ᠦᠭᠡ ᠶᠠᠷᠢᠶᠠ ᠶᠢ ᠴᠡᠭᠡᠷᠯᠡᠬᠦ ᠪᠤᠯ ᠴᠡᠭᠡᠷ ᠶᠤᠰᠤᠨ ᠤ ᠴᠢᠬᠤᠯᠠ ᠨᠢᠭᠡᠨ ᠠᠭᠤᠯᠭᠠ ᠪᠤᠯᠤᠨᠠ᠃ | ᠮᠤᠩᠭᠤᠯᠴᠤᠳ ᠤᠨ ᠵᠠᠩᠰᠢᠯ ᠳᠤ ᠵᠠᠷᠢᠮ ᠶᠠᠭᠤᠮᠠ᠂ ᠬᠡᠷᠡᠭ ᠦᠵᠡᠭᠳᠡᠯ ᠢ ᠴᠡᠭᠡᠷᠯᠡᠨ ᠬᠡᠯᠡᠬᠦ ᠶᠤᠰᠤᠨ ᠮᠠᠰᠢ ᠲᠦᠭᠡᠮᠡᠯ | ᠪᠠᠶᠢᠭᠰᠠᠨ ᠪᠦᠭᠡᠳ ᠴᠡᠭᠡᠷᠯᠡᠬᠦ ᠪᠤᠯᠤᠭᠰᠠᠨ ᠤᠴᠢᠷ ᠰᠢᠯᠳᠠᠭᠠᠨ ᠲᠠᠢ ᠪᠠᠶᠢᠪᠠ᠃ ᠬᠠᠷᠢᠯᠴᠠᠭᠠᠨ ᠤ ᠲᠤᠮᠳᠠ ᠬᠦᠮᠦᠰ | ᠶᠠᠮᠠᠷ ᠨᠢᠭᠡᠨ ᠤᠴᠢᠷ ᠰᠢᠯᠳᠠᠭᠠᠨ ᠪᠤᠶᠤ ᠰᠡᠳᠬᠢᠯᠭᠡ ᠠᠴᠠ ᠪᠤᠯᠵᠤ ᠬᠠᠷᠢᠯᠴᠠᠬᠤ ᠡᠳᠡᠭᠡᠳ ᠲᠡᠭᠡᠨ ᠲᠤᠷᠠ ᠦᠭᠡᠶᠢᠴᠡᠯ | ᠂ ᠠᠶᠤᠵᠤ ᠡᠮᠢᠶᠡᠬᠦ᠂ ᠰᠦᠷᠳᠡᠬᠦ᠂ ᠵᠢᠪᠡᠬᠦᠴᠡᠬᠦ ᠪᠠ ᠤᠢ ᠭᠤᠳᠤᠬᠤ ᠵᠡᠷᠭᠡ ᠰᠡᠳᠬᠢᠴᠡ ᠶᠢᠨ ᠬᠠᠷᠰᠢ ᠪᠤᠶᠤ | ᠰᠡᠳᠬᠢᠯ ᠤᠨ ᠲᠠᠷᠤᠭᠠᠰᠤ ᠦᠭᠬᠦ ᠠᠴᠠ ᠵᠠᠶᠢᠯᠠᠰᠬᠢᠬᠦ ᠶᠢᠨ ᠲᠦᠯᠦᠭᠡ ᠲᠡᠭᠦᠨ ᠲᠠᠢ ᠬᠠᠮᠢᠶᠠ ᠪᠦᠬᠦᠢ ᠵᠠᠷᠢᠮ ᠬᠡᠷᠡᠭ | ᠪᠤᠳᠠᠰ ᠦᠢᠯᠡ ᠦᠵᠡᠭᠳᠡᠯ ᠢ ᠰᠢᠭᠤᠳ ᠢᠯᠡᠳᠭᠡᠬᠦ ᠶᠢ ᠴᠡᠭᠡᠷᠯᠡᠨᠡ᠃ ᠲᠤᠬᠠᠢᠢᠯᠠᠪᠠᠯ᠂ ᠡᠪᠦᠭᠡ ᠡᠴᠢᠭᠡ᠂ ᠲᠦᠷᠦᠯ | ᠰᠠᠳᠤᠨ ᠪᠠ ᠨᠠᠶᠢᠵᠠ ᠨᠦᠬᠦᠳ ᠤᠨ ᠢᠶᠠᠨ ᠨᠠᠰᠤ ᠪᠠᠷᠠᠬᠤ ᠶᠢ ︽ᠦᠭᠦᠬᠦ︾ ᠬᠡᠵᠤ ᠰᠢᠭᠤᠳ ᠬᠡᠯᠡᠬᠦ ᠦᠭᠡᠢ᠂ | ᠬᠠᠷᠢᠨ ᠦᠷᠡᠭᠳᠡᠭᠴᠢ ᠪᠠᠨ ᠭᠠᠰᠢᠭᠤᠳᠠᠨ ᠡᠮᠭᠡᠨᠢᠬᠦ ᠰᠡᠳᠬᠢᠯ ᠪᠠ ᠰᠤᠨᠤᠰᠤᠭᠴᠢ ᠡᠳᠡᠭᠡᠳ ᠤᠨ ᠰᠠᠨᠠᠭᠠ ᠰᠡᠳᠬᠢᠯ ᠳᠤ | ᠵᠢᠪᠡᠬᠦᠴᠡᠯ ᠪᠤᠶᠤ ᠲᠤᠷᠠ ᠦᠭᠡᠶᠢᠴᠡᠯ ᠡᠭᠦᠰᠭᠡᠬᠦ ᠠᠴᠠ ᠪᠤᠯᠭᠤᠮᠵᠢᠯᠠᠨ ᠦᠷᠩᠳᠡᠭᠰᠡᠳ ᠤᠨ ᠠᠳᠠᠯᠢ ᠪᠤᠰᠤ | ᠪᠠᠶᠢᠳᠠᠯ ᠳᠤ ᠵᠤᠬᠢᠴᠠᠭᠤᠯᠵᠤ ︽ᠲᠡᠭᠷᠢ ᠳᠤ ᠬᠠᠯᠢᠪᠠ᠂ ᠪᠤᠷᠬᠠᠨ ᠪᠤᠯᠪᠠ᠂ ᠦᠭᠡᠢ ᠪᠤᠯᠪᠠ᠂ ᠪᠡᠶᠡ ᠡᠴᠦᠰᠯᠡᠪᠡ᠂ | ᠪᠠᠷᠠᠭᠤᠨ ᠲᠡᠭᠷᠢ ᠳᠤ ᠮᠤᠷᠳᠠᠪᠠ ᠁︾ ᠬᠡᠵᠤ ᠴᠡᠭᠡᠷᠯᠡᠨ ᠬᠡᠯᠡᠳᠡᠭ᠃ ᠪᠠᠰᠠ ᠮᠠᠯᠴᠢᠨ ᠬᠦᠮᠦᠨ ᠤ ᠮᠠᠯ | ᠰᠦᠷᠦᠭ ᠲᠤ ᠰᠦᠷᠳᠡᠬᠦᠯᠦᠯ ᠪᠤᠯᠵᠤ ᠪᠠᠶᠢᠭᠠ ᠴᠢᠨ᠋ᠸᠠ ᠶᠢ ᠠᠳᠠᠯᠢ ᠪᠤᠰᠤ ᠨᠤᠳᠤᠭ ᠤᠨ ᠬᠦᠮᠦᠰ ︽ᠲᠡᠭᠷᠢ ᠶᠢᠨ | ᠨᠤᠬᠠᠢ᠂ ᠮᠠᠭᠤ ᠭᠠᠶᠢᠬᠠᠯ᠂ ᠬᠡᠭᠡᠷᠡ ᠶᠢᠨ ᠭᠠᠶᠢᠬᠠᠯ᠂ ᠬᠡᠭᠡᠷᠡ ᠶᠢᠨ ᠨᠤᠬᠠᠢ᠂ ᠬᠠᠮᠠᠭᠤᠳᠤ ᠬᠠᠯᠳᠠᠷ᠂ ᠰᠠᠷᠠᠯ ᠨᠤᠬᠠᠢ᠂ | ᠶᠡᠭᠡ ᠠᠮᠠᠳᠤ᠂ ᠬᠦᠭᠡ ᠨᠤᠬᠠᠢ᠂ ᠠᠷᠵᠠᠭᠠᠷ ᠰᠢᠳᠢᠳᠤ᠂ ᠤᠷᠳᠤ ᠰᠡᠬᠦᠯᠳᠤ᠂ ᠨᠤᠤᠰᠤᠨ ᠲᠤᠯᠤᠭᠠᠢᠢᠳᠤ᠂ ᠰᠢᠷᠠ | ᠨᠢᠳᠤᠳᠤ ᠁︾ ᠬᠡᠵᠤ ᠴᠢᠨ᠋ᠸᠠ ᠶᠢᠨ ᠦᠡᠭᠭᠡ ᠵᠢᠰᠦ᠂ ᠰᠢᠳᠤ ᠠᠮᠠ᠂ ᠲᠤᠯᠤᠭᠠᠢ ᠰᠡᠬᠦᠯ᠂ ᠰᠢᠨᠵᠢ ᠲᠦᠷᠰᠦ᠂ | ᠤᠷᠤᠰᠢᠬᠤ ᠤᠷᠤᠨ᠂ ᠦᠢᠯᠡ ᠠᠵᠢᠯᠯᠠᠭᠠ ᠵᠡᠷᠭᠡ ᠪᠠᠷ ᠡᠶᠡᠷᠡᠬᠦᠯᠵᠤ ᠴᠡᠭᠡᠷᠯᠡᠵᠤ ᠬᠡᠯᠡᠬᠦ ᠶᠠᠪᠤᠳᠠᠯ ᠤᠯᠠᠨ ᠪᠤᠢ᠃ | ᠦᠭᠡ ᠶᠠᠷᠢᠶᠠ ᠶᠢ ᠴᠡᠭᠡᠷᠯᠡᠬᠦ ᠶᠠᠪᠤᠳᠠᠯ ᠪᠤᠯ ᠲᠠᠷᠤᠢ ᠦᠭᠡ ᠬᠡᠯᠡᠨ ᠤ ᠷᠢᠳᠢ ᠰᠢᠳᠢ ᠶᠢᠨ ᠬᠦᠴᠦᠨ ᠢ ᠤᠨᠴᠠ | ᠠᠩᠬᠠᠷᠳᠠᠭ ᠠᠴᠠ ᠪᠤᠯᠤᠭᠰᠠᠨ ᠬᠠᠷᠢᠯᠴᠠᠭᠠᠨ ᠤ ᠳᠣᠮᠳᠠᠬᠢ ᠤᠨᠴᠠ ᠦᠵᠡᠭᠳᠡᠯ ᠪᠤᠯᠬᠤ ᠶᠤᠮ᠃ ᠡᠭᠦᠨ ᠠᠴᠠ | ᠭᠠᠳᠠᠨᠠ᠂ ᠮᠤᠩᠭᠤᠯᠴᠤᠳ ᠤᠨ ᠤᠯᠠᠮᠵᠢᠯᠠᠯᠳᠤ ᠵᠠᠩᠰᠢᠯ ᠳᠤ ᠵᠠᠷᠢᠮ ᠦᠭᠡ ᠶᠢ ᠰᠢᠭᠤᠳ ᠬᠡᠯᠡᠪᠡᠯ ᠮᠠᠰᠢ ᠪᠤᠯᠬᠢ | ᠪᠦᠳᠦᠭᠦᠯᠢᠭ ᠪᠤᠯᠬᠤ ᠲᠤᠯᠠ ᠤᠷᠴᠢᠨ ᠲᠤᠭᠤᠷᠢᠨ ᠪᠠ ᠪᠠᠶᠢᠳᠠᠯ ᠳᠤᠨᠢ ᠵᠤᠬᠢᠴᠠᠭᠤᠯᠵᠤ ᠴᠡᠭᠡᠷᠯᠡᠨ ᠬᠡᠯᠡᠳᠡᠭ᠃ | ᠵᠢᠱᠢᠶᠡᠯᠡᠪᠡᠯ᠂ ᠲᠦᠷᠦᠬᠦ ᠶᠢ ︽ᠬᠡᠤᠭᠡᠳ ᠭᠠᠷᠭᠠᠬᠤ᠂ ᠬᠦᠡᠭᠭᠡᠵᠢᠬᠦ᠂ ᠬᠦᠦ ᠲᠠᠢ ᠪᠤᠯᠬᠤ᠂ ᠬᠡᠤᠭᠡᠨ ᠲᠠᠢ ᠪᠤᠯᠬᠤ᠂ | ᠰᠠᠷᠠ ᠳᠤ ᠰᠠᠭᠤᠬᠤ᠂ ᠨᠢᠷᠠᠶᠢᠯᠠᠬᠤ᠂ ᠦᠵᠡᠭᠳᠡᠬᠦ︾︔ ᠬᠡᠤᠭᠡᠳ ᠤᠯᠬᠤ ᠶᠢ ︽ᠵᠢᠷᠮᠤᠰᠤᠯᠡᠬᠦ᠂ ᠪᠡᠶᠡ ᠬᠦᠨᠳᠦᠷᠡᠬᠦ᠂ | ᠲᠠᠪᠬᠤᠷ ᠪᠤᠯᠬᠤ᠂ ᠠᠩᠭᠠ ᠤᠯᠬᠤ᠂ ᠤᠷᠤᠭ ᠲᠠᠢ ᠪᠤᠯᠬᠤ᠂ ᠪᠠᠶᠠᠷ ᠲᠠᠢ ᠪᠤᠯᠬᠤ︾ ᠬᠡᠬᠦ︔ ᠪᠠᠭᠠᠬᠤ ᠶᠢ ︽ᠪᠡᠶᠡ | ᠴᠡᠪᠡᠷᠯᠡᠬᠦ᠂ ᠪᠡᠶᠡ ᠵᠠᠰᠠᠬᠤ᠂ ᠮᠦᠷ ᠦᠵᠡᠬᠦ᠂ ᠦᠳᠭᠡᠨ ᠮᠦᠷ ᠦᠵᠡᠬᠦ᠂ ᠭᠠᠳᠠᠭᠠᠯᠠᠬᠤ᠂ ᠵᠤᠷᠯᠤᠩ ᠳᠤ ᠤᠴᠢᠬᠤ᠂ | ᠰᠠᠭᠤᠯᠭᠠᠬᠤ᠂ ᠲᠤᠭᠤᠯᠤᠭᠤᠯᠬᠤ︾ ᠬᠡᠬᠦ ᠮᠡᠳᠦᠴᠢᠯᠡᠨ ᠪᠤᠯᠪᠠᠰᠤᠨ ᠬᠡᠯᠡᠯᠭᠡ ᠶᠢ ᠲᠤᠬᠢᠷᠠᠮᠵᠢᠳᠠᠢ ᠰᠤᠩᠭᠤᠵᠤ | ᠴᠡᠭᠡᠷᠯᠡᠨ ᠬᠡᠯᠡᠳᠡᠭ ᠪᠠᠶᠢᠨᠠ᠃ | ᠮᠤᠩᠭᠤᠯᠴᠤᠳ ᠤᠨ ᠤᠯᠠᠮᠵᠢᠯᠠᠯᠳᠤ ᠡᠰᠢ ᠶᠤᠰᠤ ᠶᠢᠨ ᠨᠦᠯᠦᠭᠡᠯᠡᠯ ᠠᠴᠠ ᠪᠤᠯᠤᠭᠰᠠᠨ ᠦᠭᠡ ᠶᠠᠷᠢᠶᠠᠨ ᠤ | ᠲᠠᠯᠠ ᠶᠢᠨ ᠴᠡᠭᠡᠷ ᠶᠤᠰᠤᠨ ᠲᠤᠩ ᠤᠯᠠᠨ ᠪᠠᠶᠢᠳᠠᠭ᠃ ᠵᠢᠱᠢᠶᠡᠯᠡᠪᠡᠯ᠂ ᠪᠡᠷᠢ ᠪᠤᠯᠤᠭᠰᠠᠳ ᠡᠴᠢᠭᠡ ᠡᠭᠡ ᠪᠠᠨ ᠠᠬᠠᠰ | ᠵᠠᠬᠠᠰ ᠤᠨ ᠨᠡᠷᠡ ᠪᠠᠷ ᠲᠠᠭᠤᠳᠠᠬᠤ ᠶᠢ ᠴᠡᠭᠡᠷᠯᠡᠨᠡ᠃ ᠡᠭᠡᠨᠡᠷ ᠪᠤᠯᠤᠭᠰᠠᠳ ᠡᠷᠡ ᠶᠢᠨ ᠢᠶᠠᠨ ᠨᠡᠷᠡ ᠶᠢ ᠴᠡᠭᠡᠷᠯᠡᠨᠡ᠃ | ᠦᠷᠡ ᠬᠡᠤᠭᠡᠳ ᠪᠤᠯᠤᠭᠰᠠᠳ ᠡᠪᠦᠭᠡ ᠲᠡᠭᠡᠳᠦᠰ᠂ ᠡᠴᠢᠭᠡ ᠡᠭᠡ ᠶᠢᠨ ᠢᠶᠠᠨ ᠨᠡᠷᠡ ᠶᠢ ᠲᠤᠷᠠ ᠪᠠᠷ ᠢᠶᠠᠨ ᠬᠡᠯᠡᠬᠦ ᠪᠠ | ᠪᠤᠰᠤᠳ ᠠᠬᠠᠮᠠᠳ ᠤᠨ ᠨᠡᠷᠡ ᠶᠢ ᠰᠢᠭᠤᠳ ᠲᠠᠭᠤᠳᠠᠬᠤ ᠶᠢ ᠴᠡᠭᠡᠷᠯᠡᠨᠡ᠃ ᠠᠬᠠᠮᠠᠳ ᠤᠨ ᠦᠭᠡᠳᠡ ᠠᠴᠠ ᠬᠡᠳᠡᠷᠬᠦ | ᠬᠠᠷᠢᠭᠤ ᠬᠡᠯᠡᠬᠦ ᠪᠠ ᠬᠡᠯᠡ ᠠᠮᠠ ᠪᠤᠯᠢᠶᠠᠯᠳᠤᠬᠤ ᠵᠦᠷᠢᠬᠦᠯᠡᠬᠦ ᠶᠢ ᠴᠡᠭᠡᠷᠯᠡᠨᠡ᠃ ᠲᠡᠭᠡᠷᠡ ᠦᠶᠡ ᠶᠢᠨ ᠬᠦᠮᠦᠰ ᠪᠠ | ᠠᠶᠢᠯ ᠠᠶᠢᠮᠠᠭ ᠤᠨ ᠠᠬᠠᠮᠠᠳ ᠨᠠᠰᠤᠳᠠᠨ ᠲᠠᠢ ᠦᠭᠡ ᠤᠷᠤᠯᠳᠤᠨ ᠮᠡᠷᠭᠡᠯᠡᠬᠦ ᠶᠢ ᠴᠡᠭᠡᠷᠯᠡᠨᠡ᠃ ᠪᠡᠯᠭᠡ ᠲᠡᠮᠪᠡᠷᠢᠯ | ᠦᠭᠡᠢ ᠦᠭᠡ ᠶᠢ ᠶᠠᠷᠢᠵᠤ ᠬᠠᠷᠢᠯᠴᠠᠭᠴᠢ ᠡᠳᠡᠭᠡᠳ ᠤᠨ ᠰᠡᠳᠬᠢᠯ ᠰᠠᠨᠠᠭᠠ ᠶᠢ ᠬᠦᠨᠳᠡᠬᠦ ᠶᠢ ᠴᠡᠭᠡᠷᠯᠡᠨᠡ᠃ ᠱᠠᠯᠢᠭ | ᠵᠠᠪᠠᠭ᠋ᠠᠢ᠂ ᠪᠤᠵᠠᠷ ᠮᠠᠭᠤᠬᠠᠢ ᠦᠭᠡ ᠶᠠᠷᠢᠬᠤ᠂ ᠢᠯᠠᠩᠭᠤᠶᠠ ᠬᠡᠤᠭᠡᠳ ᠤᠨ ᠡᠮᠦᠨᠡ ᠶᠠᠷᠢᠬᠤ ᠶᠢ ᠴᠡᠭᠡᠷᠯᠡᠨᠡ᠃ | ᠵᠤᠴᠢᠨ ᠤ ᠡᠮᠦᠨᠡ ᠬᠡᠤᠭᠡᠳ ᠢᠶᠠᠨ ᠴᠤᠬᠢᠵᠤ ᠬᠠᠷᠢᠶᠠᠬᠤ ᠶᠢ ᠴᠡᠭᠡᠷᠯᠡᠨᠡ᠃ ᠪᠤᠰᠤᠳ ᠢ ᠶᠤᠰᠤ ᠪᠤᠰᠤ ᠪᠠᠷ | ᠬᠠᠷᠢᠶᠠᠬᠤ ᠶᠢ ᠴᠡᠭᠡᠷᠯᠡᠨᠡ᠃ ᠬᠦᠮᠦᠰ ᠠᠮᠠᠷᠠᠵᠤ ᠬᠡᠪᠳᠡᠵᠤ ᠪᠠᠶᠢᠬᠤ ᠦᠶᠡᠰ ᠶᠡᠭᠡ ᠲᠠᠭᠤᠨ ᠢᠶᠠᠷ ᠦᠭᠡ ᠶᠠᠷᠢᠬᠤ ᠶᠢ | ᠴᠡᠭᠡᠷᠯᠡᠨᠡ᠃ ᠶᠤᠰᠤ ᠪᠤᠰᠤ ᠪᠠᠷ ᠪᠤᠰᠤᠳ ᠢ ᠬᠠᠷᠢᠶᠠᠵᠤ ᠵᠤᠳᠤᠬᠤ ᠪᠠ ᠬᠡᠷᠡᠬᠦᠯ ᠦᠢᠮᠡᠭᠡᠨ ᠲᠠᠳᠠᠬᠤ ᠶᠢ ᠴᠡᠭᠡᠷᠯᠡᠨᠡ | ᠃ ᠬᠡᠤᠭᠡᠳ ᠦᠭᠡ ᠶᠠᠷᠢᠬᠤ ᠳᠠᠭᠠᠨ ᠬᠤᠷᠤᠭᠤ ᠪᠠᠨ ᠬᠦᠳᠡᠯᠭᠡᠨ ᠬᠤᠷᠤᠭᠤ ᠪᠠᠷ ᠴᠢᠴᠢᠵᠤ ᠶᠠᠷᠢᠬᠤ ᠶᠢ ᠴᠡᠭᠡᠷᠯᠡᠨᠡ᠃ | ᠶᠠᠮᠠᠷ ᠨᠢᠭᠡᠨ ᠬᠦᠮᠦᠨ ᠢ ᠪᠤᠰᠤᠳ ᠲᠤ ᠮᠠᠭᠤᠯᠠᠵᠤ ᠶᠠᠷᠢᠬᠤ ᠶᠢ ᠴᠡᠭᠡᠷᠯᠡᠬᠦ︔ ᠬᠦᠮᠦᠨ ᠤ ᠬᠠᠵᠠᠭᠤ ᠳᠤ ᠡᠮᠵᠡᠭ | ᠠᠷᠬᠠᠭ ᠲᠠᠢ ᠬᠦᠮᠦᠨ ᠢ ᠲᠠᠭᠠᠷᠢᠭᠤᠯᠵᠤ ᠬᠡᠯᠡᠬᠦ ᠶᠢ ᠴᠡᠭᠡᠷᠯᠡᠨᠡ︔ ᠦᠵᠡᠭᠰᠡᠨ ᠰᠤᠨᠤᠰᠤᠭᠰᠠᠨ ᠪᠦᠬᠦᠨ ᠢᠶᠠᠨ | ᠲᠠᠨᠢᠬᠤ ᠲᠠᠨᠢᠬᠤ ᠦᠭᠡᠢ ᠬᠦᠮᠦᠨ ᠳᠤ ᠶᠠᠷᠢᠬᠤ ᠶᠢ ᠴᠡᠭᠡᠷᠯᠡᠳᠡᠭ ᠪᠠᠶᠢᠨᠠ᠃ ᠮᠤᠩᠭᠤᠯᠴᠤᠳ ᠠᠯᠢ ᠡᠷᠳᠡᠨ ᠠᠴᠠ | ᠠᠪᠤᠭᠠᠳ ᠬᠦᠮᠦᠰ ᠤᠨ ᠲᠤᠳᠤᠭᠠᠳᠤ ᠰᠡᠳᠬᠢᠯᠭᠡ ᠶᠢᠨ ᠢᠯᠡᠷᠡᠯ ᠪᠤᠯᠬᠤ ᠦᠭᠡ ᠶᠠᠷᠢᠶᠠᠨ ᠤ ᠴᠢᠳᠠᠯ ᠢ ᠤᠨᠴᠠ | ᠡᠷᠬᠢᠮᠯᠡᠨ ᠦᠵᠡᠭᠰᠡᠭᠡᠷ ᠢᠷᠡᠭᠰᠡᠨ ᠪᠢᠯᠡ᠃ ᠶᠠᠷᠦ ᠶᠢᠨ ᠦᠭᠡᠨ ᠳᠤ ︽ᠤᠯᠠᠨ ᠤ ᠠᠮᠠ ᠠᠯᠳᠠ ᠶᠢ ᠰᠢᠩᠭᠡᠭᠡᠨᠡ︾ | ᠬᠡᠳᠡᠭ᠃ ᠠᠯᠳᠠᠭᠰᠠᠨ ᠠᠳᠤᠭᠤ ᠶᠢ ᠡᠷᠬᠢᠬᠦᠯᠵᠤ ᠪᠤᠯᠤᠨᠠ᠂ ᠠᠯᠳᠠᠭᠰᠠᠨ ᠦᠭᠡ ᠶᠢ ᠡᠷᠬᠢᠬᠦᠯᠵᠤ ᠴᠢᠳᠠᠬᠤ ᠦᠭᠡᠢ᠃ | ᠡᠭᠦᠨ ᠤ ᠲᠤᠬᠠᠢ ᠴᠢᠩᠬᠢᠰ ᠬᠠᠭᠠᠨ ᠤ ᠪᠢᠯᠢᠭ ᠰᠤᠷᠭᠠᠯ ᠳᠤ ︽ᠡᠭᠦᠰᠭᠡᠵᠤ ᠬᠡᠯᠡᠬᠦ ᠦᠭᠡ ᠶᠢᠨ ᠢᠶᠠᠨ ᠡᠪ ᠢ ᠨᠢ | ᠢᠯᠡᠬᠦᠦ ᠲᠤᠩᠭᠠᠭᠠᠯᠳᠠᠢ᠂ ᠦᠨᠡᠨ ᠰᠡᠳᠬᠢᠯ ᠤᠨ ᠦᠭᠡ ᠴᠤ ᠠᠳᠤᠭᠠᠢ᠂ ᠢᠨᠢᠶᠡᠳᠦᠮ ᠬᠢᠭᠰᠡᠨ ᠶᠠᠷᠢᠶᠠ ᠴᠤ | ᠪᠤᠯᠳᠤᠭᠠᠢ᠂ ᠦᠭᠡ ᠯᠡ ᠭᠠᠷᠤᠭᠰᠠᠭᠠᠷ ᠪᠠᠷᠢᠬᠤᠶᠠ ᠪᠡᠷᠭᠡ︾ ᠬᠡᠵᠤ ᠳ᠋ᠦᠡᠭᠨᠡᠭᠰᠡᠨ ᠪᠠᠶᠢᠳᠠᠭ᠃ ᠮᠤᠩᠭᠤᠯ ᠤᠨ | ᠡᠷᠳᠡᠨ ᠤ ᠠᠯᠤᠩᠭᠤ᠋ ᠤᠠ᠋ ᠡᠭᠡ ᠶᠢᠨ ᠲᠠᠪᠤᠳᠤᠭᠠᠷ ᠬᠦᠪᠡᠭᠦᠨ ᠪᠤᠳᠠᠨᠴᠢᠷ ᠤᠨ ᠦᠭᠡᠨ ᠳᠤ ︽ᠪᠡᠶᠡ ᠲᠡᠷᠢᠬᠦᠨ ᠲᠠᠢ | ᠲᠡᠪᠡᠯ ᠵᠠᠬᠠ ᠲᠠᠢ︾ ᠬᠡᠳᠡᠭ᠃ ᠦᠭᠡ ᠶᠠᠷᠢᠶᠠᠨ ᠤ ᠬᠠᠷᠢᠯᠴᠠᠭᠠᠨ ᠳᠤ ᠠᠬᠠᠮᠠᠳ ᠢᠶᠠᠨ ᠬᠦᠨᠳᠦᠳᠭᠡᠨ᠂ ᠦᠶᠡᠴᠤᠳ | ᠲᠡᠭᠦᠤᠰ ᠢᠶᠠᠨ ᠬᠠᠶᠢᠷᠠᠯᠠᠨ᠂ ᠪᠤᠯᠪᠠᠰᠤᠨ ᠶᠤᠰᠤᠷᠬᠠᠭ ᠢ ᠡᠷᠬᠢᠮᠯᠡᠨ ᠪᠤᠬᠢᠷ ᠪᠦᠳᠦᠬᠦᠯᠢᠭ ᠦᠭᠡ ᠶᠠᠷᠢᠶᠠ ᠶᠢ | ᠴᠡᠭᠡᠷᠯᠡᠬᠦ ᠨᠢ ᠬᠦᠮᠦᠰ ᠤᠨ ᠬᠠᠷᠢᠴᠠᠭᠠ ᠶᠢ ᠡᠶᠡ ᠡᠪᠳᠡᠢ ᠨᠠᠶᠢᠷᠠᠮᠳᠠᠭᠤ ᠰᠠᠶᠢᠬᠠᠨ ᠵᠤᠬᠢᠴᠠᠭᠤᠯᠵᠤ᠂ ᠠᠵᠢᠯ ᠦᠢᠯᠡᠰ ᠢ | ᠠᠬᠢᠭᠤᠯᠳᠠᠭ ᠶᠤᠮ᠃ | ︽ᠵᠤᠳ ᠨᠢᠭᠡ ᠵᠢᠯ᠂ ᠵᠢᠷᠤᠮ ᠲᠦᠮᠡᠨ ᠵᠢᠯ︾ ᠬᠡᠳᠡᠭ ᠢᠶᠠᠷ ᠠᠳᠠᠯᠢ ᠪᠤᠰᠤ ᠨᠡᠶᠢᠭᠡᠮ ᠳᠤ ᠠᠳᠠᠯᠢ ᠪᠤᠰᠤ | ᠶᠤᠰᠤ ᠲᠦᠷᠢᠮ᠂ ᠡᠮᠬᠢ ᠲᠢᠭᠯᠢᠮ ᠢ ᠪᠠᠳᠤᠯᠠᠵᠤ᠂ ᠦᠭᠡ ᠶᠠᠷᠢᠶᠠ᠂ ᠲᠦᠷᠢ ᠪᠠᠶᠢᠳᠠᠯ ᠪᠠ ᠦᠢᠯᠡ ᠠᠵᠢᠯᠯᠠᠭᠠ ᠶᠢ | ᠶᠤᠰᠤᠴᠢᠯᠠᠨ ᠲᠦᠷᠢᠮᠵᠢᠬᠦᠯᠵᠤ ᠪᠦᠬᠦᠢ ᠡᠨᠡ ᠬᠦ ᠴᠡᠭᠡᠷ ᠶᠤᠰᠤᠨ ᠤ ᠢᠳᠡᠪᠬᠢ ᠦᠢᠯᠡᠳᠦᠯ ᠢ ᠤᠯᠠᠨ ᠬᠠᠷᠠᠭᠠᠰᠤ ᠠᠴᠠ | ᠬᠦᠨᠵᠡᠭᠡᠢ ᠰᠤᠳᠤᠯᠤᠨ ᠮᠤᠩᠭᠤᠯ ᠦᠪ ᠰᠤᠶᠤᠯ ᠤᠨ ᠪᠤᠯᠪᠠᠰᠤᠨ ᠡᠬᠢ ᠪᠠᠶᠠᠯᠢᠭ ᠢ ᠨᠡᠭᠡᠭᠡᠵᠤ᠂ ᠬᠦᠮᠦᠰ ᠤᠨ ᠡᠳᠦᠷ | ᠲᠤᠳᠤᠮ ᠤᠨ ᠬᠠᠷᠢᠯᠴᠠᠭᠠ ᠪᠠ ᠦᠢᠯᠡ ᠠᠵᠢᠯᠯᠠᠭᠠ ᠳᠤ ᠦᠢᠯᠡᠴᠢᠯᠡᠬᠦᠯᠬᠦ ᠨᠢ ᠡᠶᠡ ᠵᠤᠬᠢᠴᠠᠯᠳᠤ ᠬᠦᠮᠦᠰ ᠤᠨ | ᠬᠠᠷᠢᠴᠠᠭᠠ ᠶᠢ ᠪᠠᠶᠢᠭᠤᠯᠵᠤ᠂ ᠠᠵᠢᠯ ᠦᠢᠯᠡᠰ ᠢ ᠠᠬᠢᠭᠤᠯᠬᠤ ᠳᠤ ᠠᠰᠤᠷᠤ ᠴᠢᠬᠤᠯᠠ ᠠᠬᠤᠢᠢᠴᠢ ᠠᠴᠢ | ᠬᠤᠯᠪᠤᠭᠳᠠᠯ ᠲᠠᠢ ᠶᠤᠮ᠃ | |