠴᠠ ᠯᠠ ᠮᠠᠯᠵᠢᠯ ᠤᠨ ᠠᠰᠢᠬ ᠤᠷᠤᠯᠭᠠ ᠶᠢ ᠬᠦᠬᠡᠬᠡᠴᠡᠯᠳᠦᠭᠰᠡᠨ ᠪᠢᠰᠢ᠂ ᠬᠠᠷᠢᠨ ᠡᠷᠬᠢᠨ | ᠲᠤᠭᠤᠷᠢᠨ ᠤ ᠪᠠᠯᠠᠷ ᠮᠠᠩᠬᠠ ᠪᠠᠨ ᠲᠠᠷᠢᠵᠤ ᠤᠢᠢᠵᠢᠭᠤᠯᠤᠨ᠂ ᠮᠠᠯᠴᠢᠨ ᠬᠦᠮᠦᠨ ᠤ ᠠᠭᠤᠤ ᠤᠬᠠᠭᠠᠨ ᠢ ᠤᠯᠠᠨ ᠳᠤ | ᠭᠠᠶᠢᠬᠠᠭᠤᠯᠤᠨᠠ᠃ ︽ᠦᠷᠢ ᠭᠡᠵᠦ ᠪᠠᠶᠢᠬᠤ ᠦᠭᠡᠢ᠂ ᠵᠢᠭᠠᠬᠠᠨ ᠬᠠᠳᠠᠭᠠᠯᠠᠮᠵᠢ ᠪᠤᠢ᠃ ᠡᠶᠢᠮᠦ ᠪᠤᠯᠬᠤᠷ ᠦᠷᠢ | ᠪᠦᠭᠯᠡᠬᠦ ᠶᠢᠨ ᠲᠦᠯᠦᠬᠡ ᠰᠡᠳᠬᠢᠯ ᠢᠶᠠᠨ ᠵᠦᠳᠡᠬᠡᠬᠦ ᠬᠡᠷᠡᠭ ᠦᠭᠡᠢ ᠪᠤᠯᠵᠠᠢ᠃ ᠦᠷᠢ ᠦᠭᠡᠢ ᠪᠤᠯ ᠰᠡᠳᠬᠢᠯ ᠳᠤ ᠴᠦ | ᠲᠠᠭᠠᠳᠠᠢ ᠰᠢᠤ ᠁︾ ᠭᠡᠵᠦ ᠴᠡᠩᠭᠡᠯ ᠶᠠᠭᠤ ᠨᠢᠬᠡ ᠶᠢ ᠰᠡᠳᠬᠢᠨ ᠶᠠᠷᠢᠯᠠ᠃ |