| ᠡᠨᠡ ᠵᠢᠯ ᠤᠷᠳᠤᠰ ᠬᠤᠲᠠ ᠶᠢᠨ ᠮᠤᠩᠭᠤᠯ ᠦᠨᠳᠤᠰᠦᠳᠡᠨ ᠤ ᠬᠤᠶᠠᠳᠤᠭᠠᠷ ᠲᠤᠮᠳᠠᠲᠤ ᠰᠤᠷᠭᠠᠭᠤᠯᠢ ᠶᠢᠨ 96 | ᠰᠣᠷᠣᠭᠴᠢ ᠤᠯᠤᠰ ᠤᠨ ᠨᠢᠬᠡᠳᠦᠯᠳᠡᠢ ᠰᠢᠯᠭᠠᠯᠳᠠ ᠳᠤ ᠲᠦᠷᠪᠡᠨ ᠲᠠᠯᠠᠪᠠᠢ ᠬᠤᠪᠢᠶᠠᠨ ᠤᠷᠤᠯᠴᠠᠵᠤ ᠦᠪᠡᠷ ᠦᠪᠡᠷ ᠤᠨ | ᠮᠡᠳᠡᠯᠬᠡ ᠤᠶᠤᠨ ᠢᠶᠠᠨ ᠰᠤᠷᠢᠨ ᠨᠡᠶᠢᠬᠡᠮ ᠤᠨ ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠤ ᠲᠦᠷᠦᠯ ᠳᠤ ᠴᠡᠩᠭᠡᠷᠴᠡᠴᠡᠭ 486 ᠬᠤᠪᠢ ᠪᠠᠷ | ᠲᠡᠷᠢᠬᠦᠯᠡᠵᠦ ᠪᠠᠶᠢᠭᠠᠯᠢ ᠶᠢᠨ ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠤ ᠲᠦᠷᠦᠯ ᠳᠤ ᠬᠢᠯᠪᠠᠭᠠᠨ 449 ᠬᠤᠪᠢ ᠪᠠᠷ ᠰᠤᠷᠭᠠᠭᠤᠯᠢ ᠳᠤ ᠪᠠᠨ | ᠲᠡᠷᠢᠬᠦᠯᠡᠯᠡ᠃ ᠰᠤᠷᠪᠤᠯᠵᠢᠯᠠᠭᠴᠢ ᠤᠷᠳᠤᠰ ᠬᠤᠲᠠ ᠶᠢᠨ ᠮᠤᠩᠭᠤᠯ ᠦᠨᠳᠦᠰᠦᠳᠡᠨ ᠤ ᠬᠤᠶᠠᠳᠤᠭᠠᠷ ᠲᠤᠮᠳᠠᠲᠤ | ᠰᠤᠷᠭᠠᠭᠤᠯᠢ ᠳᠤ ᠬᠦᠷᠬᠦ ᠳᠤ ᠪᠠᠭᠰᠢ ᠨᠠᠷ ᠶᠠᠭ ᠰᠤᠷᠤᠭᠴᠢᠳ ᠢᠶᠠᠨ ᠵᠤᠬᠢᠶᠠᠨ ᠪᠠᠶᠢᠭᠤᠯᠵᠤ ᠰᠦᠯᠵᠢᠶᠡᠨ ᠳᠡᠭᠡᠷᠡ ᠬᠡᠷᠬᠢᠨ | ᠡᠷᠡᠮᠡᠯᠵᠡᠯ ᠲᠠᠭᠯᠠᠵᠤ ᠲᠤᠰᠬᠠᠢ ᠮᠡᠷᠬᠡᠵᠢᠯ ᠢᠶᠠᠨ ᠰᠤᠩᠭᠤᠬᠤ ᠶᠢ ᠨᠠᠷᠢᠨ ᠲᠤᠳᠤᠷᠬᠠᠢ ᠲᠠᠶᠢᠯᠪᠤᠷᠢᠯᠠᠨ ᠵᠢᠭᠠᠵᠤ ᠪᠠᠶᠢᠯᠠ᠃ | ᠤᠶᠢᠯᠠᠭᠠᠭᠰᠠᠨ ᠢᠶᠠᠷ 96 ᠰᠤᠷᠤᠭᠴᠢ ᠠᠴᠠ ᠵᠢᠩᠬᠢᠨᠢ ᠠᠩᠬᠢ ᠶᠢᠨ ᠨᠢᠬᠡᠳᠦᠬᠡᠷ ᠪᠦᠯᠦᠭ ᠲᠤ 15 ᠰᠤᠷᠤᠭᠴᠢ᠂ ᠵᠢᠩᠬᠢᠨᠢ | ᠠᠩᠬᠢ ᠶᠢᠨ ᠬᠤᠶᠠᠳᠤᠭᠠᠷ ᠪᠦᠯᠦᠭ ᠲᠤ 55 ᠰᠤᠷᠤᠭᠴᠢ ᠡᠯᠰᠡᠭᠳᠡᠨ ᠲᠡᠭᠡᠲᠤ ᠵᠡᠷᠭᠡ ᠶᠢᠨ ᠲᠤᠰᠬᠠᠢ ᠮᠡᠷᠬᠡᠵᠢᠯ ᠤᠨ ᠠᠩᠬᠢ | ᠳᠤ 26 ᠰᠤᠷᠤᠭᠴᠢ ᠡᠯᠰᠡᠭᠳᠡᠨ ᠤᠷᠤᠵᠤ ᠪᠦᠬᠦᠳᠡᠭᠡᠷ ᠬᠦᠰᠡᠭᠰᠡᠨ ᠰᠤᠷᠭᠠᠭᠤᠯᠢ ᠳᠤ ᠪᠠᠨ ᠲᠠᠪᠰᠢᠨ ᠤᠷᠤᠭᠰᠠᠨ ᠪᠠᠶᠢᠨᠠ᠃ | | ᠰᠤᠷᠤᠭᠴᠢ ᠬᠢᠯᠪᠠᠭᠠᠨ᠄ ︽ᠰᠢᠯᠭᠠᠯᠳᠠ ᠠᠴᠠ ᠡᠮᠦᠨᠡ ᠰᠠᠨᠳᠤᠷᠤᠭᠰᠠᠨ ᠰᠡᠳᠬᠢᠯᠬᠡ ᠪᠠᠨ ᠲᠠᠷᠤᠬᠤ ᠶᠢᠨ ᠲᠦᠯᠦᠭᠡ | ᠦᠷᠯᠦᠬᠡ ᠳᠤ ᠪᠠᠨ ᠤᠷᠤᠢ ᠰᠢᠭ᠋ ᠪᠤᠰᠳᠠᠭ᠃ ᠤᠷᠤᠢ ᠪᠤᠰᠤᠯᠠ ᠬᠡᠰᠡᠨ ᠴᠣ᠋ 6 ᠴᠠᠭ ᠠᠴᠠ ᠡᠮᠦᠨᠡ ᠠᠩᠬᠢ ᠳᠤ ᠪᠠᠨ | ᠤᠴᠢᠵᠦ ᠨᠤᠮ ᠢᠶᠠᠨ ᠦᠵᠡᠬᠡᠳ ᠴᠡᠬᠡᠵᠢᠯᠡᠬᠦ ᠴᠢᠬᠤᠯᠠᠳᠠᠢ ᠪᠠᠨ ᠦᠵᠡᠨᠡ᠃ ᠪᠠᠶᠢᠭᠠᠯᠢ ᠶᠢᠨ ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠰᠤᠷᠴᠤ | ᠪᠠᠶᠢᠬᠤ ᠤᠴᠢᠷ ᠠᠴᠠ ᠭᠤᠤᠯᠳᠠᠭᠤ ᠲᠤᠮᠢᠶᠠ᠂ ᠠᠮᠢᠳᠤ ᠪᠤᠳᠠᠰ ᠴᠡᠭᠡᠵᠢᠯᠡᠬᠦ ᠠᠴᠠ ᠭᠠᠳᠠᠨᠠ ᠮᠤᠩᠭᠤᠯ ᠬᠡᠯᠡ᠂ ᠡᠷᠳᠡᠨ ᠤ | ᠬᠡᠯᠡ ᠪᠠᠨ ᠰᠠᠶᠢᠨ ᠴᠡᠬᠡᠵᠢᠯᠡᠭᠰᠡᠨ ᠶᠤᠮ᠃ ᠪᠢ 449 ᠬᠤᠪᠢ ᠰᠢᠯᠭᠠᠵᠦ ᠰᠢᠯᠭᠠᠬᠤ ᠬᠡᠰᠡᠨ ᠬᠤᠪᠢ ᠳᠤ ᠪᠠᠨ ᠬᠦᠷᠴᠦ | ᠴᠢᠳᠠᠭᠠ ᠦᠬᠡᠢ ᠰᠠᠨᠠᠭᠠ ᠳᠤᠮᠳᠠᠬᠠᠨ ᠪᠠᠶᠢᠵᠦ ᠲᠦᠰᠦᠬᠡᠯᠡᠭᠰᠡᠨ ᠳᠤ ᠪᠠᠨ ᠬᠦᠷᠴᠦ ᠴᠢᠳᠠᠭᠠ ᠦᠬᠡᠢ᠃ ᠤᠳᠤ ᠶᠡᠭᠡ | ᠰᠤᠷᠭᠠᠭᠤᠯᠢ ᠳᠤ ᠪᠠᠨ ᠲᠤᠰᠬᠠᠢ ᠮᠡᠷᠭᠡᠵᠢᠯ ᠢᠶᠠᠨ ᠰᠤᠷᠤᠭᠠᠳ ᠬᠤᠵᠢᠮ ᠤᠨ ᠵᠠᠮ ᠢᠶᠠᠨ ᠡᠬᠢᠯᠡᠬᠦᠯᠦᠶᠡ ᠬᠡᠵᠦ ᠪᠤᠳᠤᠵᠤ | ᠪᠠᠶᠢᠨᠠ︾ ᠬᠡᠪᠡ᠃ | ᠰᠤᠷᠤᠭᠴᠢ ᠮᠦᠴᠢᠷ᠄ ︽ᠰᠢᠯᠭᠠᠯᠳᠠ ᠠᠴᠠ ᠡᠮᠦᠨᠡ ᠬᠢᠷᠢ ᠪᠦᠲᠦᠮᠵᠢ ᠪᠠᠷ ᠪᠠᠨ ᠠᠪᠤ ᠡᠵᠢ ᠶᠢ ᠪᠠᠨ ᠪᠠᠶᠠᠰᠬᠠᠶᠠ | ᠬᠡᠵᠦ ᠪᠤᠳᠤᠭᠠᠳ ᠡᠷᠳᠡ ᠪᠤᠰᠴᠤ ᠲᠡᠪᠳᠡᠷ ᠨᠤᠮ ᠢᠶᠠᠨ ᠦᠵᠡᠬᠡᠳ ᠮᠡᠳᠡᠯᠬᠡ ᠪᠠᠨ ᠪᠠᠳᠤᠳᠬᠠᠵᠤ ᠵᠢᠭᠠᠬᠠᠨ ᠲᠠᠷᠤᠭᠠᠰᠤ ᠲᠠᠢ | ᠪᠠᠶᠢᠪᠠ᠃ ᠪᠠᠭᠰᠢ ᠪᠢᠳᠠᠨ ᠢ ᠲᠠᠷᠤᠭᠠᠰᠤ ᠠᠪᠴᠤ ᠪᠤᠯᠬᠤ ᠦᠬᠡᠢ ᠬᠡᠮᠡᠨ ᠲᠠᠶᠢᠪᠤᠰᠢᠷᠠᠭᠤᠯᠵᠤ ᠪᠠᠶᠢᠭᠰᠠᠨ ᠠᠴᠠ ᠪᠢ ᠰᠡᠳᠬᠢᠯ | ᠳᠤ ᠪᠠᠨ ᠶᠡᠭᠡ ᠲᠠᠷᠤᠭᠠᠰᠤ ᠠᠪᠤᠭᠰᠠᠨ ᠦᠬᠡᠢ ᠡᠩ ᠤᠨ ᠪᠠᠶᠢᠳᠠᠯ ᠢᠶᠠᠷ ᠰᠢᠯᠭᠠᠭᠤᠯᠵᠠᠢ᠃ ᠴᠢᠯᠦᠭᠡ ᠲᠠᠯᠪᠢᠭᠠᠳ ᠪᠢ | ᠬᠦᠳᠡᠭᠡ ᠳᠤ ᠪᠠᠨ ᠬᠠᠷᠢᠵᠤ ᠠᠪᠤ ᠡᠵᠢ ᠪᠠᠨ ᠬᠠᠪᠰᠤᠷᠪᠠ᠃ ᠡᠨᠡ ᠤᠳᠠᠭᠠ ᠺᠤᠮᠫᠢᠦᠲ᠋ᠧᠷ᠂ ᠭᠠᠷ ᠤᠳᠠᠰᠤ ᠪᠠᠷ ᠲᠤᠰᠬᠠᠢ | ᠮᠡᠷᠭᠡᠵᠢᠯ ᠢᠶᠠᠨ ᠬᠡᠷᠭᠢᠨ ᠰᠤᠩᠭᠤᠬᠤ ᠲᠤᠬᠠᠢ ᠪᠡᠯᠡᠳᠬᠡᠯ ᠬᠢᠵᠦ ᠲᠠᠷᠠᠭᠠ ᠨᠢ ᠲᠡᠭᠡᠲᠤ ᠰᠤᠷᠭᠠᠭᠤᠯᠢ ᠳᠤ ᠶᠠᠪᠤᠬᠤ | ᠪᠡᠯᠡᠳᠭᠡᠯ ᠢᠶᠠᠨ ᠬᠢᠨᠡ᠃ ᠲᠡᠭᠡᠲᠤ ᠰᠤᠷᠭᠠᠭᠤᠯᠢ ᠪᠤᠯ ᠨᠢᠬᠡ ᠬᠦᠮᠦᠨ ᠤ ᠪᠡᠶᠡ ᠪᠠᠨ ᠲᠠᠭᠠᠭᠠᠬᠤ ᠴᠢᠳᠠᠪᠤᠷᠢ ᠶᠢ ᠰᠢᠯᠭᠠᠳᠠᠭ | ᠴᠠᠭ᠂ ᠲᠡᠭᠡᠬᠦᠯᠡᠷ ᠲᠤᠰᠬᠠᠢ ᠮᠡᠷᠭᠡᠵᠢᠯ ᠢᠶᠠᠨ ᠰᠠᠶᠢᠨ ᠰᠤᠷᠬᠤ ᠦᠬᠡᠢ ᠪᠤᠯ ᠨᠡᠶᠢᠬᠡᠮ ᠳᠡᠭᠡᠷᠡ ᠲᠦᠰᠢᠭ ᠦᠬᠡᠢ᠂ ᠴᠢᠭᠯᠡᠬᠦᠷ | ᠦᠬᠡᠢ ᠵᠦᠭᠯᠡᠬᠦᠷ ᠰᠢᠭ ᠪᠤᠯᠤᠨᠠ︾ ᠭᠡᠵᠦ ᠪᠠᠶᠢᠪᠠ᠃ | ᠰᠤᠷᠤᠭᠴᠢ ᠴᠡᠩᠭᠡᠷᠴᠡᠴᠡᠭ᠄ ︽ᠴᠢᠷᠮᠠᠶᠢᠯᠭᠠ ᠬᠦᠮᠦᠨ ᠢ ᠭᠤᠮᠤᠳᠠᠭᠠᠳᠠᠭ ᠦᠬᠡᠢ ᠬᠡᠰᠡᠨ ᠶᠤᠰᠤ ᠤᠬᠠᠭᠠᠨ ᠢ ᠪᠢ | ᠦᠢᠯᠡᠳᠦᠯᠬᠡ ᠪᠠᠷ ᠬᠡᠷᠡᠴᠢᠯᠡᠵᠡᠢ᠃ ᠪᠢ ᠨᠤᠶᠢᠷ ᠢᠶᠠᠨ ᠬᠠᠶᠠᠵᠤ ᠪᠤᠰᠤᠭᠰᠠᠨ ᠤ ᠳ᠋ᠦᠩ ᠳᠤ ᠦᠨᠦᠳᠦᠷ ᠤᠨ ᠦᠷᠡ | ᠪᠦᠲᠦᠮᠵᠢ ᠶᠢ ᠠᠪᠴᠢᠷᠠᠭᠰᠠᠨ ᠶᠤᠮ᠃ ᠲᠠᠷᠠᠭᠠᠴᠢ ᠶᠢᠨ ᠤᠳᠠᠭᠠᠨ ᠤ ᠲᠡᠭᠡᠲᠤ ᠰᠢᠯᠭᠠᠯᠳᠠ ᠳᠤ ᠤᠷᠤᠯᠴᠠᠬᠤ ᠲᠡᠬᠦᠦ ᠨᠠᠷ | ᠲᠤ ᠪᠠᠨ ᠤᠳᠤ ᠶᠢᠨ ᠬᠢᠷᠢ ᠪᠦᠲᠦᠮᠵᠢ ᠰᠠᠨᠠᠭᠠᠨ ᠳᠤ ᠴᠢᠨᠢ ᠬᠦᠷᠬᠦ ᠦᠬᠡᠢ ᠴᠤ ᠢᠷᠡᠬᠦ ᠨᠢᠬᠡᠨ ᠵᠢᠯ ᠳᠤ ᠪᠠᠨ ᠴᠦᠬᠦᠷᠦᠯ | ᠦᠬᠡᠢ ᠴᠢᠷᠮᠠᠶᠢᠪᠠᠯ ᠰᠢᠯᠭᠠᠯᠳᠠ ᠶᠢᠨ ᠬᠤᠪᠢ ᠭᠠᠷᠬᠤ ᠡᠳᠦᠷ ᠴᠢᠮᠠ ᠳᠤ ᠪᠠᠶᠠᠷ ᠵᠢᠷᠭᠠᠯ ᠪᠤᠯᠵᠤ ᠢᠷᠡᠨᠡ ᠭᠡᠵᠦ | ᠰᠠᠨᠠᠭᠤᠯᠤᠶᠠ︾ ᠭᠡᠪᠡ᠃ | ᠬᠡᠷ ᠤᠨ ᠠᠬᠠᠮᠠᠳ ᠨᠤᠮᠢᠨ᠄ ︽ᠪᠢᠳᠠ ᠬᠦᠳᠡᠭᠡ ᠳᠤ ᠪᠠᠨ ᠪᠠᠶᠢᠬᠤ ᠤᠴᠢᠷ ᠠᠴᠠ ᠬᠡᠤᠭᠡᠳ ᠤᠨ ᠢᠶᠠᠨ ᠰᠤᠷᠤᠯᠭᠠ | ᠳᠤ ᠶᠡᠭᠡ ᠲᠤᠰᠠ ᠳᠡᠮ ᠪᠤᠯᠵᠦ ᠳᠡᠶᠢᠯᠬᠦ ᠦᠬᠡᠢ᠂ ᠰᠤᠷᠤᠯᠭᠠ ᠶᠢᠨ ᠬᠠᠮᠢᠶᠠ ᠲᠠᠢ ᠵᠢᠭᠠᠵᠤ ᠰᠤᠷᠭᠠᠬᠤ ᠶᠢ ᠶᠡᠭᠡ ᠮᠡᠳᠡᠬᠦ | ᠦᠬᠡᠢ᠂ ᠡᠨᠡ ᠤᠳᠠᠭᠠᠨ ᠤ ᠰᠢᠯᠭᠠᠯᠳᠠ ᠳᠤ ᠦᠪᠡᠷ ᠢᠶᠠᠨ ᠪᠡᠶᠡ ᠪᠠᠨ ᠳᠠᠭᠠᠭᠠᠵᠦ ᠴᠢᠷᠮᠠᠶᠢᠵᠦ ᠪᠠᠶᠢᠭᠠᠳ ᠰᠢᠯᠢᠳᠡᠭ ᠬᠢᠷᠢ | ᠪᠦᠲᠦᠮᠵᠢ ᠤᠯᠤᠭᠰᠠᠨ ᠪᠤᠯᠬᠤᠷ ᠪᠠᠶᠠᠷᠯᠠᠵᠤ ᠪᠠᠶᠢᠨᠠ᠃ ᠪᠤᠰᠤᠳ ᠰᠤᠷᠤᠭᠴᠢ ᠴᠤ ᠶᠠᠮᠠᠷ ᠰᠢᠯᠭᠠᠭᠰᠠᠨ ᠴᠤ ᠪᠦᠷ ᠬᠠᠮᠢᠶᠠ | ᠦᠬᠡᠢ᠂ ᠬᠤᠵᠢᠮ ᠡᠬᠡ ᠤᠯᠤᠰ᠂ ᠪᠠᠭᠰᠢ ᠲᠠᠢ ᠪᠠᠨ ᠬᠠᠶᠢᠷᠠ ᠬᠠᠯᠠᠮᠵᠢ ᠲᠠᠢ ᠰᠠᠶᠢᠬᠠᠨ ᠶᠠᠪᠤᠬᠤ ᠶᠢ ᠪᠦᠬᠦ ᠬᠡᠷ ᠤᠨ | ᠠᠬᠠᠮᠠᠳ ᠬᠦᠰᠡᠵᠦ ᠪᠠᠶᠢᠬᠤ ᠡ ᠬᠡᠵᠦ ᠪᠤᠳᠤᠵᠦ ᠪᠠᠶᠢᠨᠠ︾ ᠭᠡᠪᠡ᠃ | |