| — ᠵᠠᠰᠠᠪᠤᠷᠢᠴᠢᠨ ᠵᠠᠯᠠᠭᠤ ᠬᠠᠨᠭ᠍ᠭᠠᠢ ᠶᠢ ᠲᠡᠮᠲᠡᠭᠯᠡᠪᠡ | ︽ᠡ᠊ᠡᠭᠬᠡ ᠰᠠᠭᠤᠳᠠᠯ ᠤᠨ ᠮᠠᠰᠢᠨ ᠰᠡᠯᠪᠢᠨ ᠤᠭᠰᠠᠷᠠᠭᠤᠯᠬᠤ ᠦᠢᠯᠡᠴᠢᠯᠡᠬᠡᠨ ᠤ ᠲᠦᠪ︾᠃ ᠡᠨᠡ ᠨᠡᠷᠡ ᠶᠢ ᠦᠤᠰᠢᠨ ᠬᠤᠰᠢᠭᠤᠨ ᠤ ᠭᠠᠯᠠᠭᠤᠲᠤ | ᠪᠠᠯᠭᠠᠰᠤᠨ ᠳᠤ ᠪᠠᠶᠢᠭᠠ ᠵᠠᠷᠢᠮ ᠬᠦᠮᠦᠨ ᠮᠡᠳᠡᠬᠦ ᠦᠭᠡᠢ ᠪᠤᠯᠪᠠᠴᠤ ᠮᠠᠰᠢᠨ ᠲᠡᠷᠭᠡ ᠵᠠᠰᠠᠳᠠᠭ ᠬᠠᠨᠭ᠍ᠭᠠᠢ ᠬᠡᠬᠦ ᠪᠠᠷ ᠲᠠᠨᠢᠳᠠᠭ ᠨᠢ ᠤᠯᠠᠨ᠃ ᠨᠠᠰᠤ ᠭᠤᠴᠢᠨ | ᠭᠤᠷᠪᠠ ᠶᠢ ᠲᠦᠷᠦᠬᠡᠯᠡᠵᠤ ᠪᠠᠶᠢᠭᠠ ᠡᠨᠡ ᠵᠠᠯᠠᠭᠤ ᠭᠠᠯᠠᠭᠤᠲᠤ ᠪᠠᠯᠭᠠᠰᠤᠨ ᠳᠤ ᠲᠤᠭᠠᠲᠠᠢ ᠬᠡᠳᠦᠬᠡᠨ ᠪᠠᠶᠢᠳᠠᠭ ᠮᠤᠩᠭᠤᠯ ᠵᠠᠰᠠᠪᠤᠷᠢᠴᠢᠨ ᠤ ᠨᠢᠬᠡ᠃ ᠬᠠᠷᠢᠨ | ᠲᠡᠭᠦᠨ ᠤ ᠦᠢᠯᠡᠴᠢᠯᠡᠬᠡᠨ ᠤ ᠲᠦᠪ ᠲᠤ ᠮᠠᠰᠢᠨ ᠲᠡᠷᠭᠡ ᠬᠡᠭᠴᠢ ᠵᠠᠭᠤ ᠮᠢᠩᠭᠠ ᠪᠠᠷ ᠴᠤᠪᠤᠷᠠᠵᠤ ᠪᠠᠶᠢᠳᠠᠭ ᠢ ᠨᠡᠯᠢᠶᠡᠳ ᠬᠦᠮᠦᠨ ᠮᠡᠳᠡᠨᠡ᠃ ᠦᠨᠦᠳᠦᠷ ᠪᠢᠳᠠ | ᠡᠨᠡ ᠬᠦᠮᠦᠨ ᠲᠠᠢ ᠲᠠᠨᠢᠯᠴᠠᠵᠤ ᠪᠠᠶᠢᠨᠠ᠃ ᠨᠡᠶᠢᠬᠡᠮ ᠤᠨ ᠬᠦᠭᠵᠢᠯᠲᠡ᠂ ᠠᠵᠤ ᠠᠬᠤᠢ ᠶᠢᠨ ᠲᠡᠭᠡᠭᠰᠢᠯᠡᠯᠲᠡ ᠶᠢ ᠳᠠᠭᠠᠯᠲᠤᠨ ᠤᠳᠤ ᠴᠠᠭ ᠲᠤ ᠮᠠᠰᠢᠨ ᠲᠡᠷᠭᠡ | ᠦᠭᠡᠢ ᠬᠦᠮᠦᠨ ᠪᠠᠷᠤᠭ ᠪᠠᠶᠢᠬᠤ ᠦᠭᠡᠢ ᠪᠤᠯᠵᠠᠢ ᠬᠡᠬᠦ ᠳᠤ ᠠᠬᠠᠳᠠᠮᠠᠷ ᠦᠭᠡᠢ ᠪᠠᠶᠢᠬᠠ᠃ ᠬᠡᠪᠡᠴᠤ ᠲᠡᠷᠡ ᠤᠯᠠᠨ ᠮᠠᠰᠢᠨ ᠲᠡᠷᠭᠡᠨ ᠤ ᠡᠷᠬᠢ ᠱᠤᠷᠠᠭ᠂ | ᠬᠠᠳᠠᠭᠠᠰᠤ ᠬᠠᠮᠠᠷ ᠬᠦᠷᠲᠡᠯᠡ ᠡᠪᠳᠡᠷᠡᠬᠦ ᠴᠠᠭ ᠲᠠᠭᠠᠨ ᠡᠪᠳᠡᠷᠡᠵᠤ᠂ ᠲᠡᠭᠦᠨ ᠢ ᠵᠠᠰᠠᠬᠤ ᠴᠢᠬᠤᠯᠠᠲᠠᠢ ᠦᠶᠡ ᠳᠡᠭᠡᠨ ᠵᠠᠰᠠᠵᠤ ᠪᠠᠶᠢᠮᠠᠨᠵᠢᠨ ᠠᠮᠢ ᠨᠠᠰᠤ ᠨᠢ ᠨᠡᠩ | ᠤᠷᠲᠤ ᠪᠤᠯᠳᠠᠭ᠂ ᠬᠠᠷᠢᠨ ᠡᠨᠡ ᠵᠠᠰᠠᠪᠤᠷᠢ ᠶᠢ ᠬᠡᠨ ᠬᠢᠬᠦ ᠪᠢᠯᠡ︖ ᠬᠤᠷᠢᠭᠠᠳ ᠵᠢᠯ ᠤᠨ ᠡᠮᠦᠨᠡ ᠪᠤᠯ ᠬᠦᠳᠡᠭᠡ ᠤᠷᠤᠨ ᠨᠤᠲᠤᠭ ᠤᠨ ᠮᠠᠯᠴᠢᠳ ᠠᠯᠢ ᠨᠢ | ᠴᠤ ᠬᠡᠳ ᠪᠠᠷᠤᠭ ᠮᠠᠰᠢᠨ ᠰᠡᠯᠪᠢᠬᠦ ︽ᠮᠡᠷᠬᠡᠵᠢᠯᠲᠡᠨ︾ ᠪᠠᠶᠢᠵᠤ᠂ ᠮᠤᠲ᠋ᠤᠷ ᠮᠠᠰᠢᠨ ᠨᠢ ᠪᠠᠭᠠ ᠰᠠᠭᠠ ᠠᠰᠠᠭᠤᠳᠠᠯ ᠭᠠᠷᠪᠠᠯ ᠦᠪᠡᠷᠲᠡᠬᠡᠨ ᠵᠠᠰᠠᠴᠢᠬᠠᠳᠠᠭ | ᠪᠠᠶᠢᠭᠰᠠᠨ᠂ ᠬᠠᠷᠢᠨ ᠤᠳᠤ ᠪᠤᠯ ᠲᠤᠰᠬᠠᠢ ᠮᠡᠷᠬᠡᠵᠢᠯ ᠤᠨ ᠬᠦᠮᠦᠨ ᠢ ᠤᠯᠬᠤ ᠦᠭᠡᠢ ᠪᠤᠯ ᠦᠪᠡᠷ ᠢᠶᠠᠨ ᠵᠠᠰᠠᠨᠠ ᠬᠡᠳᠡᠭ ᠪᠠᠷᠤᠭ ᠬᠤᠳᠠᠯ ᠪᠤᠯᠵᠠᠢ᠂ ᠨᠡᠩ ᠴᠤ | ᠰᠢᠨᠡ ᠬᠡᠯᠪᠡᠷᠢ ᠶᠢᠨ ᠲᠡᠷᠢᠭᠦᠨ ᠤ ᠮᠡᠷᠬᠡᠵᠢᠯ ᠤᠷᠤᠭᠤᠯᠤᠭᠰᠠᠨ ᠮᠠᠰᠢᠨ ᠢ ᠬᠡᠨ ᠵᠠᠰᠠᠶᠠ ᠬᠡᠪᠡᠯ ᠵᠠᠰᠠᠴᠢᠬᠠᠳᠠᠭ ᠤᠴᠢᠷ ᠪᠢᠰᠢ᠃ ᠲᠡᠭᠡᠬᠦ ᠳᠤ ᠬᠠᠨᠭ᠍ᠭᠠᠢ ᠮᠡᠲᠤ ᠶᠢᠨ | ᠬᠦᠮᠦᠰ ᠨᠡᠶᠢᠬᠡᠮ ᠳᠤ ᠬᠤᠪᠢ ᠨᠡᠮᠡᠷᠢ ᠪᠠᠨ ᠦᠵᠡᠬᠦᠯᠵᠤ᠂ ᠦᠢᠯᠡᠴᠢᠯᠡᠬᠡᠨ ᠤ ᠠᠵᠢᠯ ᠢᠶᠠᠷ ᠦᠨᠡ ᠦᠷᠲᠡᠭ ᠢᠶᠠᠨ ᠪᠠᠳᠠᠷᠠᠭᠤᠯᠵᠤ ᠶᠠᠪᠤᠭᠠ ᠨᠢ ᠦᠨᠡᠨ᠃ | | | | | | | 1990 ᠤᠨ ᠳᠤ ᠦᠤᠰᠢᠨ ᠬᠤᠰᠢᠭᠤᠨ ᠤ ᠰᠦᠯᠳᠡ ᠰᠤᠮᠤᠨ ᠤ ᠲᠦᠡᠭᠼᠢ ᠭᠠᠴᠠᠭᠠᠨ ᠳᠤ ᠠᠪᠤ ᠡᠵᠢ ᠢᠶᠠᠨ ᠠᠮᠢᠨ ᠭᠠᠭᠴᠠ ᠡᠷᠳᠡᠨᠢ ᠨᠢ ᠪᠤᠯᠵᠤ | ᠵᠠᠶᠠᠭᠠᠭᠰᠠᠨ ᠬᠠᠨᠭ᠍ᠭᠠᠢ 2009 ᠤᠨ ᠳᠤ ᠲᠡᠭᠡᠳᠦ ᠲᠤᠮᠳᠠᠳᠤ ᠪᠠᠨ ᠲᠡᠭᠦᠰᠦᠬᠡᠳ ᠤᠷᠤᠨ ᠤ ᠲᠦᠪ ᠬᠦᠭᠡᠬᠤᠲᠠ ᠬᠦᠷᠴᠤ᠂ ᠦᠪᠦᠷ ᠮᠤᠩᠭᠤᠯ ᠤᠨ ᠠᠵᠤ | ᠠᠬᠤᠢ ᠠᠷᠠᠯᠵᠢᠶᠠᠨ ᠤ ᠰᠤᠷᠭᠠᠭᠤᠯᠢ ᠳᠤ ᠮᠠᠰᠢᠨ ᠲᠡᠷᠭᠡ ᠰᠡᠯᠪᠢᠨ ᠵᠠᠰᠠᠬᠤ ᠮᠡᠷᠬᠡᠵᠢᠯ ᠰᠤᠷᠤᠯᠴᠠᠭᠰᠠᠨ ᠪᠠᠶᠢᠨᠠ᠃ | | | | | | ︽ᠲᠡᠭᠡᠳᠦ ᠲᠤᠮᠳᠠᠳᠤ ᠳᠤ ᠰᠤᠷᠤᠯᠴᠠᠵᠤ ᠪᠠᠶᠢᠬᠤ ᠳᠠᠭᠠᠨ ᠪᠢ ᠮᠠᠰᠢᠨ ᠲᠡᠷᠭᠡᠨ ᠳᠤ ᠶᠡᠭᠡ ᠲᠤᠷᠠᠲᠠᠢ ᠪᠠᠶᠢᠭᠰᠠᠨ᠂ ᠮᠦᠨ ᠴᠤ ᠤᠯᠤᠰ ᠤᠨ ᠨᠢᠬᠡᠳᠦᠯᠲᠡᠢ | ᠰᠢᠯᠭᠠᠯᠲᠠ ᠳᠤ ᠦᠨᠳᠦᠷ ᠬᠤᠪᠢ ᠤᠯᠤᠭᠠ ᠦᠭᠡᠢ ᠮᠢᠨᠢ ᠦᠨᠡᠨ᠂ ᠲᠡᠭᠡᠬᠦ ᠳᠤ ᠪᠢ ᠲᠤᠳᠤᠷᠠ ᠪᠠᠨ ᠨᠢᠬᠡ ᠵᠢᠯ ᠠᠩᠭᠢ ᠪᠠᠭᠤᠵᠤ ᠲᠠᠪᠲᠠᠨ ᠰᠤᠷᠤᠯᠴᠠᠬᠤ ᠶᠤᠮ | ᠤᠤ ᠬᠡᠵᠤ ᠪᠤᠳᠤᠭᠰᠠᠨ ᠴᠤ᠂ ᠨᠢᠬᠡ ᠳᠤ ᠬᠡᠷᠪᠡ ᠰᠠᠶᠢᠨ ᠶᠡᠭᠡ ᠰᠤᠷᠭᠠᠭᠤᠯᠢ ᠳᠤ ᠰᠢᠯᠭᠠᠭᠤᠯᠤᠭᠠᠳ ᠭᠠᠷᠤᠭᠰᠠᠨ ᠴᠤ ᠠᠳᠠᠭ ᠲᠠᠭᠠᠨ ᠲᠦᠷᠪᠡᠨ ᠵᠢᠯ | ᠰᠤᠷᠤᠯᠴᠠᠨᠠ᠂ ᠲᠡᠭᠦᠨ ᠤ ᠲᠡᠭᠡᠷᠡ ᠠᠴᠠ ᠮᠠᠨ ᠤ ᠬᠡᠷ ᠤᠨ ᠠᠮᠢᠳᠤᠷᠠᠯ ᠪᠠᠰᠠ ᠲᠡᠶᠢᠮᠤ ᠶᠡᠭᠡ ᠴᠢᠨᠡᠬᠡᠯᠢᠭ ᠪᠢᠰᠢ ᠪᠤᠯᠬᠤᠷ ᠲᠦᠷᠪᠡᠨ ᠵᠢᠯ ᠤᠨ ᠰᠤᠷᠤᠯᠭᠠ | ᠠᠮᠢᠳᠤᠷᠠᠯ ᠤᠨ ᠰᠦᠢᠳᠬᠡᠯ ᠪᠠᠰᠠ ᠪᠠᠭᠠ ᠦᠭᠡᠢ᠂ ᠨᠡᠩ ᠴᠤ ᠤᠳᠤ ᠴᠠᠭ ᠲᠤ ᠬᠡᠴᠢᠨᠡᠬᠡᠨ ᠤᠯᠠᠨ ᠤᠶᠤᠲᠠᠨ ᠪᠠᠶᠢᠲᠤᠭᠠᠢ ᠰᠤᠳᠤᠯᠬᠤ ᠰᠤᠷᠤᠭᠴᠢ ᠬᠦᠷᠲᠡᠯᠡ | ᠠᠵᠢᠯ ᠤᠯᠬᠤ ᠳᠤ ᠬᠦᠴᠢᠷᠲᠡᠢ ᠪᠠᠶᠢᠭᠠ ᠶᠢ ᠬᠠᠷᠠᠭᠠᠳ ᠡᠷᠲᠡᠬᠡᠨ ᠠᠴᠠ ᠡᠬᠢᠯᠡᠨ ᠲᠤᠰᠬᠠᠢ ᠮᠡᠷᠬᠡᠵᠢᠯ ᠰᠤᠷᠤᠯᠴᠠᠨ᠂ ᠲᠡᠷᠡ ᠮᠡᠷᠬᠡᠵᠢᠯ ᠢᠶᠠᠷ ᠢᠶᠠᠨ ᠦᠪᠡᠷ ᠢ ᠪᠠᠨ | ᠲᠡᠵᠢᠬᠡᠵᠤ ᠶᠠᠪᠤᠪᠠᠯ ᠲᠡᠭᠡᠷᠡ ᠪᠠᠶᠢᠬᠠ ᠡ ᠬᠡᠮᠡᠨ ᠮᠠᠰᠢᠨ ᠲᠡᠷᠭᠡ ᠰᠡᠯᠪᠢᠨ ᠵᠠᠰᠠᠬᠤ ᠲᠤᠰᠬᠠᠢ ᠮᠡᠷᠬᠡᠵᠢᠯ ᠢ ᠰᠤᠷᠤᠯᠴᠠᠬᠤ ᠪᠠᠷ ᠬᠦᠭᠡᠬᠤᠲᠠ ᠶᠢ ᠵᠤᠷᠢᠭᠰᠠᠨ ᠶᠤᠮ︾ | ᠬᠡᠮᠡᠨ ᠬᠠᠨᠭ᠍ᠭᠠᠢ ᠶᠠᠷᠢᠯᠠ᠃ ᠦᠨᠡᠨ ᠢ ᠬᠡᠯᠡᠬᠦ ᠳᠤ ᠲᠡᠭᠦᠨ ᠤ ᠡᠨᠡ ᠪᠤᠳᠤᠯ ᠦᠭᠡᠷᠡ ᠪᠤᠰᠤᠳ ᠤᠯᠠᠨ ᠬᠦᠮᠦᠨ ᠳᠤ ᠪᠠᠰᠠ ᠵᠤᠬᠢᠷᠠᠨᠠ᠂ ᠲᠤᠮᠳᠠᠳᠤ ᠤᠯᠤᠰ ᠤᠨ | ᠠᠵᠢᠯ ᠤᠯᠭᠤᠯᠲᠠ ᠶᠢᠨ ᠠᠰᠠᠭᠤᠳᠠᠯ ᠵᠠᠯᠠᠭᠤᠴᠤᠳ ᠤᠨ ᠲᠤᠯᠤᠭᠠᠢ ᠶᠢ ᠰᠦᠷᠡᠬᠡᠢ ᠡᠪᠡᠳᠬᠡᠨ᠂ ᠶᠡᠭᠡ ᠲᠡᠭᠡᠳᠦ ᠰᠤᠷᠭᠠᠭᠤᠯᠢ ᠪᠠᠨ ᠲᠡᠭᠦᠰᠦᠬᠡᠳ ᠲᠠᠪᠤ ᠠᠷᠪᠠᠨ | ᠵᠢᠯ ᠢᠶᠠᠷ ᠠᠵᠢᠯ ᠤᠯᠵᠤ ᠬᠢᠭᠡ ᠦᠭᠡᠢ᠂ ᠠᠷᠭᠠ ᠪᠤᠰᠤ ᠨᠡᠶᠢᠬᠡᠮ ᠬᠡᠬᠦ ᠲᠤᠮᠤ ᠲᠠᠯᠠᠪᠤᠷ ᠲᠤ ᠲᠤᠬᠢᠷᠠᠬᠤ ᠨᠢᠬᠡ ᠵᠦᠢᠯ ᠤᠨ ᠮᠡᠷᠬᠡᠵᠢᠯ ᠢ ᠰᠤᠷᠤᠯᠴᠠᠨ᠂ ᠲᠡᠷᠡ | ᠵᠠᠮ ᠢᠶᠠᠷ ᠤᠨᠠᠨ ᠪᠦᠳᠦᠴᠢᠨ ᠶᠠᠪᠤᠭᠠ ᠨᠢ ᠪᠢᠳᠠᠨ ᠤ ᠬᠠᠷᠠᠭᠠᠨ ᠳᠤ ᠳᠤᠲᠤᠷᠠᠭᠰᠠᠭᠠᠷ ᠪᠤᠢ᠃ ᠬᠠᠷᠢᠨ ᠬᠠᠨᠭ᠍ᠭᠠᠢ ᠪᠤᠯ ᠡᠨᠡ ᠵᠠᠮ ᠢᠶᠠᠷ ᠶᠠᠪᠤᠭᠠ ᠦᠭᠡᠢ ᠨᠢ | ᠲᠡᠭᠦᠨ ᠳᠤ ᠠᠪᠴᠤ ᠬᠡᠯᠡᠪᠡᠯ ᠶᠡᠭᠡ ᠤᠨᠤᠭᠰᠠᠨ ᠤᠴᠢᠷ ᠪᠠᠶᠢᠵᠠᠢ᠃ | | | | | | 2010 ᠤᠨ ᠳᠤ ᠲᠡᠷᠡ ᠦᠪᠦᠷ ᠮᠤᠩᠭᠤᠯ ᠤᠨ ᠠᠵᠤ ᠠᠬᠤᠢ ᠠᠷᠠᠯᠵᠢᠶᠠᠨ ᠤ ᠰᠤᠷᠭᠠᠭᠤᠯᠢ ᠠᠴᠠ ᠪᠠᠨ ᠲᠡᠭᠦᠰᠦᠮᠡᠭᠴᠡ ᠳ᠋ᠦ᠋ᠩᠱᠸᠡᠭ ᠲᠤᠭᠤᠷᠢᠭ ᠤᠨ | ᠲᠦ᠋ᠩᠴᠤᠸᠠᠨ ᠪᠠᠯᠭᠠᠰᠤᠨ ᠳᠤ ᠮᠠᠰᠢᠨ ᠲᠡᠷᠭᠡ ᠰᠡᠯᠪᠢᠨ ᠵᠠᠰᠠᠬᠤ ᠲᠤᠰᠬᠠᠢ ᠮᠡᠷᠬᠡᠵᠢᠯ ᠤᠨ ᠪᠠᠭᠰᠢ ᠳᠠᠭᠠᠵᠤ᠂ ᠮᠠᠰᠢᠨ ᠲᠡᠷᠭᠡ ᠰᠡᠯᠪᠢᠨ ᠵᠠᠰᠠᠬᠤ | ᠦᠢᠯᠡᠳᠦᠯᠬᠡ ᠳᠤ ᠤᠷᠤᠯᠴᠠᠯᠠ᠃ ᠡ᠊ᠨᠳᠡ ᠪᠠᠶᠢᠬᠤ ᠬᠤᠭᠤᠴᠠᠭᠠᠨ ᠳᠤ ᠲᠡᠷᠡ ᠡᠯᠳᠡᠪ ᠵᠦᠢᠯ ᠤᠨ ᠪᠠᠯᠪᠠᠷᠠᠵᠤ ᠡᠪᠳᠡᠷᠡᠭᠰᠡᠨ ᠮᠠᠰᠢᠨ ᠲᠤᠨᠤᠭ ᠲᠠᠢ ᠨᠤᠴᠤᠯᠳᠤᠨ᠂ | ᠰᠤᠷᠭᠠᠭᠤᠯᠢ ᠳᠤ ᠪᠠᠶᠢᠬᠤ ᠳᠤ ᠵᠠᠷᠢᠮ ᠤᠨᠤᠯ ᠢ ᠨᠢ ᠰᠤᠷᠤᠭᠠᠳ ᠭᠠᠷ ᠢᠶᠠᠷ ᠬᠢᠵᠤ ᠦᠵᠡᠭᠡ ᠦᠭᠡᠢ ᠶᠢ ᠪᠠᠷᠤᠭ ᠪᠦᠬᠦᠨ ᠢ ᠬᠢᠵᠤ ᠦᠵᠡᠭᠰᠡᠨ ᠪᠠᠶᠢᠨᠠ᠃ ︽ | ᠤᠷᠤᠯᠳᠤᠯᠭᠠ ᠰᠠᠶᠢᠲᠤ ᠤᠷᠤᠢ ᠳᠤ ᠨᠢ ᠭᠠᠷᠤᠨᠠ︾ ᠭᠡᠳᠡᠭ ᠦᠭᠡ ᠪᠠᠰᠠ ᠵᠦᠬᠡᠷ ᠨᠢᠬᠡ ᠬᠡᠯᠡᠭᠰᠡᠨ ᠦᠭᠡ ᠪᠢᠰᠢ ᠠᠵᠢ᠂ ᠬᠠᠨᠭ᠍ᠭᠠᠢ ᠦᠷᠯᠥ᠋ᠬᠡ ᠶᠢᠨ | ᠨᠠᠷᠠᠨ ᠠᠴᠠ ᠡᠷᠲᠡᠯᠡᠨ ᠪᠤᠰᠴᠤ ᠦᠳᠡᠰᠢ ᠶᠢᠨ ᠪᠦᠷᠦᠢ ᠠᠴᠠ ᠰᠡᠬᠦᠯᠳᠡᠵᠤ ᠤᠨᠲᠠᠨ ᠂ ᠡᠳᠦᠷ ᠪᠤᠯᠭᠠᠨ ᠡᠯᠳᠡᠪ ᠵᠦᠢᠯ ᠤᠨ ᠮᠠᠰᠢᠨ ᠲᠡᠷᠭᠡ ᠶᠢ ᠪᠠᠭᠰᠢ ᠪᠠᠨ | ᠳᠠᠭᠠᠵᠤ ᠰᠡᠯᠪᠢᠭᠰᠡᠨ ᠠᠴᠠ ᠵᠠᠰᠠᠪᠤᠷᠢ ᠶᠢᠨ ᠮᠡᠷᠬᠡᠵᠢᠯ ᠨᠢ ᠲᠡᠭᠡᠭᠰᠢᠯᠡᠨ ᠠᠭᠠᠵᠢᠮ ᠳᠠᠭᠠᠨ ᠵᠠᠷᠢᠮ ᠮᠠᠰᠢᠨ ᠢ ᠭᠠᠭᠴᠠᠭᠠᠷ ᠢᠶᠠᠨ ᠴᠤ ᠵᠠᠰᠠᠴᠢᠬᠠᠬᠤ ᠴᠢᠳᠠᠪᠤᠷᠢ ᠲᠠᠢ | ᠪᠤᠯᠵᠠᠢ᠃ ᠢᠡᠭᠭᠢᠭᠡᠳ ᠠᠩᠬᠠᠨ ᠤ ᠵᠢᠯ ᠲᠡᠷᠡ ᠱᠠᠪᠢ ᠠᠵᠢᠯᠲᠠᠨ ᠢᠶᠠᠷ ᠡᠨᠡ ᠭᠠᠵᠠᠷ ᠠᠵᠢᠯᠯᠠᠭᠰᠠᠨ ᠪᠤᠯ ᠲᠠᠷᠠᠭᠠ ᠵᠢᠯ ᠨᠢ ᠪᠤᠯᠬᠤ ᠳᠤ ᠳᠡᠰ ᠲᠠᠪᠰᠢᠨ ᠵᠢᠩᠭᠢᠨᠢ | ᠵᠠᠰᠠᠪᠤᠷᠢᠴᠢᠨ ᠪᠤᠯᠵᠤ ᠬᠤᠵᠢᠮ ᠤᠨ ᠵᠠᠮ ᠳᠠᠭᠠᠨ ᠰᠠᠭᠤᠷᠢ ᠲᠠᠯᠪᠢᠭᠰᠠᠨ ᠪᠠᠶᠢᠪᠠ᠃ ᠬᠡᠪᠡᠴᠤ ᠪᠠᠰᠠ ᠨᠢᠬᠡ ᠠᠰᠠᠭᠤᠳᠠᠯ ᠲᠡᠭᠦᠨ ᠤ ᠲᠤᠯᠤᠭᠠᠢ ᠶᠢ ᠡᠪᠡᠳᠬᠡᠵᠤ᠂ | ᠡ᠊ᠨᠳᠡ ᠬᠡᠳᠦᠢ ᠬᠦᠴᠦᠯᠡᠨ ᠴᠢᠷᠮᠠᠶᠢᠵᠤ ᠰᠠᠶᠢᠨ ᠠᠵᠢᠯᠯᠠᠭᠰᠠᠨ ᠴᠤ ᠦᠪᠡᠷ ᠤᠨ ᠨᠤᠲᠤᠭ ᠲᠠᠭᠠᠨ ᠦᠪᠡᠷ ᠢᠶᠠᠨ ᠦᠢᠯᠡᠰ ᠪᠤᠰᠬᠠᠵᠤ ᠶᠠᠪᠤᠬᠤ ᠶᠢᠨ ᠬᠢᠷᠢ ᠰᠠᠶᠢᠨ | ᠪᠢᠰᠢ ᠪᠤᠳᠤᠭᠳᠠᠵᠤ᠂ ᠲᠦᠷᠪᠡᠨ ᠵᠢᠯ ᠤᠨ ᠨᠢᠭᠤᠷ ᠢ ᠦᠵᠡᠭᠰᠡᠨ ᠤ ᠲᠠᠷᠠᠭᠠ ᠦᠤᠰᠢᠨ ᠨᠤᠲᠤᠭ ᠲᠠᠭᠠᠨ ᠪᠤᠴᠠᠬᠤ ᠰᠶᠢᠳᠪᠦᠷᠢ ᠭᠠᠷᠭᠠᠭᠰᠠᠨ ᠪᠠᠶᠢᠯᠠ᠃ | | | | | | | | | 2014 ᠤᠨ ᠤ ᠵᠢᠯ ᠤᠨ ᠡᠴᠦᠰ ᠢᠶᠠᠷ ᠲᠡᠷᠡ ᠦᠰᠦᠭᠰᠡᠨ ᠲᠦᠷᠦᠭᠰᠡᠨ ᠨᠤᠲᠤᠭ ᠦᠤᠰᠢᠨ ᠬᠤᠰᠢᠭᠤᠨ ᠳᠠᠭᠠᠨ ᠪᠤᠴᠠᠨ ᠢᠷᠡᠵᠤ᠂ ᠶᠡᠭᠡ ᠵᠡᠬᠡᠯᠢ ᠶᠢᠨ | ᠬᠠᠵᠠᠭᠤ ᠳᠤ ᠨᠢᠬᠡ ᠮᠠᠰᠢᠨ ᠲᠡᠷᠭᠡ ᠰᠡᠯᠪᠢᠨ ᠵᠠᠰᠠᠬᠤ ᠭᠠᠵᠠᠷ ᠭᠠᠷᠭᠠᠬᠤ ᠪᠠᠷ ᠵᠤᠷᠢᠭ ᠰᠢᠭᠤᠳᠪᠠ᠃ ᠬᠡᠪᠡᠴᠤ ᠦᠡᠭᠬᠡ ᠠᠯᠠᠭ ᠡᠨᠡ ᠬᠤᠷᠸᠠ ᠶᠢᠨ ᠦᠰᠬᠡᠨ | ᠲᠦᠰᠬᠡᠨ ᠲᠠᠢ ᠠᠮᠢᠳᠤᠷᠠᠯ ᠤᠨ ᠶᠠᠪᠤᠴᠠ ᠪᠠᠰᠠ ᠵᠠᠷᠢᠮ ᠳᠠᠭᠠᠨ ᠦᠷᠯᠦᠭᠡ ᠦᠳᠡᠰᠢ ᠶᠢᠨ ᠬᠢᠷᠠᠭᠤ ᠮᠡᠲᠤ ᠪᠠᠶᠢᠳᠠᠭ ᠢ ᠬᠠᠨᠭ᠍ᠭᠠᠢ ᠲᠡᠷᠡ ᠦᠶᠡ ᠳᠤ ᠤᠭᠲᠤᠬᠠᠨ | ᠴᠤ ᠪᠤᠳᠤᠵᠤ ᠤᠯᠤᠭᠠ ᠦᠭᠡᠢ ᠪᠠᠶᠢᠪᠠ᠃ ᠬᠡᠷ ᠢᠶᠠᠨ ᠲᠦᠷᠢᠶᠡᠰᠦᠯᠡᠬᠡᠳ ᠠᠪᠤᠭᠰᠠᠨ ᠲᠡᠷᠡ ᠪᠠᠷ ᠦᠨᠡᠮᠯᠡᠯ ᠢᠶᠠᠨ ᠭᠠᠷᠭᠠᠵᠤ ᠠᠪᠤᠶᠠ ᠬᠡᠬᠦ ᠳᠤ ᠨᠦᠬᠦᠴᠡᠯ | ᠬᠦᠷᠦᠯᠴᠡᠳᠡᠭ ᠦᠭᠡᠢ ᠮᠦᠷᠲᠡᠬᠡᠨ ᠲᠡᠭᠦᠨ ᠤ ᠲᠦᠷᠢᠶᠡᠰᠦᠯᠡᠭᠰᠡᠨ ᠡ᠊ᠨᠡ ᠭᠠᠵᠠᠷ ᠲᠤ ᠮᠠᠰᠢᠨ ᠲᠡᠷᠭᠡ ᠰᠡᠯᠪᠢᠨ ᠵᠠᠰᠠᠬᠤ ᠦᠢᠯᠡᠴᠢᠯᠡᠬᠡᠨ ᠤ ᠲᠦᠪ ᠢ ᠨᠡᠮᠡᠵᠤ | ᠨᠡᠬᠡᠬᠡᠬᠦ ᠦᠭᠡᠢ ᠬᠡᠮᠡᠨ ᠬᠤᠯᠪᠤᠭᠳᠠᠯ ᠪᠦᠬᠦᠢ ᠰᠠᠯᠠᠭᠠ ᠮᠦᠴᠢᠷ ᠠᠴᠠ ᠵᠦᠪᠰᠢᠶᠡᠷᠡᠯ ᠦᠭᠭᠦᠭᠰᠡᠨ ᠦᠭᠡᠢ᠃ ᠡᠬᠦᠨ ᠤ ᠬᠠᠮᠲᠤ ᠮᠠᠰᠢᠨ ᠲᠡᠷᠭᠡ ᠰᠡᠯᠪᠢᠨ | ᠵᠠᠰᠠᠬᠤ ᠳᠤ ᠬᠤᠪᠢ ᠬᠦᠮᠦᠨ ᠪᠠᠰᠠ ᠨᠡᠯᠢᠶᠡᠳ ᠤᠯᠠᠨ ᠬᠠᠮᠢᠶᠠ ᠪᠦᠬᠦᠢ ᠦᠨᠡᠮᠯᠡᠯ ᠲᠠᠢ ᠪᠠᠶᠢᠬᠤ ᠬᠡᠷᠡᠭᠲᠡᠢ ᠠᠵᠢ᠃ ᠢᠡᠭᠭᠢᠵᠤ ᠬᠠᠳᠠᠭᠠᠰᠤ ᠮᠦᠷᠬᠦᠭᠰᠡᠨ | ᠲᠡᠷᠡ ᠪᠠᠷ ᠨᠢᠬᠡ ᠵᠢᠯ ᠭᠠᠷᠤᠢ ᠶᠢᠨ ᠬᠤᠭᠤᠴᠠᠭᠠᠨ ᠳᠤ ᠡᠨᠡ ᠲᠡᠷᠡ ᠭᠠᠵᠠᠷ ᠬᠦᠷᠴᠤ ᠦᠨᠡᠮᠯᠡᠯ ᠰᠢᠯᠭᠠᠭᠤᠯᠬᠤ ᠪᠠᠷ ᠪᠠᠷᠠᠬᠤ ᠦᠭᠡᠢ ᠤᠨᠤᠯ ᠤᠨ ᠮᠡᠳᠡᠯᠬᠡ | ᠰᠤᠷᠤᠯᠴᠠᠨ ᠰᠢᠯᠭᠠᠯᠲᠠ ᠳᠤ ᠤᠷᠤᠯᠴᠠᠵᠤ ᠶᠠᠪᠤᠭᠰᠠᠨ ᠪᠠᠶᠢᠨᠠ᠃ ︽ᠶᠠᠪᠤᠭᠰᠠᠨ ᠶᠠᠭᠤᠮᠠ ᠵᠤᠭᠰᠤᠭᠰᠠᠨ ᠵᠦᠢᠯ ᠳᠤ ᠶᠠᠮᠠᠷ ᠨᠢᠬᠡᠨ ᠴᠠᠭ ᠲᠤ ᠬᠦᠷᠳᠡᠭ︾ | ᠬᠡᠭᠴᠢ ᠪᠠᠷ ᠲᠡᠷᠡ ᠮᠠᠨᠢ ᠲᠤᠷᠰᠢᠯᠭᠠ ᠪᠠᠨ ᠳ᠋ᠦᠡᠭᠨᠡᠵᠤ᠂ ᠲᠤᠳᠠᠭᠤᠳᠠᠭᠰᠠᠨ ᠢᠶᠠᠨ ᠨᠦᠬᠦᠪᠦᠷᠢᠯᠡᠨ ᠪᠠᠶᠢᠭᠰᠠᠭᠠᠷ 2016 ᠤᠨ ᠪᠤᠯᠬᠤ ᠳᠤ ᠪᠤᠢ ᠪᠦᠬᠦᠢ | ᠦᠨᠡᠮᠯᠡᠯ᠂ ᠭᠠᠷ ᠬᠦᠢᠴᠡᠳᠬᠡᠯ ᠢᠶᠠᠨ ᠪᠦᠷᠢᠨ ᠪᠤᠯᠭᠠᠭᠠᠳ᠂ ᠭᠠᠯᠠᠭᠤᠲᠤ ᠪᠠᠯᠭᠠᠰᠤ ᠶᠢᠨ ︽ᠤᠮᠠᠷᠠᠲᠤ ᠬᠦᠢᠯᠬᠡᠬᠡᠨ ᠤ ᠬᠦᠷᠢᠶᠡᠯᠡᠩ ᠲᠤᠭᠤᠷᠢᠭ︾ ᠲᠤ | ᠦᠪᠡᠷ ᠤᠨ ᠬᠡᠰᠡᠨ ᠤᠷᠤᠨ ᠪᠠᠶᠢᠷᠢ ᠪᠠᠨ ᠤᠯᠵᠤ᠂ 150 ᠭᠠᠷᠤᠢ ᠲᠡᠭᠰᠢ ᠲᠦᠷᠪᠡᠯᠵᠢᠨ ᠮᠧᠲᠷ ᠤᠨ ᠲᠠᠯᠠᠪᠠᠢ ᠲᠠᠢ ︽ ᠡ᠊ᠡᠭᠬᠡ ᠰᠠᠭᠤᠳᠠᠯ ᠤᠨ ᠮᠠᠰᠢᠨ ᠰᠡᠯᠪᠢᠨ | ᠤᠭᠰᠠᠷᠠᠭᠤᠯᠬᠤ ᠦᠢᠯᠡᠴᠢᠯᠡᠬᠡᠨ ᠤ ᠲᠦᠪ︾ ᠢᠶᠠᠨ ᠠᠵᠢᠯᠯᠠᠭᠤᠯᠵᠤ ᠡᠬᠢᠯᠡᠵᠡᠢ᠃ ᠬᠠᠷᠢᠨ ᠡᠨᠡ ᠨᠡᠷᠡᠶᠢᠳᠦᠯ ᠤᠨ ᠲᠤᠬᠠᠢ ᠨᠡᠯᠢᠶᠡᠳ ᠰᠤᠨᠢᠷᠬᠠᠯᠲᠠᠢ ᠶᠠᠪᠤᠳᠠᠯ | ᠪᠤᠯᠵᠤ ᠦᠡᠭᠬᠡᠷᠡᠭᠰᠡᠨ ᠪᠠᠶᠢᠪᠠ᠃ ᠬᠠᠨᠭ᠍ᠭᠠᠢ ᠮᠠᠨᠢ ᠡᠬᠢᠯᠡᠵᠤ ᠦᠪᠡᠷ ᠤᠨ ᠨᠡᠷᠡ ᠪᠠᠷ ᠢᠶᠠᠨ ᠦᠢᠯᠡᠴᠢᠯᠡᠬᠡᠨ ᠤ ᠲᠦᠪ ᠤᠨ ᠨᠡᠷᠡᠶᠢᠳᠦᠯ ᠪᠤᠯᠭᠠᠵᠤ ᠳᠠᠩᠰᠠᠯᠠᠭᠤᠯᠬᠤ | ᠬᠡᠰᠡᠨ ᠳᠤ ᠨᠡᠷᠡ ᠲᠠᠪᠬᠤᠷᠳᠠᠵᠤ ᠪᠠᠶᠢᠨᠠ ᠬᠡᠳ ᠪᠤᠯᠳᠠᠭ ᠦᠭᠡᠢ᠂ ᠠᠷᠭᠠ ᠪᠤᠰᠤ ᠪᠠᠶᠠᠨ ᠬᠠᠨᠭ᠍ᠭᠠᠢ᠂ ᠬᠦᠪᠴᠢ ᠬᠠᠨᠭ᠍ᠭᠠᠢ ᠬᠡᠳ ᠬᠡᠳᠦ ᠬᠡᠳᠦᠨ ᠨᠡᠷᠡ ᠬᠡᠯᠡᠭᠰᠡᠨ | ᠪᠤᠯᠪᠠᠴᠤ ᠴᠦᠮ ᠪᠦᠲᠦᠭᠰᠡᠨ ᠦᠭᠡᠢ᠂ ᠰᠡᠬᠦᠯᠡᠷ ᠨᠢ ᠪᠤᠳᠤᠵᠤ ᠪᠤᠳᠤᠭᠠᠳ ᠠᠯᠤᠰ ᠤᠨ ᠵᠠᠮ ᠬᠦᠭᠡᠭᠡᠬᠦ ᠤᠨᠤᠭᠠ ᠲᠡᠷᠭᠡ᠂ ᠠᠶᠢᠯ ᠵᠠᠭᠤᠷᠠ ᠶᠠᠪᠤᠬᠤ ᠮᠠᠰᠢᠨ | ᠮᠤᠲ᠋ᠤᠷ ᠪᠦᠬᠦᠳᠡ ᠡ᠊ᠡᠭᠬᠡ ᠠᠮᠤᠭᠤᠯᠠᠩ ᠪᠠᠶᠢᠬᠤ ᠶᠢ ᠬᠦᠰᠡᠭᠰᠡᠨ ︽ᠡ᠊ᠡᠭᠬᠡ︾ ᠬᠡᠮᠡᠬᠦ ᠨᠡᠷᠡᠶᠢᠳᠦᠯ ᠢᠶᠠᠷ ᠨᠡᠷᠡᠯᠡᠭᠰᠡᠨ ᠳᠤ ᠰᠢᠯᠤᠭᠤᠬᠠᠨ ᠪᠦᠲᠦᠭᠰᠡᠨ ᠪᠠᠶᠢᠪᠠ᠃ | | | | | | ︽ᠡᠨᠡ ᠦᠢᠯᠡᠴᠢᠯᠡᠬᠡᠨ ᠤ ᠲᠦᠪ ᠢ ᠤᠳᠤ ᠢᠡᠭᠭᠢᠭᠡᠳ ᠬᠠᠷᠠᠬᠤ ᠳᠤ ᠬᠡᠳᠦᠢ ᠲᠦᠬᠦᠮᠬᠡᠨ ᠬᠠᠷᠠᠭᠳᠠᠵᠤ ᠪᠠᠶᠢᠪᠠᠴᠤ ᠲᠤᠬᠠᠢ ᠶᠢᠨ ᠦᠶᠡ ᠳᠤ ᠡᠬᠦᠨ ᠢ | ᠨᠡᠬᠡᠬᠡᠬᠦ ᠶᠢᠨ ᠲᠦᠯᠦᠭᠡ ᠤᠷᠤᠰᠬᠠᠭᠰᠠᠨ ᠬᠦᠴᠦ ᠬᠦᠯᠥ᠋ᠰᠦ ᠶᠢ ᠤᠳᠤ ᠪᠤᠳᠤᠬᠤ ᠳᠤ ᠴᠤ ᠠᠮᠤᠷ ᠦᠭᠡᠢ᠂ ᠪᠢ ᠲᠡᠷᠡ ᠵᠢᠯ ᠲᠤᠰᠬᠠᠢ ᠮᠡᠷᠬᠡᠵᠢᠯ ᠤᠨ ᠦᠨᠡᠮᠯᠡᠯ | ᠪᠠᠶᠢᠪᠠᠯ ᠨᠡᠬᠡᠬᠡᠳ ᠲᠡᠶᠢᠯᠴᠢᠬᠡᠨᠡ ᠬᠡᠵᠤ ᠪᠤᠳᠤᠭᠰᠠᠨ ᠮᠢᠨᠢ ᠱᠠᠯ ᠪᠤᠷᠤᠭᠤᠳᠠᠵᠤ᠂ ︿ᠮᠠᠰᠢᠨ ᠲᠡᠷᠭᠡ ᠰᠡᠯᠪᠢᠨ ᠵᠠᠰᠠᠬᠤ ᠮᠡᠷᠬᠡᠵᠢᠯᠲᠡᠨ ᠤ ᠦᠨᠡᠮᠯᠡᠯ﹀ ᠠᠴᠠ | ᠭᠠᠳᠠᠨᠠ ᠪᠠᠰᠠ ︿ᠲᠤᠭᠠᠴᠠᠨ ᠪᠤᠳᠤᠭᠴᠢ ᠶᠢᠨ ᠦᠨᠡᠮᠯᠡᠯ﹀᠂ ︿ᠠᠶᠤᠯ ᠢ ᠪᠠᠶᠢᠴᠠᠭᠠᠭᠴᠢ ᠶᠢᠨ ᠦᠨᠡᠮᠯᠡᠯ﹀ ᠵᠡᠷᠭᠡ ᠦᠨᠡᠮᠯᠡᠯ ᠪᠠᠶᠢᠬᠤ ᠴᠢᠬᠤᠯᠠᠲᠠᠢ ᠪᠠᠶᠢᠭᠰᠠᠨ ᠢ | ᠰᠡᠬᠦᠯ ᠳᠤ ᠮᠡᠳᠡᠭᠰᠡᠨ᠂ ᠡᠳᠡᠬᠡᠷ ᠦᠨᠡᠮᠯᠡᠯ ᠢ ᠰᠢᠯᠭᠠᠵᠤ ᠠᠪᠬᠤ ᠶᠢᠨ ᠲᠦᠯᠥ᠋ᠬᠡ ᠪᠢ ᠳ᠋ᠦᠡᠭᠱᠸᠡᠭ ᠲᠤᠭᠤᠷᠢᠭ᠂ ᠤᠲᠤᠭ ᠬᠤᠰᠢᠭᠤ ᠵᠡᠷᠭᠡ ᠪᠠᠷ ᠰᠤᠷᠤᠯᠴᠠᠨ | ᠶᠠᠪᠤᠯᠠ᠃ ᠬᠠᠷᠢᠨ ᠲᠡᠷᠡ ᠵᠢᠯ ᠤᠨ ᠲᠦᠷᠢᠶᠡᠰᠦᠨ ᠮᠦᠡᠭᠭᠦ ᠶᠢ ᠪᠤᠯ ᠶᠠᠭ ᠲᠠᠯᠠᠭᠠᠷ ᠪᠤᠯᠭᠠᠭᠰᠠᠨ ᠨᠢ ᠬᠠᠷᠠᠮᠰᠠᠯᠲᠠᠢ︾ ᠬᠡᠵᠤ ᠬᠠᠨᠭ᠍ᠭᠠᠢ ᠦᠢᠯᠡᠴᠢᠯᠡᠬᠡᠨ ᠤ | ᠲᠦᠪ ᠢᠶᠠᠨ ᠠᠩᠬᠠ ᠨᠡᠬᠡᠬᠡᠬᠦ ᠦᠶᠡ ᠶᠢᠨ ᠪᠠᠶᠢᠳᠠᠯ ᠢᠶᠠᠨ ᠶᠠᠷᠢᠯᠠ᠃ | | | | | | | | | ᠲᠡᠭᠦᠨ ᠠᠴᠠ ᠬᠤᠶᠢᠰᠢ ᠬᠠᠨᠭ᠍ᠭᠠᠢ ᠮᠠᠨᠢ ᠦᠭᠡᠷᠡ ᠠᠵᠢᠯ ᠲᠦᠷᠦᠯ ᠤᠷᠤᠭᠤ ᠴᠤ ᠭᠠᠷ ᠲᠦᠷᠦᠭᠰᠡᠨ ᠦᠭᠡᠢ᠂ ᠮᠦᠨ ᠴᠤ ᠦᠭᠡᠷᠡ ᠪᠤᠰᠤᠳ ᠢ | ᠦᠪᠡᠷ ᠤᠨ ᠢᠶᠠᠨ ᠲᠤᠤᠷᠠ ᠠᠵᠢᠯᠯᠠᠭᠤᠯᠤᠭᠰᠠᠨ ᠦᠭᠡᠢ ᠪᠠᠷ ᠤᠳᠤ ᠪᠤᠯᠭᠠᠵᠠᠢ᠂ ᠲᠡᠭᠦᠨ ᠤ ᠡᠨᠡ ᠬᠦ ᠦᠢᠯᠡᠴᠢᠯᠡᠬᠡᠨ ᠤ ᠲᠦᠪ ᠲᠤ ᠡᠳᠦᠷ ᠪᠦᠷᠢ ᠮᠠᠰᠢᠨ | ᠲᠡᠷᠭᠡ ᠢᠷᠡᠵᠤ ᠵᠠᠰᠠᠵᠤ ᠰᠡᠯᠪᠢᠬᠦᠯᠬᠦ ᠪᠤᠶᠤ ᠮᠠᠰᠢᠨ ᠤ ᠲᠤᠰᠤ᠂ ᠬᠦᠷᠳᠤ ᠁ ᠵᠡᠷᠭᠡ ᠶᠢ ᠰᠤᠯᠢᠭᠤᠯᠬᠤ ᠨᠢ ᠪᠠᠷᠤᠭ ᠲᠠᠰᠤᠷᠠᠭᠠ ᠦᠭᠡᠢ᠃ ᠨᠢᠬᠡ | ᠬᠤᠰᠢᠭᠤᠨ ᠤ ᠬᠡᠪᠴᠢᠶᠡᠨ ᠳᠤ ᠠᠪᠴᠤ ᠬᠡᠯᠡᠪᠡᠯ ᠮᠠᠰᠢᠨ ᠲᠡᠷᠭᠡ ᠰᠡᠯᠪᠢᠨ ᠵᠠᠰᠠᠬᠤ ᠭᠠᠵᠠᠷ ᠪᠠᠶᠢᠬᠤ ᠯᠠ ᠪᠤᠶᠠᠨ᠂ ᠬᠠᠷᠢᠨ ᠶᠠᠭᠠᠬᠢᠬᠤᠯᠠᠷ ᠬᠠᠨᠭ᠍ᠭᠠᠢ ᠶᠢ | ᠲᠠᠨᠢᠳᠠᠭ ᠨᠢ ᠠᠷᠪᠢᠨ ᠪᠤᠯᠴᠢᠬᠠᠪᠠ︖ ᠲᠡᠭᠡᠭᠡᠳ ᠴᠤ ᠶᠠᠭᠠᠬᠢᠭᠠᠳ ᠲᠡᠭᠦᠨ ᠢᠶᠠᠷ ᠲᠡᠷᠭᠡ ᠮᠠᠰᠢᠨ ᠢᠶᠠᠨ ᠵᠠᠰᠠᠭᠤᠯᠬᠤ ᠨᠢ ᠤᠯᠠᠨ ᠪᠠᠶᠢᠳᠠᠭ ᠪᠤᠢ︖ ᠡ᠊ᠨᠡ ᠪᠤᠯ | ᠪᠢᠷᠴᠢᠨ ᠠᠴᠠ ᠲᠡᠭᠦᠨ ᠳᠤ ᠲᠠᠯᠪᠢᠭᠰᠠᠨ ᠠᠰᠠᠭᠤᠯᠲᠠ᠃ | | | | | | | | ᠤᠤᠯ ᠨᠢ ᠬᠠᠨᠭ᠍ᠭᠠᠢ ᠮᠠᠨᠢ ᠠᠵᠢᠯ ᠤᠨ ᠲᠤᠮᠳᠠ ᠪᠠᠨ ᠨᠢᠬᠡ ᠪᠠᠷᠢᠮᠲᠠᠯᠠᠯ ᠢᠶᠠᠨ ᠤᠳᠤ ᠪᠤᠯᠲᠠᠯᠠ ᠶᠠᠭᠰᠢᠷᠠᠲᠠᠯᠠ ᠪᠠᠷᠢᠮᠲᠠᠯᠠᠭᠰᠠᠭᠠᠷ ᠢᠷᠡᠭᠰᠡᠨ ᠨᠢ ᠲᠡᠭᠦᠨ ᠢ | ᠠᠮᠵᠢᠯᠲᠠ ᠳᠤ ᠬᠦᠷᠭᠡᠵᠤ ᠴᠢᠳᠠᠭᠰᠠᠨ ᠠᠵᠢ᠃ ᠬᠠᠨᠭ᠍ᠭᠠᠢ ᠡᠪᠳᠡᠷᠡᠵᠤ ᠪᠠᠯᠪᠠᠷᠠᠭᠰᠠᠨ ᠮᠠᠰᠢᠨ ᠲᠡᠷᠭᠡ ᠶᠢ ᠬᠦᠯᠢᠶᠡᠭᠡᠳ ᠠᠪᠤᠪᠠᠯ ᠬᠠᠮᠤᠭ ᠬᠤᠷᠳᠤᠴᠠ ᠪᠠᠷ ᠢᠶᠠᠨ | ᠵᠠᠰᠠᠵᠤ ᠳᠠᠭᠤᠰᠬᠠᠳᠠᠭ᠃ ᠡᠬᠦᠨ ᠤ ᠤᠴᠢᠷ ᠨᠢ ᠬᠡᠷᠪᠡ ᠤᠳᠠᠭᠠᠨ ᠬᠤᠨᠤᠭ ᠢᠶᠠᠷ ᠵᠠᠰᠠᠬᠤ ᠲᠡᠷᠭᠡ ᠪᠤᠶᠤ ᠬᠡᠳᠦ ᠬᠦᠨᠳᠦ ᠡᠪᠳᠡᠷᠡᠯ ᠳᠤ ᠤᠴᠠᠷᠠᠭᠰᠠᠨ ᠪᠠᠶᠢᠪᠠᠯ | ᠦᠭᠡᠷᠡ ᠵᠠᠰᠠᠪᠤᠷᠢ ᠶᠢᠨ ᠭᠠᠵᠠᠷ ᠶᠠᠪᠤᠭᠤᠯᠴᠢᠬᠠᠳᠠᠭ᠃ ︽ᠮᠢᠨᠤ ᠡᠨᠡ ᠦᠢᠯᠡᠴᠢᠯᠡᠬᠡᠨ ᠤ ᠬᠦᠷᠢᠶᠡ ᠬᠡᠪᠴᠢᠶᠡ ᠦᠨᠡᠨ ᠢ ᠨᠢ ᠬᠡᠯᠡᠪᠡᠯ ᠪᠠᠭᠠ ᠳᠠᠭᠠᠨ ᠪᠠᠭᠠ ᠰᠢᠤ᠂ | ᠪᠢ ᠴᠤ ᠪᠡᠶᠡ ᠶᠢᠨ ᠴᠢᠳᠠᠪᠤᠷᠢ ᠪᠠᠨ ᠮᠡᠳᠡᠨᠡ᠂ ᠮᠢᠨᠤ ᠴᠢᠳᠠᠪᠤᠷᠢ ᠠᠴᠠ ᠬᠡᠳᠦᠷᠡᠭᠰᠡᠨ ᠢ ᠨᠢ ᠪᠢ ᠬᠦᠯᠢᠶᠡᠵᠤ ᠠᠪᠳᠠᠭ ᠦᠭᠡᠢ᠂ ᠮᠦᠨ ᠴᠤ ᠮᠢᠨᠤ ᠡ᠊ᠨᠡ | ᠦᠢᠯᠡᠴᠢᠯᠡᠬᠡᠨ ᠤ ᠲᠦᠪ ᠤᠨ ᠡᠵᠡᠨᠲᠡᠨ ᠨᠢ ᠴᠤ ᠪᠢ᠂ ᠵᠠᠰᠠᠪᠤᠷᠢᠴᠢᠨ ᠨᠢ ᠴᠤ ᠪᠢ᠂ ᠲᠡᠶᠢᠮᠤ ᠪᠤᠯᠬᠤᠷ ᠭᠠᠭᠴᠠᠭᠠᠷ ᠢᠶᠠᠨ ᠬᠦᠯᠢᠶᠡᠨ ᠠᠪᠴᠤ ᠵᠠᠰᠠᠳᠠᠭ ᠮᠠᠰᠢᠨ | ᠲᠡᠷᠭᠡ ᠴᠤ ᠲᠡᠶᠢᠮᠤ ᠶᠡᠭᠡ ᠬᠦᠨᠳᠦ ᠡᠪᠳᠡᠷᠡᠯ ᠳᠤ ᠤᠷᠤᠭᠠ ᠦᠭᠡᠢ ᠪᠠᠶᠢᠵᠤ᠂ ᠪᠢ ᠲᠡᠭᠦᠨ ᠢ ᠨᠢ ᠬᠠᠮᠤᠭ ᠲᠦᠷᠬᠡᠨ ᠢᠶᠠᠷ ᠵᠠᠰᠠᠵᠤ ᠦᠭᠳᠡᠭ᠂ ᠤᠯᠠᠩᠭᠢ | ᠬᠦᠮᠦᠨ ᠴᠤ ᠡᠬᠦᠨ ᠳᠤ ᠨᠢ ᠲᠤᠷᠠᠲᠠᠢ ᠪᠠᠶᠢᠳᠠᠭ ᠪᠠᠶᠢᠬᠠ ᠡ᠂ ᠵᠢᠭᠠᠬᠠᠨ ᠯᠠ ᠤᠴᠢᠷ ᠭᠠᠷᠤᠭᠰᠠᠭᠠᠷ ᠨᠠᠮᠠ ᠶᠢ ᠡᠷᠢᠵᠤ ᠢᠷᠡᠨᠡ᠂ ᠪᠢ ᠴᠤ ᠬᠤᠶᠢᠰᠢ ᠲᠦᠯᠬᠢᠯ | ᠦᠭᠡᠢ ᠤᠬᠤᠷᠬᠠᠨ ᠬᠤᠭᠤᠴᠠᠭᠠᠨ ᠳᠤ ᠰᠡᠯᠪᠢᠴᠢᠬᠡᠳᠡᠭ᠃ ᠤᠳᠤ ᠴᠠᠭ ᠲᠤ ᠴᠠᠭ ᠪᠤᠯ ᠶᠡᠭᠡ ᠬᠠᠶᠢᠷᠠᠨ ᠰᠢᠤ᠂ ᠬᠦᠮᠦᠰ ᠴᠤ ᠮᠠᠰᠢᠨ ᠨᠢ ᠡᠪᠳᠡᠷᠡᠭᠡᠳ | ᠵᠠᠰᠠᠭᠤᠯᠪᠠᠯ ᠠᠯᠢ ᠲᠦᠷᠬᠡᠨ ᠢᠶᠠᠷ ᠭᠠᠷᠭᠠᠵᠤ ᠠᠪᠬᠤ ᠶᠢ ᠪᠤᠳᠤᠳᠠᠭ︾ ᠬᠡᠵᠤ ᠤᠴᠢᠷᠯᠠᠯᠠ᠃ | | | | | | | | | ᠶᠠᠷᠢᠶᠠᠨ ᠤ ᠲᠤᠮᠳᠠ ᠬᠠᠨᠭ᠍ᠭᠠᠢ ᠶᠢᠨ ᠠᠵᠢᠯ ᠳᠠᠭᠠᠨ ᠬᠠᠨᠳᠤᠬᠤ ᠤᠪᠤᠷ ᠵᠢᠴᠢ ᠠᠷᠭᠠ ᠤᠬᠠᠭᠠᠨ ᠤ ᠲᠠᠯᠠ ᠪᠠᠷ ᠪᠠᠰᠠ ᠬᠡᠳᠦᠨ ᠤᠨᠴᠠᠯᠢᠭ ᠨᠢ ᠦᠭᠡᠷᠡ | ᠪᠤᠰᠤᠳ ᠠᠴᠠ ᠠᠳᠠᠯᠢ ᠦᠭᠡᠢ ᠶᠢ ᠮᠡᠳᠡᠵᠤ ᠪᠢᠯᠡ᠃ ᠬᠠᠨᠭ᠍ᠭᠠᠢ ᠮᠠᠨᠢ ᠬᠠᠷᠠ ᠪᠠᠭᠠ ᠠᠴᠠ ᠪᠠᠨ ᠬᠦᠳᠡᠭᠡ ᠨᠤᠲᠤᠭ ᠲᠠᠭᠠᠨ ᠬᠤᠨᠢ ᠬᠤᠷᠠᠭᠠ ᠬᠠᠷᠢᠭᠤᠯᠵᠤ | ᠶᠠᠪᠤᠭᠰᠠᠨ ᠪᠦᠬᠡᠳ ᠲᠡᠷᠡ ᠦᠶᠡ ᠳᠤ ᠬᠦᠳᠡᠭᠡ ᠤᠷᠤᠨ ᠨᠤᠲᠤᠭ ᠢᠶᠠᠷ ᠬᠦᠮᠦᠨ ᠬᠠᠷᠠ ᠴᠦᠬᠡᠨ ᠪᠠᠶᠢᠵᠤ᠂ ᠵᠦᠪᠬᠡᠨ ᠬᠡᠳᠦᠨ ᠠᠶᠢᠯ ᠰᠠᠭᠠᠬᠠᠯᠲᠠ ᠪᠠᠨ | ᠭᠠᠷᠭᠠᠪᠠᠯ ᠵᠢᠯ ᠤᠨ ᠵᠢᠯ ᠢᠶᠠᠷ ᠭᠠᠳᠠᠨᠠᠬᠢ ᠬᠦᠮᠦᠨᠰ ᠲᠠᠢ ᠬᠠᠷᠢᠯᠴᠠᠨᠠ ᠬᠡᠳᠡᠭ ᠬᠤᠪᠤᠷ ᠪᠠᠶᠢᠭᠰᠠᠨ ᠪᠤᠯᠬᠤᠷ ᠤᠯᠠᠩᠭᠢ ᠮᠠᠯᠴᠢᠳ ᠬᠢᠲᠠᠳ ᠦᠬᠡᠨ ᠳᠡᠭᠡᠨ ᠠᠨᠠᠢ | ᠪᠠᠶᠢᠯᠠ᠃ ᠤᠳᠤ ᠴᠤ ᠬᠡᠰᠡᠨ ᠬᠦᠳᠡᠭᠡ ᠶᠢᠨ ᠵᠠᠷᠢᠮ ᠬᠦᠮᠦᠰ ᠨᠢ ᠬᠢᠲᠠᠳ ᠦᠬᠡᠨ ᠳᠡᠭᠡᠨ ᠠᠨᠠᠢ ᠪᠤᠯᠬᠤᠷ ᠮᠠᠰᠢᠨ ᠲᠡᠷᠭᠡ ᠨᠢ ᠡᠪᠳᠡᠷᠡᠪᠡᠯ ᠬᠠᠨᠭ᠍ᠭᠠᠢ ᠶᠢ | ᠡᠷᠢᠳᠡᠭ ᠨᠢ ᠤᠯᠠᠨ᠂ ᠤᠴᠢᠷ ᠨᠢ ᠦᠭᠡᠷᠡ ᠰᠡᠯᠪᠢᠨ ᠵᠠᠰᠠᠬᠤ ᠭᠠᠵᠠᠷ ᠤᠴᠢᠪᠠᠯ ᠵᠠᠷᠢᠮ ᠳᠠᠭᠠᠨ ᠮᠠᠰᠢᠨ ᠲᠡᠷᠭᠡᠨ ᠤ ᠡᠷᠬᠢ ᠱᠤᠷᠠᠭ ᠠᠴᠠ ᠠᠬᠢᠭᠤᠯᠤᠭᠠᠳ | ᠲᠤᠰᠬᠠᠢ ᠮᠡᠷᠬᠡᠵᠢᠯ ᠤᠨ ᠨᠡᠷᠡ ᠲᠤᠮᠢᠶᠠᠨ ᠤ ᠲᠠᠯᠠ ᠪᠠᠷ ᠴᠢᠯᠦᠭᠡᠳᠠᠢ ᠶᠠᠷᠢᠯᠴᠠᠨ ᠤᠶᠢᠯᠠᠭᠠᠯᠴᠠᠵᠤ ᠴᠢᠳᠠᠬᠤ ᠦᠭᠡᠢ ᠠᠴᠠ ᠪᠤᠯᠵᠤ ︽ᠬᠠᠮᠠᠷ ᠢ ᠨᠢ ᠰᠤᠯᠢᠨᠠ | ᠬᠡᠳ ᠴᠢᠬᠢ ᠶᠢ ᠨᠢ ᠵᠠᠰᠠᠴᠢᠬᠠᠳᠠᠭ︾ ᠤᠴᠢᠷ ᠪᠢᠰᠢᠬᠦᠢ ᠲᠤᠬᠢᠶᠠᠯᠳᠤᠬᠤ ᠨᠢ ᠦᠨᠡᠨ᠃ ᠡᠬᠦᠨ ᠤ ᠲᠡᠭᠡᠷᠡ ᠪᠡᠰᠠ ᠵᠠᠷᠢᠮ ᠬᠤᠶᠢᠬᠤᠷ ᠵᠠᠰᠠᠪᠤᠷᠢᠴᠢᠨ ᠤᠯᠵᠠ | ᠠᠰᠢᠭ ᠤᠨ ᠲᠦᠯᠦᠭᠡ ᠮᠡᠳᠡᠬᠦ ᠦᠭᠡᠢ ᠬᠦᠮᠦᠨ ᠢ ᠲᠦᠭᠡᠷᠢᠭᠳᠡᠭᠦᠯᠤᠨ ᠡᠯᠳᠡᠪ ᠲᠤᠨᠤᠭ ᠢ ᠨᠢ ᠰᠤᠯᠢᠭᠤᠯᠤᠨ ᠮᠦᠡᠭᠭᠦᠨ ᠤ ᠭᠠᠷᠤᠵᠠᠨ ᠳᠤ ᠤᠨᠠᠭᠠᠳᠠᠭ ᠪᠠᠶᠢᠯᠠ᠃ | ᠬᠠᠷᠢᠨ ᠬᠠᠨᠭ᠍ᠭᠠᠢ ᠦᠪᠡᠷ ᠢᠶᠠᠨ ᠬᠦᠳᠡᠭᠡ ᠦᠰᠦᠭᠰᠡᠨ ᠪᠤᠯᠬᠤᠷ ᠡ᠊ᠨᠡ ᠵᠤᠪᠠᠯᠠᠩ ᠢ ᠮᠡᠳᠡᠬᠦ ᠪᠠᠷ ᠪᠠᠷᠠᠬᠤ ᠦᠭᠡᠢ ᠡᠪᠳᠡᠷᠡᠵᠤ ᠪᠠᠯᠪᠠᠷᠠᠭᠰᠠᠨ ᠲᠡᠷᠭᠡ ᠶᠢ | ᠵᠠᠰᠠᠬᠤ ᠳᠤ ᠦᠨᠡᠨᠴᠢ ᠢᠲᠡᠬᠡᠮᠵᠢᠲᠡᠢ᠂ ᠦᠨᠡ ᠬᠠᠨᠭ᠍ᠰᠢ ᠨᠢ ᠴᠤ ᠲᠤᠤᠷᠠ ᠪᠠᠶᠢᠳᠠᠭ ᠠᠴᠠ ᠲᠡᠳᠡᠨ ᠳᠤ ᠬᠠᠨᠭ᠍ᠭᠠᠢ ᠮᠠᠨᠢ ᠠᠭᠠᠷ ᠤᠰᠤ ᠮᠡᠲᠤ ᠬᠡᠷᠡᠭᠲᠡᠢ ᠪᠤᠯᠵᠠᠢ᠃ | | ᠡᠬᠦᠨ ᠠᠴᠠ ᠭᠠᠳᠠᠨᠠ ᠲᠡᠷᠡ ᠪᠠᠰᠠ ᠡᠬᠦᠳᠡᠨ ᠳᠤ ᠨᠢ ᠬᠦᠷᠴᠤ ᠦᠢᠯᠡᠴᠢᠯᠡᠬᠦ ᠬᠡᠪ ᠵᠠᠭᠪᠤᠷ ᠢ ᠬᠡᠷᠡᠭᠵᠢᠬᠦᠯᠵᠤ ᠪᠠᠶᠢᠭᠠ ᠶᠤᠮ ᠪᠠᠶᠢᠨᠠ᠃ ᠤᠨᠴᠠ | ᠪᠠᠴᠢᠮ ᠤᠴᠢᠷ ᠲᠠᠢ ᠮᠦᠷᠲᠡᠬᠡᠨ ᠲᠡᠷᠬᠡ ᠮᠠᠰᠢᠨ ᠨᠢ ᠨᠤᠴᠤᠵᠤ ᠦᠭᠭᠦ ᠦᠭᠡᠢ᠂ ᠪᠠᠭᠠ ᠰᠠᠭᠠ ᠡᠪᠳᠡᠷᠡᠵᠤ ᠪᠠᠯᠪᠠᠷᠠᠭᠰᠠᠨ ᠬᠦᠮᠦᠰ ᠲᠡᠭᠦᠨ ᠳᠤ ᠤᠲᠠᠰᠤ | ᠢᠷᠡᠪᠡᠯ ᠬᠠᠨᠭ᠍ᠭᠠᠢ ᠮᠠᠨᠢ ᠪᠠᠭᠠᠵᠢ ᠬᠡᠷᠡᠭᠰᠡᠯ ᠢᠶᠠᠨ ᠡᠬᠦᠷᠦᠭᠡᠳ ᠯᠠ ᠤᠴᠢᠳᠠᠭ᠂ ᠬᠡᠪᠡᠴᠤ ᠢᠡᠭᠭᠢᠵᠤ ᠶᠠᠪᠤᠬᠤ ᠨᠢ ᠨᠡᠯᠢᠶᠡᠳ ᠬᠤᠪᠤᠷ᠂ ᠤᠴᠢᠷ ᠨᠢ ᠲᠡᠭᠦᠨ ᠤ | ᠦᠢᠯᠡᠴᠢᠯᠡᠬᠡᠨ ᠤ ᠲᠦᠪ ᠲᠤ ᠤᠯᠠᠩᠭᠢ ᠳᠠᠭᠠᠨ ᠮᠠᠰᠢᠨ ᠲᠡᠷᠭᠡ ᠪᠠᠶᠢᠳᠠᠭ᠂ ᠡᠬᠦᠨ ᠢᠶᠠᠨ ᠬᠠᠶᠠᠭᠠᠳ ᠶᠠᠪᠤᠵᠤ ᠪᠠᠰᠠ ᠪᠤᠯᠬᠤ ᠦᠭᠡᠢ᠂ ᠵᠠᠪᠠᠯ ᠵᠠᠰᠠᠵᠤ | ᠳᠠᠭᠤᠰᠮᠠᠨᠵᠢᠨ ᠵᠠᠪ ᠴᠢᠯᠦᠭᠡ ᠲᠠᠢ ᠪᠤᠯᠳᠠᠭ ᠠᠵᠢ᠃ | ᠡᠶᠢᠮᠤ ᠨᠢᠬᠡ ᠡᠬᠡᠯ ᠵᠢᠷ ᠤᠨ ᠵᠠᠰᠠᠪᠤᠷᠢᠴᠢᠨ ᠢᠡᠭᠭᠢᠵᠤ ᠠᠵᠢᠯ ᠳᠠᠭᠠᠨ ᠬᠠᠷᠢᠭᠤᠴᠠᠯᠭᠠ ᠲᠠᠢ ᠬᠠᠨᠳᠤᠵᠤ ᠪᠠᠶᠢᠬᠤ ᠨᠢ ᠮᠠᠨ ᠤ ᠨᠡᠶᠢᠬᠡᠮ ᠲᠠᠶᠠᠭᠠᠷ ᠤᠨ | ᠰᠤᠷᠤᠯᠴᠠᠭᠤᠰᠢᠲᠠᠢ ᠶᠠᠪᠤᠳᠠᠯ ᠪᠢᠯᠡ︕ ᠮᠦᠨ ᠴᠤ ᠲᠡᠷᠡ ᠪᠠᠰᠠ ︽ᠰᠤᠷ ᠰᠤᠷ᠂ ᠪᠠᠰᠠ ᠲᠠᠬᠢᠨ ᠰᠤᠷ︾ ᠬᠡᠬᠦ ᠰᠤᠷᠭᠠᠯ ᠦᠭᠡ ᠶᠢᠨ ᠶᠤᠰᠤ ᠪᠠᠷ ᠵᠢᠭᠠᠬᠠᠨ | ᠵᠠᠪ ᠴᠢᠯᠦᠭᠡ ᠭᠠᠷᠪᠠᠯ ᠰᠢᠨᠡ ᠪᠠᠷ ᠦᠢᠯᠡᠳᠪᠦᠷᠢᠯᠡᠭᠳᠡᠨ ᠭᠠᠷᠴᠤ ᠪᠠᠶᠢᠭᠠ ᠮᠠᠰᠢᠨ ᠲᠡᠷᠭᠡ ᠶᠢ ᠰᠤᠳᠤᠯᠳᠠᠭ ᠠᠵᠢ᠃ ︽ᠮᠠᠰᠢᠨ ᠲᠡᠷᠭᠡ ᠵᠠᠰᠠᠬᠤ ᠮᠡᠷᠬᠡᠵᠢᠯ ᠢ | ᠰᠤᠷᠤᠭᠠᠳ ᠪᠠᠷᠠᠬᠤ ᠶᠠᠭᠤᠮᠠ ᠪᠢᠰᠢ ᠡ᠂ ᠶᠠᠭ ᠬᠡᠯᠡᠪᠡᠯ ᠨᠠᠰᠤ ᠪᠠᠷ ᠢᠶᠠᠨ ᠰᠤᠷᠤᠯᠴᠠᠨᠠ ᠬᠡᠰᠡᠨ ᠦᠭᠡ᠂ ᠢᠯᠠᠩᠭᠤᠶᠠ ᠤᠷᠴᠢᠮ ᠤᠨ ᠵᠢᠯ ᠤᠳ ᠲᠤ ᠳᠡᠯᠡᠬᠡᠢ | ᠶᠢᠷᠳᠢᠨᠴᠤ ᠦᠨᠡᠬᠡᠷᠡᠨ ᠴᠤ ᠨᠢᠰᠬᠦ ᠮᠡᠲᠤ ᠬᠦᠭᠵᠢᠵᠤ᠂ ᠠᠵᠤ ᠠᠬᠤᠢ ᠨᠢ ᠤᠷᠢᠳ ᠭᠠᠷᠤᠭᠠ ᠦᠭᠡᠢ ᠦᠨᠳᠦᠷ ᠲᠦᠪᠰᠢᠨ ᠳᠤ ᠬᠦᠷᠴᠤ ᠪᠠᠶᠢᠨᠠ᠂ ᠡᠶᠢᠮᠤ | ᠴᠠᠭ ᠲᠤ ᠵᠢᠯ ᠪᠤᠯᠭᠠᠨ ᠰᠢᠨᠡ ᠰᠢᠨᠡ ᠲᠦᠷᠦᠯ ᠵᠦᠢᠯ ᠤᠨ ᠮᠠᠰᠢᠨ ᠲᠡᠷᠭᠡ ᠦᠢᠯᠡᠳᠪᠦᠷᠢᠯᠡᠭᠳᠡᠨ ᠭᠠᠷᠴᠤ ᠪᠠᠶᠢᠳᠠᠭ᠃ ᠪᠢ ᠵᠠᠪ ᠴᠢᠯᠦᠭᠡ ᠪᠠᠷ ᠢᠶᠠᠨ ᠲᠡᠭᠦᠨ ᠢ | ᠰᠤᠳᠤᠯᠬᠤ ᠪᠠᠷ ᠪᠠᠷᠠᠬᠤ ᠦᠭᠡᠢ ᠰᠡᠯᠪᠢᠨ ᠵᠠᠰᠠᠬᠤ ᠮᠡᠷᠬᠡᠵᠢᠯ ᠢ ᠨᠢ ᠴᠤ ᠰᠤᠷᠤᠯᠴᠠᠳᠠᠭ᠂ ᠬᠡᠯᠡᠯᠬᠡᠨ ᠦᠭᠡᠢ ᠮᠠᠨ ᠤ ᠤᠶᠢᠷᠠ ᠬᠠᠪᠢ ᠶᠢᠨ ᠬᠦᠮᠦᠰ ᠴᠤ ᠵᠢᠯ | ᠪᠤᠯᠭᠠᠨ ᠡᠯᠳᠡᠪ ᠵᠦᠢᠯ ᠤᠨ ᠮᠠᠰᠢᠨ ᠲᠡᠷᠭᠡ ᠠᠪᠴᠤ ᠲᠠᠭᠤᠳᠠᠭ ᠪᠤᠯᠬᠤᠷ ᠲᠡᠷᠡ ᠨᠢ ᠡᠪᠳᠡᠷᠡᠬᠡᠳ ᠢᠷᠡᠪᠡᠯ ᠪᠢ ᠵᠠᠰᠠᠵᠤ ᠴᠢᠳᠠᠬᠤ ᠦᠭᠡᠢ ᠪᠠᠶᠢᠵᠤ ᠪᠤᠯᠬᠤ | ᠦᠭᠡᠢ᠂ ᠡᠬᠦᠨ ᠳᠤ ᠪᠠᠰᠠ ᠬᠡᠯᠡᠯᠬᠡᠨ ᠦᠭᠡᠢ ᠰᠡᠯᠪᠢᠨ ᠵᠠᠰᠠᠬᠤ ᠲᠤᠮᠳᠠ ᠬᠦᠴᠢᠷᠳᠡᠯ ᠲᠤᠯᠭᠠᠷᠠᠬᠤ ᠨᠢ ᠮᠡᠳᠡᠬᠡᠵᠢ᠂ ᠢᠡᠭᠭᠢᠬᠦ ᠳᠤ ᠪᠢ ᠠᠵᠢᠯ ᠨᠢᠬᠡᠲᠡᠨ ᠲᠠᠢ ᠪᠠᠨ | ᠬᠠᠮᠲᠤᠷᠠᠨ ᠠᠵᠢᠯᠯᠠᠳᠠᠭ᠃ ᠡᠬᠦᠨ ᠠᠴᠠ ᠭᠠᠳᠠᠨᠠ ᠤᠳᠤ ᠴᠢᠨᠢ ᠰᠦᠯᠵᠢᠶᠡ ᠬᠤᠯᠪᠤᠭᠠ ᠲᠦᠬᠡᠮᠡᠯᠵᠢᠭᠰᠡᠨ ᠪᠤᠯᠬᠤᠷ ᠲᠡᠨᠳᠡ ᠠᠴᠠ ᠮᠡᠳᠡᠬᠡᠯᠡᠯ ᠠᠪᠬᠤ ᠶᠢᠨ | ᠬᠠᠮᠲᠤ ᠮᠡᠳᠡᠯᠬᠡ ᠰᠤᠷᠤᠯᠴᠠᠳᠠᠭ︾ ᠬᠡᠮᠡᠨ ᠬᠠᠨᠭ᠍ᠭᠠᠢ ᠶᠠᠷᠢᠯᠠ᠃ | ᠡᠬᠡᠯ ᠲᠠᠷᠤᠤᠬᠠᠨ ᠲᠦᠷᠬᠦ ᠪᠠᠷ ᠢᠶᠠᠨ ᠡᠨᠡ ᠨᠡᠶᠢᠬᠡᠮ ᠳᠤ ᠬᠡᠷᠡᠭᠴᠡᠬᠡᠲᠡᠢ ᠠᠵᠢᠯ ᠢ ᠬᠢᠵᠤ ᠶᠠᠪᠤᠬᠤ ᠳᠤ ᠶᠠᠮᠠᠷ ᠴᠤ ᠬᠦᠮᠦᠨ ᠪᠠᠶᠢᠵᠤ ᠪᠦᠷ ᠪᠤᠯᠤᠨᠠ᠃ | ᠬᠠᠨᠭ᠍ᠭᠠᠢ ᠮᠡᠲᠤ ᠶᠢᠨ ᠠᠶᠢᠯ ᠬᠡᠷ ᠢᠶᠠᠨ ᠲᠤᠳᠤᠮᠳᠠᠨ᠂ ᠠᠵᠢᠯ ᠬᠦᠳᠡᠯᠮᠦᠷᠢ ᠪᠠᠷ ᠢᠶᠠᠨ ᠦᠢᠯᠡᠰ ᠢᠶᠠᠨ ᠪᠤᠰᠬᠠᠵᠤ ᠶᠠᠪᠤᠭᠠ ᠬᠦᠮᠦᠰ ᠮᠠᠨ ᠤ ᠨᠡᠶᠢᠬᠡᠮ ᠳᠤ ᠪᠠᠭᠠ | ᠪᠤᠰᠤ ᠬᠤᠪᠢ ᠨᠡᠮᠡᠷᠢ ᠦᠵᠡᠬᠦᠯᠵᠤ ᠪᠠᠶᠢᠭᠠ ᠨᠢ ᠯᠠᠪᠲᠠᠢ᠂ ᠲᠡᠳᠡ ᠪᠦᠬᠦᠨ ᠤ ᠦᠢᠯᠡᠰ ᠤᠨ ᠴᠠᠭᠠᠨ ᠮᠦᠷ ᠨᠢ ᠦᠯᠵᠡᠶᠢᠲᠡᠢ ᠪᠠᠶᠢᠬᠤ ᠪᠤᠯᠲᠤᠭᠠᠢ︕ | | | | |