| ᠦᠤᠰᠢᠨ ᠬᠤᠰᠢᠭᠤᠨ ᠤ ᠰᠦᠯᠳᠡ ᠰᠤᠮᠤᠨ ︵ᠤᠤᠯ ᠤᠨ ᠱᠠᠷᠯᠢᠭ ᠰᠤᠮᠤ︶ ᠳᠤ ᠦᠡᠭᠭᠡᠷᠡᠭᠰᠡᠨ ᠳᠤ ᠠᠯᠲᠠᠨ ᠰᠢᠷᠡ ᠱᠠᠭᠠᠵᠠᠩ ᠸᠠᠭᠠᠷ ᠤᠨ | ᠲᠡᠭᠡᠪᠦᠷ ᠲᠠᠢ ᠲᠤᠩ ᠰᠠᠶᠢᠬᠠᠨ ᠤᠷᠠᠯᠠᠨ ᠪᠦᠲᠦᠭᠡᠭᠰᠡᠨ ᠭᠠᠶᠢᠬᠠᠮᠰᠢᠬᠲᠦ ᠡᠭᠦᠯᠡᠲᠦ ᠰᠦᠮᠡ ᠪᠠᠶᠢᠭᠰᠠᠨ ᠶᠤᠮ᠃ ᠬᠦᠮᠦᠰ ᠲᠡᠭᠦᠨ ᠢ ᠰᠢᠷᠠᠵᠤᠤ ᠬᠡᠮᠡᠵᠦ | ᠨᠡᠷᠡᠯᠡᠵᠦ ᠪᠠᠶᠢᠬᠰᠠᠨ ᠠᠴᠠ ᠰᠡᠭᠦᠯᠳᠡᠵᠦ ᠢᠷᠡᠭᠡᠳ ᠱᠠᠷᠯᠢᠭ ᠤᠨ ᠰᠦᠮᠡ ᠭᠡᠳᠡᠭ ᠪᠤᠯᠵᠠᠢ᠃ ᠠᠯᠤᠰ ᠠᠴᠠ ᠬᠠᠷᠠᠭᠳᠠᠬᠤ ᠰᠦᠷᠯᠢᠭ ᠴᠠᠭᠠᠨ ᠰᠤᠪᠤᠷᠭᠠ᠂ | ᠠᠯᠲᠠᠨ ᠲᠡᠭᠡᠪᠦᠷᠲᠦ ᠭᠠᠶᠢᠬᠠᠮᠰᠢᠬᠲᠦ ᠡᠭᠦᠯᠡᠲᠦ ᠰᠦᠮᠠ᠂ ᠠᠮᠢᠲᠠᠨ ᠤ ᠲᠤᠰᠠ ᠶᠢᠨ ᠲᠤᠯᠠᠳᠠ ᠠᠶᠢᠯᠠᠳᠬᠠᠵᠦ ᠵᠠᠯᠠᠭᠰᠠᠨ ᠬᠡᠶᠢᠳ ᠪᠠᠶᠢᠯᠠ᠃ | ᠲᠡᠤᠬᠡ ᠰᠤᠳᠤᠷ ᠲᠤ ᠲᠡᠮᠳᠡᠭᠯᠡᠭᠰᠡᠨ ᠢ ᠦᠨᠳᠦᠰᠦᠯᠡᠪᠡᠯ᠂ ᠱᠠᠷᠯᠢᠭ ᠤᠨ ᠰᠦᠮᠠ ᠪᠤᠯ ᠤᠤᠯ ᠳᠠᠭᠠᠨ ᠤᠰᠤᠨ ᠬᠤᠷᠠᠯ ᠤᠨ ᠰᠦᠮᠡ ᠪᠠᠶᠢᠭᠰᠠᠨ ᠶᠤᠮ᠃ | ᠮᠠᠨᠵᠦ ᠴᠢᠩ ᠤᠨ ᠲᠦᠷᠦ ᠠᠴᠠ ᠲᠡᠭᠷᠢ ᠲᠡᠳᠬᠦᠭᠴᠢ ᠶᠢᠨ ᠲᠡᠷᠢᠭᠦᠨ ᠤᠨ ︵1736︶ ᠳᠤ ᠦᠤᠰᠢᠨ ᠬᠤᠰᠢᠭᠤᠨ ᠤ ᠭᠤᠷᠪᠠᠨ ᠬᠠᠷᠢᠶᠡ ᠠᠷᠪᠠᠨ ᠬᠤᠶᠠᠷ | ᠰᠤᠮᠤ ᠶᠢ ᠰᠠᠯᠭᠠᠵᠦ ᠵᠠᠰᠠᠭ ᠬᠤᠰᠢᠭᠤ ᠶᠢ ᠪᠠᠶᠢᠭᠤᠯᠤᠭᠰᠠᠨ ᠤ ᠲᠠᠷᠠᠭᠠ᠂ 1784 ᠤᠨ ᠳᠤ ᠮᠠᠨᠵᠦ ᠴᠢᠩ ᠤᠨ ᠲᠦᠷᠦ ᠠᠴᠠ ᠲᠤᠤᠳᠢᠶᠡ ᠬᠡᠶᠢᠳ | ᠪᠠᠨᠳᠢᠳᠠ ᠶᠢᠨ ᠲᠤᠭᠠᠡᠭ ᠳᠤ ᠦᠭᠭᠦᠭᠰᠡᠨ 120 ᠲᠤᠤᠳᠢᠶᠡ ᠯᠠᠮᠠ ᠶᠢᠨ ᠤᠷᠤᠨ ᠲᠤᠭᠠ ᠠᠴᠠ 60 ᠶᠢ ᠨᠢ ᠱᠠᠷᠯᠢᠭ ᠤᠨ ᠰᠦᠮᠡ ᠳᠤ ᠦᠭᠭᠦᠭᠰᠡᠨ ᠠᠴᠠ | ᠲᠤᠤᠳᠢᠶᠡ ᠶᠢᠨ ᠬᠡᠶᠢᠳ ᠭᠡᠵᠦ ᠨᠡᠷᠡᠯᠡᠵᠡᠢ᠃ ᠪᠦᠷᠢᠨᠲᠦ ᠵᠠᠰᠠᠭᠴᠢ ᠶᠢᠨ ᠵᠢᠷᠭᠤᠳᠤᠭᠠᠷ ᠤᠨ ︵1867︶ ᠳᠤ ᠮᠠ ᠬᠤᠸᠡ ᠯᠥᠡᠭ ᠤᠨ ᠲᠡᠭᠡᠷᠡᠮ — ᠮᠠᠭᠤ | ᠬᠤᠯᠠᠭᠠᠢ ᠪᠠᠷᠠᠭᠤᠨ ᠵᠦᠭ ᠠᠴᠠ ᠢᠷᠡᠵᠦ ᠲᠡᠭᠡᠷᠡᠮᠳᠡᠭᠰᠡᠨ ᠲᠡᠷᠡ ᠦᠶᠡ ᠳᠤ ᠶᠢᠰᠤᠨ ᠲᠠᠰᠤᠯᠭᠠ ᠬᠦᠬᠡ ᠰᠦᠮᠡ ᠨᠢ ᠭᠠᠯᠳᠠᠭᠳᠠᠵᠠᠢ᠃ ᠲᠤᠬᠠᠢ ᠶᠢᠨ ᠦᠶ | ᠡ ᠳᠤ ᠲᠤᠰᠠᠯᠠᠭᠴᠢ ᠲᠠᠶᠢᠵᠢ ᠪᠠᠯᠵᠤᠤᠷ ᠪᠤᠯᠤᠨ ᠵᠠᠬᠢᠷᠤᠭᠴᠢ ᠴᠢᠯᠠᠭᠤᠨᠳᠤᠷᠵᠢ ᠴᠡᠷᠢᠭ ᠪᠠᠶᠢᠭᠤᠯᠤᠨ᠂ ᠴᠢᠯᠠᠭᠤᠨᠳᠤᠷᠵᠢ ᠵᠠᠩᠵᠤᠨ 500 ᠮᠤᠷᠢᠲᠤ ᠴᠡᠷᠢᠭ | ᠲᠠᠶᠢᠴᠢᠯᠠᠨ ︽ᠮᠠᠭᠤ ᠬᠤᠯᠠᠭᠠᠢ︾ ᠶᠢ ᠲᠠᠷᠤᠬᠤ ᠲᠠᠶᠢᠨ ᠳᠤ ᠪᠠᠶᠢᠯᠳᠤᠭᠠᠳ ᠪᠠᠭᠠᠲᠤᠷᠯᠢᠭ ᠢᠶᠠᠷ ᠪᠠᠶᠡ ᠦᠷᠡᠭᠳᠡᠵᠡᠢ᠃ ᠪᠦᠷᠢᠨᠲᠦ ᠵᠠᠰᠠᠭᠴᠢ ᠶᠢᠨ ᠠᠷᠪᠠᠨ | ᠬᠤᠶᠠᠳᠤᠭᠠᠷ ᠤᠨ ᠳᠤ ᠵᠠᠩᠵᠤᠨ ᠰᠸᠡᠵᠠᠪ ᠲᠡᠷᠢᠭᠦᠲᠡᠢ ᠦᠤᠰᠢᠨ ᠬᠤᠰᠢᠭᠤᠨ ᠤ ᠲᠠᠪᠤᠨ ᠵᠠᠭᠤᠨ ᠮᠤᠷᠢᠲᠦ ᠴᠡᠷᠢᠭ ᠮᠠᠭᠤ ᠬᠤᠯᠠᠭᠠᠢ ᠶᠢᠨ ᠦᠯᠡᠳᠡᠭᠳᠡᠯ | ᠲᠡᠭᠡᠷᠡᠮ ᠢ ᠴᠤᠬᠢᠨ ᠬᠤᠰᠢᠭᠤᠨ ᠤ ᠬᠢᠵᠠᠭᠠᠷ ᠠᠴᠠ ᠭᠠᠷᠭᠠᠵᠦ᠂ ᠪᠦᠷᠢᠨᠲᠦ ᠵᠠᠰᠠᠭᠴᠢ ᠶᠢᠨ ᠠᠷᠪᠠᠨ ᠭᠤᠷᠪᠠᠳᠤᠭᠠᠷ ᠤᠨ ᠠᠴᠠ ᠡᠬᠢᠯᠡᠵᠦ ᠪᠠᠯᠵᠤᠤᠷ ᠭᠦᠡᠭ | ᠲᠡᠷᠢᠭᠦᠯᠡᠨ ᠤᠯᠠᠨ ᠦᠭᠯᠢᠭᠡ ᠶᠢᠨ ᠡᠵᠡᠳ ᠬᠠᠮᠲᠤᠷᠠᠵᠦ ᠰᠦᠮᠠ ᠶᠢᠨ ᠤᠷᠤᠮ ᠲᠡᠭᠡᠷᠡ 49 ᠲᠠᠰᠤᠯᠭᠠ ᠠᠯᠲᠠᠨ ᠰᠢᠷᠭᠠᠯ ᠲᠠᠭᠡᠪᠦᠷ ᠲᠠᠢ ᠲᠠᠪᠬᠤᠷᠯᠢᠭ | ᠰᠦᠮᠡ ᠶᠢ ᠪᠠᠶᠢᠭᠤᠯᠵᠦ᠂ ᠪᠠᠳᠠᠷᠠᠭᠤᠯᠲᠦ ᠲᠦᠷᠦ ᠶᠢᠨ ᠲᠡᠷᠢᠭᠦᠨ ᠤᠨ ︵1875︶ ᠳᠤ ᠪᠠᠷᠢᠵᠦ ᠲᠡᠭᠦᠰᠬᠡᠪᠡ᠃ ᠪᠠᠷᠢᠯᠭᠠ ᠲᠡᠭᠦᠰᠤᠮᠡᠭᠴᠡ ᠪᠠᠯᠵᠤᠤᠷ | ᠲᠤᠰᠠᠯᠠᠭᠴᠢ ᠭᠦᠡᠭ ᠪᠤᠷᠬᠠᠨ ᠰᠢᠳᠤᠭᠡᠨ ᠵᠠᠯᠠᠵᠦ ᠵᠠᠶ᠋ᠢᠭ ᠪᠢᠴᠢᠭ ᠵᠤᠬᠢᠶᠠᠯᠭᠠᠬᠤ ᠪᠠᠷ ᠭᠠᠨᠰᠦ ᠶᠢᠨ ᠯᠠᠪᠷᠤᠩ ᠬᠡᠶᠢᠳ ᠲᠤ ᠬᠦᠷᠴᠦ ᠵᠠᠮᠢᠶᠠᠩᠱᠡᠳᠪᠠ ᠪᠤᠭᠳᠠ | ᠭᠡᠭᠡᠨ ᠳᠤ ᠪᠠᠲᠦ ᠰᠠᠭᠠᠲᠠᠭᠤᠯᠬᠤ ᠰᠡᠯᠲᠡ ᠬᠢᠵᠦ ᠦᠯᠮᠡᠢ ᠪᠠᠲᠤᠳᠬᠠᠬᠤ ᠮᠠᠨᠳᠠ ᠡᠷᠭᠦᠭᠰᠡᠨ ᠳᠤ ᠨᠠᠰᠤᠨ ᠬᠤᠳᠤᠭ ᠢᠪᠡᠭᠡᠭᠴᠢ ᠲᠡᠭᠷᠢᠯᠢᠭ ᠪᠤᠷᠬᠠᠨ ᠲᠠᠬᠢᠬᠤ ᠶᠢ | ᠤᠬᠠᠭᠠᠯᠠᠨ ᠵᠦᠪᠰᠢᠶᠡᠷᠡᠵᠦ᠂ ᠵᠠᠶ᠋ᠢᠭ ᠪᠢᠴᠢᠭ ᠬᠠᠶᠢᠷᠠᠯᠠᠵᠦ᠂ ᠯᠠᠪᠷᠤᠩ ᠬᠡᠶᠢᠳ ᠤᠨ ᠰᠤᠳᠨᠠᠮᠷᠠᠭᠪᠠ ᠭᠡᠭᠡᠨ ᠢ ᠲᠤᠰ ᠰᠦᠮᠡ ᠶᠢᠨ ᠡᠵᠡᠨ ᠯᠠᠮᠠ ᠪᠤᠯᠭᠠᠪᠠ᠃ | ᠲᠠᠷᠠᠭᠠ ᠪᠠᠷ ᠪᠠᠯᠵᠤᠤᠷ ᠲᠤᠰᠠᠯᠠᠭᠴᠢ ᠭᠦᠡᠭ ᠤᠨ ᠲᠤᠮᠢᠯᠠᠯᠲᠠ ᠪᠠᠷ ᠪᠠᠷᠠᠭᠤᠨ ᠮᠡᠶᠢᠷᠡᠨ ᠬᠠᠳᠠᠬᠢᠨ ᠰᠡᠷᠡᠩᠳᠤᠷᠵᠢ ᠨᠠᠷ ᠪᠡᠭᠡᠵᠢᠩ ᠳᠤ ᠬᠦᠷᠴᠦ ᠴᠢᠩ ᠤᠨ | ᠲᠦᠷᠦ ᠶᠢᠨ ᠳ᠋ᠧᠽᠦ᠋ᠡᠭ ᠬᠠᠭᠠᠨ ᠳᠤ᠄ ︽ᠡᠵᠡᠨ ᠬᠠᠭᠠᠨ ᠤ ᠦᠯᠮᠡᠢ ᠪᠠᠲᠤᠳᠬᠠᠬᠤ ᠶᠢᠨ ᠲᠦᠯᠦᠭᠡ ᠱᠠᠪᠳᠠᠨ ᠤᠡᠭᠰᠢᠭᠤᠯᠬᠤ ᠰᠢᠷᠡ ᠰᠦᠮᠠ ᠰᠢᠷᠠ ᠡᠯᠢᠭᠡ | ᠭᠡᠳᠡᠭ ᠭᠠᠵᠠᠷ ᠡᠭᠦᠯᠡᠨ ᠠᠴᠠ ᠪᠠᠭᠤᠨ ᠴᠤᠭᠴᠠᠯᠠᠭᠳᠠᠯᠡ︾ ᠭᠡᠰᠡᠨ ᠡᠪᠬᠡᠮᠡᠯ ᠡᠷᠭᠦᠵᠦ ᠮᠡᠳᠡᠭᠦᠯᠦᠭᠰᠡᠨ ᠳᠤ ᠬᠠᠭᠠᠨ ᠰᠤᠴᠢᠰᠬᠢᠵᠦ᠄ ︽ᠡᠪᠡᠦ︕ ᠭᠠᠶᠢᠬᠠᠮᠰᠢᠭ | ᠪᠤᠯᠠᠢ⁈︾ ᠭᠡᠮᠡᠨ ᠦᠭᠦᠯᠡᠵᠦ ᠭᠡᠨᠡ᠃ ᠢᠡᠭᠭᠢᠭᠡᠳ ᠰᠠᠶ᠋ᠢ ︽ᠭᠠᠶᠢᠬᠠᠮᠰᠢᠬᠲᠦ ᠡᠭᠦᠯᠡᠲᠦ ᠰᠦᠮᠡ︾ ᠭᠡᠰᠡᠨ ᠨᠡᠷᠡ ᠡᠷᠭᠦᠮᠵᠢᠯᠡᠭᠳᠡᠭᠰᠠᠨ ᠭᠡᠳᠡᠭ᠃ ᠲᠤᠰ | ᠬᠡᠶᠢᠳ ᠲᠠᠪᠤᠨ ᠵᠠᠭᠤᠨ ᠱᠠᠪᠢ ᠲᠠᠢ᠂ ᠭᠤᠷᠪᠠᠨ ᠷᠡᠰᠡᠩ ᠤᠨ ᠰᠤᠷᠭᠠᠭᠤᠯᠢ ᠲᠠᠢ ᠪᠠᠶᠢᠭᠰᠠᠨ ᠪᠦᠭᠡᠳ ᠵᠢᠷᠠᠨ ᠲᠤᠤᠳᠢᠶᠡ ᠶᠢᠨ ᠯᠠᠮᠠ ᠲᠠᠢ ᠪᠠᠶᠢᠵᠠᠢ᠃ | | | | | | | | | | | | | | | | 1886 ᠤᠨ ᠳᠤ ᠪᠠᠯᠵᠤᠤᠷ ᠭᠦᠡᠭ ᠲᠤᠰ ᠰᠦᠮ ᠡ ᠶᠢᠨ ᠡᠵᠡᠨ ᠯᠠᠮᠠ ᠰᠤᠳᠨᠠᠮᠷᠠᠭᠪᠠ ᠭᠡᠭᠡᠨ ᠢ ᠵᠠᠯᠠᠵᠦ ᠵᠢᠳᠤᠷ ᠷᠡᠰᠡᠩ ᠢ ᠪᠠᠶᠢᠭᠤᠯᠵᠦ᠂ | ᠲᠠᠷᠠᠭᠠ ᠪᠠᠷ ᠦᠤᠰᠢᠨᠵᠤᠤ ᠶᠢᠨ ᠭᠡᠭᠡᠨ ᠢ ᠵᠠᠯᠠᠵᠦ ᠽᠢᠨᠢᠳ ᠷᠡᠰᠡᠩ ᠢ ᠪᠠᠶᠢᠭᠤᠯᠪᠠ᠃ ᠭᠡᠪᠲᠦ ᠶᠤᠰᠤᠨ ᠤ ᠤᠨ ᠳᠤ ᠴᠤᠭᠳᠤᠸ᠋ᠴᠢᠷ ᠭᠦᠡᠭ ᠨᠤᠭᠤᠭᠠᠨ ᠵᠤᠤ ᠶᠢ | ᠪᠠᠶᠢᠭᠤᠯᠤᠭᠰᠠᠨ ᠪᠠᠶᠢᠨᠡ᠃ | ᠱᠠᠷᠯᠢᠭ ᠤᠨ ᠰᠦᠮᠡ ᠶᠢᠨ ᠴᠠᠮ ᠬᠤᠷᠠᠯ ᠨᠢ 1965 ᠤᠨ ᠬᠦᠷᠲᠡᠯᠡ ᠦᠷᠭᠦᠯᠵᠢᠯᠡᠵᠦ ︽ᠰᠤᠶᠤᠯ ᠤᠨ ᠬᠤᠪᠢᠰᠬᠠᠯ︾ ᠤᠨ ᠲᠤᠮᠲᠠ ᠰᠦᠮᠠ | ᠬᠡᠶᠢᠳ ᠨᠢ ᠰᠦᠢᠳᠴᠤ᠂ ᠰᠤᠳᠤᠷ ᠨᠤᠮ ᠨᠢ ᠰᠢᠲᠠᠭᠲᠠᠨ᠂ ᠭᠠᠶᠢᠬᠠᠮᠰᠢᠬᠲᠦ ᠡᠭᠦᠯᠡᠲᠦ ᠰᠦᠮᠠ ᠴᠦ ᠲᠠᠯᠠᠭᠠᠳ ᠤᠨ ᠪᠤᠯᠬᠤ ᠳᠤ ᠲᠠᠯᠬᠢᠭᠳᠠᠭᠰᠠᠭᠠᠷ | ᠪᠠᠶᠢᠭᠠᠳ ᠬᠤᠪᠤᠷ ᠴᠤᠬᠠᠭ ᠰᠢᠵᠢᠷ ᠪᠤᠯᠤᠷ ᠡᠷᠳᠡᠨᠢᠰ ᠨᠢ ᠰᠦᠢᠳᠴᠦ ᠲᠡᠭᠦᠰᠴᠡᠢ᠃ | ᠬᠡᠷᠪᠡ ᠰᠢᠷᠠᠵᠤᠤ ᠰᠢᠨᠡ ᠡᠷᠢᠨ ᠳᠤ ᠰᠢᠨᠡ ᠲᠦᠷᠰᠦ ᠪᠠᠶᠢᠳᠠᠯ ᠢᠶᠠᠷ ᠰᠢᠷᠡ ᠡᠯᠢᠭᠡᠨ ᠲᠡᠭᠡᠷᠡ ᠢᠯᠡᠷᠡᠪᠡᠯ ᠲᠡᠷᠡ ᠨᠢ ᠨᠢᠭᠡᠨ ᠭᠠᠶᠢᠠᠭᠮᠰᠢᠭ ᠪᠤᠯᠵᠦ | ᠵᠤᠭᠠᠴᠠᠯ ᠤᠨ ᠦᠡᠭᠭᠡ ᠭᠠᠯᠪᠢᠷ ᠢ ᠨᠡᠮᠡᠭᠳᠡᠭᠦᠯᠬᠦ ᠰᠠᠨ᠃ ᠲᠡᠶᠢᠨ ᠬᠦ ᠬᠠᠷᠠᠩᠭᠤᠢ ᠰᠦᠨᠢ ᠭᠡᠭᠡᠨ ᠴᠠᠭᠠᠨ ᠡᠳᠦᠷ ᠢ ᠬᠦᠰᠡᠮᠵᠢᠯᠡᠭᠰᠡᠨ᠂ ᠱᠠᠰᠢᠨ ᠤ ᠮᠠᠨᠠᠨ ᠠᠴᠠ | ᠰᠤᠶᠤᠯ ᠤᠨ ᠭᠡᠭᠡ ᠶᠢ ᠡᠷᠡᠮᠡᠯᠵᠡᠭᠰᠡᠨ ᠦᠢᠯᠡ ᠪᠠᠷᠢᠯ ᠨᠢ ᠬᠠᠷᠢᠨ ᠬᠦᠮᠦᠰ ᠤᠨ ᠦᠨᠡᠨ ᠰᠦᠰᠦᠭ ᠵᠢᠩᠬᠢᠨᠢ ᠪᠢᠰᠢᠷᠡᠯ ᠢ ᠲᠦᠷᠦᠭᠳᠡᠭᠦᠯᠦᠨ ᠪᠤᠢ ᠲᠤᠯᠠ | ᠤᠯᠤᠰ ᠠᠴᠠ ᠪᠡᠯᠡ ᠤᠷᠤᠭᠤᠯᠤᠨ ᠰᠢᠷᠠᠵᠤᠤ ᠶᠢ ᠰᠡᠷᠭᠦᠭᠡᠨ ᠪᠠᠶᠢᠭᠤᠯᠬᠤ ᠰᠤᠨᠢᠨ ᠴᠢᠮᠡᠭᠡ ᠪᠠ ᠬᠠᠮᠤᠭ ᠰᠡᠭᠦᠯ ᠤᠨ ᠱᠠᠪᠷᠤᠩ ᠢᠶᠠᠷ ᠲᠤᠳᠤᠯᠠᠭᠳᠠᠭᠰᠠᠨ | ᠵᠢᠷᠡ ᠶᠢᠨ ᠲᠠᠪᠠᠭᠠ ᠶᠢ ᠲᠠᠪᠠᠵᠦ ᠪᠠᠶᠢᠭᠠ ᠰᠤᠶᠤᠯᠳᠦ ᠨᠦᠬᠦᠷ ᠴᠤ ᠪᠡᠯᠡ ᠴᠤᠭᠯᠠᠭᠤᠯᠤᠨ ᠰᠡᠷᠭᠦᠭᠡᠨ ᠪᠠᠶᠢᠭᠤᠯᠬᠤ ᠬᠠᠯᠠᠭᠤᠨ ᠴᠢᠮᠡᠭᠡ ᠰᠤᠨᠤᠰᠳᠠᠪᠠ᠃ | ᠨᠠᠮ ᠲᠦᠷᠦ ᠶᠢᠨ ᠱᠠᠰᠢᠨ ᠰᠤᠷᠲᠠᠬᠤᠨ ᠤ ᠲᠤᠬᠠᠢ ᠲᠦᠷᠦ ᠶᠢᠨ ᠪᠤᠳᠤᠯᠭᠠ ᠶᠢᠨ ᠲᠤᠶᠠᠭᠠᠯᠠᠯ ᠢᠶᠠᠷ ᠱᠠᠰᠢᠨ ᠤ ᠦᠢᠯᠡᠰ ᠪᠠ ᠰᠤᠶᠤᠯ ᠲᠡᠤᠬᠡ ᠶᠢᠨ ᠦᠪ | ᠪᠤᠯᠬᠤ ᠰᠦᠮᠡ ᠬᠡᠶᠢᠳ᠂ ᠪᠤᠷᠬᠠᠨ ᠰᠢᠳᠦᠭᠡᠨ᠂ ᠴᠠᠮ ᠬᠤᠷᠠᠯ ᠨᠢ ᠲᠠᠬᠢᠨ ᠰᠡᠷᠭᠦᠭᠡᠭᠳᠡᠭᠰᠡᠨ ᠤ ᠲᠠᠰᠢᠷᠠᠮ ᠳᠤ᠂ ᠪᠠᠯᠳ᠋ᠬᠠᠤᠳᠽᠠᠷ ᠲᠦᠷᠡᠮᠪᠡ ᠶᠢᠨ ᠬᠤᠪᠢᠯᠭᠠᠨ | ᠲᠠᠮᠪᠠᠷᠤᠮᠢ ︵ᠰᠤᠶᠤᠯᠲᠦ︶ ᠱᠠᠪᠷᠤᠩ 41 ᠵᠢᠯ ᠤᠷᠤ ᠮᠦᠷ ᠴᠦ ᠦᠭᠡᠢ ᠪᠤᠯᠤᠭᠰᠠᠨ ᠰᠦᠮᠡ ᠬᠡᠶᠢᠳ ᠢ ᠲᠠᠬᠢᠨ ᠰᠡᠷᠭᠦᠭᠡᠨ ᠪᠠᠶᠢᠭᠤᠯᠬᠤ ᠪᠠᠷ ᠵᠤᠷᠢᠭ | ᠰᠢᠭᠤᠳᠤᠨ ᠰᠢᠷᠭᠠᠭᠤ ᠴᠢᠷᠮᠠᠶᠢᠨ᠂ ᠦᠪᠡᠷ ᠤᠨ ᠪᠤᠢ ᠪᠦᠬᠦᠢ ᠮᠦᠡᠭᠭᠦ ᠪᠠᠨ ᠬᠤᠷᠠᠮᠳᠤᠭᠤᠯᠵᠦ᠂ ᠪᠡᠯᠡ ᠴᠤᠭᠯᠠᠭᠤᠯᠤᠨ᠂ ᠰᠦᠮᠡ ᠶᠢᠨ ᠪᠠᠷᠢᠯᠭᠠ ᠶᠢᠨ ᠵᠢᠷᠤᠭ | ᠲᠦᠯᠦᠪᠯᠡᠭᠡ ᠵᠡᠷᠭᠡ ᠶᠢᠨ ᠪᠡᠯᠡᠳᠭᠡᠯ ᠠᠵᠢᠯ ᠢᠶᠠᠨ ᠶᠠᠭ ᠰᠠᠶᠢᠬᠠᠨ ᠡᠷᠴᠢᠮᠲᠠᠢ ᠬᠢᠵᠦ ᠪᠠᠶᠢᠭᠰᠠᠨ ᠵᠠᠩᠭᠢᠯᠠᠭᠠ ᠶᠢᠨ ᠴᠠᠭ ᠦᠶᠡ ᠳᠤ ᠡᠪᠡᠳᠴᠢᠨ ᠢᠶᠠᠷ ᠨᠠᠰᠤ | ᠪᠠᠷᠠᠪᠠ᠃ ᠲᠠᠮᠪᠠᠷᠤᠮᠢ ᠨᠠᠰᠤ ᠪᠠᠷᠠᠭᠰᠠᠨ ᠤ ᠲᠠᠷᠠᠭᠠ 2008 ᠤᠨ ᠳᠤ ᠦᠪᠦᠷ ᠮᠤᠩᠭᠤᠯ ᠤᠨ ᠦᠪᠡᠷᠳᠡᠭᠡᠨ ᠵᠠᠰᠠᠬᠤ ᠤᠷᠤᠨ ᠤ ᠦᠨᠳᠦᠰᠦᠲᠡᠨ ᠤ ᠬᠡᠷᠡᠭ | ᠡᠷᠬᠢᠯᠡᠬᠦ ᠵᠦᠪᠯᠡᠯ ᠤᠨ ᠱᠠᠰᠢᠨ ᠰᠤᠷᠳᠠᠬᠤᠨ ᠢ ᠬᠠᠮᠢᠶᠠᠷᠬᠤ ᠭᠠᠵᠠᠷ ᠠᠴᠠ ᠱᠠᠷᠯᠢᠭ ᠤᠨ ᠰᠦᠮᠡ ᠶᠢ ᠲᠠᠬᠢᠨ ᠰᠡᠷᠭᠦᠭᠡᠨ ᠪᠠᠶᠢᠭᠤᠯᠬᠤ ᠶᠢ ᠵᠦᠪᠰᠢᠶᠡᠷᠡᠭᠰᠡᠨ | ᠪᠠᠶᠢᠨᠡ᠃ ᠢᠡᠭᠭᠢᠭᠡᠳ ᠲᠦᠷᠡᠮᠪᠠ ᠶᠢᠨ ᠬᠤᠪᠢᠯᠭᠠᠨ ᠲᠠᠮᠪᠠᠷᠤᠮᠢ ᠶᠢᠨ ᠭᠡᠷᠭᠡᠢ ᠨᠠᠷᠠᠨᠴᠢᠮᠡᠭ ᠬᠢᠭᠡᠳ ᠲᠡᠭᠦᠨ ᠤ ᠬᠤᠶᠠᠷ ᠬᠦᠦ ᠰᠢᠶᠠᠩ ᠳ᠋ᠦᠡᠭ᠂ ᠰᠢᠤᠢ ᠳ᠋ᠦᠡᠭ | ᠨᠠᠷ ᠵᠠᠯᠭᠠᠮᠵᠢᠯᠠᠨ ᠠᠪᠴᠦ ᠵᠢᠷᠤᠭ ᠲᠦᠯᠦᠪᠯᠡᠭᠡ ᠶᠤᠰᠤᠭᠠᠷ ᠪᠡᠯᠡ ᠮᠦᠡᠭᠭᠦ ᠪᠠᠨ ᠴᠤᠭᠯᠠᠭᠤᠯᠤᠨ ᠦᠷᠭᠦᠯᠵᠢᠯᠡᠨ ᠰᠢᠨᠡᠳᠬᠡᠨ ᠪᠦᠳᠦᠭᠡᠨ ᠪᠠᠶᠢᠭᠤᠯᠵᠦ᠂ ᠲᠡᠭᠦᠦ | ᠨᠠᠷ ᠨᠤᠮᠤᠨᠰᠠᠩ᠂ ᠵᠢᠩᠯᠠᠶᠢᠬᠤᠸᠠᠷ᠂ ᠡᠷᠳᠡᠨᠢᠰᠠᠩ᠂ ᠠᠯᠲᠠᠨᠴᠡᠴᠡᠭ ᠨᠠᠷ ᠴᠦ ᠲᠡᠮᠵᠢᠯᠭᠡ ᠬᠠᠪᠰᠤᠷᠤᠯᠭᠠ ᠦᠵᠡᠭᠦᠯᠦᠭᠰᠡᠨ ᠠᠴᠠ ᠭᠠᠳᠠᠨᠡ ᠬᠤᠯᠪᠤᠭᠳᠠᠯ ᠪᠦᠬᠦᠢ | ᠠᠯᠪᠠᠨ ᠪᠠᠶᠢᠭᠤᠯᠭᠠ ᠶᠢᠨ ᠤᠳᠤᠷᠢᠳᠤᠯᠭᠠ᠂ ᠺᠠᠳ᠋ᠷ᠂ ᠤᠯᠠᠨ ᠦᠭᠯᠢᠭᠡ ᠶᠢᠨ ᠡᠵᠡᠨ ᠪᠠ ᠬᠠᠷᠡ ᠰᠢᠷᠡ ᠰᠦᠰᠦᠭᠲᠡᠨ ᠪᠤᠯᠤᠨ ᠲᠦᠷᠦᠯ ᠰᠠᠳᠤᠨ ᠤ ᠬᠢᠨ ᠤ | ᠬᠠᠯᠠᠭᠤᠨ ᠬᠠᠮᠵᠢᠯᠴᠠᠭᠠ ᠪᠠᠷ 2010 ᠤᠨ ᠤ 6 ᠰᠠᠷᠡ ᠶᠢᠨ 24 ᠤ ᠦᠯᠵᠡᠶᠢᠲᠦ ᠡᠳᠦᠷ ᠱᠠᠷᠯᠢᠭ ᠤᠨ ︵ᠰᠢᠷᠠᠵᠤᠤ︶ ᠰᠦᠮᠡ ᠶᠢ ᠲᠠᠬᠢᠨ ᠰᠡᠷᠭᠦᠭᠡᠨ | ᠪᠠᠶᠢᠭᠤᠯᠬᠤ ᠰᠠᠭᠤᠷᠢ ᠲᠠᠯᠪᠢᠬᠤ ᠶᠤᠰᠤᠯᠠᠯ ᠤᠨ ᠲᠤᠤᠵᠠ ᠶᠢ ᠬᠠᠶᠢᠴᠢᠯᠡᠵᠦ ᠭᠠᠵᠠᠷ ᠬᠦᠨᠳᠡᠵᠦ ᠪᠠᠷᠢᠯᠭᠠ ᠪᠠᠨ ᠡᠬᠢᠯᠡᠭᠦᠯᠦᠭᠰᠡᠨ ᠪᠠᠶᠢᠨᠡ᠃ 2014 ᠤᠨ ᠤ | 11 ᠰᠠᠷᠡ ᠳᠤ ᠪᠠᠷᠢᠯᠭᠠ ᠲᠡᠭᠦᠰᠦᠭᠰᠡᠨ ᠶᠤᠰᠤᠯᠠᠯ ᠬᠢᠵᠦ ᠬᠡᠷᠡᠭᠯᠡᠭᠡᠨ ᠳᠤ ᠤᠷᠤᠭᠤᠯᠵᠡᠢ᠃ | ︽ᠵᠡᠭᠦᠳᠤᠨ ᠳᠤ ᠦᠭᠡᠢ ᠶᠠᠭᠤᠮᠡ ᠡᠭᠦᠳᠡᠨ ᠳᠤ︾ ᠭᠡᠳᠡᠭ ᠢᠶᠠᠷ ᠰᠢᠷᠠᠵᠤᠤ ᠰᠥᠮᠠ ᠰᠢᠷᠡ ᠡᠯᠢᠭᠡᠨ ᠲᠠᠭᠡᠷᠡ ᠰᠡᠷᠭᠦᠭᠡᠨ ᠪᠠᠶᠢᠭᠤᠯᠤᠭᠳᠠᠭᠰᠠᠨ ᠨᠢ | ᠭᠠᠶᠢᠬᠠᠮᠰᠢᠭ ᠭᠡᠵᠦ ᠬᠡᠯᠡᠬᠦ ᠦᠭᠡᠢ ᠪᠠᠶᠢᠬᠤ ᠶᠢᠨ ᠠᠷᠭᠠ ᠦᠭᠡᠢ᠃ ᠪᠢ ᠮᠠᠨ ᠤ ᠬᠠᠳᠠᠬᠢᠨᠴᠤᠳ ᠤᠨ ᠮᠦᠡᠭᠭᠡ ᠲᠡᠭᠷᠢ ᠶᠢᠨ ᠲᠠᠬᠢᠯᠭᠠ ᠳᠤ ᠤᠴᠢᠬᠤ ᠵᠠᠮ ᠵᠠᠭᠤᠷ | ᠡ ᠨᠢᠭᠡ ᠤᠳᠠᠭᠠ ᠲᠤᠭᠤᠷᠢᠨ ᠦᠵᠡᠵᠦ ᠦᠡᠭᠭᠡᠷᠡᠭᠰᠡᠨ ᠪᠢᠯᠡ᠂ ᠠᠯᠲᠠᠨ ᠰᠢᠷᠭᠠᠯ ᠲᠡᠭᠡᠪᠦᠷᠲᠦ ᠦᠨᠳᠦᠷ ᠰᠦᠷᠯᠢᠭ ᠭᠤᠷᠪᠠᠨ ᠰᠦᠮᠡ ᠲᠤᠭᠠᠡᠭ ᠲᠠᠢ ᠦᠵᠡᠮᠵᠢ | ᠰᠠᠶᠢᠲᠠᠢ ᠪᠠᠷᠢᠯᠭᠠ ᠲᠠᠢ ᠭᠠᠶᠢᠬᠠᠮᠰᠢᠬᠲᠦ ᠡᠭᠦᠯᠡᠲᠦ ᠬᠡᠶᠢᠳ ᠠᠯᠲᠠᠨ ᠨᠠᠷᠠᠨ ᠤ ᠭᠡᠷᠡᠯ ᠳᠤ ᠭᠢᠯᠠᠯᠵᠠᠨ ᠡᠳᠡᠭᠡᠳ ᠰᠠᠶᠢᠬᠠᠨ ᠬᠠᠷᠠᠭᠳᠠᠮᠤᠢ᠃ | |