ᠤᠶᠢᠷᠠ ᠶᠢᠨ ᠡᠳᠦᠷ᠂ ᠦᠦᠰᠢᠨ ᠰᠤᠶᠤᠯ ᠤᠨ ᠪᠦᠷᠢᠨ ᠪᠢᠴᠢᠭ ᠤᠨ ᠨᠢᠭᠡ ᠪᠣᠯᠬᠤ ︽ᠮᠤᠩᠭᠤᠯ | ᠦᠨᠳᠦᠰᠦᠲᠡᠨ ᠤ ᠣᠪᠣᠭᠠᠨ ᠰᠣᠶᠣᠯ ᠤᠨ ᠪᠣᠳᠢ︾ ᠭᠡᠬᠦ ᠨᠣᠮ ᠳᠠᠷᠬᠠᠭᠠᠬᠤ ᠶᠣᠰᠣᠯᠠᠯ ᠤᠯᠠᠭᠠᠨᠲᠤᠯᠤᠭᠠᠢ | ᠪᠠᠯᠭᠠᠰᠤᠨ ᠤ ᠪᠠᠶᠠᠨᠰᠢᠯᠢ ᠭᠠᠴᠠᠭᠠᠨ ᠤ ᠪᠢᠯᠢᠭ ᠤᠨ ᠰᠠᠩ ᠨᠤᠮ ᠤᠨ ᠣᠪᠣᠭᠠᠨ ᠳᠤ ᠶᠠᠪᠤᠭᠳᠠᠯᠠ᠃ | ᠣᠷᠳᠣᠰ ᠬᠤᠲᠠ ᠶᠢᠨ ᠦᠨᠳᠦᠰᠦᠲᠡᠨ ᠤ ᠬᠡᠷᠡᠭ ᠡᠷᠬᠢᠯᠡᠬᠦ ᠵᠥᠪᠯᠡᠯ ᠤᠨ ᠳᠡᠳ᠋ ᠡᠷᠬᠢᠯᠡᠭᠴᠢ ᠪᠠᠶᠠᠨᠴᠢᠮᠡᠭ᠂ | ᠬᠤᠰᠢᠭᠤ ᠨᠠᠮ ᠤᠨ ᠬᠤᠷᠢᠶᠠᠨ ᠤ ᠪᠠᠶᠢᠩᠭᠤ ᠶᠢᠨ ᠭᠡᠰᠢᠭᠦᠨ ᠨᠢᠭᠡᠳᠦᠮᠡᠯ ᠹᠷᠣᠨᠲ ᠤᠨ ᠬᠡᠯᠲᠡᠰ ᠤᠨ ᠳᠠᠷᠤᠭᠠ | ᠠᠯᠲᠠᠨᠲᠤᠶᠠᠭᠠ ᠶᠤᠰᠤᠯᠠᠯ ᠳᠤ ᠤᠷᠤᠯᠴᠠᠵᠤ ᠬᠤᠰᠢᠭᠤ ᠤᠯᠤᠰ ᠲᠦᠷᠦ ᠶᠢᠨ ᠵᠦᠪᠯᠡᠯᠡᠭᠡᠨ ᠤ ᠳᠡᠳ᠋ ᠲᠡᠷᠢᠭᠦᠯᠡᠭᠴᠢ | ᠤᠶᠤᠨᠪᠢᠯᠢᠭ᠌ ᠶᠤᠰᠤᠯᠠᠯ ᠢ ᠡᠷᠬᠢᠯᠡᠭᠰᠡᠨ ᠪᠠᠶᠢᠨᠠ᠃ ᠬᠤᠰᠢᠭᠤ ᠱᠠᠰᠢᠨ ᠰᠤᠷᠲᠠᠬᠤᠨ ᠤ ᠬᠡᠷᠡᠭ ᠡᠷᠬᠢᠯᠡᠬᠦ ᠵᠦᠪᠯᠡᠯ᠂ | ᠦᠨᠳᠦᠰᠦᠳᠡᠨ ᠤ ᠬᠡᠷᠡᠭ ᠡᠷᠬᠢᠯᠡᠬᠦ ᠵᠦᠪᠯᠡᠯ ᠤᠨ ᠬᠠᠷᠢᠭᠤᠴᠠᠯᠭᠠᠲᠠᠳ ᠲᠤᠰ ᠨᠤᠮ ᠤᠨ ᠡᠮᠬᠢᠳᠭᠡᠨ ᠨᠠᠶᠢᠷᠠᠭᠤᠯᠬᠤ | ᠺᠤᠮᠢᠰ ᠤᠨ ᠭᠡᠰᠢᠭᠦᠳ ᠪᠤᠯᠤᠨ ᠤᠷᠠᠨ ᠵᠤᠬᠢᠶᠠᠯ ᠤᠨ ᠪᠠᠭ᠋ᠠᠲᠠᠳ᠂ ᠤᠩᠰᠢᠭᠴᠢᠳ ᠤᠯᠠᠨ ᠲᠦᠮᠡᠨ ᠶᠤᠰᠤᠯᠠᠯ ᠳᠤ | ᠤᠷᠤᠯᠴᠠᠵᠠᠢ᠃ | ᠶᠤᠰᠤᠯᠠᠯ ᠳᠡᠭᠡᠷᠡ ᠬᠤᠰᠢᠭᠤ ᠨᠠᠮ ᠤᠨ ᠬᠤᠷᠢᠶᠠᠨ ᠤ ᠪᠠᠶᠢᠩᠭᠤ ᠶᠢᠨ ᠭᠡᠰᠢᠭᠦᠨ ᠨᠢᠭᠡᠳᠦᠮᠡᠯ ᠹᠷᠣᠨᠲ ᠤᠨ | ᠬᠡᠯᠲᠡᠰ ᠤᠨ ᠳᠠᠷᠤᠭᠠ ᠠᠯᠲᠠᠨᠲᠤᠶᠠᠭᠠ ᠪᠠᠶᠠᠷ ᠤᠨ ᠦᠭᠡ ᠶᠠᠷᠢᠵᠦ ᠨᠤᠮ ᠡᠮᠬᠢᠳᠭᠡᠨ ᠨᠠᠶᠢᠷᠠᠭᠤᠯᠤᠭᠴᠢ ᠠᠴᠠ | ᠨᠤᠮ ᠤᠨ ᠲᠤᠬᠠᠢ ᠲᠦᠭᠦᠮ ᠲᠠᠨᠢᠯᠴᠠᠭᠤᠯᠭᠠ ᠬᠢᠭᠰᠡᠨ ᠤ ᠬᠤᠶᠢᠨᠠ ︽ᠮᠤᠩᠭᠤᠯ ᠦᠨᠳᠦᠰᠦᠲᠡᠨ ᠤ ᠣᠪᠣᠭᠠᠨ | ᠰᠣᠶᠣᠯ ᠤᠨ ᠪᠣᠳᠢ︾ ᠭᠡᠬᠦ ᠨᠤᠮ ᠢᠶᠠᠨ ᠨᠤᠮ ᠤᠨ ᠣᠪᠣᠭᠠᠨ ᠤ ᠬᠠᠷᠢᠭᠤᠴᠠᠯᠭᠠᠲᠠᠨ ᠳᠤ ᠬᠦᠷᠭᠡᠭᠰᠡᠨ ᠪᠠᠶᠢᠨᠠ᠃ | ᠨᠤᠮ ᠲᠠᠷᠬᠠᠭᠠᠬᠤ ᠶᠤᠰᠤᠯᠠᠯ ᠳᠤ ᠦᠦᠰᠢᠨ ᠬᠤᠰᠢᠭᠤᠨ ᠤ ᠨᠠᠮ ᠵᠠᠰᠠᠭ ᠤᠨ ᠤᠳᠤᠷᠢᠳᠤᠯᠭᠠ᠂ ᠡᠯᠡ | ᠬᠤᠯᠪᠤᠭᠳᠠᠯ ᠪᠦᠬᠦᠢ ᠪᠠᠶᠢᠭᠤᠯᠭᠠ ᠨᠢᠭᠡᠴᠢ ᠶᠢᠨ ᠬᠠᠷᠢᠭᠤᠴᠠᠯᠭᠠᠲᠠᠨ ᠵᠢᠴᠢ ᠲᠤᠰ ᠨᠤᠮ ᠤᠨ ᠡᠮᠬᠢᠳᠭᠡᠨ | ᠨᠠᠶᠢᠷᠠᠭᠤᠯᠬᠤ ᠺᠤᠮᠢᠰ ᠤᠨ ᠭᠡᠰᠢᠭᠦᠳ ᠪᠤᠯᠤᠨ ᠤᠷᠠᠨ ᠵᠤᠬᠢᠶᠠᠯ ᠤᠨ ᠪᠠᠭ᠋ᠠᠲᠠᠳ᠂ ᠤᠩᠰᠢᠭᠴᠢᠳ ᠤᠷᠤᠯᠴᠠᠵᠠᠢ᠃ | ︽ᠮᠤᠩᠭᠤᠯ ᠦᠨᠳᠦᠰᠦᠲᠡᠨ ᠤ ᠣᠪᠣᠭᠠᠨ ᠰᠣᠶᠣᠯ ᠤᠨ ᠪᠣᠳᠢ︾ ᠭᠡᠬᠦ ᠨᠤᠮ ᠢ ᠪᠠᠶᠠᠨᠰᠥ᠋ᠮᠪᠥᠷ᠂ ᠵᠠᠩᠭᠠᠨᠤᠷᠪᠤ᠂ | ᠰᠤᠶᠤᠯᠳᠠᠯᠠᠢ᠂ ᠬᠦᠮᠦᠵᠢᠯᠲᠦ ᠵᠡᠷᠭᠡ 4 ᠨᠦᠭᠦᠷ ᠳᠣᠯᠣᠭᠠᠨ ᠵᠢᠯ ᠭᠠᠷᠣᠢ ᠶᠢᠨ ᠴᠠᠭ ᠢ ᠵᠠᠷᠤᠴᠠᠭᠤᠯᠤᠨ ᠱᠠᠨᠰᠢ | ᠮᠤᠵᠢ᠂ ᠤᠲᠤᠭ ᠤᠨ ᠡᠮᠦᠨᠡᠲᠦ ᠬᠤᠰᠢᠭᠤ᠂ ᠡᠵᠡᠨ ᠬᠤᠷᠤᠭᠠ ᠬᠤᠰᠢᠭᠤ ᠵᠢᠴᠢ ᠬᠤᠰᠢᠭᠤ ᠡᠯᠡ ᠰᠤᠮᠤ ᠪᠠᠯᠭᠠᠰᠤ | ᠪᠠᠷ ᠪᠠᠶᠢᠷᠢᠯᠠᠵᠤ ᠪᠠᠶᠢᠭᠠ ᠦᠦᠰᠢᠨᠴᠤᠳ ᠤᠨ ᠳᠠᠶᠢᠵᠤ ᠳᠠᠬᠢᠳᠠᠭ ᠣᠪᠣᠭᠠ ᠣᠷᠤᠳ ᠢᠶᠠᠷ ᠬᠦᠷᠴᠦ ᠰᠤᠷᠪᠤᠯᠵᠢᠯᠠᠨ | ᠡᠮᠬᠢᠳᠭᠡᠨ ᠨᠠᠶᠢᠷᠠᠭᠤᠯᠤᠭᠰᠠᠨ ᠪᠠᠶᠢᠨᠠ᠃ | ︽ᠮᠤᠩᠭᠤᠯ ᠦᠨᠳᠦᠰᠦᠲᠡᠨ ᠤ ᠣᠪᠣᠭᠠᠨ ᠰᠣᠶᠣᠯ ᠤᠨ ᠪᠣᠳᠢ︾ ᠭᠡᠬᠦ ᠨᠣᠮ ᠤᠨ ᠭᠤᠣᠯ ᠨᠠᠶᠢᠷᠠᠭᠤᠯᠤᠭᠴᠢ | ᠪᠠᠶᠠᠨᠰᠥ᠋ᠮᠪᠥᠷ᠄ ︽ᠮᠠᠨ ᠤ ᠬᠡᠳᠤᠨ ᠨᠠᠶᠢᠷᠠᠭᠤᠯᠤᠭᠴᠢ ᠦᠩᠭᠡ ᠪᠤᠳᠤᠭ ᠨᠡᠮᠡᠭᠰᠡᠨ ᠦᠭᠡᠢ᠂ ᠪᠦᠷ ᠪᠣᠰᠣᠳ ᠢ | ᠰᠤᠷᠪᠤᠯᠵᠢᠯᠠᠵᠦ ᠪᠤᠰᠤᠳ ᠠᠴᠠ ᠠᠪᠤᠭᠠᠳ ᠡᠮᠬᠢᠳᠭᠡᠨ ᠨᠠᠶᠢᠷᠠᠭᠤᠯᠤᠭᠰᠠᠨ ᠶᠤᠮ᠂ ᠦᠨᠡ ᠴᠡᠨᠡ ᠨᠢ ᠡᠭᠦᠨ ᠳᠤ | ᠪᠠᠶᠢᠭᠠ ᠶᠤᠮ᠃ ᠡᠨᠡ ᠨᠤᠮ ᠢ ᠵᠤᠬᠢᠶᠠᠵᠤ ᠪᠢᠴᠢᠬᠦ ᠳᠤ ᠤᠷᠤᠯᠴᠠᠭᠰᠠᠨ ᠬᠦᠮᠦᠨ ᠵᠠᠭᠤ ᠭᠠᠷᠤᠢ ᠬᠦᠮᠦᠨ ᠪᠠᠶᠢᠨᠠ᠃ | ᠭᠤᠤᠯᠴᠢᠯᠠᠨ ᠬᠢᠳᠡᠭ ᠬᠦᠮᠦᠨ ᠪᠤᠯ ᠰᠤᠶᠤᠯᠳᠠᠯᠠᠢ᠂ ᠵᠠᠩᠭᠠᠨᠤᠷᠪᠤ᠂ ᠬᠦᠮᠦᠵᠢᠯᠲᠦ ᠪᠢᠳᠠ ᠳᠦᠷᠪᠡᠭᠦᠯᠡ᠃ ᠪᠢᠳᠠ | ᠬᠡᠳᠦᠭᠦᠯᠡ ᠠᠵᠢᠯ ᠢᠶᠠᠨ ᠬᠤᠪᠢᠶᠠᠵᠤ ᠠᠪᠤᠭᠠᠳ ᠪᠤᠰᠤᠳ ᠬᠦᠮᠦᠰ ᠬᠠᠪᠰᠤᠷᠴᠤ ᠡᠨᠡ ᠠᠵᠢᠯ ᠢ ᠪᠡᠶᠡᠯᠡᠭᠦᠯᠪᠡ︾ | ᠭᠡᠪᠡ᠃ | ᠲᠤᠰ ᠨᠤᠮ ᠤᠨ ᠭᠡᠪᠯᠡᠭᠳᠡᠨ ᠳᠠᠷᠬᠠᠭᠠᠭᠳᠠᠭᠰᠠᠨ ᠨᠢ ᠤᠩᠰᠢᠭᠴᠢᠳ ᠲᠤ ᠦᠤᠰᠢᠨ ᠨᠤᠳᠤᠭ ᠤᠨ ᠣᠪᠣᠭᠠᠨ | ᠳᠠᠬᠢᠯᠭᠠ᠂ ᠣᠪᠣᠭᠠᠨ ᠰᠤᠶᠤᠯ ᠤᠨ ᠲᠤᠬᠠᠢ ᠤᠶᠢᠯᠠᠭᠠᠯᠲᠠ ᠲᠠᠨᠢᠯᠲᠠ ᠶᠢ ᠤᠯᠠᠮ ᠨᠢᠭᠡ ᠠᠯᠬᠤᠮ | ᠭᠦᠨᠵᠡᠭᠡᠶᠢᠷᠡᠭᠦᠯᠦᠭᠰᠡᠨ ᠢᠶᠠᠷ ᠪᠠᠷᠠᠬᠤ ᠦᠭᠡᠢ ᠦᠤᠰᠢᠨ ᠨᠤᠳᠤᠭ ᠤᠨ ᠤᠪᠣᠭᠠᠨ ᠰᠤᠶᠤᠯ ᠤᠨ ᠲᠠᠯᠠ ᠪᠠᠷ ᠬᠢ | ᠲᠤᠲᠠᠭᠤ ᠬᠠᠭᠤᠳᠠᠰᠤ ᠶᠢ ᠨᠦᠭᠦᠪᠦᠷᠢᠯᠡᠭᠰᠡᠨ ᠪᠠᠶᠢᠨᠠ᠃ | ᠣᠪᠣᠭᠠᠨ ᠰᠣᠶᠣᠯ ᠤᠨ ᠰᠣᠳᠣᠯᠣᠭᠴᠢ ᠬᠠᠳᠡᠴᠢ ᠭᠠᠩ᠄ ︽ᠣᠪᠣᠭᠠ ᠳᠠᠬᠢᠬᠤ ᠶᠢ ᠳᠡᠭᠡᠷᠡ ᠥᠶᠡ ᠳᠤ ᠲᠡᠭᠷᠢ | ᠳᠠᠬᠢᠬᠤ ᠭᠡᠵᠦ ᠬᠡᠯᠡᠵᠦ ᠪᠠᠶᠢᠵᠡᠢ᠂ ᠲᠡᠭᠷᠢ ᠭᠡᠰᠡᠨ ᠨᠢ ᠤᠳᠠᠭᠠᠨ ᠳᠠᠭᠠᠨ ᠬᠠᠶᠠᠭᠳᠠᠭᠠᠳ ᠣᠪᠣᠭᠠ ᠪᠤᠯᠤᠭᠰᠠᠨ᠂ | ᠭᠡᠪᠡᠴᠦ ᠡᠨᠡ ᠣᠪᠣᠭᠠ ᠪᠠᠨ ᠪᠢᠳᠠ ᠪᠠᠰᠠ ᠲᠡᠭᠷᠢ ᠳᠠᠬᠢᠵᠦ ᠪᠠᠶᠢᠨᠠ ᠭᠡᠵᠦ ᠪᠤᠳᠤᠨᠠ᠂ ᠦᠦᠰᠢᠨ ᠳᠤ ᠨᠡᠶᠢᠲᠡ | 249 ᠣᠪᠣᠭᠠ ᠪᠠᠶᠢᠨᠠ᠂ ᠡᠭᠦᠨ ᠳᠤ ᠭᠡᠭᠡᠭᠳᠡᠵᠦ ᠳᠠᠬᠢᠵᠦ ᠦᠭᠡᠢ ᠣᠪᠣᠭᠠ ᠨᠢ 4 ᠪᠠᠶᠢᠨᠠ᠃ ᠣᠳᠣ | ᠦᠦᠰᠢᠨᠴᠤᠳ ᠤᠨ ᠳᠠᠬᠢᠵᠦ ᠪᠠᠶᠢᠭᠠ ᠣᠪᠣᠭᠠ 255 ᠪᠠᠶᠢᠨᠠ︾ ᠬᠡᠪᠡ᠃ |