ᠠᠷᠠᠳ ᠤᠨ ᠠᠮᠠᠨ ᠦᠯᠢᠭᠡᠷ ᠪᠤᠯ ᠮᠤᠩᠭᠤᠯ ᠰᠤᠶᠤᠯ ᠤᠨ ᠡᠷᠳᠡᠨᠢ ᠶᠢᠨ ᠰᠠᠩ ᠤᠨ ᠳᠤᠲᠠᠭᠳᠠᠵᠤ ᠪᠤᠯᠤᠰᠢ | ᠦᠭᠡᠢ ᠨᠢᠭᠡᠨ ᠬᠡᠰᠡᠭ ᠪᠤᠯᠤᠨᠠ᠃ ᠭᠠᠯᠠᠭᠤᠲᠤ ᠪᠠᠯᠭᠠᠰᠤᠨ ᠤ ᠰᠡᠪᠬᠦᠯ ᠭᠠᠴᠠᠭᠠ ᠪᠠᠷ ᠨᠤᠲᠤᠭ ᠲᠠᠢ | ᠠᠵᠢᠯ ᠠᠴᠠ ᠪᠠᠨ ᠠᠮᠠᠷᠠᠭᠰᠠᠨ ᠠᠬᠠᠮᠠᠳ ᠪᠠᠭᠰᠢ ᠰᠤᠶᠤᠯᠴᠡᠴᠡᠭ ︽ᠤᠷᠮᠠ ᠬᠠᠶᠢᠷᠠᠯᠠᠶᠠ︾ ᠸᠢᠴᠡᠲ ᠳᠠᠪᠴᠠᠩ ᠳᠤ | ᠪᠠᠨ ᠤᠯᠠᠨ ᠠᠷᠪᠢᠨ ᠠᠮᠠᠨ ᠦᠯᠢᠭᠡᠷ ᠶᠠᠷᠢᠵᠦ ᠨᠡᠶᠢᠲᠡᠯᠡᠨ ᠡᠨᠡᠬᠦ ᠦᠪ ᠰᠤᠶᠤᠯ ᠢᠶᠠᠨ ᠤᠯᠠᠮᠵᠢᠯᠠᠨ ᠳᠡᠯᠭᠡᠷᠡᠭᠦᠯᠵᠦ | ᠶᠠᠪᠤᠨᠠ᠃ | 2017 ᠤᠨ ᠳᠤ ᠠᠵᠢᠯ ᠤᠨ ᠠᠮᠠᠷᠠᠯᠲᠠ ᠪᠠᠨ ᠠᠪᠤᠭᠰᠠᠨ ᠠᠬᠠᠮᠠᠳ ᠪᠠᠭᠰᠢ ᠰᠤᠶᠤᠯᠴᠡᠴᠡᠭ ᠬᠦᠳᠡᠭᠡ ᠳᠤ | ᠪᠠᠨ ᠪᠤᠴᠠᠵᠤ ᠡᠵᠢ ᠶᠢ ᠪᠠᠨ ᠬᠠᠪᠰᠤᠷᠴᠤ ᠮᠠᠯ ᠠᠵᠤ ᠠᠬᠤᠢ ᠪᠠᠨ ᠡᠷᠬᠢᠯᠡᠵᠦ ᠭᠢᠵᠠᠢ᠂ ᠲᠡᠷᠡ ᠦᠨᠦᠳᠦᠷ ᠵᠤᠷᠰᠢᠯ | ᠶᠤᠰᠤᠭᠠᠷ ᠦᠨᠢᠶᠡ ᠪᠠᠨ ᠰᠠᠭᠠᠵᠤ ᠮᠠᠯ ᠢᠶᠠᠨ ᠲᠡᠵᠢᠭᠡᠨ ᠪᠤᠷᠳᠤᠭᠠᠳ ᠦᠪᠡᠷ ᠤᠨ ᠢᠶᠠᠨ ︽ᠤᠷᠮᠠ ᠬᠠᠶᠢᠷᠠᠯᠠᠶᠠ︾ | ᠭᠡᠰᠡᠨ ᠸᠢᠴᠡᠲ ᠳᠠᠪᠴᠠᠩ ᠳᠤ ᠪᠠᠨ ᠠᠷᠠᠳ ᠤᠨ ᠠᠮᠠᠨ ᠦᠯᠢᠭᠡᠷ ᠢᠶᠠᠨ ᠰᠢᠩᠭᠡᠭᠡᠨ ᠨᠡᠶᠢᠲᠡᠯᠡᠵᠦ ᠪᠠᠶᠢᠯᠠ᠃ | ᠰᠤᠶᠤᠯᠴᠡᠴᠡᠭ᠄ ︽ᠪᠢ ᠪᠠᠭᠠ ᠠᠴᠠ ᠪᠠᠨ ᠦᠯᠢᠭᠡᠷ ᠲᠤ ᠲᠤᠷᠠᠲᠠᠢ᠂ ᠢᠩᠬᠢᠭᠡᠳ ᠪᠢ ᠪᠠᠭᠠ ᠳᠤ ᠪᠠᠨ | ᠮᠢᠨᠤ ᠮᠦᠮᠦ᠂ ᠨᠠᠭᠠᠢ ᠮᠦᠮᠦ ᠠᠴᠠ ᠪᠠᠨ ᠦᠯᠢᠭᠡᠷ ᠰᠣᠨᠣᠰᠴᠣ ᠪᠠᠶᠢᠭᠰᠠᠨ ᠠᠴᠠ ᠮᠠᠰᠢ ᠠᠷᠪᠢᠨ ᠦᠯᠢᠭᠡᠷ ᠢ ᠮᠡᠳᠡᠵᠦ | ᠴᠡᠭᠡᠵᠢᠯᠡᠭᠡᠳ ᠠᠪᠴᠢᠬᠠᠭᠰᠠᠨ ᠪᠣᠯᠬᠤᠷ ᠣᠳᠣ ᠪᠢ ᠬᠤᠯᠪᠤᠭᠠᠨ ᠳᠡᠭᠡᠷᠡ ᠪᠠᠨ ᠪᠠᠷᠤᠭ ᠠᠯᠠᠱᠠ ᠪᠠᠶᠠᠨᠨᠠᠭᠤᠷ | ᠰᠢᠯᠢ ᠶᠢᠨ ᠭᠤᠣᠯ ᠤᠯᠠᠭᠠᠨᠴᠠᠪ ᠬᠦᠯᠦᠨ ᠪᠤᠶᠢᠷ ᠬᠦᠷᠲᠡᠯᠡ ᠦᠯᠢᠭᠡᠷ ᠶᠠᠷᠢᠯᠠ᠃ ᠪᠢ ᠤᠤᠯ ᠲᠤ ᠪᠠᠨ ᠪᠠᠰᠠ ︿ | ᠤᠷᠮᠠ ᠬᠠᠶᠢᠷᠠᠯᠠᠶᠠ﹀ ᠬᠡᠰᠡᠨ ᠳᠠᠪᠴᠠᠩ ᠪᠠᠶᠢᠭᠤᠯᠤᠶᠠ ᠭᠡᠵᠦ ᠪᠤᠳᠤᠵᠤ ᠪᠠᠶᠢᠭᠰᠠᠨ᠃ ᠪᠤᠰᠤᠳᠴᠢ ᠨᠦᠬᠦᠴᠡᠯ | ᠪᠡᠶᠡᠴᠢ ᠨᠦᠬᠦᠴᠡᠯ ᠢ ᠤᠶᠠᠯᠳᠤᠭᠤᠯᠵᠤ ᠪᠠᠶᠢᠭᠠᠳ ᠡᠨᠡ ᠳᠠᠪᠴᠠᠩ ᠢ ᠪᠠᠶᠢᠭᠤᠯᠤᠭᠠᠳ ᠦᠯᠢᠭᠡᠷ ᠢᠶᠠᠨ ᠶᠠᠷᠢᠭᠠᠳ | ᠣᠳᠣ ᠨᠢᠭᠡᠨᠳᠡ ᠭᠤᠴᠢᠨ ᠬᠤᠶᠠᠷ ᠦᠯᠢᠭᠡᠷ ᠶᠠᠷᠢᠴᠢᠬᠠᠯᠠ︾ ᠭᠡᠪᠡ᠃ | ᠴᠠᠭᠠᠨᠴᠡᠴᠡᠭ ᠨᠠᠰᠤᠲᠠᠨ ᠪᠤᠯ ︽ᠤᠷᠮᠠ ᠬᠠᠶᠢᠷᠠᠯᠠᠶᠠ︾ ᠸᠢᠴᠡᠲ ᠳᠠᠪᠴᠠᠩ ᠢ ᠪᠠᠶᠢᠩᠭᠤ ᠠᠩᠬᠠᠷᠳᠠᠭ | ᠬᠦᠮᠦᠰ ᠤᠨ ᠨᠢᠭᠡ ᠨᠢ ᠪᠤᠯᠤᠨᠠ᠃ ᠲᠡᠷᠡ ᠲᠤᠰ ᠳᠠᠪᠴᠠᠩ ᠳᠡᠭᠡᠷᠡ ᠨᠡᠶᠢᠲᠡᠯᠡᠭᠰᠡᠨ ᠦᠯᠢᠭᠡᠷ ᠢ ᠦᠪᠡᠷᠳᠡᠭᠡᠨ | ᠠᠮᠲᠠᠷᠬᠠᠨ ᠰᠤᠨᠤᠰᠬᠤ ᠪᠠᠷ ᠪᠠᠷᠠᠬᠤ ᠦᠭᠡᠢ ᠠᠴᠢ ᠵᠢᠭᠡ ᠨᠠᠷ ᠲᠤ ᠪᠠᠨ ᠴᠤ ᠰᠤᠨᠤᠰᠬᠠᠳᠠᠭ ᠪᠠᠶᠢᠨᠠ᠃ | ᠴᠠᠭᠠᠨᠴᠡᠴᠡᠭ᠄ ︽ᠡᠨᠡ ᠦᠯᠢᠭᠡᠷ ᠤᠨ ᠳᠠᠪᠴᠠᠩ ᠳᠤ ᠦᠯᠢᠭᠡᠷ ᠨᠢ ᠠᠷᠪᠢᠨ᠂ ᠰᠣ ᠪᠠᠭᠰᠢ ᠶᠢᠨ ᠡᠨᠡ ᠪᠣᠯ | ᠦᠯᠢᠭᠡᠷ ᠬᠡᠯᠡᠬᠦ ᠲᠡᠳᠦᠢ ᠦᠯᠢᠭᠡᠷ ᠬᠡᠯᠡᠬᠦ ᠪᠢᠰᠢ᠂ ᠡᠭᠦᠨ ᠳᠤ ᠮᠠᠰᠢ ᠠᠷᠪᠢᠨ ᠮᠡᠳᠡᠯᠭᠡ ᠮᠡᠷᠭᠡᠵᠢᠯ ᠤᠨ ᠬᠠᠮᠢᠶᠠ ᠲᠠᠢ | ᠶᠠᠭᠤᠮᠠ ᠪᠠᠶᠢᠨᠠ᠃ ᠡᠨᠡ ᠨᠢ ᠵᠠᠯᠠᠭᠤ ᠪᠠᠭᠠᠴᠤᠳ ᠲᠤ ᠴᠤᠬᠤᠮ ᠬᠡᠷᠡᠭᠴᠡᠭᠡ ᠲᠠᠢ᠃ ᠮᠠᠨᠤᠰ ᠠᠵᠢᠯ ᠠᠴᠠ ᠪᠠᠨ | ᠠᠮᠠᠷᠠᠭᠰᠠᠨ ᠬᠦᠮᠦᠰ ᠴᠤ ᠵᠠᠪᠰᠠᠷ ᠴᠢᠯᠦᠭᠡᠨ ᠳᠤ ᠪᠠᠨ ᠰᠣᠨᠣᠰᠴᠢᠬᠠᠨᠠ᠃ ᠲᠣᠩ ᠣᠯᠠᠨ ᠶᠠᠭᠤᠮᠠ ᠣᠶᠢᠯᠠᠭᠠᠵᠤ | ᠮᠡᠳᠡᠴᠢᠬᠡᠵᠦ ᠪᠠᠶᠢᠨᠠ᠃ ᠡᠭᠦᠨ ᠢᠶᠠᠷ ᠳᠠᠮᠵᠢᠭᠠᠳ ᠬᠡᠦᠬᠡᠳ ᠲᠤ ᠪᠠᠨ ᠮᠡᠳᠡᠯᠭᠡ ᠮᠡᠷᠭᠡᠵᠢᠯ ᠤᠨ ᠬᠠᠮᠢᠶᠠ ᠲᠠᠢ | ᠦᠯᠢᠭᠡᠷ ᠬᠡᠯᠡᠴᠢᠬᠡᠨᠡ᠃ ᠡᠭᠦᠨ ᠤ ᠳᠤᠮᠳᠠ ᠪᠠᠰᠠ ᠨᠢᠭᠡ ᠪᠦᠯᠦᠭ ᠣᠨᠢᠰᠤᠭᠠ ᠪᠠᠶᠢᠨᠠ᠃ ᠡᠨᠡ ᠨᠢ ᠪᠦᠷ ᠬᠡᠦᠬᠡᠳ | ᠲᠤ ᠬᠡᠷᠡᠭ ᠲᠠᠢ ᠶᠠᠭᠤᠮᠠ︾ ᠭᠡᠵᠤ ᠬᠡᠯᠡᠵᠤ ᠪᠠᠶᠢᠯᠠ᠃ | ᠰᠤᠶᠤᠯᠴᠡᠴᠡᠭ ᠬᠤᠷᠠᠮᠳᠤᠭᠤᠯᠵᠤ ᠴᠤᠭᠯᠠᠭᠤᠯᠤᠭᠰᠠᠨ ᠦᠯᠢᠭᠡᠷ ᠤᠳ ᠠᠴᠠ ᠪᠠᠨ ᠦᠭᠡᠳᠡᠷᠬᠡᠭ ᠠᠭᠤᠯᠭᠠ | ᠲᠠᠢ᠂ ᠬᠦᠮᠦᠰ ᠢ ᠤᠷᠮᠠᠰᠢᠭᠤᠯᠬᠤ ᠭᠦᠨ ᠤᠬᠠᠭᠠᠨ ᠲᠠᠢ ᠦᠯᠢᠭᠡᠷ ᠢᠶᠠᠨ ᠰᠣᠩᠭᠤᠨ ᠶᠠᠷᠢᠬᠤ ᠪᠠᠷ ᠪᠠᠷᠠᠬᠤ ᠦᠭᠡᠢ | ᠪᠠᠰᠠ ᠠᠮᠢᠳᠤᠷᠠᠯ ᠤᠨ ᠳᠤᠮᠳᠠ ᠦᠵᠡᠵᠦ ᠤᠶᠢᠯᠠᠭᠠᠭᠰᠠᠨ ᠤᠴᠢᠷ ᠶᠠᠪᠤᠳᠠᠯ ᠢᠶᠠᠨ ᠦᠯᠢᠭᠡᠷ ᠪᠤᠯᠭᠠᠨ ᠸᠢᠴᠡᠲ | ᠬᠤᠯᠪᠤᠭᠠᠨ ᠳᠡᠭᠡᠷᠡ ᠶᠠᠷᠢᠳᠠᠭ᠃ ᠲᠡᠷᠡ ᠠᠷᠠᠳ ᠤᠨ ᠠᠮᠠᠨ ᠦᠯᠢᠭᠡᠷ ᠢᠶᠠᠨ ᠨᠡᠩ ᠤᠯᠠᠨ ᠬᠦᠮᠦᠨ ᠳᠤ ᠶᠠᠷᠢᠵᠦ | ᠰᠤᠨᠢᠷᠬᠠᠭᠤᠯᠬᠤ ᠪᠠᠷ ︽ᠤᠷᠮᠠ ᠬᠠᠶᠢᠷᠠᠯᠠᠶᠠ︾ ᠳᠠᠪᠴᠠᠩ ᠢᠶᠠᠨ ᠥᠨᠥ ᠵᠢᠯ ᠤᠨ ᠬᠤᠶᠠᠳᠤᠭᠠᠷ ᠰᠠᠷᠠ ᠳᠤ | ᠪᠠᠶᠢᠭᠤᠯᠵᠤ ᠡᠳᠦᠭᠡ ᠨᠢᠭᠡᠨᠲᠡ ᠭᠤᠴᠢᠨ ᠬᠤᠶᠠᠷ ᠦᠯᠢᠭᠡᠷ ᠢᠶᠠᠨ ᠨᠡᠶᠢᠲᠡᠯᠡᠵᠦ 1700 ᠭᠠᠷᠤᠢ ᠵᠠᠬᠢᠶᠠᠯᠯᠠᠭᠠ ᠲᠠᠢ | ᠪᠤᠯᠵᠤ ᠰᠤᠨᠢᠷᠬᠠᠭᠰᠠᠨ ᠬᠦᠮᠦᠰ ᠤᠨ ᠮᠠᠭᠲᠠᠭᠠᠯ ᠰᠠᠶᠢᠰᠢᠶᠠᠯ ᠢ ᠤᠯᠵᠤ ᠶᠠᠪᠤᠨᠠ᠃ | ᠰᠤᠶᠤᠯᠴᠡᠴᠡᠭ᠄ ︽ᠡᠪᠡᠳᠴᠢᠨ ᠬᠢᠵᠢᠭ ᠤᠨ ᠴᠠᠭ ᠦᠶᠡ ᠳᠤ ᠪᠢ ᠦᠯᠢᠭᠡᠷ ᠢᠶᠠᠨ ᠳᠠᠪᠴᠠᠩ ᠳᠡᠭᠡᠷᠡ ᠡᠳᠦᠷ | ᠡᠳᠦᠷ ᠭᠠᠷᠭᠠᠨᠠ᠃ ᠬᠤᠵᠢᠮ ᠪᠠᠶᠢᠳᠠᠯ ᠨᠠᠮᠵᠢᠭᠤᠨ ᠪᠣᠯᠤᠭᠠᠳ ᠢᠷᠡᠪᠡᠯ ᠪᠢ ᠡᠨᠡ ᠦᠯᠢᠭᠡᠷ ᠤᠨ ᠳᠠᠪᠴᠠᠩ ᠳᠤ ᠪᠠᠨ | ᠦᠭᠡᠷᠡ ᠠᠭᠤᠯᠭᠠ ᠨᠡᠮᠡᠶᠠ ᠭᠡᠵᠤ ᠪᠤᠳᠤᠵᠤ ᠪᠠᠶᠢᠨᠠ᠃ ᠠᠪᠤ ᠡᠵᠢ ᠪᠠᠨ ᠬᠦᠨᠳᠦᠯᠡᠬᠦ᠂ ᠵᠠᠯᠠᠭᠤ ᠬᠤᠣᠰ ᠤᠳ ᠤᠨ | ᠡᠶᠡ ᠡᠪᠲᠡᠢ ᠠᠮᠢᠳᠤᠷᠠᠬᠤ᠂ ᠪᠣᠬᠢᠷᠳᠤᠯ ᠦᠭᠡᠢ ᠢᠳᠡᠭᠡᠨ ᠤᠮᠳᠠᠭᠠᠨ ᠢ ᠢᠳᠡᠬᠦ ᠵᠡᠷᠭᠡ ᠠᠭᠤᠯᠭᠠ ᠶᠢ ᠨᠡᠮᠡᠨ ᠶᠠᠷᠢᠵᠤ | ᠳᠠᠶᠠᠭᠠᠷ ᠮᠣᠩᠭᠤᠯᠴᠤᠳ ᠲᠤ ᠪᠠᠨ ᠬᠤᠪᠢᠶᠠᠯᠴᠠᠶᠠ ᠭᠡᠵᠦ ᠪᠤᠳᠤᠵᠤ ᠪᠠᠶᠢᠨᠠ︾ ᠭᠡᠪᠡ᠃ | |