| ᠠᠭᠤᠷ ᠠᠮᠢᠰᠬᠤᠯ ᠤᠨ ᠨᠥᠯᠦᠬᠡᠯᠡᠯ ᠠᠴᠠ ᠪᠤᠯᠵᠦ ᠣᠶᠢᠷᠠ ᠶᠢᠨ ᠡᠳᠤᠷ ᠮᠠᠨ ᠤ ᠬᠤᠰᠢᠭᠤᠨ ᠤ ᠵᠠᠷᠢᠮ | ᠭᠠᠵᠠᠷ ᠤᠳ ᠢᠶᠠᠷ ᠬᠤᠷᠤᠬᠠᠢ ᠶᠢᠨ ᠬᠦᠨᠤᠬᠡᠯ ᠡᠬᠦᠰᠴᠦ ᠰᠤᠷᠪᠤᠯᠵᠢᠯᠠᠭᠴᠢ ᠡᠨᠡ ᠤᠳᠠᠭᠠᠨ ᠤ ᠬᠤᠷᠤᠬᠠᠢ ᠶᠢᠨ | ᠬᠦᠨᠤᠬᠡᠯ ᠢᠶᠠᠷ ᠨᠡᠯᠢᠶᠡᠳ ᠬᠦᠨᠳᠤ ᠪᠠᠶᠢᠭᠠ ᠮᠠᠨ ᠤ ᠬᠤᠰᠢᠭᠤᠨ ᠤ ᠦᠤᠰᠢᠨᠵᠤᠤ ᠪᠠᠯᠭᠠᠰᠤ ᠶᠢᠨ ᠮᠠᠯᠴᠢᠳ ᠤᠨ ᠬᠡᠷ | ᠢᠶᠠᠷ ᠬᠦᠨᠵᠡᠬᠡᠶᠢᠷᠡᠵᠦ 5 ᠰᠠᠷᠠ ᠶᠢᠨ 12 ᠤᠨ ᠡᠳᠤᠷ ᠪᠤᠯᠳᠠᠯᠠ ᠬᠤᠷᠤᠬᠠᠢ ᠶᠢᠨ ᠬᠦᠨᠤᠬᠡᠯ ᠡᠬᠦᠰᠦᠭᠰᠡᠨ ᠪᠤᠳᠠᠳᠤ | ᠪᠠᠶᠢᠳᠠᠯ ᠢ ᠣᠶᠢᠯᠠᠭᠠᠯᠠ᠃ | ᠦᠤᠰᠢᠨᠵᠤᠤ ᠪᠠᠯᠭᠠᠰᠤᠨ ᠤ ᠪᠦᠷᠢᠳᠤ ᠭᠠᠴᠠᠭᠠᠨ ᠤ ᠮᠠᠯᠴᠢᠨ ᠨᠡᠬᠡᠬᠡᠭᠴᠢ᠄ ︽4 ᠰᠠᠷᠠ ᠶᠢᠨ ᠰᠡᠬᠦᠯᠴᠢ ᠠᠴᠠ | ᠡᠬᠢᠯᠡᠬᠡᠳ ᠬᠤᠷᠤᠬᠠᠢ ᠪᠠᠭᠤᠵᠦ ᠮᠢᠨᠤ ᠮᠢᠩᠭᠠ ᠭᠠᠷᠤᠢ ᠮᠤ᠋ ᠶᠢᠨ ᠪᠡᠯᠴᠢᠬᠡᠷ ᠲᠤ ᠦᠨᠳᠤᠰᠤᠨ ᠳᠡᠭᠡᠨ ᠪᠦᠷ | ᠬᠤᠷᠤᠬᠠᠢ ᠪᠠᠭᠤᠭᠰᠠᠨ᠂ ᠬᠦᠨᠳᠤ ᠰᠢᠭ ᠨᠢ ᠪᠦᠷ ᠢᠳᠡᠬᠡᠳ ᠪᠠᠷᠠᠭᠰᠠᠨ᠂ ᠬᠦᠩᠬᠡᠨ ᠰᠢᠭ ᠨᠢ ᠪᠠᠰᠠ ᠲᠠᠷ ᠲᠤᠷ | ᠨᠠᠮᠠᠭᠠ ᠪᠠᠶᠢᠨᠠ᠃ ᠡᠨᠡ ᠤᠳᠠᠭᠠᠨ ᠤ ᠬᠤᠷᠤᠬᠠᠢ ᠶᠢᠨ ᠬᠦᠨᠤᠬᠡᠯ ᠨᠢ ᠭᠤᠤᠯᠳᠠᠭᠤ ᠪᠡᠯᠴᠢᠬᠡᠷ ᠳᠠᠬᠢ ᠬᠠᠷᠭᠠᠨᠠ | ᠡᠪᠡᠰᠤᠨ ᠳᠤ ᠢᠯᠡᠷᠡᠭᠰᠡᠨ ᠮᠥᠷᠲᠡᠬᠡᠨ ᠣᠳᠠᠭᠠᠨ ᠵᠢᠯ ᠣᠷᠭᠤᠭᠰᠠᠨ ᠬᠠᠷᠭᠠᠨᠠ ᠳᠤ ᠶᠡᠭᠡ ᠬᠡᠪᠴᠢᠶᠡ ᠢᠶᠠᠷ ᠡᠬᠦᠰᠴᠤ | ᠡᠪᠡᠰᠤ ᠣᠷᠭᠤᠮᠠᠯ ᠤᠨ ᠣᠷᠭᠤᠴᠠ ᠶᠢ ᠵᠤᠬᠢᠬᠤ ᠬᠡᠮᠵᠢᠶᠡ ᠪᠠᠷ ᠨᠥᠯᠦᠬᠡᠯᠡᠭᠰᠡᠨ ᠪᠠᠶᠢᠨᠠ︾ ᠭᠡᠵᠤ ᠶᠠᠷᠢᠵᠤ ᠪᠠᠶᠢᠯᠠ᠃ | | ᠮᠠᠨ ᠤ ᠬᠤᠰᠢᠭᠤᠨ ᠤ ᠣᠢ ᠰᠢᠭᠤᠢ ᠪᠠ ᠨᠤᠲᠤᠭ ᠪᠡᠯᠴᠢᠬᠡᠷ ᠤᠨ ᠬᠠᠮᠢᠶᠠᠷᠤᠯᠳᠠ ᠶᠢᠨ ᠲᠤᠪᠴᠢᠶᠠᠨ ᠤ | ᠠᠵᠢᠯᠳᠠᠳ ᠤᠨ ᠲᠠᠨᠢᠯᠴᠠᠭᠤᠯᠬᠤ ᠪᠠᠷ᠂ ᠡᠨᠡ ᠨᠢ ︽ᠬᠠᠪᠤᠷ ᠤᠨ ᠲᠦᠬᠡᠯᠡᠬᠦᠷ ᠬᠤᠷᠤᠬᠠᠢ︾ ᠶᠢᠨ ᠬᠦᠨᠤᠬᠡᠯ ᠪᠠᠶᠢᠵᠦ | ᠲᠦᠬᠡᠯᠡᠬᠦᠷ ᠬᠤᠷᠤᠬᠠᠢ ᠨᠢ ᠡᠷᠪᠡᠬᠡᠢ ᠶᠢᠨ ᠰᠠᠯᠠᠭᠠᠨ ᠤ ᠰᠢᠪᠠᠵᠢ ᠳᠤ ᠬᠠᠷᠢᠶᠠᠯᠠᠭᠳᠠᠵᠦ ᠣᠮᠠᠷᠠᠳᠤ ᠣᠷᠤᠨ ᠤ ᠨᠠᠪᠴᠢ | ᠪᠠᠷ ᠢᠳᠡᠰᠢ ᠪᠤᠯᠭᠠᠳᠠᠭ ᠭᠤᠤᠯᠳᠠᠯᠭᠠᠳᠠᠢ ᠬᠦᠨᠤᠭᠡᠯᠳᠤ ᠬᠤᠷᠤᠬᠠᠢ ᠶᠢᠨ ᠨᠢᠭᠡ ᠪᠠᠶᠢᠵᠦ ᠨᠢᠯᠬᠠ ᠬᠤᠷᠤᠬᠠᠢ ᠶᠢᠨ | ᠦᠰᠦᠯᠳᠡ ᠲᠦᠷᠬᠡᠨ ᠨᠢᠭᠳᠠᠴᠠ ᠨᠢ ᠶᠡᠭᠡ ᠪᠠᠶᠢᠵᠦ ᠣᠬᠤᠷᠬᠠᠨ ᠬᠤᠭᠤᠴᠠᠭᠠᠨ ᠳᠤ ᠡᠪᠡᠰᠤ ᠣᠷᠭᠤᠮᠠᠯ ᠢ ᠶᠡᠬᠡᠬᠡᠨ | ᠦᠷᠡᠵᠦ ᠰᠦᠢᠳᠬᠡᠳᠡᠭ ᠪᠠᠶᠢᠨᠠ᠃ | ᠬᠤᠯᠪᠤᠭᠳᠠᠯ ᠪᠦᠬᠦᠢ ᠪᠠᠶᠢᠭᠤᠯᠭᠠ ᠨᠢᠭᠡᠴᠢ ᠶᠢᠨ ᠪᠦᠷᠢᠨ ᠪᠤᠰᠤ ᠪᠦᠷᠢᠳᠬᠡᠯ ᠢᠶᠠᠷ ᠡᠨᠡ ᠣᠳᠠᠭᠠ ᠶᠢᠨ | ᠬᠤᠷᠤᠬᠠᠢ ᠶᠢᠨ ᠬᠦᠨᠦᠬᠡᠯ ᠨᠢ ᠦᠤᠰᠢᠨᠵᠤᠤ ᠪᠠᠯᠭᠠᠰᠤ ᠪᠠ ᠭᠠᠯᠠᠭᠤᠳᠤ ᠪᠠᠯᠭᠠᠰᠤ ᠶᠢᠨ 130 ᠭᠠᠷᠤᠢ ᠲᠥᠮᠡᠨ ᠮᠤ᠋ | ᠪᠡᠯᠴᠢᠬᠡᠷ ᠲᠤ ᠠᠳᠠᠯᠢ ᠪᠤᠰᠤ ᠬᠡᠮᠵᠢᠶᠡ ᠪᠠᠷ ᠢᠯᠡᠷᠡᠵᠦ ᠡᠬᠦᠨ ᠳᠤ ᠬᠦᠨᠳᠤ ᠬᠦᠨᠤᠬᠡᠯ ᠡᠬᠦᠰᠦᠭᠰᠡᠨ ᠨᠤᠲᠤᠭ | ᠪᠡᠯᠴᠢᠬᠡᠷ ᠤᠨ ᠲᠠᠯᠠᠪᠠᠢ ᠨᠢ 30 ᠭᠠᠷᠤᠢ ᠲᠥᠮᠡᠨ ᠮᠤ᠋ ᠳᠤ ᠬᠦᠷᠦᠭᠰᠡᠨ ᠪᠠᠶᠢᠨᠠ᠃ |