— ᠠᠷᠠᠰᠤᠨ ᠡᠳ᠋ᠯᠡᠯ ᠠᠳᠤᠭᠤᠨ ᠰᠤᠶᠤᠯ ᠤᠨ ᠤᠷᠤᠨ | ᠤ ᠳᠡᠰ ᠤᠨ ᠪᠤᠳᠠᠰ ᠤᠨ ᠪᠤᠰᠤ ᠰᠤᠶᠤᠯ ᠤᠨ ᠥᠪ ᠤᠨ | ᠤᠯᠠᠮᠵᠢᠯᠠᠭᠴᠢ ᠡᠷᠳᠡᠨᠢᠪᠠᠶᠠᠷ ᠢ ᠳᠡᠮᠳᠡᠭᠯᠡᠪᠡ | ᠭᠥᠬᠡ ᠳᠡᠭᠷᠢ ᠬᠥᠰᠢᠬᠡ ᠪᠠᠨ ᠰᠡᠬᠦᠵᠤ᠂ ᠬᠥᠷᠥᠰᠤᠳᠤ ᠭᠠᠵᠠᠷ ᠬᠥᠴᠥ ᠨᠡᠮᠡᠭᠰᠡᠨ ᠠᠯᠳᠠᠨ ᠰᠢᠷᠭᠠᠯ | ᠨᠠᠮᠤᠷ ᠤᠨ ᠡᠨᠡ ᠰᠠᠶᠢᠬᠠᠨ ᠤᠯᠠᠷᠢᠯ ᠳᠤ ᠮᠠᠨ ᠤ ᠬᠤᠳᠠ ᠰᠤᠶᠤᠯ ᠤᠨ ᠠᠵᠤ ᠥᠢᠯᠡᠰ ᠤᠨ ᠥᠵᠡᠰᠬᠦᠯᠡᠩ | ᠰᠤᠯᠢᠯᠴᠠᠭᠠ᠂ ᠳᠠᠯᠠ ᠨᠤᠳᠤᠭ ᠤᠨ ᠳᠤᠷᠭᠠᠨ ᠵᠠᠮ ᠤᠨ ᠰᠤᠶᠤᠯ ᠵᠤᠭᠠᠴᠠᠯ ᠤᠨ ᠨᠠᠶᠢᠷ ᠵᠡᠷᠭᠡ ᠡᠯᠪᠡᠭ ᠪᠠᠶᠠᠯᠢᠭ | ᠠᠭᠤᠯᠭᠠ ᠪᠥᠬᠦᠢ ᠠᠵᠢᠯᠯᠠᠭᠠ ᠨᠤᠭᠤᠳ ᠢ ᠥᠷᠨᠢᠬᠦᠯᠵᠤ᠂ ᠬᠥᠮᠥᠨ ᠠᠷᠠᠳ ᠢᠶᠠᠨ ᠪᠠᠶᠠᠰᠬᠠᠨ ᠨᠤᠳᠤᠭ | ᠤᠷᠤᠨ ᠤ ᠪᠠᠨ ᠰᠤᠶᠤᠯ ᠳᠡᠤᠬᠡ ᠪᠠᠨ ᠭᠠᠳᠠᠭᠰᠢ ᠤᠬᠠᠭᠤᠯᠤᠨ ᠳᠠᠨᠢᠯᠴᠠᠭᠤᠯᠬᠤ ᠶᠢᠨ ᠬᠠᠮᠳᠤ ᠰᠤᠶᠤᠯ ᠳᠡᠤᠬᠡ ᠶᠢᠨ | ᠵᠥᠢᠯᠡᠰ ᠢ ᠳᠡᠯᠬᠡᠨ ᠥᠵᠡᠬᠦᠯᠭᠦ ᠳᠤᠰᠬᠠᠢ ᠳᠠᠪᠴᠠᠩ ᠢ ᠭᠠᠷᠭᠠᠭᠠᠳ᠂ ᠨᠢᠬᠡ ᠪᠥᠯᠥᠭ ᠪᠤᠳᠠᠰ ᠤᠨ ᠪᠤᠰᠤ | ᠰᠤᠶᠤᠯ ᠤᠨ ᠥᠪ ᠤᠨ ᠤᠯᠠᠮᠵᠢᠯᠠᠭᠴᠢ ᠨᠠᠷ ᠤᠨ ᠤᠷᠠ ᠮᠡᠷᠭᠡᠵᠢᠯ ᠢᠶᠠᠷ ᠠᠮᠢᠯᠠᠭᠳᠠᠨ ᠪᠥᠳᠥᠬᠡᠭᠳᠡᠭᠰᠡᠨ ᠰᠤᠳᠤᠨ | ᠵᠥᠢᠯᠡᠰ ᠢ ᠳᠡᠯᠡᠬᠡᠢ ᠨᠠᠶᠢᠳᠠ ᠶᠢᠨ ᠬᠠᠷᠠᠭᠠᠨ ᠳᠤ ᠲᠤᠳᠤᠷᠠᠭᠤᠯᠵᠦ ᠪᠢᠯᠡ᠃ ᠡᠷᠳᠡᠨᠢᠪᠠᠶᠠᠷ ᠭᠤᠸᠠᠢ ᠪᠤᠯ ᠶᠠᠭ ᠡᠳᠡᠬᠡᠷ | ᠳᠡᠯᠬᠡᠨ ᠥᠵᠡᠬᠦᠯᠬᠡ ᠳᠤ ᠪᠡᠶᠡᠴᠢᠯᠡᠨ ᠤᠷᠤᠯᠴᠠᠵᠤ᠂ ᠥᠨᠳᠥᠰᠥᠳᠡᠨ ᠤ ᠤᠯᠠᠮᠵᠢᠯᠠᠯᠳᠤ ᠰᠤᠶᠤᠯ ᠤᠨ ᠪᠥᠳᠥᠬᠡᠭᠳᠡᠬᠦᠨ | ᠪᠤᠯᠬᠤ ᠤᠷᠠᠯᠢᠭ ᠬᠢᠴᠡᠲᠠᠢ ᠠᠷᠠᠰᠤᠨ ᠡᠳ᠋ᠯᠡᠯ ᠢ ᠤᠷᠠᠨ ᠭᠠᠷ᠂ ᠤᠶᠤᠨ ᠳᠠᠷᠢᠬᠢ᠂ ᠰᠡᠳᠬᠢᠯ ᠤᠨ ᠳᠠᠮᠢᠷ ᠲᠠᠭᠠᠨ | ᠳᠥᠰᠢᠭᠯᠡᠨ ᠠᠮᠢᠯᠠᠨ ᠪᠦᠳᠦᠭᠡᠵᠦ ᠳᠡᠯᠬᠡᠨ ᠥᠵᠡᠬᠦᠯᠭᠦ ᠶᠢᠨ ᠬᠠᠮᠳᠤ ᠥᠪᠡᠷ ᠤᠨ ᠰᠤᠷᠴᠤ ᠡᠵᠡᠮᠰᠢᠭᠰᠡᠨ ᠤᠷᠠ | ᠮᠡᠷᠭᠡᠵᠢᠯ ᠢᠶᠠᠨ ᠵᠠᠯᠠᠭᠤ ᠨᠢᠬᠡ ᠥᠶᠠ ᠶᠢᠨ ᠬᠢᠨ ᠲᠠᠢ ᠪᠠᠨ ᠬᠤᠪᠢᠶᠠᠯᠴᠠᠵᠤ᠂ ᠥᠨᠳᠥᠰᠥᠳᠡᠨ ᠤ ᠭᠠᠷ ᠤᠷᠠᠯᠠᠯ ᠤᠨ | ᠰᠢᠯᠢᠳᠡᠭ ᠰᠤᠶᠤᠯ ᠢ ᠨᠡᠩ ᠴᠢᠨᠠᠭᠰᠢᠳᠠ ᠥᠪᠯᠡᠨ ᠵᠠᠯᠭᠠᠮᠵᠢᠯᠠᠬᠤ ᠳᠤ ᠬᠤᠪᠢ ᠨᠡᠮᠡᠷᠢ ᠪᠠᠨ ᠦᠵᠡᠬᠦᠯᠬᠦ ᠪᠠᠷ | ᠴᠢᠷᠮᠠᠶᠢᠵᠦ ᠶᠠᠪᠤᠭᠠ ᠨᠢᠭᠡ ᠨᠢ ᠪᠢᠯᠡ᠃ ᠳᠡᠷᠡ ᠪᠠᠷ 2016 ᠤᠨ ᠳᠤ ᠠᠷᠠᠰᠤᠨ ᠡᠳ᠋ᠯᠡᠯ ᠠᠳᠤᠭᠤᠨ ᠰᠤᠶᠤᠯ ᠤᠨ | ᠤᠷᠤᠨ ᠤ ᠳᠡᠰ ᠤᠨ ᠪᠤᠳᠠᠰ ᠤᠨ ᠪᠤᠰᠤ ᠰᠤᠶᠤᠯ ᠤᠨ ᠥᠪ ᠤᠨ ᠤᠯᠠᠮᠵᠢᠯᠠᠭᠴᠢ ᠪᠠᠷ ᠥᠨᠡᠯᠡᠭᠳᠡᠭᠰᠡᠨ ᠠᠴᠠ ᠬᠤᠶᠢᠰᠢ | ᠥᠨᠳᠥᠰᠥᠳᠡᠨ ᠤ ᠰᠤᠳᠤᠨ ᠰᠤᠶᠤᠯ ᠤᠨ ᠨᠢᠬᠡ ᠪᠤᠯᠬᠤ ᠠᠷᠠᠰᠤᠨ ᠡᠳ᠋ᠯᠡᠯ ᠤᠨ ᠥᠢᠯᠡᠰ ᠢᠶᠠᠨ ᠳᠡᠯᠡᠬᠡᠢ ᠶᠢᠨ | ᠲᠥᠮᠡᠨ ᠳᠤ ᠳᠠᠭᠤᠷᠢᠰᠣᠭᠤᠯᠤᠨ ᠳᠠᠨᠢᠭᠤᠯᠬᠤ ᠪᠠᠷ ᠳᠡᠮᠡᠤᠯᠤᠨ ᠴᠢᠷᠮᠠᠶᠢᠭᠰᠠᠭᠠᠷ ᠢᠷᠡᠵᠠᠢ᠃ | | | | | | | ᠡᠷᠳᠡᠨᠢᠪᠠᠶᠠᠷ ᠪᠤᠯ ᠥᠤᠰᠢᠨ ᠬᠤᠰᠢᠭᠤᠨ ᠤ ᠱᠠᠷᠯᠢᠭ ᠰᠤᠮᠤᠨ ᠤ ᠪᠤᠷᠤᠬᠦ᠋ᠳᠡᠭᠡ ᠭᠠᠴᠠᠭᠠ ᠪᠠᠷ ᠨᠤᠳᠤᠭ ᠲᠠᠢ | ᠃ ᠡᠳᠡ ᠤ ᠬᠢᠨ ᠡᠯᠤᠨᠴᠠ ᠶᠢᠨ ᠥᠶᠠ ᠠᠴᠠ ᠪᠠᠨ ᠡᠬᠢᠯᠡᠬᠡᠳ ᠠᠷᠠᠰᠤᠨ ᠤᠷᠠᠯᠠᠯ ᠬᠢᠭᠦ ᠳᠤ ᠶᠡᠬᠡᠳᠡ ᠴᠠᠭᠠᠷᠠᠵᠤ᠂ | ᠡᠷᠳᠡᠨᠢᠪᠠᠶᠠᠷ ᠪᠤᠯ ᠡᠨᠡ ᠤᠭᠰᠠᠭᠠ ᠲᠥᠷᠥᠯ ᠤᠨ ᠢᠶᠠᠨ ᠲᠥᠷᠪᠡᠳᠥᠬᠡᠷ ᠥᠶᠠ ᠶᠢᠨ ᠠᠷᠠᠰᠤᠨ ᠤᠷᠠᠯᠠᠯ ᠤᠨ | ᠤᠯᠠᠮᠵᠢᠯᠠᠭᠴᠢ ᠪᠤᠯᠤᠨᠠ᠃ ᠳᠡᠷᠡ ᠶᠢᠰᠥᠨ ᠨᠠᠰᠤᠨ ᠠᠴᠠ ᠡᠬᠢᠯᠡᠨ ᠠᠷᠠᠰᠤᠨ ᠡᠳ᠋ᠯᠡᠯ ᠬᠢᠭᠦ ᠮᠡᠷᠬᠡᠵᠢᠯ ᠢ ᠰᠤᠷᠴᠤ᠂ | ᠶᠡᠭᠡ ᠬᠠᠮᠳᠤ ᠶᠢᠨ ᠥᠶᠠ ᠳᠤ ᠬᠠᠰᠠᠭ ᠤᠨᠤᠭᠠᠨ ᠤ ᠳᠡᠬᠡᠰᠤ ᠪᠤᠷᠠᠨᠳᠠᠭ ᠠᠴᠠ ᠡᠬᠢᠯᠡᠨ ᠭᠠᠷ ᠤᠷᠤᠭᠰᠠᠨ ᠪᠠᠶᠢᠪᠠ᠃ | ︽1994 ᠤᠨ ᠳᠤ ᠴᠢᠩᠬᠢᠰ ᠤᠨ ᠤᠡᠭᠭᠤᠨ ᠤ ᠵᠢᠷᠭᠤᠭᠠᠨ ᠰᠠᠷᠠ ᠶᠢᠨ ᠬᠤᠷᠢᠨ ᠨᠢᠬᠡᠨ ᠤ ︿ᠴᠠᠭᠠᠨ | ᠰᠥᠷᠥᠭ ᠤᠨ ᠶᠡᠭᠡ ᠳᠠᠶᠢᠯᠭᠠ﹀ ᠳᠤ ᠤᠷᠤᠯᠴᠠᠬᠤ ᠪᠠᠷ ᠪᠤᠷᠬᠠᠨ ᠠᠪᠤ ᠲᠠᠢ ᠪᠠᠨ ᠬᠠᠮᠳᠤ ᠪᠤᠭᠳᠠ ᠶᠢᠨ ᠤᠷᠤᠨ ᠢ | ᠴᠢᠭᠯᠡᠵᠤ ᠬᠥᠷᠥᠭᠰᠡᠨ ᠪᠤᠯᠪᠠᠴᠤ ᠬᠠᠷᠢᠨ ᠳᠤᠬᠠᠢ ᠶᠢᠨ ᠥᠶᠡᠰ ᠤᠷᠳᠤᠰ ᠳᠤᠭᠠᠯᠠᠯ ᠢ ᠠᠷᠭᠠ ᠶᠢᠨ ᠤᠯᠠᠷᠢᠯ ᠲᠠᠢ | ᠬᠤᠳᠬᠤᠯᠳᠤᠭᠤᠯᠤᠭᠰᠠᠨ ᠠᠴᠠ ᠪᠤᠯᠵᠤ ᠳᠡᠷᠡ ᠵᠢᠯ ᠤᠨ ︿ᠴᠠᠭᠠᠨ ᠰᠥᠷᠥᠭ ᠤᠨ ᠶᠡᠭᠡ ᠳᠠᠶᠢᠯᠭᠠ﹀ ᠳᠤ | ᠤᠷᠤᠯᠴᠠᠵᠤ ᠴᠢᠳᠠᠭᠰᠠᠨ ᠥᠬᠡᠢ ᠪᠢᠯᠡ᠂ ᠬᠡᠪᠡᠴᠤ ᠳᠡᠷᠡ ᠥᠶᠡᠰ ᠪᠤᠭᠳᠠ ᠶᠢᠨ ᠤᠷᠤᠨ ᠳᠤ ᠢᠷᠡᠬᠡᠳ ᠥᠨᠳᠡᠬᠡᠨ | ᠴᠠᠭᠠᠨ ᠲᠠᠢ ᠠᠵᠠ ᠪᠠᠷ ᠠᠭᠤᠯᠵᠠᠵᠤ᠂ ᠠᠳᠢᠰ ᠬᠥᠷᠳᠡᠬᠡᠳ ᠶᠡᠭᠡ ᠰᠡᠳᠬᠢᠯ ᠬᠥᠳᠥᠯᠥᠭᠰᠡᠨ᠂ ᠳᠠᠬᠢᠪᠠᠯ | ᠠᠪᠤ ᠶᠢᠨ ᠢᠶᠠᠨ ᠬᠠᠭᠤᠴᠢᠯᠠᠯ ᠠᠴᠠ ᠥᠨᠳᠥᠰᠥᠯᠡᠭᠰᠡᠨ ᠪᠠ ᠳᠡᠤᠬᠡᠨ ᠳᠡᠮᠳᠡᠭᠯᠡᠯ ᠳᠠᠬᠢ ᠪᠤᠭᠳᠠ ᠡᠵᠡᠨ ᠴᠢᠩᠬᠢᠰ | ᠬᠠᠭᠠᠨ ᠤ ᠬᠡᠷᠡᠭᠯᠡᠵᠤ ᠪᠠᠶᠢᠭᠰᠠᠨ ︿ᠠᠯᠳᠠᠨ ᠳᠠᠰᠢᠭᠤᠷ﹀ ᠳᠡᠨᠳᠡ ᠬᠠᠷᠠᠭᠳᠠᠬᠤ ᠥᠬᠡᠢ ᠪᠠᠶᠢᠬᠤ ᠶᠢ ᠮᠡᠳᠡᠬᠡᠳ | ᠬᠤᠵᠢᠮ ᠨᠢ ᠴᠢᠩᠬᠢᠰ ᠬᠠᠭᠠᠨ ᠤ ᠤᠡᠭᠭᠤᠨ ᠳᠤ ᠥᠪᠡᠷ ᠤᠨ ᠭᠠᠷ ᠢᠶᠠᠷ ᠢᠶᠠᠨ ᠤᠷᠠᠯᠠᠵᠤ ᠬᠢᠭᠰᠡᠨ ᠳᠠᠰᠢᠭᠤᠷ ᠢ ᠪᠡᠯᠡᠭ | ᠪᠤᠯᠭᠠᠨ ᠥᠭᠭᠦ ᠪᠠᠷ ᠵᠤᠷᠢᠭ ᠰᠢᠢᠳᠥᠬᠡᠳ ᠨᠤᠳᠤᠭ ᠲᠠᠭᠠᠨ ᠪᠤᠴᠠᠭᠰᠠᠨ ᠶᠤᠮ︾ ᠬᠡᠵᠤ ᠡᠷᠳᠡᠨᠢᠪᠠᠶ᠋ᠷ ᠭᠤᠸᠠᠢ | ᠶᠡᠷᠡᠬᠡᠳ ᠤᠨ ᠠᠴᠠ ᠡᠬᠢᠯᠡᠨ ᠪᠤᠭᠳᠠ ᠶᠢᠨ ᠤᠷᠤᠨ ᠳᠤ ︽ᠠᠯᠳᠠᠨ ᠳᠠᠰᠢᠭᠤᠷ︾ ᠬᠢᠵᠤ ᠥᠭᠭᠦ ᠬᠥᠰᠡᠯ | ᠳᠡᠮᠡᠤᠯᠤᠯ ᠳᠡᠭᠡᠨ ᠬᠥᠳᠥᠯᠥᠭᠳᠡᠨ᠂ ᠡᠪᠦᠭᠡ ᠳᠡᠬᠡᠳᠤᠰ ᠠᠴᠠ ᠦᠯᠡᠳᠡᠭᠡᠭᠰᠡᠨ ᠥᠪ ᠰᠤᠶᠤᠯ ᠢᠶᠠᠨ ᠤᠯᠠᠮᠵᠢᠯᠠᠨ | ᠵᠠᠯᠭᠠᠮᠵᠢᠯᠠᠵᠤ ᠥᠪᠯᠡᠨ ᠭᠥᠭᠵᠢᠬᠦᠯᠥᠶᠠ ᠬᠡᠳ ᠪᠥᠭᠦ ᠬᠥᠴᠥᠨ ᠢᠶᠠᠷ ᠢᠶᠠᠨ ᠠᠳᠤᠭᠤᠨ ᠰᠤᠶᠤᠯ ᠠᠷᠠᠰᠤᠨ ᠡᠳ᠋ᠯᠡᠯ | ᠬᠢᠭᠦ ᠵᠠᠮ ᠢᠶᠠᠨ ᠡᠯᠬᠦᠭᠰᠡᠨ ᠢᠶᠠᠨ ᠡᠶᠢᠨ ᠭᠦ ᠡᠷᠬᠢᠴᠡᠬᠦᠯᠵᠤ ᠪᠠᠶᠢᠯᠠ᠃ | | | | | | | ︽ᠰᠠᠨᠠᠵᠦ ᠪᠠᠶᠢᠪᠠᠯ ᠪᠦᠳᠦᠨᠠ᠂ ᠰᠠᠵᠢᠯᠡᠵᠦ ᠪᠠᠶᠢᠪᠠᠯ ᠬᠦᠷᠦᠨᠠ︾ ᠬᠡᠳᠡᠭ ᠢᠶᠠᠷ ᠡᠷᠳᠡᠨᠢᠪᠠᠶᠠᠷ ᠭᠤᠸᠠᠢ | ᠤᠯᠠᠨ ᠵᠢᠯ ᠤᠨ ᠳᠤᠷᠰᠢᠳᠠ ᠪᠤᠳᠤᠯ ᠬᠢᠳᠡᠯ ᠢᠶᠠᠨ ᠨᠢᠬᠡᠳᠬᠡᠵᠤ ᠮᠤᠬᠤᠰᠢ ᠥᠬᠡᠢ ᠴᠢᠷᠮᠠᠶᠢᠭᠰᠠᠨ ᠢᠶᠠᠷ ᠪᠤᠭᠳᠠ ᠶᠢᠨ | ᠤᠷᠤᠨ ᠳᠤ ︽ᠠᠯᠳᠠᠨ ᠳᠠᠰᠢᠭᠤᠷ︾ ᠬᠢᠵᠤ ᠥᠭᠭᠦ ᠲᠡᠷᠡ ᠭᠦ ᠬᠥᠰᠡᠯ ᠨᠢ 2015 ᠤᠨ ᠳᠤ ᠰᠡᠳᠭᠢᠯᠴᠢᠯᠡᠨ | ᠪᠡᠶᠡᠯᠡᠭᠳᠡᠪᠠ᠃ ᠲᠡᠷᠡ 2015 ᠤᠨ ᠳᠤ ᠴᠢᠩᠬᠢᠰ ᠬᠠᠭᠠᠨ ᠤ ᠤᠡᠭᠭᠤᠨ ᠳᠤ 2 ᠮᠤᠷᠢᠨ ᠳᠠᠰᠢᠭᠤᠷ᠂ 1 ᠤᠯᠠᠭᠠᠨ | ᠮᠤᠳᠤᠨ ᠬᠢᠴᠡ ᠲᠠᠢ ᠳᠡᠩᠰᠡᠨ ᠳᠠᠰᠢᠭᠤᠷ ᠢ ᠪᠡᠯᠡᠭ ᠪᠤᠯᠭᠠᠨ ᠥᠭᠭᠦᠭᠰᠡᠨ ᠢᠶᠠᠷ ᠥᠯᠤ ᠪᠠᠷᠠᠮ ︽ᠥᠨᠳᠡᠬᠡᠨ ᠴᠠᠭᠠᠨ︾ | ᠤ ᠡᠮᠡᠬᠡᠯ ᠳᠠᠬᠢ ᠤᠯᠤᠩ ᠵᠢᠷᠢᠮ ᠵᠡᠷᠭᠡ ᠶᠢᠨ ᠰᠤᠷ ᠡᠳ᠋ᠯᠡᠯ ᠤᠨ ᠵᠥᠢᠯᠡᠰ ᠢ ᠴᠤ ᠤᠷᠠᠯᠠᠵᠤ ᠬᠢᠭᠰᠡᠨ ᠪᠠᠶᠢᠪᠠ᠃ | ᠳᠡᠬᠦᠨ ᠤ ᠤᠷᠠᠯᠠᠵᠤ ᠬᠢᠭᠰᠡᠨ ᠰᠤᠷ ᠡᠳ᠋ᠯᠡᠯ ᠨᠢ ᠤᠯᠠᠨ ᠵᠥᠢᠯ ᠤᠨ ᠤᠯᠠᠮᠵᠢᠯᠠᠯᠳᠤ ᠬᠥᠷᠥᠮᠡᠯ ᠠᠷᠭᠠ ᠮᠠᠶ᠋ᠢᠭ ᠢᠶᠠᠷ | ᠤᠷᠠᠯᠠᠭᠳᠠᠨ ᠪᠥᠳᠥᠬᠡᠭᠳᠡᠵᠤ᠂ ᠤᠳᠤᠬᠠᠨ ᠪᠤᠯᠳᠠᠯᠠ ᠬᠠᠵᠠᠭᠠᠷ ᠨᠤᠭᠳᠤ᠂ ᠳᠡᠬᠡᠰᠤ ᠴᠤᠯᠪᠤᠭᠤᠷ᠂ ᠴᠢᠳᠤᠷ ᠲᠤᠰᠢᠶᠠ᠂ | ᠤᠯᠤᠩ ᠵᠢᠷᠢᠮ ᠵᠡᠷᠭᠡ 100 ᠬᠢᠷᠢᠲᠠᠢ ᠠᠷᠠᠰᠤᠨ ᠡᠳ᠋ᠯᠡᠯ ᠢ ᠤᠷᠠᠯᠠᠨ ᠬᠢᠭᠰᠡᠨ ᠪᠠᠶᠢᠨᠠ᠃ | ᠤᠯᠠᠨ ᠵᠢᠯ ᠤᠨ ᠳᠤᠷᠰᠢ ᠳᠡᠷᠡ ᠮᠤᠩᠭᠤᠯ ᠥᠨᠳᠥᠰᠥᠳᠡᠨ ᠤ ᠤᠯᠠᠮᠵᠢᠯᠠᠯᠳᠤ ᠰᠤᠶᠤᠯ ᠤᠨ ᠵᠥᠢᠯᠡᠰ ᠬᠡᠬᠡᠭᠳᠡᠨ | ᠤᠷᠬᠢᠭᠳᠠᠵᠦ ᠪᠠᠶᠢᠭᠠ ᠶᠢ ᠬᠠᠷᠠᠭᠠᠳ ᠵᠦᠪᠬᠡᠨ ᠥᠪᠡᠷ ᠤᠨ ᠭᠠᠷ ᠢᠶᠠᠷ ᠢᠶᠠᠨ ᠬᠢᠪᠡᠯ ᠪᠤᠯᠴᠢᠬᠠᠬᠤ ᠪᠢᠰᠢ ᠬᠡᠳᠡᠭ ᠢ | ᠮᠡᠳᠡᠵᠦ᠂ ᠨᠥᠬᠦᠴᠡᠯ ᠪᠤᠯᠤᠯᠴᠠᠭᠠ ᠲᠠᠢ ᠥᠶᠠ ᠳᠤ ᠠᠷᠠᠰᠤᠨ ᠡᠳ᠋ᠯᠡᠯ ᠳᠤ ᠳᠤᠷᠠ ᠪᠠᠬᠠ ᠲᠠᠢ ᠬᠥᠮᠥᠰ ᠲᠤ | ᠥᠪᠡᠷ ᠤᠨ ᠰᠤᠷᠴᠤ ᠡᠵᠡᠮᠰᠢᠭᠰᠡᠨ ᠮᠠᠷᠬᠡᠵᠢᠯ ᠢᠶᠠᠨ ᠵᠢᠭᠠᠵᠦ ᠦᠭᠬᠦ ᠪᠠᠷ ᠴᠢᠷᠮᠠᠶᠢᠵᠦ᠂ 2017 ᠤᠨ ᠠᠴᠠ ᠨᠠᠭᠠᠰᠢ | ᠥᠤᠰᠢᠨ ᠬᠤᠰᠢᠭᠤᠨ ᠤ ᠱᠠᠷᠯᠢᠭ ᠭᠤᠤᠯᠳᠠᠯᠭᠠᠳᠤ ᠪᠠᠭᠠ ᠰᠤᠷᠭᠠᠭᠤᠯᠢ᠂ ᠥᠤᠰᠢᠨ ᠬᠤᠰᠢᠭᠤᠨ ᠤ ᠮᠤᠩᠭᠤᠯ | ᠥᠨᠳᠥᠰᠥᠳᠡᠨ ᠤ ᠪᠠᠭᠠ ᠰᠤᠷᠭᠠᠭᠤᠯᠢ ᠨᠤᠭᠤᠳ ᠢᠶᠠᠷ ᠬᠥᠷᠴᠤ ᠠᠷᠠᠰᠤᠨ ᠤᠷᠠᠯᠠᠯ ᠤᠨ ᠳᠤᠰᠬᠠᠢ ᠬᠢᠴᠢᠶᠡᠯᠯᠡᠭᠡ | ᠬᠢᠵᠤ ᠡᠬᠢᠯᠡᠭᠰᠡᠨ ᠮᠥᠷᠳᠡᠬᠡᠨ ᠥᠷᠠ ᠬᠡᠤᠬᠡᠳ ᠨᠢ ᠴᠤ ᠠᠪᠤ ᠶᠢᠨ ᠢᠶᠠᠨ ᠥᠢᠯᠡᠰ ᠢ ᠵᠠᠯᠭᠠᠮᠵᠢᠯᠠᠨ᠂ ᠥᠷᠬᠡᠵᠢᠬᠦᠯᠥᠨ | ᠭᠥᠭᠵᠢᠭᠦᠯᠭᠦ ᠬᠥᠰᠡᠯ ᠢ ᠨᠢ ᠪᠡᠶᠡᠯᠡᠭᠦᠯᠦᠭᠰᠡᠨ ᠪᠠᠶᠢᠨᠠ᠃ ᠳᠡᠷᠡ ᠥᠪᠡᠷ ᠤᠨ ᠬᠢᠭᠰᠡᠨ ᠪᠥᠳᠥᠬᠡᠭᠳᠡᠬᠦᠨ ᠢᠶᠠᠨ ᠨᠡᠩ | ᠤᠯᠠᠨ ᠬᠥᠮᠥᠰ ᠲᠤ ᠮᠡᠳᠡᠬᠦᠯᠭᠦ ᠴᠢᠬᠤᠯᠠ ᠲᠠᠢ ᠬᠡᠳᠡᠭ ᠢ ᠤᠬᠠᠵᠤ᠂ ᠠᠳᠤᠭᠤᠨ ᠰᠤᠶᠤᠯ ᠠᠷᠠᠰᠤᠨ ᠡᠳ᠋ᠯᠡᠯ ᠤᠨ | ᠪᠥᠳᠥᠬᠡᠯ ᠢᠶᠠᠨ ᠵᠠᠬᠠ ᠳᠡᠯᠬᠡᠬᠦᠷ ᠲᠤ ᠭᠠᠷᠭᠠᠨ᠂ ᠤᠷᠳᠤᠰ᠂ ᠪᠤᠭᠤᠳᠤ᠂ ᠬᠥᠬᠡᠬᠤᠳᠠ᠂ ᠰᠢᠯᠢᠨᠭᠤᠤᠯ᠂ | ᠤᠯᠠᠭᠠᠨᠬᠠᠳᠠ᠂ ᠠᠯᠠᠱᠠ ᠵᠡᠷᠭᠡ ᠪᠥᠭᠦ ᠤᠷᠤᠨ ᠤ ᠡᠯᠠ ᠠᠶᠢᠮᠠᠭ ᠬᠤᠳᠠ ᠳᠤ ᠪᠤᠷᠤᠯᠠᠭᠤᠯᠤᠨ᠂ ᠪᠦᠳᠦᠭᠡᠯ ᠨᠢ | ᠳᠠᠶᠠᠭᠠᠷ ᠤᠯᠠᠨ ᠳᠤ ᠳᠠᠭᠠᠯᠠᠭᠳᠠᠵᠤ ᠠᠰᠢᠭ ᠤᠷᠤᠯᠭᠠ ᠪᠠᠨ ᠴᠤ ᠪᠦᠳᠦᠮᠵᠢᠲᠠᠢ ᠨᠡᠮᠡᠭᠳᠡᠭᠦᠯᠵᠦ ᠴᠢᠳᠠᠵᠠᠢ᠃ | ᠥᠨᠳᠥᠰᠥᠳᠡᠨ ᠤ ᠭᠠᠷ ᠤᠷᠠᠯᠠᠯ ᠨᠢ ᠮᠤᠩᠭᠤᠯᠴᠤᠳ ᠤᠨ ᠤᠶᠤᠨ ᠤᠬᠠᠭᠠᠨ᠂ ᠤᠷᠠ ᠬᠥᠳᠡᠯᠮᠥᠷᠢ ᠶᠢᠨ | ᠳᠠᠯᠠᠰᠳᠤ ᠮᠥᠨ᠃ ᠶᠠᠭ ᠡᠶᠢᠮᠥ ᠠᠴᠠ ᠡᠷᠳᠡᠨᠢᠪᠠᠶᠠᠷ ᠭᠤᠸᠠᠢ ᠶᠢᠨ ᠬᠢᠭᠰᠡᠨ ᠲᠡᠷᠡ ᠬᠦ ᠥᠢᠯᠡᠰ ᠨᠢ ᠨᠠᠮ ᠵᠠᠰᠠᠭ ᠤᠨ | ᠬᠤᠯᠪᠤᠭᠳᠠᠯ ᠪᠥᠬᠦᠢ ᠪᠠᠶᠢᠭᠤᠯᠭᠠ ᠨᠢᠬᠡᠴᠢ ᠶᠢᠨ ᠬᠠᠯᠠᠭᠤᠨ ᠳᠡᠮᠵᠢᠯᠬᠡ ᠶᠢ ᠤᠯᠵᠦ᠂ 2016 ᠤᠨ ᠳᠤ ᠲᠡᠭᠦᠨ ᠢ | ᠠᠷᠠᠰᠤᠨ ᠡᠳ᠋ᠯᠡᠯ ᠠᠳᠤᠭᠤᠨ ᠰᠤᠶᠤᠯ ᠤᠨ ᠬᠤᠳᠠ ᠶᠢᠨ ᠳᠡᠰ ᠤᠨ ᠪᠤᠳᠠᠰ ᠤᠨ ᠪᠤᠰᠤ ᠰᠤᠶᠤᠯ ᠤᠨ ᠥᠪ ᠤᠨ | ᠤᠯᠠᠮᠵᠢᠯᠠᠭᠴᠢ ᠪᠠᠷ ᠡᠷᠭᠦᠮᠵᠢᠯᠡᠵᠦ᠂ ᠮᠦᠨ ᠳᠤᠰ ᠵᠢᠯ ᠨᠢ ᠠᠷᠠᠰᠤᠨ ᠡᠳ᠋ᠯᠡᠯ ᠠᠳᠤᠭᠤᠨ ᠰᠤᠶᠤᠯ ᠤᠨ ᠤᠷᠤᠨ ᠤ | ᠳᠡᠰ ᠤᠨ ᠪᠤᠳᠠᠰ ᠤᠨ ᠪᠤᠰᠤ ᠰᠤᠶᠤᠯ ᠤᠨ ᠥᠪ ᠤᠨ ᠤᠯᠠᠮᠵᠢᠯᠠᠭᠴᠢ ᠶᠢᠨ ᠢᠷᠠᠭᠤ ᠠᠯᠳᠠᠷ ᠢ ᠤᠯᠭᠤᠪᠠ᠃ | ᠦᠢᠷᠠ ᠶᠢᠨ ᠵᠢᠯ ᠤᠳ ᠲᠤ ᠳᠡᠷᠡ ᠥᠪᠡᠷ ᠤᠨ ᠤᠷᠠ ᠤᠬᠠᠭᠠᠨ ᠠᠪᠢᠶᠠᠰ ᠪᠢᠯᠢᠭ ᠲᠡᠭᠡᠨ ᠳᠥᠰᠢᠭᠯᠡᠨ ᠤᠯᠠᠨᠳᠠ | ᠥᠡᠭᠬᠡ ᠬᠡᠷᠡᠯ ᠢᠷᠠᠭᠤ ᠠᠯᠳᠠᠷ ᠢᠶᠠᠷ ᠮᠢᠯᠢᠶᠠᠯᠭᠠᠵᠤ ᠢᠷᠡᠭᠰᠡᠨ ᠮᠥᠷᠳᠡᠬᠡᠨ ᠥᠤᠰᠢᠨ ᠬᠤᠰᠢᠭᠤᠨ ᠤ ᠥᠢᠯᠡᠰ | ᠪᠤᠰᠬᠠᠬᠤ ᠬᠥᠷᠢᠶᠡᠯᠡᠩ ᠠᠴᠠ ᠳᠡᠬᠦᠨ ᠳᠤ ᠳᠤᠰᠬᠠᠢ ᠳᠡᠯᠬᠡᠨ ᠥᠵᠡᠬᠦᠯᠬᠡ ᠶᠢᠨ ᠬᠡᠷ ᠭᠠᠷᠭᠠᠨ ᠦᠭᠴᠠᠢ᠃ | ᠮᠤᠷᠢᠲᠠᠢ ᠶᠠᠪᠤᠭᠰᠠᠨ ᠬᠥᠮᠥᠨ ᠤ ᠨᠤᠳᠤᠭ ᠨᠢ ᠠᠭᠤᠳᠠᠮ ᠪᠠᠶᠢᠳᠠᠭ᠂ ᠮᠥᠷ ᠲᠠᠢ ᠶᠠᠪᠤᠭᠰᠠᠨ ᠬᠥᠮᠥᠨ ᠤ | ᠥᠢᠯᠡᠰ ᠨᠢ ᠥᠬᠡᠳᠡ ᠪᠠᠶᠢᠳᠠᠭ᠃ ᠡᠷᠳᠡᠨᠢᠪᠠᠶᠠᠷ ᠭᠤᠸᠠᠢ ᠶᠢᠨ ᠥᠨᠳᠥᠰᠥᠳᠡᠨ ᠤ ᠥᠪ ᠰᠤᠶᠤᠯ ᠤᠨ ᠤᠷᠠ | ᠤᠬᠠᠭᠠᠨ ᠢ ᠳᠡᠬᠡᠳᠥᠯᠡᠨ ᠶᠠᠪᠤᠭᠰᠠᠨ ᠲᠡᠷᠡ ᠬᠦ ᠡᠷᠬᠢᠮ ᠥᠢᠯᠡᠰ ᠨᠢ ᠡᠳᠥᠷ ᠠᠴᠠ ᠡᠳᠥᠷ ᠥᠬᠡᠳᠡᠯᠡᠨ ᠳᠡᠭᠵᠢᠷᠡᠵᠤ᠂ | ᠨᠡᠩ ᠥᠷᠭᠡᠵᠢᠨ ᠤᠯᠠᠮᠵᠢᠯᠠᠭᠳᠠᠬᠤ ᠪᠤᠯᠤᠭᠠᠰᠠᠢ︕ | | | | |