| ᠮᠤᠩᠭᠤᠯᠴᠤᠳ ᠤᠨ ᠨᠡᠭᠦᠳᠡᠯ ᠠᠮᠢᠳᠤᠷᠠᠯ ᠤᠨ ᠬᠠᠭᠤᠴᠢᠨ ᠡᠳ᠋ᠯᠡᠯ ᠬᠡᠷᠡᠭᠰᠡᠯ ᠨᠢ ᠡᠯᠠ ᠭᠠᠵᠠᠷ ᠤᠨ ᠮᠤᠩᠭᠤᠯᠴᠤᠳ ᠤᠨ ᠲᠡᠤᠬᠡ ᠰᠤᠶᠤᠯ᠂ | ᠠᠮᠢᠳᠤᠷᠠᠯ ᠤᠨ ᠠᠷᠭᠠ ᠮᠠᠶ᠋ᠢᠭ᠂ ᠤᠷᠤᠰᠢᠨ ᠠᠮᠢᠳᠤᠷᠠᠵᠦ ᠪᠠᠶᠢᠭᠠ ᠤᠷᠴᠢᠨ ᠲᠤᠭᠤᠷᠢᠨ ᠢ ᠲᠤᠰᠬᠠᠵᠦ ᠪᠠᠶᠢᠳᠠᠭ᠃ ᠤᠯᠠᠮᠵᠢᠯᠠᠯᠳᠤ ᠡᠳ᠋ᠯᠡᠯ ᠬᠡᠷᠡᠭᠰᠡᠯ ᠢ | ᠭᠡᠷ ᠲᠡᠭᠡᠨ ᠲᠦᠴᠢᠭᠡᠳ ᠵᠢᠯ ᠬᠤᠷᠢᠶᠠᠨ ᠬᠠᠳᠠᠭᠠᠯᠠᠭᠰᠠᠨ ᠵᠢᠭᠵᠢᠵᠡᠪ ᠭᠤᠸᠠᠢ ᠪᠤᠯ ᠮᠤᠤᠡᠤᠰᠤ ᠶᠢᠨ ᠡᠯᠡᠰᠦᠨ ᠳᠠᠬᠢ ᠮᠤᠩᠭᠤᠯᠴᠤᠳ ᠤᠨ ︽ᠡᠳ᠋ ᠡᠷᠳᠡᠨᠢᠰ︾ | ᠴᠤᠭᠯᠠᠭᠤᠯᠤᠭᠴᠢ ᠶᠢᠨ ᠨᠢᠭᠡ ᠨᠢ᠃ | ᠵᠢᠭᠵᠢᠵᠡᠪ ᠪᠤᠯ ᠦᠤᠰᠢᠨ ᠬᠤᠰᠢᠭᠤᠨ ᠤ ᠦᠤᠰᠢᠨᠵᠤᠤ ᠪᠠᠯᠭᠠᠰᠤᠨ ᠤ ᠪᠠᠶᠠᠨᠳᠤᠯᠤᠭᠠᠢ ᠭᠠᠴᠠᠭᠠᠨ ᠤ ᠮᠠᠯᠴᠢᠨ ᠶᠤᠮ᠃ ᠲᠡᠷᠡ ᠲᠤᠰ ᠭᠠᠴᠠᠭᠠᠨ ᠤ | ᠭᠠᠴᠠᠭᠠᠨ ᠲᠠᠷᠤᠭᠠ ᠶᠢᠨ ᠠᠵᠢᠯ ᠢ ᠭᠤᠴᠢᠭᠠᠳ ᠵᠢᠯ ᠬᠠᠷᠢᠭᠤᠴᠠᠭᠠᠳ 2016 ᠤᠨ ᠳᠤ ᠠᠵᠢᠯ ᠠᠴᠠ ᠪᠠᠨ ᠠᠮᠠᠷᠠᠵᠠᠢ᠃ ᠠᠵᠢᠯ ᠠᠴᠠ ᠪᠠᠨ ᠠᠮᠠᠷᠠᠭᠰᠠᠨ ᠤ | ᠲᠠᠷᠠᠭᠠ ᠴᠣ᠋ ᠠᠮᠠᠷ ᠵᠢᠮᠦᠷ ᠰᠠᠭᠤᠬᠤ ᠶᠢ ᠪᠤᠳᠤᠭᠰᠠᠨ ᠦᠭᠡᠢ ᠳᠡᠷᠡ ᠬᠠᠷᠢᠨ ᠤᠰᠤᠨ ᠵᠢᠷᠤᠭᠠ ᠮᠤᠷᠢᠨ ᠤ ᠺᠯᠦ᠋ᠪ ᠪᠠᠶᠢᠭᠤᠯᠤᠨ ᠠᠳᠤᠭᠤᠨ ᠰᠤᠶᠤᠯ ᠢ | ᠬᠦᠭᠵᠢᠭᠦᠯᠵᠠᠢ᠃ ᠳᠤᠬᠠᠢ ᠶᠢᠨ ᠦᠶᠠ ᠳᠤ ᠵᠢᠭᠵᠢᠵᠡᠪ ᠭᠤᠸᠠᠢ ᠭᠡᠷ ᠤᠨ ᠬᠠᠵᠠᠭᠤ ᠳᠠᠭᠠᠨ ᠮᠤᠩᠭᠤᠯ ᠭᠡᠷ ᠤᠨ ᠭᠤᠤᠯ ᠰᠡᠳᠤᠪᠳᠤ ᠦᠵᠡᠭᠦᠯᠭᠡ ᠶᠢᠨ ᠤᠷᠳᠤᠨ | ᠭᠠᠷᠭᠠᠬᠤ ᠶᠢᠨ ᠬᠠᠮᠳᠤ ᠮᠤᠷᠢᠨ ᠤᠷᠤᠯᠳᠤᠭᠠᠨ ᠤ ᠲᠠᠯᠠᠪᠠᠢ ᠪᠠᠶᠢᠭᠤᠯᠵᠦ᠂ ᠭᠡᠷ ᠪᠦᠯᠢ ᠶᠢᠨ ᠵᠤᠭᠠᠴᠠᠯ ᠤᠨ ᠦᠢᠯᠡᠰ ᠢ ᠡᠷᠬᠢᠯᠡᠬᠦ ᠪᠠ ᠰᠤᠶᠤᠯ ᠢᠶᠠᠨ | ᠬᠦᠭᠵᠢᠭᠦᠯᠬᠦ ᠶᠢ ᠤᠶᠠᠯᠳᠤᠭᠤᠯᠬᠤ ᠰᠠᠨᠠᠭᠠᠲᠠᠢ ᠭᠡᠮᠡᠨ ᠲᠦᠯᠦᠪᠵᠢᠬᠦᠯᠬᠡ ᠪᠠᠨ ᠶᠠᠷᠢᠵᠦ ᠪᠠᠶᠢᠭᠰᠠᠨ᠃ ᠤᠳᠤ ᠲᠡᠭᠦᠨ ᠤ ᠲᠦᠯᠦᠪᠵᠢᠬᠦᠯᠬᠡ ᠨᠢ ᠪᠤᠲᠠᠲᠠᠢ | ᠦᠢᠯᠡᠳᠦᠯᠭᠡ ᠪᠤᠯᠵᠦ ᠬᠤᠪᠢᠷᠠᠨ ᠬᠤᠯᠠ ᠤᠶᠢᠷᠠ ᠶᠢᠨ ᠬᠦᠮᠦᠰ ᠤᠨ ᠲᠠᠭᠠᠰᠢᠶᠠᠯ ᠢ ᠤᠯᠵᠦ ᠪᠠᠶᠢᠭᠠ ᠨᠢ ᠡᠨᠡ ᠪᠢᠯᠡ᠃ ᠮᠤᠤᠡᠤᠰᠤ ᠶᠢᠨ ᠮᠠᠯᠴᠢᠳ ᠤᠨ | ᠢᠵᠠᠭᠤᠷ ᠰᠤᠶᠤᠯ ᠢ ᠬᠠᠮᠠᠭᠠᠯᠠᠨ ᠤᠯᠠᠮᠵᠢᠯᠠᠵᠦ᠂ ᠦᠷᠠ ᠬᠤᠶᠢᠴᠢᠰ ᠲᠠᠭᠠᠨ ᠲᠡᠤᠬᠡ ᠶᠢᠨ ᠲᠤᠷᠠᠳᠬᠠᠯ ᠪᠠ ᠪᠠᠶᠠᠴᠢᠯᠠᠨ ᠤᠶᠢᠯᠠᠭᠠᠬᠤ ᠲᠠᠯᠠᠪᠤᠷ ᠦᠯᠡᠳᠡᠭᠡᠵᠦ | ᠦᠭᠬᠦ ᠶᠢᠨ ᠲᠦᠯᠦᠬᠡ᠂ ᠦᠤᠰᠢᠨ ᠬᠤᠰᠢᠭᠤᠨ ᠤ ᠰᠤᠶᠤᠯ ᠪᠠ ᠵᠤᠭᠠᠴᠠᠯ ᠤᠨ ᠲᠤᠪᠴᠢᠶᠠ ᠶᠢᠨ ᠬᠢᠨ ᠵᠢᠭᠵᠢᠵᠡᠪ ᠲᠠᠢ ᠬᠠᠮᠳᠤᠷᠠᠵᠦ ᠮᠤᠤᠡᠤᠰᠤ ᠶᠢᠨ | ᠡᠯᠡᠰᠦᠷᠬᠡᠭ ᠭᠠᠵᠠᠷ ᠤᠨ ᠬᠦᠨ ᠳᠤ ︽ᠮᠤᠤᠡᠤᠰᠤ ᠶᠢᠨ ᠮᠠᠯᠴᠢᠳ ᠤᠨ ᠢᠵᠠᠭᠤᠷ ᠰᠤᠶᠤᠯ ᠢ ᠪᠠᠶᠠᠴᠢᠯᠠᠨ ᠤᠶᠢᠯᠠᠭᠠᠬᠤ ᠰᠠᠭᠤᠷᠢᠨ ᠭᠠᠵᠠᠷ︾ ᠢ ᠪᠠᠶᠢᠭᠤᠯᠪᠠ᠃ | ᠲᠤᠰ ᠰᠠᠭᠤᠷᠢᠨ ᠭᠠᠵᠠᠷ ᠨᠢ ᠵᠢᠭᠵᠢᠵᠡᠪ ᠭᠤᠸᠠᠢ ᠶᠢᠨ ᠭᠡᠷ ᠪᠦᠯᠢ ᠶᠢᠨ ᠮᠠᠯᠵᠢᠯ ᠤᠨ ᠲᠠᠯᠠᠪᠠᠢ ᠳᠤ ᠪᠠᠶᠢᠷᠢᠯᠠᠵᠦ᠂ 11000 ᠲᠡᠭᠰᠢ ᠲᠦᠷᠪᠡᠯᠵᠢᠨ | ᠮᠧᠲᠷ ᠲᠠᠯᠠᠪᠠᠢ ᠲᠠᠢ᠃ ᠲᠤᠰ ᠰᠠᠭᠤᠷᠢᠨ ᠭᠠᠵᠠᠷ ᠨᠢ ︽ᠲᠡᠯᠭᠡᠨ ᠦᠵᠡᠭᠦᠯᠬᠦ ᠲᠤᠭᠤᠷᠢᠭ︾᠂ ︽ᠵᠢᠷᠤᠭᠠ ᠮᠤᠷᠢᠨ ᠤ ᠲᠤᠭᠤᠷᠢᠭ︾᠂ ︽ᠭᠠᠷ ᠤᠷᠠᠯᠠᠯ ᠤᠨ | ᠲᠤᠭᠤᠷᠢᠭ︾᠂ ︽ᠠᠮᠢᠳᠤᠷᠠᠯ ᠢ ᠤᠶᠢᠯᠠᠭᠠᠬᠤ ᠲᠤᠭᠤᠷᠢᠭ︾ ᠪᠠ ︽ᠡᠯᠡᠰᠦᠷᠬᠡᠭ ᠭᠠᠵᠠᠷ ᠤᠨ ᠮᠠᠯᠵᠢᠯ ᠤᠨ ᠲᠠᠯᠠᠪᠠᠢ ᠶᠢᠨ ᠲᠤᠭᠤᠷᠢᠭ︾ ᠵᠡᠷᠭᠡ ᠠᠭᠤᠯᠭᠠ ᠪᠠᠷ | ᠪᠦᠷᠢᠯᠳᠦᠵᠠᠢ᠃ ᠲᠡᠯᠭᠡᠨ ᠦᠵᠡᠭᠦᠯᠭᠡ ᠶᠢᠨ ᠲᠤᠭᠤᠷᠢᠭ ᠨᠢ ᠭᠤᠷᠪᠠᠨ ᠲᠤᠮᠦ ᠦᠵᠡᠭᠦᠯᠭᠡ ᠶᠢᠨ ᠲᠢᠩᠬᠢᠮ ᠲᠠᠢ᠂ 1100 ᠲᠡᠭᠰᠢ ᠲᠦᠷᠪᠡᠯᠵᠢᠨ ᠮᠧᠲᠷ | ᠲᠠᠯᠠᠪᠠᠢ ᠲᠠᠢ᠂ ᠡᠭᠦᠨ ᠳᠤ ︽ᠦᠤᠰᠢᠨ ᠵᠢᠷᠤᠭᠠ ᠮᠤᠷᠢᠨ ᠤ ᠰᠤᠶᠤᠯ ᠤᠨ ᠦᠵᠡᠭᠦᠯᠭᠡ︾᠂ ︽ᠮᠤᠤᠡᠤᠰᠤ ᠶᠢᠨ ᠤᠯᠠᠮᠵᠢᠯᠠᠯᠳᠤ ᠪᠤᠷᠭᠠᠰᠤᠨ ᠬᠦᠷᠦᠮᠡᠯ ᠤᠨ | ᠤᠷᠠᠯᠠᠯ ᠤᠨ ᠦᠵᠡᠭᠦᠯᠭᠡ︾᠂ ︽ᠮᠤᠤᠡᠤᠰᠤ ᠶᠢᠨ ᠤᠷᠤᠨ ᠰᠠᠭᠤᠴᠠ ᠶᠢᠨ ᠰᠤᠶᠤᠯ ᠤᠨ ᠦᠵᠡᠭᠦᠯᠭᠡ︾ ᠶᠢ ᠪᠠᠭᠳᠠᠭᠠᠨᠠ᠃ ᠵᠢᠭᠵᠢᠵᠡᠪ ᠭᠤᠸᠠᠢ᠄ ︽ᠪᠢ ᠪᠤᠯ | ᠬᠠᠭᠤᠴᠢᠨ ᠡᠳ᠋ᠯᠡᠯ ᠴᠤᠭᠯᠠᠭᠤᠯᠬᠤ ᠳᠤᠷᠠ ᠲᠠᠢ ᠬᠦᠮᠦᠨ᠂ ᠬᠠᠭᠤᠴᠢᠨ ᠡᠳ᠋ᠯᠡᠯ ᠬᠡᠷᠡᠭᠰᠡᠯ ᠢ ᠬᠤᠷᠢᠶᠠᠵᠦ ᠲᠠᠯᠪᠢᠪᠡᠯ ᠬᠤᠵᠢᠮ ᠡᠭᠦᠨ ᠢᠶᠠᠷ ᠢᠶᠠᠨ ᠪᠤᠰᠤᠳ ᠲᠤ | ᠲᠡᠷᠡ ᠦᠶᠠ ᠶᠢᠨ ᠠᠮᠢᠳᠤᠷᠠᠯ ᠤᠨ ᠪᠠᠶᠢᠳᠠᠯ ᠢ ᠦᠵᠡᠭᠦᠯᠴᠢᠬᠡᠭᠦ ᠪᠤᠯᠪᠠ ᠤᠤ ᠭᠡᠵᠦ ᠪᠤᠳᠤᠭᠠᠳ ᠡᠨᠡ ᠬᠦ ᠲᠠᠳᠬᠠᠯ ᠢᠶᠠᠨ ᠬᠡᠳᠤᠨ ᠠᠷᠪᠠᠨ ᠵᠢᠯ ᠪᠠᠷᠢᠮᠳᠠᠯᠠᠭᠰᠠᠭᠠᠷ | ᠢᠷᠡᠵᠠᠢ᠃ ᠰᠡᠭᠦᠯᠳᠡᠵᠦ ᠢᠷᠡᠭᠡᠳ ᠬᠤᠷᠢᠶᠠᠨ ᠴᠤᠭᠯᠠᠭᠤᠯᠤᠭᠰᠠᠨ ᠡᠳ᠋ᠯᠡᠯ ᠬᠡᠷᠡᠭᠰᠡᠯ ᠤᠯᠠᠳᠠᠭᠠᠳ ᠢᠷᠡᠬᠦ ᠶᠢ ᠲᠠᠭᠠᠯᠳᠤᠨ ᠡᠭᠦᠨ ᠢᠶᠠᠨ ᠰᠠᠶᠢᠬᠠᠨ ᠲᠦᠷᠦᠯ | ᠬᠤᠪᠢᠶᠠᠭᠠᠳ ᠲᠠᠶᠠᠭᠠᠷ ᠲᠤ ᠲᠡᠯᠭᠡᠨ ᠦᠵᠡᠭᠦᠯᠬᠦ ᠶᠢ ᠪᠤᠳᠤᠪᠠ᠃ ᠡᠨᠡ ᠬᠦ ᠲᠡᠯᠭᠡᠨ ᠦᠵᠡᠭᠦᠯᠭᠡ ᠪᠠᠷ ᠤᠷᠴᠢᠮ ᠤᠨ ᠵᠠᠭᠤᠭᠠᠳ ᠵᠢᠯ ᠤᠨ ᠬᠤᠭᠤᠷᠤᠨᠳᠤ | ᠮᠤᠤᠡᠤᠰᠤ ᠶᠢᠨ ᠡᠯᠡᠷᠰᠦᠷᠭᠡᠭ ᠭᠠᠵᠠᠷ ᠤᠨ ᠮᠤᠩᠭᠤᠯᠴᠤᠳ ᠶᠠᠭᠠᠬᠢᠵᠦ ᠠᠮᠢᠳᠤᠷᠠᠵᠦ ᠪᠠᠶᠢᠭᠰᠠᠨ᠂ ᠮᠠᠯᠵᠢᠬᠤ ᠠᠮᠢᠳᠤᠷᠠᠯ ᠮᠠᠨᠢ ᠶᠠᠮᠠᠷ ᠪᠠᠶᠢᠭᠰᠠᠨ ᠢ ᠲᠡᠯᠭᠡᠨ | ᠦᠵᠡᠬᠦᠯᠦᠶᠡ ᠭᠡᠰᠡᠨ ᠶᠤᠮ︾ ᠭᠡᠵᠦ ᠲᠡᠯᠭᠡᠨ ᠦᠵᠡᠭᠦᠯᠭᠡ ᠶᠢᠨ ᠤᠷᠳᠤᠨ ᠪᠠᠶᠢᠭᠤᠯᠤᠭᠰᠠᠨ ᠤᠭ ᠰᠠᠨᠠᠭᠠ ᠪᠠᠨ ᠶᠠᠷᠢᠨᠠ᠃ | ᠵᠢᠭᠵᠢᠵᠡᠪ ᠭᠤᠸᠠᠢ ᠦᠪᠡᠷ ᠤᠨ ᠢᠶᠠᠨ ᠬᠠᠳᠠᠭᠠᠯᠠᠭᠰᠠᠨ ᠪᠦᠬᠦᠨ ᠢᠶᠠᠨ ᠬᠠᠶᠢᠷᠠᠯᠠᠨ ᠬᠢᠮᠠᠭᠠᠳᠠᠨᠠ᠃ ᠡᠭᠦᠨ ᠳᠤ ᠲᠡᠭᠦᠨ ᠤ ᠬᠦᠴᠤ ᠬᠦᠯᠦᠰᠣ᠂ ᠤᠢ | ᠤᠬᠠᠭᠠᠨ᠂ ᠠᠯᠣᠰ ᠬᠤᠯᠠ ᠶᠢᠨ ᠪᠤᠳᠤᠯᠭᠠ ᠠᠭᠤᠰᠴᠤ᠂ ᠬᠤᠪᠤᠷ ᠨᠠᠨᠳᠢᠨ ᠬᠠᠳᠠᠭᠠᠯᠠᠮᠵᠢ ᠶᠢᠨ ᠦᠨᠠ ᠴᠡᠨᠠ ᠶᠢ ᠬᠦᠢᠴᠡᠳ ᠢᠯᠡᠷᠡᠬᠦᠯᠦᠨ᠂ ᠬᠠᠳᠠᠭᠠᠯᠠᠮᠵᠢ | ᠪᠦᠬᠦᠨ ᠠᠴᠠ ᠰᠤᠶᠤᠯ ᠤᠨ ᠤᠴᠢ ᠬᠡᠷᠡᠯᠳᠤᠨ ᠰᠡᠴᠤᠷᠠᠨᠠ᠃ ᠵᠢᠭᠵᠢᠵᠡᠪ ᠭᠤᠸᠠᠢ ᠶᠢᠨ ᠬᠠᠮᠤᠭ ᠠᠴᠠ ᠨᠠᠨᠳᠢᠩᠨᠠᠨ ᠬᠠᠶᠢᠷᠠᠯᠠᠳᠠᠭ ᠵᠦᠢᠯ ᠭᠡᠪᠡᠯ ᠲᠡᠭᠦᠨ ᠤ ︽ | ᠮᠤᠤᠡᠤᠰᠤ ᠶᠢᠨ ᠤᠷᠤᠨ ᠰᠠᠭᠤᠴᠠ ᠶᠢᠨ ᠰᠤᠶᠤᠯ ᠤᠨ ᠦᠵᠡᠭᠦᠯᠭᠡ︾ ᠳᠤ ᠲᠡᠯᠭᠡᠨ ᠦᠵᠡᠭᠦᠯᠵᠦ ᠪᠠᠶᠢᠭᠠ ᠪᠤᠷᠭᠠᠰᠤᠨ ᠲᠤᠭᠤᠢ ᠭᠡᠷ ᠪᠤᠯᠤᠨᠠ᠃ ᠪᠤᠷᠭᠠᠰᠤᠨ | ᠬᠠᠨᠠᠨ ᠤ ᠭᠠᠳᠠᠭᠤᠷ ᠦᠭᠡᠷ ᠤᠨ ᠨᠦᠢᠲᠠᠨ ᠠᠷᠭᠠᠯ ᠪᠠ ᠰᠢᠪᠠᠷ ᠢᠶᠠᠷ ᠰᠢᠪᠠᠭᠰᠠᠨ ᠲᠤᠭᠤᠢ ᠬᠡᠯᠪᠡᠷᠢ ᠶᠢᠨ ᠭᠡᠷ ᠨᠢ ᠪᠤᠷᠭᠠᠰᠤᠨ ᠰᠦᠯᠵᠢᠮᠡᠯ ᠢᠶᠠᠷ ᠲᠤᠭᠤᠢ ᠬᠠᠨᠠ | ᠪᠤᠯᠤᠨ ᠤᠷᠤᠢ ᠬᠢᠵᠦ᠂ ᠲᠤᠤᠷᠠ ᠭᠡᠰᠡᠭ ᠢ ᠭᠠᠵᠠᠷ ᠲᠤ ᠪᠤᠯᠠᠵᠦ ᠲᠤᠭᠳᠠᠭᠠᠵᠠᠢ᠃ ᠦᠭᠡᠷ ᠤᠨ ᠨᠦᠢᠲᠠᠨ ᠠᠷᠭᠠᠯ ᠢ ᠪᠤᠷᠭᠠᠰᠤᠨ ᠬᠠᠨᠠ ᠶᠢᠨ ᠭᠠᠳᠠᠭᠤᠷ | ᠰᠢᠪᠠᠵᠦ᠂ ᠲᠡᠭᠡᠷᠠ ᠠᠴᠠ ᠪᠠᠨ ᠰᠢᠪᠡᠷ ᠢᠶᠠᠷ ᠰᠢᠪᠠᠨᠠ᠃ ᠡᠨᠡ ᠨᠢ ᠪᠦᠭᠡᠯᠢᠭ ᠮᠥᠷᠳᠡᠭᠡᠨ ᠲᠤᠯᠠᠭᠠᠨ ᠢ ᠬᠠᠳᠠᠭᠠᠯᠠᠬᠤ ᠴᠢᠳᠠᠪᠤᠷᠢ ᠰᠠᠶᠢᠨ ᠪᠠᠶᠢᠵᠦ᠂ ᠡᠪᠦᠯ | ᠲᠤᠯᠠᠭᠠᠨ ᠵᠤᠨ ᠰᠡᠷᠢᠭᠦᠨ ᠪᠠᠶᠢᠳᠠᠭ᠃ ᠮᠤᠤᠡᠤᠰᠤ ᠶᠢᠨ ᠮᠠᠯᠴᠢᠳ ᠰᠡᠭᠦᠯᠡᠷ ᠪᠤᠷᠭᠠᠰᠤᠨ ᠲᠤᠭᠤᠢ ᠭᠡᠷ ᠢ ᠤᠳᠤᠷ ᠲᠤ ᠬᠡᠷᠡᠭᠯᠡᠬᠦ ᠪᠤᠶᠤ ᠬᠠᠵᠠᠭᠤ ᠶᠢᠨ | ᠲᠠᠭᠠᠯᠳᠤᠯ ᠭᠡᠷ ᠪᠤᠯᠭᠠᠳᠠᠭ᠃ ︽ᠮᠤᠤᠡᠤᠰᠤ ᠶᠢᠨ ᠮᠠᠯᠴᠢᠳ ᠭᠡᠷ ᠪᠠᠶᠢᠰᠢᠩ ᠪᠠᠷᠢᠵᠦ ᠤᠷᠤᠰᠢᠨ ᠰᠠᠭᠤᠷᠢᠰᠢᠬᠤ ᠳᠠᠭᠠᠨ ᠪᠠᠶᠢᠭᠠᠯᠢ ᠤᠷᠴᠢᠨ ᠢᠶᠠᠨ | ᠬᠠᠮᠠᠭᠠᠯᠠᠬᠤ ᠶᠢ ᠴᠢᠬᠤᠯᠠᠴᠢᠯᠠᠵᠦ᠂ ᠲᠠᠬᠢᠨ ᠲᠦᠯᠵᠢᠬᠦ ᠪᠤᠷᠭᠠᠰᠤ ᠬᠢᠭᠡᠳ ᠦᠭᠡᠷ ᠤᠨ ᠠᠷᠭᠠᠯ ᠢᠶᠠᠷ ᠤᠷᠤᠨ ᠰᠠᠭᠤᠴᠠ ᠪᠦᠳᠦᠭᠡᠭᠡᠳ ᠰᠠᠭᠤᠳᠠᠭ ᠨᠢ | ᠪᠠᠶᠢᠭᠠᠯᠢ ᠲᠠᠢ ᠪᠠᠨ ᠵᠤᠬᠢᠴᠠᠵᠦ ᠠᠮᠢᠳᠤᠷᠠᠳᠠᠭ ᠴᠡᠴᠡᠨ ᠤᠬᠠᠭᠠᠨ ᠢ ᠨᠢ ᠬᠠᠷᠠᠭᠤᠯᠵᠦ ᠪᠠᠶᠢᠭᠠ ᠶᠤᠮ︾ ᠬᠡᠵᠤ ᠵᠢᠭᠵᠢᠵᠡᠪ ᠭᠤᠸᠠᠢ ᠤᠴᠢᠷᠯᠠᠨᠠ᠃ ᠶᠡᠷᠦ ᠨᠢ | ᠮᠤᠩᠭᠤᠯᠴᠤᠳ ᠮᠠᠨᠢ ᠡᠴᠢᠭᠡ ᠲᠡᠭᠷᠢ ᠡᠬᠡ ᠲᠡᠯᠡᠬᠡᠢ ᠭᠡᠮᠡᠨ ᠪᠠᠶᠢᠭᠠᠯᠢ ᠠᠬᠤᠢ ᠪᠠᠨ ᠬᠠᠮᠠᠭᠠᠯᠠᠨ ᠠᠯᠢᠪᠠ ᠲᠦᠮᠡᠨ ᠪᠤᠲᠠᠰ ᠲᠠᠢ ᠡᠪ ᠲᠠᠢ ᠬᠠᠷᠢᠴᠠᠳᠠᠭ ᠢᠶᠠᠷ | ᠪᠤᠰᠤᠳ ᠠᠴᠠ ᠤᠨᠴᠠᠯᠢᠭᠳᠠᠨᠠ᠃ | ᠵᠢᠭᠵᠢᠵᠡᠪ᠄ ︽ᠨᠡᠶᠢᠬᠡᠮ ᠤᠨ ᠦᠳᠳᠡᠷ ᠲᠦᠷᠭᠡᠨ ᠬᠦᠭᠵᠢᠯᠳᠡ ᠶᠢ ᠲᠠᠭᠠᠯᠳᠤᠨ ᠤᠷᠤᠨ ᠰᠠᠭᠤᠴᠠ ᠬᠢᠭᠡᠳ ᠡᠳ᠋ᠯᠡᠯ ᠬᠡᠷᠡᠭᠰᠡᠯ ᠴᠦᠮ ᠰᠢᠨᠡᠷᠭᠡᠦ ᠶᠠᠩᠵᠦ | ᠮᠠᠶ᠋ᠢᠭ ᠲᠠᠢ ᠪᠤᠯᠵᠦ᠂ ᠬᠠᠭᠤᠴᠢᠨ ᠤ ᠡᠳ᠋ᠯᠡᠯ ᠬᠡᠷᠡᠭᠰᠡᠯ ᠴᠦᠮ ᠬᠠᠶᠠᠭᠳᠠᠵᠦ ᠭᠡᠭᠡᠭᠳᠡᠨ ᠬᠦᠮᠦᠰ ᠲᠤ ᠤᠮᠳᠤᠭᠠᠶᠢᠯᠠᠭᠳᠠᠵᠦ ᠪᠠᠶᠢᠨᠠ᠃ ᠪᠢ ᠡᠶᠢᠮᠦ ᠨᠢᠭᠡᠨ | ᠲᠡᠯᠭᠡᠨ ᠦᠵᠡᠭᠦᠯᠭᠡ ᠶᠢᠨ ᠦᠷᠦᠭᠡ ᠪᠠᠷ ᠢᠶᠠᠨ ᠬᠡᠤᠬᠡᠳ ᠪᠠᠭᠠᠴᠤᠳ ᠲᠤ ᠮᠠᠯᠵᠢᠬᠤ ᠰᠤᠶᠤᠯ ᠭᠡᠵᠦ ᠡᠶᠢᠮᠦ ᠪᠠᠶᠢᠭᠰᠠᠨ᠂ ᠡᠪᠦᠭᠡ ᠲᠡᠭᠡᠳᠤᠰ ᠮᠠᠨᠢ ᠡᠶᠢᠮᠦ ᠯᠠ | ᠭᠠᠷ ᠤᠷᠠᠨ᠂ ᠤᠬᠠᠭᠠᠨ ᠴᠡᠴᠡᠨ ᠬᠦᠮᠦᠰ ᠪᠠᠶᠢᠭᠰᠠᠨ ᠭᠡᠳᠡᠭ ᠢ ᠬᠡᠯᠡᠵᠦ ᠦᠭᠭᠦᠶᠠ ᠭᠡᠰᠡᠨ ᠶᠤᠮ︾ ᠭᠡᠵᠦ ᠪᠤᠳᠤᠯ ᠰᠠᠨᠠᠯ ᠢᠶᠠᠨ ᠪᠢᠳᠡᠨ ᠲᠠᠢ ᠬᠤᠪᠢᠶᠠᠯᠴᠠᠬᠤ | ᠶᠤᠮ ᠪᠢᠯᠡ᠃ | | |