| ᠦᠦᠰᠢᠨ ᠨᠤᠳᠤᠬ ᠲᠤ ᠬᠦᠢᠳᠡᠨ ᠤ ᠡᠷᠴᠢ ᠴᠢᠩᠭᠠᠷᠠᠵᠤ ᠪᠠᠶᠢᠬᠰᠠᠨ 11 ᠰᠠᠷᠠ ᠶᠢᠨ 15 ᠤ ᠡᠳᠦᠷ᠃ ᠦᠦᠰᠢᠨ | ᠬᠤᠰᠢᠭᠤᠨ ᠤ ᠱᠠᠷᠯᠢᠬ ᠭᠤᠤᠯᠳᠠᠯᠭᠠᠳᠤ ᠪᠠᠭᠠ ᠰᠤᠷᠭᠠᠭᠤᠯᠢ ᠶᠢᠨ ᠴᠡᠪᠡᠷ ᠲᠡᠭᠰᠢᠬᠡᠨ ᠬᠦᠷᠢᠶᠡᠨ ᠳᠤ ᠬᠢᠴᠢᠶᠡᠯ ᠤᠨ ᠬᠡᠷ | ᠮᠦᠷ ᠮᠦᠷ ᠢᠶᠠᠷ ᠵᠢᠭᠳᠡᠷᠡᠨ᠂ ᠨᠠᠷᠠᠰᠤᠨ ᠮᠤᠳᠤᠳ ᠬᠦᠬᠡᠷᠡᠨ᠂ ᠬᠠᠶᠠ ᠬᠠᠶᠠ ᠬᠡᠦᠬᠡᠳ ᠤᠨ ᠢᠷᠠᠭᠤ ᠲᠤᠳᠤ | ᠤᠩᠰᠢᠯᠭᠠ ᠶᠢᠨ ᠲᠠᠭᠤᠨ ᠰᠤᠨᠤᠰᠳᠠᠨᠠ᠃ | ᠦᠦᠰᠢᠨ ᠬᠤᠰᠢᠭᠤᠨ ᠤ ᠰᠦᠯᠳᠡ ᠰᠤᠮᠤᠨ ᠳᠤ ᠪᠠᠶᠢᠷᠢᠯᠠᠭᠠ ᠱᠠᠷᠯᠢᠬ ᠭᠤᠤᠯᠳᠠᠯᠭᠠᠳᠤ ᠪᠠᠭᠠ ᠰᠤᠷᠭᠠᠭᠤᠯᠢ ᠪᠤᠯ | ᠦᠦᠰᠢᠨ ᠨᠤᠳᠤᠬ ᠤᠨ ᠴᠤᠷ ᠤᠨ ᠭᠠᠭᠴᠠ ᠮᠠᠯᠵᠢᠬᠤ ᠤᠷᠤᠨ ᠤ ᠰᠤᠷᠭᠠᠭᠤᠯᠢ ᠪᠤᠯᠤᠨᠠ᠃ ᠲᠤᠰ ᠰᠤᠷᠭᠠᠭᠤᠯᠢ ᠶᠢ ᠶᠡᠭᠡ | ᠵᠤᠬᠢᠶᠠᠯᠴᠢ ᠬᠡᠰᠢᠭᠪᠡᠳᠤ 1890 ᠤᠨ ᠳᠤ ᠡᠬᠦᠰᠬᠡᠨ ᠪᠠᠶᠢᠭᠤᠯᠵᠤ᠂ ᠬᠢᠴᠢᠶᠡᠯ ᠤᠨ ᠶᠡᠷᠦᠩᠬᠡᠶᠢᠯᠡᠭᠰᠡᠨ ᠴᠢᠨᠠᠷᠳᠠᠢ ᠨᠤᠮ | ᠪᠤᠯᠬᠤ ︽ᠬᠦᠶᠦᠬᠡᠨ ᠤᠳᠬᠠ ᠶᠢᠨ ᠲᠤᠪᠴᠢᠳᠤ ᠲᠤᠯᠢ︾ ᠶᠢ ᠦᠰᠦᠨ ᠪᠢᠷ ᠢᠶᠠᠷ ᠰᠡᠶᠢᠷᠡᠬᠦᠯᠦᠨ ᠤᠷᠳᠤᠰ ᠤᠨ ᠪᠠᠷᠠᠭᠤᠨ | ᠬᠡᠰᠡᠭ ᠤᠨ ᠬᠤᠰᠢᠭᠤᠳ ᠤᠨ ᠰᠤᠷᠭᠠᠭᠤᠯᠢ ᠶᠢᠨ ᠰᠤᠷᠬᠤ ᠪᠢᠴᠢᠭ ᠪᠤᠯᠭᠠᠵᠤ ᠪᠠᠶᠢᠬᠰᠠᠨ ᠢᠷᠠᠭᠤ ᠲᠡᠦᠬᠡ ᠲᠠᠢ᠃ 1918 | ᠤᠨ ᠳᠤ ᠲᠤᠬᠳᠠᠪᠤᠷᠢᠵᠢᠬᠰᠠᠨ᠂ ᠲᠦᠷᠢᠮᠵᠢᠭᠰᠡᠨ ᠰᠤᠷᠭᠠᠭᠤᠯᠢ ᠶᠢ ᠱᠠᠷᠯᠢᠬ ᠤᠨ ᠰᠦᠮᠠ ᠶᠢᠨ ᠤᠷᠤᠨ ᠲᠡᠭᠡᠷᠡ | ᠪᠠᠶᠢᠭᠤᠯᠤᠬᠰᠠᠨ ᠢᠶᠠᠨ ᠬᠡᠳᠦᠨᠳᠡ ᠲᠠᠷᠬᠠᠭᠠᠵᠤ ᠬᠡᠳᠦᠨᠳᠡ ᠲᠠᠬᠢᠨ ᠰᠡᠷᠬᠦᠬᠡᠨ ᠪᠠᠶᠢᠭᠤᠯᠤᠭᠠᠳ᠂ 1952 ᠤᠨ ᠳᠤ ᠵᠢᠩᠬᠢᠨᠢ | ᠠᠯᠪᠠᠨ ᠤ ᠰᠤᠷᠭᠠᠭᠤᠯᠢ ᠪᠤᠯᠭᠠᠪᠠ᠃ 1985 ᠤᠨ ᠳᠤ᠂ ᠭᠠᠴᠠᠭᠠᠨ ᠤ ᠪᠠᠭᠠ ᠰᠤᠷᠭᠠᠭᠤᠯᠢ ᠢ ᠨᠡᠶᠢᠯᠡᠬᠦᠯᠦᠬᠡᠳ ᠱᠠᠷᠯᠢᠬ | ᠭᠤᠤᠯᠳᠠᠯᠭᠠᠳᠤ ᠪᠠᠭᠠ ᠰᠤᠷᠭᠠᠭᠤᠯᠢ ᠪᠤᠯᠭᠠᠵᠤ ᠪᠠᠶᠢᠭᠤᠯᠪᠠ᠃ ᠮᠦᠨ 2012 ᠤᠨ ᠳᠤ᠂ 400 ᠲᠦᠮᠡᠨ ᠲᠦᠬᠦᠷᠢᠭ ᠤᠨ | ᠪᠡᠯᠡ ᠤᠷᠤᠭᠤᠯᠵᠤ ᠲᠤᠰ ᠰᠤᠷᠭᠠᠭᠤᠯᠢ ᠶᠢ ᠰᠢᠨᠡᠳᠬᠡᠨ ᠪᠠᠶᠢᠭᠤᠯᠵᠦ᠂ ᠤᠳᠤ ᠪᠠᠭᠠ ᠰᠤᠷᠭᠠᠭᠤᠯᠢ ᠶᠢᠨ 12 ᠠᠩᠬᠢ᠂ | ᠬᠡᠦᠬᠡᠳ ᠤᠨ ᠴᠡᠴᠡᠷᠯᠢᠭ ᠤᠨ 7 ᠠᠩᠬᠢ ᠲᠠᠢ ᠪᠠᠶᠢᠵᠤ᠂ ᠨᠡᠶᠢᠳᠡ 381 ᠰᠤᠷᠤᠬᠴᠢ᠂ 91 ᠪᠠᠭᠰᠢ ᠠᠵᠢᠯᠳᠠᠨ ᠲᠠᠢ᠃ | ᠴᠡᠪᠡᠷ ᠠᠭᠤᠵᠢᠮ ᠲᠠᠮᠢᠷ ᠤᠨ ᠲᠠᠯᠠᠪᠠᠢ᠂ ᠬᠠᠷᠠ ᠦᠩᠬᠡ ᠶᠢᠨ ᠰᠠᠮᠪᠠᠷᠠ ᠶᠢᠨ ᠰᠤᠨᠢᠨ ᠵᠡᠷᠬᠡ ᠨᠢ ᠡᠩ ᠤᠨ ᠪᠠᠭᠠ | ᠰᠤᠷᠭᠠᠭᠤᠯᠢ ᠠᠴᠠ ᠤᠨᠴᠠᠯᠢᠬᠳᠠᠬᠤ ᠵᠦᠢᠯ ᠠᠯᠠᠭᠠ ᠪᠤᠯᠪᠠᠴᠤ ᠲᠡᠭᠷᠢ ᠶᠢᠨ ᠦᠩᠬᠡ ᠲᠠᠢ ᠢᠵᠢᠯᠢᠰᠢᠭᠰᠡᠨ ᠬᠦᠬᠡ | ᠲᠡᠬᠡᠪᠦᠷ ᠲᠠᠢ᠂ ᠴᠠᠰᠤ ᠴᠠᠭᠠᠨ ᠪᠠᠷᠢᠯᠭᠠ ᠨᠢ ᠡᠨᠡ ᠬᠦ ᠰᠤᠮᠤᠨ ᠤ ᠰᠤᠷᠭᠠᠭᠤᠯᠢ ᠳᠤ ᠶᠡᠷᠦ ᠪᠤᠰᠤ ᠶᠢᠨ ᠦᠩᠬᠡ ᠬᠡᠷᠡᠯ | ᠨᠡᠮᠡᠷᠢᠯᠡᠨᠡ᠃ ᠮᠤᠩᠭᠤᠯ ᠬᠡ ᠤᠭᠠᠯᠵᠠ ᠪᠠᠷ ᠴᠢᠮᠡᠭᠯᠡᠭᠰᠡᠨ ᠡᠬᠦᠳᠡᠨ ᠤ ᠲᠡᠭᠡᠷᠡ ︽ᠮᠦᠩᠬᠡᠨᠠᠰᠤᠨ ᠤ ᠲᠤᠷᠠᠰᠬᠠᠯ ᠤᠨ | ᠤᠷᠳᠤᠨ︾ ᠬᠡᠬᠦ ᠮᠤᠩᠭᠤᠯ ᠬᠢᠳᠠᠳ ᠠᠩᠭ᠍ᠯᠢ ᠦᠰᠦᠭ ᠤᠨ ᠲᠦᠬᠦᠷᠢᠭ ᠭᠤᠶᠤᠬᠠᠨ ᠦᠰᠦᠭ ᠲᠤᠷᠠᠶᠢᠵᠤ ᠬᠠᠷᠠᠬᠳᠠᠨᠠ᠃ | ᠲᠤᠷᠠᠰᠬᠠᠯ ᠤᠨ ᠤᠷᠳᠤᠨ ᠤ ᠠᠷᠤ ᠳᠠᠬᠢ ᠨᠠᠷᠠᠰᠤᠨ ᠮᠤᠳᠤᠳ ᠡᠪᠦᠯ ᠤᠨ ᠬᠦᠢᠳᠡᠨ ᠳᠤ ᠠᠵᠢᠬ ᠦᠬᠡᠢ ᠰᠦᠭᠯᠦ᠋ᠢᠵᠦ᠂ | ᠪᠠᠭᠠᠳᠤᠷ ᠤᠨ ᠵᠤᠷᠢᠬ ᠰᠠᠨᠠᠭᠠ ᠶᠢ ᠦᠨᠢᠳᠡ ᠮᠦᠩᠬᠡᠯᠡᠬᠦ ᠬᠡᠵᠦ ᠪᠠᠶᠢᠭᠠ ᠶᠤᠮ ᠰᠢᠬ ᠰᠠᠨᠠᠬᠳᠠᠭᠤᠯᠤᠨᠠ᠃ | ᠪᠢᠳᠡ ᠲᠤᠷᠠᠰᠬᠠᠯ ᠤᠨ ᠤᠷᠳᠤᠨ ᠤ ᠡᠬᠦᠳᠡ ᠪᠠᠷ ᠲᠤᠳᠤᠬᠰᠢᠯᠠᠪᠠᠯ᠂ ᠲᠤᠬᠴᠢ ᠮᠦᠩᠬᠡᠨᠠᠰᠤᠨ ᠤ ᠬᠠᠷᠠ ᠦᠩᠬᠡ ᠶᠢᠨ | ᠱᠤᠭᠤᠮᠠᠯ ᠢ ᠪᠤᠰᠬᠠᠨ ᠲᠠᠯᠪᠢᠵᠠᠢ᠃ ᠶᠠᠬ ᠲᠡᠭᠡᠷᠡ ᠨᠢ᠂ ᠴᠠᠭᠠᠨ ᠮᠠᠯᠠᠭᠠᠢ ᠲᠠᠯᠪᠢᠬᠰᠠᠨ᠂ ᠬᠠᠯᠠᠭᠤᠬᠠᠨ ᠴᠢᠷᠠᠢ ᠲᠠᠢ᠂ | ᠦᠮᠦᠳᠦ ᠪᠠᠨ ᠱᠤᠭᠤᠭᠠᠳ ᠮᠤᠲ᠋ᠤᠷ ᠲᠡᠭᠡᠷᠡ ᠲᠦᠷᠦᠬᠡᠯᠡᠭᠰᠡᠨ ᠮᠦᠩᠬᠡᠨᠡᠰᠤᠨ ᠤ ᠵᠢᠷᠤᠬ ᠢ ᠲᠠᠯᠪᠢᠵᠤ᠂ ᠠᠷᠤ ᠳᠤᠨᠢ ᠦᠪᠦᠷ | ᠮᠤᠩᠭᠤᠯ ᠤᠨ ᠡᠳᠦᠷ ᠤᠨ ᠰᠤᠨᠢᠨ ᠤ ᠬᠤᠷᠢᠶᠠ ᠶᠢᠨ ᠠᠯᠪᠠᠯᠠᠬᠤ ᠠᠰᠠᠷ ᠪᠠᠶᠢᠨᠠ᠃ ᠲᠤᠷᠠᠰᠬᠠᠯ ᠤᠨ ᠤᠷᠳᠤᠨ ᠨᠢ ᠤᠨᠠᠭᠠᠨ | ᠪᠠᠭᠠ ᠨᠠᠰᠤ᠂ ᠬᠢᠯᠠᠷᠠᠭᠤᠯᠵᠤ ᠶᠠᠪᠤᠬᠰᠠᠨ ᠵᠢᠪᠬᠤᠭᠠ᠂ ᠭᠠᠨᠵᠤᠭᠠ ᠲᠦᠬᠦᠷᠡᠩ ᠪᠦᠳᠦᠬᠡᠯ᠂ ᠲᠤᠬᠴᠢ ᠮᠦᠩᠬᠡᠨᠠᠰᠤᠨ ᠤ | ᠬᠤᠷᠢᠶᠠᠵᠤ ᠬᠠᠳᠠᠭᠠᠯᠠᠬᠰᠠᠨ ᠨᠤᠮ ᠰᠡᠳᠬᠦᠯ᠂ ᠲᠤᠬᠴᠢ ᠮᠦᠩᠬᠡᠨᠠᠰᠤᠨ ᠤ ︽ᠲᠤᠮᠳᠠᠳᠤ ᠤᠯᠤᠰ ᠤᠨ ᠮᠤᠩᠭᠤᠯᠴᠤᠳ — | ᠨᠡᠬᠦᠳᠡᠯ ᠮᠠᠯᠵᠢᠯ ᠤᠨ ᠰᠤᠶᠤᠯ ᠤᠨ ᠬᠡᠷᠡᠯ ᠵᠢᠷᠤᠬ ᠤᠨ ᠦᠵᠡᠰᠬᠦᠯᠡᠩ︾ ᠤᠨ ᠰᠤᠩᠭᠤᠳᠠᠬ ᠪᠦᠳᠦᠬᠡᠯ ᠬᠡᠬᠦ ᠬᠡᠳᠦᠨ | ᠬᠡᠰᠡᠭ ᠲᠤ ᠬᠤᠪᠢᠶᠠᠬᠳᠠᠵᠤ᠂ ᠮᠦᠩᠬᠡᠨᠠᠰᠤᠨ ᠤ ᠬᠡᠷᠡᠯ ᠵᠢᠷᠤᠬ᠂ ᠲᠤᠰᠤᠨ ᠪᠤᠳᠤᠬ ᠤᠨ ᠵᠢᠷᠤᠬ᠂ ᠤᠷᠠᠨ ᠪᠢᠴᠢᠯᠬᠡ ᠶᠢ | ᠲᠡᠯᠬᠡᠨ ᠦᠵᠡᠬᠦᠯᠦᠭᠰᠡᠨ ᠢᠶᠠᠷ ᠪᠠᠷᠠᠬᠤ ᠦᠬᠡᠢ ᠲᠡᠭᠦᠨ ᠤ ᠵᠠᠷᠤᠵᠤ ᠬᠡᠷᠡᠭᠯᠡᠵᠦ ᠪᠠᠶᠢᠬᠰᠠᠨ ᠬᠡᠷᠡᠯ ᠵᠢᠷᠤᠬ ᠤᠨ ᠮᠠᠰᠢᠨ᠂ | ᠮᠠᠶᠢᠬᠠᠨ ᠴᠢᠨᠠᠬᠰᠢᠯᠠᠨ ᠠᠶᠠᠨᠴᠢᠳ ᠤᠨ ᠮᠠᠰᠢᠨ ᠤ ᠪᠢᠯᠧᠲ ᠢ ᠬᠦᠷᠳᠡᠯᠡ ᠲᠡᠯᠬᠡᠨ ᠦᠵᠡᠬᠦᠯᠵᠦ ᠪᠠᠶᠢᠯᠠ᠃ | ᠮᠦᠩᠬᠡᠨᠠᠰᠤᠨ ᠪᠤᠯ ︽ᠪᠦᠬᠦ ᠤᠯᠤᠰ ᠤᠨ ᠰᠢᠨᠠ ᠠᠶᠠᠨ ᠲᠠᠶᠢᠨ ᠤ ᠭᠠᠪᠰᠢᠭᠠᠶᠢᠢᠯᠠᠬᠴᠢ︾᠂ ︽ᠪᠦᠬᠦ ᠤᠷᠤᠨ ᠤ | ᠬᠦᠳᠡᠯᠮᠦᠷᠢ ᠶᠢᠨ ᠵᠢᠱᠢᠶᠡᠴᠢ︾᠂ ︽ᠦᠪᠦᠷ ᠮᠤᠩᠭᠤᠯ ᠤᠨ ᠭᠤᠷᠪᠠᠳᠤᠭᠠᠷ ᠤᠳᠠᠭᠠ ᠶᠢᠨ ᠠᠷᠪᠠᠨ ᠰᠢᠯᠢᠳᠡᠭ | ᠰᠤᠷᠪᠤᠯᠵᠢᠯᠠᠬᠴᠢ︾ ᠵᠡᠷᠭᠡ ᠢᠷᠠᠭᠤ ᠠᠯᠳᠠᠷ ᠢ ᠬᠦᠷᠳᠡᠭᠰᠡᠨ ᠮᠤᠩᠭᠤᠯᠴᠤᠳ ᠤᠨ ᠨᠡᠬᠦᠳᠡᠯ ᠮᠠᠯᠵᠢᠯ ᠤᠨ ᠰᠤᠶᠤᠯ ᠤᠨ ᠦᠨᠢᠷ | ᠦᠪ ᠢ ᠠᠪᠤᠷᠠᠨ ᠬᠠᠮᠠᠭᠠᠯᠠᠬᠰᠠᠨ ᠭᠠᠷᠮᠠᠭᠠᠢ ᠵᠢᠳᠬᠦᠯᠳᠡᠨ᠂ ᠨᠡᠷᠡᠳᠦ ᠰᠡᠬᠦᠳᠡᠷᠯᠡᠭᠴᠢ ᠪᠦᠬᠡᠳ ᠵᠢᠷᠤᠬᠴᠢᠨ ᠪᠤᠯᠤᠨᠠ᠃ | ᠮᠦᠩᠬᠡᠨᠠᠰᠤᠨ ᠦᠪᠦᠷ ᠮᠤᠩᠭᠤᠯ ᠤᠨ ᠡᠳᠦᠷ ᠤᠨ ᠰᠤᠨᠢᠨ ᠤ ᠬᠤᠷᠢᠶᠠ ᠳᠤ ᠪᠦᠬᠦᠯᠢ 19 ᠵᠢᠯ ᠠᠵᠢᠯᠯᠠᠵᠤ᠂ ᠦᠪᠦᠷ | ᠮᠤᠩᠭᠤᠯ ᠤᠨ ᠡᠳᠦᠷ ᠤᠨ ᠰᠤᠨᠢᠨ ᠤ ᠮᠤᠩᠭᠤᠯ ᠦᠰᠦᠭ ᠤᠨ ᠬᠡᠪᠯᠡᠯ ᠲᠢᠭ ᠢ ᠬᠠᠯᠠᠨ ᠰᠠᠶᠢᠵᠢᠷᠠᠭᠤᠯᠬᠤ ᠪᠠ ᠰᠢᠨᠠ ᠲᠢᠭ ᠢ | ᠺᠤᠮᠫᠢᠦ᠋ᠲ᠋ᠧᠷ ᠲᠤ ᠤᠷᠤᠭᠤᠯᠬᠤ ᠳᠤ ᠮᠠᠰᠢ ᠶᠡᠭᠡ ᠬᠤᠪᠢ ᠨᠡᠮᠡᠷᠢ ᠦᠵᠡᠬᠦᠯᠵᠡᠢ᠃ | ᠮᠦᠩᠬᠡᠨᠠᠰᠤᠨ 1968 ᠤᠨ ᠳᠤ ᠦᠦᠰᠢᠨ ᠬᠤᠰᠢᠭᠤᠨ ᠤ ᠱᠠᠷᠯᠢᠬ ᠭᠤᠤᠯᠳᠠᠯᠭᠠᠳᠤ ᠪᠠᠭᠠ ᠰᠤᠷᠭᠠᠭᠤᠯᠢ ᠠᠴᠠ | ᠲᠡᠬᠦᠰᠴᠦ᠂ 1980 ᠤᠨ ᠳᠤ ᠦᠪᠦᠷ ᠮᠤᠩᠭᠤᠯ ᠤᠨ ᠪᠠᠭᠰᠢ ᠶᠢᠨ ᠶᠡᠭᠡ ᠰᠤᠷᠭᠠᠭᠤᠯᠢ ᠶᠢᠨ ᠤᠷᠠᠨ ᠵᠢᠷᠤᠬ ᠤᠨ | ᠰᠠᠯᠪᠤᠷᠢ ᠳᠤ ᠰᠢᠯᠭᠠᠨ ᠤᠷᠤᠵᠤ᠂ ᠲᠡᠬᠦᠰᠦᠭᠰᠡᠨ ᠤ ᠪᠠᠨ ᠲᠠᠷᠠᠭᠠ ᠦᠪᠦᠷ ᠮᠤᠩᠭᠤᠯ ᠤᠨ ᠡᠳᠦᠷ ᠤᠨ ᠰᠤᠨᠢᠨ ᠤ | ᠬᠤᠷᠢᠶᠠᠨ ᠳᠤ ᠠᠵᠢᠯ ᠤᠨ ᠭᠠᠷᠤᠭᠠ ᠠᠪᠴᠠᠢ᠃ ᠮᠦᠩᠬᠡᠨᠠᠰᠤᠨ ᠨᠡᠬᠦᠳᠡᠯ ᠮᠠᠯᠵᠢᠯ ᠤᠨ ᠰᠤᠶᠤᠯ ᠤᠨ ᠦᠪ ᠬᠦᠷᠦᠩᠬᠡ | ᠴᠠᠬ ᠤᠨ ᠡᠷᠬᠡ ᠪᠠᠷ ᠨᠢᠮᠬᠡᠷᠡᠨ ᠤᠰᠠᠳᠴᠤ ᠪᠠᠶᠢᠭᠠ ᠶᠢ ᠰᠡᠷᠡᠵᠦ ᠮᠡᠳᠡᠬᠡᠳ᠂ ᠲᠤᠮᠳᠠᠳᠤ ᠤᠯᠤᠰ ᠤᠨ ᠬᠢᠯᠢ ᠲᠤᠳᠤᠷᠠᠬᠢ | ᠨᠡᠬᠦᠳᠡᠯ ᠮᠠᠯᠵᠢᠯ ᠤᠨ ᠰᠤᠶᠤᠯ ᠢ ᠠᠪᠤᠷᠠᠨ ᠬᠠᠮᠠᠭᠠᠯᠠᠬᠤ ᠵᠤᠷᠢᠯᠭᠠ ᠪᠠᠷ᠂ ᠠᠵᠢᠯ ᠤᠨ ᠴᠢᠯᠦᠬᠡ ᠵᠠᠪᠰᠠᠷ ᠪᠤᠶᠤ ᠠᠵᠢᠯ ᠤᠨ | ᠤᠴᠢᠷ ᠢᠶᠠᠷ ᠮᠤᠲ᠋ᠤᠷ ᠢᠶᠠᠨ ᠤᠨᠤᠵᠤ᠂ ᠬᠡᠷᠡᠯ ᠵᠢᠷᠤᠬ ᠤᠨ ᠮᠠᠰᠢᠨ ᠪᠤᠯᠤᠨ ᠮᠠᠶᠢᠬᠠᠨ ᠢᠶᠠᠨ ᠠᠪᠴᠤ᠂ ᠬᠤᠷᠢ ᠭᠠᠷᠤᠢ | ᠵᠢᠯ ᠤᠨ ᠲᠤᠷᠰᠢ ᠬᠡᠳᠦᠨ ᠲᠦᠮᠡᠨ ᠺᠢᠯᠦᠮᠧᠳ᠋ᠷ ᠠᠶᠠᠯᠠᠨ᠂ 10 ᠲᠦᠮᠡ ᠤᠷᠴᠢᠮ ᠤᠨ ᠨᠡᠬᠦᠳᠡᠯ ᠮᠠᠯᠵᠢᠯ ᠤᠨ ᠰᠡᠳᠦᠪ ᠲᠠᠢ | ᠬᠡᠷᠡᠯ ᠵᠢᠷᠤᠬ ᠢ ᠰᠡᠬᠦᠳᠡᠷᠯᠡᠨ ᠦᠯᠡᠳᠡᠭᠡᠭᠰᠡᠨ ᠪᠠᠶᠢᠨᠠ᠃ 2001 ᠤᠨ ᠤ 9 ᠰᠠᠷᠠ ᠶᠢᠨ 2 ᠤᠨ ᠡᠳᠦᠷ᠂ ᠪᠠᠷᠠᠭᠤᠨ | ᠰᠦᠨᠢᠳ ᠤᠨ ᠬᠦᠨᠳᠦ ᠬᠡᠴᠡᠬᠦᠦ ᠭᠠᠩ ᠬᠠᠭᠰᠠᠷᠠᠭᠠᠨ ᠢ ᠰᠤᠷᠪᠤᠯᠵᠢᠯᠠᠬᠤ ᠪᠠᠷ ᠶᠠᠪᠤᠭᠠᠳ ᠬᠦᠬᠡᠬᠤᠳᠠ ᠳᠤ ᠪᠤᠴᠠᠵᠤ ᠢᠷᠡᠬᠦ | ᠵᠠᠮ ᠳᠠᠭᠠᠨ᠂ ᠠᠵᠠ ᠪᠤᠰᠤ ᠶᠢᠨ ᠲᠡᠷᠬᠡᠨ ᠠᠳᠡᠯ ᠢᠶᠠᠷ ᠲᠦᠴᠢᠨ ᠨᠠᠶᠢᠮᠠᠳᠠᠢ ᠨᠠᠰᠤ ᠪᠠᠷᠠᠵᠠᠢ᠃ ᠮᠦᠩᠬᠡᠨᠠᠰᠤᠨ ᠤᠤᠯ ᠨᠢ | ᠵᠤᠬᠢᠶᠠᠯ ᠪᠦᠳᠦᠬᠡᠯ᠂ ᠡᠳ᠋ᠯᠡᠯ ᠬᠡᠷᠡᠭᠰᠡᠯ ᠢᠶᠠᠨ ᠡᠬᠡ ᠰᠤᠷᠭᠠᠭᠤᠯᠢ ᠳᠠᠭᠠᠨ ᠦᠯᠡᠳᠡᠬᠡᠨ ᠦᠭᠴᠦ ᠬᠠᠨᠳᠢᠪᠯᠠᠨᠠ ᠬᠡᠵᠦ | ᠬᠡᠷᠢᠶᠡᠰᠦ ᠦᠯᠡᠳᠡᠭᠡᠭᠰᠡᠨ ᠪᠤᠯᠬᠤᠷ᠂ 2008 ᠤᠨ ᠳᠤ ᠮᠦᠩᠬᠡᠨᠠᠰᠤᠨ ᠤ ᠲᠤᠷᠠᠰᠬᠠᠯ ᠤᠨ ᠤᠷᠳᠤᠨ ᠢ ᠪᠠᠶᠢᠭᠤᠯᠪᠠ᠃ | ᠲᠤᠰ ᠲᠤᠷᠠᠰᠬᠠᠯ ᠤᠨ ᠤᠷᠳᠤᠨ ᠨᠢ ᠤᠷᠢᠳ ᠬᠤᠵᠢᠳ ᠵᠠᠯᠠᠭᠤᠴᠤᠳ ᠪᠠᠭᠠᠴᠤᠳ ᠤᠨ ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠲᠧᠭᠨᠢᠭ | ᠮᠡᠷᠬᠡᠵᠢᠯ ᠢ ᠲᠦᠬᠡᠮᠡᠯᠵᠢᠬᠦᠯᠬᠦ ᠬᠦᠮᠦᠵᠢᠯ ᠤᠨ ᠰᠠᠭᠤᠷᠢᠨ᠂ ᠦᠦᠰᠢᠨ ᠬᠤᠰᠢᠭᠤᠨ ᠤ ᠲᠤᠮᠳᠠᠳᠤ ᠪᠠᠭᠠ ᠰᠤᠷᠭᠠᠭᠤᠯᠢ ᠶᠢᠨ | ᠪᠤᠯᠪᠠᠰᠤᠨ ᠮᠤᠷᠠᠯ ᠤᠨ ᠬᠦᠮᠦᠵᠢᠯ ᠤᠨ ᠰᠠᠭᠤᠷᠢᠨ᠂ ᠨᠡᠬᠦᠳᠡᠯ ᠮᠠᠯᠵᠢᠯ ᠤᠨ ᠰᠤᠶᠤᠯ ᠤᠨ ᠬᠦᠮᠦᠵᠢᠯ ᠦᠢᠯᠡᠳᠦᠯᠬᠡ ᠶᠢᠨ | ᠰᠠᠭᠤᠷᠢᠨ᠂ ᠪᠦᠬᠦ ᠤᠯᠤᠰ ᠤᠨ ᠵᠠᠯᠠᠭᠤᠴᠤᠳ ᠪᠠᠭᠠᠴᠤᠳ ᠤᠨ ᠪᠤᠯᠪᠠᠰᠤᠨ ᠶᠤᠰᠤᠯᠠᠯ ᠤᠨ ᠬᠦᠮᠦᠵᠢᠯ ᠤᠨ ᠵᠢᠱᠢᠶᠠ | ᠦᠵᠡᠬᠦᠯᠬᠦ ᠰᠠᠭᠤᠷᠢᠨ ᠪᠤᠯᠤᠬᠰᠠᠨ ᠪᠠᠶᠢᠨᠠ᠃ | — ᠮᠠᠨ ᠤ ᠰᠤᠷᠭᠠᠭᠤᠯᠢ ᠨᠢ ᠡᠨᠡ ᠲᠤᠷᠠᠰᠬᠠᠯ ᠤᠨ ᠤᠷᠳᠤᠨ ᠢ ᠵᠦᠪᠬᠡᠨ ᠭᠠᠳᠠᠨᠠ ᠠᠴᠠ ᠢᠷᠡᠭᠰᠡᠨ ᠬᠡᠶᠢᠴᠢᠨ | ᠵᠤᠴᠢᠳ ᠲᠤ ᠦᠵᠡᠬᠦᠯᠳᠡᠭ ᠦᠵᠡᠮᠦᠷᠢ ᠶᠢᠨ ᠶᠠᠭᠤᠮᠠ ᠪᠤᠯᠭᠠᠬᠰᠠᠨ ᠦᠬᠡᠢ᠃ ᠬᠦᠯᠦᠨ ᠪᠤᠶᠢᠷ᠂ ᠤᠯᠠᠭᠠᠠᠬᠠᠳᠠ᠂ | ᠰᠢᠯᠢ ᠶᠢᠨ ᠭᠤᠤᠯ᠂ ᠠᠯᠠᠱᠠ ᠵᠡᠷᠬᠡ ᠠᠶᠢᠮᠠᠬ ᠬᠤᠳᠠ ᠠᠴᠠ ᠪᠠᠷᠤᠬ ᠵᠢᠯ ᠪᠤᠯᠭᠠᠨ 400 ᠭᠠᠷᠤᠢ ᠬᠦᠮᠦᠨ ᠤᠳᠠᠭᠠ ᠶᠢᠨ | ᠪᠠᠭᠰᠢ ᠰᠤᠷᠤᠬᠴᠢᠳ ᠢᠷᠡᠵᠦ ᠲᠤᠭᠤᠷᠢᠨ ᠦᠵᠡᠵᠦ ᠰᠤᠷᠤᠯᠴᠠᠳᠠᠬ᠃ ᠦᠦᠰᠢᠨ ᠬᠤᠰᠢᠭᠤᠨ ᠤ ᠮᠤᠩᠭᠤᠯ ᠪᠠᠭᠠ | ᠰᠤᠷᠭᠠᠭᠤᠯᠢ ᠮᠡᠳᠦ ᠶᠢᠨ ᠤᠷᠳᠤᠰ ᠬᠤᠳᠠ ᠶᠢᠨ ᠡᠯᠡ ᠬᠤᠰᠢᠭᠤᠨ ᠤ ᠰᠤᠷᠭᠠᠭᠤᠯᠢ ᠶᠢᠨ ᠰᠤᠷᠤᠬᠴᠢᠳ ᠢᠷᠡᠵᠦ ᠲᠤᠭᠤᠷᠢᠨ | ᠦᠵᠡᠵᠦ ᠰᠤᠷᠤᠯᠴᠠᠳᠠᠬ᠃ ᠡᠬᠦᠨ ᠢᠶᠠᠷ ᠪᠠᠷᠠᠬᠤ ᠦᠬᠡᠢ᠂ ᠰᠤᠷᠤᠯᠭᠠ ᠶᠢᠨ ᠬᠤᠭᠤᠴᠠᠭᠠ ᠪᠤᠯᠭᠠᠨ 1 — 3 | ᠤᠳᠠᠭᠠ ᠶᠢᠨ ᠬᠡᠷ ᠤᠨ ᠠᠬᠠᠮᠠᠳ ᠤᠨ ᠬᠤᠷᠠᠯ ᠬᠢᠵᠦ᠂ ᠲᠡᠳᠡ ᠨᠡᠷ ᠢ ᠮᠦᠩᠬᠡᠨᠠᠰᠤᠨ ᠤ ᠲᠤᠷᠠᠰᠬᠠᠯ ᠤᠨ ᠤᠷᠳᠤᠨ ᠢᠶᠠᠷ | ᠲᠤᠭᠤᠷᠢᠨ ᠦᠵᠡᠬᠦᠯᠳᠡᠭ᠃ 1 — 6 ᠳ᠋ᠤᠭᠠᠷ ᠤᠨ ᠤ ᠶᠤᠰᠤ ᠮᠤᠷᠠᠯ ᠤᠨ ᠬᠢᠴᠢᠶᠡᠯ ᠲᠡᠭᠡᠷᠡ᠂ ᠮᠦᠩᠬᠡᠨᠠᠰᠤᠨ ᠤ | ᠲᠤᠷᠠᠰᠬᠠᠯ ᠤᠨ ᠤᠷᠳᠤᠨ ᠳᠤ ᠬᠦᠷᠴᠦ ᠲᠤᠬᠠᠢ ᠶᠢᠨ ᠲᠠᠯᠠᠪᠠᠢ ᠳᠤ ᠬᠢᠴᠢᠶᠡᠯᠯᠡᠭᠡ ᠬᠢᠳᠡᠭ ᠬᠡᠵᠦ ᠦᠦᠰᠢᠨ ᠬᠤᠰᠢᠭᠤᠨ ᠤ | ᠱᠠᠷᠯᠢᠬ ᠭᠤᠤᠯᠳᠠᠯᠭᠠᠳᠤ ᠪᠠᠭᠠ ᠰᠤᠷᠭᠠᠭᠤᠯᠢ ᠶᠢᠨ ᠬᠡᠯᠡ ᠪᠢᠴᠢᠭ ᠤᠨ ᠪᠠᠭᠰᠢ ᠵᠢ᠊ · ᠤᠶᠤᠨᠳᠠᠯᠠᠢ ᠠᠴᠠ ᠮᠦᠩᠬᠡᠨᠠᠰᠤᠨ ᠤ | ᠲᠤᠷᠠᠰᠬᠠᠯ ᠤᠨ ᠤᠷᠳᠤᠨ ᠢ ᠬᠢᠴᠢᠶᠡᠯᠯᠡᠭᠡ ᠳᠡᠭᠡᠨ ᠬᠡᠷᠬᠢᠨ ᠡᠪᠳᠡᠢ ᠠᠰᠢᠬᠯᠠᠵᠤ ᠪᠠᠶᠢᠬᠤ ᠲᠠᠯᠠ ᠪᠠᠷ ᠲᠠᠨᠢᠯᠴᠠᠭᠤᠯᠭᠠ ᠬᠢᠨᠠ᠃ | | ᠵᠢ᠊ · ᠤᠶᠤᠨᠳᠠᠯᠠᠢ ᠪᠠᠰᠠ ᠵᠠᠯᠭᠠᠭᠠᠳ᠄ ︽ᠮᠦᠩᠬᠡᠨᠠᠰᠤᠨ ᠡᠴᠦᠰ ᠤᠨ ᠠᠮᠢᠰᠬᠤᠭᠠ ᠪᠠᠨ ᠬᠤᠷᠢᠶᠠᠬᠤ ᠪᠤᠯᠳᠠᠯᠠ | ᠨᠠᠮ ᠤᠨ ᠰᠤᠨᠢᠨ ᠮᠡᠳᠡᠬᠡᠨ ᠤ ᠦᠢᠯᠡᠰ ᠲᠤ ᠵᠢᠳᠬᠦᠵᠦ᠂ ᠨᠠᠮ ᠳᠠᠭᠠᠨ ᠦᠨᠡᠨᠴᠢ ᠰᠢᠳᠤᠷᠭᠤ᠂ ᠡᠬᠡ ᠨᠤᠳᠤᠬ ᠠᠷᠠᠳ | ᠲᠦᠮᠡᠨ ᠳᠡᠭᠡᠨ ᠬᠠᠶᠢᠷᠠᠳᠠᠢ ᠪᠠᠶᠢᠵᠤ᠂ ᠬᠤᠶᠢᠴᠢ ᠦᠶᠡ ᠳᠡᠭᠡᠨ ᠦᠪᠯᠡᠵᠦ ᠡᠳ᠋ᠯᠡᠬᠡᠳ ᠪᠠᠷᠠᠰᠢ ᠦᠬᠡᠢ ᠰᠤᠶᠤᠯ ᠤᠨ ᠦᠪ | ᠬᠦᠨᠡᠰᠦ ᠶᠢ ᠦᠯᠡᠳᠡᠬᠡᠨ ᠦᠭᠴᠦ᠂ ᠬᠤᠶᠢᠴᠢ ᠨᠢᠬᠡ ᠦᠶᠡ ᠶᠢᠨ ᠬᠢᠨ ᠤ ᠲᠠᠭᠤᠷᠢᠶᠠᠨ ᠰᠤᠷᠤᠯᠴᠠᠬᠤ ᠦᠯᠢᠬᠡᠷ ᠲᠠᠭᠤᠷᠢᠶᠠᠯ᠂ | ᠠᠮᠢᠳᠤ ᠵᠢᠱᠢᠶᠠ ᠪᠤᠯᠪᠠ᠃ ᠲᠡᠬᠦᠨ ᠤ ᠠᠯᠢᠪᠠ ᠵᠦᠢᠯ ᠢ ᠨᠠᠷᠢᠨ ᠨᠢᠬᠳᠠ ᠰᠤᠳᠤᠯᠬᠤ ᠨᠠᠷᠢᠨ ᠬᠢᠨᠠᠮᠠᠭᠠᠢ ᠤᠪᠤᠷ ᠰᠤᠷᠳᠠᠯ᠂ | ᠬᠢᠵᠠᠭᠠᠷ ᠲᠠᠢ ᠠᠮᠢ ᠨᠠᠰᠤ ᠪᠠᠨ ᠬᠢᠵᠠᠭᠠᠷ ᠦᠬᠡᠢ ᠦᠢᠯᠡᠰ ᠲᠤ ᠵᠤᠷᠢᠭᠤᠯᠬᠤ ᠵᠤᠷᠢᠬ ᠰᠠᠨᠠᠭᠠ ᠨᠢ ᠦᠶᠠ ᠦᠶᠠ ᠶᠢᠨ | ᠬᠡᠦᠬᠡᠳ ᠪᠠᠭᠠᠴᠤᠳ ᠲᠤ ᠬᠦᠮᠦᠵᠢᠯ ᠬᠦᠷᠳᠡᠬᠡᠵᠦ᠂ ᠬᠤᠵᠢᠮ ᠡᠨᠡ ᠨᠤᠳᠤᠬ ᠠᠴᠠ ᠨᠡᠩ ᠤᠯᠠᠨ ᠮᠦᠩᠬᠡᠨᠠᠰᠤᠨ ᠴᠤᠯᠭᠤᠷᠠᠨ | ᠭᠠᠷᠴᠤ᠂ ᠡᠬᠡ ᠤᠯᠤᠰ ᠲᠠᠭᠠᠨ ᠬᠦᠴᠦᠨ ᠢᠶᠠᠨ ᠡᠷᠬᠦᠬᠦ ᠪᠤᠯᠤᠨᠠ︾ ᠬᠡᠵᠦ ᠭᠡᠯᠡᠨᠠ᠃ |