| | ᠮᠠᠯ ᠤᠨ ᠲᠥᠷᠥᠯ᠂ ᠨᠠᠰᠤ᠂ ᠦᠢᠯᠡᠳᠪᠥᠷᠢᠯᠡᠯ ᠤᠨ ᠴᠢᠳᠠᠪᠤᠷᠢ᠂ ᠲᠡᠵᠢᠭᠡᠯ ᠪᠤᠷᠳᠤᠭᠠᠨ ᠤ ᠪᠥᠷᠢᠯᠳᠥᠭᠦᠨ᠂ | ᠭᠠᠳᠠᠭᠠᠳᠤ ᠤᠷᠴᠢᠨ ᠤ ᠠᠭᠤᠷ ᠠᠮᠢᠰᠬᠤᠯ ᠵᠡᠷᠭᠡ ᠠᠳᠠᠯᠢ ᠪᠤᠰᠤ ᠨᠥᠬᠦᠴᠡᠯ ᠠᠴᠠ ᠪᠤᠯᠵᠤ᠂ ᠡᠯᠡ ᠲᠥᠷᠥᠯ ᠤᠨ | ᠮᠠᠯ ᠤᠨ ᠤᠰᠤ ᠬᠡᠷᠡᠭᠰᠡᠬᠦ ᠬᠡᠮᠵᠢᠶᠡ ᠶᠡᠭᠡ ᠵᠥᠷᠢᠶᠡ ᠲᠠᠢ ᠪᠠᠶᠢᠳᠠᠭ᠃ ᠨᠢᠯᠬᠠ ᠮᠠᠯ ᠤᠨ ᠤᠰᠤ ᠬᠡᠷᠡᠭᠰᠡᠬᠦ ᠬᠡᠮᠵᠢᠶᠡ | ᠨᠢ ᠨᠠᠰᠤ ᠭᠦᠢᠴᠡᠭᠰᠡᠨ ᠮᠠᠯ ᠠᠴᠠ ᠢᠯᠡᠭᠦᠦ᠂ ᠰᠥ ᠱᠥᠭᠦᠷᠡᠭᠦᠯᠬᠦ ᠮᠠᠯ ᠤᠨ ᠬᠢᠨᠢ ᠲᠠᠷᠭᠤᠯᠠᠭᠤᠯᠬᠤ ᠮᠠᠯ ᠠᠴᠠ | ᠢᠯᠡᠭᠦᠦ᠂ ᠬᠦᠨᠳᠦ ᠡᠳ᠋ᠯᠡᠭᠡᠨ ᠤ ᠮᠠᠯ ᠤᠨ ᠬᠢᠨᠢ ᠬᠥᠩᠭᠡᠨ ᠡᠳ᠋ᠯᠡᠭᠡᠨ ᠤ ᠮᠠᠯ ᠠᠴᠠ ᠢᠯᠡᠭᠦᠦ ᠪᠠᠶᠢᠳᠠᠭ᠃ ᠲᠡᠵᠢᠭᠡᠯ | ᠪᠤᠷᠳᠤᠭᠠᠨ ᠤ ᠲᠤᠳᠤᠷᠠ ᠪᠥᠳᠥᠭᠦᠯᠢᠭ ᠪᠤᠷᠳᠤᠭᠠ ᠪᠠ ᠤᠭᠤᠷᠠᠭᠳᠤ ᠪᠤᠷᠳᠤᠭᠠ ᠶᠢᠨ ᠬᠠᠷᠢᠴᠠᠯ ᠨᠢ ᠢᠯᠡᠭᠦᠦ | ᠪᠠᠶᠢᠪᠠᠯ ᠮᠠᠯ ᠤᠨ ᠤᠰᠤ ᠬᠡᠷᠡᠭᠰᠡᠬᠦ ᠬᠡᠮᠵᠢᠶᠡ ᠨᠢ ᠪᠠᠰᠠ ᠢᠯᠡᠭᠦᠦ ᠪᠤᠯᠳᠠᠭ᠂ ᠵᠤᠨ ᠤ ᠤᠯᠠᠷᠢᠯ ᠳᠤ ᠮᠠᠯ ᠤᠨ ᠤᠰᠤ | ᠬᠡᠷᠡᠭᠰᠡᠬᠦ ᠬᠡᠮᠵᠢᠶᠡ ᠨᠢ ᠡᠪᠦᠯ ᠤᠨ ᠤᠯᠠᠷᠢᠯ ᠠᠴᠠ ᠢᠯᠡᠭᠦᠦ ᠪᠠᠶᠢᠳᠠᠭ᠃ | ᠠᠮᠢᠳᠠᠨ ᠤ ᠤᠰᠤᠨ ᠤ ᠲᠡᠩᠴᠡᠭᠦᠷᠢ ᠶᠢᠨ ᠲᠤᠷᠰᠢᠯᠳᠠ ᠪᠠᠷ ᠳᠠᠮᠵᠢᠨ ᠤᠰᠤ ᠬᠡᠷᠡᠭᠰᠡᠬᠦ ᠬᠡᠮᠵᠢᠶᠡ ᠶᠢ | ᠪᠠᠷᠤᠭᠴᠠᠭᠠᠯᠠᠬᠤ ᠨᠡᠯᠢᠶᠡᠳ ᠲᠤᠬᠢᠷᠠᠮᠵᠢᠳᠠᠢ ᠠᠷᠭᠠ ᠨᠢ ᠭᠡᠪᠡᠯ ᠳᠠᠷᠤᠢ ᠪᠡᠶᠡ ᠶᠢᠨ ᠢᠯᠴᠢ ᠭᠠᠷᠬᠤ ᠬᠡᠮᠵᠢᠶᠡ ᠪᠠᠷ | ᠤᠯᠤᠨᠠ᠃ ᠥᠭᠡᠷᠡ ᠪᠠᠷ ᠬᠡᠯᠡᠪᠡᠯ᠂ ᠨᠢᠭᠡ ᠺᠢᠯᠤᠺᠠᠯᠤᠷᠢ ᠢᠯᠴᠢ ᠭᠠᠷᠭᠠᠬᠤ ᠪᠦᠷᠢ ᠨᠢᠭᠡ ᠮᠢᠯᠢᠯᠢᠲᠷ ᠤᠰᠤ | ᠬᠡᠷᠡᠭᠰᠡᠬᠦ ᠪᠠᠷ ᠪᠤᠳᠤᠨᠠ᠃ | ᠪᠤᠳᠠᠳᠠᠢ ᠦᠢᠯᠡᠳᠪᠦᠷᠢᠯᠡᠯ ᠤᠨ ᠦᠢᠯᠡᠳᠦᠯᠭᠡ ᠳᠤ ᠶᠡᠷᠦ ᠳᠡᠭᠡᠨ ᠮᠠᠯ ᠤᠨ ᠤᠰᠤ ᠬᠡᠷᠡᠭᠰᠡᠬᠦ ᠬᠡᠮᠵᠢᠶᠡ ᠶᠢ | ᠥᠷᠭᠦᠯᠵᠢ ᠢᠳᠡᠵᠤ ᠪᠠᠶᠢᠭᠠ ᠪᠤᠷᠳᠤᠭᠠᠨ ᠤ ᠬᠠᠭᠤᠷᠠᠢ ᠪᠤᠳᠠᠰ ᠤᠨ ᠬᠡᠮᠵᠢᠶᠡ ᠪᠠᠷ ᠨᠢ ᠪᠠᠷᠤᠭᠴᠠᠭᠠᠯᠠᠨᠠ᠃ | ᠡᠯᠡ ᠲᠥᠷᠥᠯ ᠤᠨ ᠮᠠᠯ ᠵᠢᠭᠦᠷᠳᠡᠨ ᠤ ᠺᠢᠯᠤᠭ᠍ᠷᠠᠮ ᠪᠥᠷᠢ ᠪᠤᠷᠳᠤᠭᠠᠨ ᠤ ᠲᠤᠮᠳᠠᠴᠢ ᠪᠠᠷ ᠤᠰᠤ ᠬᠡᠷᠡᠭᠰᠡᠬᠦ | ᠬᠡᠮᠵᠢᠶᠡ ᠨᠢ᠄ | ᠥᠬᠡᠷ 4—6 ᠺᠢᠯᠤᠭ᠍ᠷᠠᠮ | ᠬᠤᠨᠢ 2—3 ᠺᠢᠯᠤᠭ᠍ᠷᠠᠮ | ᠠᠳᠤᠭᠤ 2—3 ᠺᠢᠯᠤᠭ᠍ᠷᠠᠮ | ᠭᠠᠭ᠋ᠠᠢ 6—8 ᠺᠢᠯᠤᠭ᠍ᠷᠠᠮ | ᠡᠯᠡ ᠲᠥᠷᠥᠯ ᠤᠨ ᠮᠠᠯ ᠤᠨ ᠡᠳᠥᠷ ᠪᠥᠷ ᠶᠢᠨ ᠬᠡᠷᠡᠭᠰᠡᠬᠦ ᠬᠡᠮᠵᠢᠶᠡ ᠨᠢ᠄ | ᠠᠳᠤᠭᠤ 35—40 ᠯᠢᠲᠷ | ᠥᠬᠡᠷ 40—50 ᠯᠢᠲᠷ | ᠬᠤᠨᠢ 4—5 ᠯᠢᠲᠷ | ᠭᠠᠭ᠋ᠠᠢ 10—15 ᠯᠢᠲᠷ | | | 《 ᠲᠡᠵᠢᠭᠡᠯ ᠪᠤᠷᠳᠤᠭᠠ ᠪᠤᠯᠤᠨ ᠠᠷᠠᠴᠢᠯᠠᠭᠠ ᠶᠢᠨ ᠰᠤᠳᠤᠯᠤᠯ》ᠭᠡᠬᠦ ᠨᠤᠮ ᠠᠴᠠ ᠪᠠᠭᠤᠯᠭᠠᠪᠠ |