ᠠᠮᠢᠳᠤ ᠪᠤᠳᠠᠰ ᠤᠨ ᠲᠤᠰᠬᠠᠢ ᠮᠡᠷᠬᠡᠵᠢᠯᠳᠡᠨ ᠤ ᠰᠤᠳᠤᠯᠤᠯᠳᠠ ᠪᠠᠷ ᠭᠠᠯᠠᠭᠤᠨ ᠴᠤᠪᠤᠭᠠᠨ ᠤ ᠵᠤᠷᠢᠭᠰᠠᠨ | ᠭᠠᠵᠠᠷ ᠲᠠᠭᠠᠨ ᠠᠮᠵᠢᠯᠳᠠᠳᠠᠢ ᠬᠦᠷᠳᠡᠭ ᠤᠨ ᠵᠠᠩᠬᠢᠯᠠᠭᠠ ᠨᠢ ︽ᠲᠦᠷᠦᠬᠦᠴᠢ ᠭᠠᠯᠠᠭᠤ ᠨᠢ ᠠᠷᠤ ᠳᠠᠬᠢ ᠪᠠᠨ | ᠣᠷᠬᠢᠬᠤ ᠦᠭᠡᠢ︾ ᠬᠤᠭᠤᠷᠤᠨᠳᠤ ᠪᠠᠨ ᠬᠠᠷᠢᠯᠴᠠᠨ ᠬᠦᠴᠦ ᠲᠡᠩᠬᠡᠬᠡ ᠣᠯᠭᠤᠳᠠᠭ ᠰᠢᠨᠵᠢᠯᠡᠬᠦ ᠣᠬᠠᠭᠠᠨᠴᠢ | ᠨᠢᠰᠦᠯᠳᠡ ᠶᠢᠨ ᠵᠢᠮᠡ ᠶᠤᠰᠤ ᠲᠠᠢ ᠪᠠᠶᠢᠳᠠᠭ ᠬᠡᠰᠡᠨ ᠪᠠᠶᠢᠨᠠ᠃ ᠦᠨᠤᠳᠤᠷ ᠤᠨ ᠮᠡᠳᠡᠭᠡ ᠪᠠᠷ ᠪᠢᠳᠠ ᠲᠤᠭ | ᠪᠠᠯᠭᠠᠰᠤᠨ ᠤ ᠮᠡᠶᠢᠷᠡᠨᠰᠥ᠋ᠮᠠ ᠭᠠᠴᠠᠭᠠᠨ ᠤ ᠨᠢᠭᠡᠨ ︽ᠲᠦᠷᠦᠬᠦᠴᠢ ᠭᠠᠯᠠᠭᠤ︾ ᠲᠠᠢ ᠲᠠᠨᠢᠯᠴᠠᠶᠠ᠃ | ᠣᠶᠢᠷᠠ ᠶᠢᠨ ᠡᠳᠤᠷ ᠰᠣᠷᠪᠤᠯᠵᠢᠯᠠᠭᠴᠢ ᠲᠤᠭ ᠪᠠᠯᠭᠠᠰᠤᠨ ᠤ ᠵᠦᠩ ᠲᠢᠶᠠᠨ ᠾᠧ ᠴᠤᠸᠠᠩ ᠺᠤᠮᠫᠠᠨᠢ ᠶᠢᠨ | ᠮᠥᠩᠬᠡᠴᠢᠨ ᠨᠡᠬᠦᠷᠡᠰᠤᠨ ᠠᠭᠤᠷᠬᠠᠢ ᠶᠢᠨ ᠪᠦᠲᠦᠭᠡᠨ ᠪᠠᠶᠢᠭᠤᠯᠤᠯᠳᠠ ᠶᠢᠨ ᠭᠠᠵᠠᠷ ᠲᠤ ᠬᠦᠷᠬᠦ ᠳᠤ ᠦᠤᠰᠢᠨ | ᠬᠤᠰᠢᠭᠤᠨ ᠤ ᠮᠥᠩᠬᠡᠴᠢᠨ ᠬᠦᠳᠡᠯᠮᠦᠷᠢ ᠦᠢᠯᠡᠴᠢᠯᠡᠬᠡᠨ ᠤ ᠺᠤᠮᠫᠠᠨᠢ ᠶᠢᠨ ᠠᠵᠢᠯᠴᠢᠳ ᠲᠠᠭᠠᠭᠠᠴᠢᠯᠠᠨ ᠠᠪᠤᠭᠰᠠᠨ | ᠠᠵᠢᠯ ᠳᠠᠭᠠᠨ ᠶᠠᠭᠠᠷᠠᠯᠳᠤᠵᠦ ᠪᠠᠶᠢᠯᠠ᠃ ᠮᠠᠯᠴᠢᠨ ᠠᠴᠢᠳᠤ ᠮᠠᠯ ᠲᠠᠷᠢᠶᠠᠯᠠᠩ ᠤᠨ ᠴᠢᠯᠦᠬᠡ ᠴᠠᠭ ᠢᠶᠠᠷ ᠠᠳᠡ | ᠢᠷᠡᠵᠦ ᠬᠠᠮᠢᠶᠠᠷᠤᠯᠳᠠ ᠶᠢᠨ ᠠᠵᠢᠯ ᠬᠢᠵᠦ ᠢᠯᠡᠬᠦᠤ ᠨᠢᠭᠡ ᠬᠤᠪᠢ ᠶᠢᠨ ᠣᠷᠤᠯᠭᠠ ᠣᠯᠳᠠᠭ ᠪᠠᠶᠢᠨᠠ᠃ ᠠᠴᠢᠳᠤ᠄ | ︽ᠣᠳᠤ ᠣᠳᠬᠠᠨᠳᠦ᠋ᠬᠦᠷᠡᠩ ᠲᠠᠷᠤᠭᠠ ᠮᠠᠨᠤᠰ ᠲᠤ ᠡᠶᠢᠮᠤ ᠵᠠᠪᠰᠢᠶᠠᠨ ᠣᠯᠭᠤᠭᠰᠠᠨ ᠳᠤ ᠮᠠᠯ ᠢᠶᠠᠨ ᠮᠠᠯᠵᠢᠬᠤ ᠶᠢᠨ | ᠴᠢᠯᠦᠭᠡ ᠵᠠᠪᠰᠠᠷ ᠢᠶᠠᠷ ᠪᠠᠰᠠ ᠺᠤᠮᠫᠠᠨᠢ ᠶᠢᠨ ᠠᠵᠢᠯ ᠢᠶᠠᠨ ᠭᠢᠵᠦ ᠠᠰᠢᠭ ᠣᠷᠤᠯᠭᠠ ᠶᠢᠨ ᠲᠠᠯᠠ ᠪᠠᠷ ᠨᠡᠯᠢᠶᠡᠳ | ᠬᠠᠪᠰᠤᠷᠤᠮᠵᠢ ᠪᠤᠯᠵᠦ ᠪᠠᠶᠢᠨᠠ︾ ᠬᠡᠵᠦ ᠪᠠᠶᠠᠷᠲᠠᠢ ᠶᠠᠷᠢᠵᠦ ᠪᠠᠶᠢᠯᠠ᠃ | 2008 ᠣᠨ ᠳᠤ ᠵᠦᠩ ᠲᠢᠶᠠᠨ ᠾᠧ ᠴᠤᠸᠠᠩ ᠺᠤᠮᠫᠠᠨᠢ ᠶᠢᠨ ᠮᠥᠩᠬᠡᠴᠢᠨ ᠨᠡᠬᠦᠷᠡᠰᠤᠨ ᠠᠭᠤᠷᠬᠠᠢ | ᠮᠡᠶᠢᠷᠡᠨᠰᠥ᠋ᠮᠡ ᠭᠠᠴᠠᠭᠠᠨ ᠳᠤ ᠪᠦᠲᠦᠭᠡᠨ ᠪᠠᠶᠢᠭᠤᠯᠤᠯᠳᠠ ᠪᠠᠨ ᠡᠬᠢᠯᠡᠬᠦᠯᠬᠦ ᠦᠶᠡ ᠳᠤ ᠮᠠᠯᠴᠢᠨ ᠣᠳᠬᠠᠨᠳᠥ᠋ᠬᠦᠷᠡᠩ | ᠤᠨ ᠨᠤᠲᠤᠭ ᠪᠡᠯᠴᠢᠬᠡᠷ ᠢ ᠲᠠᠲᠠᠪᠦᠷᠢᠯᠠᠭᠰᠠᠨ ᠠᠴᠠ ᠲᠡᠷᠡ ᠠᠩᠬᠠ ᠠᠵᠦ ᠠᠬᠤᠶᠢᠯᠠᠯ ᠳᠤ ᠠᠵᠢᠯᠯᠠᠵᠦ ᠰᠡᠬᠦᠯ ᠳᠤ | ᠨᠢ ᠭᠠᠳᠠᠨᠠᠬᠢ ᠶᠢᠨ ᠬᠦᠳᠡᠯᠮᠦᠷᠢ ᠦᠢᠯᠡᠴᠢᠯᠡᠬᠡᠨ ᠤ ᠺᠤᠮᠫᠠᠨᠢ ᠲᠠᠢ ᠬᠠᠮᠵᠢᠯᠴᠠᠨ᠂ ᠠᠵᠢᠯ ᠤᠨ ᠠᠷᠭᠠ ᠲᠤᠷᠰᠢᠯᠭᠠ | ᠪᠠᠨ ᠬᠤᠷᠠᠮᠳᠤᠭᠤᠯᠵᠦ᠂ ᠨᠤᠲᠤᠭ ᠤᠷᠤᠨ ᠤ ᠡᠬᠢ ᠪᠠᠶᠠᠯᠢᠭ ᠢ ᠠᠰᠢᠭᠯᠠᠨ᠂ ᠨᠡᠩ ᠣᠯᠠᠨ ᠮᠠᠯᠴᠢᠳ ᠲᠤ ᠠᠰᠢᠭ | ᠬᠦᠷᠳᠡᠭᠡᠬᠦ ᠪᠠᠷ 2018 ᠣᠨ ᠳᠤ ᠭᠠᠴᠠᠭᠠᠨ ᠤ ᠵᠠᠭᠤ ᠭᠠᠷᠤᠢ ᠡᠷᠤᠬᠡ ᠮᠠᠯᠴᠢᠨ ᠢ ᠲᠠᠶᠢᠴᠢᠯᠠᠨ᠂ ᠡᠷᠤᠬᠡ ᠪᠦᠷᠢ | 5000 ᠲᠥᠬᠦᠷᠢᠭ ᠤᠨ ᠬᠤᠪᠢ ᠣᠷᠤᠭᠤᠯᠤᠨ᠂ ᠦᠤᠰᠢᠨ ᠬᠤᠰᠢᠭᠤᠨ ᠤ ᠮᠥᠩᠬᠡᠴᠢᠨ ᠬᠦᠳᠡᠯᠮᠦᠷᠢ | ᠦᠢᠯᠡᠴᠢᠯᠡᠬᠡᠨ ᠤ ᠺᠤᠮᠫᠠᠨᠢ ᠶᠢ ᠪᠠᠶᠢᠭᠤᠯᠤᠭᠰᠠᠨ ᠪᠠᠶᠢᠨᠠ᠃ ᠲᠡᠷᠡ᠄ ︽ᠶᠡᠷᠤ ᠶᠢᠨ ᠦᠬᠡᠨ ᠳᠤ ︽ᠠᠭᠤᠯᠠ ᠶᠢ | ᠲᠦᠰᠢᠪᠡᠯ ᠠᠭᠤᠯᠠ᠂ ᠣᠰᠤ ᠶᠢ ᠲᠦᠰᠢᠪᠡᠯ ᠣᠰᠤ︾ ᠬᠡᠳᠡᠭ ᠢᠶᠠᠷ ᠮᠠᠨᠤᠰ ᠦᠪᠡᠷ ᠢᠶᠠᠨ ᠡᠨᠡ ᠡᠬᠢ ᠪᠠᠶᠠᠯᠢᠭ ᠢᠶᠠᠨ | ᠡᠵᠡᠯᠡᠬᠡᠳ ᠬᠢᠬᠡᠳ ᠠᠪᠤᠪᠠᠯ ᠰᠠᠶᠢᠬᠠᠨ ᠰᠢᠳᠠ᠂ ᠣᠳᠤ ᠣᠯᠣᠰ ᠤᠨ ᠲᠦᠷᠦ ᠶᠢᠨ ᠪᠤᠳᠤᠯᠭᠠ ᠴᠤ ᠡᠬᠦᠨ ᠢ ᠶᠡᠭᠡ | ᠪᠠᠷ ᠲᠡᠳᠬᠦᠵᠦ ᠪᠠᠶᠢᠨᠠ᠂ ᠮᠠᠨ ᠤ ᠠᠳᠡ ᠺᠤᠮᠫᠠᠨᠢ ᠴᠤ ᠴᠦᠬᠡᠨ᠂ ᠠᠷᠪᠢᠨ ᠰᠢᠭ᠋ ᠭᠠᠷᠭᠠᠭᠠᠳ ᠪᠦᠯᠬᠦᠮᠳᠡᠬᠡᠳ | ᠢᠷᠡᠪᠡᠯ ᠵᠤᠭᠤᠰ ᠣᠯᠬᠤ ᠳᠤ ᠪᠠᠰᠠ ᠠᠮᠠᠷᠬᠠᠨ ᠪᠤᠯᠤᠨᠠ︾ ᠬᠡᠵᠦ ᠶᠠᠷᠢᠵᠦ ᠪᠠᠶᠢᠯᠠ᠃ | ᠮᠠᠯᠴᠢᠨ ᠮᠥᠩᠬᠡᠪᠠᠶᠠᠷ ᠤᠨ ᠬᠢᠨ ᠪᠤᠯ ᠲᠠᠷᠤᠢ ᠲᠤᠰ ᠺᠤᠮᠫᠠᠨᠢ ᠳᠤ ᠬᠤᠪᠢ ᠣᠷᠤᠭᠰᠠᠨ ᠠᠶᠢᠯ ᠤᠳ ᠤᠨ | ᠨᠢᠭᠡ ᠨᠢ ᠪᠠᠶᠢᠵᠦ ᠣᠳᠤᠬᠠᠨ ᠳᠤ ᠨᠢᠭᠡᠨᠳᠡ ᠠᠰᠢᠭ ᠬᠦᠷᠳᠡᠵᠡᠢ᠃ ᠮᠥᠩᠬᠡᠪᠠᠶᠠᠷ᠄ ︽ᠬᠤᠪᠢ ᠣᠷᠤᠭᠠᠳ ᠨᠢᠭᠡ ᠵᠢᠯ | ᠴᠤ ᠪᠤᠯᠤᠭᠰᠠᠨ ᠦᠭᠡᠢ᠂ ᠠᠶᠢᠯ ᠪᠤᠯᠭᠠᠨ ᠳᠤ16000 ᠲᠦᠬᠦᠷᠢᠭ ᠬᠤᠪᠢᠶᠠᠭᠰᠠᠨ᠂ ᠣᠳᠤ ᠮᠠᠯ ᠮᠠᠯᠵᠢᠬᠤ ᠠᠴᠠ | ᠭᠠᠳᠠᠨᠠ ᠵᠥᠬᠡᠷ ᠰᠠᠭᠤᠵᠦ ᠪᠠᠶᠢᠭᠠᠳ ᠣᠯᠵᠦ ᠪᠠᠶᠢᠬᠤ ᠵᠤᠭᠤᠰ᠂ ᠡᠨᠡ ᠣᠳᠤ ᠲᠤᠩ ᠰᠠᠶᠢᠨ ᠪᠠᠶᠢᠨᠠ︾ ᠬᠡᠵᠦ | ᠰᠡᠳᠬᠢᠯ ᠬᠠᠨᠤᠮᠵᠢᠲᠠᠢ ᠶᠠᠷᠢᠵᠦ ᠪᠠᠶᠢᠯᠠ᠃ | 2018 ᠣᠨ ᠳᠤ ᠣᠳᠬᠠᠨᠳᠦ᠋ᠬᠦᠷᠡᠩ ᠺᠤᠮᠫᠠᠨᠢ ᠪᠠᠨ ᠰᠡᠳᠬᠢᠯ ᠲᠠᠯᠪᠢᠨ ᠡᠵᠡᠩᠨᠡᠵᠦ᠂ ᠨᠤᠲᠤᠭ ᠤᠨ | ᠮᠠᠯᠴᠢᠳ ᠤᠨ ᠢᠯᠡᠬᠦᠴᠡ ᠬᠦᠳᠡᠯᠮᠦᠷᠢ ᠬᠦᠴᠦᠨ ᠢ ᠬᠦᠢᠴᠡᠳ ᠠᠰᠢᠭᠯᠠᠨ᠂ ᠨᠡᠬᠦᠷᠡᠰᠤᠨ ᠠᠵᠦ ᠠᠬᠤᠶᠢᠯᠠᠯ ᠤᠨ | ᠪᠦᠲᠦᠭᠡᠨ ᠪᠠᠶᠢᠭᠤᠯᠤᠯᠳᠠ᠂ ᠵᠥᠬᠡᠬᠡᠪᠦᠷᠢᠯᠡᠯᠳᠡ᠂ ᠨᠤᠭᠤᠭᠠᠷᠠᠭᠤᠯᠤᠯᠳᠠ ᠵᠡᠷᠭᠡ ᠡᠯᠡ ᠭᠤᠭᠴᠤᠭᠠᠨ ᠤ ᠠᠵᠢᠯ ᠢ | ᠲᠠᠭᠠᠭᠠᠴᠢᠯᠠᠨ ᠬᠦᠢᠴᠡᠳᠬᠡᠵᠦ᠂ ᠣᠷᠤᠯᠭᠠ ᠰᠠᠶᠢᠳᠠᠢ ᠪᠤᠯᠤᠭᠰᠠᠨ ᠢᠶᠠᠷ᠂ ᠲᠡᠷᠡ ᠡᠩ ᠲᠡᠷᠢᠬᠦᠨ ᠳᠤ ᠨᠤᠲᠤᠭ ᠤᠨ | ᠢᠶᠠᠨ ᠶᠠᠳᠠᠭᠤ ᠬᠦᠴᠢᠷᠳᠡᠯᠳᠡᠢ ᠮᠠᠯᠴᠢᠳ ᠤᠨ ᠲᠦᠯᠦᠬᠡ ᠪᠤᠳᠤᠯᠬᠢᠯᠠᠵᠦ᠂ ᠦᠪᠡᠷᠳᠡᠭᠡᠨ 18 ᠲᠥᠮᠡᠨ ᠲᠥᠬᠦᠷᠢᠭ | ᠤᠨ ᠪᠡᠯᠡ ᠭᠠᠷᠭᠠᠨ ᠮᠠᠰᠢᠨ ᠬᠤᠳᠳᠤᠭ ᠮᠠᠯᠳᠠᠨ᠂ ᠴᠠᠬᠢᠯᠭᠠᠨ ᠤᠰᠤᠨ ᠲᠠᠳᠠᠭᠤᠷ ᠤᠭᠰᠠᠷᠠᠵᠦ᠂ ᠮᠤᠳᠤᠨᠴᠠᠶᠢᠳᠠᠮ | ᠮᠠᠯᠵᠢᠯ ᠤᠨ ᠬᠤᠷᠰᠢᠶᠠᠨ ᠤ ᠠᠷᠪᠠᠨ ᠭᠤᠷᠪᠠᠨ ᠡᠷᠤᠬᠡ ᠮᠠᠯᠴᠢᠳ ᠤᠨ ᠡᠪᠦᠯ ᠤᠨ ᠴᠠᠭ ᠢᠶᠠᠷ ᠣᠰᠤ ᠲᠠᠮᠨᠠᠬᠤ ᠦᠶᠡ | ᠶᠢᠨ ︽ᠴᠠᠭᠠᠰᠢ ᠪᠠᠨ ᠶᠠᠪᠤᠬᠤ ᠳᠤ ᠬᠠᠨᠭ᠍ᠭᠢᠷ ᠵᠢᠩᠭᠢᠷ᠂ ᠨᠠᠭᠠᠰᠢ ᠪᠠᠨ ᠢᠷᠡᠬᠦ ᠳᠤ ᠤᠬᠢᠯᠠᠭ ᠳᠠᠭᠤᠯᠠᠭ︾ ᠪᠠᠶᠢᠭᠰᠠᠨ | ᠪᠠᠶᠢᠳᠠᠯ ᠶᠢ ᠡᠴᠤᠰᠯᠡᠬᠦᠯᠵᠡᠢ᠃ | ᠲᠤᠭ ᠪᠠᠯᠭᠠᠰᠤᠨ ᠤ ᠮᠡᠶᠢᠷᠡᠨᠰᠥ᠋ᠮᠠ ᠭᠠᠴᠠᠭᠠᠨ ᠤ ᠮᠠᠯᠴᠢᠨ ᠣᠶᠤᠨᠬᠤᠸᠠᠷ᠄ ︽ᠣᠳᠬᠠᠨᠳᠦ᠋ᠬᠦᠷᠡᠩ ᠪᠢᠳᠠᠨ | ᠳᠤ ᠶᠡᠭᠡ ᠰᠠᠶᠢᠨ ᠬᠢᠭᠰᠡᠨ᠂ ᠡᠳᠤᠢ ᠠᠷᠪᠢᠨ ᠨᠤᠲᠤᠭ ᠤᠨ ᠬᠦᠮᠤᠨ ᠢ ᠪᠤᠳᠤᠵᠦ ᠴᠡᠪᠡᠷ ᠣᠰᠤ ᠢᠳᠡᠬᠦᠯᠦᠴᠢᠬᠡᠶᠡ | ᠬᠡᠳ ᠦᠪᠡᠷ ᠤᠨ ᠢᠶᠠᠨ ᠵᠤᠭᠤᠰ ᠢ ᠵᠠᠷᠤᠴᠠᠭᠤᠯᠵᠦ ᠬᠤᠳᠳᠤᠭ ᠮᠠᠯᠳᠠᠵᠦ ᠦᠭᠭᠦᠭᠰᠡᠨ ᠨᠢ ᠦᠨᠡᠬᠡᠷ ᠠᠮᠠᠷ ᠦᠭᠡᠢ︾ | ᠬᠡᠪᠡ᠃ | ᠠᠷᠪᠠᠨ ᠵᠢᠯ ᠨᠡᠬᠦᠷᠡᠰᠤᠨ ᠠᠭᠤᠷᠬᠠᠢ ᠶᠢᠨ ᠪᠤᠷᠤ ᠲᠤᠭᠤᠰᠤᠨ ᠳᠤ ᠪᠤᠯᠠᠭᠳᠠᠵᠦ᠂ ᠠᠵᠢᠯ ᠶᠠᠪᠤᠳᠠᠯ ᠢ ᠭᠤᠯᠤᠯ | ᠦᠭᠡᠢ ᠬᠦᠢᠴᠡᠳᠬᠡᠨ᠂ ᠠᠷᠢᠭᠤᠨ ᠬᠦᠳᠡᠯᠮᠦᠷᠢ ᠰᠢᠷᠭᠠᠭᠤ ᠴᠢᠷᠮᠠᠶᠢᠯᠠᠭᠠ ᠪᠠᠷ ᠢᠶᠠᠨ ᠣᠳᠬᠠᠨᠳᠦ᠋ᠬᠦᠷᠡᠩ ᠣᠳᠤ | ᠬᠡᠳᠤᠶᠢᠪᠡᠷ ᠪᠠᠶᠠᠵᠢᠭᠰᠠᠨ ᠴᠤ ᠬᠤᠪᠢ ᠪᠠᠨ ᠰᠠᠬᠢᠵᠦ ᠬᠤᠶᠢᠰᠢ ᠣᠬᠤᠷᠢᠭᠰᠠᠨ ᠦᠭᠡᠢ᠂ ᠦᠯᠦᠬᠡᠢ ᠨᠤᠲᠤᠭ ᠤᠨ | ᠢᠶᠠᠨ ᠮᠠᠯᠴᠢᠨ ᠲᠥᠮᠡᠨ ᠢ ᠪᠠᠨ ᠪᠤᠳᠤᠯ ᠰᠡᠳᠬᠢᠯ ᠳᠡᠭᠡᠨ ᠲᠡᠭᠡᠭᠡᠵᠦ᠂ 2018 ᠣᠨ ᠳᠤ ᠬᠤᠶᠠᠷ ᠣᠳᠠᠭᠠ ᠨᠡᠶᠢᠳᠡ | 500 ᠲᠥᠮᠡᠨ ᠲᠥᠬᠦᠷᠢᠭ ᠢ ᠺᠤᠮᠫᠠᠨᠢ ᠳᠤ ᠬᠤᠪᠢ ᠣᠷᠤᠭᠰᠠᠨ ᠡᠷᠤᠬᠡᠳ ᠲᠡᠳᠤᠢ ᠦᠭᠡᠢ᠂ ᠭᠠᠴᠠᠭᠠᠨ ᠤ ᠠᠬᠠᠮᠠᠳ | ᠪᠠᠭᠰᠢ ᠣᠳᠣᠷᠢᠳᠣᠯᠭᠠ᠂ ᠨᠣᠳᠤᠭ ᠤᠨ ᠡᠮᠴᠢ᠂ ᠣᠶᠣᠳᠠᠳ᠂ ᠶᠠᠳᠠᠭᠤ ᠬᠦᠴᠢᠷᠳᠡᠯᠳᠡᠢ ᠡᠷᠣᠭᠡ ᠪᠠ ᠨᠡᠶᠢᠬᠡᠮ | ᠳᠣᠭᠤᠷᠢᠭ᠂ ᠰᠣᠷᠭᠠᠭᠤᠯᠢ᠂ ᠭᠡᠣᠭᠡᠳ ᠤᠨ ᠴᠡᠴᠡᠷᠯᠢᠭ ᠵᠡᠷᠭᠡ ᠶᠢᠨ 486 ᠮᠠᠯᠴᠢᠨ ᠡᠷᠤᠬᠡ᠂ ᠲᠦᠷᠪᠡᠨ | ᠪᠠᠶᠢᠭᠤᠯᠭᠠ ᠨᠢᠬᠡᠴᠢ ᠳᠤ ᠬᠠᠨᠳᠢᠪᠯᠠᠨ ᠲᠠᠷᠬᠠᠭᠠᠵᠦ᠂ ᠨᠤᠲᠤᠭ ᠨᠢᠬᠡᠳᠡᠳ ᠪᠦᠯᠬᠦᠮᠳᠠᠨ ᠨᠢᠭᠳᠠᠷᠠᠵᠦ᠂ ᠬᠠᠮᠳᠤ ᠪᠠᠷ | ᠪᠠᠨ ᠲᠠᠪᠰᠢᠬᠤ ᠶᠢ ᠣᠷᠮᠠᠰᠢᠭᠤᠯᠤᠨ ᠵᠤᠷᠢᠭᠵᠢᠭᠤᠯᠵᠠᠢ᠃ | ᠣᠳᠬᠠᠨᠳᠦ᠋ᠬᠦᠷᠡᠩ᠄ ︽ᠬᠤᠷᠢᠨ ᠣᠨ ᠪᠤᠯᠬᠤ ᠳᠤ ᠪᠦᠬᠦᠳᠡᠬᠡᠷ ᠢᠶᠠᠨ ᠶᠠᠳᠠᠭᠤ ᠠᠴᠠ ᠠᠩᠬᠢᠵᠢᠷᠠᠨᠠ ᠬᠡᠵᠦ | ᠪᠠᠶᠢᠨᠠ᠂ ᠪᠢᠳᠠ ᠪᠠᠰᠠ ᠦᠪᠡᠷ ᠤᠨ ᠬᠦᠴᠦ ᠪᠠᠷ ᠢᠶᠠᠨ ᠴᠢᠷᠮᠠᠶᠢᠵᠦ ᠶᠠᠳᠠᠭᠤ ᠠᠴᠠ ᠠᠩᠬᠢᠵᠢᠷᠠᠨᠠ᠂ ᠪᠢ ᠪᠠᠰᠠ | ᠡᠬᠦᠨ ᠳᠤ ᠦᠪᠡᠷ ᠤᠨ ᠦᠴᠦᠬᠡᠨ ᠬᠤᠪᠢ ᠨᠡᠮᠡᠷᠢ ᠪᠠᠨ ᠦᠵᠡᠬᠦᠯᠦᠶᠡ ᠬᠡᠵᠦ ᠪᠤᠳᠤᠵᠦ ᠪᠠᠶᠢᠨᠠ᠂ ᠨᠢᠭᠡ ᠨᠤᠲᠤᠭ | ᠤᠨ ᠣᠯᠠᠨ ᠢᠶᠠᠷ ᠢᠶᠠᠨ ᠬᠠᠮᠳᠤ ᠬᠦᠭᠵᠢᠵᠦ᠂ ᠬᠠᠮᠳᠤ ᠪᠠᠷ ᠢᠶᠠᠨ ᠡᠨᠡ ᠠᠰᠢᠭ ᠢ ᠬᠦᠷᠳᠡᠪᠡᠯ ᠰᠠᠶᠢᠬᠠᠨ ᠬᠡᠵᠦ | ᠪᠤᠳᠤᠵᠦ ᠪᠠᠶᠢᠨᠠ︾ ᠬᠡᠪᠡ᠃ | ︽ᠲᠦᠷᠦᠬᠦᠴᠢ ᠭᠠᠯᠠᠭᠤ ᠨᠢ ᠠᠷᠤ ᠳᠠᠬᠢ ᠪᠠᠨ ᠣᠷᠬᠢᠬᠤ ᠦᠭᠡᠢ︾ ᠬᠡᠳᠡᠭ ᠢᠶᠠᠷ᠂ ᠣᠳᠬᠠᠨᠳᠥ᠋ᠬᠦᠷᠡᠩ | ᠣᠳᠤ ᠨᠡᠩ ᠣᠯᠠᠨ ᠮᠠᠯᠴᠢᠨ ᠢ ᠣᠷᠮᠠᠰᠢᠭᠤᠯᠤᠨ ᠨᠢᠬᠡᠳᠦᠬᠦᠯᠵᠦ᠂ ᠠᠵᠦ ᠠᠬᠤᠶᠢᠯᠠᠯ ᠲᠠᠢ ᠬᠤᠷᠰᠢᠨ ᠠᠵᠢᠯᠯᠠᠬᠤ ᠪᠠᠷ | ᠵᠢᠳᠬᠦᠬᠦ ᠶᠢᠨ ᠲᠠᠭᠠᠤ ᠪᠠᠰᠠ ᠪᠤᠬᠢᠷᠳᠤᠯ ᠦᠭᠡᠢ ᠮᠠᠯ ᠤᠨ ᠠᠰᠢᠭ ᠰᠢᠮᠡ ᠶᠢᠨ ᠦᠢᠯᠡᠳᠬᠦᠨ ᠢᠶᠠᠨ ᠵᠠᠬᠠ | ᠲᠡᠯᠬᠡᠬᠦᠷᠴᠢᠯᠡᠵᠦ᠂ ᠬᠠᠮᠳᠤᠷᠠᠯ ᠬᠤᠷᠰᠢᠶᠠᠵᠢᠯ ᠢᠶᠠᠷ ᠲᠠᠮᠵᠢᠨ ᠮᠠᠯᠴᠢᠳ ᠲᠤ ᠣᠷᠳᠤ ᠬᠤᠭᠤᠴᠠᠭᠠᠨ ᠤ ᠣᠷᠤᠯᠭᠠ | ᠪᠠᠨ ᠨᠡᠮᠡᠭᠳᠡᠬᠦᠯᠬᠦ ᠰᠢᠨᠡ ᠠᠷᠭᠠ ᠵᠠᠮ ᠢ ᠢᠳᠡᠪᠬᠢᠳᠠᠢ ᠬᠠᠶᠢᠨ ᠰᠦᠪᠡᠭᠴᠢᠯᠡᠵᠦ ᠪᠠᠶᠢᠨᠠ᠃ | |