| ᠰᠢᠨᠵᠢᠯᠡᠭᠡ ᠮᠡᠷᠬᠡᠵᠢᠯ ᠢ ᠬᠦᠳᠡᠭᠡ ᠠᠵᠤ ᠠᠬᠤᠢ ᠲᠠᠢ ᠤᠶᠠᠯᠳᠤᠭᠤᠯᠪᠠᠯ ᠬᠦᠭᠵᠢᠯᠲᠡ ᠶᠢᠨ ᠬᠠᠭᠤᠳᠠᠰᠤ ᠶᠢ | ᠪᠢᠴᠢᠭᠯᠡᠬᠦ ᠨᠢ ᠵᠦᠢ᠃ ᠦᠨᠦᠳᠦᠷ ᠦᠤᠰᠢᠨ ᠨᠤᠲᠤᠭ ᠤᠨ ᠮᠠᠯᠴᠢᠳ ᠰᠢᠨᠵᠢᠯᠡᠭᠡ ᠮᠡᠷᠬᠡᠵᠢᠯ ᠤᠨ ᠰᠤᠳᠤᠨ | ᠬᠡᠷᠡᠭᠯᠡᠬᠦᠷ ᠢᠶᠠᠷ ᠰᠢᠨᠡ ᠴᠠᠭ ᠤᠨ ᠰᠢᠨᠡᠬᠡᠨ ᠬᠠᠭᠤᠳᠠᠰᠤ ᠶᠢ ᠰᠡᠬᠦᠵᠤ ᠪᠠᠶᠢᠨᠠ᠃ | ᠪᠤᠷᠭᠠᠰᠤ ᠬᠦᠯᠥᠬᠡᠯᠡᠵᠤ ᠨᠤᠭᠤᠭᠠ ᠴᠤᠬᠤᠢᠢᠬᠤ ᠪᠠᠷ ᠪᠦᠲᠦᠨ ᠡᠪᠤᠯ ᠪᠡᠯᠡᠨ ᠡᠪᠡᠰᠦ ᠢᠳᠡᠭᠰᠡᠨ ᠦᠬᠡᠷ | ᠬᠤᠨᠢ ᠵᠦᠭ ᠴᠢᠭ ᠦᠭᠡᠢ ᠲᠡᠨᠤᠳᠡᠭ ᠠᠵᠢ᠃ ᠮᠦᠨ ᠴᠤ ᠵᠤᠨ ᠤ ᠬᠠᠯᠠᠭᠤᠨ ᠪᠤᠯᠵᠤ᠂ ᠪᠠᠯᠠᠷ ᠤᠨ ᠮᠠᠯ | ᠪᠤᠷᠭᠠᠰᠤᠨ ᠳᠤ ᠰᠢᠷᠭᠤᠭᠠᠳ ᠦᠷᠯᠥᠬᠡ ᠦᠳᠡᠰᠢ ᠶᠢᠨ ᠰᠡᠷᠢᠭᠦᠨ ᠴᠠᠭ ᠢᠶᠠᠷ ᠭᠠᠷᠴᠤ ᠢᠷᠡᠬᠦ ᠠᠴᠠ ᠪᠢᠰᠢ ᠡᠳᠦᠷ ᠤᠨ | ᠴᠠᠭ ᠢᠶᠠᠷ ᠪᠠᠷᠠ ᠨᠢ ᠴᠤ ᠬᠠᠷᠠᠭᠳᠠᠬᠤ ᠦᠭᠡᠢ ᠨᠢ ᠮᠠᠯᠴᠢᠳ ᠤᠨ ᠲᠤᠯᠤᠭᠠᠢ ᠶᠢ ᠡᠪᠡᠳᠬᠡᠳᠡᠭ᠃ ᠢᠡᠭᠭᠢᠭᠡᠳ | ᠶᠠᠪᠠᠭᠠᠨ ᠢᠶᠠᠷ ᠮᠠᠯ ᠳᠤ ᠶᠠᠪᠤᠵᠤ ᠪᠠᠶᠢᠭᠰᠠᠨ ᠠᠴᠠ ᠪᠠᠨ ᠮᠤᠷᠢ ᠪᠠᠷ᠂ ᠨᠡᠩ ᠰᠡᠭᠦᠯ ᠳᠤ ᠮᠤᠲ᠋ᠤᠷ ᠢᠶᠠᠷ ᠶᠠᠪᠤᠬᠤ | ᠪᠤᠯᠤᠭᠰᠠᠨ ᠪᠠᠶᠢᠪᠠ᠃ ᠬᠡᠪᠡᠴᠤ ᠡᠨᠡ ᠨᠢ ᠪᠠᠰᠠ ᠯᠠ ᠴᠠᠭ ᠪᠤᠯᠤᠨ ᠬᠦᠴᠦ ᠶᠢ ᠰᠢᠯᠭᠠᠭᠰᠠᠨ ᠬᠡᠴᠡᠬᠦᠦ ᠤᠴᠢᠷ | ᠪᠠᠶᠢᠪᠠ᠃ | ᠤᠷᠴᠢᠮ ᠤᠨ ᠵᠢᠯ ᠮᠠᠯᠵᠢᠬᠤ ᠤᠷᠤᠨ ᠢᠶᠠᠷ ᠡᠯᠳᠡᠪ ᠤᠨ ᠰᠢᠨᠡ ᠰᠤᠨᠢᠨ ᠰᠢᠨᠵᠢᠯᠡᠭᠡ ᠮᠡᠷᠬᠡᠵᠢᠯ ᠲᠦᠬᠡᠮᠡᠯᠵᠢᠵᠤ ᠂ | ᠮᠠᠯᠴᠢᠳ ᠲᠤ ᠮᠠᠰᠢ ᠶᠡᠭᠡ ᠲᠦᠬᠦᠮ ᠠᠪᠴᠢᠷᠠᠭᠰᠠᠨ ᠴᠤ ᠮᠠᠯᠵᠢᠬᠤ ᠦᠢᠯᠡᠳᠪᠦᠷᠢᠯᠡᠯ ᠤᠨ ᠲᠠᠯᠠ ᠪᠠᠷ ᠪᠠᠰᠠ ᠯᠠ | ᠬᠦᠷᠦᠯᠴᠡᠭᠡ ᠮᠠᠭᠤᠲᠠᠢ ᠪᠠᠶᠢᠭᠰᠠᠨ ᠨᠢ ᠦᠨᠡᠨ᠃ ᠬᠠᠷᠢᠨ ᠡᠨᠡ ᠵᠢᠯ ᠦᠤᠰᠢᠨ ᠤ ᠬᠡᠰᠡᠭ ᠮᠠᠯᠴᠢᠳ ᠵᠢᠯᠤᠭᠤᠴᠢ | ᠦᠭᠡᠢ ᠨᠢᠰᠬᠡᠯ ᠢᠶᠠᠷ ᠮᠠᠯ ᠬᠠᠷᠠᠳᠠᠭ ᠪᠤᠯᠤᠭᠰᠠᠨ ᠴᠢᠮᠡᠭᠡ ᠤᠯᠠᠨ ᠤ ᠲᠠᠭᠠᠰᠢᠶᠠᠯ ᠳᠤ ᠬᠦᠷᠴᠤ᠂ ᠦᠤᠰᠢᠨ | ᠨᠤᠲᠤᠭ ᠤᠨ ᠪᠠᠯᠠᠷ ᠮᠠᠩᠬᠠᠨ ᠳᠤ ᠮᠠᠯ ᠰᠦᠷᠦᠭ ᠢᠶᠠᠨ ᠬᠠᠷᠠᠬᠤ ᠬᠦᠴᠢᠷᠳᠡᠯ ᠢ ᠰᠢᠢᠳᠪᠦᠷᠢᠯᠡᠵᠤ ᠴᠢᠳᠠᠭᠰᠠᠨ ᠨᠢ | ᠪᠠᠶᠠᠷᠯᠠᠭᠤᠰᠢᠲᠠᠢ᠃ | ᠦᠤᠰᠢᠨᠵᠤᠤ ᠪᠠᠯᠭᠠᠰᠤᠨ ᠤ ᠪᠦᠷᠢᠳᠦ ᠭᠠᠴᠠᠭᠠᠨ ᠤ ᠮᠠᠯᠴᠢᠨ ᠤᠶᠤᠨᠪᠢᠯᠢᠭ᠌ ᠡᠨᠡ ᠵᠢᠯ ᠵᠢᠯᠤᠭᠤᠴᠢ ᠦᠭᠡᠢ | ᠨᠢᠰᠬᠡᠯ ᠬᠤᠳᠠᠯᠳᠤᠨ ᠠᠪᠤᠭᠠᠳ ᠪᠠᠯᠠᠷ ᠤᠨ ᠴᠤᠭᠤᠷᠬᠠᠢ᠂ ᠮᠠᠩᠬᠠᠨ ᠬᠦᠮᠦᠬᠡᠢ ᠳᠠᠬᠢ ᠦᠬᠡᠷ ᠢᠶᠠᠨ ᠬᠠᠷᠠᠬᠤ ᠳᠤ ᠶᠡᠭᠡ | ᠲᠦᠬᠦᠮ ᠪᠤᠯᠤᠭᠰᠠᠨ ᠪᠠᠶᠢᠯᠠ᠃ ᠲᠠᠳᠠᠨ ᠤ ᠬᠢᠨ 12000 ᠭᠠᠷᠤᠢ ᠮᠦ ᠪᠡᠯᠴᠢᠬᠡᠷ ᠲᠡᠭᠡᠷᠡ ᠪᠠᠨ 100 ᠭᠠᠷᠤᠢ | ᠦᠬᠡᠷ ᠮᠠᠯᠵᠢᠵᠤ᠂ ᠪᠡᠯᠴᠢᠬᠡᠷ ᠨᠢ ᠪᠠᠯᠠᠷ ᠡᠷᠢᠶᠡᠯᠡᠩ᠂ ᠡᠯᠡᠰᠦ ᠮᠠᠩᠬᠠ ᠲᠡᠶᠢᠯᠥᠩᠭᠢ ᠪᠤᠯᠬᠤᠷ ᠮᠤᠲ᠋ᠤᠷ ᠴᠤ ᠵᠠᠷᠢᠮ | ᠭᠠᠵᠠᠷ ᠲᠤᠨᠢ ᠬᠦᠷᠴᠤ ᠲᠡᠶᠢᠯᠳᠡᠭ ᠦᠭᠡᠢ᠂ ᠮᠦᠨ ᠦᠳᠡ ᠶᠢᠨ ᠬᠠᠯᠠᠭᠤᠨ ᠪᠤᠯᠬᠤ ᠳᠤ ᠦᠬᠡᠷ ᠤᠳ ᠨᠢ ᠮᠠᠩᠬᠠᠨ | ᠬᠦᠮᠦᠬᠡᠢ ᠶᠢᠨ ᠪᠤᠷᠭᠠᠰᠤᠨ ᠳᠤ ᠰᠢᠷᠭᠤᠭᠠᠳ ᠭᠠᠷᠴᠤ ᠢᠷᠡᠳᠡᠭ ᠦᠭᠡᠢ ᠪᠤᠯᠬᠤᠷ ᠡᠷᠢᠯ ᠤᠨ ᠬᠦᠮᠦᠨ ᠵᠠᠪᠠᠯ ᠬᠦᠮᠦᠬᠡᠢ | ᠪᠤᠯᠭᠠᠨ ᠢ ᠨᠡᠩᠵᠢᠵᠤ ᠪᠠᠶᠢᠮᠠᠨᠵᠢᠨ ᠰᠠᠶ᠋ᠢ ᠦᠬᠡᠷ ᠤᠨ ᠢᠶᠠᠨ ᠲᠤᠭᠠ ᠲᠤᠯᠤᠭᠠᠢ ᠶᠢ ᠪᠥᠷᠢᠳᠭᠡᠵᠤ ᠬᠡᠷ ᠵᠦᠭ ᠢᠶᠠᠨ | ᠲᠠᠭᠤᠳᠠᠭ ᠠᠵᠢ᠃ ᠡᠨᠡ ᠬᠠᠯᠠ ᠶᠢ ᠠᠷᠪᠠ ᠬᠤᠷᠢᠨ ᠵᠢᠯ ᠢᠶᠠᠷ ᠦᠵᠡᠭᠰᠡᠨ ᠲᠠᠳᠠᠨ ᠤ ᠬᠢᠨ ᠡᠨᠡ ᠵᠢᠯ ᠵᠢᠯᠤᠭᠤᠴᠢ | ᠦᠭᠡᠢ ᠨᠢᠰᠬᠡᠯ ᠲᠠᠢ ᠪᠤᠯᠤᠭᠰᠠᠨ ᠠᠴᠠ ᠬᠤᠶᠢᠰᠢ ᠠᠷᠪᠠᠨ ᠡᠳᠦᠷ ᠤᠨ ᠬᠢᠳᠡᠯ ᠢ ᠨᠢᠬᠡᠬᠡᠨ ᠴᠠᠭ ᠲᠤ ᠪᠡᠶᠡᠯᠡᠬᠦᠯᠵᠤ | ᠳᠡᠶᠢᠯᠳᠡᠭ ᠪᠤᠯᠤᠭᠰᠠᠨ ᠪᠠᠶᠢᠨᠠ᠃ ᠲᠡᠭᠦᠨ ᠤ ᠡᠨᠡ ᠬᠦ ᠪᠠᠭᠠ ᠬᠡᠯᠪᠡᠷᠢ ᠶᠢᠨ ᠵᠢᠯᠤᠭᠤᠴᠢ ᠦᠭᠡᠢ ᠨᠢᠰᠬᠡᠯ ᠨᠢ 70 | ᠮᠧᠲᠷ ᠦᠨᠳᠦᠷ ᠲᠤ ᠭᠠᠷᠴᠤ᠂ 4 ᠺᠢᠯᠦᠮᠧᠲᠷ ᠤᠨ ᠵᠠᠢ ᠳᠤ 20 ᠮᠢᠨᠦ᠋ᠲ ᠨᠢᠰᠴᠤ ᠪᠤᠯᠳᠠᠭ ᠪᠦᠭᠡᠳ ᠲᠦᠷᠪᠡᠨ | ᠬᠡᠰᠡᠭ ᠴᠠᠬᠢᠯᠭᠠᠨ ᠴᠡᠨᠡᠭ ᠲᠠᠢ ᠪᠠᠶᠢᠵᠤ 20 ᠮᠢᠨᠦ᠋ᠲ ᠤᠨ ᠲᠤᠳᠤᠷᠠ ᠲᠡᠭᠢᠨ ᠨᠢᠬᠡ ᠶᠢ ᠰᠤᠯᠢᠵᠤ ᠤᠯᠠᠷᠢᠭᠤᠯᠳᠠᠭ | ᠪᠤᠯᠬᠤᠷ ᠪᠡᠯᠴᠢᠬᠡᠷ ᠢᠶᠠᠨ ᠪᠦᠲᠦᠨ ᠨᠢᠬᠡ ᠡᠷᠬᠢᠵᠤ ᠦᠵᠡᠬᠦ ᠳᠤ ᠠᠰᠠᠭᠤᠳᠠᠯ ᠦᠭᠡᠢ ᠠᠵᠢ᠃ | ᠪᠠᠭᠠ ᠦᠳᠡ ᠶᠢᠨ ᠦᠶᠡ ᠳᠤ ᠤᠶᠤᠨᠪᠢᠯᠢᠭ᠌ ᠵᠢᠯᠤᠭᠤᠴᠢ ᠦᠭᠡᠢ ᠨᠢᠰᠬᠡᠯ ᠢᠶᠠᠷ ᠢᠶᠠᠨ ᠬᠡᠷ ᠤᠨ ᠢᠶᠠᠨ ᠤᠷᠢᠳᠤ | ᠪᠠᠯᠠᠷ ᠮᠠᠩᠬᠠ ᠶᠢ ᠡᠷᠭᠢᠨ ᠦᠵᠡᠵᠤ ᠠᠯᠢ ᠵᠢᠰᠦᠮ ᠤᠨ ᠦᠬᠡᠷ ᠤᠨ ᠬᠠᠮᠢᠭᠠ ᠪᠠᠶᠢᠭᠠ ᠵᠢᠴᠢ ᠲᠤᠭᠠ ᠲᠤᠯᠤᠭᠠᠢ ᠨᠢ | ᠪᠦᠷᠢᠨ ᠪᠠᠶᠢᠬᠤ ᠶᠢ ᠤᠨᠤᠪᠴᠢᠲᠠᠢ ᠬᠠᠷᠠᠵᠤ ᠰᠠᠨᠠᠭᠠ ᠨᠢ ᠠᠮᠠᠷᠠᠯᠠ᠃ ᠲᠡᠷᠡ ᠰᠤᠷᠪᠤᠯᠵᠢᠯᠠᠭᠴᠢ ᠳᠤ᠄ ︽ᠡᠮᠦᠨᠡ | ᠵᠢᠯ ᠤᠳ ᠲᠤ ᠮᠠᠨ ᠤ ᠬᠢᠨ ᠦᠬᠡᠷ ᠢᠶᠠᠨ ᠠᠯᠳᠠᠪᠠᠯ ᠬᠡᠳᠦᠨ ᠡᠳᠦᠷ ᠪᠤᠯᠳᠠᠭ ᠴᠤ ᠪᠠᠶᠢᠭᠰᠠᠨ᠂ ᠢᠡᠭᠭᠢᠭᠡᠳ ᠯᠠ | ᠶᠠᠪᠠᠭᠠᠨ ᠨᠢᠴᠦᠬᠦᠨ᠂ ᠮᠤᠷᠢ ᠤᠨᠤᠭᠠ᠂ ᠮᠤᠲ᠋ᠤᠷ ᠢᠶᠠᠷ ᠪᠠᠯᠠᠷ ᠤᠨ ᠴᠤᠭᠤᠷᠬᠠᠢ᠂ ᠮᠠᠩᠬᠠᠨ ᠬᠦᠮᠦᠬᠡᠢ ᠶᠢ ᠲᠤᠭᠤᠯᠵᠤ | ᠶᠤᠰᠤᠲᠠᠢ ᠲᠠᠮᠤ ᠪᠠᠨ ᠦᠵᠡᠵᠤ ᠪᠠᠶᠢᠭᠰᠠᠨ᠂ ᠤᠳᠤ ᠬᠡᠷ ᠤᠨ ᠢᠶᠠᠨ ᠡᠬᠦᠳᠡᠨ ᠳᠤ ᠵᠤᠭᠰᠤᠵᠦ ᠪᠠᠶᠢᠭᠠᠳ ᠦᠬᠡᠷ ᠢᠶᠠᠨ | ᠠᠭᠠᠷ ᠠᠴᠠ ᠬᠠᠷᠠᠳᠠᠭ ᠪᠤᠯᠤᠭᠰᠠᠨ ᠨᠢ ᠶᠡᠭᠡ ᠲᠦᠬᠦᠮ ᠪᠤᠯᠤᠯᠠ᠃ ᠡᠭᠦᠨ ᠤ ᠬᠠᠮᠲᠤ ᠬᠠᠪᠤᠷ ᠤᠨ ᠬᠡᠴᠡᠬᠦᠦ | ᠴᠠᠭ ᠲᠤ ᠵᠠᠷᠢᠮ ᠦᠬᠡᠷ ᠲᠡᠶᠢᠵᠤ ᠤᠨᠠᠭᠠᠳ᠂ ᠲᠡᠭᠦᠨ ᠢ ᠨᠢ ᠤᠯᠵᠤ ᠪᠤᠰᠬᠠᠨ᠂ ᠲᠡᠵᠢᠬᠡᠬᠦ ᠦᠭᠡᠢ ᠪᠤᠯ ᠬᠡᠳᠦᠨ | ᠡᠳᠦᠷ ᠲᠤ ᠦᠬᠦᠴᠢᠬᠡᠳᠡᠭ᠂ ᠵᠢᠯᠤᠭᠤᠴᠢ ᠦᠭᠡᠢ ᠨᠢᠰᠬᠡᠯ ᠲᠠᠢ ᠪᠤᠯᠤᠭᠰᠠᠨ ᠬᠤᠶᠢᠨᠠ ᠴᠠᠭ ᠲᠠᠷᠤᠢ ᠳᠤᠨᠢ ᠤᠯᠤᠭᠠᠳ | ᠦᠵᠡᠴᠢᠬᠡᠳᠡᠭ ᠪᠤᠯᠬᠤᠷ ᠦᠡᠭᠬᠡᠷᠡᠭᠰᠡᠨ ᠤ ᠲᠠᠶᠢᠮᠤ ᠶᠠᠪᠤᠳᠠᠯ ᠭᠠᠷᠬᠤ ᠠᠴᠠ ᠵᠠᠶᠢᠯᠠᠰᠬᠢᠵᠤ ᠴᠢᠳᠠᠯᠠ︾ ᠬᠡᠮᠡᠨ | ᠪᠠᠶᠠᠷᠲᠠᠶᠢᠬᠠᠨ ᠶᠠᠷᠢᠵᠤ ᠪᠠᠶᠢᠯᠠ᠃ | ᠵᠢᠯᠤᠭᠤᠴᠢ ᠦᠭᠡᠢ ᠨᠢᠰᠬᠡᠯ ᠨᠢ ᠮᠠᠯᠴᠢᠳ ᠲᠤ ᠡᠶᠢᠮᠤ ᠶᠡᠭᠡ ᠲᠤᠰᠠ ᠪᠤᠯᠵᠤ ᠪᠠᠶᠢᠭᠠ ᠰᠤᠷᠠᠭ ᠠᠮᠠ ᠠᠴᠠ | ᠠᠮᠠ ᠳᠠᠮᠵᠢᠭᠳᠠᠨ ᠶᠠᠷᠢᠭᠳᠠᠬᠤ ᠳᠤ ᠨᠡᠩ ᠤᠯᠠᠨ ᠬᠦᠮᠦᠨ ᠡᠭᠦᠨ ᠢ ᠠᠪᠴᠤ ᠮᠠᠯᠵᠢᠬᠤ ᠦᠢᠯᠡᠳᠪᠦᠷᠢᠯᠡᠯ | ᠲᠡᠭᠡᠷᠡ ᠪᠠᠨ ᠠᠰᠢᠭᠯᠠᠵᠤ ᠬᠦᠳᠡᠯᠮᠦᠷᠢ ᠬᠦᠴᠦ᠂ ᠴᠠᠭ ᠤᠨ ᠲᠠᠯᠠ ᠪᠠᠷ ᠭᠠᠮᠲᠠᠢ ᠪᠤᠯᠤᠭᠰᠠᠨ ᠪᠦᠭᠡᠳ ᠡᠭᠦᠨ ᠠᠴᠠ | ᠰᠡᠲᠡᠯᠲᠡ ᠠᠪᠴᠤ ᠵᠢᠯᠤᠭᠤᠴᠢ ᠦᠭᠡᠢ ᠨᠢᠰᠬᠡᠯ ᠢ ᠲᠠᠷᠢᠶᠠᠯᠠᠩ ᠳᠤ ᠠᠰᠢᠭᠯᠠᠵᠤ ᠡᠬᠢᠯᠡᠭᠰᠡᠨ ᠪᠠᠶᠢᠨᠠ᠃ | ᠰᠦᠯᠳᠡ ᠰᠤᠮᠤᠨ ᠤ ᠲᠡᠯᠠ ᠶᠢᠨ ᠤᠰᠤ ᠭᠠᠴᠠᠭᠠᠨ ᠤ ᠮᠠᠯᠴᠢᠨ ᠬᠤᠷᠸᠠ ᠦᠪᠦᠷ ᠮᠤᠩᠭᠤᠯ ᠤᠨ ᠶᠡᠭᠡ | ᠰᠤᠷᠭᠠᠭᠤᠯᠢ ᠠᠴᠠ ᠲᠡᠭᠦᠰᠦᠭᠡᠳ ᠨᠤᠲᠤᠭ ᠲᠠᠭᠠᠨ ᠪᠤᠴᠠᠵᠤ ᠰᠢᠨᠡ ᠴᠠᠭ ᠤᠨ ᠵᠠᠯᠠᠭᠤ ᠮᠠᠯᠴᠢᠨ ᠪᠤᠯᠤᠭᠠᠳ ᠬᠡᠳᠦᠨ | ᠵᠢᠯ ᠪᠤᠯᠵᠤ ᠪᠤᠢ᠃ ᠲᠡᠷᠡ ᠵᠢᠯᠤᠭᠤᠴᠢ ᠦᠭᠡᠢ ᠨᠢᠰᠬᠡᠯ ᠢ ᠠᠩᠬᠠ 2015 ᠤᠨ ᠳᠤ ᠠᠪᠴᠢᠷᠠᠵᠤ ᠮᠠᠯ ᠬᠠᠷᠠᠳᠠᠭ | ᠪᠠᠶᠢᠭᠰᠠᠨ ᠢᠶᠠᠨ 2018 ᠤᠨ ᠳᠤ 3 ᠰᠠᠭᠤᠷᠢ ᠲᠠᠷᠢᠶᠠᠨ ᠳᠤ ᠡᠮ ᠰᠦᠷᠴᠢᠳᠡᠭ ᠵᠢᠯᠤᠭᠤᠴᠢ ᠦᠭᠡᠢ ᠨᠢᠰᠬᠡᠯ | ᠬᠤᠳᠠᠯᠳᠤᠨ ᠠᠪᠤᠭᠰᠠᠨ ᠪᠠᠶᠢᠨᠠ᠃ ᠬᠡᠪᠡᠴᠤ ᠡᠨᠡ ᠭᠤᠷᠪᠠᠨ ᠰᠠᠭᠤᠷᠢ ᠨᠢᠰᠬᠡᠯ ᠨᠢ ᠵᠠᠷᠢᠮ ᠳᠠᠭᠠᠨ | ᠬᠡᠷᠡᠭᠴᠡᠭᠡ ᠶᠢ ᠨᠢ ᠬᠠᠨᠭ᠍ᠭᠠᠵᠤ ᠲᠡᠶᠢᠯᠬᠦ ᠦᠭᠡᠢ ᠪᠤᠯᠬᠤᠷ ᠨᠢᠬᠡ ᠶᠢ ᠨᠢ ᠪᠤᠰᠤᠳ ᠲᠤ ᠬᠤᠳᠠᠯᠳᠤᠭᠠᠳ ᠨᠦᠬᠦᠭᠡ | ᠬᠤᠶᠠᠷ ᠢ ᠨᠢ ᠦᠯᠡᠳᠡᠬᠡᠵᠤ ᠬᠡᠰᠡᠭ ᠦᠶᠡ ᠳᠡᠭᠡᠨ ᠬᠡᠷᠡᠭᠯᠡᠵᠤ ᠪᠠᠶᠢᠪᠠ᠃ ᠡᠨᠡ ᠵᠢᠯ ᠲᠡᠷᠡ ᠪᠤᠰᠤᠳ ᠲᠠᠢ ᠬᠠᠮᠲᠤᠷᠠᠨ | ᠬᠡᠷᠡᠭᠴᠡᠭᠡ ᠴᠢᠳᠠᠪᠤᠷᠢ ᠨᠢ ᠨᠡᠩ ᠰᠠᠶᠢᠨ ᠨᠢᠰᠬᠡᠯ ᠢ 6 ᠲᠦᠮᠡᠨ ᠲᠦᠬᠦᠷᠢᠭ ᠢᠶᠠᠷ ᠬᠤᠳᠠᠯᠳᠤᠨ ᠠᠪᠴᠢᠷᠠᠯᠠ᠃ | ᠬᠤᠷᠸᠠ ᠶᠢᠨ ᠲᠠᠨᠢᠯᠴᠠᠭᠤᠯᠬᠤ ᠪᠠᠷ ᠡᠨᠡ ᠬᠦ ᠵᠢᠯᠤᠭᠤᠴᠢ ᠦᠭᠡᠢ ᠨᠢᠰᠬᠡᠯ ᠨᠢ 20 ᠵᠢᠩ ᠤᠨ ᠲᠠᠷᠢᠶᠠᠨ ᠡᠮ ᠢ | ᠰᠠᠪᠠᠯᠠᠭᠠᠳ ᠨᠢᠰᠴᠤ ᠲᠡᠶᠢᠯᠬᠦ ᠪᠦᠭᠡᠳ ᠨᠢᠬᠡ ᠤᠳᠠᠭᠠ ᠨᠢᠰᠬᠦ ᠳᠤ 7 — 8 ᠮᠦ ᠲᠠᠷᠢᠶᠠᠨ ᠳᠤ ᠡᠮ ᠰᠦᠷᠴᠢᠬᠦ | ᠠᠵᠢᠯ ᠢ ᠬᠦᠢᠴᠡᠳᠬᠡᠵᠤ ᠳᠡᠶᠢᠯᠳᠡᠭ᠃ ᠴᠠᠬᠢᠯᠭᠠᠨ ᠴᠡᠨᠡᠭ ᠨᠢ 8 ᠬᠡᠰᠡᠭ ᠪᠠᠶᠢᠵᠤ᠂ ᠨᠢᠬᠡ ᠬᠡᠰᠡᠭ ᠨᠢ ᠠᠷᠪᠠᠭᠠᠳ | ᠮᠢᠨᠦ᠋ᠲ ᠨᠢᠰᠬᠡᠳᠡᠭ ᠪᠤᠯᠬᠤᠷ ᠨᠢᠬᠡ ᠴᠠᠭ ᠲᠤ 50 ᠮᠦ ᠭᠠᠵᠠᠷ ᠲᠤ ᠠᠵᠢᠯᠯᠠᠵᠤ ᠴᠢᠳᠠᠳᠠᠭ ᠠᠵᠢ᠃ ᠡᠭᠦᠨ ᠢ | ᠬᠠᠷᠢᠴᠠᠭᠤᠯᠵᠤ ᠦᠵᠡᠪᠡᠯ ᠵᠢᠯᠤᠭᠤᠴᠢ ᠦᠭᠡᠢ ᠨᠢᠰᠬᠡᠯ ᠨᠢ ᠢᠵᠢᠯᠢ ᠴᠠᠭ᠂ ᠢᠵᠢᠯᠢ ᠤᠷᠤᠨ ᠳᠤ ᠪᠠᠷᠤᠭ 40 | ᠬᠦᠮᠦᠨ ᠤ ᠬᠦᠴᠦ ᠪᠠ 5 ᠲᠷᠠᠺᠲ᠋ᠤᠷ ᠤᠨ ᠠᠵᠢᠯᠯᠠᠬᠤ ᠴᠢᠳᠠᠪᠤᠷᠢ ᠲᠠᠢ ᠲᠡᠩᠴᠡᠨᠡ᠃ | ︽ᠤᠳᠤ ᠤᠳᠠᠯ ᠦᠭᠡᠢ ᠲᠠᠷᠢᠶᠠᠨ ᠡᠪᠡᠰᠦ ᠠᠷᠢᠯᠭᠠᠬᠤ ᠴᠠᠭ ᠪᠤᠯᠴᠢᠬᠠᠨᠠ᠂ ᠲᠡᠭᠡᠪᠡᠯ ᠮᠠᠨ ᠤ ᠡᠨᠡ | ᠵᠢᠯᠤᠭᠤᠴᠢ ᠦᠭᠡᠢ ᠨᠢᠰᠬᠡᠯ ᠡᠨᠡ ᠵᠢᠯ ᠪᠠᠷᠤᠭ 3000 ᠮᠦ ᠲᠠᠷᠢᠶᠠᠨ ᠳᠤ ᠠᠵᠢᠯ ᠬᠢᠨᠡ᠃ ᠡᠭᠦᠨ ᠠᠴᠠ ᠭᠠᠳᠠᠨᠠ | ᠵᠤᠨ ᠴᠠᠭ ᠬᠤᠷᠤᠬᠠᠢ ᠶᠢᠨ ᠭᠠᠮᠰᠢᠭ ᠢᠷᠡᠪᠡᠯ ᠬᠤᠷᠤᠬᠠᠢ ᠠᠷᠢᠯᠭᠠᠬᠤ ᠠᠵᠢᠯ ᠬᠢᠨᠡ᠃ ᠵᠢᠯᠤᠭᠤᠴᠢ ᠦᠭᠡᠢ | ᠨᠢᠰᠬᠡᠯ ᠤᠨ ᠬᠦᠴᠦ ᠴᠢᠳᠠᠯ ᠨᠢ ᠡᠳᠦ᠋ᠢᠬᠡᠨ ᠢᠶᠠᠷ ᠵᠤᠭᠰᠤᠬᠤ ᠦᠭᠡᠢ᠂ ᠬᠤᠵᠢᠮ ᠪᠠᠰᠠ ᠮᠠᠯ ᠲᠠᠷᠢᠶᠠᠯᠠᠩ ᠲᠡᠭᠡᠷᠡ | ᠡᠯᠳᠡᠪ ᠬᠡᠷᠡᠭᠴᠡᠭᠡ ᠪᠠᠷ ᠠᠰᠢᠭᠯᠠᠭᠳᠠᠬᠤ ᠪᠤᠯᠤᠮᠵᠢ ᠲᠠᠢ᠃ ᠢᠡᠭᠭᠢᠭᠦᠯᠡᠷ ᠪᠢᠳᠠ ᠰᠢᠨᠡ ᠴᠠᠭ ᠤᠨ ᠮᠠᠯᠴᠢᠨ | ᠪᠤᠯᠤᠭᠰᠠᠨ ᠤ ᠬᠤᠪᠢ ᠳᠤ ᠡᠭᠦᠨ ᠢ ᠪᠠᠨ ᠢᠮᠠᠭᠲᠠ ᠲᠡᠬᠦᠯᠳᠡᠷᠵᠢᠬᠦᠯᠵᠤ᠂ ᠰᠢᠨᠵᠢᠯᠡᠭᠡ ᠮᠡᠷᠬᠡᠵᠢᠯ ᠤᠨ ᠲᠦᠬᠦᠮ | ᠲᠦᠳᠡ ᠶᠢ ᠠᠰᠢᠭᠯᠠᠵᠤ᠂ ᠭᠠᠭᠴᠠ ᠬᠤᠶᠠᠷ ᠠᠶᠢᠯ ᠡᠷᠦᠬᠡ ᠪᠢᠰᠢ ᠬᠠᠷᠢᠨ ᠪᠦᠬᠦ ᠭᠠᠴᠠᠭᠠ ᠰᠤᠮᠤ ᠶᠢᠨ ᠮᠠᠯᠴᠢᠳ | ᠡᠭᠦᠨ ᠠᠴᠠ ᠠᠰᠢᠭ ᠬᠦᠷᠳᠡᠵᠤ᠂ ᠴᠢᠨᠡᠬᠡᠯᠢᠭ ᠨᠡᠶᠢᠬᠡᠮ ᠳᠤ ᠬᠠᠮᠲᠤ ᠪᠠᠷ ᠲᠠᠪᠰᠢᠨ ᠤᠷᠤᠬᠤ ᠨᠢ ᠵᠦᠢᠲᠡᠢ︾ ᠬᠡᠮᠡᠨ | ᠬᠤᠷᠸᠠ ᠰᠤᠷᠪᠤᠯᠵᠢᠯᠠᠭᠴᠢ ᠳᠤ ᠶᠠᠷᠢᠯᠠ᠃ |