︽ᠮᠤᠩᠭᠤᠯ ᠬᠦᠮᠦᠨ ᠤ ᠠᠮᠠᠨ ᠪᠡᠯᠭᠡ᠂ ᠬᠢᠳᠠᠳ ᠬᠦᠮᠦᠨ ᠤ ᠠᠯᠠᠭᠠᠨ ᠪᠢᠴᠢᠭ︾ ᠭᠡᠳᠡᠭᠴᠢᠯᠡᠨ | ᠮᠤᠩᠭᠤᠯᠴᠤᠳ ᠤᠨ ᠰᠢᠨᠡᠯᠡᠬᠦ ᠶᠤᠰᠤᠨ ᠳᠤ ᠶᠡᠭᠡ ᠤᠯᠠᠨ ᠵᠦᠩ ᠪᠡᠯᠭᠡᠳᠦ ᠦᠯᠵᠡᠶᠢᠳᠦ ᠢᠷᠦᠭᠡᠯ ᠤᠨ ᠦᠭᠡᠰ ᠢ ᠡᠩ | ᠲᠡᠷᠢᠭᠦᠨ ᠳᠤ ᠬᠡᠯᠡᠵᠤ᠂ ᠰᠠᠶᠢᠨ ᠰᠠᠶᠢᠬᠠᠨ ᠤ ᠪᠡᠯᠭᠡᠳᠡᠯ ᠪᠤᠯᠭᠠᠨ ᠰᠢᠨᠠ ᠵᠢᠯ ᠤᠨ ᠠᠩᠬᠠ ᠠᠭᠤᠯᠵᠠᠨ ᠤᠴᠠᠷᠠᠭᠰᠠᠨ | ︽ᠰᠢᠨᠠ ᠶᠢᠨ ᠡᠬᠢᠯᠡᠯᠳᠡ︾ ᠪᠠᠨ ᠪᠤᠯᠭᠠᠳᠠᠭ ᠨᠢ ᠶᠠᠭᠤᠨ ᠠᠴᠠ ᠴᠤ ᠡᠷᠬᠢᠮ ᠪᠢᠯᠡ᠃ | ᠡᠭᠦᠨ ᠳᠤ᠄ | — ᠠᠮᠤᠷ︕ | — ᠠᠮᠤᠷ︕ | — ᠠᠮᠤᠷ ᠰᠠᠶᠢᠨ ᠰᠢᠨᠡᠯᠡᠪᠡ ᠤᠤ︖ | — ᠰᠠᠶᠢᠨ ᠰᠢᠨᠡᠯᠡᠯᠠ᠂ ᠲᠠ ᠪᠦᠬᠦᠳᠡ ᠰᠠᠶᠢᠨ ᠰᠢᠨᠡᠯᠡᠪᠡ ᠤᠤ︖ | — ᠰᠠᠶᠢᠨ ᠰᠠᠶᠢᠨ︕ ᠰᠢᠨᠠ ᠵᠢᠯ ᠤᠨ ᠰᠢᠨᠵᠢ ᠶᠢ ᠶᠠᠭᠤ ᠪᠠᠷ ᠲᠤᠩᠭᠠᠪᠠ︖ | — ᠰᠠᠶᠢᠨ ᠰᠠᠶᠢᠨ︕ ᠲᠦᠮᠡᠨ ᠤ ᠲᠤᠯᠤᠭᠠᠢ ᠭᠡᠳᠡᠶᠢᠵᠤ᠂ ᠲᠦᠮᠦᠰᠦ ᠲᠠᠷᠢᠶ ᠠ ᠡᠯᠪᠡᠭᠰᠢᠬᠦ᠂ ᠤᠷᠴᠢᠯᠠᠩ | ᠲᠠᠶᠠᠭᠠᠷ ᠲᠤ ᠤᠨᠢᠶᠠᠷ ᠲᠠᠢ᠂ ᠤᠭᠳᠠᠷᠭᠤᠢ ᠲᠦᠭᠦᠷᠡᠩ ᠡᠭᠦᠯᠡ ᠲᠠᠢ ᠰᠠᠶᠢᠨ ᠪᠡᠯᠭᠡ ᠲᠠᠢ ᠪᠠᠶᠢᠨᠠ᠃ | — ᠵᠤᠯᠠ ᠪᠠᠨ ᠡᠷᠳᠡ ᠮᠠᠨᠳᠤᠭᠤᠯᠪᠠ ᠤᠤ︖ | — ᠲᠠᠶᠠᠭᠠᠷ ᠤᠨ ᠲᠠᠯᠢᠮ ᠢᠶᠠᠷ ᠲᠦᠴᠢ ᠶᠢᠰᠦᠨ ᠭᠤᠤᠯ ᠲᠠᠢ ᠪᠠᠷ᠂ ᠡᠪᠦᠭᠡᠳ ᠤᠨ ᠦᠭᠡ ᠪᠠᠷ᠂ ᠦᠷ | ᠴᠠᠶᠢᠬᠤ ᠶᠢᠨ ᠠᠯᠳᠠᠰ ᠢᠶᠠᠷ ᠮᠠᠨᠳᠤᠭᠤᠯᠤᠭᠰᠠᠨ᠃ | — ᠰᠠᠩ ᠵᠤᠯᠠ ᠶᠢᠨ ᠮᠠᠨᠳᠤᠯᠳᠠ ᠰᠠᠶᠢᠨ︖ | — ᠰᠠᠶᠢᠨ᠂ ᠰᠠᠶᠢᠨ︕ ᠲᠠᠶᠢᠵᠢ ᠨᠠᠷ ᠤᠨ ᠮᠢᠩᠭᠠᠨ ᠵᠤᠯᠠ᠂ ᠲᠠᠷᠪᠠᠭᠠᠴᠢᠨ ᠤ ᠭᠤᠷᠪᠠᠨ ᠵᠠᠭᠤ ᠵᠢᠷᠠᠨ | ᠨᠢᠭᠡᠨ ᠵᠤᠯᠠ᠂ ᠠᠯᠢ ᠶᠢ ᠨᠢ ᠰᠢᠨᠵᠢᠭᠰᠡᠨ ᠴᠤ ᠠᠰᠤᠷᠤ ᠶᠡᠭᠡ ᠰᠠᠶᠢᠨ᠃ ᠲᠦᠷᠦ ᠲᠦᠪᠰᠢᠷᠡᠵᠤ᠂ ᠲᠦᠮᠡᠨ | ᠠᠮᠤᠷᠵᠢᠬᠤ ᠶᠢᠨ ᠪᠡᠯᠭᠡ ᠪᠠᠶᠢᠨᠠ᠃ | — ᠰᠠᠯᠬᠢ ᠪᠤᠷᠤᠭᠠᠨ ᠤ ᠰᠢᠨᠵᠢᠯᠡᠭᠡ ᠰᠠᠶᠢᠨ ᠪᠠ︖ | — ᠰᠠᠶᠢᠨ᠂ ᠰᠠᠶᠢᠨ᠂ ᠬᠠᠩᠰᠢ ᠳᠤ ᠨᠤᠭᠤᠭᠠ ᠲᠠᠢ᠂ ᠬᠠᠯᠠᠭᠤᠨ ᠳᠤ ᠪᠤᠷᠤᠭᠠᠨ ᠲᠠᠢ᠂ ᠰᠠᠭᠠᠯᠢ ᠡᠷᠳᠡ᠂ | ᠰᠠᠪᠠ ᠲᠦᠭᠦᠷᠡᠩ᠃ | — ᠫᠤᠤ ᠶᠢᠨ ᠲᠠᠭᠤᠨ ᠰᠠᠶᠢᠨ︕ | — ᠰᠠᠶᠢᠨ᠂ ᠰᠠᠶᠢᠨ︕ ᠪᠠᠶᠠᠨ ᠲᠦᠭᠦᠮ ᠪᠠᠷᠬᠢᠯᠵᠤ᠂ ᠪᠠᠢ ᠶᠢᠨ ᠠᠭᠤᠯᠠ ᠨᠦᠷᠬᠢᠯᠵᠤ᠂ ᠪᠠᠯᠠᠷ ᠲᠤ | ᠲᠠᠯᠪᠢᠭᠰᠠᠨ ᠫᠤᠤ ᠨᠢ ᠪᠠᠭᠠ ᠴᠢᠷᠭᠠ ᠳᠤ ᠰᠤᠨᠤᠰᠳᠠᠵᠤ᠂ ᠰᠢᠯᠢ ᠳᠤ ᠲᠠᠯᠪᠢᠭᠰᠠᠨ ᠫᠤᠤ ᠨᠢ ᠰᠢᠷᠢᠳᠡᠭ ᠤᠨ | ᠴᠠᠶᠢᠳᠠᠮ ᠳᠤ ᠰᠤᠨᠤᠰᠳᠠᠭᠰᠠᠨ ᠪᠠᠶᠢᠬᠠ᠃ | — ᠪᠤᠤᠰᠠ ᠶᠢᠨ ᠠᠮᠳᠠ ᠰᠠᠶᠢᠨ︖ | — ᠰᠠᠶᠢᠨ᠂ ᠰᠠᠶᠢᠨ︕ ᠲᠡᠷᠭᠡᠳᠡᠬᠢ ᠬᠦᠮᠦᠨ ᠳᠤ ᠢᠳᠡᠭᠦᠯᠦᠮ ᠠ ᠦᠭᠡᠢ᠂ ᠲᠡᠭᠡᠳᠦ ᠤᠷᠤᠭᠤᠯ ᠳᠠᠭᠠᠨ | ᠬᠦᠷᠭᠡᠮᠠ ᠦᠭᠡᠢ ᠠᠮᠳᠠ ᠲᠠᠢ ᠭᠡᠭᠴᠢ ᠠᠷᠭᠠ ᠦᠭᠡᠢ᠃ | — ᠠᠷᠠᠵᠠ ᠬᠤᠤᠷᠠᠵᠠ ᠶᠢᠨ ᠰᠢᠷᠠ ᠮᠠᠩᠭᠤᠷ ᠰᠠᠶᠢᠨ ᠪᠠ︖ ᠠᠭᠳᠠ ᠬᠦᠯᠦᠭ ᠤᠨ ᠠᠮᠠᠨ ᠭᠠᠯᠵᠠᠭᠤ | ᠰᠠᠶᠢᠨ ᠪᠠ︖ ᠠᠶᠢᠯᠴᠢᠨ ᠭᠡᠶᠢᠴᠢᠨ ᠤ ᠭᠡᠶᠢᠮᠤᠷᠢ ᠯᠤᠩᠳᠠ ᠰᠠᠶᠢᠨ ᠪᠢᠵᠠ︖ | — ᠰᠠᠶᠢᠨ᠂ ᠰᠠᠶᠢᠨ︕ ᠪᠤᠭᠳᠠ ᠴᠢᠩᠬᠢᠰ ᠤᠨ ᠨᠠᠭᠠᠯ ᠤᠨ ᠭᠡᠰᠢᠭ᠂ ᠪᠤᠷᠤᠳᠤᠬᠤᠢ ᠶᠢᠨ ᠠᠮᠤ ᠶᠢᠨ | ᠰᠢᠮᠠ᠂ ᠬᠠᠭᠠᠨ ᠱᠠᠩ ᠤᠨ ᠬᠤᠷ ᠠᠵᠢᠷᠭᠠ᠂ ᠬᠠᠷᠠ ᠬᠤᠳᠠ ᠶᠢᠨ ᠰᠢᠪᠠᠷ ᠯᠤᠩᠬᠤ ᠭᠡᠵᠤ ᠮᠡᠳᠡ︕ | — ᠵᠠ᠂ ᠡᠪᠦᠭᠡ ᠲᠡᠭᠡᠳᠦᠰ ᠤᠨ ᠦᠭᠯᠢᠭᠡ ᠶᠢᠨ ᠭᠡᠰᠢᠭ ᠠᠷᠪᠢᠨ ᠪᠠ︖ | — ᠠᠷᠪᠢᠨ᠂ ᠠᠷᠪᠢᠨ᠂ ᠴᠠᠶᠢᠭᠰᠠᠨ ᠴᠠᠭᠠᠨ ᠢᠳᠡᠭᠡ᠂ ᠤᠯᠠᠶᠢᠭᠰᠠᠨ ᠤᠯᠠᠭᠠᠨ ᠢᠳᠡᠭᠡ᠂ ᠪᠤᠳᠤᠩ | ᠪᠤᠳᠤᠩ ᠠᠶᠢᠷᠠᠭ᠂ ᠲᠡᠪᠰᠢ ᠲᠡᠪᠰᠢ ᠰᠢᠭᠦᠰᠦ᠂ ᠫᠢᠯᠠ ᠲᠦᠭᠦᠷᠡᠩ ᠪᠤᠭᠤᠷᠰᠤᠭ᠂ ᠠᠶᠠᠭᠠ ᠲᠦᠭᠦᠷᠡᠩ ᠠᠮᠤ ᠪᠦᠷ | ᠪᠠᠶᠢᠨᠠ᠃ | — ᠦᠭᠡᠯᠵᠢᠨ ᠰᠠᠷᠠ ᠶᠢᠨ ᠭᠠᠯ ᠤᠨ ᠭᠡᠰᠢᠭ᠂ ᠡᠪᠴᠢᠭᠦᠦ᠂ ᠬᠠᠯᠢᠮ ᠤᠨ ᠬᠤᠪᠢ ᠠᠷᠪᠢᠨ ᠪᠢᠵᠠ︖ | — ᠠᠷᠪᠢᠨ᠂ ᠠᠷᠪᠢᠨ︕ ᠦᠳᠭᠡᠷᠡᠭᠦᠯᠦᠭᠰᠡᠨ ᠡᠪᠴᠢᠭᠦᠦ᠂ ᠦᠭᠡᠭᠦᠯᠦᠭᠦᠯᠦᠭᠰᠡᠨ ᠪᠠᠶᠠᠨ ᠲᠦᠷᠦᠭᠦᠤ᠂ | ᠭᠠᠯ ᠤᠨ ᠪᠤᠳᠠᠭᠠ᠂ ᠭᠠᠷᠠᠬᠠᠨ ᠪᠤᠭᠤᠷᠰᠤᠭ ᠪᠦᠷᠢᠨ ᠪᠠᠶᠢᠨᠠ᠃ | — ᠵᠠ᠂ ᠦᠭᠡ ᠤᠯᠠᠳᠠᠯᠠ᠂ ᠦᠭᠡᠷ ᠬᠤᠯᠠᠳᠠᠯᠠ᠃ ᠴᠢᠩᠬᠢᠶᠠ᠂ ᠰᠢᠨᠠ ᠶᠢᠨ ᠬᠦᠮᠦᠨ ᠳᠤ ᠰᠦᠨᠢ ᠡᠳᠦᠷ | ᠦᠭᠡᠢ᠂ ᠰᠢᠬᠢᠷᠴᠡᠭ ︵ᠴᠢᠬᠢᠷᠡᠰᠦᠨ︶ ᠮᠠᠯᠠᠭᠠᠢ ᠳᠤ ᠡᠮᠦᠨᠠ ᠬᠤᠶᠢᠨᠠ ᠦᠭᠡᠢ᠃ ᠲᠡᠭᠡᠵᠢ ᠪᠠᠨ ᠲᠠᠯᠪᠢᠶᠠ᠃ | ᠬᠤᠷᠳᠤᠨ ᠫᠢᠯᠠ ᠪᠠᠨ︕ | — ᠰᠢᠨᠠ ᠶᠢᠨ ᠪᠤᠳᠠᠭᠠ ᠠᠴᠠ ᠵᠤᠭᠤᠭᠯᠠ︕ ᠰᠢᠨᠵᠢ ᠪᠡᠯᠭᠡ ᠶᠢ ᠲᠤᠩᠭᠠ︕ ᠶᠠᠭᠠᠷᠠᠯ ᠦᠭᠡᠢ ᠰᠠᠭᠠᠳᠠ | ︕ ᠶᠠᠩ ᠦᠭᠡᠢ ᠵᠤᠭᠤᠭᠯᠠ︕ | ᠭᠡᠵᠤ ᠶᠡᠬᠡᠮᠡᠳ ᠬᠦᠮᠦᠰ ᠠᠶᠢᠯᠴᠢᠯᠠᠵᠤ ᠢᠷᠡᠭᠰᠡᠨ ᠬᠦᠮᠦᠰ ᠲᠠᠢ ᠪᠠᠨ ᠨᠠᠷᠬᠢᠨ ᠨᠠᠭᠠᠳᠴᠤ ᠡᠯᠭᠦᠭᠡ | ᠬᠤᠯᠪᠤᠭᠠ ᠲᠠᠢ ᠬᠡᠯᠡᠯᠴᠡᠵᠤ ᠰᠠᠭᠤᠳᠠᠭ᠃ | ᠤᠯᠠᠩᠬᠢ ᠳᠠᠭᠠᠨ ᠠᠬᠠᠰ ᠵᠠᠬᠠᠰ ᠲᠤᠮᠤᠭᠠᠴᠤᠳ ᠨᠢ ᠠᠴᠢᠦᠷ ᠭᠡᠦᠭᠡᠳ᠂ ᠠᠩᠭᠠ ᠲᠡᠭᠦᠦ ᠨᠠᠷ ᠲᠠᠭᠠᠨ | ᠢᠷᠦᠭᠡᠯ ᠬᠠᠶᠢᠷᠠᠯᠠᠵᠤ ᠬᠤᠪᠢ ᠦᠭᠳᠡᠭ᠃ | — ᠮᠦᠷᠭᠦᠭᠰᠡᠨ ᠲᠤᠯᠤᠭᠠᠢ ᠨᠢ ᠮᠦᠩᠭᠡ᠂ ᠮᠦᠩᠭᠦ ᠵᠤᠭᠤᠰ ᠢᠶᠠᠷ ᠡᠯᠪᠡᠭ ᠪᠤᠯᠳᠤᠭᠠᠢ︕ | — ᠬᠤᠨᠢᠨ ᠠᠴᠠ ᠨᠤᠮᠤᠬᠠᠨ ᠪᠤᠯ︕ ᠬᠤᠭᠤᠷᠮᠠᠭ ᠠᠴᠠ ᠵᠦᠭᠡᠯᠡᠨ ᠪᠤᠯ︕ | — ᠠᠳᠤᠭᠤ ᠮᠠᠯ ᠢᠶᠠᠷ ᠠᠷᠪᠢᠨ ᠶᠠᠪᠤ︕ ᠠᠮᠤᠷ ᠲᠦᠪᠰᠢᠨ ᠵᠢᠷᠭᠠᠵᠤ ᠶᠠᠪᠤ︕ | — ᠡᠳ᠋ ᠡᠷᠳᠡᠨᠢ ᠲᠠᠢ ᠪᠠᠶᠠᠨ ᠪᠤᠯ ᠡᠷᠳᠡᠮ ᠨᠤᠮ ᠲᠠᠢ ᠮᠡᠷᠭᠡᠳ ᠪᠤᠯ︕ | — ᠪᠠᠶᠠᠨ ᠡᠯᠪᠡᠭ ᠵᠢᠷᠭᠠᠵᠤ ᠶᠠᠪᠤ︕ ᠪᠠᠭᠠᠳᠤᠷ ᠴᠤᠯᠠ ᠪᠠᠨ ᠮᠠᠨᠳᠤᠭᠤᠯᠵᠤ ᠶᠠᠪᠤ︕ | — ᠲᠦᠷᠦ ᠤᠯᠤᠰ ᠲᠠᠭᠠᠨ ᠵᠢᠳᠭᠦᠯᠳᠡᠢ ᠶᠠᠪᠤ︕ ᠲᠦᠮᠡᠨ ᠤᠯᠠᠨ ᠳᠠᠭᠠᠨ ᠲᠤᠰᠠᠳᠠᠢ ᠶᠠᠪᠤ︕ | — ᠠᠳᠤᠭᠤ ᠮᠠᠯ ᠴᠢᠨᠢ ᠵᠤᠵᠠᠭᠠᠨ ᠪᠤᠯᠳᠤᠭᠠᠢ︕ ᠠᠴᠢᠦᠷ ᠬᠡᠦᠭᠡᠳ ᠴᠢᠨᠢ ᠪᠠᠶᠠᠨ ᠪᠤᠯᠳᠤᠭᠠᠢ︕ | ᠡᠷᠡᠭᠳᠡᠢ᠂ ᠡᠮᠡᠭᠳᠡᠢ ᠵᠠᠯᠠᠭᠤᠰ ᠲᠠᠭᠠᠨ ᠶᠡᠬᠡᠴᠤᠳ ᠠᠴᠠ ᠢᠷᠦᠭᠡᠯ ᠬᠠᠶᠢᠷᠠᠯᠠᠬᠤ ᠳᠤ᠄ | ᠡᠮᠡᠭᠳᠡᠢ ᠬᠦᠮᠦᠨ ᠳᠤ ᠪᠤᠯ᠄ | — ᠨᠠᠷᠠᠨ ᠰᠠᠷᠠᠨ ᠮᠡᠳᠦ ᠤᠬᠠᠭᠠᠨ ᠲᠤᠩᠭᠠᠯᠠᠭ ᠶᠠᠪᠤ︕ ᠨᠠᠭᠤᠷ ᠤᠨ ᠯᠢᠩᠬᠸᠠ ᠮᠡᠳᠦ ᠦᠵᠡᠰᠭᠦᠯᠡᠩ | ᠭᠡᠭᠡᠨᠴᠢᠷ ᠶᠠᠪᠤ︕ | — ᠠᠷᠤ ᠶᠢᠨ ᠨᠤᠭᠤᠭᠠ ᠮᠡᠳᠦ ᠨᠠᠶᠢᠭᠤᠨ ᠵᠢᠷᠭᠠᠵᠤ᠂ ᠠᠷᠪᠠᠨ ᠲᠠᠪᠤᠨ ᠤ ᠰᠠᠷᠠᠨ ᠮᠡᠳᠦ ᠲᠦᠭᠦᠷᠡᠩ | ᠵᠢᠷᠭᠠᠬᠤ ᠪᠤᠯᠳᠤᠭᠠᠢ︕ | — ᠠᠯᠠᠭ ᠮᠤᠷᠢ ᠪᠠᠨ ᠤᠨᠤᠨ ᠵᠢᠷᠭᠠ︕ ᠠᠯᠴᠢᠭᠤᠷ ᠬᠠᠳᠠᠭ ᠢᠶᠠᠨ ᠵᠡᠭᠦᠨ ᠵᠢᠷᠭᠠ︕ | — ᠲᠦᠮᠡᠨ ᠴᠠᠭᠠᠨ ᠬᠤᠨᠢ ᠲᠠᠢ ᠪᠤᠯ︕ ᠲᠦᠨᠳᠦᠭᠡᠷ ᠴᠠᠭᠠᠨ ᠬᠦᠦ ᠲᠠᠢ ᠪᠤᠯ︕ | — ᠮᠢᠩᠭᠠᠨ ᠴᠠᠭᠠᠨ ᠬᠤᠨᠢ ᠲᠠᠢ ᠪᠤᠯ︕ ᠮᠡᠯᠳᠡᠭᠡᠷ ᠴᠠᠭᠠᠨ ᠬᠡᠦᠭᠡᠳ ᠲᠠᠢ ᠪᠤᠯ︕ | — ᠬᠠᠳᠠᠨ ᠲᠠᠭᠠᠨ ᠲᠤᠳᠤᠨᠤᠰᠤᠭ᠂ ᠬᠠᠨᠢ ᠳᠠᠭᠠᠨ ᠡᠯᠢᠭᠡᠰᠡᠭ᠂ ᠦᠢᠯᠨ ᠳᠤ ᠤᠷᠠᠨ᠂ ᠦᠭᠡᠨ ᠳᠤ ᠰᠡᠴᠡᠨ | ᠪᠤᠯᠳᠤᠭᠠᠢ︕ | — ᠪᠠᠶᠠᠨ ᠬᠦᠮᠦᠨ ᠤ ᠪᠡᠷᠢ ᠪᠤᠯ︕ ᠪᠠᠨᠳᠠᠩ ᠶᠡᠭᠡ ᠱᠢᠷᠦ ᠵᠡᠭᠦ︕ | ᠡᠷᠡᠭᠳᠡᠢ ᠬᠦᠮᠦᠨ ᠳᠤ ᠬᠡᠯᠡᠬᠦ ᠢᠷᠦᠭᠡᠯ ᠳᠤ᠄ | — ᠬᠦᠳᠡᠭᠡ ᠪᠠᠷ ᠲᠦᠭᠦᠷᠡᠩ ᠮᠠᠯ ᠲᠠᠢ᠂ ᠬᠦᠨᠵᠢᠯᠡ ᠪᠠᠷ ᠲᠦᠭᠦᠷᠡᠩ ᠬᠡᠦᠭᠡᠳ ᠲᠠᠢ ᠪᠤᠯ︕ | — ᠡᠩᠭᠡ ᠶᠠᠪᠤ᠂ ᠮᠦᠩᠭᠡ ᠵᠢᠷᠭᠠ᠂ ᠡᠷᠳᠡᠨᠢ ᠶᠢᠨ ᠱᠠᠩ ᠳᠠᠭᠠᠨ ᠲᠤᠭᠳᠠᠨ ᠵᠢᠷᠭᠠ︕ | — ᠪᠠᠶᠠᠨ ᠨᠡᠷᠠ ᠲᠠᠢ ᠪᠤᠯ︕ ᠪᠠᠭᠠᠳᠤᠷ ᠴᠤᠯᠠ ᠲᠠᠢ ᠪᠤᠯ︕ | — ᠱᠧᠩ ᠱᠧᠩ ᠠᠯᠳᠠᠨ ᠲᠠᠢ᠂ ᠰᠢᠯᠢ ᠰᠢᠯᠢ ᠠᠳᠤᠭᠤ ᠲᠠᠢ ᠪᠤᠯᠳᠤᠭᠠᠢ︕ | — ᠲᠠᠶᠢᠨ ᠳᠤ ᠪᠠᠭᠠᠳᠤᠷ᠂ ᠲᠠᠯᠠᠢ ᠳᠤ ᠤᠰᠤᠴᠢ᠂ ᠠᠪᠠᠨ ᠳᠤ ᠮᠡᠷᠭᠡᠨ᠂ ᠠᠷᠢᠬᠢᠨ ᠳᠤ ᠨᠤᠮᠤᠬᠠᠨ | ᠪᠤᠯᠳᠤᠭᠠᠢ︕ | — ᠲᠦᠮᠡᠨ ᠤᠯᠠᠨ ᠳᠠᠭᠠᠨ ᠢᠳᠡᠭᠡᠯ ᠲᠠᠢ ᠶᠠᠪᠤ︕ ᠲᠦᠷᠦ ᠤᠯᠤᠰ ᠲᠠᠭᠠᠨ ᠵᠢᠳᠭᠦᠯ ᠲᠠᠢ ᠶᠠᠪᠤ︕ | — ᠨᠠᠰᠤ ᠪᠠᠷ ᠤᠷᠳᠤ᠂ ᠪᠤᠶᠠᠨ ᠢᠶᠠᠷ ᠠᠷᠪᠢᠨ᠂ ᠲᠡᠭᠰᠢ ᠲᠡᠯᠭᠡᠷᠡᠵᠤ᠂ ᠲᠦᠪᠰᠢᠨ ᠵᠢᠷᠭᠠ︕ | ᠡᠭᠦᠨ ᠠᠴᠠ ᠭᠠᠳᠠᠨᠠ ᠤᠬᠠᠭᠠᠨ ᠴᠡᠴᠡᠨ ᠲᠤᠮᠤᠭᠠᠳᠠᠨ ᠬᠡᠯᠡᠮᠦᠷᠴᠢᠳ ᠠᠭᠤᠯᠵᠠᠵᠤ ᠤᠴᠠᠷᠠᠭᠰᠠᠭᠠᠷ ᠦᠭᠡ | ᠭᠡᠭᠴᠢ ᠶᠢ ᠤᠭᠰᠠᠷᠠᠭᠠ ᠬᠤᠯᠪᠤᠭᠠ ᠪᠠᠷ ᠪᠡᠯᠡᠨ ᠤᠷᠤᠰᠬᠠᠵᠤ ᠬᠡᠯᠡᠳᠡᠭ ᠨᠢ ᠮᠤᠩᠭᠤᠯ ᠬᠦᠮᠦᠨ ᠤ ᠬᠡᠯᠡ ᠮᠡᠷᠭᠡᠨ | ᠭᠡᠬᠦᠳᠡᠭ ᠲᠠᠨᠢᠭᠦᠨ᠂ ᠰᠡᠴᠡᠨ ᠵᠦᠩᠴᠢ᠂ ᠰᠡᠷᠭᠦᠯᠡᠩ ᠤᠬᠠᠭᠠᠨᠴᠢ ᠶᠢᠨ ᠰᠢᠯᠳᠠᠭᠠᠨ ᠪᠤᠯᠠᠢ᠃ |