| | | | | 5 ᠰᠠᠷᠠ ᠶᠢᠨ 16 ᠤ ᠡᠳᠦᠷ᠂ ᠦᠤᠰᠢᠨ ᠬᠤᠰᠢᠭᠤᠨ ᠤ ᠦᠤᠰᠢᠨᠵᠤᠤ ᠪᠠᠯᠭᠠᠰᠤ ᠶᠢᠨ ᠪᠦᠷᠢᠳᠤ | ᠭᠠᠴᠠᠭᠠᠨ ᠤ ᠮᠠᠯᠴᠢᠨ ᠵᠢᠷᠭᠠᠯᠳᠤ ᠶᠢᠨ ᠬᠢᠨ ᠳᠤ ᠰᠤᠷᠪᠤᠯᠵᠢᠯᠠᠬᠤ ᠪᠠᠷ ᠬᠦᠷᠬᠦ ᠳᠤ᠂ ᠳᠡᠷᠡ ᠶᠠᠭ ᠡᠯᠡᠰᠤ ᠲᠦᠯᠬᠢᠬᠦ | ᠤᠳᠬᠤᠭᠤᠷ ᠮᠠᠰᠢᠨ ᠢᠶᠠᠨ ᠵᠢᠯᠤᠭᠤᠳᠤᠨ ᠬᠡᠷ ᠵᠦᠭ ᠢᠶᠠᠨ ᠳᠠᠪᠬᠢᠭᠤᠯᠵᠤ ᠢᠷᠡᠬᠦ ᠲᠠᠢ ᠲᠠᠭᠠᠷᠠᠯᠳᠤᠯᠡ᠃ ᠲᠡᠷᠡ | ᠡᠷᠳᠡ ᠶᠢᠨ 5 ᠴᠠᠭ ᠤᠨ ᠦᠶᠡ ᠪᠠᠷ ᠪᠡᠯᠴᠢᠬᠡᠷ ᠲᠠᠬᠢ ᠵᠠᠮ ᠳᠠᠷᠤᠭᠰᠠᠨ ᠡᠯᠡᠰᠦ ᠶᠢ ᠵᠠᠰᠠᠬᠤ ᠪᠠᠷ ᠭᠠᠷᠤᠭᠠᠳ ᠰᠠᠶ᠋ᠢ | ᠪᠤᠴᠠᠵᠤ ᠢᠷᠡᠵᠦ ᠪᠠᠶᠢᠭᠠ ᠨᠢ ᠡᠨᠡ ᠠᠵᠢ᠃ ᠵᠢᠷᠭᠠᠯᠳᠤ ︽ᠵᠠ ᠠᠮᠤᠷ︾ ᠬᠡᠵᠦ ᠮᠡᠨᠳᠦᠴᠢᠯᠡᠬᠦ ᠵᠠᠭᠤᠷᠠ ᠪᠠᠨ ︽ | ᠮᠠᠯᠴᠢᠨ ᠬᠦᠮᠦᠨ ᠬᠡᠳᠡᠭ ᠴᠢᠨᠢ ᠦᠷ ᠤᠨ ᠬᠡᠬᠡ ᠪᠠᠷ ᠪᠤᠰᠴᠤ ᠦᠳᠡᠰᠢ ᠶᠢᠨ ᠪᠦᠷᠦᠢ ᠪᠤᠯᠳᠠᠯᠠ ᠮᠠᠯ ᠤᠨᠤᠭᠠ ᠪᠠᠨ | ᠳᠤᠳᠤᠮᠳᠠᠵᠤ᠂ ᠬᠤᠪᠢᠳᠠᠵᠤ ᠳᠠᠭᠠᠭᠠᠴᠢᠯᠠᠭᠰᠠᠨ ᠪᠡᠯᠴᠢᠬᠡᠷ ᠮᠠᠩᠬᠠ ᠪᠠᠨ ᠨᠤᠭᠤᠭᠠᠷᠠᠭᠤᠯᠤᠨᠠ ᠬᠡᠵᠦ ᠵᠢᠯ ᠤᠨ | ᠲᠦᠷᠪᠡᠨ ᠤᠯᠠᠷᠢᠯ ᠢᠶᠠᠷ ᠨᠤᠴᠤᠯᠳᠤᠭᠠᠳ ᠳᠠᠭᠠᠷᠠᠴᠢᠬᠠᠨᠠ︾ ᠬᠡᠵᠦ ᠶᠠᠷᠢᠬᠤ ᠶᠢᠨ ᠳᠠᠭᠠᠤ ᠪᠢᠳᠡᠨ ᠢ ᠬᠡᠷ ᠲᠡᠭᠡᠨ | ᠤᠷᠢᠪᠠ᠃ | ᠵᠢᠷᠭᠠᠯᠳᠤ ᠶᠢᠨ ᠭᠡᠷ ᠲᠤᠨᠢ ᠰᠢᠨᠡ ᠴᠠᠭ ᠤᠨ ᠡᠳ᠋ᠯᠡᠯ ᠬᠡᠷᠡᠭᠰᠡᠯ ᠪᠦᠷᠢᠨ ᠪᠠᠶᠢᠵᠤ᠂ ᠵᠤᠴᠢᠳ ᠤᠨ ᠦᠷᠦᠬᠡᠨ ᠤ | ᠠᠷᠤ ᠬᠠᠨᠠ ᠳᠠᠭᠠᠨ ᠬᠦᠬᠡ ᠳᠤᠷᠭᠠᠨ ᠳᠡᠬᠡᠷᠡ ᠤᠷᠠᠯᠠᠵᠤ ᠬᠠᠳᠬᠤᠭᠰᠠᠠ ︽ᠡᠵᠡᠨ ᠰᠠᠩ︾ ᠡᠯᠭᠦᠵᠦ᠂ ᠵᠠᠬᠦᠨ | ᠪᠠᠷᠠᠭᠤᠨ ᠬᠠᠨᠠ ᠳᠠᠭᠠᠨ ᠮᠤᠩᠭᠤᠯ ᠨᠤᠳᠤᠭ ᠤᠨ ᠭᠤᠶᠤ ᠰᠠᠶᠢᠬᠠᠨ ᠦᠵᠡᠮᠵᠢ ᠵᠢᠷᠤᠭ ᠡᠯᠬᠦᠵᠦ᠂ ᠬᠤᠳᠠ | ᠭᠠᠵᠠᠷ ᠤᠨ ᠠᠰᠠᠷ ᠲᠠᠭᠳᠤ ᠠᠴᠠ ᠳᠤᠤᠷᠠᠳᠠᠬᠤ ᠦᠬᠡᠢ ᠭᠤᠶᠤ ᠰᠠᠶᠢᠬᠠᠨ ᠴᠢᠮᠡᠭᠯᠡᠨ ᠵᠠᠰᠠᠭᠰᠠᠨ ᠪᠠᠶᠢᠯᠠ᠃ | ᠵᠢᠷᠭᠠᠯᠳᠤ ᠴᠠᠢ ᠠᠶᠠᠭᠠᠯᠠᠬᠤ ᠵᠠᠭᠤᠷᠠ ᠪᠠᠨ᠄ ︽ᠡᠨᠡ ᠪᠠᠶᠢᠰᠢᠩ ᠢ ᠨᠢᠳᠤᠨᠤᠨ ᠪᠠᠷᠢᠭᠰᠠᠨ᠂ ᠪᠦᠬᠦᠳᠡ ᠶᠢ ᠵᠠᠰᠠᠵᠤ | ᠴᠢᠮᠡᠭᠯᠡᠵᠤ ᠳᠠᠭᠤᠰᠳᠠᠯᠠ 40 ᠭᠠᠷᠤᠢ ᠲᠦᠮᠡᠨ ᠲᠦᠬᠦᠷᠢᠭ ᠵᠠᠷᠤᠴᠢᠬᠠᠯᠠ᠂ ᠨᠤᠳᠤᠭ ᠤᠨ ᠪᠤᠶᠠᠨ ᠢᠶᠠᠷ ᠯᠡ ᠡᠨᠡ | ᠰᠠᠶᠢᠬᠠᠨ ᠵᠢᠷᠭᠠᠯᠳᠤ ᠠᠮᠢᠳᠤᠷᠠᠯ ᠢ ᠡᠳ᠋ᠯᠡᠵᠦ ᠪᠠᠶᠢᠨᠠ ᠰᠢᠤ︾ ᠬᠡᠵᠦ ᠰᠡᠳᠬᠢᠯ ᠬᠠᠩᠬᠤᠯᠤᠭᠤᠨ ᠶᠠᠷᠢᠨᠠ᠃ | ᠮᠠᠯᠴᠢᠨ ᠬᠦᠮᠦᠨ ᠤ ᠵᠢᠷᠭᠠᠯᠳᠤ ᠠᠮᠢᠳᠤᠷᠠᠯ ᠬᠡᠭᠴᠢ ᠲᠡᠳᠡᠨ ᠤ ᠤᠶᠤᠨ ᠤᠬᠠᠭᠠᠨ ᠪᠠ ᠠᠵᠢᠯᠴᠢ | ᠬᠦᠳᠡᠯᠮᠦᠷᠢᠴᠢ ᠬᠤᠶᠠᠷ ᠭᠠᠷ ᠢᠶᠠᠷ ᠪᠦᠳᠦᠬᠡᠭᠳᠡᠳᠡᠭ ᠤᠴᠢᠷᠳᠠᠢ᠃ ᠬᠦᠳᠡᠯᠮᠦᠷᠢ ᠪᠠᠷ ᠢᠶᠠᠨ ᠬᠦᠰᠡᠯ ᠵᠤᠷᠢᠯᠳᠠ ᠪᠠᠨ | ᠪᠡᠶᠡᠯᠡᠬᠦᠯᠬᠦ ᠨᠢ ᠵᠢᠷᠭᠠᠯᠳᠤ ᠶᠢᠨ 30 ᠭᠠᠷᠤᠢ ᠵᠢᠯ ᠡᠯᠡᠰᠦ ᠮᠠᠩᠬᠠ ᠲᠠᠢ ᠬᠤᠪᠢ ᠵᠠᠶᠠᠭᠠ ᠪᠠᠨ ᠬᠤᠯᠪᠤᠵᠤ | ᠶᠠᠪᠤᠬᠤ ᠶᠢᠨ ᠬᠢᠨᠢ ᠡᠷᠴᠢ ᠬᠦᠴᠦᠨ ᠨᠢ ᠪᠤᠯᠵᠤ ᠪᠠᠶᠢᠭᠰᠠᠨ ᠪᠤᠯ ᠳᠡᠬᠦᠨ ᠤ ᠦᠨᠦᠳᠦᠷ ᠤᠨ ᠴᠢᠨᠡᠬᠡᠯᠢᠭ | ᠠᠮᠢᠳᠤᠷᠠᠯ ᠨᠢ ᠨᠤᠳᠤᠭ ᠢᠶᠠᠨ ᠨᠤᠭᠤᠭᠠᠷᠠᠭᠤᠯᠬᠤ ᠪᠠᠷ ᠳᠡᠮᠡᠴᠡᠭᠰᠡᠨ ᠵᠢᠳᠬᠦᠯ ᠴᠢᠷᠮᠠᠶᠢᠯᠭᠠ ᠶᠢᠨ ᠬᠢᠨᠢ ᠦᠷᠡ ᠳ᠋ᠦᠩ | ᠪᠢᠯᠡ᠃ | ᠵᠢᠷᠭᠠᠯᠳᠤ ᠶᠢᠨ ᠬᠢᠨ ᠪᠦᠷᠢᠳᠤ ᠭᠠᠴᠠᠭᠠᠨ ᠤ ᠪᠠᠶᠢᠰᠢᠩ ᠤᠨ ᠬᠤᠭᠤᠯᠠᠢ ᠬᠡᠳᠡᠭ ᠭᠠᠵᠠᠷ ᠲᠤ ᠰᠠᠭᠤᠳᠠᠭ᠃ | ᠪᠡᠯᠴᠢᠬᠡᠷ ᠢ ᠡᠷᠦᠬᠡ ᠳᠤ ᠳᠠᠭᠠᠭᠠᠴᠢᠯᠠᠭᠤᠯᠬᠤ ᠦᠶᠠ ᠳᠤ ᠡᠳᠡᠨ ᠤ ᠬᠢᠨ 12000 ᠭᠠᠷᠤᠢ ᠮᠦ ᠪᠡᠯᠴᠢᠬᠡᠷ | ᠬᠤᠪᠢᠳᠠᠨ ᠤᠯᠵᠤ᠂ ᠡᠬᠦᠨ ᠳᠤ ᠨᠤᠭᠤᠭᠠᠨ ᠰᠢᠯᠢ ᠭᠠᠵᠠᠷ ᠨᠢ 600 ᠮᠦ ᠯᠡ ᠪᠠᠶᠢᠵᠤ᠂ ᠪᠤᠰᠤᠳ ᠨᠢ ᠪᠦᠷ | ᠬᠦᠯᠢᠬᠡᠷ ᠴᠠᠭᠠᠨ ᠮᠠᠩᠬᠠ ᠪᠠᠶᠢᠯ ᠠ᠃ ︽ᠡᠨᠡ ᠨᠤᠳᠤᠭ ᠤᠨ ᠡᠯᠡᠰᠦ ᠶᠢ ᠳᠤᠭᠳᠠᠪᠤᠷᠢᠵᠢᠭᠤᠯᠵᠤ ᠨᠤᠭᠤᠭᠠᠷᠠᠭᠤᠯᠵᠤ | ᠠᠪᠳᠠᠯᠠ ᠪᠠᠨ ᠬᠡᠷᠬᠡᠢ ᠲᠠᠢ ᠪᠠᠨ ᠬᠤᠶᠠᠭᠤᠯᠠ ᠶᠠᠭ 37 ᠵᠢᠯ ᠳᠡᠮᠡᠴᠡᠯᠡ᠃ ᠨᠠᠮᠠ ᠶᠢ ᠲᠦᠬᠦᠬᠡ ᠤᠷᠤᠬᠤ ᠦᠶᠠ ᠳᠤ | ᠡᠨᠡ ᠭᠠᠵᠠᠷ ᠰᠦᠷᠡᠬᠡᠢ ᠵᠠᠭ ᠲᠠᠢ ᠭᠠᠵᠠᠷ ᠪᠠᠶᠢᠭᠰᠠᠨ᠃ ᠠᠷᠪᠠᠨ ᠳᠤᠯᠤᠭᠠ ᠨᠠᠶᠢᠮᠠ ᠬᠦᠷᠬᠦ ᠦᠶᠡ ᠳᠤ ᠨᠡᠯᠦᠬᠡᠷ | ᠮᠠᠩᠬᠠ ᠪᠤᠯᠵᠤ᠂ ᠰᠠᠭᠤᠵᠤ ᠪᠠᠶᠢᠭᠰᠠᠨ ᠰᠢᠪᠠᠷ ᠮᠤᠳᠤᠨ ᠪᠠᠶᠢᠰᠢᠩ᠂ ᠬᠤᠨᠢᠨ ᠬᠤᠷᠤᠭᠠ ᠶᠢ ᠡᠯᠡᠰᠦ ᠳᠠᠷᠤᠵᠤ᠂ | ᠡᠬᠦᠳᠡ ᠪᠠᠨ ᠨᠡᠬᠡᠬᠡᠵᠦ ᠴᠤ ᠳᠡᠶᠢᠯᠬᠦ ᠦᠬᠡᠢ ᠬᠡᠮᠵᠢᠶᠡᠨ ᠳᠤ ᠬᠦᠷᠴᠡᠢ᠃ ᠳᠡᠬᠡᠬᠡᠳ ᠮᠠᠩᠬᠠ ᠶᠢ | ᠳᠤᠭᠳᠠᠪᠤᠷᠢᠵᠢᠭᠤᠯᠬᠤ ᠠᠷᠭᠠ ᠪᠤᠳᠤᠬᠤ ᠦᠬᠡᠢ ᠤᠤ᠂ ᠬᠡᠷ ᠬᠤᠷᠤᠭᠠ ᠳᠠᠭᠠᠨ ᠨᠦᠮᠦᠷᠢ ᠴᠤ ᠭᠠᠷᠭᠠᠬᠤ ᠶᠢ ᠪᠤᠳᠤᠯ | ᠳ᠋ᠠ ᠬᠡᠬᠦ ᠡᠵᠢ ᠶᠢᠨ ᠢᠶᠠᠨ ᠵᠠᠬᠢᠶᠠ ᠪᠠᠷ ᠬᠡᠷ ᠤᠨ ᠠᠷᠤ ᠶᠢᠨ ᠮᠠᠩᠬᠠ ᠪᠠᠨ ᠳᠤᠭᠳᠠᠪᠤᠷᠢᠵᠢᠭᠤᠯᠬᠤ ᠪᠠᠷ ᠰᠢᠪᠠᠭ ᠤᠨ | ᠮᠤᠳᠤ ᠳᠠᠷᠢᠵᠤ ᠡᠬᠢᠯᠡᠭᠰᠡᠨ︾ ᠬᠡᠵᠦ ᠵᠢᠷᠭᠠᠯᠳᠤ ᠡᠷᠬᠢᠴᠡᠬᠦᠯᠬᠦ ᠶᠢᠨ ᠲᠠᠭᠠᠤ ᠤᠳᠤ ᠴᠢᠨᠢ ᠨᠤᠳᠤᠭ ᠤᠨ ᠢᠶᠠᠨ | 80% ᠶᠢ ᠨᠤᠭᠤᠭᠠᠷᠠᠭᠤᠯᠤᠭᠠᠳ ᠠᠪᠴᠢᠬᠠᠯᠠ ᠬᠡᠵᠦ ᠰᠡᠳᠬᠢᠯ ᠳᠡᠨᠢᠬᠦᠨ ᠬᠡᠯᠡᠵᠤ ᠪᠠᠶᠢᠯᠠ᠃ | ᠬᠠᠮᠠᠷ ᠬᠠᠳᠬᠤᠬᠤ ᠡᠪᠡᠰᠦ ᠦᠬᠡᠢ ᠭᠦᠶᠦᠳᠡᠯ ᠮᠠᠩᠬᠠᠨ ᠳᠤ ᠮᠤᠳᠤ ᠵᠠᠶᠢᠯᠠᠵᠤ ᠳᠤᠭᠳᠠᠪᠤᠷᠢᠵᠢᠭᠤᠯᠵᠤ ᠠᠪᠬᠤ | ᠬᠡᠭᠴᠢ ᠬᠦᠮᠦᠰ ᠤᠨ ᠵᠤᠷᠢᠭ ᠰᠦᠰᠦᠨ ᠤ ᠶᠡᠭᠡ ᠰᠤᠷᠢᠭᠠ ᠪᠠᠶᠢᠵᠠᠢ᠃ ᠵᠢᠷᠭᠠᠯᠳᠤ ᠬᠡᠷ ᠤᠨ ᠠᠷᠤ ᠶᠢᠨ ᠮᠠᠩᠬᠠ ᠪᠠᠨ | ᠳᠠᠷᠢᠵᠤ ᠳᠤᠭᠳᠠᠪᠤᠷᠢᠵᠢᠭᠤᠯᠬᠤ ᠳᠤ ᠲᠦᠷᠪᠡ ᠳᠠᠪᠤᠨ ᠵᠢᠯ ᠨᠤᠴᠤᠯᠳᠤᠵᠤ᠂ ᠴᠤᠬᠤᠮ ᠦᠢᠯᠡ ᠪᠠᠨ ᠦᠵᠡᠵᠦ | ᠦᠰᠦ ᠪᠠᠨ ᠳᠡᠬᠦᠭᠰᠡᠨ ᠶᠤᠮ ᠪᠠᠶᠢᠵᠠᠢ᠃ ᠨᠠᠶᠠᠭᠠᠳ ᠤᠨ ᠳᠤ ᠬᠡᠷ ᠨᠤᠳᠤᠭ ᠢᠶᠠᠨ ᠬᠠᠮᠠᠭᠠᠯᠠᠬᠤ ᠶᠢᠨ ᠲᠦᠯᠦᠬᠡ᠂ 6 | ᠭᠠᠵᠠᠷ ᠤᠨ ᠬᠤᠯᠠ ᠤᠳᠤᠷ ᠤᠨ ᠰᠢᠪᠠᠭ ᠬᠡᠬᠦ ᠭᠠᠵᠠᠷ ᠠᠴᠠ ᠬᠡᠷᠬᠡᠢ ᠲᠠᠢ ᠪᠠᠨ ᠬᠤᠶᠠᠭᠤᠯᠠ ᠰᠢᠪᠠᠭ ᠡᠬᠦᠷᠴᠦ | ᠢᠷᠡᠵᠦ ᠳᠠᠷᠢᠵᠤ ᠪᠠᠶᠢᠭᠰᠠᠨ ᠬᠡᠨᠡ᠃ ᠵᠢᠯ ᠳᠤᠵᠢ ᠮᠤᠩᠭᠠᠨᠢᠭᠠᠳ ᠨᠢᠬᠡ ᠤᠪᠤᠭᠠ ᠮᠠᠩᠬᠠ ᠶᠢ ᠳᠠᠷᠢᠭᠠᠳ | ᠳᠠᠭᠤᠰᠬᠤ ᠳᠤ᠂ ᠳᠠᠬᠢᠭᠠᠳ ᠨᠢᠬᠡ ᠵᠢᠯ ᠰᠠᠯᠬᠢᠯᠠᠪᠠᠯ ᠡᠯᠡᠰᠦᠨ ᠳᠤ ᠳᠠᠷᠤᠭᠳᠠᠴᠢᠬᠠᠨᠠ᠃ ᠭᠦᠶᠦᠳᠡᠯ ᠮᠠᠩᠬᠠ | ᠪᠡᠯᠴᠢᠬᠡᠷ ᠢ ᠳᠠᠷᠤᠵᠤ ᠪᠠᠶᠢᠨᠠ ᠬᠡᠳ ᠰᠠᠨᠳᠤᠷᠬᠤ ᠳᠠᠭᠠᠨ ᠮᠠᠩᠬᠠᠨ ᠤᠷᠤᠢ ᠠᠴᠠ ᠨᠢ ᠰᠢᠪᠠᠭ ᠳᠠᠷᠢᠵᠤ ᠦᠵᠡᠯᠡ᠂ | ᠮᠠᠩᠬᠠᠨ ᠪᠠᠯ᠂ ᠮᠠᠩᠬᠠᠨ ᠠᠷᠤ ᠠᠴᠠ ᠳᠠᠷᠢᠵᠤ ᠦᠵᠡᠭᠰᠡᠨ ᠴᠤ ᠪᠦᠷ ᠪᠦᠲᠦᠭᠰᠡᠨ ᠦᠬᠡᠢ ᠪᠠᠶᠢᠵᠤ᠂ ᠰᠡᠬᠦᠯᠡᠷ ᠨᠢ | ᠠᠬᠢᠨ ᠲᠠᠪᠳᠠᠨ ᠪᠤᠳᠤᠯᠬᠢᠯᠠᠵᠤ᠂ ᠲᠤᠷᠰᠢᠨ ᠬᠢᠭᠰᠡᠬᠡᠷ ᠪᠠᠶᠢᠵᠤ᠂ ᠪᠡᠯᠴᠢᠬᠡᠷ ᠤᠨ ᠬᠤᠶᠠᠷ ᠬᠦᠪᠡᠭᠡ ᠠᠴᠠ ᠨᠢ | ᠳᠤᠷᠰᠢᠵᠤ ᠳᠠᠷᠢᠭᠰᠠᠨ ᠨᠢ ᠲᠤᠩ ᠪᠦᠲᠦᠮᠵᠢᠳᠡᠢ ᠪᠤᠯᠤᠭᠰᠠᠨ ᠬᠡᠨᠡ᠃ | ᠨᠤᠭᠤᠷᠢᠯ ᠪᠦᠳᠦᠷᠢᠯ ᠪᠠ ᠬᠠᠶᠢᠨ ᠰᠦᠪᠡᠭᠴᠢᠯᠡᠯᠳᠡ ᠳᠤᠮᠳᠠ ᠵᠢᠷᠭᠠᠯᠳᠤ ᠶᠢᠨ ᠨᠤᠳᠤᠭ ᠢᠶᠠᠨ | ᠨᠤᠭᠤᠭᠠᠷᠠᠭᠤᠯᠬᠤ᠂ ᠡᠯᠡᠰᠦ ᠲᠠᠢ ᠳᠡᠮᠡᠴᠡᠬᠦ ᠠᠵᠢᠯ ᠦᠷᠬᠦᠯᠵᠢᠯᠡᠭᠰᠡᠬᠡᠷ ᠪᠠᠶᠢᠯᠠ᠃ ᠡᠯᠡᠰᠦᠨ ᠳᠤ ᠪᠤᠷᠭᠠᠰᠤ | ᠳᠠᠷᠢᠬᠤ ᠨᠢ ᠶᠡᠭᠡ ᠵᠦᠬᠡᠷ ᠬᠡᠰᠡᠨ ᠢ ᠪᠤᠰᠤᠳ ᠠᠴᠠ ᠰᠤᠨᠤᠰᠴᠤ᠂ ᠭᠤᠴᠢᠨ ᠭᠠᠵᠠᠷ ᠤᠨ ᠬᠤᠯᠠ ᠠᠴᠠ ᠪᠤᠷᠭᠠᠰᠤ | ᠠᠪᠴᠢᠷᠠᠵᠤ ᠳᠠᠷᠢᠬᠤ ᠬᠡᠮᠡᠨ ᠡᠯᠵᠢᠬᠡ ᠬᠤᠳᠠᠯᠳᠤᠨ ᠠᠪᠴᠤ᠂ ᠠᠴᠢᠵᠤ ᠠᠪᠴᠢᠷᠠᠵᠤ ᠪᠠᠶᠢᠭᠰᠠᠨ᠂ ᠪᠤᠭᠤᠵᠢ ᠲᠠᠢ | ᠪᠤᠷᠭᠠᠰᠤ ᠲᠡᠩᠳᠡᠬᠦᠦ ᠬᠦᠨᠳᠤ ᠲᠤᠯᠠ ᠡᠯᠵᠢᠬᠡᠨ ᠲᠡᠬᠡᠷᠠ ᠡᠷᠬᠦᠵᠤ ᠭᠠᠷᠭᠠᠵᠤ ᠲᠠᠶᠢᠯᠬᠦ ᠦᠬᠡᠢ ᠠᠷᠭᠠ ᠪᠤᠰᠤ | ᠡᠯᠡᠰᠦᠨ ᠳᠤ ᠨᠦᠬᠡ ᠮᠠᠯᠳᠠᠨ ᠡᠯᠵᠢᠬᠡ ᠪᠠᠨ ᠰᠢᠷᠭᠤᠭᠤᠯᠵᠤ ᠠᠴᠢᠵᠤ ᠪᠠᠶᠢᠭᠰᠠᠨ᠂ ᠰᠡᠬᠦᠯᠡᠷ ᠨᠢ ᠡᠯᠵᠢᠬᠡᠨ | ᠳᠡᠷᠬᠡ ᠲᠠᠢ ᠪᠤᠯᠵᠤ ᠬᠡᠳᠦᠨ ᠪᠤᠭᠤᠵᠢ ᠪᠠᠷ ᠪᠤᠷᠭᠠᠰᠤ ᠳᠡᠬᠡᠬᠡᠵᠦ ᠲᠡᠶᠢᠯᠳᠡᠭ ᠪᠤᠯᠵᠠᠢ᠂ ᠪᠠᠰᠠ ᠬᠤᠶᠠᠷ ᠡᠯᠵᠢᠬᠡ | ᠬᠦᠯᠦᠭᠰᠡᠨ ᠲᠡᠷᠬᠡ ᠪᠠᠨ ᠬᠦᠭᠯᠡᠬᠦᠯᠵᠦ ᠪᠠᠶᠢᠭᠰᠠᠨ ᠴᠤ ᠤᠳᠠᠭᠠ ᠲᠠᠢ ᠬᠡᠵᠦ ᠦᠯᠢᠬᠡᠷ ᠲᠡᠦᠬᠡ ᠪᠠᠨ ᠺᠢᠨᠣ᠋ ᠶᠢᠨ | ᠦᠯᠢᠭᠡᠷ ᠰᠢᠭ ᠶᠠᠷᠢᠵᠤ ᠪᠠᠶᠢᠯᠠ᠃ | ︽ᠨᠢᠬᠡ ᠪᠤᠳᠠ ᠶᠢ ᠳᠠᠷᠢᠵᠤ ᠤᠷᠭᠤᠭᠤᠯᠪᠠᠯ ᠨᠢᠬᠡ ᠳᠠᠤᠯᠠᠢ ᠶᠢᠨ ᠬᠡᠪᠳᠡᠷᠢ ᠭᠠᠷᠴᠢᠬᠠᠨᠠ᠂ ᠨᠢᠬᠡ ᠮᠠᠩᠬᠠᠨ | ᠤᠷᠤᠢ ᠶᠢ ᠳᠠᠷᠢᠵᠤ ᠨᠤᠭᠤᠭᠠᠷᠠᠭᠤᠯᠪᠠᠯ ᠠᠷᠪᠠᠨ ᠬᠤᠨᠢᠨ ᠤ ᠪᠡᠯᠴᠢᠬᠡᠷ ᠭᠠᠷᠴᠢᠬᠠᠨᠠ︾ ᠡᠨᠡ ᠪᠤᠯ ᠵᠢᠷᠭᠠᠯᠳᠤ ᠶᠢᠨ | ᠤᠯᠠᠨ ᠵᠢᠯ ᠤᠨ ᠲᠤᠷᠰᠢᠬᠢ ᠦᠪᠡᠷ ᠢ ᠪᠠᠨ ᠵᠤᠷᠢᠭᠵᠢᠭᠤᠯᠵᠤ ᠢᠷᠡᠭᠰᠡᠨ ᠦᠬᠡ ᠶᠤᠮ᠃ ᠬᠡᠦᠬᠡᠳ ᠨᠢᠯᠬᠠ ᠪᠠᠨ | ᠳᠠᠭᠠᠭᠤᠯᠵᠤ ᠬᠡᠳᠦᠨ ᠵᠢᠯ ᠬᠠᠯᠠᠰᠢᠷᠠᠯ ᠦᠬᠡᠢ ᠳᠡᠮᠡᠴᠡᠵᠦ ᠢᠷᠡᠭᠰᠡᠨ ᠢᠶᠠᠷ ᠬᠡᠷ ᠤᠨ ᠬᠠᠵᠠᠭᠤ ᠬᠠᠪᠢ ᠪᠠᠷ ᠳᠠᠷᠢᠭᠰᠠᠨ | ᠮᠦᠷ ᠮᠦᠷ ᠪᠤᠷᠭᠠᠰᠤ ᠰᠢᠪᠠᠭ ᠨᠢ ᠨᠤᠭᠤᠭᠠᠷᠠᠵᠤ ᠵᠢᠷᠭᠠᠯᠳᠤ ᠶᠢᠨ ᠵᠤᠷᠢᠭ ᠤᠯᠠᠮ ᠬᠦᠪᠴᠢᠯᠡᠭᠳᠡᠨᠡ᠃ ︽ᠡᠯᠡᠰᠦ | ᠮᠠᠩᠬᠠ ᠶᠢ ᠦᠬᠡᠷᠡᠴᠢᠯᠡᠵᠤ ᠲᠤᠬᠳᠠᠪᠤᠷᠢᠵᠢᠭᠤᠯᠬᠤ ᠳᠤ ᠰᠢᠪᠠᠭ ᠪᠤᠯ ᠬᠠᠮᠤᠭ ᠤᠨ ᠳᠤᠬᠢᠷᠠᠮᠵᠢᠳᠠᠢ᠂ ᠬᠠᠮᠤᠭ ᠤᠨ | ᠬᠦᠴᠦ ᠪᠠᠨ ᠡᠷᠬᠦᠭᠰᠡᠨ ᠤᠷᠭᠤᠮᠠᠯ ᠶᠤᠮ᠃ ᠤᠳᠠ ᠮᠤᠳᠤᠨ ᠤ ᠰᠠᠭᠰᠠᠭᠠᠷ ᠰᠠᠯᠠᠭᠠ ᠨᠠᠮᠠᠭᠠ ᠨᠢ ᠰᠠᠯᠬᠢᠨ ᠢ ᠬᠠᠭᠠᠬᠤ | ᠳ᠋ᠤ᠋ ᠰᠠᠶᠢᠨ᠂ ᠤᠳᠠ᠂ ᠪᠤᠷᠭᠠᠰᠤ ᠲᠤᠷᠯᠤᠭ ᠤᠨ ᠨᠠᠪᠴᠢ ᠨᠠᠮᠠᠭᠠ ᠶᠢ ᠬᠤᠨᠢ ᠮᠠᠯ ᠴᠤ ᠢᠳᠡᠬᠦ ᠳᠤᠷᠠᠳᠠᠢ᠂ | ᠤᠯᠢᠶᠠᠰᠤᠨ ᠮᠤᠳᠤᠨ ᠤ ᠲᠤᠤᠭᠤᠷ ᠡᠪᠡᠰᠦ ᠤᠷᠭᠤᠬᠤ ᠦᠬᠡᠢ᠂ ᠮᠤᠳᠤ ᠳᠠᠷᠢᠬᠤ ᠳᠠᠭᠠᠨ ᠴᠠᠭ ᠢ ᠠᠮᠵᠢᠬᠤ ᠨᠢ | ᠴᠢᠬᠤᠯᠠ᠂ ᠬᠠᠪᠤᠷ ᠮᠤᠳᠤ ᠰᠤᠶᠤᠭᠠᠯᠠᠬᠤ ᠦᠶᠡ ᠳᠤ ᠡᠯᠡᠰᠦᠨ ᠳᠤ ᠠᠪᠠᠴᠢᠵᠤ ᠰᠢᠷᠭᠤᠭᠤᠯᠪᠠᠯ ᠡᠳᠡᠬᠡᠷᠡᠯᠳᠡ ᠶᠢᠨ | ᠨᠤᠷᠮᠠ ᠨᠢ ᠴᠤ ᠦᠨᠳᠦᠷ︾ ᠵᠢᠷᠭᠠᠯᠳᠤ ᠢᠡᠭᠬᠢᠵᠤ ᠨᠤᠳᠤᠭ ᠪᠡᠯᠴᠢᠬᠡᠷ ᠢᠶᠠᠨ ᠨᠤᠭᠤᠭᠠᠷᠠᠭᠤᠯᠬᠤ ᠳᠤ ᠦᠯᠡᠮᠵᠢ | ᠲᠤᠷᠰᠢᠯᠭᠠ ᠬᠤᠷᠠᠮᠳᠤᠭᠤᠯᠵᠤ᠂ ᠪᠤᠳᠠᠳᠠᠢ ᠠᠮᠵᠢᠯᠳᠠ ᠤᠯᠵᠠᠢ᠃ | ᠵᠢᠷᠭᠠᠯᠳᠤ ᠢᠳᠡᠵᠦ ᠡᠮᠦᠰᠬᠦ ᠪᠠᠨ ᠠᠷᠪᠢᠯᠡᠨ᠂ ᠤᠯᠤᠭᠰᠠᠨ ᠲᠤᠭᠠᠳᠠᠢ ᠬᠡᠳᠦᠨ ᠮᠦᠩᠬᠦ ᠪᠠᠨ ᠡᠯᠡᠰᠦ ᠶᠢ | ᠨᠤᠭᠤᠭᠠᠷᠠᠭᠤᠯᠬᠤ ᠳᠤ ᠵᠠᠷᠤᠴᠠᠭᠤᠯᠴᠢᠬᠠᠳᠠᠭ ᠪᠤᠯᠬᠤᠷ ᠦᠷᠭᠦᠯᠵᠢ ᠭᠠᠷ ᠦᠵᠦᠬᠦᠷ ᠭᠠᠴᠢᠭᠳᠠᠳᠠᠭ ᠪᠠᠶᠢᠯᠠ᠃ ᠲᠡᠷᠡ | ᠡᠷᠪᠡᠢ ᠦᠷᠡ ᠨᠢ ᠳᠤᠮᠤ ᠪᠤᠯᠵᠤ ᠪᠠᠶᠢᠬᠤ ᠶᠢ ᠬᠠᠷᠠᠭᠠᠳ ᠰᠡᠳᠬᠢᠯ ᠲᠦᠪᠲᠡᠬᠦ ᠦᠭᠡᠢ ᠪᠤᠯᠵᠤ᠂ ᠠᠮᠢᠳᠤᠷᠠᠬᠤ ᠶᠢᠨ | ᠡᠷᠬᠡ ᠪᠠᠷ ᠦᠬᠡᠷᠡ ᠠᠷᠭᠠ ᠵᠠᠮ ᠡᠷᠢᠵᠤ᠂ 2003 ᠤᠨ ᠳᠤ ᠬᠤᠰᠢᠭᠤᠨ ᠳᠡᠬᠡᠷᠡ ᠪᠠᠨ ᠬᠡᠷ ᠲᠦᠷᠢᠶᠡᠰᠦᠯᠡᠵᠦ | ᠰᠠᠭᠠᠯᠢ ᠶᠢᠨ ᠦᠨᠢᠶᠠ ᠬᠤᠳᠠᠯᠳᠤᠨ ᠠᠪᠴᠤ ᠳᠡᠵᠢᠬᠡᠭᠰᠡᠨ ᠪᠤᠯᠪᠠᠴᠤ᠂ 36 ᠡᠳᠦᠷ ᠪᠤᠯᠤᠮᠠᠬᠴᠠ ᠶᠡᠷᠦ ᠰᠠᠭᠤᠵᠤ | ᠳᠠᠳᠬᠤ ᠦᠬᠡᠢ ᠪᠤᠯᠬᠤᠷ ᠦᠨᠢᠶᠡ ᠪᠠᠨ ᠳᠠᠭᠤᠭᠠᠳ ᠨᠤᠳᠤᠬ ᠲᠠᠭᠠᠨ ᠪᠤᠴᠠᠬᠰᠠᠨ ᠪᠠᠶᠢᠯᠠ᠃ ᠲᠡᠬᠡᠬᠡᠳ ᠡᠯᠡᠰᠤ | ᠮᠠᠩᠬᠠ ᠶᠢ ᠤᠶᠢᠵᠢᠭᠤᠯᠤᠨ ᠨᠤᠭᠤᠭᠠᠷᠠᠭᠤᠯᠵᠤ᠂ ᠢᠯᠡᠬᠦᠦ ᠬᠡᠳᠦᠨ ᠮᠠᠯ ᠮᠠᠯᠵᠢᠬᠤ ᠨᠢ ᠬᠠᠮᠤᠭ ᠤᠨ ᠳᠤᠬᠢᠷᠠᠮᠵᠢᠳᠠᠢ | ᠰᠤᠩᠭᠤᠯᠳᠠ ᠬᠡᠭᠴᠢ ᠶᠢ ᠤᠬᠠᠵᠤ᠂ ᠵᠤᠷᠢᠬ ᠰᠢᠭᠤᠳᠦᠨ ᠠᠵᠢᠯᠯᠠᠵᠤ᠂ ᠤᠳᠤ ᠪᠤᠯᠬᠤ ᠳᠤ ᠨᠤᠳᠤᠭ ᠤᠨ ᠢᠶᠠᠨ | ᠡᠮᠦᠨᠡ ᠬᠡᠰᠡᠭ ᠤᠨ 1000 ᠮᠦ ᠬᠦᠷᠬᠦ ᠦᠬᠡᠢ ᠬᠡᠰᠡᠭ ᠢ ᠨᠤᠭᠤᠭᠠᠷᠠᠭᠤᠯᠵᠤ ᠠᠮᠵᠢᠭᠠᠳᠤᠢ ᠠᠴᠠ ᠪᠤᠰᠤᠳ ᠢ ᠨᠢ | ᠪᠦᠷ ᠨᠤᠭᠤᠭᠠᠷᠠᠭᠤᠯᠴᠢᠬᠠᠵᠠᠢ᠃ ᠵᠢᠷᠭᠠᠯᠳᠤ ᠶᠢᠨ ᠤᠤᠯ ᠤᠨ ᠪᠡᠯᠴᠢᠬᠡᠷ ᠨᠢ ᠬᠠᠮᠠᠷ ᠬᠠᠳᠬᠤᠬᠤ ᠡᠪᠡᠰᠦ ᠦᠬᠡᠢ | ᠬᠤᠷᠢᠭᠠᠳ ᠬᠤᠨᠢ ᠪᠠᠨ ᠳᠡᠵᠢᠬᠡᠬᠦ ᠳᠤ ᠬᠦᠴᠢᠷᠳᠡᠵᠦ ᠪᠠᠶᠢᠭᠰᠠᠨ ᠪᠤᠯ ᠤᠳᠤ ᠭᠤᠷᠪᠠᠨ ᠵᠠᠭᠤ ᠰᠢᠬᠠᠮ ᠬᠤᠨᠢ ᠢᠮᠠᠭᠠ | ᠂ ᠳᠠᠪᠢᠭᠠᠳ ᠦᠬᠡᠷ ᠮᠠᠯᠵᠢᠵᠤ᠂ ᠵᠤᠨ ᠤ ᠴᠠᠭ ᠲᠤ ᠪᠤᠷᠭᠠᠰᠤᠨ ᠳᠤᠮᠳᠠ ᠠᠴᠠ ᠬᠤᠨᠢ ᠪᠠᠨ ᠬᠤᠷᠢᠶᠠᠬᠤ ᠳᠤ ᠴᠤ | ᠪᠡᠷᠬᠡᠳᠡᠬᠦ ᠪᠡᠯᠴᠢᠬᠡᠷ ᠡᠪᠡᠰᠦ ᠲᠠᠢ ᠪᠤᠯᠵᠤ᠂ ᠵᠢᠯ ᠳᠤ ᠮᠠᠯ ᠬᠠᠷᠠ ᠠᠴᠠ ᠪᠠᠨ ᠳᠤᠯᠤᠭᠠ ᠨᠠᠶᠢᠮᠠᠨ ᠲᠦᠮᠡᠡ | ᠲᠦᠬᠦᠷᠢᠭ ᠤᠨ ᠴᠡᠪᠡᠷ ᠤᠷᠤᠯᠭᠠ ᠤᠯᠵᠤ᠂ ᠪᠠᠰᠠ ᠪᠡᠯᠴᠢᠬᠡᠷ ᠤᠨ ᠨᠦᠬᠦᠪᠦᠷᠢ ᠬᠡᠵᠦ ᠵᠢᠯ ᠤᠨ 4 ᠲᠦᠮᠡ ᠭᠠᠷᠤᠢ | ᠲᠦᠬᠦᠷᠢᠭ ᠬᠠᠷᠮᠠᠯᠠᠳᠠᠭ ᠪᠤᠯᠤᠭᠰᠠᠨ ᠠᠴᠠ ᠠᠮᠢᠳᠤᠷᠠᠯ ᠨᠢ ᠡᠳᠦᠷ ᠲᠤᠳᠤᠮ ᠦᠬᠡᠳᠡᠯᠡᠵᠤ ᠪᠠᠶᠢᠨᠠ᠃ | ︽ᠮᠠᠨ ᠤ ᠠᠳᠡ ᠤᠤᠯ ᠨᠢ ᠭᠠᠳᠠᠨᠠ ᠠᠴᠠ ᠤᠷᠤᠵᠤ ᠳᠡᠶᠢᠯᠬᠦ ᠦᠬᠡᠢ᠂ ᠳᠤᠳᠤᠷᠠ ᠠᠴᠠ ᠭᠠᠷᠴᠤ ᠳᠡᠶᠢᠯᠬᠦ | ᠦᠬᠡᠢ ᠵᠠᠮ ᠬᠠᠷᠢᠯᠴᠠᠭᠠ ᠲᠦᠢᠯ ᠤᠨ ᠲᠦᠬᠦᠮ ᠦᠬᠡᠢ ᠪᠠᠶᠢᠪᠠ᠃ ᠡᠯᠵᠢᠬᠡ ᠮᠤᠷᠢᠨ ᠬᠠᠰᠠᠭ ᠢᠶᠠᠷ 4 ᠡᠳᠦᠷ ᠤᠨ | ᠠᠶᠠᠨ ᠬᠢᠵᠦ ᠢᠳᠡᠰᠢ ᠤᠤᠭᠤᠰᠢ ᠪᠠᠨ ᠳᠠᠳᠠᠵᠤ ᠢᠷᠡᠳᠡᠭ ᠪᠠᠶᠢᠭᠰᠠᠨ᠃ 2005 ᠤᠨ ᠳᠤ ᠭᠠᠵᠠᠷ ᠰᠢᠨᠵᠢᠯᠡᠬᠡᠨ ᠤ | ᠬᠠᠶᠢᠨ ᠰᠢᠨᠵᠢᠬᠦ ᠠᠩᠬᠢ ᠢᠷᠡᠵᠦ᠂ ᠪᠠᠶᠢᠭᠠᠯᠢ ᠶᠢᠨ ᠰᠢᠳᠠᠮᠠᠬᠠᠢ ᠬᠡᠢ ᠶᠢ ᠬᠠᠶᠢᠵᠤ ᠤᠯᠤᠭᠠᠳ᠂ ᠠᠵᠤ ᠠᠬᠤᠶᠢᠯᠠᠯ | ᠨᠤᠳᠤᠭᠰᠢᠭᠰᠠᠨ ᠠᠴᠠ ᠮᠠᠩᠬᠠᠨ ᠨᠤᠳᠤᠭ ᠤᠨ ᠲᠦᠭᠵᠢᠷᠡᠮᠡᠯ ᠪᠠᠶᠢᠳᠠᠯ ᠳᠤ ᠡᠷᠡᠰ ᠬᠤᠪᠢᠷᠠᠯᠳᠠ ᠭᠠᠷᠴᠤ᠂ ᠵᠠᠮ | ᠬᠠᠷᠢᠯᠴᠠᠭᠠ ᠨᠡᠪᠳᠡᠷᠡᠭᠰᠡᠨ ᠢᠶᠠᠷ ᠪᠠᠷᠠᠬᠤ ᠦᠭᠡᠢ ᠬᠦᠬᠡᠬᠤᠳᠠ ᠳᠤ ᠴᠤ ᠬᠡᠰᠡᠨ ᠡᠳᠦᠷ ᠲᠡᠭᠡᠨ ᠤᠴᠢᠭᠠᠳ | ᠢᠷᠡᠴᠢᠬᠡᠳᠡᠭ ᠪᠤᠯᠵᠠᠢ᠃ ᠨᠠᠶᠠ ᠶᠡᠷᠡᠬᠡᠳ ᠤᠨ ᠳᠤ ᠡᠳᠦᠷ ᠤᠨ ᠮᠠᠷᠭᠠᠰᠢ ᠨᠢᠳᠤ ᠨᠡᠬᠡᠬᠡᠯᠬᠡᠬᠦ ᠦᠬᠡᠢ ᠰᠠᠯᠬᠢ᠂ | ᠡᠳᠦᠷ ᠢᠶᠠᠷ ᠳ᠋ᠧᠩ ᠠᠰᠠᠭᠠᠵᠤ ᠪᠠᠶᠢᠭᠰᠠᠨ ᠢᠶᠠᠨ ᠤᠳᠤ ᠨᠤᠳᠤᠭ ᠤᠨ ᠮᠠᠯᠴᠢᠳ ᠤᠨ ᠤᠷᠤᠰᠢᠨ ᠠᠮᠢᠳᠤᠷᠠᠬᠤ ᠤᠷᠴᠢᠨ | ᠠᠬᠤᠢ ᠴᠤ ᠤᠯᠠᠮ ᠭᠤᠶᠤ ᠳᠠᠭᠠᠯᠠᠮᠵᠢᠳᠠᠢ ᠪᠤᠯᠵᠤ ᠪᠠᠶᠢᠨᠠ︾ ᠬᠡᠵᠦ ᠵᠢᠷᠭᠠᠯᠳᠤ ᠪᠠᠭ᠋ᠠᠳᠤᠨ ᠲᠠᠨᠢᠯᠴᠠᠭᠤᠯᠤᠨᠠ᠃ | ᠦᠷᠯᠦᠬᠡ ᠡᠷᠳᠡ ᠬᠤᠨᠢ ᠪᠠᠨ ᠲᠠᠭᠤᠭᠠᠳ ᠪᠡᠯᠴᠢᠬᠡᠷ ᠲᠤ ᠭᠠᠷᠬᠤ ᠳᠠᠭᠠᠨ ᠪᠡᠯᠡᠳᠬᠡᠯ ᠠᠵᠢᠯ ᠢᠶᠠᠨ ᠬᠦᠢᠴᠡᠳ | ᠬᠢᠵᠤ᠂ ᠡᠯᠡᠰᠦᠨ ᠳᠤ ᠪᠠᠷᠢᠳᠠᠭ ᠮᠠᠰᠢᠨ ᠳᠠᠭᠠᠨ ᠪᠤᠷᠭᠠᠰᠤ ᠳᠡᠬᠡᠭᠡᠵᠤ ᠰᠢᠨᠡ ᠵᠠᠶᠢᠯᠠᠭᠰᠠᠨ ᠮᠤᠳᠤᠨ ᠳᠠᠭᠠᠨ | ᠬᠠᠯᠬᠠᠪᠴᠢ ᠭᠠᠷᠭᠠᠵᠤ ᠦᠭᠬᠦᠨᠡ᠂ ᠬᠠᠶᠠ ᠵᠠᠷᠢᠮ ᠴᠤᠬᠤᠶᠢᠨ ᠬᠠᠷᠬᠠᠳᠠᠬᠤ ᠴᠠᠭᠠᠨ ᠮᠠᠩᠬᠠ ᠪᠠᠨ ᠳᠠᠬᠢᠨ ᠨᠦᠬᠦᠵᠦ | ᠳᠠᠷᠢᠨᠠ ᠁ ᠵᠢᠷᠭᠠᠯᠳᠤ ᠶᠢᠨ ᠨᠤᠭᠤᠭᠠᠷᠠᠭᠤᠯᠤᠯᠳᠠ ᠶᠢᠨ ᠠᠵᠢᠯ ᠦᠷᠬᠦᠯᠵᠢᠯᠠᠨᠠ᠃ ︽ᠨᠤᠳᠤᠭ ᠤᠨ ᠨᠤᠭᠤᠭᠠᠨ | ᠦᠡᠭᠭᠡ ᠪᠤᠯ ᠮᠢᠨᠦ ᠳᠤᠰᠤᠭᠰᠠᠨ ᠬᠠᠮᠤᠭ ᠤᠨ ᠲᠤᠮᠤ ᠱᠠᠩᠨᠠᠯ ᠰᠢᠦ︾ ᠬᠡᠵᠦ ᠵᠢᠷᠭᠠᠯᠳᠤ ᠬᠦᠨ ᠰᠡᠳᠬᠢᠯᠬᠡ ᠲᠠᠢ | ᠶᠠᠷᠢᠵᠤ ᠪᠢᠯᠡ᠃ | | |