| ᠣᠶᠢᠷᠠ ᠳᠤ ᠦᠤᠰᠢᠨ ᠬᠤᠰᠢᠭᠤᠨ ᠤ ᠳᠤᠭ ᠪᠠᠯᠭᠠᠰᠤᠨ ᠤ ᠪᠠᠶᠠᠡᠨᠠᠭᠤᠷ ᠤᠨ ᠲᠠᠯᠠ ᠨᠣᠳᠤᠭ ᠤᠨ ᠵᠣᠭᠠᠴᠠᠯ ᠤᠨ ᠣᠷᠣᠨ ᠳᠤ ᠦᠣᠰᠢᠨ ᠬᠤᠰᠢᠭᠤᠨ ᠤ | ᠠᠳᠢᠰ ᠡᠷᠡᠭᠦᠯᠵᠢᠯ ᠰᠣᠪᠢᠯᠡᠯ ᠲᠧᠭᠨᠤᠯᠤᠬᠢ ᠶᠢᠨ ᠳᠥᠪ ᠤᠨ ᠬᠤᠪᠢᠶᠠᠷᠢ ᠴᠡᠭ ᠭᠡᠷᠡ ᠳᠣᠭᠲᠠᠨ ᠪᠠᠶᠢᠭᠤᠯᠣᠭᠳᠠᠵᠤ᠂ ᠮᠤᠩᠭᠤᠯ ᠡᠮ ᠡᠮᠨᠡᠯᠭᠡ᠂ ᠴᠡᠭᠡ ᠵᠠᠰᠠᠯ᠂ ᠮᠣᠷᠢ | ᠤᠨᠤᠬᠤ ᠡᠮᠴᠢᠯᠡᠭᠡ ᠵᠡᠷᠭᠡ ᠤᠯᠠᠮᠵᠢᠯᠠᠯᠳᠤ ᠡᠮᠴᠢᠯᠡᠭᠡᠨ ᠤ ᠡᠷᠡᠭᠦᠯᠵᠢᠯ ᠰᠤᠪᠢᠯᠠᠯᠳᠠ ᠶᠢᠨ ᠦᠢᠯᠡᠴᠢᠯᠡᠭᠡ ᠶᠢ ᠵᠣᠭᠠᠴᠠᠭᠰᠠᠳ ᠪᠣᠯᠣᠨ ᠮᠠᠯᠴᠢᠨ ᠳᠦᠮᠡᠨ ᠳᠤ ᠬᠠᠨᠭ᠍ᠭᠠᠵᠤ | ᠂ ᠵᠤᠭᠠᠴᠠᠯ ᠤᠨ ᠦᠢᠯᠡᠰ ᠢ ᠭᠦᠭᠵᠢᠭᠦᠯᠬᠦ ᠶᠢᠨ ᠳᠠᠭᠠᠣ ᠬᠠᠮᠳᠤ ᠶᠢᠨ ᠠᠵᠤ ᠠᠬᠤᠢ ᠶᠢᠨ ᠣᠷᠣᠯᠭᠠ ᠶᠢ ᠨᠡᠮᠡᠭᠳᠡᠭᠦᠯᠵᠥ ᠪᠠᠶᠢᠨᠠ᠃ | ᠰᠤᠷᠪᠤᠯᠵᠢᠯᠠᠭᠴᠢ ᠦᠤᠰᠢᠨ ᠬᠤᠰᠢᠭᠤᠨ ᠤ ᠳᠤᠭ ᠪᠠᠯᠭᠠᠰᠤᠨ ᠤ ᠳᠠᠷᠬᠠᠨᠯᠠᠮᠠ ᠭᠠᠴᠠᠭᠠᠨ ᠳᠤ ᠬᠦᠷᠬᠦ ᠳᠤ ᠠᠳᠢᠰ ᠡᠷᠡᠭᠦᠯᠵᠢᠯ ᠰᠣᠪᠢᠯᠡᠯ ᠲᠧᠭᠨᠤᠯᠤᠬᠢ ᠶᠢᠨ | ᠳᠥᠪ ᠤᠨ ᠬᠤᠪᠢᠶᠠᠷᠢ ᠴᠡᠭ ᠲᠤ ᠡᠪᠡᠳᠴᠢᠳᠠᠳ ᠡᠪᠡᠳᠴᠢᠨ ᠢᠶᠠᠨ ᠦᠵᠡᠭᠦᠯᠤᠨ ᠵᠠᠰᠠᠯ ᠬᠢᠯᠭᠡᠵᠤ ᠡᠮ ᠲᠠᠩ ᠪᠤᠭᠤᠯᠭᠠᠨ ᠶᠠᠭᠠᠷᠠᠵᠥ ᠪᠠᠶᠢᠯᠠ᠃ ᠦᠤᠰᠢᠨ | ᠳᠤᠷᠰᠢᠯᠳᠠ ᠶᠢᠨ ᠪᠠᠭᠠ ᠰᠤᠷᠭᠠᠭᠤᠯᠢ ᠶᠢᠨ ᠪᠠᠭᠰᠢ ᠠᠯᠢᠮᠠ ᠶᠢᠨ ᠨᠢᠷᠤᠭᠤ ᠨᠢ ᠭᠡᠮᠳᠦᠵᠤ ᠮᠡᠳᠡᠷᠡᠯ ᠤᠨ ᠰᠢᠰᠲ᠋ᠧᠮ ᠨᠢ ᠳᠠᠷᠣᠬᠳᠠᠵᠠᠢ᠂ ᠦᠨᠤ ᠮᠣᠷᠢ ᠤᠨᠤᠬᠤ ᠵᠠᠰᠠᠯ | ᠬᠢᠯᠭᠡᠭᠡᠳ ᠨᠡᠯᠢᠶᠡᠳ ᠢᠯᠡᠷᠢᠰᠢᠭᠰᠡᠨ ᠪᠠᠶᠢᠯᠠ᠃ | ᠦᠤᠰᠢᠨ ᠳᠤᠷᠰᠢᠯᠳᠠ ᠶᠢᠨ ᠪᠠᠭᠠ ᠰᠤᠷᠭᠠᠭᠤᠯᠢ ᠶᠢᠨ ᠪᠠᠭᠰᠢ ᠠᠯᠢᠮᠠ ᠰᠤᠷᠪᠤᠯᠵᠢᠯᠠᠭᠠ ᠬᠦᠯᠢᠶᠡᠬᠦ ᠳᠡᠭᠡᠨ᠄ ︽ᠪᠢ 2015 ᠣᠨ ᠤ ᠦᠶᠡᠰ ᠢᠶᠠᠷ | ᠨᠢᠷᠤᠭᠤᠨ ᠤ ᠭᠡᠮᠳᠦᠯ ᠣᠯᠵᠤ᠂ ᠵᠢᠯ ᠭᠠᠷᠤᠢ ᠶᠢᠨ ᠡᠮᠴᠢᠯᠡᠭᠡ ᠪᠠᠷ ᠳᠠᠮᠵᠢᠨ ᠨᠡᠯᠢᠶᠡᠳ ᠰᠠᠶᠢᠨ ᠪᠤᠯᠵᠠᠢ᠂ ᠭᠡᠪᠡᠴᠦ ᠨᠢᠳᠤᠨᠤᠨ ᠤ ᠰᠡᠭᠦᠯᠴᠢ ᠪᠠᠷ ᠬᠥᠯ ᠲᠠᠬᠢᠨ | ᠡᠪᠡᠳᠴᠦ ᠡᠬᠢᠯᠡᠵᠠᠢ᠃ ᠮᠤᠷᠢ ᠤᠨᠤᠬᠤ ᠡᠮᠴᠢᠯᠡᠭᠡ ᠨᠢ ᠪᠠᠶᠢᠭᠠᠯᠢᠯᠢᠭ ᠮᠦᠷᠳᠡᠭᠡᠨ ᠡᠪᠡᠳᠴᠢᠨ ᠭᠡᠮ ᠢ ᠤᠭ ᠠᠴᠠ ᠨᠢ ᠵᠠᠰᠠᠬᠤ ᠦᠢᠯᠡᠳᠦᠯ ᠲᠠᠢ᠃ ᠮᠦᠨ ᠴᠦ | ᠭᠦᠮᠦᠨ ᠤ ᠬᠡᠢ ᠴᠢᠰᠦ ᠶᠢ ᠨᠡᠪᠳᠡᠷᠡᠭᠦᠯᠵᠦ᠂ ᠭᠦᠮᠦᠨ ᠤ ᠪᠡᠶᠡ ᠶᠢ ᠴᠢᠬᠢᠷᠡᠭᠵᠢᠭᠤᠯᠬᠤ ᠳᠤ ᠳᠦᠢᠯ ᠤᠨ ᠰᠠᠶᠢᠨ᠃ ᠢᠩᠬᠢᠭᠡᠳ ᠪᠢ ᠡᠨᠡ ᠡᠮᠴᠢᠯᠡᠭᠡᠨ ᠳᠤ ᠢᠷᠡᠯᠠ︾ | ᠭᠡᠪᠡ᠃ | 2020 ᠣᠨ ᠳᠤ ᠪᠠᠶᠢᠭᠤᠯᠣᠭᠳᠠᠭᠰᠠᠨ ᠦᠣᠰᠢᠨ ᠬᠤᠰᠢᠭᠤᠨ ᠤ ᠠᠳᠢᠰ ᠡᠷᠡᠭᠦᠯᠵᠢᠯ ᠰᠣᠪᠢᠯᠡᠯ ᠲᠧᠭᠨᠤᠯᠤᠬᠢ ᠶᠢᠨ ᠳᠥᠪ ᠨᠢ ᠣᠯᠡᠨ ᠵᠦᠢᠯ ᠤᠨ | ᠡᠪᠡᠳᠴᠢᠨ ᠡᠮᠭᠡᠭ᠂ ᠬᠡᠮ ᠠᠷᠬᠠᠭ ᠢ ᠮᠣᠩᠭᠤᠯ ᠲᠥᠪᠡᠳ ᠬᠢᠲᠠᠳ ᠡᠸᠦ᠋ᠷᠦᠫᠡ ᠡᠮᠨᠡᠯᠬᠡ ᠶᠢ ᠣᠶᠠᠯᠳᠣᠭᠤᠯᠣᠨ ᠣᠨᠣᠰᠢᠯᠡᠨ ᠵᠠᠰᠠᠬᠤ ᠶᠢᠨ ᠳᠠᠭᠠᠣ ᠤᠯᠠᠮᠵᠢᠯᠠᠯᠳᠤ | ᠮᠤᠩᠭᠤᠯ ᠡᠮ ᠡᠮᠨᠡᠯᠭᠡ᠂ ᠳᠣᠮ ᠵᠠᠰᠠᠯ᠂ ᠴᠡᠭᠡ ᠵᠠᠰᠠᠯ᠂ ᠮᠣᠷᠢ ᠤᠨᠤᠬᠤ ᠡᠮᠴᠢᠯᠡᠭᠡ ᠵᠡᠷᠭᠡ ᠡᠮᠴᠢᠯᠡᠭᠡ ᠵᠠᠰᠠᠯ ᠳᠤ ᠮᠡᠷᠭᠡᠰᠢᠨ᠂ ᠬᠢᠶᠡ ᠪᠠᠭᠰᠢ᠂ ᠤᠳᠤᠭ᠂ ᠦᠤᠰᠢᠨ | ᠵᠡᠷᠭᠡ ᠬᠤᠰᠢᠭᠤ ᠳᠣᠭᠤᠷᠢᠭ ᠲᠤ ᠳᠦᠷᠪᠡᠨ ᠰᠠᠯᠪᠤᠷᠢ ᠡᠮᠴᠢᠯᠡᠭᠡᠨ ᠤ ᠴᠡᠭ ᠲᠠᠢ ᠪᠠᠶᠢᠳᠠᠭ᠃ | ᠦᠣᠰᠢᠨ ᠬᠤᠰᠢᠭᠤᠨ ᠤ ᠠᠳᠢᠰ ᠡᠷᠡᠭᠦᠯᠵᠢᠯ ᠰᠣᠪᠢᠯᠡᠯ ᠲᠧᠭᠨᠤᠯᠤᠬᠢ ᠶᠢᠨ ᠳᠥᠪ ᠤᠨ ᠬᠠᠷᠢᠭᠤᠴᠠᠯᠭᠠᠳᠠᠨ ᠭᠦᠴᠣᠡᠪᠦ᠋ᠷᠢᠨ᠄ ︽ᠮᠠᠨᠤᠰ ᠡᠮᠴᠢ ᠪᠤᠯᠤᠭᠰᠠᠨ ᠤ | ᠬᠤᠪᠢ ᠳᠤ ᠤᠯᠠᠨ ᠳᠦᠮᠡᠨ ᠳᠤ ᠨᠡᠩ ᠰᠠᠶᠢᠨ ᠦᠢᠯᠡᠴᠢᠯᠡᠬᠦ ᠪᠠᠷ ᠤᠯᠠᠨ ᠴᠡᠭ ᠭᠠᠷᠭᠠᠵᠤ᠂ ᠭᠤᠤᠯᠳᠠᠭᠤ ᠤᠯᠠᠮᠵᠢᠯᠡᠯᠳᠤ ᠡᠮ ᠡᠮᠨᠡᠯᠭᠡ᠂ ᠮᠣᠷᠢ ᠤᠨᠤᠬᠤ ᠵᠠᠰᠠᠯ᠂ | ᠴᠡᠭᠡ ᠵᠠᠰᠠᠯ ᠬᠢᠵᠦ ᠪᠠᠶᠢᠨᠠ︾ ᠭᠡᠯᠠ᠃ | ᠳᠠᠷᠬᠠᠨᠯᠠᠮᠠ ᠭᠠᠴᠠᠭᠠ ᠨᠢ ᠬᠤᠳᠠ ᠶᠢᠨ ᠳᠡᠰ ᠤᠨ ᠲᠠᠯᠠ ᠨᠣᠳᠤᠭ ᠤᠨ ᠵᠤᠭᠠᠴᠠᠯ ᠤᠨ ᠦᠢᠯᠡᠰ ᠤᠨ ᠵᠢᠱᠢᠶᠠ ᠦᠵᠡᠭᠦᠯᠭᠦ ᠭᠠᠴᠠᠭᠠ ᠶᠤᠮ᠃ ᠲᠣᠰ | ᠭᠠᠴᠠᠭᠠ ᠨᠢ ᠪᠠᠶᠠᠡᠨᠠᠭᠤᠷ ᠤᠨ ᠦᠵᠡᠰᠭᠦᠯᠡᠩᠳᠤ ᠰᠠᠶᠢᠬᠠᠨ ᠲᠠᠯᠠ ᠨᠤᠳᠤᠭ ᠪᠣᠯᠣᠨ ᠰᠢᠯᠢᠳᠡᠭ ᠣᠶᠢᠯᠡᠴᠢᠯᠡᠭᠡ ᠪᠠᠷ ᠢᠶᠠᠨ ᠬᠤᠯᠠ ᠤᠶᠢᠷᠠ ᠶᠢᠨ ᠵᠤᠭᠠᠴᠠᠭᠰᠠᠳ ᠤᠨ | ᠪᠠᠭᠠᠷᠬᠠᠯ ᠢ ᠳᠠᠳᠠᠭᠰᠠᠨ ᠪᠠᠶᠢᠳᠠᠭ᠃ ᠦᠣᠰᠢᠨ ᠬᠤᠰᠢᠭᠤᠨ ᠤ ᠠᠳᠢᠰ ᠡᠷᠡᠭᠦᠯᠵᠢᠯ ᠰᠣᠪᠢᠯᠡᠯ ᠲᠧᠭᠨᠤᠯᠤᠬᠢ ᠶᠢᠨ ᠳᠥᠪ ᠤᠨ ᠬᠤᠪᠢᠶᠠᠷᠢ ᠴᠡᠭ ᠵᠣᠭᠠᠴᠠᠯ ᠤᠨ | ᠣᠷᠣᠨ ᠳᠤ ᠪᠠᠶᠢᠭᠤᠯᠣᠭᠳᠠᠭᠰᠠᠨ ᠨᠢ ᠮᠠᠯᠴᠢᠨ ᠳᠦᠮᠡᠨ ᠪᠣᠯᠣᠨ ᠵᠣᠭᠠᠴᠠᠭᠰᠠᠳ ᠲᠤ ᠤᠯᠠᠮᠵᠢᠯᠠᠯᠲᠤ ᠮᠣᠩᠭᠤᠯ ᠡᠮ ᠡᠮᠨᠡᠯᠭᠡ᠂ ᠳᠣᠮ ᠵᠠᠰᠠᠯ ᠤᠨ ᠡᠷᠡᠭᠦᠯᠵᠢᠯ | ᠰᠣᠪᠢᠯᠡᠯ ᠤᠨ ᠣᠶᠢᠯᠡᠴᠢᠯᠡᠭᠡ ᠶᠢ ᠬᠠᠩᠭᠠᠬᠤ ᠪᠠᠷ ᠪᠠᠷᠠᠬᠤ ᠦᠭᠡᠢ᠂ ᠵᠣᠭᠠᠴᠠᠯ ᠤᠨ ᠣᠶᠢᠯᠡᠰ ᠢ ᠭᠦᠭᠵᠢᠭᠦᠯᠥ᠋ᠨ᠂ ᠭᠠᠴᠠᠭᠠᠨ ᠤ ᠬᠠᠮᠲᠤ ᠶᠢᠨ ᠠᠵᠣ ᠠᠬᠤᠢ ᠪᠣᠯᠣᠨ | ᠮᠠᠯᠴᠢᠨ ᠳᠦᠮᠡᠨ ᠤ ᠣᠷᠣᠯᠭᠠ ᠢ ᠵᠡᠷᠭᠡ ᠪᠠᠷ ᠨᠡᠮᠡᠭᠳᠡᠭᠦᠯᠬᠦ ᠪᠤᠯᠤᠨᠠ᠃ | ᠲᠤᠭ ᠪᠠᠯᠭᠠᠰᠣᠨ ᠤ ᠳᠠᠷᠬᠠᠨᠯᠠᠮᠠ ᠭᠠᠴᠠᠭᠠᠨ ᠤ ᠨᠠᠮ ᠤᠨ ᠡᠬᠦᠷ ᠤᠨ ᠱᠦᠵᠢ᠂ ᠭᠠᠴᠠᠭᠠᠨ ᠳᠠᠷᠤᠭᠠ ᠠᠯᠳᠠᠨᠴᠤᠭᠳᠤ ᠰᠤᠷᠪᠤᠯᠵᠢᠯᠠᠭᠠ ᠬᠦᠯᠢᠶᠡᠬᠦ ᠳᠡᠭᠡᠨ᠄ ︽ | ᠮᠣᠷᠢ ᠤᠨᠤᠬᠤ᠂ ᠴᠡᠭᠡ ᠵᠠᠰᠠᠯ ᠬᠢᠬᠦ ᠤᠯᠠᠮᠵᠢᠯᠠᠯᠲᠤ ᠡᠮ ᠡᠮᠨᠡᠯᠭᠡ ᠨᠢ ᠮᠠᠯᠴᠢᠨ ᠲᠦᠮᠡᠨ ᠳᠤ ᠡᠮᠴᠢᠯᠡᠭᠡ ᠬᠢᠬᠦ ᠮᠦᠷᠳᠡᠭᠡᠨ ᠠᠳᠤᠭᠤᠨ ᠤ ᠦᠢᠯᠡᠰ ᠢ ᠬᠦᠭᠵᠢᠬᠦᠯᠵᠤ᠂ | ᠠᠳᠤᠭᠤ ᠲᠠᠢ ᠠᠶᠢᠯ ᠤᠨ ᠤᠷᠤᠯᠭᠠ ᠶᠢ ᠵᠤᠬᠢᠬᠤ ᠭᠡᠮᠵᠢᠶᠠ ᠪᠠᠷ ᠨᠡᠮᠡᠭᠳᠡᠬᠦᠯᠤᠨᠠ᠃ ᠲᠡᠭᠡᠬᠦᠯᠡᠷ ᠮᠠᠨ ᠤ ᠭᠠᠴᠠᠭᠠ ᠡᠨᠡ ᠠᠵᠢᠯ ᠢ ᠰᠡᠳᠤᠨ ᠬᠢᠵᠠᠢ᠃ ᠠᠳᠤᠭᠤᠨ | ᠰᠣᠶᠣᠯ ᠢ ᠬᠤᠶᠢᠴᠢ ᠦᠶᠡ ᠳᠡᠭᠡᠨ ᠤᠯᠠᠮᠵᠢᠯᠠᠬᠤ᠂ ᠬᠠᠮᠲᠤ ᠶᠢᠨ ᠠᠵᠤ ᠠᠬᠤᠢ ᠶᠢ ᠬᠦᠭᠵᠢᠬᠦᠯᠬᠦ ᠳᠤ ᠴᠦᠮ ᠠᠰᠢᠬᠳᠠᠢ︾ ᠭᠡᠪᠠ᠃ |