| ᠠᠰᠢᠲᠠ ᠪᠣᠯ ᠥᠪᠥᠷ ᠮᠣᠩᠭᠤᠯ ᠤᠨ ᠲᠠᠷᠢᠶᠠᠯᠠᠩ ᠤᠨ ᠶᠡᠭᠡ ᠰᠤᠷᠭᠠᠭᠤᠯᠢ ᠶᠢᠨ ᠮᠠᠯ ᠡᠮᠨᠡᠯᠭᠡ ᠶᠢᠨ ᠰᠠᠯᠪᠤᠷᠢ ᠶᠢᠨ ᠣᠶᠣᠳᠠᠨ᠂ ᠮᠥᠨ ᠴᠤ ᠣᠳᠠᠯ | ᠦᠭᠡᠢ ᠰᠤᠷᠭᠠᠭᠤᠯᠢ ᠪᠠᠨ ᠲᠡᠭᠦᠰᠭᠡᠭᠰᠡᠨ ᠤ ᠳᠠᠷᠠᠭᠠ ᠬᠥᠳᠡᠭᠡ ᠨᠣᠳᠤᠭ ᠢᠶᠠᠨ ᠵᠣᠷᠢᠬᠤ ᠬᠠᠷᠠᠯᠲᠠ ᠲᠠᠢ ᠵᠠᠯᠠᠭᠤᠰ ᠤᠨ ᠨᠢᠭᠡ ᠶᠤᠮ᠃ ᠣᠶᠢᠯᠡᠳᠦᠯᠭᠡ | ᠰᠤᠷᠤᠯᠴᠠᠯᠭᠠ ᠶᠢ ᠡᠷᠬᠢᠮᠯᠡᠳᠡᠭ ᠲᠡᠷᠡ ᠨᠣᠳᠤᠭ ᠤᠨ ᠢᠶᠠᠨ ᠮᠠᠯᠴᠢᠨ ᠲᠥᠮᠡᠨ ᠳᠡᠭᠡᠨ ᠬᠠᠮ ᠲᠡᠮ ᠪᠣᠯᠵᠤ ᠮᠠᠯ ᠬᠤᠢ ᠶᠢ ᠨᠢ ᠡᠮᠨᠡᠭᠡᠳ ᠭᠤᠷᠪᠠᠨ ᠵᠢᠯ ᠤᠨ | ᠨᠢᠭᠤᠷ ᠢ ᠦᠵᠡᠭᠰᠡᠨ ᠪᠣᠯᠬᠤᠷ᠂ ᠨᠣᠳᠤᠭ ᠤᠰᠤᠨ ᠤ ᠬᠢᠨ ᠲᠡᠭᠦᠨ ᠢ ︽ᠣᠶᠣᠳᠠᠨ ᠮᠠᠯ ᠤᠨ ᠡᠮᠴᠢ︾ ᠭᠡᠮᠡᠨ ᠳᠣᠳᠣᠨᠣᠴᠢᠯᠠᠭᠰᠠᠭᠠᠷ ᠢᠷᠡᠭᠰᠡᠨ ᠪᠢᠯᠡ᠃ | | | | | | ᠠᠰᠢᠲᠠ ᠡᠨᠡ ᠵᠢᠯ 23 ᠨᠠᠰᠤᠲᠠᠢ᠂ ᠦᠦᠰᠢᠨ ᠬᠤᠰᠢᠭᠤᠨ ᠤ ᠦᠦᠰᠢᠨᠵᠦᠦ ᠪᠠᠯᠭᠠᠰᠤ ᠶᠢᠨ ᠦᠦᠰᠢᠨᠵᠦᠦ ᠭᠠᠴᠠᠭᠠᠨ ᠤ ᠤᠤᠭᠠᠯ᠃ ᠲᠡᠷᠡ ᠶᠡᠭᠡ | ᠰᠤᠷᠭᠠᠭᠤᠯᠢ ᠶᠢᠨ ᠪᠣᠱᠤᠭᠠ ᠶᠢ ᠠᠯᠬᠤᠨ ᠣᠷᠣᠵᠤ᠂ ᠣᠶᠣᠳᠠᠨ ᠠᠮᠢᠳᠤᠷᠠᠯ ᠢᠶᠠᠨ ᠡᠯᠭᠦᠭᠰᠡᠨ ᠡᠳᠦᠷ ᠠᠴᠠ ᠡᠬᠢᠯᠡᠨ᠂ ᠰᠢᠯᠢᠳᠡᠭ ᠮᠠᠯ ᠤᠨ ᠡᠮᠴᠢ ᠪᠣᠯᠵᠤ | ᠨᠣᠳᠤᠭ ᠣᠰᠤᠨ ᠤ ᠪᠠᠨ ᠮᠠᠯᠴᠢᠨ ᠲᠥᠮᠡᠨ ᠳᠡᠭᠡᠨ ᠤᠶᠢᠯᠡᠴᠢᠯᠡᠬᠦ ᠬᠦᠰᠡᠯ ᠢ ᠡᠪᠦᠷᠯᠡᠭᠰᠡᠭᠡᠷ ᠢᠷᠡᠵᠡᠢ᠃ ᠶᠠᠭ ᠡᠨᠡ ᠬᠦ ᠡᠩ ᠤᠨ ᠪᠣᠯᠪᠠᠴᠦ ᠶᠡᠷᠦᠮᠳᠡᠭ ᠪᠤᠰᠤ | ᠬᠦᠰᠡᠯ ᠲᠡᠮᠡᠤᠯᠤᠯ ᠨᠢ ᠲᠡᠭᠦᠨ ᠢ ᠬᠢᠴᠢᠶᠡᠯ ᠰᠤᠷᠤᠯᠭᠠ ᠳᠠᠭᠠᠨ ᠰᠢᠮᠳᠠᠭᠤᠯᠤᠨ᠂ ᠮᠡᠳᠡᠯᠭᠡ ᠮᠡᠷᠭᠡᠰᠢᠯ ᠢ ᠰᠠᠶᠢᠳᠤᠷ ᠡᠵᠡᠮᠰᠢᠭᠦᠯᠵᠦ᠂ ᠤᠶᠢᠯᠡᠳᠤᠯᠭᠡ | ᠰᠤᠷᠤᠯᠴᠠᠯᠭᠠ ᠳᠤ ᠢᠳᠡᠪᠬᠢᠳᠡᠢ ᠣᠷᠣᠯᠴᠠᠭᠤᠯᠬᠤ ᠬᠥᠳᠡᠯᠭᠡᠭᠴᠢ ᠬᠦᠴᠦᠨ ᠨᠢ ᠪᠣᠯᠣᠭᠰᠠᠨ ᠪᠠᠶᠢᠳᠠᠭ᠃ | | | | | ᠲᠡᠷᠡ ᠬᠠᠷᠠᠬᠠᠨ ᠪᠠᠭᠠ ᠠᠴᠠ ᠪᠠᠨ ᠬᠥᠳᠡᠭᠡ ᠨᠣᠳᠤᠭ ᠤᠨ ᠢᠶᠠᠨ ᠬᠠᠯᠠᠭᠤᠨ ᠡᠯᠢᠭᠡᠨ ᠳᠤ ᠪᠥᠪᠡᠶᠢᠯᠡᠭᠳᠡᠨ᠂ ᠦᠭᠡᠷ ᠬᠤᠨᠢ ᠲᠠᠢ ᠪᠠᠨ ᠨᠣᠴᠣᠯᠳᠤᠵᠤ | ᠥᠰᠦᠭᠰᠡᠨ ᠪᠣᠯᠬᠤᠷ ᠮᠠᠯ ᠳᠠᠭᠠᠨ ᠬᠠᠶᠢᠷᠠᠲᠠᠢ ᠮᠥᠷᠳᠡᠭᠡᠨ ᠨᠠᠰᠣᠨ ᠲᠤᠷᠰᠢᠲᠠ ᠮᠠᠯ ᠠᠴᠠ ᠪᠠᠨ ᠬᠤᠯᠠᠳᠤᠯ ᠦᠭᠡᠢ ᠶᠠᠪᠤᠬᠤ ᠪᠠᠷ ᠰᠤᠩᠭᠤᠭᠰᠠᠨ ᠮᠠᠯ ᠤᠨ ᠡᠮᠴᠢ | ᠶᠢᠨ ᠮᠡᠷᠭᠡᠵᠢᠯ ᠳᠡᠭᠡᠨ ᠴᠣ᠋ ᠮᠠᠰᠢ ᠲᠤᠷᠠᠲᠠᠢ᠃ ᠠᠰᠢᠲᠠ ᠠᠩᠬᠠᠨ ᠳᠠᠭᠠᠨ ᠬᠦᠮᠦᠨ ᠤ ᠡᠪᠡᠳᠴᠢᠨ ᠢ ᠵᠠᠰᠠᠬᠤ ᠡᠮᠴᠢ ᠪᠣᠯᠬᠤ ᠮᠥᠷᠦᠭᠡᠳᠦᠯ ᠲᠠᠢ ᠪᠠᠶᠢᠭᠰᠠᠨ | ᠪᠣᠯᠪᠠᠴᠦ ᠮᠠᠯ ᠤᠨ ᠡᠮᠴᠢ ᠪᠣᠯᠬᠤ ᠨᠢ ᠨᠡᠩ ᠲᠣᠬᠢᠷᠠᠬᠤ ᠰᠢᠭ᠋ ᠰᠠᠨᠠᠭᠳᠠᠵᠤ᠂ ᠠᠮᠢᠳᠠᠨ ᠤ ᠡᠮᠴᠢᠯᠡᠭᠡ ᠶᠢᠨ ᠲᠤᠰᠬᠠᠢ ᠮᠡᠷᠭᠡᠵᠢᠯ ᠢ ᠰᠤᠩᠭᠤᠵᠤ ᠰᠤᠷᠤᠭᠰᠠᠨ | ᠭᠡᠳᠡᠭ᠃ ᠲᠡᠷᠡ 2022 ᠣᠨ ᠤ ᠴᠢᠯᠦᠭᠡᠨ ᠤ ᠬᠤᠭᠤᠴᠠᠭᠠ ᠠᠴᠠ ᠪᠠᠨ ᠡᠬᠢᠯᠡᠨ ᠨᠣᠳᠤᠭ ᠤᠨ ᠬᠠᠰᠢᠷ ᠮᠠᠯ ᠤᠨ ᠡᠮᠴᠢ ᠪᠠᠶᠠᠨᠰᠡᠷᠡᠩ ᠤᠨ ᠭᠠᠷ ᠱᠠᠪᠢ ᠨᠢ | ᠪᠣᠯᠵᠤ᠂ ᠴᠢᠯᠦᠭᠡ ᠲᠠᠯᠪᠢᠮᠠᠭᠴᠠ ᠤᠶᠢᠯᠡᠳᠦᠯᠭᠡ ᠰᠤᠷᠤᠯᠴᠠᠯᠭᠠ ᠳᠤ ᠤᠷᠤᠯᠴᠠᠬᠤ ᠪᠠᠷ ᠨᠣᠳᠤᠭ ᠢᠶᠠᠨ ᠵᠣᠷᠢᠳᠠᠭ᠃ ︽ᠲᠠᠪᠬᠢᠭᠠ︾ ᠡᠮᠴᠢ ᠶᠢᠨ ᠲᠠᠷᠬᠠᠨ | ᠱᠠᠪᠢ ᠪᠣᠯᠣᠭᠰᠠᠨ ᠠᠰᠢᠲᠠ ᠮᠠᠯᠴᠢᠳ ᠤᠨ ᠬᠦᠴᠢᠷᠳᠡᠯ ᠲᠠᠢ ᠦᠶᠡ ᠳᠤᠨᠢ ᠪᠠᠭᠰᠢ ᠲᠠᠢ ᠪᠠᠨ ᠬᠠᠮᠲᠤ ᠡᠳᠦᠷ ᠰᠥᠨᠢ᠂ ᠰᠠᠯᠬᠢ ᠰᠢᠭᠤᠷᠭᠠ᠂ ᠴᠠᠰᠤ ᠪᠣᠷᠣᠭᠠᠨ | ᠢ ᠬᠠᠶᠢᠬᠤᠷᠤᠯ ᠦᠭᠡᠢ ᠰᠢᠭᠤᠳ ᠯᠠ ᠲᠠᠪᠬᠢᠭᠤᠯᠵᠤ ᠤᠴᠢᠨ ᠮᠠᠯ ᠢ ᠨᠢ ᠡᠮᠨᠡᠵᠦ ᠥᠭᠳᠡᠭ ᠮᠥᠷᠳᠡᠭᠡᠨ ᠬᠥᠳᠡᠭᠡ ᠪᠠᠭᠤᠵᠤ ᠮᠠᠯ ᠡᠮᠨᠡᠬᠦ ᠵᠠᠪᠰᠢᠶᠠᠨ ᠢ ᠠᠯᠳᠠᠯ | ᠦᠭᠡᠢ ᠪᠠᠭᠰᠢ ᠠᠴᠠ ᠪᠠᠨ ᠨᠠᠷᠢᠨ ᠠᠰᠠᠭᠤᠵᠤ ᠨᠢᠮᠪᠡᠢ ᠰᠤᠷᠤᠯᠴᠠᠳᠠᠭ᠃ ᠲᠡᠭᠦᠨ ᠤ ᠡᠷᠬᠢᠴᠡᠭᠦᠯᠬᠦ ᠪᠠᠷ᠂ ᠨᠢᠭᠡ ᠤᠳᠠᠭᠠ ᠥᠷ ᠤᠨ ᠰᠥᠨᠢ ᠶᠢᠨ 3 ᠴᠠᠭ ᠲᠤ | ᠪᠠᠴᠢᠮ ᠤᠳᠠᠰᠤ ᠲᠤᠰᠤᠮᠠᠭᠴᠠ ᠪᠠᠭᠰᠢ ᠱᠠᠪᠢ ᠭᠡᠳᠦᠭᠦᠯᠨ ᠪᠠᠨ ᠬᠥᠭᠡᠬᠤᠲᠠ ᠶᠢᠨ ᠲᠤᠭᠳᠠᠬᠤ ᠰᠢᠶᠡᠨ ᠳᠤ ᠬᠦᠷᠴᠦ ᠮᠣᠷᠢ ᠡᠮᠨᠡᠨ᠂ ᠬᠠᠷᠢᠬᠤ ᠵᠠᠮ ᠳᠠᠭᠠᠨ | ᠡᠵᠡᠨ ᠬᠤᠷᠤᠭᠠ ᠬᠤᠰᠢᠭᠤᠨ ᠤ ᠮᠠᠯᠴᠢᠨ ᠠᠶᠢᠯ ᠪᠠᠷ ᠣᠷᠣᠵᠣ ᠮᠠᠯ ᠢ ᠨᠢ ᠡᠮᠨᠡᠭᠡᠳ᠂ ᠲᠠᠷᠠᠭᠠ ᠡᠳᠦᠷ ᠤᠨ ᠬᠢᠨᠢ ᠰᠦᠨᠢ ᠶᠢᠨ 10 ᠴᠠᠭ ᠭᠠᠷᠦᠢ ᠳᠤ | ᠬᠠᠷᠢᠵᠦ ᠢᠷᠡᠭᠰᠡᠨ ᠭᠡᠳᠡᠭ᠃ ᠲᠡᠷᠡ ᠤᠳᠠᠭᠠᠨ ᠤ ᠡᠮᠴᠢᠯᠡᠭᠡ ᠬᠢᠬᠦ ᠪᠠᠷ ᠶᠠᠪᠤᠭᠰᠠᠨ ᠨᠢ ᠬᠡᠳᠤᠶᠢᠪᠡᠷ ᠶᠠᠳᠠᠷᠠᠯ ᠵᠥᠳᠡᠷᠡᠯ ᠲᠠᠢ ᠪᠣᠯᠪᠠᠴᠦ ᠲᠡᠭᠦᠨ ᠳᠤ ᠠᠪᠴᠦ | ᠬᠡᠯᠡᠪᠡᠯ ᠨᠢᠭᠡᠨ ᠤᠳᠠᠭᠠᠨ ᠤ ᠲᠠᠪᠳᠠᠨ ᠪᠣᠯᠪᠠᠰᠤᠷᠠᠬᠤ ᠵᠠᠪᠰᠢᠶᠠᠨ ᠪᠣᠯᠣᠭᠰᠠᠨ ᠢᠶᠠᠷ ᠪᠠᠷᠠᠬᠤ ᠦᠭᠡᠢ ᠡᠪᠦᠭᠡᠨ ᠪᠠᠭᠰᠢ ᠶᠢᠨ ᠢᠶᠠᠨ ᠡᠷᠬᠢᠮ ᠰᠤᠷᠳᠠᠯ ᠢ ᠨᠢ ᠤᠯᠠᠮ | ᠬᠦ ᠪᠢᠰᠢᠷᠠᠵᠦ᠂ ᠮᠠᠯ ᠡᠮᠨᠡᠯᠭᠡ ᠶᠢᠨ ᠮᠡᠷᠭᠡᠵᠢᠯ ᠢ ᠰᠠᠶᠢᠳᠣᠷ ᠰᠤᠷᠤᠯᠴᠠᠨ᠂ ︽ᠰᠠᠶᠢᠨ ᠮᠠᠯ ᠤᠨ ᠡᠮᠴᠢ︾ ᠭᠡᠮᠡᠬᠦ ᠠᠯᠳᠠᠷ ᠢ ᠡᠷᠭᠦᠵᠦ ᠶᠠᠪᠤᠬᠤ ᠪᠠᠷ ᠵᠣᠷᠢᠭ | ᠰᠢᠢᠳᠴᠦ ᠪᠢᠯᠡ᠃ | ᠬᠡᠳᠦᠨ ᠵᠢᠯ ᠤᠨ ᠲᠤᠷᠰᠢ᠂ ᠠᠰᠢᠲᠠ ᠶᠡᠭᠡ ᠰᠤᠷᠭᠠᠭᠤᠯᠢ ᠳᠤ ᠰᠤᠷᠤᠭᠰᠠᠨ ᠣᠨᠣᠯ ᠤᠨ ᠮᠡᠳᠡᠯᠭᠡ ᠪᠠᠷ ᠢᠶᠠᠨ ᠮᠠᠯ ᠡᠮᠨᠡᠯᠭᠡ ᠶᠢᠨ ᠰᠠᠭᠤᠷᠢ ᠪᠣᠯᠭᠠᠵᠤ᠂ | ᠪᠠᠳᠣᠰᠠᠷᠠᠩ ᠪᠠᠭᠰᠢ ᠶᠢᠨ ᠢᠶᠠᠨ ᠵᠢᠭᠠᠨ ᠵᠢᠯᠥᠭᠤᠳᠤᠯᠭᠠ ᠪᠠᠷ ᠤᠶᠢᠯᠡᠳᠦᠯᠭᠡ ᠳᠤ ᠢᠳᠡᠪᠬᠢᠲᠡᠢ ᠣᠷᠣᠯᠴᠠᠭᠰᠠᠨ ᠢᠶᠠᠷ᠂ ᠮᠠᠯ ᠤᠨ ᠡᠪᠡᠳᠴᠢᠨ ᠢ ᠡᠮᠨᠡᠬᠦ | ᠲᠤᠷᠰᠢᠯᠭᠠ ᠨᠡᠮᠡᠭᠳᠡᠵᠦ᠂ ᠪᠠᠭᠰᠢ ᠨᠢ ᠶᠠᠭᠠᠷᠠᠦ ᠴᠠᠭ ᠲᠠᠭᠠᠨ ᠲᠡᠭᠦᠨ ᠢ ᠲᠣᠮᠢᠯᠠᠨ ᠮᠠᠯᠴᠢᠨ ᠠᠶᠢᠯ ᠳᠤ ᠣᠴᠢᠭᠤᠯᠵᠤ ᠮᠠᠯ ᠡᠮᠨᠡᠭᠦᠯᠳᠡᠭ ᠪᠣᠯᠵᠠᠢ᠃ ᠠᠩᠬᠠᠨ | ᠳᠠᠭᠠᠨ ᠲᠡᠷᠡ ᠰᠠᠨᠳᠤᠷᠤᠭᠰᠠᠨ ᠠᠴᠠ ᠪᠣᠯᠵᠤ᠂ ᠮᠠᠯ ᠤᠨ ᠮᠠᠰᠠ ᠵᠠᠰᠠᠯ ᠬᠢᠬᠦ ᠳᠤ ᠭᠠᠷ ᠴᠡᠴᠡᠷᠡᠬᠦ᠂ ᠡᠮ ᠤᠨ ᠰᠢᠩᠭᠡᠨ ᠶᠡᠭᠦᠯᠡᠬᠦ ᠳᠤ ᠰᠤᠳᠠᠰᠤ ᠶᠢ ᠨᠢ | ᠬᠠᠳᠬᠤᠵᠤ ᠣᠨᠣᠭᠠᠬᠤ ᠦᠭᠡᠢ ᠪᠠᠶᠢᠵᠠᠢ᠃ ᠶᠠᠭ ᠲᠡᠷᠡ ᠬᠦ ᠪᠠᠷᠭᠡᠳᠡᠵᠦ ᠪᠠᠶᠢᠬᠤ ᠦᠶᠡᠰ ᠲᠤᠨᠢ ᠮᠠᠯᠴᠢᠳ ︽ᠬᠠᠮᠢᠶᠠ ᠦᠭᠡᠢ᠂ ᠲᠠᠭᠠᠷᠠᠵᠦ ᠪᠠᠶᠢᠨᠠ︾ ᠭᠡᠵᠦ | ᠵᠣᠷᠢᠭᠵᠢᠭᠤᠯᠳᠠᠭ ᠪᠣᠯᠬᠤᠷ ᠲᠡᠭᠦᠨ ᠳᠤ ᠮᠠᠰᠢ ᠲᠤᠯᠠᠭᠠᠬᠠᠨ ᠰᠠᠨᠠᠭᠳᠠᠵᠦ᠂ ᠥᠪᠡᠷ ᠤᠨ ᠰᠤᠩᠭᠤᠭᠰᠠᠨ ᠤᠶᠢᠯᠡᠰ ᠲᠡᠭᠡᠨ ᠨᠡᠩ ᠶᠡᠭᠡ ᠢᠳᠡᠭᠡᠯ ᠵᠣᠷᠢᠭ ᠲᠠᠢ | ᠪᠣᠯᠵᠤ᠂ ᠡᠳᠦᠷ ᠤᠳᠠᠭᠠᠨ ᠳᠠᠭᠠᠨ ᠮᠡᠳᠡᠯᠭᠡ ᠮᠡᠷᠭᠡᠵᠢᠯ ᠨᠢ ᠴᠤ ᠤᠯᠠᠮ ᠰᠠᠶᠢᠵᠢᠷᠠᠵᠠᠢ᠃ | ᠤᠶᠢᠯᠡᠴᠢᠯᠡᠭᠡ ᠬᠠᠷᠢᠭᠤᠴᠠᠯᠭᠠ ᠰᠠᠶᠢᠲᠠᠢ ᠪᠣᠯᠬᠤᠷ ᠲᠡᠷᠡ ᠮᠠᠯᠴᠢᠨ ᠲᠥᠮᠡᠨ ᠳᠤ ᠶᠡᠭᠡᠭᠡᠨ ᠲᠤᠰᠠ ᠲᠡᠮ ᠦᠵᠡᠭᠦᠯᠵᠦ᠂ ᠮᠠᠯ ᠬᠤᠢ ᠶᠢ ᠨᠢ ᠰᠠᠶᠢᠳᠣᠷ | ᠡᠮᠨᠡᠨ ᠵᠠᠰᠠᠳᠠᠭ ᠢᠶᠠᠷ ᠣᠶᠢᠷᠡ ᠬᠠᠪᠢ ᠶᠢᠨ ᠮᠠᠯᠴᠢᠳ ᠤᠨ ᠢᠳᠡᠭᠡᠯ ᠨᠠᠶᠢᠳᠠᠯᠭᠠ ᠶᠢ ᠣᠯᠣᠭᠰᠠᠨ ᠢᠶᠠᠷ ᠪᠠᠷᠠᠬᠤ ᠦᠭᠡᠢ ᠤᠳᠤᠭ ᠬᠤᠰᠢᠭᠤ᠂ ᠤᠳᠤᠭ ᠤᠨ | ᠡᠮᠦᠨᠡᠳᠦ ᠬᠤᠰᠢᠭᠤ᠂ ᠡᠵᠡᠨ ᠬᠤᠷᠤᠭᠠ ᠬᠤᠰᠢᠭᠤ᠂ ᠬᠠᠨᠭ᠍ᠬᠢᠨ ᠬᠤᠰᠢᠭᠤ ᠵᠡᠷᠭᠡ ᠵᠡᠷᠭᠡᠯᠳᠡᠭᠡ ᠬᠤᠰᠢᠭᠤ ᠲᠤᠭᠤᠷᠢᠭ ᠵᠢᠴᠢ ᠬᠥᠬᠡᠬᠤᠲᠠ ᠵᠡᠷᠭᠡ ᠭᠠᠵᠠᠷ ᠣᠷᠣᠨ | ᠳᠤ ᠴᠣ᠋ ᠣᠴᠢᠵᠦ ᠮᠠᠯ ᠤᠨ ᠡᠪᠳᠴᠢᠨ ᠢ ᠡᠮᠨᠡᠨ ᠵᠠᠰᠠᠳᠠᠭ ᠪᠣᠯᠵᠠᠢ᠃ ᠠᠰᠢᠲᠠ ᠣᠳᠣ ᠮᠠᠯ ᠤᠨ ᠠᠭᠤᠰᠬᠢᠨ ᠥᠷᠪᠢᠰᠦᠯ᠂ ᠬᠤᠳᠣᠭᠤᠳᠤ ᠬᠡᠳᠡᠰᠦᠨ | ᠥᠷᠪᠢᠰᠦᠯ᠂ ᠡᠯᠢᠭᠡᠨ ᠥᠷᠪᠢᠰᠦᠯ ᠵᠢᠴᠢ ᠰᠢᠩᠭᠡᠭᠡᠯᠲᠡ ᠶᠢᠨ ᠡᠪᠡᠳᠴᠢᠨ ᠵᠡᠷᠭᠡ ᠡᠯᠡ ᠵᠤᠶᠢᠯ ᠤᠨ ᠡᠪᠡᠳᠴᠢᠨ ᠢ ᠤᠨᠣᠰᠢᠯᠠᠵᠤ ᠡᠮᠨᠡᠬᠦ᠂ ᠪᠡᠷᠭᠡ ᠲᠥᠯᠯᠡᠭᠡ ᠲᠠᠢ | ᠮᠠᠯ ᠪᠤᠶᠤ ᠲᠡᠮᠦᠷ ᠤᠳᠠᠰᠤ ᠢᠳᠡᠭᠰᠡᠨ ᠮᠠᠯ ᠤᠨ ᠮᠡᠰᠡ ᠵᠠᠰᠠᠯ ᠢ ᠬᠢᠵᠦ ᠲᠡᠶᠢᠯᠳᠡᠭ ᠮᠥᠷᠳᠡᠭᠡᠨ ᠴᠢᠯᠦᠭᠡ ᠵᠠᠪ ᠢᠶᠠᠨ ᠠᠰᠢᠭᠯᠠᠨ ᠮᠠᠯᠴᠢᠳ ᠢ ᠬᠠᠮᠵᠢᠵᠦ ᠮᠠᠯ | ᠳᠤᠨᠢ ᠬᠤᠷᠤᠬᠠᠢ ᠶᠢᠨ ᠡᠮ ᠴᠢᠳᠬᠤᠬᠤ᠂ ᠬᠢᠵᠢᠭ ᠡᠪᠡᠳᠴᠢᠨ ᠤ ᠰᠡᠷᠭᠡᠶᠢᠯᠡᠭᠡ ᠶᠢᠨ ᠵᠡᠭᠦᠦ ᠲᠠᠷᠢᠬᠤ᠂ ᠦᠭᠡᠷ ᠬᠤᠨᠢᠨ ᠤ ᠠᠷᠭᠠᠯ ᠬᠤᠷᠭᠤᠯ ᠠᠴᠠ ᠬᠤᠷᠤᠬᠠᠢ | ᠪᠠᠶᠢᠴᠠᠭᠠᠬᠤ ᠵᠡᠷᠭᠡ ᠤᠶᠢᠯᠡᠴᠢᠯᠡᠭᠡ ᠶᠢ ᠴᠣ᠋ ᠬᠠᠨᠭ᠍ᠭᠠᠵᠦ᠂ ᠤᠷᠢᠳ ᠬᠤᠵᠢᠳ ᠪᠠᠷᠤᠭ 200 ᠭᠠᠷᠦᠢ ᠮᠠᠯ ᠢ ᠡᠮᠨᠡᠵᠦ ᠡᠳᠡᠭᠡᠷᠡᠭᠦᠯᠵᠡᠢ᠃ | ︽ᠭᠡᠭᠡᠷᠡ ᠶᠢᠨ ᠰᠢᠪᠠᠭᠤ ᠨᠢᠰᠤᠭᠡᠳ ᠬᠦᠷᠬᠦ ᠦᠭᠡᠢ ᠭᠠᠵᠠᠷ ᠠᠴᠠ ᠬᠦᠮᠦᠨ ᠤ ᠬᠦᠦ ᠡᠷᠳᠡᠨᠢ ᠡᠪᠦᠷᠯᠡᠭᠡᠳ ᠬᠠᠷᠢᠨᠡ︾ ᠬᠡᠳᠡᠭᠴᠢᠯᠡᠨ ᠠᠰᠢᠲᠠ ᠶᠡᠭᠡ | ᠰᠤᠷᠭᠠᠭᠤᠯᠢ ᠪᠠᠨ ᠲᠡᠭᠦᠰᠦᠭᠰᠡᠨ ᠤ ᠲᠠᠷᠠᠭᠠ ᠦᠦᠰᠢᠨᠵᠦᠦ ᠪᠠᠯᠭᠠᠰᠤᠨ ᠳᠠᠭᠠᠨ ᠬᠠᠷᠢᠵᠦ ᠬᠤᠪᠢ ᠶᠢᠨ ᠮᠠᠯ ᠤᠨ ᠡᠮ ᠤᠨ ᠲᠡᠯᠭᠡᠭᠦᠷ ᠢᠶᠠᠨ ᠨᠡᠭᠡᠭᠡᠵᠦ᠂ | ᠰᠤᠷᠤᠭᠰᠠᠨ ᠮᠡᠳᠡᠯᠭᠡ ᠮᠡᠷᠭᠡᠵᠢᠯ ᠢᠶᠠᠷ ᠨᠣᠳᠤᠭ ᠤᠰᠤᠨ ᠤ ᠪᠠᠨ ᠮᠠᠯᠴᠢᠨ ᠲᠥᠮᠡᠨ ᠳᠡᠭᠡᠨ ᠨᠡᠩ ᠰᠠᠶᠢᠨ ᠮᠠᠯ ᠡᠮᠨᠡᠯᠭᠡ ᠶᠢᠨ ᠤᠶᠢᠯᠡᠴᠢᠯᠡᠭᠡ ᠬᠠᠨᠭ᠍ᠭᠠᠬᠤ ᠪᠠᠷ | ᠲᠥᠯᠥᠪᠯᠡᠵᠦ ᠪᠠᠶᠢᠯᠠ᠃ | ᠨᠣᠳᠤᠭ ᠢᠶᠠᠨ ᠵᠣᠷᠢᠭᠰᠠᠨ ᠠᠰᠢᠲᠠ ᠶᠢᠨ ᠤᠶᠢᠯᠡᠰ ᠤᠨ ᠭᠡᠭᠡᠨ ᠬᠠᠷᠭᠤᠢ ᠨᠢ ᠨᠡᠩ ᠥᠭᠡᠳᠡ ᠡᠰᠡᠷᠡᠭ ᠪᠣᠯᠬᠤ ᠶᠢ ᠢᠷᠦᠭᠡᠨ ᠵᠦᠡᠭᠨᠡᠶᠡ︕ |