| ᠪᠦᠬᠡ ᠪᠠᠷᠢᠯᠳᠣᠬᠤ᠂ ᠮᠤᠷᠢ ᠤᠷᠤᠯᠳᠣᠬᠤ᠂ ᠰᠤᠷ ᠬᠠᠷᠪᠤᠬᠤ ᠶᠢ ᠮᠤᠩᠭᠤᠯᠴᠣᠳ ᠡᠷᠡ ᠶᠢᠨ ᠭᠤᠷᠪᠠᠨ | ᠨᠠᠭᠠᠳᠣᠮ ᠭᠡᠳᠡᠭ᠃ ᠡᠨᠡ ᠪᠤᠯ ᠮᠤᠩᠭᠤᠯ ᠦᠨᠳᠦᠰᠦᠳᠡᠨ ᠤ ᠤᠯᠠᠮᠵᠢᠯᠠᠯᠳᠣ ᠪᠡᠶᠡ ᠶᠢᠨ ᠳᠠᠮᠢᠷ ᠤᠨ ᠬᠦᠳᠡᠯᠭᠡᠭᠡᠨ | ᠮᠥᠨ᠃ ᠴᠢᠩ ᠤᠯᠤᠰ ᠤᠨ ᠪᠠᠳᠠᠷᠠᠭᠤᠯᠳᠣ ᠲᠦᠷᠦ ᠶᠢᠨ ᠮᠤᠩᠭᠤᠯ ᠵᠤᠬᠢᠶᠠᠯᠴᠢ ᠯᠤᠪᠰᠠᠩᠴᠤᠶᠢᠳᠠᠨ ᠳᠡᠬᠦᠨ ᠤ ︽ | ᠮᠤᠩᠭᠤᠯ ᠤᠨ ᠵᠠᠩ ᠠᠭᠠᠯᠢ ᠶᠢᠨ ᠦᠢᠯᠡᠪᠦᠷᠢ︾ ᠭᠡᠳᠡᠭ ᠨᠤᠮ ᠳᠠᠭᠠᠨ ︽ᠡᠪᠦᠭᠡ ᠳᠡᠭᠡᠳᠦᠰ ᠮᠢᠨᠢ ᠦᠨᠳᠦᠰᠦᠳᠡᠨ ᠤ | ᠡᠷᠳᠡᠨ ᠤ ᠤᠯᠠᠮᠵᠢᠯᠠᠯᠳᠣ ᠴᠢᠳᠠᠪᠤᠷᠢ ᠶᠢ ᠴᠡᠷᠢᠭ ᠳᠠᠶᠢᠨ ᠳᠤᠷ ᠭᠡᠷᠡᠭᠯᠡᠬᠡᠳ ᠶᠡᠭᠡ ᠦᠢᠯᠡᠰ ᠢ ᠪᠦᠳᠦᠭᠡᠬᠦᠢ ᠳᠤᠷ | ᠬᠦᠷᠵᠦᠬᠦᠢ᠂ ᠦᠨᠳᠦᠰᠦᠳᠡᠨ ᠤ ᠡᠷᠳᠡᠨ ᠤ ᠤᠯᠠᠮᠵᠢᠯᠠᠯᠳᠣ ᠴᠢᠳᠠᠪᠤᠷᠢ ᠪᠤᠯᠪᠠᠰᠣ ︿ᠨᠤᠮᠤ ᠳᠠᠯᠠᠶᠢᠨ ᠪᠦᠷᠭᠦᠳ | ᠬᠠᠷᠪᠤᠵᠤ᠂ ᠮᠤᠷᠢ ᠳᠠᠪᠬᠢᠨ ᠬᠦᠷᠦᠬᠡᠰᠦ ᠨᠡᠬᠡᠬᠦ᠂ ᠪᠤᠯᠴᠢᠩ ᠡᠷᠴᠢᠯᠡᠬᠦᠯᠦᠨ ᠪᠦᠬᠡ ᠪᠠᠷᠢᠯᠳᠣᠬᠤ﹀ ᠵᠡᠷᠭᠡ ᠡᠷᠳᠡᠨ | ᠴᠠᠭ ᠤᠨ ᠪᠡᠶᠡ ᠶᠢᠨ ᠳᠠᠮᠢᠷ ᠪᠤᠯᠠᠢ︾ ᠭᠡᠵᠡᠢ᠃ | ᠮᠤᠩᠭᠤᠯ ᠦᠨᠳᠦᠰᠦᠳᠡᠨ ᠡᠷᠳᠡ ᠢᠵᠠᠭᠤᠷ ᠠᠴᠠ ᠪᠠᠨ ᠡᠷᠡ ᠶᠢᠨ ᠭᠤᠷᠪᠠᠨ ᠨᠠᠭᠠᠳᠣᠮ ᠳᠤ ᠳᠣᠶᠢᠯ ᠤᠨ | ᠳᠣᠷᠠ ᠪᠠᠬᠠ ᠲᠠᠢ ᠪᠦᠭᠡᠳ ᠠᠪᠢᠶᠠᠰ ᠲᠠᠢ ᠪᠠᠶᠢᠵᠤ᠂ ᠡᠨᠡ ᠨᠢ ᠮᠤᠩᠭᠤᠯ ᠦᠨᠳᠦᠰᠦᠳᠡᠨ ᠤ ᠠᠷᠠᠳ ᠤᠨ ᠳᠤᠮᠳᠠ | ᠥᠷᠭᠡᠨ ᠳᠡᠯᠭᠡᠷᠡᠩᠬᠦᠢ ᠪᠠᠷ ᠤᠯᠠᠮᠵᠢᠯᠠᠭᠳᠠᠨ ᠶᠠᠪᠤᠭᠳᠠᠭᠰᠠᠭᠠᠷ ᠢᠷᠡᠭᠰᠡᠨ ᠶᠤᠮ᠃ ᠳᠡᠷᠡ ᠨᠢ ᠮᠤᠩᠭᠤᠯ | ᠦᠨᠳᠦᠰᠦᠳᠡᠨ ᠤ ᠠᠮᠢᠳᠣᠷᠠᠯ᠂ ᠵᠠᠩ ᠳᠠᠳᠬᠠᠯ᠂ ᠤᠯᠤᠰ ᠲᠦᠷᠦ᠂ ᠠᠵᠤ ᠠᠬᠤᠢ᠂ ᠰᠣᠶᠣᠯ᠂ ᠨᠡᠶᠢᠬᠡᠮ ᠤᠨ | ᠬᠦᠭᠵᠢᠯ ᠢ ᠲᠦᠪᠯᠡᠷᠡᠬᠦᠯᠦᠨ ᠳᠣᠰᠬᠠᠵᠤ᠂ ᠮᠤᠩᠭᠤᠯ ᠦᠨᠳᠦᠰᠦᠳᠡᠨ ᠤ ᠴᠢᠬᠤᠯᠠ ᠨᠢᠬᠡᠨ ᠰᠣᠶᠣᠯ ᠤᠨ ᠥᠪ | ᠬᠦᠷᠥᠩᠭᠡ ᠪᠤᠯᠵᠠᠢ᠃ | ᠨᠢᠬᠡ᠄ ᠪᠦᠬᠡ ᠪᠠᠷᠢᠯᠳᠣᠬᠤ | ᠪᠦᠬᠡ ᠪᠠᠷᠢᠯᠳᠣᠬᠤ ᠪᠤᠯ ᠮᠤᠩᠭᠤᠯᠴᠤᠳ ᠤᠨ ᠡᠷᠡ ᠶᠢᠨ ᠭᠤᠷᠪᠠᠨ ᠨᠠᠭᠠᠳᠣᠮ ᠤᠨ ᠴᠢᠬᠤᠯᠠ ᠨᠢᠬᠡᠨ ᠲᠥᠷᠥᠯ | ᠵᠦᠢᠯ ᠪᠤᠯᠤᠨᠠ᠃ ᠡᠨᠡ ᠨᠢ ᠮᠥᠨ ᠴᠦ ᠬᠦᠮᠦᠨ ᠲᠥᠷᠥᠯᠬᠢᠳᠡᠨ ᠤ ᠬᠠᠮᠤᠭ ᠤᠨ ᠪᠠᠯᠠᠷ ᠡᠷᠳᠡᠨ ᠤ ᠪᠡᠶᠡ ᠶᠢᠨ ᠳᠠᠮᠢᠷ | ᠤᠨ ᠬᠦᠳᠡᠯᠭᠡᠭᠡᠨ ᠤ ᠨᠢᠬᠡ ᠶᠤᠮ᠃ ᠪᠦᠬᠡ ᠪᠠᠷᠢᠯᠳᠣᠬᠤ ᠨᠢ ᠠᠩᠬᠠ ᠡᠬᠢᠯᠡᠩᠬᠦᠳᠡ ᠬᠦᠮᠦᠰ ᠤᠨ ᠪᠡᠶᠡ ᠪᠠᠨ | ᠬᠠᠮᠠᠭᠠᠯᠠᠬᠤ᠂ ᠠᠪᠠ ᠠᠩ ᠬᠢᠬᠦ᠂ ᠢᠳᠡᠰᠢ ᠤᠭᠤᠤᠰᠢ ᠪᠠᠨ ᠤᠯᠬᠤ ᠳᠤ ᠦᠢᠯᠡᠴᠢᠯᠡᠵᠦ ᠪᠠᠶᠢᠭᠰᠠᠨ ᠪᠤᠯ ᠲᠡᠷᠡ ᠨᠢ | ᠢᠳᠡᠭ ᠢᠳᠡᠭ ᠢᠶᠠᠷ ᠬᠦᠭᠵᠢᠭᠰᠡᠭᠡᠷ ᠨᠠᠭᠠᠳᠣᠮ ᠴᠡᠩᠭᠡᠬᠦᠨ ᠤ ᠤᠳᠬᠠ ᠠᠭᠤᠯᠭᠠ ᠲᠠᠢ ᠰᠤᠶᠤᠯ ᠪᠡᠶᠡ ᠳᠠᠮᠢᠷ ᠤᠨ | ᠬᠦᠳᠡᠯᠭᠡᠭᠡᠨ ᠪᠤᠯᠵᠠᠢ᠃ | ᠮᠤᠩᠭᠤᠯᠴᠤᠳ ᠴᠢᠬᠤᠯᠠ ᠨᠢᠬᠡᠨ ᠪᠠᠶᠠᠷ ᠳᠣᠷᠠᠰᠬᠠᠯ ᠤᠨ ᠡᠳᠦᠷ ᠪᠤᠶᠤ ᠳᠠᠶᠢᠯᠭᠠ ᠳᠠᠬᠢᠯᠭᠠ ᠶᠢᠨ ᠦᠶᠡᠰ | ᠲᠤ ᠪᠦᠷ ᠪᠦᠬᠡ ᠶᠢᠨ ᠤᠷᠤᠯᠳᠣᠭᠠᠠᠨ ᠡᠷᠬᠢᠯᠡᠨ ᠶᠠᠪᠤᠭᠤᠯᠳᠠᠭ᠃ ᠮᠤᠩᠭᠤᠯ ᠡᠷᠡᠴᠤᠳ ᠤᠨ ᠪᠢᠷᠠ ᠴᠢᠳᠠᠯ᠂ ᠤᠷᠠ | ᠳᠡᠮ ᠢ ᠰᠢᠯᠭᠠᠭᠰᠠᠨ ᠪᠦᠭᠡ ᠶᠢᠨ ᠪᠠᠷᠢᠯᠳᠣᠭᠠᠨ ᠨᠢ ᠡᠷᠳᠡ ᠳᠡᠭᠡᠳᠦ ᠶᠢᠨ ᠦᠶᠡ ᠠᠴᠠ ᠬᠠᠳᠠᠭᠤ ᠴᠢᠩᠭᠠ ᠶᠤᠰᠤ | ᠲᠦᠷᠢᠮ ᠲᠠᠢ ᠪᠠᠶᠢᠭᠰᠠᠨ ᠮᠦᠷᠳᠡᠭᠡᠨ ᠲᠡᠷᠡ ᠨᠢ ᠤᠯᠠᠮ ᠳᠡᠬᠦᠯᠳᠡᠷᠵᠢᠭᠰᠡᠭᠡᠷ ᠤᠳᠤ ᠳᠤ ᠬᠦᠷᠴᠡᠢ᠃ ᠮᠤᠩᠭᠤᠯ | ᠪᠦᠭᠡ ᠶᠢᠨ ᠪᠠᠷᠢᠯᠳᠣᠭᠠᠨ ᠳᠤ ᠤᠷᠤᠯᠴᠠᠬᠤ ᠬᠦᠮᠦᠨ ᠨᠢ 2 ᠤᠨ ᠵᠡᠷᠭᠡᠳᠦ ᠳᠤᠭᠠ ᠪᠠᠶᠢᠬᠤ ᠭᠡᠷᠡᠭᠳᠡᠢ᠃ ᠵᠢᠱᠢᠶᠡᠯᠡᠪᠡᠯ | 32᠂ 128᠂ 256᠂ 512᠂ 1024 ᠭᠡᠬᠦ ᠮᠡᠳᠦ ᠁ ᠤᠷᠤᠯᠳᠤᠭᠠᠨ ᠨᠢ ᠨᠤᠭᠤᠯᠤᠨ ᠪᠠᠷᠢᠯᠳᠣᠬᠤ | ᠲᠦᠷᠢᠮ ᠢ ᠭᠡᠷᠡᠭᠵᠢᠬᠦᠯᠵᠦ᠂ ᠴᠠᠭ ᠢ ᠬᠢᠵᠠᠭᠠᠷᠯᠠᠳᠠᠭ ᠦᠬᠡᠢ᠂ ᠨᠢᠬᠡ ᠤᠳᠠᠭᠠᠨ ᠤ ᠪᠠᠷᠢᠯᠳᠣᠭᠠᠨ ᠢᠶᠠᠷ ᠳᠡᠶᠢᠯᠦᠨ | ᠳᠡᠶᠢᠯᠦᠭᠳᠡᠬᠦ ᠪᠠᠨ ᠢᠯᠭᠠᠵᠤ᠂ ᠨᠤᠭᠤᠯᠤᠭᠠ ᠪᠦᠷᠢ ᠳᠤ ᠬᠠᠭᠠᠰ ᠳᠣᠭᠠᠨ ᠤ ᠬᠦᠮᠦᠨ ᠨᠢ ᠤᠷᠤᠯᠳᠣᠬᠤ ᠡᠷᠭᠡ ᠪᠠᠨ | ᠠᠯᠳᠠᠳᠠᠭ᠃ ᠤᠷᠤᠯᠳᠣᠭᠠᠨ ᠤ ᠳ᠋ᠦᠩ ᠳᠤ ᠰᠢᠯᠭᠠᠷᠠᠨ ᠦᠯᠡᠳᠡᠭᠰᠡᠨ ᠪᠦᠬᠡᠴᠢᠳ ᠢ ᠲᠡᠷᠢᠬᠦᠨ᠂ ᠳᠡᠳ᠋᠂ ᠳᠡᠭᠡᠳᠦ | ᠲᠦᠷᠪᠡ᠂ ᠳᠡᠭᠡᠳᠦ ᠨᠠᠢᠮᠠ ᠬᠡᠬᠦ ᠮᠡᠳᠦ ᠪᠠᠷ ᠳ᠋ᠤᠭᠠᠷᠯᠠᠵᠤ᠂ ᠡᠳ᠋ ᠪᠤᠳᠠᠰ ᠢᠶᠠᠷ ᠱᠠᠩᠨᠠᠨ ᠵᠤᠷᠢᠭᠵᠢᠭᠤᠯᠳᠠᠭ᠃ | ᠬᠤᠶᠠᠷ᠄ ᠮᠤᠷᠢ ᠤᠷᠤᠯᠳᠣᠬᠤ | 13 ᠳ᠋ᠣᠭᠠᠷ ᠵᠠᠭᠤᠨ ᠳᠤ ᠮᠤᠩᠭᠤᠯᠴᠤᠳ ᠮᠤᠷᠢ ᠲᠠᠢ ᠪᠠᠨ ᠬᠠᠮᠳᠣ ᠠᠽᠢᠶᠠ ᠡᠸᠥ᠋ᠷᠥᠫᠡ ᠶᠢ | ᠳᠣᠩᠰᠣᠯᠭᠠᠭᠰᠠᠨ ᠭᠠᠶᠢᠬᠠᠮᠰᠢᠭᠳᠣ ᠳᠡᠦᠬᠡ ᠶᠢ ᠪᠢᠴᠢᠭᠯᠡᠭᠰᠡᠨ ᠪᠤᠯᠬᠤᠷ ︽ᠮᠤᠷᠢᠨ ᠨᠢᠷᠤᠭᠤᠨ ᠳᠡᠭᠡᠷᠡᠬᠢ | ᠦᠨᠳᠦᠰᠦᠳᠡᠨ︾ ᠬᠡᠵᠦ ᠠᠯᠳᠠᠷᠰᠢᠭᠰᠠᠨ ᠶᠤᠮ᠃ ᠮᠤᠷᠢ ᠨᠢ ᠨᠡᠩ ᠴᠦ ᠨᠡᠬᠦᠳᠡᠯᠯᠡᠨ ᠮᠠᠯᠵᠢᠬᠤ ᠠᠮᠢᠳᠣᠷᠠᠯ ᠤᠨ | ᠳᠣᠳᠠᠭᠳᠠᠵᠤ ᠪᠤᠯᠤᠰᠢ ᠦᠬᠡᠢ ᠮᠠᠯ ᠳᠡᠵᠢᠬᠡᠪᠦᠷᠢ ᠪᠤᠯᠤᠭᠰᠠᠨ ᠤ ᠬᠤᠪᠢ ᠳᠤ᠂ ᠳᠡᠬᠦᠨ ᠢ ᠳᠤᠳᠤᠮᠳᠠᠨ ᠤᠨᠤᠬᠤ | ᠠᠷᠭᠠ ᠮᠡᠷᠭᠡᠵᠢᠯ ᠨᠢ ᠮᠤᠩᠭᠤᠯᠴᠤᠳ ᠤᠨ ᠦᠢᠯᠡᠳᠪᠦᠷᠢᠯᠡᠯ᠂ ᠠᠮᠢᠳᠣᠷᠠᠯ ᠲᠠᠢ ᠨᠢᠭᠳᠠ ᠬᠤᠯᠪᠤᠭᠳᠠᠵᠤ ᠪᠠᠶᠢᠳᠠᠭ᠃ | ᠳᠡᠶᠢᠮᠦ ᠪᠠᠷ ᠢᠶᠠᠨ ᠮᠤᠷᠢ ᠤᠷᠤᠯᠳᠤᠬᠤ ᠨᠢ ᠮᠤᠩᠭᠤᠯᠴᠤᠳ ᠤᠨ ︽ᠡᠷᠡ ᠶᠢᠨ ᠭᠤᠷᠪᠠᠨ ᠨᠠᠭᠠᠳᠣᠮ︾ ᠤᠨ | ᠴᠢᠬᠤᠯᠠ ᠠᠭᠤᠯᠭᠠ ᠪᠤᠯᠤᠭᠰᠠᠭᠠᠷ ᠢᠷᠡᠵᠡᠢ᠃ | ᠮᠤᠷᠢᠨ ᠤᠷᠤᠯᠳᠤᠭᠠᠨ ᠨᠢ ᠬᠤᠷᠳᠣᠨ ᠮᠤᠷᠢᠨ ᠤ ᠤᠷᠤᠯᠳᠣᠭᠠᠨ ᠢᠶᠠᠷ ᠭᠤᠤᠯᠯᠠᠬᠤ᠂ ᠤᠷᠤᠯᠳᠣᠬᠤ ᠵᠠᠢ ᠨᠢ | ᠶᠡᠷᠦ ᠶᠢᠨ ᠪᠠᠶᠢᠳᠠᠯ ᠳᠤ 25 — 35 ᠭᠠᠵᠠᠷ ᠪᠠᠶᠢᠳᠠᠭ᠃ ᠡᠶᠢᠮᠦᠷᠬᠦ ᠤᠷᠤᠯᠳᠤᠭᠠᠨ ᠪᠤᠯ ᠬᠤᠷᠳᠣᠴᠠ᠂ ᠳᠡᠰᠪᠦᠷᠢ | ᠳᠡᠪᠴᠢᠶᠡᠷᠢ᠂ ᠮᠤᠷᠢᠨ ᠮᠡᠷᠭᠡᠵᠢᠯ᠂ ᠤᠢ ᠤᠬᠠᠭᠠᠨ ᠤ ᠦᠵᠡᠯᠴᠡᠭᠡᠨ ᠶᠤᠮ᠃ ᠤᠨᠤᠭᠠᠴᠢᠳ ᠨᠢ ᠤᠯᠠᠩᠬᠢ ᠳᠠᠭᠠᠨ | 7 — 13 ᠨᠠᠰᠣᠨ ᠤ ᠬᠡᠦᠬᠡᠳ ᠪᠤᠯᠤᠨᠠ᠂ ᠮᠤᠷᠢ ᠪᠠᠨ ᠡᠮᠡᠭᠡᠯ ᠳᠣᠬᠤᠬᠤ ᠦᠬᠡᠢ ᠵᠠᠶᠢᠳᠠᠩ ᠤᠨᠤᠳᠠᠭ ᠪᠤᠯᠬᠤᠷ | ᠤᠷᠤᠯᠳᠣᠭᠠᠨ ᠤ ᠮᠤᠷᠢ ᠤᠨᠤᠬᠤ ᠨᠢ ᠳᠡᠭᠡᠳᠦ ᠬᠡᠮᠵᠢᠶᠡᠨ ᠤ ᠮᠤᠷᠢᠨ ᠮᠡᠷᠭᠡᠵᠢᠯ ᠤᠨ ᠤᠷᠠ ᠳᠡᠮ ᠢ ᠱᠠᠭᠠᠷᠳᠠᠳᠠᠭ᠃ | ᠮᠤᠷᠢᠨ ᠤᠷᠤᠯᠳᠣᠭᠠᠨ ᠡᠬᠢᠯᠡᠬᠦ ᠠᠴᠠ ᠡᠮᠦᠨᠡ ᠮᠤᠷᠢ ᠪᠤᠶᠤ ᠤᠨᠤᠭᠠᠴᠢᠳ ᠢ ᠳᠣᠭᠤᠶᠢᠯᠠᠩ ᠬᠤᠪᠢᠶᠠᠳᠠᠭ᠃ | ᠮᠤᠷᠢᠨ ᠤ ᠨᠠᠰᠣ ᠰᠢᠳᠦ ᠶᠢ ᠦᠨᠳᠦᠰᠦᠯᠡᠬᠦ ᠶᠢᠨ ᠳᠠᠭᠠᠤ ᠪᠠᠰᠠ ᠠᠯᠬᠤᠭᠠ ᠬᠢᠰᠬᠢᠭᠡ ᠪᠠᠷ ᠨᠢ ᠢᠯᠭᠠᠵᠤ ᠬᠤᠷᠳᠣᠨ᠂ | ᠵᠢᠷᠤᠭᠠ᠂ ᠬᠠᠳᠠᠷᠢᠭᠠ ᠬᠡᠬᠦ ᠮᠡᠳᠦ ᠪᠠᠷ ᠬᠤᠪᠢᠶᠠᠨ᠂ ᠠᠳᠠᠯᠢ ᠪᠤᠰᠣ ᠶᠢᠨ ᠵᠠᠢ ᠲᠠᠢ ᠪᠠᠷ ᠤᠷᠤᠯᠳᠣᠭᠤᠯᠳᠠᠭ᠃ | ᠭᠤᠷᠪᠠ᠄ ᠰᠣᠷ ᠬᠠᠷᠪᠤᠬᠤ | ᠰᠣᠷ ᠬᠠᠷᠪᠤᠬᠤ ᠪᠤᠯ ᠨᠡᠬᠦᠳᠡᠯᠴᠢᠨ ᠮᠤᠩᠭᠤᠯᠴᠤᠳ ᠤᠨ ᠠᠪᠠ ᠠᠩ ᠬᠢᠬᠦ᠂ ᠳᠠᠶᠢᠨ ᠪᠠᠶᠢᠯᠳᠣᠭᠠᠨ ᠳᠤ | ᠶᠠᠪᠤᠬᠤ ᠳᠤ ᠵᠠᠪᠠᠯ ᠱᠠᠭᠠᠷᠳᠠᠭᠳᠠᠳᠠᠭ ᠤᠷᠠ ᠮᠡᠷᠭᠡᠵᠢᠯ ᠪᠤᠯᠬᠤᠷ ᠲᠡᠷᠡ ᠨᠢ ᠡᠷᠬᠡᠪᠰᠢ ︽ᠡᠷᠡ ᠶᠢᠨ ᠭᠤᠷᠪᠠᠨ | ᠨᠠᠭᠠᠳᠣᠮ︾ ᠤᠨ ᠪᠠᠰᠠ ᠨᠢᠬᠡᠨ ᠲᠥᠷᠥᠯ ᠵᠦᠢᠯ ᠳᠤ ᠵᠢᠭᠰᠠᠭᠠᠭᠳᠠᠬᠤ ᠪᠤᠯᠵᠠᠢ᠃ | ᠰᠣᠷ ᠬᠠᠷᠪᠤᠬᠤ ᠤᠷᠤᠯᠳᠣᠭᠠᠨ ᠳᠤ ᠳᠣᠭᠳᠠᠭᠰᠠᠨ ᠵᠠᠢ ᠪᠠᠷ ᠫᠠᠢ ᠶᠢ ᠳᠣᠬᠢᠷᠠᠭᠤᠯᠳᠠᠭ᠃ ᠫᠠᠢ ᠨᠢ | ᠭᠤᠤᠯᠳᠠᠭᠤ ᠰᠠᠷᠠᠨ ᠫᠠᠢ᠂ ᠰᠣᠷ ᠫᠠᠢ᠂ ᠠᠷᠠᠰᠣᠨ ᠫᠠᠢ᠂ ᠪᠦᠮᠪᠦᠬᠡᠨ ᠫᠠᠢ᠂ ᠬᠦᠮᠦᠨ ᠬᠡᠯᠪᠡᠷᠢᠳᠦ ᠪᠠ ᠠᠷᠢᠶᠠᠳᠠᠨ | ᠠᠮᠢᠳᠠᠨ ᠤ ᠬᠡᠯᠪᠡᠷᠢᠳᠡᠢ ᠪᠠᠶᠢᠳᠠᠭ᠃ ᠡᠳᠡᠭᠡᠷ ᠫᠠᠢ ᠨᠤᠭᠤᠳ ᠢ ᠬᠠᠷᠪᠤᠬᠤ ᠬᠡᠯᠪᠡᠷᠢ ᠮᠠᠶ᠋ᠢᠭ ᠨᠢ ᠤᠯᠠᠨ ᠮᠥᠷᠳᠡᠭᠡᠨ | ᠤᠨᠴᠠᠯᠢᠭ ᠲᠠᠢ ᠶᠤᠮ᠃ ᠤᠷᠤᠯᠳᠣᠭᠠᠨ ᠳᠡᠬᠦᠰᠦᠭᠰᠡᠨ ᠤ ᠳᠠᠷᠠᠭᠠ ᠪᠠᠷ ᠰᠢᠯᠢᠳᠡᠭ ᠬᠠᠷᠪᠤᠭᠠᠴᠢᠳ ᠲᠤ ᠪᠠᠨ ᠢᠷᠠᠭᠤ | ᠠᠯᠳᠠᠷ ᠤᠨ ᠴᠣᠯᠠ ᠤᠯᠭᠤᠵᠤ᠂ ᠪᠦᠬᠡ ᠪᠤᠯᠤᠨ ᠮᠤᠷᠢᠨ ᠤᠷᠤᠯᠳᠣᠭᠠᠨ ᠲᠠᠢ ᠠᠳᠠᠯᠢ ᠪᠠᠷ ᠡᠳ᠋ ᠪᠤᠳᠠᠰ ᠢᠶᠠᠷ | ᠱᠠᠩᠨᠠᠨ ᠵᠤᠷᠢᠭᠵᠢᠭᠤᠯᠳᠠᠭ᠃ |